XOVES 01 de OUTUBRO do 2026

Comezamos coa nosa sintonía, as salutacións e un bocadiño de música. Temos que disculpar ao noso compañeiro ARMANDO FERNÁNDEZ, que sigue recuperándose, desexándolle que pronto se recupere e nos acompañe aquí nos estudios. Escoitamos unha peza de música que pertence a NELSON QUINTEIRO. Precisamente con el conectamos para que nos informe da súa traxectoria, tanto musical como creativa. A conversa e información recibida está chea de moitas e interesantes aportacións. Os interesados poden recoller máis información na súa páxina: https://www.nelsonquinteiro.com/. Fálanos da súa creatividade, da música, especialmente da musicoterapia, de "Mais Cantos"... etcétera. Disfrutamos coa súa aportación de hoxe. Desexámoslle que siga colleitando moitos éxitos e prometemos voltar a poñernos en contacto con el para que nos siga axudando a coñecer, máis polo miúdo, a súa traxectoria creativa. Desexámoslle que teña moito éxito.

Escoitamos outro bocadiño de música e poñémonos en contacto con XOSÉ LOIS ROMERO, a quen felicitamos polo seu traballo creativo "a banda sonora orixinal" do espectáculo "A serie Clope", do Centro Dramático Galego. Mantemos unha conversa distendida e moi interesante sobre ese último traballo así como tamén do disco "Latexo" de Xosé Lois e Aliboria. está esgotado. Anúncianos que está a traballar para poder ofrecernos un novo disco que ten previsto se publique a principios do vindeiro ano 2027. Estaremos atentos. Desexámoslles que teñan moitos éxitos.

Poñémonos en contacto co noso correspondente XOSÉ MANUEL F. MONTES, encargado da sección QUEN CHE PREGUNTOU? Está dividida en tres apartados precedidos dunha entradiña musical, onde vai debullando novidades e informacións. Finaliza cunha colaboración que ofrece un refrán ou dito galego.

Conectamos con XOSÉ CANOSA, Presidente da Asociación Cultural Galega "Airiños da Nosa Galicia" de Santa Coloma de Gramenet. Infórmanos da iniciación do cruso 2026/27, coas clases, da obra de teatro solidario no teatro Segarra de Santa Coloma, onde recolleron tres toneladas e media de alimentos, da próxima actuación nas "Festas do Pilar" en Zaragoza, da próxima celebración da "Festa Cultural e Gastronómica, do Pulpo e do Marisco" prevista para os días 15, 16, 17 e 18 de outubro. Felicitámolo polo traballo que levan adiante e desexamos que teñan moito éxito.

Damos a coñecer unha noticia relacionada coa publicación do número 55 da revista "Raigame", adicada exclusivamente á figura de don Ramón Otero Pedraio. Os interesados poden solicitala á Deputación Provincial de Ourense. E aproveitamos para despedirnos ate o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 24 de SETEMBRO do 2026

Unha nova emisión deste programiña en lingua galega. Comezamos coa nosa sintonía, as salutacións e disculpando a ausencia do noso compañeiro ARMANDO FERNÁNDEZ, que se atopa convaleciente. Desexamos que pronto se recupere para poder compartir con el estos momentos radiofónicos. Escoitamos un bocadiño de música e poñémonos en contacto con MIGUEL FRAGUAS, da Asociación Cultural FOULA de Cerdedo/Cotobade. Felicitámolo pola parte que lle toca xa que veñen de celebrar a "12 Festa do Pan de Millo e ovo", con grande éxito e con moita paticipación e asistencia. Coméntanos que esta Asociación foi fundada fai 35 anos, que segue a traballar cos seus asociados celebrando moitas actividades e actuacións e cidades veciñas. Teñen unha Banda de Gaitas. Están moi orgullosos do traballo que están a desenvolver. Agradecémoslle a súa amable atención e desexamos que teñan moitos éxitos.

Despois de escoitar outro bocadiño de música, poñémonos en contacto con MIRIAM, da nosa Asociación C.G. Rosalía de Castro de Cornellà. Encetouse o curso 3036/27 o sábado da semana pasada, con aulas e clases para gaita, percusión e baile. Xa tiveron unha primeira actuación do Barrio da Gavarra. Próximamente actuarán en Nou Barris, con motivo da celebración da "Festa do San Froilán, o día 2 de outubro. Para o día 3 na Festa do "Barrio Centre" de Cornellà. O 10 de outubro participación e actuación na Festa que organiza a Casa Galega de Hospitalet. Previsión da Festa do Magosto na segunda semana de novembro, con castañas da zona da Gudiña (Ourense) e celebración do Campionato de Tute. Máis adiante, no mes de novembro, celebración do "XL Certame de Poesía Rosalía de Castro". Todo esto acompañado de gastronomía galega no "Restaurante Rosalía de Castro", na rúa Federico Soler, 71. Desexamos que o disfruten e que sigan colleitando moitos éxitos.

