jueves, 17 de diciembre de 2015

XOVES 17 de decembro do 2015

Neste ultimo programa do ano 2015 contamos coa presencia e visita, nos estudos, de don ANTONIO DÍAZ, grande colaborador noso e Director da Revista Lua Nova, así como correspondente do xornal Galicia en el Mundo. Agradecémoslle a súa aportación.
Conectamos con JUAN PEDRO, Presidente de ASOBECAT, (Bercianos en Cataluña), que nos pon ao corrente da próxima presentación á Prensa da XII Fiesta del BOTILLO en Cataluña, que se realizará no Hotel Front Air de Sant Boi de Llobregat o vindeiro día 9 de xaneiro, que pretenden celebrar o día 6 de febreiro nese mesmo Hotel. Augurámoslle moitos éxitos e agradecémoslle a súa desinteresada colaboración e información. 

Aproveitamos a ocasión para comentar con Antonio Díaz, os "XXIX Premios de Poesía da A.C.G.Rosalía de Castro" que se entregaron o sábado pasado. 

Aínda nos da tempo para conectar con Galicia, concretamente con A Fonsagrada, para falarmos con VICTOR Lombardía, pintor e encargado de Protección Civil naquela localidade.


Na segunda hora, como cada semana, a nosa comunicación-conexión con XOSE MANUEL F. MONTES, encargado da sección QUEN CHE PREGUNTOU? que sempre nos aporta a súa visión especial das noticias que poden ser interesantes para tódolos nosos oíntes e seguidores. Aquí deixamos constancia da súa creatividade artísitca, coa que nos agasalla sempre.


Para finalizar chamamos novamente a Galicia para falar con JORGE CASAL, compositor e músico galego partícipe na "GALA-XANTAR de GALICIAME", do pasado día 5 de decembro, en Cambados, con Merchi Alvarez. Falamos do seu disco "PULSO FUERTE" e doutras cousas.


¡Desexámoslles unhas FELICES FESTAS!!!
Reanudaremos a nosa emisión o vindeiro mes de XANEIRO 2016.

jueves, 10 de diciembre de 2015

Xoves 10 de decembro do 2015

Unha nova emisión de radio en galego, para tódolos nosos oíntes e seguidores. E comezamos escoitando unha peza de música interpretada por CARMEN PENIN, de "2 Na Fronteira" para darlle a ben-vinda a MERCHI ALVAREZ  (Presidenta de GALICIAME) a quen felicitamos polo éxito acadado na "1ª GALA-XANTAR de Galiciame" celebrada o pasado sábado 5 de decembro en Cambados. Mantemos con ela unha conversa moi agradable e aproveitamos para conectar, tamén con BELEN XESTAL (da Radio Galega), que foi a conductora desta Gran Gala, xunto co noso compañeiro ARMANDO FERNANDEZ, como representante do noso humilde programa e da nosa RADIO SANT BOI. Agradecémoslle a súa amable participación e comprometémonos para axudar a realizar outros Actos para recadar e conseguir máis aportacións para a Investigación do Dr.Nascimento. Aínda poden facer aportacións nesta Conta: La Caixa Iban ES65 2100 5036 4601 0043 0383.


Despois falamos con dona MARIA VICTORIA, do Hotel CRUCEIRO, de Cambados, concretamente no bairro de Castrelo, que tamén participou moi desinteresadamente na realización dese grande evento, e que aproveita para combidar a tódolos nosos oíntes e seguidores para que se acheguen a esa zona tan fermosa de Galicia, para disfrutar dos seus encantos, que ademais terán un prezo moi especial, nese Hotel Familiar, como ela mesmo nos informou.

Na segunda hora, como cada semana, a sección QUEN CHE PREGUNTOU? a cargo do noso correspondente XOSE MANUEL F. MONTES, que sempre ten preparadas e escollidas algunhas noticias de certo interese para tod@s nós. Fai unha proposta para que os nosos oíntes e seguidores opinen sobre as diferentes porpostas de comunicación que el nos ofrece e combídaos a participar para acertar cal é a información que non é real, entre as que no deu a coñecer. E remata, coma sempre, coa súa aportación pictográfica (relacionada coa súa proposta, claro).


E para finalizar a emisión de hoxe voltamos a conectar con Galicia para falarmos con ALFREDO, compoñente do Grupo "A RODA", que foi o encargado e encetar a Gran Gala da que lle vimos informando dende o comezo. Agradecémoslle a súa colaboración desinteresada.

Agardamos que volvan a sintonizarnos a vindeira seman, na que aproveitaremos para facer un programiña cheo de felicitacións e agasallos para estas Festas tan entrañables.

jueves, 3 de diciembre de 2015

XOVES 3 de DECEMBRO do 2015

Comezamos hoxe o programa dándolle a benvida ao noso amigo e colaborador na Baixa Limia, XOSÉ LAMELA. Despois de escoitar unha peza de música de LUAR na LUBREque veñen de publicar o seu ultimo traballo titulado EXTRA MUNDI, o noso contertulio fainos a presentación de don FRANCISCO VELOSO, responsable político do Concello de LOBIOS, con quen mantemos unha conversa moi interesante sobre a noticia que acaba de saír nos medios, relacionada co aproveitamento das Augas Termais de Riocaldo. Unha boa nova para todos.

Despois falamos con IVAN, da banda de SES, que nos recibe moi amablemente e conversamos con el sobre a xira e Concertos que remataron o sábado pasado en Ferrol, con grande éxito, e adiántanos, en primicia para tódolos nosos oíntes e seguidores que posiblemente no primeiro trimestre do vindeiro ano 2016, seguramente poderemos asistir a algunhas actuacións deles en Cataluña. 

Na segunda hora, coma sempre, conectamos con monforte de Lemos, para falarmos co noso correspondente XOSÉ MANUEL F.MONTES, que sempre nos ten preparadas unha morea de noticias escollidas para a súa sección QUEN CHE PREGUNTOU? e que sempre finaliza coa publicación dunha ilustración relacionada con algún tema, e que nós aprovietamos para incluir neste humilde blog, para todos vosoutros.

