Ultimo programa do 2013

XOVES 19 de decembro do 2013

Como cada semana voltamos a ofrecervos un programiña máis de radio en galego. Comezamos dándolles a ben-vida a todos e propoñéndolles escoitar unha peza tradicional da nosa música galega. Despois dos saúdos de rigor poñémonos en contacto con MANUEL MARÍA VEIGA, do Grupo MILESIOS, que veñen de publicar un disco titulado: "ALEN MAR". Escoitamos algunha das súas interpretacións e comentamos algo do seu traballo e percorrido musical. Agradecémoslle a atención que nos dispensaron e comprometémonos a volver a comunicarnos con eles para que nos vaian informando da sea traxectoria e dos traballos que vaian publicando.

Comentamos un chisco as novidades que nos chegan á Redacción, intercalando con algunha peza musical dos discos que nos enviaron de FOLK e BOA MÚSICA, a saber: Radio Cos, Sondeseu e Kepa Junquera.

Na segunda hora conectamos co noso correspondente XOSE M.F.MONTES, encargado da sección QUEN CHE PREGUNTOU, e que nos fai un pequeno percorrido por algunhas das informacións que el mesmo escolle, adxuntándolle un bocado de humor e retranca galega.

Volvemos a achegarnos a terras lucenses, concretamente a CASTROVERDE, para falarmos co director da Banda de Gaitas ZUNCURRUNDULLO, don CÁNDIDO DÍAZ, co que mantemos unha conversa-entrevista moi xeitosa e na que nos da información do seu traballo e propoñémoslle voltar a conectar con el para que nos pormenorice moito máis sobre esa Asociación-Banda de Gaitas, que ten acadado tantos éxitos.

Desexámoslles unhas moi Ventureiras Festas do NADAL e un feiticeiro ANINOVO 2014. Voltaremos o día 16 de xaneiro do ano que ven.

XOVES - 12 - decembro -2013

Un programa máis, en galego. Comezamos comentando cos nosos oíntes e seguidores o novo CD da ORQUESTRA FOLK SONDESEU, que leva por título: "Danzas Brancas" e propoñémoslles escoitar o primeiro trac : folerpas e Danzas brancas. Sona moi fermoso. O birimbao aparece como folerpas brancas de neve...

Seguimos escoitando un chisco máis de música, mentres comentamos a próxima celebración do Masterclass de corda folk en Sant Boi, a cargo de FERNANDO BARROSO. A vindeira semana tentaremos falar con el, para que nos poña ao corriente deste evento.

Conectamos con MARTIN BARREIRO, o "Home do Tempo" nos fins de semana na TV. Un galego, de Lugo, con quen falamos un chisco de diversos temas e disfrutamos da súa aportación ao noso programiña.

Na segunda hora chamamos ao noso correspondente en Monforte de Lemos, como cada semana XOSÉ M.F.MONTES, que nos ten reservads algunhas informacións e noticias sempre moi interesantes e acaba a súa intervención con aportacións retranqueiras e frases moi ocorrentes.

Para finalizarmos falamos con MANUEL LOPEZ CASTRO, Periodista xubilado de O Progreso de Lugo, e mantemos unha pequena conversa-entrevista moi interesante, na que nos da a coñecer o seu blog e algunhas das actividades ás que lle dedica o tempo de "xubileo".

Despedímonos desexando que volvan a sintonizarnos a vindeira semana.

XOVES 5 de decembro do 2013

Un programiña máis, en galego, para tódolos nosos oíntes e seguidores. Comezamos dándolles a ben-vida e saudando. A nosa primeira comunicación con Galicia facémola con BIEITO LOBARIÑAS, compoñente do Grupo ZURRUMALLA, con quen mantemos unha conversa-entrevista chea de engado. Fainos un pequeno percorrido polo traballo que veñen realizando a prol da música tradicional galega. Fálanos do CD titulado:"O que había, e...O que hai" que hai un tempo teñen publicado e anúncianos que posiblemente, a non tardar, publicarán outro con pezas da súa autoría e outras recollidas por eles mesmos.

Despois conectamos con ANTONIO DÍAZ, Segredario da A.C.G.Rosalía de Castro que nos pon ao corrente da entrega dos XXVII Premios de Poesía desta Entidade e do X Premio de Narrativa Rosa Reboredo. Perante a cea do sábado pasado nos locais sociais. Tamén nos informou da conferencia impartida polo Presidente da Fundación Rosalía de Castro en Padrón ANXO ANGUEIRA.

Na segunda hora falamos co noso correspondente na capital da Ribeira Sacra, Xosé M.F.Montes, que sempre ten escollidas unha morea de cousas interesantes relacionadas coa cultura popular e co refraneiro galego, cun certo retranqueo. Tamén nos convida a participar nas diferentes Festas e celebracións que se suceden en Galicia e moi concretamente no seu entorno.

A ultima parte do programa dedicámola a falar-entrevistar á "zoqueira de Mera", en Vila de Cruces dona ELENA FERRO LAMELA. Unha artesán galega que lle ven de familia a súa dedicación, e que nos informa das moitas e interesantes cousas que saen do seu taller artesán.

A vindeira semana voltaremos a entretelos con moitas máis informacións e entrevistas interesantes. Non deixen de sintonizarnos.

28 de NOVEMBRO do 2013

Unha semaniña máis de radio en galego, dende Radio Sant Boi. Hoxe reincorpórase o noso amigo XULIO COUGIL.

A primeira comunicación-entrevista é co SR. MARTIN, de Restaurante O GRELO, en Monforte de Lemos. Fainos un percorrido pola gastronomía que se sirve no seu local e convídanos a que o visitemos para probar a viandas que alí preparan. Agradecémoslle a súa aportación e colaboración desinteresada, prometéndonos volver a conectar con el para vindeiras ocasións.

Continuamos a nosa emisión falando do Libro-Disco GALIZA, de Kepa Junquera, que nos facilitou Inma Grass, de Fol Música, e ofrecémoslles escoitar un chisco algunhas das colaboracións que se recopilan nestes dous discos tan interesantes.

Na segunda parte falamos con SES (María Xosé Silvar), o ciclón da música galega actual Co Xenio Destrozado. Mantemos unha conversa moi agradable e mii interesante denantes da súa actuación en NARÓN. Desexámoslle moitos éxitos e agradecémoslle a súa amable atención.