Despedimos a Miriam con música e con esa mesma música recibimos a LUÍS, da Granxa-Queixería ARQUEIXAL. Unha Granxa Familiar, situada na parroquia de Santiago de Albá, na zona da Ulloa. Producen queixo, yogur e leite fresco. Recuperaron e restauraron unhas Casas Rurais que alugan aos hóspedes que se achegan para disfrutar do natural e rural respectando o medio ambiente, dende un punto de vista ecolóxico, económico e social. Felicitámolo porque acaban de ser premiados cun Bacelo de Prata, que lle será entregado o vindeiro día 3 de outubro no Pazo de Ulloa, en Esposende. Mantemos unha conversa moi amena e chea de información sobre ese proxecto tan interesante. Desexamos que siga colleitando moitos éxitos.

Informamos das diferentes actividades que ten previsto realizar a Asociación "Airiños da nosa Galicia" en Santa Coloma de Gramenet, que ampliaremos con máis detenemento o vindeiro xoves, que termos a participación do seu presidente Xosé Canosa.

Despois da música damos información das novidades que nos chegaron á Redacción do programa. E aproveitamos a peza final para despedirnos dos nosos escoitantes e seguidores, desexando que volvan a conectar con nosoutros o vindeiro xoves á mesma hora. ¡Que teñan unha feliz semana!

Deixamos aquí o programa completo.

XOVES 17 de SETEMBRO do 2026

Comezo dunha nova tempada 2026-2027. Escoitamos a nosa sintonía de sempre, as salutacións e discupamos a ausencia do noso compañeiro Armando Fernández, por mor da convalecencia que lle impide poder estar presente no programa de hoxe. Escoitamos unha gravación musical de dona DOLORES MACÍA POSE, recollida no mes de maio do 2010, cantada "a capela" e que leva por título "A gaita do Cristovo". A continuación recibimos a dona ISABEL NEIRA, da empresa ATALANTA MADERA. É unha das torneiras deste taller de torneiras de madeira instalada en Brens, no concello de A Estrada. Parabenizámola por ese traballo centenario herdado. Ela, xunto coa súa irmá ANA NEIRA, son a 7ª xeración dun oficio que continúan con moito agarimo e dedicación. Teñen unha páxina propia: https://atalantamadera.com/gl/nos/, que serve para poder poñerse en contacto con elas e mercar algún dos seus produtos de madeira torneados e de grande calidade. Agradecémoslle a súa participación no programa de hoxe.

Despois de escoitar outra peza musical, poñémonos en contacto con ISAAC, responsable e director da empresa GRALIOS.com. Traballan con familias que apañan castañas nos soutos de Galicia e do Norte de Portugal. Cando os seus clientes reciben a súa demanda, levan o traballo e o coidado de xeracións de persoas que cultivan eses produtos de calidade. Tamén distribúen noces e mel, e outros produtos. A conversa con Isaac axúdanos a coñecer un bocadiño máis esa proposta de atención tan interesante. Desexámoslle moitos éxitos.

Voltamos a escoitar outra peciña musical e recibimos ao noso correspondente na capital da Ribeira Sacra: XOSÉ MANUEL F. MONTES, encargado da sección QUEN CHE PREGUNTOU? que segue coa mesma distribución da tempada anterior: 1.- O Bule-Bulo, 2.- Que pasa que pasa na Ribeira Sacra e 3.- Sabedoría Popular, que debulla moi concienzudamente e axúdanos a coñecer aconteceres de Galicia en xeral e moi particularmente daquela contorna da Ribeira Sacra, xunto coa recolleita e aportación cultural moi especial do noso idioma. Dámoslle as grazas e despedímolo ata a vindeira intervención.

A continuación recibimos a EVA CAMEÁN PENSADO, da Librería Clarión, en Carballo (A Coruña). Unha lectora empedernida que nos engaiolou coas súas aportacións que coñecimos nas redes. Libreira, creadora de contido e activista cultural galega. Parabenizámola e mantemos con ela unha conversa distendida e moi engaiolante. Agradecémoslle a súa amable atención. Propuxémoslle que nos faga unha intervención quincenal ou mensual recomendándonos algúns dos libros que ela vai lendo ou recibindo na súa librería, para que os nosos escoitantes e seguidores elixan, se queren, algún dos que ela nos vaia propoñendo. Quedamos que así o fará. Agradecémolle a súa disponibilidade e participación. Hoxe mesmo adiantounos a recomendación de dúas lecturas recentes, moi interesantes: "Lume Azul" de Pedro Feijoo e "Nos os tolos" de Tania Castelo. Agradecémoslle a sua inestimable aportación e ficamos á espera de que pronto volva a poñerse en contacto con nosoutros para recomendarnos outras lecturas. ¡Moitísimas grazas, EVA!

Deixamos aquí o programa completo.