A ultima conversa-entrevista é con don OSCAR RODRIGUEZ, xoieiro e Presidente do COXGA, que nos informa da recente celebración da GALA que realizaron en Baiona, para homenaxear a unha serie de profesionais do seu ramo e outras personalidades importantes, así como tamén do fallo do IV Concurso de Deseño San Eloi (Patrón dos Xoieiros). 

A vindeira semana voltaremos. 
¡Que teñan unha BOA FESTA DA PURÍSIMA!!!!!

sábado, 28 de noviembre de 2015

XOVES 26 de NOVEMBRO do 2015

Encetamos o programa escoitando unha peza de música galega e deseguida comentamos a "Gala de recollida de Alimentos en MONTIGALÁ", organizada pola Asociación C.G.Agarimos de Badalona, e que estivo presentada por Armando Fernández. 



A primeira comunicación con Galicia é para falarmos con BELEN XESTAL, presentadora, locutora na Radio Galega, Actriz... ... que nos recibe moi amablemente e mantemos con ela unha Entrevista moi interesante e amena, na que nos dá a coñecer algunhas cousas do seu bon facer e da vindeira "1ª GALA-XANTAR de GALICIAME" en Cambados, que será presentada por ela e por Armando. Agradecémoslle a súa participación no noso programa e prometémonos voltar a falar con ela.



Na segunda hora, coma cada semana, dámoslle paso ao noso correspondente na capital da Ribeira Sacra (Monforte de Lemos), don Xosé Manuel F.Montes, encargado da sección QUEN CHE PREGUNTOU? e que nos pon ao corrente dalgunhas cousas interesantes relacionadas co noso idioma, e remata coa súa aportación retranqueira verbal e co debuxo semanal relacionado coa charla que mantivemos na conexión, e que aproveitamos para "colgar" no noso blog.



A ultima Entrevista é con CARMEN PENIN de "2 Na FRONTEIRA", á que felicitamos polos éxitos que está acadando co seu CD "Son de NÓS". Tamén participará na GALA-Xantar de Galiciame o día 5 de decembro vindeiro, xunto cunha morea de artistas. Despedimola escoitando un dos temas dese disco que comentamos.


A vindeira semana máis. Non faltedes á nosa cita de 16 a 18 horas.

viernes, 27 de noviembre de 2015

19 de novembro do 2015

Comunicámonos con OSCAR IBÁÑEZ, mestre de Gaita e Percusión, para falar do seu ultimo CD ALEN DO MAR, e da súa traxectoria como Profesor en diversas Entidades Galegas, tanto en Cataluña como noutras comunidades. Estivo moi relacionado coa Secretaría Xeral de Emigración e foi coordenador dos Cursos de Perfeccionamente para gaiteiros e percusionistas de diversos Centros Galegos no Exterior.


A entrevista seguinte é con ISMAEL RAMOS, escritor nado en Mazaricos, que recentemente ven de recibir o Premio "JOHÁN CARBALLEIRA" do Concello de BUEU. Fálanos do seu libro: OS FILLOS DA FAME, polo que acadou o mentado Premio. Cóntanos moitas cousas da súa traxectoria escritora e do seu percorrido a nivel literario.



Conversa con Xosé Manuel F.Montes, o noso correspondente en Monforte de lemos, encargado da sección : QUEN CHE PREGUNTOU?, que nos ten preparada a súa participación escollida para disfrutala con tódolos nosos oíntes e seguidores. Acompañamos a súa creación artísitica, do seu facebook de Galegos no Baix - Emisora de Radio. 


Recibimos a OSCAR SOUTO RODRÍGUEZ, compañeiro nas ondas e grande coñecedor das nosas cousas galegas, moi concretamente na Costa da Morte. É un escritor bastante inquedo, aínda que non ten publicadas as súas obras en papel. Ten un programa en Radio Nerea.

A vindeira semana máis- Non deixedes de sintonizarnos.

12 de novembro do 2015

Comeza o programa conectando con Galicia, concretamente O Incio, para falar con XABIER PÉREZ VIZCAÍNO, grande artista musical, que participará xunto coa súa irmá LUCÍA PÉREZ e outros moitos artistas, na "1ª GALA-XANTAR de GALICIAME", en Cambados, o día 5 de decembro vindeiro.


Un comunicación segunda é con TOÑO NÚÑEZ, profesor de Galego no Concello de Palas de Rei, que ademais é un escritor que ten publicados varios libros, a maioría deles contos para nenos, así como tamén poesía... e mantemos unha conversa relacionada coa súa experiencia na escrita.


Agora una section QUEN CHE PREGUNTOU? da man do noso correspondente na Ribeira Sacra, Xosé Manuel F. Montes, que sempre ten preparadas cousas interesantes para todos nós. Aproveitamos a súa creación artística, que sempre coloca no seu facebook, para ilustrar a súa participación, no noso blog.


Finalmente comunicámonos outra vez con Galicia para falarmos con Lucía Pérez, grande artista galega, Que nos representou no Festival de Eurovisión do ano 2011, e que estará, xunto co seu irmán Xabier, na "Gala-Xantar de Galiciame" en Cambados. Agradecémoslle a súa participación no noso programa e voltaremos a falar con ela en vindeiros programas, para que nos siga informando dos seus Éxitos.


Na próxima semana voltaremos. Non deixen de sintonizarnos.

jueves, 5 de noviembre de 2015

Xoves día 5 do mes dos SANTOS do 2015

Unha emisión máis, na que falamos perante dúas horas en galego, para tentar informarvos dalgunhas novidades galegas, música galega e entrevistas que consideramos de interese. Precisamente a primeira entrevista é con CARMEN PICHEL, a nosa amiga Costureira - Estilista - Diseñadora de Santiago de Compostela, concretamente de Lestedo - Pico Sacro - Boqueixón (A Coruña), coa que mantemos unha conversa chea de ensino e modernidade relacionada coa súa profesión.


A seguinte entrevista é con dona MARI CRISTINA CID FERNÁNDEZ, Concelleira do Concello de ALLARIZ, que nos informa moi axeitadamente da "XX FEIRA do OTUNO" desa localidade Ourensana, e convídanos a visitar esa vila tan chea de antiguidade e modernidade, segundo desexemos disfrutar dela. 