Para rematar a nosa emisión de hoce, poñémonos en contacto con ANA RODRÍGUEZ, do Grupo LEILÍA, as pandereteiras que están perto de celebrar as súas bodas de prata, que veñen de recibir o Premio Especial a Leilía na XXIV Edición da Gala Galegos do Ano 2013. Fainos un pequeno percorrido pola súa traxectoria musical e agradecémoslle a súa aportación e información desinteresada.

Na vindeira semana prometémoslles ofrecer un programa cheo de informacións e novidades interesantes.

XOVES 21 de novembro do 2013

Unha semana máis cos nosos oíntes, ofrecéndolles este programiña de radio en galego, dende a Emisora Municipal de Sant Boi de Llobregat. Aínda non se puido incorporar o noso colaborador Xulio Cougil. A primeira intervención-comunicación é con XAVIER DÍAZ, un grande investigador e compilador do folclore tradicional galego que non deixa de realizar a súa actividade docente impartindo cursos de percusión e canto tradicional en diferentes programas de escolas e conservatorios, e colaborando con artistas e formacións como Luar na Lubre, Amancio Prada, Os Cempés, Marful, nordestinas, Uxía Kepa Junquera... ... etcétera.

De seguida falamos co noso correspondente en Moforte de Lemos, Xosé Manuel F. Montes, que como cada semana ten escollidas moitas e interesantes suxerencias e aportacións culturais para tódolos nosos oíntes e seguidores.

A ultima parte do programa dedicámola a falar con DAVIDE SALVADO, un cantante galego que nos fala da súa aportación musical galega.

Seguiremos ofrecéndolles máis novidades e informacións a vindeira semana.

xoves 14 de NOVEMBRO do 2013

Esta xoves non puidemos contar coa colaboración de Xulio Cougil, pero fixemos un programiña bastante completo. Nun primeiro momento conectamos con Galicia para falarmos con FRAN ALLO, con quen mantivemos unha conversa-entrevista moi interesante. Falounos dos seus comezos como cantautor e do seu traballo na música actual. Agradecémoslle a súa participación no noso programa.

Despois falamos co Presidente da A.C.G.Rosalía de Castro de Cornellà, quen nos puxo ao corrente das moitas actividades que ben desenvolvendo esta Entidade, tanto para socios como para non socios.

O noso correspondente en Monforte de Lemos, como cada semana, volveu a deleitarnos coa súa escolla de noticias e comentarios tan axeitados. Non deixa puntada sen fío e sempre aproveita para darlle un toque de humor retranqueiro cheo de engado.

Para finalizarmos, puxémonos en contacto con XOAN LUACES FANDIÑO, responsable de Boa Music e FOL MUSIC, en Galicia. Coméntanos unha serie de novidades musicais e publicacións moi interesantes.

A vindeira semana tentaremos facer outro programiña máis. Se podemos mellor.

XOVES 7-11-2013

Un xoves máis comezamos o noso programa cos saúdos de rigor e propoñémoslles escoitar unha peza de música de Cristina Pato para amenizar as nosas comunicacións. Falámoslle de diversas noticias e celebracións, así como de certos acontecementos actuáis.

Conectamos con Galicia, concretamente falamos con Xosé A. Bocixa, do grupo de rock galego ZENZAR, que nos dá a coñecer o seu traballo e mantemos unha conversa moi agradable e ilustrativa do que se está a facer neste eido musical na nosa terra.

Na segunda hora falamos co noso correspondente na Ribeira Sacra, concretamente en Monforte de Lemos, Xosé M.Montes, que nos pon ao corrente das novidades escollidas para os nosos oíntes e seguidores.

Despois conectamos novamente con Galicia para falarmos con don Xosé Manuel, xerente das Adegas MOURE, productores do viño Abadía da Cova, quen moi amablemente nos fai un pormenorizado percorrido dos seus productos vinícolas, pasando polos oruxos e a recente creación e posta á venda da "Ginebra" que "bautizada" con nome de ANA London Dry Gin, en honor á mai do propio Xosé Manuel. Agradecémoslle a súa atención e prometémonos voltar a conversar con el en vindeiras datas.

Rematamos desexándolles que volvan a sintonizarnos a vindeira semana.

31 de OUTUBRO 2013

Outro xoves máis con vosoutros para poder levar adiante este programiña de dúas horas de radio en galego, tentando facerlles amena a audición de cada semana. Despois dos saúdos de rigor poñémonos en contacto con EMILIO RÚA, que ten previsto facer unha visita a BARCELONA para realizar un concerto das súas creacións musicais no CENTRO GALEGO de Barcelona o vindeiro día 9 de NOVEMBRO. Unha entrevista-conversa na que aproveitamos para repasar, un chisco a súa traxectoria e os seus próximos proxectos.

Falamos da celebración do día de SANTOS, que ten moita tradición e ancestralidade na nosa comunidad gallega. O SAMAIN, concretamente, que se traduce no hallowen Norteamericano, aínda que a súa procedencia ven de moi antiguo, moi probablemente Celta e dos Druidas.

O noso correspondente na capital da Ribeira Sacra, Xosé Manuel F.Montes, fainos un percorrido interesante e remata a súa intervención con pinceladas humorísticas sobre os choupís e unha selección de refráns e ditos galegos desta época do ano.

Denantes de despedirnos poñemonos en contacto con don ERNESTO LAGARÓN, ao que lle pedimos unha valoración da FESTA GALEGA que se celebrou en días atrás e avánzanos os Actos que ten previsto realizar a A.C.G.SAUDADE, en Barcelona. Agradecémoslle a súa participación e información detallada.

A vindeira semana voltaremos, con máis noticias, música e entrevistas que agardamos sexan do voso interese.

XOVES, 24 de OUTUBRO do 2013

   Unha nova entrega deste programiña en galego, dende Radio Sant Boi. Despois dos saúdos de rigor e ofrecémoslle escoitar unha peza de música de ANA KIRO, para homenaxear á un contemporáneo dela, Manolo Escobar. Despois de comentar algunha que outra novidade interesante poñémonos deseguida en comunicación con MASITO BEIRÓ, en Padrón, que tiñamos previsto que nos fixera unha pequena crónica, pero por mor de circuntancias coincidentes tan só podemos manter unha pequena conversa e despedímonos con outra peza de música da mentada artista Ana Kiro. 