 

XOVES 25 de XUÑO do 2026

Neste último programa desta tempada 2025/2026, comezamos coma sempre coa nosa sintonía, as salutacións oportunas e dándolles a ben-vinda. Tiñamos previsto conectar con Álvaro, responsable do Centro Social A Pedreira de Pontevedra, pero agora mesmo non está accesible. Tentarémolo máis tarde e aproveitamos para darlles a coñecer unha noticia relacionada con este Centro Social, e moi importante, xa que acaban de recibir unha sentencia xudicial favorable. Escoitamos algo máis de música.

A continuación poñémonos en contacto con ANA VILA PORTOMEÑE, a Poeta Labrega de Taboada. Felcitámola polo seu traballo creativo e pola súa participación no Colectivo "Nexo Artistas Lugo", tamén nos comenta algunhas cousas máis relacionadas coa súa activa colaboración noutras formacións e concretamente coas "Facedoras de Lugo", así como tamén cos de "Fademur", esa Organización que representa, defende e presta servizo a milleiros de mulleres que viven e traballan no medio rural de toda España. Parabenizámola. E para despedirse agasállanos coa lectura do poemiña que lle adicou ás Facedoras de Lugo. ¡Moitas Grazas, ANA!

Agora, sí que conectamos con ÁLVARO, do Centro Social "A Pedreira", en Pontevedra. Agradecémoslle a súa participación no programa de hoxe. Primeiro coméntanos o asunto da sentencia favorable que lles  concederon, relacionada coas axudas e sub-vencións e axudas que lles tiñan denegadas, pero que agora pronto as recibirán. Cóntanos cales son os principais obxectivos deste Centro Social, e moi específicamente a que acaban de celebrar con motivo do San Xoan. Felicitámolo e desexámoslles moitos éxitos.

Falamos con ALBERTO MILLÁN BETANZOS, un dos compoñentes de "Os Monifates".  Son un duo formado por Alberto e Xosé Piñerio Pérez, cunha grande traxectoria musical e creatividade lutier, que se xuntaron aló polo 2013 para deseñar ese proxecto que contén as súas inquedanzas artísticas e tradicionais relacionadasa coa música, o baile, os monicreques e a cultura galega en xeral. Mantemos unha conversa distendida e interesante. Ademais de agradecerlle a súa participación de hoxe tamén nos fala da súa traxectoria de máis de 10 anos de existencia, veñen de actuar e participar no "Ribeirocreques".

Recibimos ao noso correspondente XOSÉ MANUEL F. MONTES, encargado da sección QUEN CHE PREGUNTOU? que contén os tres apartados tan característicos. Sentimos moito non ter dado o resultado, en directo, o "bulo" que tentou colarnos na súa primeira intervención do "Bule-Bulo". Non fixemos mención porque tentou facer unha brincadeira coas noticias e non había "bulo" ningún, aínda que algún o parecese. 

Aproveitando as músicas que temos de fondo enviamos os mellores desexos para todos vosoutros, escoitantes e seguidores. Despedímonos ata o mes de setembro que voltaremos con moitos azos para reanudar este programa. continuaremos tódolos xoves á mesma hora de 16 a 18h horas da tarde. ¡Que teñades un FELIZ VERÁN!

Deixamos aquí o programa Completo - Enteiro.

XOVES 18 de XUÑO do 2026

Comezamos unha nova emisión do "Galegos no BAIX" coa nosa sintonía, as salutacións e desexándolle unha pronta recuperación ao noso compañeiro Armando Fernández, que se atopa un pouco delicado. Seguro que pronto se reincorporará e terémolo en directo. Dámoslle as grazas ao noso técnico DANI, que é o responsable de que este programa saia adiante, e poñemos unha peza musical para darlle paso ao noso primeiro convidado: XOSÉ GONZÁLEZ MARTÍNEZ. Agradecémoslle a súa atención e felicitámolo polos 30 anos de celebración dos Premios Lois Peña Novo. Iste ano os homenaxeados serán: O Equipo de Comunicación do Real Clube Celta de Vigo, polo seu labor constante dende o 2013 ao incorporar o galego ao fútbol profesional. Xosé Manuel Beiras Torrado, pola súa prolongada traxectoria e a súa obra intelectual en defensa de Galicia e a súa língua. E Dona Aurora Marco López, en recoñecemento a o seu compromiso constante co galego como ferramenta de investigación e divulgación. Tamén nos fala do Foro E. Peinador e do grande personaxe que foi ese filántropo e benefactor Enrique Peinador Lines.

A seguinte intervención é a de EFRAÍN DÍAZ VÁZQUEZ, Doutor, compositor, instrumentista e Profesor de Música, a quen felicitamos polo seu Doutoramente que acadou un Sobresaliente cum lude. A súa tese: "Os procesos de mutación e troco na cultura. O Pito Pastoril na Galicia". Agradecémoslle a súa grande colaboración ao facilitarnos a composición de Xiao, acompañada da súa interpretación co Pito, para que se covertira na nosa sintonía do programa. É unha honra e un pracer poder disfrutar desa música, que compartimos cada xoves con tódolos nosos escoitantes e simptaizantes. ¡Moitísimas grazas Efraín!

