XOVES 16 de XANEIRO do 2025

Un xoves máis con todos vosoutros. Aledámonos da presencia nos estudios do noso compañeiro ARMANDO FERNÁNDEZ LÓPEZ, sinal de que xa está bastante recuperado e poderá acompañarnos en directo, como viña sendo habitual. Desexámoslle unha completa recuperación. Comezamos coa nosa sintonía de sempre. As salutacións e escoitamos unha peciña de música para poñernos en contacto co grande amigo MANUEL RIVERO PÉREZ, investigador, escritor e experimentado coñecedor da Baixa Limia. Felicitámoslle a aninovo e tamén o parabenizamos pola recente presentación do libro de Aurora Sampedro e, tamén pola próxima publicación doutro libro adicado a María das Dores Darribe Dopico, outra grande muller galega. Falamos un bocadiño das súas investigacións, do seu traballo recente e da súa teima por publicar a documentación do finado Xosé Lamela Bautista. Agradecémoslle a súa amable atención.

A segunda intervención é con "TATÁN CUNHA" Eduardo Alberto Rodríguez Cunha, de Tanxarina Títeres. Outro grande artista que nos comunica a próxima estrea da función "TERRITORIOS DE LIBERDADE", que se realizará o vindeiro 17 de xaneiro en Arteixo. Dirixida por Quico Cadaval e na que participarán a Companhia Portuguesa "Certa de Varazim Teatro" e "Tanxarina Títeres". Felicitámolo, pola parte que lle toca e tamén pola próxima estrea da película filmada na Illa de San Simón, na que el mesmo participa como actor en memoria de seu avó, segundo nos comenta. Precisamente lémbranos que recentemente foi recoñecida a Illa de San Simón como Lugar da Memoria Democrática, algo que viñan reclamando dende fai un tempo moitos colectivos galegos. Tamén nos fala da asistencia mañá mesmo na presentación do libro de Carlos Labraña: "A biblioteca galáctica contra a IA Fantástica". Desexamos que teñan moito éxito e comprometémonos para entrevistar a este escritor e poeta admirado.

Continuamos a segunda hora conectando co noso correspondente na Ribeira Sacra, XOSÉ MANUEL F. MONTES, encargado da sección "Quen che preguntou?", que está sub-dividida en tres seccións: "o bule-bulo" con seis noticias entre as que el nos propón adiviñar cal é a que pode ser mentira (bulo). A segunda "Que pasa, que pasa na Ribeira Sacra", unha rápida exposición de novidades da propia contorna e a terceira "sabedoría popular", retazos que ten recollidos na súa "libretiña pequena". Todo elo precedido dunha música axeitada e elixida por el mesmo, para darlle un toque persoal. E finaliza coa participación dun convidado que el mesmo escolle e proponlle que interveña. Nesta ocasión trátase de Rafa Aguiar. Agradecémoslle a fermosa crónica de hoxe.

Escoitamos unha peza de música (San Benitiño) do REAL CORO DE TOXOS E FROLES, de Ferrol, para recibir ao seu Presidente: ARTURO LAMAS BRAÑA. Felicitámolo porque próximamente celebrarán o cento dez aniversario da súa fundación e con tal motivo realizarán unha actuación no Teatro Jofre de Ferrol: "Festival 110 Anos Cantando", concretamente o día 25 de xaneiro próximo, no que contarán coa presencia do Presidente da Real Academia Galega, don Victor Friexanes e a participación do Grupo de Cantareiras da A.C. Xacarandaina, xunto co Grupo de Cantareiras "Gradaille" do Real Coro Toxos e Froles. Tivemos un pequeno atranco na comunicación e retomámola despois, pero para despedirnos escoitamos a peza "Alalá de Pantin" interpretada precisamente por Arturo. Desexámoslles moitos éxitos e voltaremos a conectar noutra ocasión con eles.

Despedímonos de tódolos nosos oíntes e seguidores ate o vindeiro xoves á mesma hora.

Deixamos aquí o programa completo-enteiro.

XOVES 9 de XANEIRO do 2025

Primeiro programa do ano. Comezamos coa nosa sintonía e as salutacións oportunas e despois de escoitar un bocadiño de música, poñémonos en contacto con Francisco Xabier Almuiña, da "Casa do Romualdo", unha Vivenda Rural chea de encanto. Mantemos unha conversa moi amena e chea de interesante comunicación. Fálanos de novidades relacionadas coa posibilidade de visitar e disfrutar de varias recomendacións sendeiristas "Ruta embelesadora". Unha casa que data do século XVI, na que se pode disfrutar dunha gastronomía familiar e de proximidade, nun ambiente rural cheo de curiosidades e algunha que outra sorpresa de agasallo para os que teñen a ben alugarse nesta Casa, na Ribeira Sacra. Desexámoslle que teña moito éxito nesa tarefa e agradecémoslle a súa amable atención.

A segunda intervención é con ALFONSO MIGUEL MARTÍN, de ASOBECAT (Asociación de Bercianos en Cataluña), que nos pon ao corrente da próxima realización da "Rolda de Prensa" prevista para o día 18 de xaneiro próximo, no Hotel Front Air de Sant Boi, onde se presentará a proposta do evento previsto para o mes de febreiro, concretamente o domingo día 16 o "XXI Festival del BOTILLO en Cataluña", no mesmo hotel antes mencionado. Coméntanos que na presentación daranse a coñecer os nomes dos Homenaxeados diste ano, a Adega Colaboradora, o Concello Berciano, Ilustres Bercianos e o Premio Literario 2025. Tamén nos fala do menú e outras cousas interesantes. Pronto voltaremos a comunicarnos con Alfonso ou con cualquera outro compoñente da Asociación para que nos informen do prezo e da forma de adquisición dos tiquets de participación. Desexamos que sigan tendo moito éxito.