 Voltamos novamente a Galicia pra falarmos con XOAN LUACES, responsable de FOLMUSICA e doutras editoriais galegas, que nos explica un chisco o que foi a presentación do Libro-Disco "Cantares Gallegos" en Santiago de Compostela. Agradecémoslle a súa atención e comprometémolo para que poidamos voltar a contar con el en vindeiras ocasións e publicacións. 

 Na segunda hora, despois de escoitar novamente, outra peza de música, falamos co noso correspondente na Ribeira Sacra, XOSE MANUEL F:MONTES, que nos ten preparadas varias novidades e noticias interesantes. 

 Xa para rematar falamos con JUAN, Presidente da A.C.G.AGARIMOS, de Badalona, que nos fai partícipes da "XV FESTA da EMPANADA e do ROSCÓN", que van a realizar na súa Entidade (rúa París, 15 de Badalona) o vindeiro sábado día 26 a partir das 7:30 do serán. Tamén nos convida ao seu Magosto, que celebrarán o próximo día 9 de novembro. Despedímolo con outra peza de música e tamén nos despedimos de tódolos nosos oíntes e seguidores desexando que volvan a conectar con nosoutros outro xoves máis, que os sorprenderemos con motias cousas novas. 

 ¡Que pasen unha semana moi feliz!!!

DOUS Programas atrasados do 3 e do 10/10/2013

O XOVES, 3 de OUTUBRO do 2013, tivemos a ocasión de conectar, na primeira hora, con FERNANDO RIAL, un artista que vive na península do Morrazo. Escritor de "TEMPOS ANARANXADOS", escritor, pintor e escultor, co que mantemos unha conversa moi agradable.

Estamos acompañados nos estudios por ANTONIO DÍAZ, directivo da A.C.G.Rosalía de Castro, de Cornellà, que tamén é corresponsal do xornal "Galicia en el Mundo" e Director da revista Lúa Nova. Comparte connosco esta emisión e aproveitamos para falar poñernos en contacto con Galicia e nesta ocasión falamos con Xulio C., que se atopa en Portomarín, no descanso dunha etapa do Camiño de Santiago, está a facer con seu irán Pablo. Tamén conectamos con OSCAR, do Albergue-Restaurante "Mirador da Ribeira", e mantemos unha conversa-entrevista con eles.

Na terceira parte do programa conectamos coa capital da Ribeira Sacra, para falarmos con Xosé Manuel, que sempre ten escollidas algunhas cousas interesantes para todos nós.

Xa nos finais, para rematar, falamos co Sr.MANUEL, da "TABERNA GALEGA", aquí en Sant Boi, que nos convida a pasar polo seu establecemento para degustar os productos galegos de primeira calidade que teñen na Taberna. Aproveita para ofrecer un agasallo a todos aqueles que chamen ao noso programa e respondan a unha das preguntas que Armando lles fará.

O día 10 de Outubro 

Na primeira parte do programa falamos coa Sra.CARMEN, da CASA DA CABAZA, en Lugo, máis concretamente no INCIO, que nos pon ao corriente das ofertas e oportunidades que ofrecen na súa Casa de Turismo Rural, aproveitando a campaña de Tour Galicia: "Outonos Gastronómicos".

Despois conectamos con "KIKE", na Abeleda, tamén na Ribeira Sacra, e mantemos unha conversa moi interesante, sobre os comezos de Radio San Boi, así como do programa que hoxe temos.

Novamente voltamos a Galicia, pero agora falamos con Xulio C. e con Masito Beiró. O noso "colega" xa rematou o seu Camiño de Santiago e coméntanos algunhas cousas del e falamos con Masito para comprometelo con nosoutros tódolos meses para que nos faga unha pequena crónica dende Padrón.

Rematamos o programa con varias informacións e comentarios relacionados coa nosa cultura.

XOVES, 17 outubro 2013

Seguimos a ofrecerlles este programiño en galego, co desexo de que poidan disfrutar de dúas horiñas de radio cheas de entretenemento, noticias, novidades e entrevistas, adubiadas con música galega. 

Nesta primeira hora poñémonos en contancto con don ALBERTO, responsable do HOTEL JORGE I, de Lugo, que ademais ten o MESON DE ALBERTO e o PAZO da TRAVE, en Viveiro . Unha conversa-entrevista moi entretida e con moita información sobre cada un dos lugares. Agradecémoslle a amable atención e prometémonos achegarnos a calquera deses sitios para poder disfrutar e degustar algún dos moitos manxares que nos "ensinou" coa súa conversa. 

Comentamos algunhas cousiñas que nos chegan á nosa Redacción, acompñámolas dun chisco de música e voltamos nun instantiño.

Despois, na segunda hora, poñémonos en contacto con nos correspondente oficial da RIBEIRA SACRA, XOSE M.F.MONTES, que sempre escolle cousas moi interesantes para informarlle aos nosos oíntes e seguidores. Nesta ocasión fálanos polo miúdo da vendima deste 2013 na Ribeira e déixanos co seu convite especial para que visitemos a zona e disfrutemos do seu encanto e beleza. 

Logo de escoitar un bocadiño máis de música galega, voltamos outra vez a terras de LUGO, para adentrarnos na montaña e achegarnos ata BARALLA, concretamente a SAN MIGUEL DE NEIRA DE REI, para falarmos con AITOR Castro, da CASA de CURRO, que nos atende moi amablemente e fálanos do seu Restaurante de montaña, que xunto con dous socios máis - ANTÓN Campello e IVÁN Gayoso - acaban de poñer en marcha con moita ilusión e ganas. A verdade é que coidamos que paga a pena visitalos e poder degustar os pratos que elaboran no seu Restaurante. Acolledor, con salóns para poder realizar calquera evento ou celebración. Os pratos que se sirven son de alta calidade e seguro que á satisfacción de estar nun lugar encantador cheo de paz e sosegó, súmase tamén o poder degustar pratos tradicionais e de grande calidade, con produtos da zona e garantizados. Agradecémoslle a súa dedicación e participación. 