Continuamos a emisión e falamos con SANTI VELOSO, responsable da "Asociación Ponte nas Ondas", que veñen ser escollidos pola Unesco para presentar o seu modelo cultural e pedagóxico en China. Teñen tres proxectos desenvolvidos en Galicia que amosarán na reunión do Comité Interxeneracional da UNESCO, e extender a iniciativa RadioVisual do Patrimonio a Sanabria, Lubián e o Bierzo. Coméntanos a recente celebración do mencionado RadioVisual que se desenvolveu en 6 localidades galegas: San Cristovo de Cea, Muros, A Ribeira de Piquín, Modariz Balneario, Castro de Rei e Quiroga. Un éxito dos alumnos participantes e da comunidade educativa. Agradecémoslle a súa información e desexámoslles moitos éxitos na súa visita a China.

Poñémonos en contacto con ASER ÁLVAREZ GONZÁLEZ, de Arraianos Produccións, que ven de recibir o Premio de Periodismo Manuel Lueiro Rey do Concello de Fornelo de Montes. Parabenizámolo. A peza gañadora trata o tema da contaminación medioambiental xenerada polas macrogranxas na comarca de A Limia. Coméntanos a súa satisfacción por esta concesión que lle fai moita ilusión. Tamén nos fai partícipes da próxima inauguración da exposición "Os camiños de Elías Valiñas", que se fará mañá mesmo, día 19 de xuño no Salón de Actos do Concello de Bande. Este traballo ven de ser presentado en moitas localidades e mesmo no Instituto Cervantes de Beijing. Agradecémoslle a súa detallada comunicación e desexámoslle moitos éxitos.

Facémonos eco dunha noticia que nos chegou á redacción: O Centro Social A Pedreira, de Pontevedra, ven de recibir a sentencia favorable en relación á demanda que tiña interposta contra a Deputación de Pontevedra, que lle denegara a concesión dunha sub-vención.

 

Falamos con PEPE FORMOSO, do Bela Fisterra e Bela Muxía. Parabenizámolo por ter acadado un recoñecemento e Premio Podcast, polo seu traballo de comunicación en Radio Neria, "Falar sen cancelas". Desexamos que siga colleitando moitos éxitos. Tamén nos comenta algo sobre a CMAT (Costa da Morte Asociación de Turismo), que están a traballar, xunto cos Concellos, para ofrecer propostas turísticas e culturais para este verán. Agradecémoslle a súa participación no programa de hoxe.

 

Deixamos aquí o programa Completo - Enteiro.

Publicación do PREGÓN, e máis cousas, da nosa Asociación C.G.Rosalía de Castro, de Cornellà

Desexamos compartir cos nosos escoitantes e seguidores este pequeno documento que recolle un resumo da "Festa Galega de CAN MERCADER" diste ano 2026, celebrada os días 4, 5, 6 e 7 de XUÑO pasado. Nesta Grande Festa Major de Cornellà, a nosa Asociación tivo a honra de ser Pregoeira desta Festa. Este pequeno retallo documental recolle algúns dos momentos máis relevantes, que constitúen unha pequena semblanza do que representa esta nosa Asociación C.G. Rosalía de Castro, na sociedade cornellanenca. 

XOVES 11 de XUÑO do 2026

Comezamos coa nosa sintonía, as salutacións e un bocadiño de música para recibir ao primeiro convidado, OVIDIO SANTOS  DACAL, que pertence á Asociación Cultural Galega AIRIÑOS DA NOSA GALICIA, en Santa Coloma de Gramenet. Felicitámolo polos actos e eventos que veñen desenvolvendo estes últimos días, como a celebración das Letras Galegas, a colaboración e participación na Festa do Barrio Riu Sud, a participación no Día de l'Associacionisme a Catalunya que se celebrou no Teatro Lluïssos de Horta, pero o motivo principal da chamada é para saber algo máis sobre o evento que se celebrará o día 13 de xuño no edificio Aura Seguros a partir das 18h: Exposición Otero Pedrayo co Lapis de Siro. Proxección do documental Ramón Otero Pedrayo: Dereito á paisaxe, coa participación da súa directora María José Bravo Bosch e a Intervención do Presidente da Fundación Otero Pedrayo, José Eduardo López Pereira. Parabenizámolos e desexamos que teñan moito éxito.

Damos lectura ás informacións relacionadas cos eventos que teñen previsto realizar no Concello de Pantón. Temos que disculpar a intervención de Francisco Xabier González, Técnico de Cultura do Concello, que por mor doutro compromiso non puidemos contactar con el. Demos a coñecer os diversos actos previstos para eses días que mencionamos e desexamos que teñan moito éxito e audiencia abondosa, que seguro disfrutarán con todos eles.

