Esta xoves non puidemos contar coa colaboración de Xulio Cougil, pero fixemos un programiña bastante completo. Nun primeiro momento conectamos con Galicia para falarmos con FRAN ALLO, con quen mantivemos unha conversa-entrevista moi interesante. Falounos dos seus comezos como cantautor e do seu traballo na música actual. Agradecémoslle a súa participación no noso programa.
Despois falamos co Presidente da A.C.G.Rosalía de Castro de Cornellà, quen nos puxo ao corrente das moitas actividades que ben desenvolvendo esta Entidade, tanto para socios como para non socios.
O noso correspondente en Monforte de Lemos, como cada semana, volveu a deleitarnos coa súa escolla de noticias e comentarios tan axeitados. Non deixa puntada sen fío e sempre aproveita para darlle un toque de humor retranqueiro cheo de engado.
Para finalizarmos, puxémonos en contacto con XOAN LUACES FANDIÑO, responsable de Boa Music e FOL MUSIC, en Galicia. Coméntanos unha serie de novidades musicais e publicacións moi interesantes.
A vindeira semana tentaremos facer outro programiña máis. Se podemos mellor.
GALEGOS no BAIX: Programa de entretenemento, música e entrevistas, en Língua Galega, con ARMANDO FERNÁNDEZ e XULIO COUXIL
No hay comentarios:
Publicar un comentario