XOVES 29 de ABRIL do 2021

Comezamos unha nova emisión de "Galegos no BAIX" conectando con Galicia para entrevistar a SONIA ARIAS LÓPEZ, unha autora e poeta galega que nos atende moi amablemente, para podermos falar das súas creacións e da súa traxectoria. Agradecémoslle a atención que nos dedica a a lectura dunha das súa poesías que nos agasalla denantes de finalizar a conversa con ela. Desexámoslle moitos éxitos.

O seguinte convidado é unha persoa que seguro coñecen ben os nosos oíntes e seguidores, xa tivemos a honra e o placer de poder contar coa súa aportación e colaboración no noso programa. Trátase de Guido Alvarez Parga, o Guía turístico oficial de Lugo e Titor de Grao de Turismo na Uned de Lugo. Fainos partícipe das súas inquedanzas e dalguns dos proxectos nos que está involucrado. Ademais de explicarnos algunhas peculiaridades deses traxectos e aportacións, tamén nos convida a que vaiamos por Lugo para poder disfrutar, con el, dos paseos que dirixe e coñecer moito máis polo miudo, a capital luguesa que tanto patrimonio e fermosura conserva.

Despois falamos co noso correspendente en Monforte de Lemos, Xosé Manuel F. Montes, encargado da sección Quen che Preguntou? Debulla con detenemento as noticias que escollle cos seus Ghústanme de Desghústanme, como cada semana. Aporta as consideracións anotadas na súa "libretiña pequena" e envíanos a viñeta de rigor, relacionada con algunha parte do programa de hoxe. ¡Moitas grazas Xosé Manuel!

E para finalizar o programa de hoxe, conversamos con María Teresa Delgado Criado, máis coñecida por TETE DELGADO, artista, cantante, presentadora de televisión... e moitas cousas máis. Viña de realizar algunha gravación na Televisión, pero dedícanos uns minutiños para conversar con nosoutros e darnos a coñecer algunhas das súas próximas actuacións. Con esta pequena entrevista cumplimos o RETO, que tiñamos pendente da semana pasada. Agradecémoslle a súa amable atención e disponibilidade.

Que teñan unha feliz semana. 

A continuación poden escoitar o programa completo, aquí.

XOVES 22 de ABRIL do 2021

Comezamos outra emisión de "Galegos no BAIX" conectando con Galicia para darlle a ben-vida a Margarida Mariño, unha violonchelista galega que nos fala da súa formación, da súa traxectoria musical e dos concertos que realizou e que segue a realizar, da súa creación musical, da participación con grandes músicos e Orquestras... Unha conversa moi interesante. Mágoa que fora tan cativo o tempo que poidemos estar con ela. En vindeiras datas tentaremos que nos volva a recibir e que nos fale de novos proxectos. ¡Moitas Grazas, Margarida!

A segunda intervención é a de XULIO PARDO de NEYRA, doutor en Filoloxía Galega e en Historia Contemporánea, Escritor e Ensaista. Felicitámolo porque está a piques de sair ao prelo unha das súas obras poéticas máis interesantes, con prólogo de Ramón Nicolás (crítico Literario e escritor prestixioso). Ten outras obras publicadas, de ensaio pero tamén nos fala doutra obra que sairá publicada en Galaxia, concretamente unha novela baseada en feitos reais, que leva por título "A monxa e o Grumete". Desexámolle moitos éxitos. Seguramente voltaremos conectar con el para falar da súa presentación.

Continuamos a segunda hora conectamos co noso correspondente en Monforte de Lemos, Xosé Manuel F. Montes. Encargado da sección QUEN CHE PREGUNTOU? que desenvolve cos seus "Me Ghustan e Desghústanme" para abordar as noticias máis salientabeis que el escolle. No apartado de caralladas ten recollidas algunhas frases moi interesantes con certa retranca e moi ilustrativas. Como sempre envíanos a súa "viñeta" relacionada con algunha parte que estivo presente no programa de hoxe e que compartimos aquí con todos os nosos oíntes e seguidores.

E para finalizar conectamos con Cerdedo, onde reside a nosa poeta AMALIA DÍAZ RODRÍGUEZ. Mantemos unha conversa moi amena que nos descubre unha creadora que non só escribe poesía, senón que tamén procura outra faceta creativa, adícase á pintura. Agasállanos coa lectura de dous poemas seus, que lle agradecemos moi cordialmente. Noutra ocasión dedicarémoslle máis espazo na nosa emisión, posto que a conversa de hoxe fíxosenos moi curta.

Aquí poñemos o audio do programa enteiro. 

Que teñan unha feliz semana.

XOVES 15 de ABRIL do 2021

Outro programiña de dúas horas en galego, para todos vosoutros. Comezamos conectando co grande músico, compositor, cantautor e inxeñeiro de só XABIER VIZCAINO. Recíbenos dende o seu centro de traballo "Palleira Estudios" na localidade do Incio, na parroquia de Goó. Fálanos do seu ultimo traballo publicado: "Neno do Monte", que por estarmos fora dos nososo estudios non podemos ofrecérvolo, pero prometeunos que nos enviaría algún exemplar e seguro que o disfrutaremos con todos vosoutros. Falamos das poucas actuacións que puido facer para a presentación en concertos deste seu traballo e das previsións que ten para que en futuras datas poidamos escoitalo en directo. Agradecémoslle a súa colaboración.