Poñémonos en contacto con ANTÓN BLANCO RODRÍGUEZ, Vicepresidente da Fundación Vicente Risco. Fálanos das "I Xornadas de Literatura Fantástica Actual en Linguas Ibéricas (PORTALEN)", que comezarán este sábado día 13, coa presentación do libro "HOME" de Antón Risco, como homenaxe ao centenario do seu autor. Finalizarán os actos co Concerto de Alumnas do Seminario Permanente Officina Utricularii, a partir das 20h na Igrexa de Santiago. Sempre é un pracer e unha honra poder manter unha conversa tan amena e chea de informacións con Antón, que nos recibe con tanta amabilidade. Desexamos que teñan moito éxito.

Recibimos a XOSÉ MARÍA EGUILETA, arqueólogo que foi do Concello de Ourense. Dámoslle os nosos parabens porque acaba de incorporarse ao noso clube de "xubileo", que lle desexamos que sexa un disfrute ben meriecido. Fainos un pequeno percorrido pola arqueoloxía e historia antiga da cidade de Ourense, moi centrada nas porpias Burgas e os seus arredores. Paga a pena escoitalo nesta conversa tan feiticeira. Agradecémoslle a súa participación no programa de hoxe e prometémonos voltar a convidalo en vindeiras datas para que nos fale dos trescentos dólmenes que ten documentados na Baixa Limia, e outras importantes arqueoloxías da zona.

 

Despedímonos ata o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro. 

XOVES 4 de XUÑO do 2026

Comezamos unha nova emisión coa nosa sintonía, as salutacións e un bocadiño de música para recibir ao primeiro convidado: LUÍS MIGUÉLEZ, responsable da Empresa familiar, que titula OS SABORES GALEGOS. O seu obrador está en Vila de Cruces, aínda que tamén ten despachos en Pontevedra e na Coruña. Recíbenos moi cordialmente e cóntanos cómo foi a experiencia na "Festa Camiño das Letras" a fin de semana pasada en Rubí. Cóntanos cómo elabora a maioría dos proutos que ofrece e que se poden adquirir cando se presenta cun posto ben ateigado de produtos artesanais: queixo de tetilla, chourizos, empanadas, pan de diferentes fariñas e composicións, elaborados con masa madre, licores caseiros como o licor café, crema de oruxo, etcétera. Está moi satisfeito da moita clientela fidel que sempre lle merca os produtos que ofrece, de grande calidade. Agradecémoslle a súa participación e desexamos que teña moito éxito.

 

Conectamos novamente con Galicia para poñernos en contacto con MARTA DELGADO GONZÁLEZ, que nos informa moi detalladamente da "II Feira de Mostras de Santa Comba de Bande". Un lugar emblemático, a carón desa igrexa visigótica, onde se poderán adquirir moitos produtos la zona, e tamén teñen organizada o Roteiro das tres culturas: "Camiño de San Rosendo e Raínha Santa". Recibiron unha pequena subvención e teñen previsto realizar a sinalización actualizada dese camiño de Santiago, que é unha posta en valor dese trazado espectacular que atravesa a Baixa Limia. Tamén nos fala da demanda reivindicativa sobre a prolongación da AG .31, para que finalice concretamente na veciña Portugal, atravensando a Raia-Seca. Agradecémoslle a súa aportación e interesante información detallada.

Informamos da próxima Festa Galega de Can Mercader (Cornellà) esta próxima fin de semana, organizada pola A.C.G.Rosalía de Castro e da próxima oferta cultural-humorística, que se poderá disfrutar o día 20 no Centro Galego de Barcelona a paartir das seis da tarde, e que leva por título: "Bueno Carallo Bueno".

 

Recibimos a crónica do noso correspondente dende a capital da Ribeira Sacra, XOSÉ MANUEL F. MONTES, encargado da sesión QUEN CHE PREGUNTOU, que el divide e tres apartados. Ao final do programa desvelamos a noticia que el tentou colarnos.

E finalizamos o programa conectando novamente con Galicia para falarmos con XACOBE, que nos pon ao corriente das actuacións: SETE FALARES que se levarán a cabo, esta próxima fin de semana en Pontevedra.  Contarán con actuacións de grande renome, como  será a Inauguración cunha peza de teatro a cargo: Apaga o Candil a cargo de Avelino González e Toni Salgado, dirixidos por Cándido Pazó. Desexamos que teñan moito éxito. Terán a participación de grandes contadores de historias, artistas de Cuba, de Madeira, galegos e portugueses... Desexamos que teñan moito éxito.

Finalizamos o programa e desexamos que pronto volvan a sintonizarnos, ata o vindeiro xoves á mesma hora.

 

 Deixamos aquí o programa Completo - Enteiro.