Na segunda hora, coma cada semana, conectamos con MONFORTE de LEMOS, para que o noso correspondente XOSÉ MANUEL F. MONTES, encargado da sección QUEN CHE PREGUNTOU?, nos faga un percorrido moi retranqueiro das noticias escollidas para tódolos nosos oíntes e seguidores, e remata a súa intervención coa elaboración dunha "viñeta" que colga no seu facebook da radio galegos no baix, e que aproveitamos, co seu permiso, para incluír neste noso blog. Fai referencia a unha destacada información das que nos comentou moi pormenorizadamente.



Para finalizar conectamos novamente con Galicia, concretamente coa Mariña Lucense, e falarmos co Presidente do COXGA (Colexio Oficial de Xoieros de Galicia), don OSCAR RODRÍGUEZ, grande artista e dono da xoiería do mesmo nome, en Viveiro, Comentamos con el diversas informacións relacionadas coa xoiería e con algunhas destacadas novidades relacionadas co deseño de xoias, co seu establecemento e co Colexio de Xoieiros. Agradecémoslle a súa amable atención e prometémonos voltar a falar con el, en vindeiras datas.


Despedímonos escoitando unha peza de música "desaiuno con diamantes", para darlle ambiente á conversa que mantivemos. 
A vindeira semana máis. Lembren que este programa re-emítese os domingos.
Tamén lles queremos informar que se desexan escoitarnos en directo no móbil, teñen que descargar esta APP: APP para escoitar Radio SANT BOI no móbil

jueves, 29 de octubre de 2015

XOVES 29 de OUTUBRO do 2015

Comezamos o programa escoitando unha peza de ANXO LORENZO, para darlle paso á entrevista con EVA, Lectora de Galego na Universidade de Barcelona, que nos informa das Actividades que veñen realizando ultimamente, e as que teñen previsto para as vindeiras datas. Podemos visitar a páxina de Facebook correspondente aos "estudis gallecs da UAB" que teñen : https://www.facebook.com/estudisgallecsuab/?fref=ts






A seguinte entrevista-conversa é con DAMIÁN SEIJAS, que ven de recoller o Primeiro Premio como Mellor Barista de España, en Málaga. Un grande profesional que nos da a coñecer as súas inquedanzas e próximas actuacións, entre a que nos destaca a inminente inauguración dunha Escola especializada no seu eido profesional, en Chantada.

Na segunda hora, como cada semana, chamamos ao noso colaborador: XOSÉ MANUEL F. MONTES, encargado da sección QUEN CHE PREGUNTOU?, que sempre ten prepraradas unha serie de informacións cheas de interese e que remata coa súa interpretación, tan axeitada, da sesión de hoxe, aportando unha "viñeta" da súa autoría, e que amosamos neste noso blog.


A ultima intervención-entrevista é con SARA FERNÁNDEZ, Presidenta da Asociación Semente de Monforte, que nos da cumprida información das súas actividades e proxectos. Agradecémoslle a súa amable atención e convocámonos para poder seguir recibindo as súas noticias.


Lembren que este programa re-emítese os domingos de 15 á 17 horas. 
A vindeira semana tentaremos ofrecerlles outro programiña máis, cheo de novidades e intrevistas.

jueves, 22 de octubre de 2015

XOVES 22 de OUTUBRO do 2015

Comezamos o programa conectando con Galicia, concretamente coa ADEGA CACHIN, para falarmos co seu propietario don CESAR ENRIQUEZ DOMINGUEZ, que nos fai unha pequena semblanza da súa traxectoria como adegueiro e dos seus éxitos acadados coa elaboración do viño da RIBEIRA SACRA : Peza do Rei. Tiña unha calificación de máis de 90 puntos concedida polo "gurú" do viño Robert Palmer, e ven de asistir á Festa da Hispanidade en Estados Unidos, onde se degustou o seu viño. Agradecémoslle a súa amable atención e prometémonos voltar a falar con el próximamente.

A segunda comunicación é con don MANOLO BARCIAA, da ASOBECAT, Bercianos de Catalunya que teñen previsto celebrar a "Castañada 2015" o vindeiro día 31 ás 14 horas, na súa sede en Polinyà: Rincón de Galicia. Un xantar moi especial, para degustar.


Na segunda hora conectamos con XOSE MANUEL F. MONTES, o noso correspondente en Monforte de Lemos, como cada semana, que nos fai un percorrido polas "súas noticias" escollidas para todos nosoutros. Agradecémoslle a súa aportación que recolle no seu "face" moi axeitadamente.


Tamén conversamos con XABIER DÍAZ, ese grande mestre cantautor e músico, anteriormente pertencente a Berroguetto, e que ven de publicar o seu ultimo CD que leva por título: The Tambourine Man. Doce temas que interpreta maxistralmente acompañado das Adufeiras do Salitre e doutros moitos colaboradores (que el chama amigos), como Kepa Junquera, Xosé Manuel Budiño... etcétera. Unha conversa moi interesante e esclarecedora do seu traballo e próximas actuacións.



Despedímonos ate a próxima semana escoitando unha das pezas coas que nos agasallou XABIER.

jueves, 15 de octubre de 2015

XOVES 15 de OUTUBRO do 2015

Comezamos o programa conectando con don JUAN PRIETO, Presidente da A.C.G.AGARIMOS, de Badalona, que ademais de informarnos das diferentes actividades e actuacións que veñen realizando convídanos a participar na "19 FESTA da EMPANADA e do ROSCÓN" da Entidade, que se celebrará o próximo sábado día 17, e a que asistamos á "76 FEIRA do POLBO" en AGARIMOS, o vindeiro domingo día 18.


Falamos con don UBALDO, do Restaurante "LOS ANCARES", na rúa Robrenyo, 74-76, que nos informa da realización dun xantar de convívio que realizan cada mes e que nesta ocasión estará dedicado ao chuletón (de Galicia, por suposto). A maioría dos asistentes a este evento, son persoas procedentes daquelas terras dos Ancares lucenses.