Continuamos a nosa emisión poñéndonos en contacto con FRANCISCO LÓPEZ, "CHESQUI", do Partido Galeguista, que nos comenta a realización de varios actos moi importantes, en especial o que tivo lugar o día 7 de xaneiro pasado, na vila de Rianxo, para comemorar o 75 cabodano do falecemento de Alfonso Daniel Rodríguez Castelao. Aproveita para comentar algunhas das actuacións nas que estivo presente ae participou xunto con outras representacións políticas e institucionais. Este ano será o ano de Castelao e seguro ue teremos ocasión de poder comentar con el moitas das actuacións que teñen previsto realizarse. Agradecémoslle a súa participación neste primeiro programa do ano.

E finalizamos as entrevistas conectando con Galicia, outra vez. Primeiro escoitamos a voz de Iñaki Gabilondo, poñendo en valor a "verdade", a paz e tranquilidade que ofrece o "Hotel Literario Bela Fisterra". Precisamente co seu responsable: PEPE FORMOSO, é con quen mantemos unha pequena conversa-entrevista que nos enche de coñecemento e, de interesante comunicación sobre este establecemento que é un referente non só turístico senón tamén un lugar de aprendizaxe literario e lingüístico, xa que a súa biblioteca vai converténdose nun lugar de encontro e consulta de moitos intelectuais que escollen ese lugar para disfrutar dunha estancia inolvidable. Desexamos que siga colleitando moitos éxitos. E despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa enteiro-completo.

XOVES 19 de DECEMBRO do 2024

Último programa deste ano 2024. Comezamos coa nosa sintonía, as salutacións de sempre e un bocadiño de música para poñernos en contacto con FRANCISCO JAVIER JARDÓN BAHÍA, que ven de gañar o segundo Premio do "XXXVIII Certame Internacional de Poesía en galego Rosalía de Castro de Cornellà" co seu poema que leva por título "Froito". Un traballo que foi valorado polo Xurado como un poema de construción moi fluida, cunha temática erótico-amatoria construida arredor da apelación a un "ti" que se infiltra nunha fusión de materias que dilúe os límites do suxeito. Saliéntase o notable traballo formal e a fondura coa que o autor abre interrogantes de carácter existencial. Coméntanos un chisco cómo foi o proceso de creación deste traballo premiado e descubrimos un autor moi satisfeito e agradecido por ter acadado este premio. Desexamos que siga colleitando moitos éxitos e felicitámoslle as Festas e o Aninovo.

 

Escoitamos outra peza musical, para recibir á seguinte convidada: ANDREA FERNÁNDEZ MANEIRO, que hoxe mesmo participará nun evento moi interesante: "RECITAL POÉTICO SOBRE O LIBRO: VOTO DE SILENCIO", no local do "Faiado da Memoria". Felicitámola. A conversa que mantemos con Andrea percorre diversos aspectos creativos e coméntanos a próxima publicación do libro que contén o Premio acadado no Certame de Vilalba. Aproveitamos para desexarlle unha boas Festas Nadalencas e un ventureiro aninovo 2025. Augurámoslle que seguirá colleitando moitos éxitos.

Recibimos a crónica do noso correspondente XOSÉ MANUEL F. MONTES, dende Monforte de Lemos, encargado da sección QUEN CHE PREGUNTOU? Está divida e tres apartados precedidos dunha musiquiña para anuncialos: Primeiro o Bule-bulo, que consiste en adiviñar cal das noticias que nos comunica é un "bulo" ou engano. A segunda denominada "que pasa, que pasa na Ribeira Sacra", consiste nunha rápida información concreta de noticias daquela contorna. E a terceira denomínaa "sabedoría popular" que conten cousas moi específicas sobre a nosa idiosincrasia idiomática e frases recollidas na "súa libretiña pequena". Antes de finalizar escoitamos a colaboración gravada, dun personaxe que escoitamos con atención. Nesta ocasión trátase de Celia Díaz. Agradecémoslle a súa estimada participación. Tamén lle desexamos unhas Felices Festas e próspero aninovo 2025.

Conectamos novamente con Galicia para entrevistar a FRANCISCO VALEIRAS GONZÁLEZ (QUICO), que ven de gañar o primeiro premio do "XXXVIII Certame Internacional de Poesía en Lingua Galega Rosalía de Castro de Cornellà", polo seu poema "BRILLAR (algúns textos para vecEDIPO). Fálanos deste traballo tan interesante e coméntanos que nun principio este formaba parte dun moito máis longo. Si nos fixamos no que comentaron os membros do Xurado, temos que salientar que se trata dun poema escénico, cunha linguaxe moi creativa e dramaturxia inspirada nos tráxicos gregos, facendo xogos intertextuais con cinematografía europea. Quico mesmo nos comenta a súa predilección pola cinematografía de Pasolini, moi concretamente en varios fotogramas da película que poden formar parte da publicación poética. Tamén lle desexamos boas festas e un ventureiro aninovo 2025. Despedímolo cunha panxoliña.

E nosoutros tamén nos despedimos dos nosos oíntes e seguidores desexándolles Boas Festas e un gorentoso aninovo 2025 cheo de prosperidade para todos. Ate o ano que ven! ¡Sexan Felices!