XOVES 28 de MAIO do 2026

Comezamos o programa coa nosa sintonía, as salutacións oportunas e unha peza de música de Luar na Lubre, porque tentamos poñernos en contacto con BIEITO ROMERO, o fundador e director deste famoso Grupo musical galego que cumnplen nada menos que 40 anos de traxectoria. Felicitámolo e agradecémoslle a súa amable atención. Están de xira, e xa levan realizado unha boa presa de Concertos neste ano, pero agora terémolos o día 5 de xuño próximo con motivo da Festa Galega de Can Mercader, en Cornellà, organizada pola Asociación C.G.Rosalía de Castro. Anúncianos que teremos a oportunidade de disfrutar coa presentación dalgún dos novos temas que se incluirán no próximo libro-disco que está a piques de publicarse. Desexámoslles moitos éxitos.

A seguinte peza é de ANTÍA MUIÑO, outra catautora e compositora galega, de quen escoitamos un bocadiño dunha das súas pezas, incluidas no seu ultimo traballo que leva por título: Anfibia por veces. Precisamente este traballo será  o que virá a presentar na Sala Club Paralel,62 o vindeiro día 30 de maio. Felicitámola e e desexámoslle que teña moito éxito.

Recibimos a IRIA, da Irmandade Galega de Rubí, que é a coordinadora do "IX Certame de Literatura Relato Curto, Manoel Rivas". Cóntanos que se recibiron más de cento cincoenta escritos ou relatos, que foron evaluados por un xurado elixido pola Entidade e xa teñen os títulos que serán premiados no día de mañá, venres 29 de maio, con motivo da inauguración da Festa da Letras e do Camiño en Rubí, a partir das 19h da tarde, na Rambla do Ferrocarril, en Rubí.

 

Tamén falamos coa Presidente da "Irmandade Galega de Rubí", dona Silvia Castañeda, que nos informa da "Festa das Letras Galegas e do Camiño, que se realizará, como dixemos, os días 20, 30 e 31 de maio próximos na Rambla do Ferrocarril de Rubí. Comezarán coa impartición de dúas Conferencias, a lectura e entrega dos respectivos diplomas aos gañadores do "IX Certame de Relato Curto Manolo Rivas", e despois da degustación gastronómica correspondente haberá festa e verbena amenizada por varios Grupos musicais. Agradecémoslle a súa atención e desexamos que teñan moita audiencia e participación.

A charla con PEPE FORMOSO, sempre é unha pequena aprendizase de comunicación. Infórmanos da celebración do cento vintecinco aniversario do Centro Galego de Barakaldo, onde asistiu para participar na homenaxe a Kepa Junquera. Estivo acompañado por musicos galegos de prestixio, e contaron coa presencia da filla de Kepa e da súa mai. Tamén nos comenta a súa viaxe a Burgos para entregarlle o XIII Premio Internacional Aymerik Picaud, a Francisco Fangul, concedida pola Liga de Asociacións de Xornalistas do Camiño de Santiago Francés e que recoñece a súa traxectoria na investigación, estudo e divulgación do fenómeno xacobeo.

Despedímonos dos escoitantes e seguidores ata o vindeiro xoves á mesma hora.

Deixamos aquí o programa Completo - Enteiro.

XOVES 21 de MAIO do 2026

Outro xoves con todos vosoutros. Comezamos coa nosa sintonía, as salutacións e un bocadiño de música para recibir ao primeiro convidado: MANUEL VÁZQUEZ OSORIO, Presidente do Centro Galego NÓS de Sabadell. Felicitámolo pola recente celebración da Letras Galegas a semana pasada. A continuación infórmanos da próxima celebración que vai ter lugar na Entidade este mesmo sábado a partir das 19 horas, A Sardiñada anual que sempre congrega a moitos socios e simpatizantes. Desexámoslles que teñan moit asistencia e participación. Tamén nos fala da próxima "Festa Galega" no Eix Maciá, de Sabadell, prevista para os días 12, 13 e 14 de xuño próximo, na que contarán con degustacións gastronómicas a cargo da "Casa Díaz". Inauguración cun pica-pica o venres día 12 e posterior actuación de orquestras e música de verbena. Agradecémoslle a súa detallada información e desexámoslles que teñan moito éxito.

Casa Florencio

A segunda intervención, é a de DANIEL VILA DURÁN, da Casa Florencio, no lugar de O Verdugo, pertencente ao Concello de A Lama. Fálanos de celebración do "Concurso de Espantallos" que xa están expostos na "Ruta da Liberdade", que é un percorrido por un sendeiro cheo de natureza, a carón do río Barbeira. Levan xa varios anos celebrando este evento que ten moita participación e concurrencia. Este sendeiro estivo axeitado e axudaron a limpalo e sinalizado os internos do cárcere da Lama, xunto coa Asociación de veciños. Parabenizámolo polo ese traballo de sociabilidade e posta en valor do entorno natural e de convivencia que amosan. Desexámoslle que teñan moito éxito.