Despois conectamos novamente con Galicia, concretamente con LUGO, para falar con OSCAR PÉREZ, Gaiteiro responsable e fundador do Grupo de Gaitas "OS XÍLGAROS" (de Lugo), que últimamente están a ter bastante relevancia nas súas actuacións.


Na segunda hora, coma cada semana, conectamos co noso corespondente XOSÉ MANUEL F. MONTES, encargado da sección QUEN CHE PREGUNTOU?, que nos fai un percorrido de actualidade social e cultural pola nosa Galicia.


Finalizamos coa entrevista a dona BEATRIZ VILA FREIRE, responsable da (APEHL)Asociación Provincial de Empresarios da Hostelería da Zona Sur de Lugo, con quen mantemos unha agradable conversa relacionada cos acontecementos que alí se realizan e as propostas de visitas e percorridos culturais e turísticos que podemos atopar pola Ribeira Sacra.


A semana que ven, voltaremos. Con máis noticias e entrevistas.

viernes, 9 de octubre de 2015

XOVES 8 de OUTUBRO do 2015

Comezamos o programa conectando con ABEL HORTA, o noso encargado do Deporte Galego, que nos pon ao corrente das novidades deportivas e de cómo seguen os equipos de futbol galegos, de Primeira e segunda división.


A segunda conexión é con JOSÉ LUÍS MUÑOZ COSTA, Cocinero do Restaurante "O CHANTO" en Sàrria, que nos fala das súa traxectoria profesional e persoal. Agradecémosllelo e prometémonos voltar a conectar en vindeiras datas.


Na segunda hora, como cada semana abrimos os micros para o apartado QUEN CHE PREGUNTOU? que leva adiante o noso correspondente na Ribeira SACRA, Xosé M F.MONTES, para compartir connosco as "Súas noticias" que remata coa ilustración publicada no facebook.


Depois falamos con CARMEN PENIN, de "2 NA FRONTEIRA", coa que comentamos o agasallo que nos acaba de facer enviándonos, "en exclusiva" para tódolos nosos oíntes e seguidores, o seu ultimo traballo discográfico: "SONS de NÓS". Este CD presentarase próximamente o día 30 de OUTUBRO no Liceo de Ourense. Sentímonos moi ledos e agradecidos e faremos o posible por darlle difusión a este novo traballo, pero aos poucos, ate que non se publique oficialmente en Ourense.


E despedímonos escoitando, precisamente, un chisco desa boa música, e que compartiremos con todos.
Ate a vindeira semana, que prometemos volver e con máis novidades e algunha que outra sorpresa.

jueves, 1 de octubre de 2015

01 de OUTUBRO do 2015

Unha emisión máis deste noso programiña en lingua galega, tentando que pane dúas horiñas de ameno entretemento. A proposta de hoxe será, coma case sempre: Entrevistas, música galega e algo de humor.
Comezamos conectando con Galicia para fallamos con dona CARME, da Vivenda Rural XANELA DA LÚA, en LIRA, que nos fala das súas propostas do "9º Outono Gastronómico de Turismo Rural en Galicia", no que ela participa e que ten unhas ofertas de estancia e degustación de menús moi interesantes. Agradecémoslle a súa aportación e colaboración con nosoutros e desexámoslle moitos éxitos.


A segunda convidada - entrevistada é MARÍA DO CEO, que nos recibe con moito agarimo. Agradecémoslle a súa amable atención, mentres escoitamos algunha das súas interpretacións musicais, e falamos con ela de moitas cousas interesantes, tanto da súa biografía e discografía, como dalgunhas noticias. Seguro que non será a ultima vez que conectemos con ela, para que nos informe dos seus éxitos e actuacións.


Na seguinte hora, como cada semana, conectamos con XOSÉ MANUEL F. MONTES, o noso correspondente na Ribeira Sacra, que nos fai unha reportaxe moi interesante no seu apartado QUEN CHE PREGUNTOU?


E para finalizar o programa de hoxe falamos con don LUIS FRANCISCO LOPEZ GONZÁLEZ, Licenciado en Xeografía e Historia, especialidade en Prehistoria. A conversa xira entorno á posta en valor dunha Sauna nun Castro de A Fonsagrada (Castro de CASTELÓN de CASTAÑOSO), despois da "descuberta" e excavación feita este verán.


A vindeira semana máis.
¡Graciñas por seguirnos!

jueves, 24 de septiembre de 2015

24 de setembro

Día da MERCÊ
¡Felicitacións a tódalas Mercedes!

Unha nova emisión de radio en galego. E encetamos conectando con ABEL HORTA, o noso encargado do deporte galego, que nos pon ao corrente dos éxitos acadados nesta semana, poñendo especial interese no de JAVIER GÓMEZ NOYA, que ven de acadar o seu 5º título MUNDIAL de TRIATLÓN. Despois fálanos do CELTA, que gañou as dúas ultimas xornadas de liga, co Sevilla e co Barcelona; tamén nos comenta cousas do CORUÑA e do C.Deportivo LUGO. E para terminar fainos unha pequena sección de baloncesto, para ternos ao día deste deporte en Galicia.


A primeira entrevista deste serán é con MERCHI  ALVAREZ FERNANDEZ, Presidenta de AME-Galicia (tamén en facebook: Galiciame). En primeiro lugar infórmanos do que significa ter AME (unha enfermidade neurodexenerativa, pouco coñecida), porque ela mesma a padece. Tamén nos dí cómo podemos participar con eles e cómo se pode sensibilizar á sociedade con este problema. Agradecémoslle a súa aportación e colaboración neste noso programa. Tamén lle enviamos un saúdo moi cordial e agarimoso a RICARDO, que intervíu, en directo, para felicitar a Merchi polo seu traballo e comprometémonos facer os posibles por manter unha comunicación máis asídua con ela para ter informados aos nosos oíntes e seguidores.


Na segunda hora falamos co noso correspondente na Ribeira Sacra: Xosé Manuel F.Montes, encargado da sección QUEN CHE PREGUNTOU?, que nesta ocasión ponnos en comunicación cun adegueiro ecolóxico MANUEL, que tamén está a vendimar nas ladeiras de DOADE. Prométenos enviar a súa colaboración fotográfica ao longo do día de hoxe.