Deixamos aquí o programa completo-enteiro.

XOVES 12 de DECEMBRO do 2024

Comezamos unha nova emisión do "Galegos no BAIX" coa nosa sintonía de sempre, as salutacións oportunas e un bocadiño de música para despois poñernos en contacto con LOLA SANTOS, a YayaDj (en Facebook), de Pontevedra, a quen saludamos e felicitamos polo traballo que desenvolveu no CULTURGAL-2024 este ano. A súa experiencia foi moi positiva e fíxonos partícipes das súas impresións nese evento. Tamén nos falou da súa labor tan particular, dedicada á inclusión de personas con necesidades especiais, do seu traballo dedicado á igualdade e á inclusión social con persoas de alto risco. Agradecémoslle a súa participación no programa de hoxe.

Conectamos con MAXI MILENA, da Plataforma www.HI GALICIA.com. Dámoslle a ben-vinda e agradecémoslle que nos reciba tan amablemente. Fálanos de cómo foi a creación desta ferramenta tan importante para os emprendedores galegos. Maxi foi a creadora-fundadora desta plataforma. Forman parte do equipo que a dirixe a súa familia, pero tamén Xoan Arco da Vella e JULIA ESPINOZA, enxeñeira e directora de tecnoloxía do producto que nos está a presentar. Felicitámola e desexamos que teñan moitos éxitos.

Seguimos adiante e poñémonos en contacto con MARITA, Galería de Arte Dodo Dadá, en Ourense. Parabenizámola polo traballo presentado e desenvolvido no CULTURGAL-2024 en Pontevedra, que foi onde a coñecimos. Están a realizar un traballo de Arte moi importante na cidade, acompañado de clases de pintura e debuxo. As exposicións que veñen realizando na súa Galería están a ter unha grande afluencia e est+an recibindo moitas críticas favorables. Agradecémoslle a súa aportación.

 

Damos a coñecer algunhas informacións relacionadas coa nos Asociación Cultural Galega ROSALÍA DE CASTRO, de Cornellà, que ven de presentar o seu libro "CERTAME DE POESÍA Rosalía de Castro (2019-2023)", que se fixo no CULTURGAL-2024, en Pontevedra o día 29 do pasado mes de novembro. Volveuse a repetir a presentación na Sede da Entidade o día 7 de decembro, contando coa participación do Secretario Xeral da Lingua Galega, don Valentín García.

Recibimos a crónica do noso correspondente, XOSÉ MANUEL F. MONTES, na capital da Ribeira SACRA -MONFORTE DE LEMOS-, encargado da remodelada Sección: QUEN CHE PREGUNTOU?, que contén novidades moi interesantes. Despedimos ao noso correspondente e tamén nos despedimos nosoutros ate o vindeiro xoves á mesma hora.

Deixamos aquí o programa Completo - Enteiro.

XOVES 5 de DECEMBRO do 2024

Este xoves tivemos que emitir o programa gravado, por mor de certas obrigas persoais e outros quefaceres ineludibles, pero  coidamos que poidemos emitir un programa entretido e feiticeiro. En primeiro lugar, disculpámonos por non facelo en directo e despois ofrecémoslles unha entrevista-coloquio con MANUEL RIVAS, ese grande escritor galego que ven de recibir o Premio Nacional das Letras. Mantén un coloquio moi engrescador con SUSANA PEDREIRA, o dia 1 de decembro no CULTURGAL-2024, e que puidemos escoitalos en directo e participar co resto dos asistentes, que foron moitos.

A segunda intervención é con XOAN ARCO DA VELLA, un grande viaxeiro e reporteiro gráfico que participac connosco no programa irmá "Semprengalicia" de Radio Cornellà, tódolos sábados, dándonos a coñecer moitos e interesantes lugares da nosa xeografía galega. mantemos unha conversa-entrevista para coñecer mellor a súa traxectoria e cómo se aficionou a esa tarefa tan engaiolante que é recopilar información gráfica, e por veces tamén con audios e videos moi interesantes. Agradecémoslle a súa participación de hoxe no noso programa.

E finalizamos cunha pequena escolla de pezas musicais que se atopan no libro-CD de BEATRIZ BUSTO MIRAMONTES, "Pandereteiras de Mens". Un traballo de recopilación e recolla de pezas musicais interpretadas polas Pandereteiras de Mens. Trátase dun estudio no que a autora tenta afondar na vida das cinco primeiras mulleres que, sendo campesiñas, tiveron unha presencia moi visible no panorama da música folcklórica e no futuro musical do país así como da súa propia vida, dende que no ano mil novecentos setenta e dous subiron, por primeira vez ao escenario do Teatro Colón de A Coruña.

Deixamos aquí o programa Enteiro - Completo.

XOVES 28 de NOVEMBRO do 2024

Poetas interviñentes

A emisión deste xoves foi "enlatada", porque tivemos que desprazarnos ao CULTURGAL-2024, en Pontevedra, xa que o día vintenove, ás catro da taarde, presentamos o libro do "Certame de Poesía Rsalía de Castro (2019-2023)". Gravamos as intervencións de varios participantes no noso programa, que moi amablemente nos recibiron e que describimos a continuación. A primeira intervención é a de STELLA MARIS GONZÁLEZ BALBUENA, traductora e poeta que nos fala da celebración dun "Recital poético plurilingüe" e enviounos os audios das recitacións que interviñeron. Parece que lle faltou comentar a participación de ELISABETH OLIVEIRA, aproveitamos para mencionala.