En vindeiras ocasións seguiremos ofrecéndovos máis novidades e agardamos as vosas aportacións e participacións. 
Ate a vindeira semana!!!. 
Lembrade que este noso programa volve a re-emitirse os domingos de 12h a 14horas.

XOVES 26 de setembro

Mudando o horario e o día de emisión, comezamos un novo programa de "GALEGOS NO BAIX", coa intención de que todos poidan disfrutar de dúas horiñas de información, boa música e boa compañía.

Propoñémoslles escoitar unha peza musical da nosa tradición galega, e conectamos con ERNESTO LAGARON, que nos pon ao corriente das actividades e grandes eventos previstos realizar no Valle Hebrón de Barcelona esta fin de semana. SAUDADE, xunto coa Fundación Galicia Universal, teñen previsto a realización das: XORNADAS EMPRESARIAIS CULTURAIS E GASTRONÓMICAS DE GALICIA EN CATALUNYA. Actos de grande alcance para tódolos interesados. Este vindeiro venres, 27 inagúranse os Actos coa presentación-inauguración na Carpa preparada para tal efecto ás 13 horas. A seguir sucederanse as diversas Conferencias, Degustacións de productos galegos de calidade, Presentación e promoción turística de Galicia... etcétera. Tamén haberá música galega, un Concerto a cargo de Lucía Pérez e verbenas para tódolos gustos. Convida a tódolos nosos oíntes e seguidores a que se acheguen a esta celebración, que promete ser unha mostra moi interesante e diferente de tódalas Festas Galegas en Barcelona. Desexámoslles moitos éxitos.

Despois de escoitar outra peza de música poñémonos en contacto cun "zoqueiro" galego de grande renome. Trátase de ALBERTO GEADA, que nos pon ao corriente das súas creacións e traballo tradicional, dos que xa quedan poucos en Galicia. Unha conversa moi amena e chea de engado. Agradecémoslle a súa participación neste noso programa.

Na segunda hora falamos co noso correspondente e amigo XOSÉ M.MONTES, que dende Monforte de Lemos, tal e como viña facendo en anteriores edicións, ponnos ao corrente das escollas informativas que nos ofrece a tódolos nosos oíntes e seguidores. Agardámolo para vindeira semana e desexámoslle todo o mellor.

Rematamos o programa con algunha que outra pequena noticia curiosa e despedímonos de todos vosotros ate o vindeiro xoves. 

Agardámosvos a todos e desexamos a vosa participación e colaboración.

MARTES 17 de setembro 2013

Comezamos unha nova tempada, coa mesma sintonía de sempre e cos mesmos componentes do equipo: Nos controis Técnicos DAMIÀ. Como correspondente na capital da Ribeira Sacra (Monforte de Lemos), en Galicia, XOSÉ MANUEL F. MONTES e nas locucións Xulio COUGIL e mais ARMANDO FERNÁNDEZ.

Conectamos con Xosé Manuel, o encargado da sección QUEN CHE PREGUNTOU? que nos fai un pequeno relatorio do máis sobranceiro das comunicacións-noticias en Galicia e... Como non? Falamos dos incendios que arrasan o máis fermoso da nosa terra. A praga, o cancro dos veráns... Primeiro ponnos os dentes longos coa descrición do lugar onde se atopa (Saviñao) e infórmanos das viandas que acababa de degustar na "bodega-chiringuito" da viña dende onde contempla a fermosura das ladeiras que baña o encoro de Belesar.  Tamén se detén un chisco falando da noticia do achádego dun boleto da primitiva que se entregou no xulgado na Coruña, e que xa ten varios pretendentes... Despedímolo coa nova para tódolos nosos oíntes: Mudamos de día de emisión e aumentámo-lo horario: TÓDOLOS XOVES DE 16h á 18horas. Polo tanto a vindeira semana, día 26 de 4 a 6 da tarde.

Escoitamos un bocadiño de música e comunicámonos con JUAN PEDRO S. membro da Directiva da ASOBECAT, Asociación de Bercianos en Cataluña, para que nos informe, polo miúdo, da celebración da IX ROMERÍA BERCIANA en Polinyà, na honra da VIRXE de la ENCINA, que levarán en procesión polas rúas da devandita cidade e MISA Solemne no Parque LOS PLATANEROS, ao carón do Pavillón de Deportes. Celebrarán o IV Torneo Día do Bierzo, coa colaboración do Club de Bolos de Horta. Poderán degustarse os productos do Bierzo, xa que terán un servicio de BAR, CAFETERÍA e BARBACOA, para uso de tódolos asistentes. ¡Feliz FESTA!!!

Ata a vindeira semana, o XOVES, 26 de setembro de 4 á 6 da tarde. Con máis novidades e sorpresas. ¡Agardámosvos! 

Nova tempada : 2013 - 2014

Ola a tod@s:

Xa estamos de volta das vacacións. 

Traballamos para incorporar MOITAS E IMPORTANTES NOVIDADES, para esta nova tempada que se presenta chea de grandes desexos de benestar para tódolos que nos seguides. 

Traballamos coa posibilidade de ofrecervos un programa máis extenso e con máis contido. 

Tentamos poñer en marcha novas seccións nas que poder ofrecervos:

.- Entrevistas, 

.- Música, 

.- Conexións en directo cos nosos colaboradores, 

.- Participacións dos oíntes e seguidores, 

.- Concursos e Sorteos... ... 

.- e moitas cousas máis. 

Desexamos que participedes e colaboredes nas diferentes seccións que imos a poñer en marcha. Contamos con todos vosoutros e queremos a vosa "axuda". 

Estade atentos, porque posiblemente teremos que mudar de horario e amplialo. 

Denantes do día 17 de setembro voltaremos a darvos noticias desta nova tempada.

Saudiños moi cordiais a TOD@S.

O Equipo de "Galegos no BAIX".

MARTES : 25 de XUÑO do 2013

ULTIMO PROGRAMA da TEMPADA 2012-13

Dámoslles a ben-vida a tódolos nosos oíntes e seguidores e propoñémoslles escoitar unha peza de música do Grupo tradicional galego "Brincadeira", dos que temos un CD moi interesante, e no que se recollen moitas pezas tradicionais galegas.