A ultima entrevista desta emsión é con don. XOSÉ MANUEL RODRÍGUEZ GONZÁLEZ, Presidente da D.O.RIBEIRA SACRA, que ademais é dono da Adega Décima. A conversa discorre arredor da colleita deste ano, así como das diveresas posibilidades e outras actividades das que se pode disfrutar cando nos achegamos a ese lugar tan feiticeiro. Agradecémoslle a súa atención e tomamos nota para poder voltar a comunicarnos cando teñan algunha novidade que ofrecernos.


A vindeira semana agardámosvos outra vez. Non deixedes de sintonizarnos.

viernes, 18 de septiembre de 2015

Primeira emisión da nova tempada 2015-16: 17 de SETEMBRO

¡¡¡BEN - VIDOS !!! a tódolos nosos oíntes e seguidores. 
Comezamos, o mesmo equipo da tempada anterior, con máis azos e con moitas ganas de poder compracervos a tod@s, nas vosas suxerencias e nas vosas aportacións.
A primeira conexión é con ABEL HORTA, encargado do DEPORTE GALEGO, que nos pon ao corrente das novidades escollidas por el, para o noso programa: En primeiro lugar fálanos do Futbol e deseguida nos fai un pequeno percorrido por outros deportes de importancia na comunidade galega, como son o Baloncesto, ou o TRIATLON.


Despois de escoitar un chisco de música galega, conectamos con don FERNANDO FERNANDEZ REGO, autor do libro "Andrés Dobarro - SAUDADE", unha biografía dese cantautor galego tan emblemático e que, como o noso interlocutor nos di, moi pouco coñecido con precisión. Agradecémoslle a súa amable atención e prometémonos voltar a falarnos.


Na segunda hora temos unha novidade que nos presenta noso colaborador e correspondente XOSE MANUEL F.MONTES, que leva adiante a sección QUEN CHE PREGUNTOU?. Acaba de inaugurar unha páxina en facebook co mesmo título do noso programa: Galegos no Baix, para que poidan participar tódolos nosos oíntes e seguidores. As súas informacións e noticias escollidas sempre son unha fiestra de humor e retranca galega.


Para finalizar o programa poñémonos en contacto con don JUAN PEDRO SÁNCHEZ, Presidente de ASOBECAT, que nos informa da XI Romería dos Bercianos en Polinyà, para o vindeiro día 26 deste mesmo mes de setembro. Fainos un convite especial para que poidamos asistir a esa Romaría tan emblemática para os Bercianos dedicada a la Virgen de la Encina. Unha celebración moi especial na que se poderán degustar tódolos productos bercianos e participar na mostra de xogos populares.


Despedímonos ate o vindeiro xoves, informándolles que esta emisión poderán escoitala "enlatada" o domingo de 15 á 17horas.

jueves, 2 de julio de 2015

Ultimo programa da tempada: 25 de XUÑO do 2015

Nesta ocasión, como cada semana falamos co noso correspondente do "Deporte Galego" ABEL HORTA, que nos fai un pequeno repaso das ultimas informacións deportivas e ademais de desexarlles unhas felices vacacións a todos, tamén nos adianta un chisco as posibles "melloras" e incorporacións que pretende facer na vindeira tempada.


Depois falamos con EVA, Lectora de Galego na Universidade de Barcelona coa que mantemos unha conversa moi amena e chea de informacións moi interesantes relacionadas coa Universidade e doutra índole. Desexámoslle moitos éxitos na súa tarefa, e prometémonos voltar a comunicarnos con ela para que nos teña informados.


Tamén aproveitamos para conectar con XOSÉ MANUEL F.MONTES, o noso correspondente na Ribeira Sacra, encargado da sección QUEN CHE PREGUNTOU? que ten preparadas varias informacións escollidas e despídese desexándonos o mellor para todos este verán, e que si visitamos Galicia non deixemos de pasar pola súa zona para disfrutarla e, se pode ser, acompañados da súa presencia.


Para finalizar, e denantes de despedirnos de tódolos nosos oíntes e seguidores, aínda temos tempo para comentar a "actuación" de ARMANDO na FESTA GALEGA en Badalona, coa A.C.G.AGARIMOS, e aproveitamos unha peza musical galega para despedirnos de todos vosoutros, desexando que sigan sintonizándonos e que volvamos a reencontrarnos a vindeira tempada. Tódalas suxerencias e comentarios que desexen facernos serán sempre ben recibidos.


¡Que teñan unhas felices vacacións!!!

sábado, 20 de junio de 2015

XOVES 18 de XUÑO do 2015

Outra semaniña máis con todos vosoutros para tentar levar adiante este programa de dúas horas en galego, con conversas, entrevistas e música galega. Encetamos coa conexión semanal relacionada co deporte galego, da que se encarga o noso correspondente ABEL HORTAS, e que nos detalla as novidades deportivas galegas oportunas.


A primeira entrevista-conversa é co Sr. RAMIRO, propietario da "VIVENDA RURAL O VERXEL" en Ribas do SIL, que nos da a coñecer unha zona privilexiada da Ribeira Sacra e que nos convida a que aproveitemos a oferta de aloxamento que alí teñen, non só polo acollemento que hai senón tamén polas posibilidades de lecer, descanso e rutas de sendeirismo que por alí existen.


Depois falamos con don MIGUEL ANXO VISO, Presidente da D.O.RIBEIRO, a quen felicitamos polos éxitos que estan acadando, tanto os viños galegos desa denominación, como a súa xestión nese Consello Regulador que el preside. Agradecémoslle a súa amable atención e comprometémonos a seguir comunicándonos con el para que nos informe das noticias e acontecementos que se vaian sucedendo a carón do seu entorno.


Por último, a nosa conversa-entrevista é con Paco Veiga, docente e dinamizador cultural no IES de Melide, que ven de recibir o Premio "Terra de Melide á defensa da língua". Unha conversa moi engaiolante arredor das cousas interesantes relacionadas coa nosa cultura e outras actividades que el mesmo preside. Agradecémoslle a súa amable atención e seguro que voltaremos a incomodalo para que nos faga coñecedores doutros proxectos e actividades interesantes que están a levar a cabo.