A segunda gravación pertence ao noso colaborador LUÍS LOSADA, que nos fala dun libro de FABIO RIVAS, acompañado da lectura de pasaxes que se atopan no libro: "A PINTURA DEBIDA". A súa participación ven adubiada cunha música de fondo moi ben escollida. Sempre nos sorprende coa súa aportación pola que fai desexar ler esa proposta literaria. Agradecémoslle a súa participación no noso programa e desexamos que nos siga deleitando coas súas aportacións.

Falamos con, HENRIQUE FERNANDEZ-MON SÁNCHEZ, Kique para os amigos. Danos a coñecer a súa pequena recolleita de olivas coas que foi quen de elaborar uns litriños de aceite, nunha almazara que teñen en Quiroga. Ao parecer están a recuperar o cultivo de dúas especias de olivos que teñen moita aceptación e unha demanda moi importante en diversos establecemento hoteleiros e certos Restaurante de prestixio, pola clalidade e bon producto que estan elaborando. Agradecémoslle a súa intervención.

E finalizamos coa entrevista que mantivemos con SILVIA MOTA LOPES, unha escritora, poeta e pintora portuguesa que ven de recibir o Premio aRi(t)mar Galiza e Portugal-2024, polo seu poema "Há mulheres que  trazem..." Parabenizámola. Fálanos da súa traxectoria creativa, dalgunhas das súas pinturas que acompañan aos seus poemas, e agasállanos coa lectura de dous poemas feiticeiros. Agradecémoslle a súa aportación e desexámoslle que siga colleitando moito éxitos.

Deixamos aquí o programa enteiro-completo.

XOVES 21 de NOVEMBRO do 2024

Outra entrega máis deste noso programa "Galegos no BAIX", con desexos de aprender e que pasen dúas horas de Radio en Galego, cheas de información, música e novidades interesantes. Comezamos coa nosa sintonía de sempre, as salutacións oportunas e un bocadiño de música para recibir á primeira convidada, SONIA MELÓN PARENTE, poeta en Ponteareas. Parabenizámola polos traballos que está a realizar, moi relacionados coa poesía, concretamente a participación en Lugo nun Recital Poético cos "Nabos de Gracián" o día nove de novembro pasado. Hoxe mesmo participará noutro "Recital Poético Musical" na Sala Multiusos do Auditorio Municipal R.Soutullo. Antes de despedirse agasállanos coa lectura dun seu poema. ¡Moitas grazas e moitos éxitos Sonia!

A segunda convidada é SILVIA PENAS ESTÉVEZ, escritora e poeta viguesa, a quen felicitamos porque mañá mesmo, na Gala que se celebrará no Auditorio de Galicia (Santiago de Compostela) vai a recibir o Premio á Mellor composición poética Galega do ano. Mantemos unha conversación con ela, chea de ensino e aprendendo moito do seu quefacer creativo poético-musical. Agradecémoslle a súa participacion no programa de hoxe e desexamos que siga colleitando moitos éxitos.

Continuamos a emisión e poñémonos en contacto con ILDA GÓMEZ, da Queixería DIQUEIXA.com en Monterroso. Unha explotación queixeira de moito prestixio con Denominación de Orixe Protexida con respecto ao queixo Arzúa-Ulloa. Coméntanos a elaboración dos queixos que ofrecen e que se poden mercar en diversos establecementos e tamén se lle poden demandar na súa páxina web. Agradecémoslle que nos atendera tan amablemente e desexamos que continúen nese labor tan importante para a alimentación.

Conectamos novamente con Galicia, para falar con FABIO RIVAS PARDO, un escritor pontevedrés que está a ter unha relevancia actual moi recoñecida. Ven de publicar un libro de relatos "A pintura debida" que como nos explica "son oito relatos enfiados entre sí, pero que ao mesmo tempo compoñen un único magma". Está editado por Xerais. Falamos da súa traxectoria creativa e dalgún Premio acadado, como o II Certame de Relato Curto en Igualdade Lonxa Literaria-Concello de Moaña, por "Os gatos pardos",  e gañador do Certame de Relatos convocado pola Sociedade Liceo de Noia, por A mortalla e os ourizos. Felicitámolo e desexamos que siga acadando moito éxitos.

Tamén comentamos algunhas cousas referentes á presentación do libro: "Certame de Poesía ROSALÍA DE CASTRO (2019-2023)" que se realizará o próximo día 29 de novembro ás 16h no CULTURGAL-2024, en Pontevedra, coa asistencia do Vicepresidente da A.C.G.Rosalía de Castro de Cornellà (Alfonso Rico), Valentín García, Secreatrio Xeral de Política Lingüística da Xunta de Galicia e Armando Requeixo, e un servidor. Seguramente contaremos coa presencia dalgún dos poetas premiados. Tamén falamos dalgúns Discos musicais (CD) publicados este ano 2024, e que temos en carteira poder ofrecérllelo aos nosos oíntes e seguidores, xunto con algunha que outra entrevista dos seus autores. Despedímonos ate o vindeiro xoves.

Deixamos aquí o programa completo.