Deseguida conectamos coa Ribeira Sacra, pra falarmos con Xosé M.F.MONTES, o noso correspondente habitual, que sempre ten moitas e interesantes noticias escollidas para comentar con nosoutros. Agradecémoslle a súa aportación e emplazámolo para o vindeiro 17 de setembro, que é cando comezaremos a seguinte tempada. ¡Que teña unha boas vacacións!

Na segunda parte do programa chamamos a Galicia, novamente, para poñernos en contacto con MANUEL FERNÁNDEZ GÓMEZ, fotógrafo de profesión en "A Fonsagrada", co que mantemos unha amena conversa-entrevista falando dos moitísimos momentos e instantáneas que ten recollido ao longo da súa vida profesional. Ademais de agradecerlle a súa colaboración, tamén lle prometemos voltar a comunicarnos con el pra vindeiras ocasións.

E despedímonos ate o día 17 de SETEMBRO. Tentaremos repoñer forzas, recargar as "PILAS" e innovar e mellorar esta nosa emisión, na medida das nosas posibilidades. Neste sentido posiblemente teñamos algunha NOVIDADE importante que xa lles comunicaremos oportunamente. 

¡Que pasen unhas felices vacacións! e non deixen de sintonizar Radio SANT BOI!!!

18 de xuño 2013

Comezamos o programa dándolle a ben-vida a tódolos nosos oíntes e seguidores e ofrecéndolles unha peza musical interpretada por Jei Noguerol, no tempo das cereixas... conectamos con Galicia, para falarmos con MARTA, da Granxa Maruxa, para que nos fala das "Maruxas de Nata", e fainos un pequeno percorrido das súas actividades e da Granxa.

Escoitamos outra peza musical e deseguida conectamos co Sr.Manuel, responsable e propietario da TABERNA GALEGA, de Sant Boi, que nos informa das ofertas que no seu establecemento poden degustar: Productos galegos de calidade. Todos con denominación de orixe. Convida aos oíntes que se acheguen ao seu local para degustar unha copiña de albariño xunto cun pinchiño, invitación da casa.

E para finalizar o programa de hoxe conversamos con JULIA ALONSO, Xerente da Asociación de Empresarios de Redondela, que nos pon ao corrente das diferentes Actividades e Festas locais que celebraron recentemente: "Imos de Tapas, Festa do Choco, Festa da Coca..." e rematamos a conversa co convite que nos envía para que vaiamos a visitalos nesa fermosa localidade pontevedresa.

Despedímonos ate o martes que ven. Será o final de temporada e faremos un programa moi interesante e especial. Agardamos que nos volvan a sintonizar.

11 de xuño do 2013

Comezamos o programa dedicándolle unha peza de música á TABERNA GALEGA de Sant Boi, concretamente ao seu propietario Sr.Manuel, con quen temos prometido falar en vindeiras datas. Deseguido comunicámonos con Galicia para falarmos con Xosé Manuel F.Montes, o noso correspondente na Ribeira Sacra e encargado da sección quen che preguntou?. E fainos un pequeno percorrido polas informacións e noticias que escolleu para hoxe.

Despois poñémonos en contacto con OSCAR, encargado do Restaurante O MIRADOR, en Portomarín, que nos fala das súas especialidades (anguilas, pulpo e carnes con denominación de orixe galega) e coméntanos a noticia de que van a inaugurar, en fecha próxima, a segunda planta do Restaurante, dende o que se divisa unha fermosa paisaxe e o impresionante encoro de Belesar. Agradecémoslle a súa participación e colaboración no noso programa e prometemos volver a contactar con el para que nos informe de novidades futuras.

Despedímonos cunha peza de música ate a vindeira semana.

MARTES 4 de xuño

Despois dunha semana intensa e chea de acontecementos (representacion teatral no Orfeò Catalonia de Cornellà, Festa Galega en Can Mercader... ...) hoxe voltamos a emitir outro programiña en galego, cos mesmos azos e intencións de entreter e difundir un chisco a nosa cultura. 

Comezamos, como cada semana, conectando coa capital da Ribeira Sacra (Monforte) para que o noso correspondente XOSÉ MANUEL F. MONTES, encargado da sección QUEN CHE PREGUNTOU? para que nos faga un percorrido polas noticias e informacións que ten escollidas para nosotros.

Na segunda parte do programa poñémonos en contacto con PABLO CARPINTERO, un investigador dos instrumentos musicais galegos e un lutier dos máis importantes de Galicia. Fai tempo que tiñamos moitas ganas de conversar con el, e hoxe, neste primeiro contacto, danos información dalgún dos seus traballos e ponnos ao corrente do seu traballo actual. Agradecémoslle a súa atención e consideramos que esta será a primeira de moitas máis ocasións nas que procuraremos falar con el.

Lembren que este programiña volve emitirse os domingos de 13h a 14 horas. A vindeira semana máis. 

Martes 28 MAIO 2013

Unha nova entrega deste programiña en galego. Conectamos co noso correspondente, Xosé Manuel F.Montes, na capital da Ribeira Sacra, encargado da sección "Quen che preguntou". Fálanos das previsións do tempo e de diferentes novidades escollidas, para comentalas polo miúdo, e remata dándonos as súas "receitas retranqueiras".

Na segunda parte falamos con don JOSE FERNÁNDEZ FERNÁNDEZ, Alcalde do Concello de Navia de Suarna. Coméntanos o falecemento do Sr. Francisco Acal Eiros, Alcalde do veciño Concello de Baleira. A conversa centrámola nas posibilidades de turismo e ofertas para poder disfrutar desa comarca dos Ancares, na que o Concello de Navia ten moitas e abundantes recursos, ademais dos gastronómicos.

Despedimos o programa e desexamos que volvan a conectar con nosoutros a vindeira semana.

Martes 21 de maio do 2013

Voltamos, outra semana máis, a ofrecerlles este programiña de radio en galego, tentando entretervos e darvos a coñecer as noticias e novidades que escollemos para todos vosoutros.

Chamamos a Xosé Manuel F.Montes, o noso correspondente na Ribeira Sacra, encargado da sección QUEN CHE PREGUNTOU? Fainos un percorrido moi particular das cousas que el mesmo escolle e debulla un chisco o contido das mesmas, rematando con algunha que outra anécdota ou sentencia retranqueira, moi propia dos "nosos galegos".