A vindeira semana voltaremos, e seguro que lles ofreceremos algunha novidade interesante, xa que coincide co final da tempada, así que estade atentos e agardámosvos a todos.

11 de XUÑO do 2015

Unha semaniña máis comeza o programa coa conexión con ABEL HORTA, o noso correspondente do DEPORTE GALEGO, que nos fai un pequeno percorrido polas diferentes fases deportivas relacionadas coa nosa comunidade galega.


A primeira entrevista é con EDUARD VELASCO, que ven de publicar un libro de poesía e que xa leva máis de tres presentación oficias, tanto en Galicia como en Catalunya. Foi agasallado con Premio de Poesía PÉREZ PARALLÉ, do Concello de FENE, pola súa obra "Ruído de TRENS".


Na segunda hora comunicámonos co noso correspondente na RIBEIRA SACRA, Xosé M.F.Montes, encargado da sección QUEN CHE PREGUNTOU? e que sempre escolle noticias relacionadas con Galicia, moi á súa maneira.


A seguinte conversa-entrevista é con ALEXANDRA SEARA, Xerente do Consorcio de Turismo da "Ribeira Sacra", que nos ofrece unha visión moi interesante sobre as funcións e traballos que leva a cabo ese Consorcio e especifícanos, un chisco, o seu labor esta función de Xerente. Agradecémoslle a súa aportación e despedímonos ate a vindeira semana, coma sempre, con música da nosa.

viernes, 5 de junio de 2015

XOVES 4 de XUÑO do 2015

O programa de hoxe encetámolo coa conexión de ABEL HORTA, o noso correspondente do Deporte Galego, que nos fia un percorrido polas distintas categorías do fútbol galego e tamén algunha referencia sobre o baloncesto. Agradecémoslle a súa aportación e convocámonos para a vindeira semana.


A segunda conversa é con don EMILIO RODRÍGUEZ, das Adegas don BERNARDINO, da Ribeira Sacra, e máis concretamente de SOBER, que tamén rexenta o Restaurante "O GRELO" en Monforte de Lemos. Unha entrevista moi interesante que nos pon ao corrente dos productos que elaboran e convídanos a que vaiamos a visitalos. No verán próximo tentaremos achegarnos a aquelas terras para saudalos persoalmente.


Na segunda hora conectamos, como cada semana, co noso correspondente XOSÉ M.F.MONTES, encargado da sección QUEN CHE PREGUNTOU? quen, ademáis de noticias, sempre ten preparadas algunhas sorpresas interesantes e moi paveras.


No final do programa falamos con CARMEN, da Vivenda Rural XANELA DA LUA, que sempre nos atende con moita amabilidade e descríbenos as ofertas e posibilidades de disfrutar dunha estancia chea de engado, e tamén nos convida a que pasemos por LIRA, para disfrutarmos do seu entorno.


A vindeira semana máis. Sigan sintonizándonos.

jueves, 28 de mayo de 2015

Xoves 28 de MAIO do 2015

Unha semaniña máis con vosoutros, tentantdo levar adiante este programa en lingua galega, con novidades, entrevistas e música galega.
A primeira comunicación é co noso correspondente encargado do deporte galego: ABEL HORTA, que nos ten preparadas unha serie de informacións relacionadas co deporte galego e moi en particular co futbol, tanto en Primeira como en Segunda división. Tamén ten algunha cosas sobre o fútbol feminino e algo relacionado co baloncesto de alta competición.


Despois conectamos con Galicia, para entrevistar a dona SARA INES VEGA NUÑEZ, Alcaldesa de Castro Caldelas (Ourense) coa que mantemos unha conversa moi esclarecedora sobre as súas propostas para rexer a alcaldía do Castro. Agradecémoslle a súa aportación e comprometémonos a voltar a chamala para que nos siga falando de Castro Caldelas e de todo o que alí podemos disfrutar.


Na segunda hora conectamos coa Ribeira Sacra, concretamente con San Clodio de Ribas de Sil, para falarmos con ROBERTO Castro, Tenente Alcalde desa localidade, que nos informa da "Festa da CEREIXA e do ACEITE", que teñen previsto realizar esta vindeira fin de semana.


Os últimos minutos falamos con DANIEL SALGADO, Director, Profesor e Actor de "GANAS DE OUVEAR", que nos fala desta grande producción Teatral que se estivo representando no SALON TEATRO de Santiago de Compostela, despois de estrearse no Teatre Nacional de Catalunya. Agradecémoslle a súa desinteresada colaboración co noso programa.


A vindeira semana máis.

jueves, 21 de mayo de 2015

XOVES 21 de MAIO do 2015

Outra vez comezamos o programa recebido as ultimas noticias relacionadas co deporte galego, da man do noso correspondente ABEL HORTA, que nos informa das diferentes novidades relacionadas con varias disciplinas deportivas que el mesmo escolle.


A primeira chamada a Galicia é para falarmos con don ANTONIO REIGOSA CARREIRA, escritor, conferenciante e investigador da mitoloxía popular e da literatura galega de tradición oral. A entrevista énchenos de saber e informacións moi interesantes, que le agradecemos e comprometémonos voltar a conversar con el en vindeiras datas.


Na segunda hora conectamos, unha semana máis, co noso correspondente na Ribeira Sacra, XOSÉ M.F. MONTES, que se encarga da sección QUEN CHE PREGUNTOU? e que escolle as informacións e novidades galegas máis retranqueiras posibles, así como certas curiosidades interesantes.

A ultima entrevista deste serán é con dona CARMEN ALVAREZ ALVAREZ. Primeiro falamos co noso amigo e colaborador MANUEL RODRÍGUEZ JULIÁN, que nos informa da "FESTA GALEGA de CAN MERCADER", prevista realizar para os día 5, 6 e 7 de XUÑO próximos. Despois preséntanos á dona CARMEN, que nos fala das súas propuestas para poñer en práctica e levar adiante no Concello de "Folgoso do Caurel". Agradecémoslles as súas aportacións e colaboracións.


A videira semana tentaremos facelo, cando menos, igoalciño ca hoxe. Sintonizádenos!!!