XOVES 14 de NOVEMBROdo 2024

Unha nova entrega do noso programiña, tentando facerlles agradable estas dúas horas de Radio en Galego. Felicitándonos polos cen anos da Radio. Escoitamos a nosa sintonía de sempre, saudamos a tódolos nosos escoitantes e seguidores. Escoitamos un bocadiño de música e poñémonos en contacto con XAIME VARELA SIEIRO, Profesor, Investigador e Lincenciado en Filoloxía, con quen mantemos unha conversa moi interesante sobre unha muller cineasta galega un tanto esquecida: CRUZ MARTÍNEZ-RISCO. Acaba de presentar un traballo de investigación sobre ela, na Universidade de Santiago de Compostela. Coméntanos curiosidades e minuciosidades relacionadas con esa noticia tan interesante. Agradecémoslle a súa amable atención.

O segundo convidado no programa de hoxe é MARIO DIZ OTERO, Músico Director da Orquestra e Coro da Universidade de Santiago de Compostela.  É Doutor en Educación, Profesor de Didáctica de Expresión Musical.  Fálanos da súa traxectoria musical e compositora. Mantemos unha conversa moi interesante sobre algunhas das composicións que ten publicado. Tamén nos fala destrea e gravavión da laureada mezzosoprano Nuria Lorenzo coa suite de nanas "Tódolos Nenos Soñan" para formación de Mezzo,Viola e Arpa. Tamén destaca a publicación da metodoloxía Mi primer Violín, para a iniciación, que inclúe máis de vinte pezas compostas expresamente para este obxectivo. Agradecémoslle a súa participación de hoxe no programa.

Conectamos co noso correspondente XOSÉ MANUEL F. MONTES, na capital da Ribeira Sacra, Monforte de Lemos, para recibir a súa participación na sección QUEN CHE PREGUNTOU? que como xa saben tódolos nosos escoitantes e seguidores, está dividida e varias sub-seccións: O Bule-Bulo (varias noticias nas que unha delas é un "bulo", que termos que tentar de descubrir), Que pasa que pasa na Ribeira Sacra (recolleita de noticias específicas daquela contorna), Sabedoría Popular e a colaboración dun artista, que nesta ocasión é nada menos que LIDIA VEIGA. Sempre é un pracer e unha honra ter a colaboración de Xosé Manuel.

 

Recibimos, a continuación, coa música de fondo que leva por título "Morena" a ADRIÁN MÉNDEZ FERNÁNDEZ, músico compoñente do Grupo Musical "DE NINGHURES", que próximamente recibirán o Premio da Música e da Poesía Galego-Portuguesas aRi(t)mar-Galiza e Portugal na Gala que se celebrará no Auditorio de Galicia en Santiago de Compostela o día vintedous de novembro. Fálanos das súas creacións musicais, das actuacións que realizaron estes meses atrás e das que teñen previsto par próximas datas. Tamén nos comenta a posibilidade que teñen os nosos escoitantes de acceder ás distintas plataformas dixitais para disfrutar da súa música. Anúncianos que pronto teremos unha nova composición, que posiblemente estrenarán na Gala da entrega do Premio. Desexamos que sigan colleitando moitos éxitos.

Despedímonos desexando que teñan unha feliz semana.

Deixamos aquí o programa enteiro-completo. Lembrámoslles que se reemite este programa en Radio FENE, mañá mesmo, venres, a partir das 15 horas.

XOVES 7 de NOVEMBRO do 2024

Novamente con todos vosoutros para ofrecervos dúas horas de Radio en Galego. Hoxe con novidades interesantes e coa visita, nos estudios dun convidado especial: GUSTAVO PINO SALGADO, que ven acompañado da súa esposa SALOMÉ MOURE. Escoitamos un bocadiño de música, coma sempre e deseguida comezamos a conversa-entrevista cos dous participantes no programa de hoxe. Diante de nada quero disculpar a ausencia do noso compañeiro ARMANDO FERNÁNDEZ, que hoxe non pode acompañernos por sentirse indisposto. Desexamos que se repoña pronto. Pois eso, comezamos a nosa entrevista con Gustavo, que desenvolveu o seu traballo profisional no mundo da electrónica, e tamén no ambente xurista. Agora xubilado, pero xa nos finais do seu emprego laboral xa comezou a escribir e publicar algún dos seus libros. Fálanos da súa traxectoria literaria creativa, e comenta que grazas á súa dona ten publicado nada menos que máis de oito libros.

 

A segunda parte do programa de hoxe realizámola conectando coa nosa amiga e premiada etnógrafa MERCEDES VÁZQUEZ SAAVEDRA, tamén escritora e fotógrafa documentalista. Parabenizámola porque está a facer varias exposicións moi interesantes, moi en concreto a "Traballos do Campo", que se trasladará o día 16 de novembro próximo, ao Centro Cultural Vista Alegre de Bandeira. Coméntanos que esas fotografías son parte da súa colección persoal e documentación que ten recollido de moitos traballos que se realizaban nas nosas aldeas e lugares rurais, hoxe xa case desaparecidos. Tamén nos comenta outras exposicións fotográficas realizadas, como a das Mulleres ou a das Máscaras e a dos Entroidos. Agradecémoslle a súa amable atención e desexamos que siga acadando moitos éxitos.

Continuamos a conversa-entrevista con GUSTAVO PINO SALGADO, que nos siga comentando cómo fai ese traballo de escrita e creatividade literaria, poñendo en valor a aportación e axuda de corrección comentada e moi específica de SALOMÉ, un complemento lector e moi atinado. A súa dona confésanos que é unha lectora incansable e asegura que a súa teima é participar, na medida das súas posibilidades, para que a publicación teña unha boa trama lectora. Eles mesmos afirman que por veces chegan a discutir para chegar a un acordo antes de completar a escrita dalgún texto, pero que sempre chegan a bon fin. Fainos unha lectura da sinopse relacionada coa súa última publicación: PIPA GULETA.