A segunda intervención-entrevista é con dona ISABEL RIBAS

, unha muiñeira propietaria do muiño do seu nome, que data do século XVIII. Coméntanos algunhas cousas relacionadas co seu traballo, da moenda, das fariñas galegas con Denominación exclusiva, do traballiño que representa moer cun muiño que aproveita a auga do río Anllo, en Cospeito, que é onde se atopa esta xoia do noso patrimonio. Indícanos que teñen unha páxina web: "El Molino de Isabel". Ten unha "axudante" moi "feitiña", Patricia, que tamén está namorada do oficio e do Muiño. Agradecémoslle a súa amable atención e prometemos voltar a falar con ela para seguir aprendendo algo máis da nosa tradición.

Continuamos a segunda hora conectando novamente con Galicia para falarmos con Diego Langarika, guitarrista e compoñente do Grupo de Música Tradicional "Ghaveta" que nos fala do CD que publicaron o ano pasado concretamente e que leva por título: "A raíz do pensamento". poñémonos ao tanto desa creación musical. Agrtadecémoslle a conversa que mantivemos e desexamos que teñan moitos éxitos.

A última intervención-entrevista é con Branka Villar, unha poeta galega con moita proxección creativa. Pertencente ao colectivo "Nova Poesía Guitirica", Mora na Terra Chá. Fálanos dun seu libro publicado e que leva por título "A saudade da alma",  e agasallános coa lectura de dous poemas da súa autoría. ¡Moitas grazas Branka! O tempo que nos dedicaches foi cortiño, pero prometémonos voltar a estar contigo en vindeiras datasa, para podermos saber algo máis da túa traxectoria creativa, das publicacións, dos Recitais poéticos no que tes participado... e de moitas cousas máis, que nos quedaron no tinteiro porque o tempo na radio faise curto. ¡Moitas grazas pola túa participación! e moitos éxitos da túa creación!!!

E dinalizamos desexando que pasen unha feliz semana e que volvan a sintonizarnos o próximo xoves á mesma hora, de 16 a 18h. Agardamos porder compartir con todos vosoutros as nosas inquedanzas.

Aquí podedes escoitar o programa completo.

XOVES 8 de ABRIL do 2021

Encetamos a nosa emisión de "Galegos no BAIX", finalizado o descanso da Semana Santa. Despois de escoitar a nosa sintonía e as consecuentes salutacións de ben-vinda, dámoslle paso á primeira comunicación-conversa co noso convidado de hoxe :

Antonio García Teijeiro, escritor e poeta galego de grande prestixio, que nos recibe moi amablemente, dende Vigo, a súa residencia. Agradecémoslle a súa atención e conversamos sobre a súa producción literaria, sobre a súa poesía e algunha que outra curiosidade persoal. Agasállanos coa lectura de dous poemas cheos de sensibilidade. Felicitámolo pola súa creatividade e grande producción literaria e comprometémonos a volver a falar con el. ¡Moitas Grazas!

A seguinte intervención é a de Eduardo Iglesias, dende Monforte de Lemos. Un deportista de motos, que ven de participar nada menos que na Grande Competición Internacional DAKAR. Fálanos da súa aficción, das dificultades que entrañan o poder participar nesa grande competición internacional con tan poucos recursos e da que se sinte moi satisfeito, non só porque sen ser un profisional desa disciplina, logrou finalizar esa proba tan difícil e confésanos que se propón afrontar a mesma competición para o ano 2022. Segue a traballar e entrenar moi duramente e pretende participar en próximas datas nunha competición que se realizará na comunidade de Andalucía. Desexámoslle moitos éxitos.

Seguimos coa emisión e conectamos con Xosé Antonio Touriñán, humorista, actor e presentador galego con quen mantemos unha conversa moi amena. Ven de presentar a película "CUÑADOS" na que participa como actor de reparto protagonista, xunto con Miguel de Lira, Federico Pérez Rey, Eva Fernández, Yolanda Muiños e María Vázquez, entre outros actores tamén galegos. Felicitámolo e desexámoslle que teñan moitos éxitos na posta en marcha desa película que se estrenará precisamente mañá día 9, en máis de 30 cines nacionais.

E finalizamos coa entrevista que nos concedeu "Agus" do Grupo Folk vasco "Korrontzi". Fálanos da súa creación, da súa traxectoria, dese grande traballo que presentarán, o seu último CD que leva por título: KOPLARIAK, no Tradicionarius de Gracia o vindeiro día 10 de abril, ás 20 horas. Precisamente aproveitamos para ofrecerlles e escoitar unha peza dese disco para despedilo. Agradecémoslle a súa amable atención e desexámoslle que teñan moitos éxitos.

A vindeira semana máis. Cóidense e que teñan unha feliz semana. Aquí deixamos o programa enteiro.