15 de MAIO do 2015

Unha semana máis co noso programiña "Galegos no BAIX", en língua galega, para tódolos nosos oíntes e seguidores, con novidades, música e entrevistas que desexamos sexan do voso interese. Esta vez comezamos, como ven sendo habitual últimamente, coa intervención do noso correspondente do Deporte Galego : ABEL HORTA, que nos pon ao corrente das novidades  deportivas galegas, escollidas por el.


A segunda intervención é con don ALFONSO PATO, Director do Festival Internacional de CANS (Porriño-Pontevedra) co que mantemos unha conversa-entrevista para recibirmos máis información sobre ese Grande Festival que xa cumple 12 (doce) anos e que últimamente está a acadar unha morena de éxitos.


Na segunda hora, coma sempre, conectamos coa capital da Ribeira SACRA (Monforte de Lemos) para recibir as informacións-noticias que escolle o noso correspondente XOSÉ M.F.MONTES, e que sempre teñen algunha que outra frase ou comentario retranqueiro cheo de "bon rollo".


Para o final deixamos a comunicación-entrevista con don ANTONIO SIMOES, o "Mellor Cociñeiro XOVEN e Emprendedor do 2014 en Catalunya", e que é o CHEF de "LA TABERNA DEL CLINIC", que ven de recibir precisamente este galardón fai unhas poucas datas, concretamente o día 4 de MAIO no Palacete Albéniz de Barcelona. Felicitámolo por ter acadado ese premio e desexámoslle que siga conseguindo moitos máis premios. Agradecémoslle a súa aportación e amable atención.


A videira semana máis.

viernes, 8 de mayo de 2015

xoves 7 de maio do 2015

Comezamos o programa conectando con ABEL HORTA, que se encarga das novidades deportivas galegas e ponnos ao corrente da situación dos equipos de Primeira e Segunda división. Tamén nos  apunta algo sobre balonmano, xa que o Teucro de Pontevedra é noticia por ter subido de categoría.


Entrevistamos a FRANCISCO NARLA, comandante de aviación e escritor, con quen comentamos a súa traxectoria escritora, pero centrámonos na súa novela CAJA NEGRA, xa que está a ter unha demanda e repercusión importante por mor da coincidencia co accidente de aviación sucedido nos Alpes franceses. Agradecémoslle a súa amable atención e propoñémonos voltar a falar con el, en vindeiras datas.


Na segunda hora non podemos conectar co noso correspondente Xosé Manuel F.Montes, pero sí conversamos con BEATRIZ VILA FREIRE, Responsable da Asociación de Empresarios Hostaleiros e Turismo na Ribeira Sacra. Coméntanos varias das actuacións e novidades que están a acontecer en Monforte e arredores.


A ultima entrevista-conversa é con don MANUEL MANDIANES CASTRO, Antropólogo, Etnógrafo, doutor en Ciencias Sociais e Teoloxía e Escritor, que ven de publicar -na Editorial Sotelo Blanco- VIAXE SEN RETORNO, do que falamos con el. A verdade é que a conversa fáisenos cativa, xa que hai argumento para rato. Confírmanos que o día 22 deste mes presentarase no Centro Galego de Barcelona e o día 23 no Centro de Tarragona. Desexámollle motos éxitos e combinamos voltar a falarnos.


A vindeira semana ofrecerémoslles outra emisión chea de interese. Sintonícennos!!!

jueves, 30 de abril de 2015

xoves 30 de ABRIL do 2015

Outro programiña máis en galego. Comezamos co relatorio que nos fai o noso encargado do Deporte Galego: ABEL HORTAS, que nos pon ao corrente do que aconteceu nos encontros de 1ª División de Fútbol, así como o C.F.D.Lugo, que xoga en 2ªDivisión.


A segunda comunicación é con BEGOÑA RIOBÓO, que nos fala do seu segundo CD: QUIRAL, que acaba de presentar e que xa se pode mercar. A conversa, moi amena e chea de informacións fainos disfrutar xa que ademáis imos escoitando algún que outro tema do seu CD. Agradecémoslle a súa amable atención e desexámoslle moitos éxitos.


Na segunda hora conectamos coa Capital da Ribeira Sacra, Monforte de Lemos, dende onde nos fala o noso correspondente XOSÉ M. F. MONTES, encargado da sección QUEN CHE PREGUNTOU? e que sempre ten varias informacións interesantes, que as remata cunha serie de intervencións cheas de certa retranca galega, moi axeitada.


A ultima conversa-entrevista é con ELENA FERRO, ZOQUEIRA de terceira xeración; unha artesana galega de primeira orde, dona da marca "EFERRO", que comercializa as súas propias creacións modernas e cheas de tradición e encanto moi actuales e de pasarela. Agradecémoslle a súa atención e prometemos voltar a falar con ela para que nos poña ao corrente das novidades que vaia realizando no seu taller. Tamén nos adiante, en primicia para tódolos nosos oíntes e seguidores, que o vindeiro mes de SETEMBRO, realizará unha Festa para celebrar os "100 ANOS de Existencia" dese taller de construcción de zocos, marroquinería e outros complementos.


Lembren que este programa poden escoitalo novamente os domingos de 13 a 15 horas, na súa re-emisión semanal.

23 ABRIL do 2015

Como cada semana comeza o programa dándolle a "Ben-vinda" a tódolos nosos oíntes e seguidores e presentando o equipo que leva adiante a emisión de hoxe. Dámoslle os nosos enderezos e conectamos co noso correspondente deportivo: ABEL HORTAS, que nos comenta o máis interesante relacionado co futbol de 1ª división (Deportivo de A Coruña e Celta de Vigo), e outros comentarios referentes ao F.C.D. Lugo, que milita na 2ª división.


Conectamos con Galicia para falarmos con XOSÉ MANUEL MÍGUEZ, que acaba de recoller o Premio ao mellor cortador de xamón. Felicitámolo e prometémonos voltar a charlar con el en vindeiras ocasións.


Na segunda hora, como ven sendo habitual, falamos co correspondente en MONFORTE de LEMOS, XOSÉ MANUEL F. MONTES, encargado da sección QUEN CHE PREGUNTOU? e que sempre ten preparadas unha selección de noticias interesantes para todos, adubiadas cun chisco de humor.