Despois de escoitar outro bocadiños de música poñémonos en contacto con AITOR REI ESTÉVEZ, da Productora Boneca Lareta, en Ourense. Felicitámolo pola recente publicación do documental que leva por título: "A ÚLTIMA VIAXE DO AFIADOR". Un traballo que amosa esa profisión tan interesante e importante para moitos galegos que percorreron o mundo adiante coa roda de afiar a costas. Moitos deles procedentes da zona de Luintra e arredores, como Chandrexa de Queixa e outras localidades próximas. A productora tamén ten publicado outros documentais moi interesantes, que nos comenta, e que se emitiron nas televisións autonómicas de Cataluña, Euskadi, Valencia e a propia Televisión Galega. Agradecémoslle a súa aportación no porgrama de hoxe e prometémonos voltar a comunicarnos para que nos siga informando dos seus proxectos e desexándolle moitos éxitos.

Coa música de fondo que se está emitindo, aproveitamos para despedirnos dos nosos convidados de hoxe e desexarlles a tódolos nosos oíntes e seguidores que volvan a conectarse o vindeiro xoves á mesma hora. Deixamos aquí o programa Enteiro.

XOVES 31 de OUTONO do 2024

Nova emisión deste programa "Galegos no BAIX" de cada xoves, no 89.4 da FM - Radio Sant Boi, para todos vosoutros. Escoitamos a nosa sintonía de sempre, saudamos aos nosos oíntes e seguidores e escoitamos unha peza interpretada por Javi Maneiro e chamamos a MERCHI ÁLVAREZ FERNÁNDEZ, Presidenta de GaliciAME, en Cambados, que nos fala da "VII Gala GALICIAME-2024" prevista para o día 30 de novembro próximo. Están á venda as entradas para poder asistir á celebración que se realizará na Adega Pazo Señoráns, en Paradela, no Concello de Meis (Pontevedra). Tamén nos indica que teñen á venda o seu número de Lotería de Nadal, que poden mercar poñéndose en contacto mediante o seu correo electrónico: asociaconagaliciame@gmail.com ou tamén ao seu teléfono de contacto: 698 982 510. É unha forma máis de colaborar desinteresadamente cunha pequena aportación para conseguir máis investigación sobre a Atrofia Muscular Espinal (AME). Desexamoslles que teñan moito éxito.

A continuación, despois de escoitar outro bocadiño de música, poñémonos en contacto co Historiador RAFAEL GARCÍA FERREIRA, que ven de recibir o "XXVIII Premio Vicente Risco de Ciencias Sociais". Parabenizámolo e conversamos con el sobre ese traballo tan interesante que se titula: "Outubro 1934 en Compostela. Mobilización, consecuencias políticas e represión." O acto de entrega tivo lugar o sábado pasado no Salón Nobre do Castelo de Castro Caldelas, coa asistencia da Alcaldesa Sara Inés e varios compoñentes da Fundación Vicente Risco de Allariz. Desexamos que siga colleitando moitos máis éxitos.

Aproveitamos uns minutiños para comentar con RAFA-PaiAkona, responsable do proxecto "Utopian Pop", en qué consiste ese traballo musical tan interesante e cara o final escoitaremos a peza musical qeu compuxo para reivindicar a non realización do asunto "Altri" na zona do Ulla.

Recibimos a crónica do noso correspondente XOSÉ MANUEL F. MONTES, na capital da Ribeira Sacra, Monforte de Lemos. A súa sección, Quen che Preguntou? está subdividida e tres apartados que teñen por título o seguinte: 1:- Bule...Bulo (noticias nas que os oíntes teñen que averiguar cla é o "bulo" que tentou colarnos). 2.- Que pasa... que pasa Na Ribeira Sacra (noticias especificas daquela zona) e 3.- Sabedoría Popular, Pílulas (píldoras) de frases, refráns e ditos populares galegos, finalizando coa intervención dun destacado personaxe galego (actor, monologuista...) Todo elo adubiado coa música que escolleu para iniciar cada unha das intervencións. Agradecémoslle a súa estimada colaborción.

Como temos nos estudios a visita de RAFA-Pai Akona, responsable do proxecto Utopian-pop, comentamos cómo se poden poñer en contacto con el e a creción da peza que leva por título: "Quérote Viva", que escoitaremos para finalizar o programa de hoxe. Tamén conversamos co MAX PÁRRAGA DÍAZ, que nos veu a visitar. Profesor de Secundaria, que xa estivo noutra ocasión con nosoutros. Fainos un pequeno relato de cómo están as cousas do proxecto Galauda -impartición de galego nos Instituos de Cataluña-, pero moi concretamente fálanos da fermosa experiencia cun dos seus alumnos no Instituto, recén chegado de Galicia, concretamente de Carballo. Comenta cousas moi interesantes sobre o uso e emprego do noso idioma e cómo se expresa tan correctamente. Agradecémoslles as súa visita e presencia no programa de hoxe, e despedímonos ate o vindeiro xoves á mesma hora.