Christian 

A continuación damos lectura a un traballo moi interesante relacionado co nome de ESPOSENDE. Os tres lugares e unha raíz xermánica, pero unha língua con dous brazos. A primeria Santiago de Esposende en Ribadavia, a segunda a dous quilómetros de Ribadavia, Santa Mariña de Esposende, no concello de Cenlle. E a terceira, e máis famosa, Esposende de Portugal. Cidade, concello e freguesía, na foz do río Cávado. Un fermoso texto que nos enviou CHRISTIAN SALLES, brasileño, e grande entusiasta dos nosos programas, a quen lle agradecemos a súa aportación. ¡Moitas grazas, CHRISTIAN!

Recibimos a crónica do noso correspondente na capital da Ribeira Sacra -Monforte de Lemos- XOSÉ MANUEL F. MONTES, encargado da sección QUEN CHE PREGUNTOU? que el subdivide en tres apartados que levan por título a) Bule-Bulo, b) Que pasa que pasa, na Ribeira Sacr, e c) Sabedoría popular, na que recolle ditos, refráns, frases e anotacións na súa "libretiña pequena". Finaliza coa colaboración dun personaxe que aporta as súas escollas de ditos ou frases enxebres galegas, pouco empregadas.

 

David Carrera

Conectamos novamente con Galicia para falar co Ilmo.Sr.Alcalde de A Lama, don DAVID CARRERA CAL, que nos recibe moi amablemente e preguntámoslle polos diversos sendeiros que teñen no Concello que son moi visitados e de grande interese. Tamén nos fala da Semana Cultural que hai un tempo mudou o seu título por "Verán Cultural". As moitas e diversas Festas, concretamente a Festa gastronómica do Codillo, prevista para primeiros do mes de xuño. Desexamos que teñan moito éxito.

 

Despedimos o programa, con música de fondo, desexando que teñan unha feliz semana e agradecéndolles que nos sintonicen.

Deixamos aquí o programa Completo - Enteiro.

XOVES 14 de MAIO do 2026

Un novo programa, este xoves. Comezamos coa nosa sintonía, as salutacións e propoñemos a escoita da peza "Begoñísima" interpretada por Uxía e Malvela, para recibir a VANESA BALBOA, da Federación de Entidades Galegas en Cataluña (FEGALCAT), coa que mantemos unha conversa moi amena, para recibir información da próxima celebración esta fin de semana, o 16 de maio, no Centre Civic Cotxeres Borrell de Barcelona: Festival Intercultural de música e canción Tradicional, no que participarán a Irmandade A nosa Galicia de Mollet, Grupo Kredo de Ucrania, Dulzaina Sierte de Castela e León, Cantoría Re-Quinto de América e a Cova da Serpe de Barcelona. Tamén nos comenta que o vindiero día 29 de maio celebrase unha Conferencia que impartirá a Profesora e Escritora Pura Salceda, sobre a vida e obra de Begoña Caamaño, no Salón de Tinell do Concello de Barcelona. Agradecémoslle a súa participación no programa de hoxe.

Continuamos a emisión poñéndonos en contacto con FERRAN BOTIFOLL, responsable do Grupo Amateur de Teatro "Denigrantes Comediantes" que acaban de estrenar o domingo pasado, en Nigrán, un novo proxecto teatral que leva por título "O QUE CALAMOS". Fainos unha pequena descrición dese traballo teatral tan interesante, co que recibiron unha excelente acollida e moita participación dos veciños e interesados. Precisamente grazas a esa actuación e demanda tiveron unha actuación nas Pontes e tamén foron reclamados para unha actuación próxima en Goián. Augurámoslles moitas máis actuacións e "bolos" para seguir disfrutando coa súa proposta teatral tan interesante.

Poñémonos en contacto con BEATRIZ VILA FREIRE, responsable en Monforte, da Asociación de Empresarios da Hostelería da provincia de Lugo. Parabenizámola, porque nos informa da celebración que están a realizar cada xoves deste mes de maio, no Centro do Viño da Ribeira Sacra, en Monforte de Lemos. Ese evento leva por título: "Marida MAIO", que xa vai pola súa 3ª Edición, na que se pode disfrutar da enogastronomía, con mostra de adegas e os seus viños, exposición de artesanía e oleiría. Segue a traballar nesa grande mostra gastronómica sendo unha grande embaixadora do "Para comer Lugo". Agradecémoslle a súa información detallada e desexamos que teña moitos éxitos.

Conectamos con JUAN CARLOS ARMESTO, Ilmo.Alcalde do Concello do Saviñao. Fálanos da "XX Festa do Viño e da Cereixa de Belesar", organizada pola Asociación desa localidade e patrocinada polos concellos de Saviñao e Chantada. Será esta fin de semana, os días 16 e 17 de maio. Unha celebración que conta cunha traxectoria excelente. Haberá unha carpa onde estarán os expositores cos seus produtos, especialmente as adegas e os propios produtores de cereixas para degustación dos asistentes. Tamén terán música pra amenizar o evento. Agradecémoslle a súa colaboración informándonos e desexamos que teñan moito éxito e moita asistencia para disfrutar entre todos.