O ultimo apartado dedicámolo a comentar asuntos do programa entre nosoutros dous. Como eu non me topaba nos estudios tivémo-la ocasión de "darlle varias voltas" ás diversas intervencións do programa de hoxe.


A vindeira semana máis.

jueves, 16 de abril de 2015

XOVES 16 de ABRIL do 2015

Comezamos unha emisión máis en galego, con novidades no equipo: ABEL HORTAS incorpórase para levar adiante a sección do deporte galego e moi en particular o fútbol. Propoñémosvos escoitar unha peza de música de "2 Na Fronteira", xa que deseguida tentaremos falar con CARMEN PENIN.
As noticias que nos achega o noso comentarista deportivo ABEL, xiran ao redor do Deportivo de A Coruña, o Celta de Vigo, o C.D. Lugo e do Club de Basquet Breogán. A vindeira semana prométenos achegarnos máis noticias e posiblemente algunha entrevista con alguén relacionado co deporte galego.


A primeira entrevista-conversa é con CARMEN PENIN, que xa anunciabamos ao comezo do noso programa. Agradecémoslle a súa amable atención e infórmanos das novidades e traballos nos que están inmersos os de "2 Na Fronteira", así como dos concertos e actuacións previstas para datas próximas.


Na segunda hora conectamos co noso correspondente na capital da Ribeira Sacra (Monforte de Lemos) para falarmos con Xosé Manuel F. Montes, encargado da sección QUEN CHE PREGUNTOU? e que nos ten preparadas noticias curiosas de Galicia e finaliza a súa intervención con certas ocurrencias "Twuiteiras", que convén escoitar con certa atención xa que teñen bastante "retranca".


Falamos despois con HENRIQUE ALVARELLOS, Director da Editorial do mesmo nome: "Editorial Alvarellos", periodista, escritor e actualmente dedicado en exclusiva á Edición. Fainos un pequeno percorrido pola grande obra herdada do seu pai e fundador da Editorial: Os libros que publican (como el mesmo nos especifica, do que non editan: libros de texto). Agradecémoslle a súa aportación ao noso programa e combinamos poder voltar a conectarnos para que nos siga informando das novidades e publicacións que realizan.


Lembrámoslles que este noso programa volve a re-emitirse os domingos de 13 a 15 horas. 
Nós voltaremos a vindeira semana con máis emisión, e en galego.

jueves, 9 de abril de 2015

XOVES 9 de ABRIL do 2015

Comezamos a emisión de hoxe propoñéndolles a escoita dunha peza do ultimo CD da nosa amiga SES: "Tronzar os Valos", para despois conectar con Galicia e falarmos con XURXO GONZÁLEZ, Director do Proxecto Socheo, en A Guarda, que nos fai unha pormenorizada exposición informativa relacionada co proxecto mencionado e co achádego das Películas dos anos 30 do "Costiña". unha conversa moi interesante.


Despois chamamos a Lugo para falarmos con don XOSÉ MARÍA ALVAREZ VILABRILLE, Director Comercial do xornal "O Progreso" de Lugo, con quen mantemos unha conversa-entrevista relacionada coa súa actividade e aproveita para darnos unha visión xeral das ofertas visitantes da provincia de Lugo así como de otros asuntos. Agradecémoslle a súa aportación.


Na segunda hora conectamos novamente con Galicia, e como cada semana falamos co noso correspondente na Ribeira Sacra, XOSE M.F.MONTES, encargado da sección QUE CHE PREGUNTOU?, que sempre escolle cousas interesantes para os nosos oíntes e seguidores. Non pode faltar, na súa intervención, a "retranca".


Os últimos minutos dedicámolos a falar con ALVARO VILLASANTE, Chef do Restaurante PAPRICA, a quen felicitamos por ter acadado recentemente o Premio do Público pola súa receita de Tapa, a nivel Autonómico: Pescada de Celeiro con bocabits de luriña e xeado de tomate. A entrevista-conversa está relacionada coa gastronomía e moi concretamente coa súa actividade no establecemento que rexenta. Agradecémoslle a súa amable atención e comprometémonos para voltar a falar con el desexándolle que siga colleitando éxitos.


A videira semana máis.

jueves, 26 de marzo de 2015

Xoves 26 de MARZO do 2015

Unha semaniña máis tentando entreter á nosa audiencia con esta proposta de radio en galego, con música, entrevistas, conversas, impresións e noticias da nosa comunidade: Galicia.
A primeira comunicación é con CHECHE REAL, Presidente da Asociación Provincial de Hostaleiros de Lugo e coa Delegada desta Asociación na zona sur de Lugo, dona BEATRIZ VILA FREIRE. Unha conversa moi interesante, chea de información e novidades. Agradecémoslles a súa aportación e prometémonos voltar a falar con eles para que nos sigan informando das súas inquedanzas.

A seguinte comunicación-entrevista é con FERNANDO RIAL DOMÍNGUEZ, escritor e creativo artístico, co que mantemos unha conversa arredor das súas produccións, e moi particularmente falando do seu libro: Tiempos anaranjados. Tamén falamos da súa próxima exposición de pintura que ten previsto realizar na Aula da Xuventude en Moaña.


Na segunda hora conectamos coa capital da Ribeira Sacra (Monforte de Lemos) para falarmos co noso correspondente Xosé M.F.Montes, que se encarga da sección QUEN CHE PREGUNTOU?, e que sempre ten preparadas unha serie de noticias e informacións acompañadas da súa retranca particular, para amenizar a súa intervención.


A última conversa é co Sr.XESÚS, da Panadería - Pastelería LINARES, de A Pontenova (Lugo) que nos fala do seu establecemento e das moitas e boas viandas que se preparan no seu obradoiro e que reparte polas aldeas e pobos do arredor. Desexámoslle moitos éxitos e despedímonos de todos cos desexos de que sigan sintonizándonos ate o vindeiro día 9 de ABRIL, que voltaremos a ofrecerlles outro programa máis. 


¡ Que teñan unhas FELICES PASCUAS !