Deixamos aquí o programa enteiro:

XOVES 24 DE OUTUBRO DO 2024

Outra emisión máis do noso programa "Galegos no BAIX". Comezamos coa nosa sintonía de sempre, e despois das salutacións de sempre, escoitamos unha audición do próximo convidado de hoxe, PACO RODRÍGUEZ GÓMEZ-DACAL. Saudámolo, dámoslle a benvinda e parabenizámolo polo seu traballo de recollida de cancións e coplas populares moi antigas. Entregou nada menos que varios cassetes coas pezas e coplas gravadas naquela zona de Xinzo da Limia, algunhas delas coa voz propia das persoas que lle-las ensinaron. Fainos un agasallo especial, cantando un bocadiño dalgunha daquelas coplas que aprendeu. Entregou toda esa documentación ao Museo do Pobo Galego, onde se atopan xa accesibles para tódolos estudosos e interesados na recolleita popular. Agradecémoslle a súa participación no programa de hoxe.

Continuamos con máis música, e nunca mellor dito, porque deseguida poñémonos en contacto con BIEITO ROMERO, do Grupo Musical BREO, que acaban de presentar un CD que leva por título: "Máis Alá". Recíbenos moi amablemente e coméntanos cómo foi o traballo de gravación e composición. Mantemos unha conversa moi agradable na que nos fala de onde procede o nome do Grupo Musical e cómo elixiron ese nome tan céltico e feiticeiro. Tamén nos comenta que xa o presentaron na Sala Garufa, da Coruña e próximamente tamén o presentarán na Casa das Crechas, en Santiago de Compostela. Recibímolo cunha das súas pezas, María a Meiga, e despedímolo tamén con outra peza que se atopa no seu disco. Despedímolo e desexamos que teñan moito éxito.

Conectamos agora con SILVIA CASTAÑEDA, Presidenta da "IRMANDADE GALEGA DE RUBÍ". Parabenizámola polo traballo que están a realizar nese Centro Galego. Coméntanos que celebrarán o día 2 de novembro a Festa do Magosto previa presentación dun documental moi interesante, titulado: "Anduriña, muller de ida e volta". Fainos saber que estiveron a traballar investigando sobre a posibilidade real de que o Camiño de Santiago pasara por Rubí. Teñen moita documentación e tan só están a espera dun documento que confirme realmente as súas investigacións. Para dalo a coñecer teñen previsto a realización dunha "Pulpada popular" o día 9 de novembro, coa posibilidade de expoñer imaxes fotográficas dos camiños que fixeron. Desexamos que todo decorra con ben.

Unha última conexión é con MIGUEL MOSQUERA, que pertence a FINA REI (Artesans de Repostería) en Allariz. Agradecémoslle a súa atención e parabenizámolo pola recente presentación dun traballo escpecional que conta coa aportación artística de varios escultores. Chámase LEGATUM. Son reproducións, en chocolate recheo, de esculturas realizadas por cinco escultores de renome: Acisclo Manzano, Soledad Penalta, Arturo Andrade, Xosé Cid e Acisclo Novo. Esas figuras reciben o nome de: Xénese, Agarimo, Díscolo, Odisea e Perenne. Representan o ciclo da vida, tal e como nos comenta Miguel. Unha forma máis de aportar cultura xunto co traballo artesanal que caracteriza esa Empresa que cumple máis de cincoenta anos de existencia. Agradecémoslle a súa participación no noso programa de hoxe.

Despedímonos ate o vindeiro xoves á mesma hora.

Deixamos aquí o programa completo.

XOVES 17 de OUTUBRO do 2024

Unha nova entrega do noso programa. Comezamos coa nosa sintonía, as salutacións e escoitamos unha peciña de música para recibir ao primeiro convidado de hoxe: MANUEL VÁZQUEZ OSORIO, Presidente do Centro Galego NÓS, de Sabadell, que nos fala da próxima "FESTA GALEGA", que se celebrará dende o 25 ata o 27 de outubro. Tamén nos informa doutras actividades previstas, como a celebración do Magosto tradicional, na Sede da Entidade, e próxima exposición de pinturas que terá lugar en datas aínda non confirmadas, e para a que teñen previsto xuntar sinerxias co "Noso LAR de Terrassa". Desexamos que teñan moito éxito.

A continuación poñémonos en contacto con GUSI DOMARCO, que forma parte dun equipo que levan a cabo a distribución de documentación moi importante relacionado coa nosa antropoloxía: lembrame.gal. Un traballo altruista no que participan tamén a súa compañeria Carolina Fernández e Sergio Santos Otero, ademais doutras persoas, que menciona nesta conversa que mantemos con el. Na súa páxina pódense contemplar e admirar videos, fotos e outras aportacións documentais moi interesantes e cheas de informacións, recollidas por eles, facéndolles cantar, ou falar aos maiores que aínda conservan e lembran moitas cousas que se esquecerían ou se perderían se non se plasmaran nos seus cortos. Préganos que lles digamos aos nosos oíntes e seguidores que lles regalen un "me gusta" na súa páxina e no seu canal de youtube. Agradecémoslle a súa amable participación no programa de hoxe, e desexámoslles moitos éxitos.

Seguimos a emisión e recibimos a crónica do noso correspondente na capital da Ribeira Sacra, XOSÉ MANUEL F. MONTES, que como xa adiantabamos na anterior conexión que nos fixo, está modificada e mellorada. Está dividida en varios apartados, que inicia previa escoita dunha peciña musical moi acaída: 1º Apartado: Bule... Bulo, precedido da peza musical "bule-bule rock, son Noticias escollidas nas os escoitantes terán que descubri cal é o "bulo" que nos tentou colar. 2º Apartado: Que pasa... que pasa na Ribeira Sacra, un compendio reducido de noticias que acontecen na Ribeira Sacra, que o inicia despois de escoitar a peciña musical "Brétema" do Grupo Baiuca. 3º Apartado: Escoitamos a peza de Uxía "A Fala", para encetar estas "Pingadelas de Sabedoría Popular" e finaliza co audio que nos envía cunha aportación ocurrente dun personaxe moi recoñecido. Hoxe "Alberte Montes". Agradecémoslle a súa colaboración.