Na segunda parte poñémonos en contacto con Víctor Grande (é cómico, informático, friki, tecnosexual, fan boy, serieadicto, galego e non necesariamente nesa orde). Así é como el mesmo se define na súa páxina web. Un "Grande" personaxe, a quen agradecemos a súa aportación e felicitámolo pola súa intervención no programa televisivo "Tú si que vales". Agardamos poder contar coa súa participación en vindeiras ocasións. 

A vindeira semana máis, con máis música, más novidades e posiblemente con algunha sorpresiña ou primicia para todos vostedes. ¡¡¡Agardámosvos a todos!!!

MARTES 14 de maio do 2013

Unha semaniña máis con este noso programa de radio en galego. Desexamos facerlles entretida esta horiña de radio tentando comunicarlles as novidades, conversas, entrevistas e música galega que nos chega á nosa Redacción. Comezamos chamando a Xosé M. Montes, o noso correspondente da Ribeira Sacra, en Monforte, que nos fala daquelas cousas que el mesmo escolle para levar adiante esa súa sección que titulamos: QUEN CHE PREGUNTOU?

A segunda parte do programa ocupámola falando co Sr.ARGELIO FERNÁNDEZ QUEIPO, Alcalde do Excmo. Concello de A Fonsagrada. Agradecémoslle a súa aportación e colaboración e comprometémonos a volver a falar con el, xa que logo, non nos foi posible aprofundar en certas cuestións importantes, relacionadas con ese Concello da Provincia de Lugo.

A vindeira semana voltaremos. ¡¡¡ Agardámolos a TOD@S !!!

MARTES 7 de MAIO do 2013

Unha horiña de radio en galego. Nesta ocasión non poderemos contar co noso correspondente habitual na Ribeira Sacra, pero temos alternativas interesantes. En primeiro lugar poñémonos en contacto co Sr. Manuel, que é o propietario e director do RESTAURANTE-PULPERÍA ALONGOS II, en Melide (A Coruña), co quen mantemos unha conversa-entrevista moi interesante. Falounos do seu negocio, da característica particular que dende fai un tempo ven desenvolvendo: Os postres caseiros ecolóxicos, tamén nos informou das moitas Festas e eventos que se celebran nesta localidade do Ulloa e concluimos a charla falando cun peregrino de Lanzarote que se atopaba xantando no seu local.

Na segunda parte falamos con don Domingo (Periodipesca), un grande coñecedor da pesca deportiva, que nos informa do Congreso recentemente realizado en Navia de Suarna.

A vindeira semana voltaremos, unha vez máis, con moitas ganas de realizar outro novo programiña.

Non se esquezan que este programa volve a emitirse o domingo de 12 a 13 horas.

MARTES 30 de ABRIL do 2013

Outro programiña máis de radio en galego. Unha horiña que pretendemos facer entretida para tódolos nosos oíntes e seguidores. Comezamos conectando con Galicia. Alí, na Ribeira Sacra, está o noso correspondente Xosé Manuel F.Montes, que se encarga desta sección QUEN CHE PREGUNTOU? e fainos un repaso das "cousiñas" que el recolle, a modo de informacións destacadas , acontecidas na ultima semana na nosa Terra. Recomenda a visita da fin de semana vindeira a CELAVENTE, para disfrutar da VI Ruta dos FORNOS, e remata a súa intervención cos "Ditos e Refráns" retranqueiros aos que nos ten acostumados.

Na segunda parte do noso programa poñémonos en contacto con JUAN JOSÉ FERNÁNDEZ, Maestro Gaiteiro que se atopa en Lugo. Mantemos con el unha pequena conversa-entrevista falando da súa experiencia e do seu traballo investigador e de grande valor.

Lembren que este programa volve emitirse o domingo de 12 a 13 horas. A vindeira semana máis e, se podemos, mellor.

23 de ABRIL do 2013

Neste martes comezamos felicitando a tódolos JORDIS e enviando unha salutación á familia de MANUEL PIÑEIRO, compañeiro nas lides radiofónicas e que sempre levou coma estandarte na súa comunicación o espallamento da nosa lingua galega e as nosas cousas. Finou hai uns días. Dende esta nosa humilde fiestra, enviámoslles as nosas máis sentidas condolencias. 

Deseguida conectamos coa Capital da Ribeira Sacra - Monforte de Lemos - como cada semana, para falarmos con Xosé Manuel F.Montes, o noso apreciado colaborador que se encarga da sección QUEN CHE PREGUNTOU? e que sempre lle inserta un sentido moi particular e característico coa súa interpretación retranqueira.

Na segunda parte do noso programa falamos co amigo ALFREDO GONZALEZ VILELA, cantautor galego que sempre ten algunha novidade interesante que ofrecernos, e anúncianos diversas actuacións nas que ten previsto actuar en vindeiras datas: o día 11 de maio, na A.C.G.Rosalía de Castro, ás 6 da tarde; no Orfeó Catalá, o día 18 de maio na representación teatral de "Anduriña": Os Vellos non deben namorarse e o día 25 de maio novamente na A.C.G.Rosalía de Castro, na Conferencia que imnpartirá don ANTONIO ALVAREZ GONZALEZ, Presidente da Asociación Castaño e Nogueira, que versará sobre a recuperación do Sendeiro de Quinta-Río Donsal.

Lembrade que voltamos a re-emitir este nodo programa os domingos de 13h á 14 horas.

A vindeira semana voltaremos e agardámosvos a todos.

MARTES 16 de ABRIL do 2013

Unha semana máis ofrecémosvos este programiña de radio en galego tentando entretervos e que pasen unha hora agradable. Nos controis de son Damiá, na locución Xulio Couxil e ARMANDO FERNÁNDEZ dirixindo.  

A sección QUEN CHE PREGUNTOU? realizámola coa colaboración do noso correspondente en Galicia, na capital da Ribeira Sacra, Monforte, XOSÉ M.Montes, que coma sempre nos recrea as noticias recentes que el mesmo escolle, para darlle un "toque retranqueiro" e desenfadado.