Informamos de diversas actuacións ás que asistirá a Banda da Asociación C.G.Rosalía de Castro de Cornellà. Esta fin de semana. días 16 e 17 de maio, en Badalona, participando na Festa que organiza a Asociación C.G.Agarimos de Badalona. A seguinte fin de semana tamén actuarán na Festa do Camiño organizada pola Asociación Irmandade Galega de Rubí, prevista para os dias 29, 30 e 31 de maio próximo. Tamén informamos da próxima celebración da "Festa Galega de Can Mercader" para os días 4, 5, 6 e 7 de xuño próximo. Concretamente a A.C.G.Rosalía de Castro será a encargado do pregón da "Festa Major de Cornella" o día 4 ás 21 horas. Aproveitamos para despedirnos de tódolos nosos escoitantes.

Deixamos aquí o programa Completo - Enteiro.

XOVES 7 de MAIO do 2026

Comezamos esta nova emisión radiofónica coa nosa sintonía, as salutacións oportunas e un bocadiño de música para recibir ao noso primeiro convidado: LUÍS HENRIQUE, fundador do Grupo Musical OS CARUNCHOS. Parabenizámolo porque é un dos artistas convidado a participar na "IV Edición do RURALSIA" organizado polas Mulleres Rurais de Taboada, prevista para o día 9 de maio próximo. A súa intervención contará con poesía e música. A realización deste acto está prevista que se faga no Pazo de San Pedro de Bembibre. Desexámoslle que teña moito éxito.

A seguinte conversa-entrevista é con XIANA MOURENZA, outra artista, poeta e cantautora que tamén participará no RURALSIA de Taboada. Agradecémoslle a sua amable atención e felicitámola pola súa intervención neste evento tan interesante. Coméntanos a súa traxectoria e participación, cómo está de involucrada formando parte deste acto tan importante para a localidade de Taboada, de cómo comezou dende cativiña a bailar e tocar a acordeón. Escribe poemas e envíalle-los a coñecidos e amigos pero, de momento, aínda non os ten publicados. Desexámoslle que teña moito éxito.

Falamos con CRISTINA DOMÍNGUEZ, Concelleira de Turismo do Excmo.Concello de Pantón, que nos fala da "XXXI Mostra de Viños da Ribeira Sacra de Pantón". Unha celebración que comezará mañá mesmo coa apertura de carpas e Degustación e Cata Popular de viños. O sábado voltarán a ter outra cata de viños e a partir das 13:30 celebrarán o "Brinde do Viño" simultáneo en toda España, polo día Movimento Viño D.O. O pregón deste ano correrá a carago do enólogo e sumelier LUÍS L. PAADÍN. Tamén se celebrará a "IX Festa da Empanada", elaborada con produtos do país. Desexamos que teñan moito éxito de asistencia e participación.

A continuación recibimos a dona DIGNA RIVAS, Alcaldesa de Redondela. Parabenizámola pola "XXXIX Festa do CHOCO-2026" que terá lugar os días 8, 9 e 10 de maio próximos. Comezará o venres coa inauguración da Carpa de Degustación e actuación musical da Orquesta Saxo e verbena co Grupo América Vigo. O sábado a apertura da carpa contará coa actuación do grupo de Baile e Gaitas Airiños de San Simón. Contarán coa charla e pregón de Miguel Angel Revilla. Un detalle importante que nos indica é que a ONCE, en homenaxe a este acontecemento imprimiu os boletos do sorteo do día de onte relacionando a Festa do Choco de Redondela. Parabenizámola e cóntanos que tamén tiveron a mesma situación coa Festa da Coca en anos anteriores. Nesta celebración pódense degustar os chocos de Redondela elaborados de moitas e diversas formas, encebolados, en croquetas, con arroz, na súa tinta, en empanada ... etcétera. Agradecémoslle a detallada información e desexamos que teñan moito éxito.

Informamos, a continuación da celebración da "Feira do POLBO e SERÁN" que ten organizada a Asociación C.G.Rosalía de Castro de Cornellà, para este sábado día 9, diante da Entidade, na rúa Federico Soler, 71. Os socios poderán recoller unha tapiña de pulpo gratuita. A partir das catro, despois dos postres, cafés e chupitos terán a oportunidade de participar no Serán, cunha Foliada á que están convidados outros grupos.

Recibimos a crónica do noso correspondente na capital da Ribeira Sacra, XOSÉ MANUEL F. MONTES. A súa sección, Quen che Preguntou? comprende tres apartados que desenvolve moi axeitadamente, precedidos dunha entradiña musical moi acaída. Agradecémoslle a súa colaboración estimada.

Deixamos aquí o programa Completo - Enteiro.