E escoitamos unha peciña de música das "Pandereteiras de Verducido", un Grupo Musical Galego, que decidiu facer unha "pausa" na súa traxectoria musical, por mor de completar as súas formacións académicas e persoais. Falamos con CLARA, unha das súas compoñentes. Felicitámola e escoitamos un bocadiño da súa creación musical, porque ela tamén é compositora. É unha peza algo máis longa, pero a sensibilidade e interpretación que nos ofrece é encantadora. Convidámola a que nos veña a visitar o vindeiro día 26 á nosa Asociación C.G.Rosalía de Castro de Cornellà, que celebraremos o tradicional Magosto. Animámola a que siga coa súa tarefa estudiantil desexámoslle que teña moito éxito.

E despedímonos de todos, lembrándolles as diferentes actividades que a nosa Asociación C.G.Rosalía de Castro, ten previsto realizar neste outubro e novembro...

 

¡Que teñan unha feliz semana!

XOVES 10 de OUTUBRO do 2024

Comezamos coa nosa sintonía. Celebramos a recuperación do noso compañeiro Armando Fernández López, e despois das salutacións, escoitamos unha peza de música para recibir ao primeiro convidado de hoxe: don FRANCISCO XABIER ALMUIÑA CHOREN, da Casa Rural "Casa de Romualdo". Xa tivemos a honra de conversar con el noutra ocasión, pero hoxe temos que felicitalo porque foi elixido Presidente da Federación Galega de Turismo Rural. Nesta ocasión temos o privilexio de contar coa súa estimada participación, para comunicarlle aos nosos oíntes e seguidores que están a celebrar, e xa van 18 anos, os "Outonos Gastronómicos", que consisten nunha estancia de venres ou sábado con cea e almorzo por tan só cento sensenta e cinco euros. Os menús que ofrecen son de moita calidade e unha forma máis de coñecer esa gastronomía de proximidade que eles elaboran con tanto cariño. Desexamos que teñan moito éxito. 

A segunda conexión é con CARLOS JULIO GONZÁLEZ, periodista e grande coñecedor do entorno Quirogués, tanto é así que durante un certo tempo estivo á fronte do "Diario de Quiroga". Infórmanos que esta tarefa xa a rematou e está pendente dunha incorporación de traballo algo diferente. Parabenizámolo polo traballo de investigación titulado "Ondas de aquí: Catro décadas de Radio Municipal en Galicia", moi relacionado coas Emisoras Municipais, lóxicamente. Poden consultalo en Internet que está aberto para tódolos públicos. Desexamos que continúa disfrutando coa súa ilusión comunicativa e ofrecémonos para poder contactar con el cando teña algunha noticia que darnos. 

Despois voltamos a Galicia, concretamente a LIRA, para falar coa señora CARMEN, da Casa Rural XANELA DA LUA, con quen xa falamos noutras ocasións. Desta volta queremos que nos poña ao corrente das novedades e Menús que ofrece para os clientes que se queiran apuntar e disfrutar das ofertas do "Outono Gastronómico" que tamén ofrece no seu establecemento. Unha verdadeira degustación gastronómica con produtos da zona, con varios pratos a elixir, e cunha posible actividade que consiste nun paseo a cabalo pola zona, admirando a paisaxe tan feiticeira que alí se pode contemplar. Desexamos que teña moitos clientes e moito éxito. 

Continuamos a emisión conectando con EDUARDO BRAVO, da Adega Pazo de Lalón, no concello de Leiro. Unha edificación do ano 1204. Parabenizámolo por ter acadado o "Bacelo de Prata" que lle entregaron o sábada día 5 pasado no Pazo de Ulloa, nunha celebración que compartiu con Kalkói, que tamén foi agasallado por etiquetar os seus produtos en galego. Celebramos con el a traxectoria da súa Adega, que xa ten acadado varios premios e moi concretamente fai dous anos foi premiado como Mellor viño Branco de Galicia. Fainos saber que a degustación dos seus viños poden realizala no "Mesón do Xamón" en Carballiño, que é un establecemento dos máis antigos da vila. Tamén se poden atopar os seus viños na rúa Muntaner de Barcelona e en Madrid. 

E finalizamos a programación recibindo a EFRAÍM DÍAZ, Músico e Profesor nun Instituto en Laxe. Felicitámolo por ter alcanzado esa titularidade, despois de aprobar as oposicións. Un seu traballo final de carreira ten moito a ver co instrumento tradicional galego "Pito Pastoril". A súa participación no noso programa serve para coñecer un pouquiño máis, polo miúdo, en qué consiste ese instrumento que el coñece moi ben e que ten moi investigado, tanto é así que a súa Tese Doctoral vai encamiñada a publicar todo o que recolla sobre ese instrumento tradicional. Quedamos en voltar a comunicarnos con el para que nos axude a coñecer máis cousas. Agradecémoslle a súa colaboración. 

Desexamos que volvan a conectar con nosoutros o vindeiro xoves á mesma hora. 

 ¡Que teñan unha feliz semana!