Na segunda parte do noso programa, e aproveitando a conexión que nos facilitou SANDRA, de Comerengalicia.es, falamos con LOLY, a "chef" do Restaurante A TABERNA DO TRONCO, en Chavín-Viveiro (Lugo), con quen mantemos unha pequena conversa-entrevista moi enriquecedora e con moita información relacionada co seu establecemento, co seu entorno e coa gastronomía galega. Agradecémoslle a súa aportación e colaboración.

Na vindeira semana tentaremos facer outro programiña máis, con moitas novidades e sorpresas para tódolos nosos oíntes e seguidores. 

Non nos fallen. ¡¡¡ Agardámolos a todos!!!

Programa do martes pasado

9 de ABRIL do 2013.

  Comezamos dándolle a benvida a tódolos nosos seguidores e amigos. Conectamos coa capital da RIBEIRA SACRA, para falarmos con XOSÉ M.MONTES, o noso correspondente, que dende Monforte de Lemos sempre nos imforma moi polo miúdo das novidades que el mesmo escolle, relacionadas coa actualidade galega. Nesta sección que titulamos QUEN CHE PREGUNTOU?, sempre teñen cabida unha serie de "sentencias retranqueiras" que o noso amigo e colaborador confecciona con moito tino e cun sentido do humor moi axeitado. 

 Na segunda parte do noso programa conectamos con VICTOR GRANDE, cómico, informático, friki, tecnosexual, fan boy, serieadicto e galego, como el mesmo se define. Unha persoa moi interesante e moi especial, que virá a Barcelona a realizar dúas actuacións, presentado polo noso amigo ALBERTE MONTES. Desexámoslle que recolla moitos éxitos nas súas intervencións. 

 A vindeira semana voltaremos. 

Non se esquezan de que o DOMINGO ao mediodía (de 12 a 13horas) reemítese este noso programa en RADIO SANT BOI. Agardámolos o vindeiro martes á mesma hora, de 16 a 17horas, con moitas máis noticias e entrevistas, mesturadas con boa música galega, chamdas e intervencións interesantes.

MARTES 2 de ABRIL do 2013

Un novo mes e un novo programa en galego. Nesta semana non podemos conectar con Xosé M.Montes, por mor dalgún compromiso persoal, pero conectamos con MASITO BEIRÓ, o noso correspondente nas Rías Baixas, concretamente en PADRÓN, con quen mantemos unha amena conversa sobre algúns acontecementos e eventos que se celebrarán naquela localidade, todos eles de singular importancia cultural, e repasamos algunhas cousas que el mesmo escolle.

Na segunda parte do programa trasladámonos a ALLARIZ (Ourense) para falarmos con CHUS, a filla de dona LUISA SEARA, a mantedora dunha das receitas das "Améndoas de PICO". Esta familia é das poucas que aínda hoxe en dia, e tan só por encargo, son capaces de elaborar este doce tan sabroso e exquisito que seica procede dunha elaboradísima receita de procedencia xudea e que lle transmitiron no seu día aos seus antecesores as monxas clarisas desta localidade. Chus fálanos da súa "Confitería LUÍSA", que segue a tradición da súa nai e continúa a despachar os riquísimos "Amendoados de Allariz" e outros doces que teñen unha grande demanda, como poden ser as Roscas doces, os Melindres, os Mazapáns, as Tortas de Améndoa... e os licores tradicionais galegos (Oruxo, Licor café, Licor de Herbas, Licor de Oruxo... etcétera). A verdade é que se nos fai a boca auga falando con ela. Desexámoslle que continúe disfrutando do seu traballo e agardamos voltar a falar con ela noutra ocasión, para que nos dea algunha receita deses doces exquisitos que ela confecciona.

A vindeira semana máis, e se é posible moito mellor... ¡Agradámovos a TODOS!

Programa do pasado martes 26 de marzo do 2013

Colgamos hoxe o programa desta Semana Santa, que non puidemos ofrecervos en pasadas xornadas, pero que agora recuperamos para disfrute dos nosos oíntes e seguidores. Podedes consultalo e enviarnos as vosas suxerencias e opinións.

Como sempre comezamos coa sintonía habitual, dándolles a ben-vida e conectamos directamente coa capital da Ribeira Sacra, para falarmos con Xosé M.Montes, que sempre escolle noticias e comunicacións moi interesantes para todos.

Na segunda parte do programa comunicámonos con EMILIO RUA, un dos cantautores máis sobranceiros da nosa música gallega actual, con quen mantemos unha pequena conversa-entrevista moi amena e interesante. Agardamos que non sexa esta a única vez que nos comunicamos e desexamos que en vindeiras ocasións poidamos voltar a telo con nosoutros para que nos informe dos seus proxectos e traballos musicais, ao tempo que lle desexamos moitos éxitos.

No seguinte programa, xa no mes de abril, concretamente o día 2, voltaremos a facer outro programiña en galego para todos vosoutros. Agardámolos a todos. 

MARTES

19 de MARZO do 2013 

 Comezamos felicitando a tódolos XOSÉS e dándolles a ben-vinda aos nosos amigos seguidores e oíntes. A proposta de hoxe seguirá nos termos que acostumamos cada semana: Primeiro conectamos con Monforte de Lemos, a capital da Ribeira Sacra, para falarmos con XOSE M.MONTES, o noso correspondente encargada da sección QUEN CHE PREGUNTOU? Fainos un pequeno adianto do percorrido-xira por Galicia, do noso amigo ALBERTE-Monologuista. Despois escolle algunha das novidades e acontecementos que suceden na Nosa Terra para debullalos con precisión e acompañalo con algo de retranca e pensamentos tradicionais recollidos da sabiduría popular. 

 A segunda parte adicámoslle-la a don DARIO LODEIRO TORRES, escultor e pintor autodidacta, que tamén se atopa en Monforte de Lemos. Mantemos unha conversa-Entrevista moi amena e ilustradora da súa traxectoria como artista. Agradecémosllelo e comprometémonos a comunicarnos noutra ocasión para que nos siga a informara do seu traballo tan interesante. 

 En antena dixemos que a semana que ven non estaríamos. EQUIVOCÁMONOS. A semana que ven, o día 26 concretamente, volveremos a ofrecerlles unha nova entrega deste noso programa, así que  ¡AGARDÁMOLOS A TODOS! Faremos outra horiña máis de radio en galego, se podemos MOITO MELLOR, polo tanto: 

¡ATE A SEMANA QUE VEN! ¡NON FALTEN!

12 de MARZO do 2013

Unha semaniña máis voltamos a ofrecerlles unha horiña de radio en galego. A nosa teima é poder achegarlles as novidades e noticias que nos chegan á nosa redacción. Como sempre conectamos coa Capital da Ribeira Sacra - Monforte de Lemos - para falarmos con XOSE M.MONTES, o noso correspondente que escolle algunhas das novidades máis salientables da nosa Terra. Tamén nos agasalla co recolleita dalgúns ditos e frases populares moi enxebres e sentencias con retranca. Esta sección chamámola QUEN CHE PREGUNTOU?

Na segunda parte do programa voltamos a conectar con Galicia para falarmos con XANECO TUBÍO, un Artesán de Lugo, compoñente do Grupo Musical OS MINHOTOS, que presentarán próximamente o seu disco PINGA D'AUGA. A conversa con este Músico-Artesán é moi enriquecedora.

A vindeira semana máis, e se é posible MELLOR.

Lembren que este programa volve emitirse os DOMINGOS pola mañán.

5 de MARZO de 2013

Hoxe voltamos a recibir ao noso amgio XULIO COUGIL, e como ven sendo habitual nestes ultimos tempos, nos controis técnicos temos a FERNANDO e un servidor de vostedes ARMANDO FERNANDEZ, tentando facerlles pasar unha horiña de radio entretida e en lingua galega.

Conectamos con Galicia. Alí, na capital da Ribeira SACRA (Monforte de Lemos) temos ao noso colaborador e correspondente Xosé M. MONTES, que como cada semana tennos preparadas algunhas informacións interesantes e convídanos a participar celas. Neste caso veñen moi a contó, xa que se trata de celebracións de Feiras do Viño (en Chantada e Sober) e o XANTAR en Ourense.

Na segunda parte chamamos e falamos coa Señora CARMEN, a xerente e dona da Vivenda Rural "A CASA DA CABAZA", no INCIO (Lugo). Este matrimonio Madrileño, asentouse nesa casa de labranza do século XIX, restaurouna e agora ofrece as súas dependencias para poder disfrutar delas por módicos precios. As ofertas que teñen para esta Semana Santa son moi cobizosas, xa que oscilan entre os 20 e 29€uros por persoa. Ademais teñen a posibilidade de facer unha morea de actividades que dende este lugar se poder escoller e moi asequibles. Agradecémoslle a súa aportación e desexamos poder continuar coa súa colaboración en vindeiras ocasións e programas.

A vindeira semana máis, se nos é posible. Contamos voltar a telos na nosa sintonía.

Programa do 26 de FEBREIRO

Voltamos, outra semaniña máis, co noso programa en lingua galega, para tódolos nosos oíntes e seguidores. Nos controis, como na semana anterior o noso amigo FERNANDO, e quen lles fala ARMANDO FERNÁNDEZ, tentando facerlles agradable esta horiña de radio. A primeira comunicación é con XOSE M.MONTES, o nodo "Correspondente en Monforte de Lemos" que nos fai un percorrido moi axeitado das noticias que escolle para comentalas con nosoutros e ofrécenos unha visión moi pormenorizada do que está a contecer na nosa Galicia. Actualidade con certa visión rentranqueira e moi nosa. Agradecémoslle a súa aportación. 

A segunda parte do programa está adicada ao escritor-pintor FERNANDO, ubicado en DOMAIO, unha localidade das Rías Baixas. A conversa xira sobre o seu libro: "TIEMPOS ANANRANJADOS". Falamos da súa obra. Agradecémoslle a colaboración e desexámoslle moitos éxitos, agardando poder voltar a falar con el en vindeiras ocasións.  

A vindeira semana máis, e se é posible, MELLOR. ¡Agardámolos!

Programa do 19 de febreiro

Esta semana fixemos o programa coa participación de FERNANDO nos controis técnicos e un servidor de vostedes, ARMANDO FERNANDEZ. Xulio Couxil e mais DAMIÀ, tiveron que ausentarse. Non hai razóns polas que teñamos que lamentar pola súa ausencia, tan só que o habitual mudouse para convertirse noutro xeito de traballar e facer o programa para todos vostedes.

A primeira comunicación-colaboración é con MONFORTE de LEMOS, a capital da Ribeira Sacra, onde se atopa o noso "Correspondente Oficial" Xosé M.MONTES, que nos pon ao corrente das novidades escollidas por el para esta semana, e acaba dándonos as súas "Receitas retranqueiras", ademais de convidarnos a achegarnos a aquelas terras galegas tan feiticeiras.

Na segunda parte do programa conectamos con ANA DOS SANTOS, a autora do libriño de poemas titulado: "OJOS AMARILLOS", da editorial Círculo Rojo, e que se pode a topar xa en moitas librerías. A conversa con ANA é moi esclarecedora, amena e cordial. Desexámoslle moitos éxitos e seguro que voltaremos a conectar con ela noutra ocasión.

Despedíamonos ate a semana vindeira e, agardamos poder contar coa vosa fidelidade.

MARTES 12 de febreiro do 2013

Outra semana máis realizamos este programiña de radio en galego pretendendo ofrecerlles unha horiña entretida e amena, con noticias e novidades que se suceden no noso entorno.

A primeira comunicación-conexión é co noso colaborador-correspondente XOSE MANUEL F. MONTES, que desde Monforte de Lemos encárgase da sección: QUEN CHE PREGUNTOU?. A súa aportación e comunicación está relacionada coa celebración do ENTROIDO gallego, e moi concretamente coa Festa do OSO na localidade de Salcedo (Pobra de Brollón). Despedímonos del desexándolle que disfrute dese días de lecer e agardámolo a vindeira semana.

Na segunda parte do noso programa de hoxe conectamos con JUAN PEDRO SANCHEZ, directivo de ASOBECAT, que nos informa da celebración do X FESTIVAL DEL BOTILLO EN CATALUÑA, que se realizará no Hotel CAMPUS de Bellaterra, como en anos anteriores. Nesta ocasión honrarán a don JOSE LUIS PRADA como Berciano do ano e tamén será agasallado o Concello de Cubillos del Sil, na persoa de don José Luís Ramón. Agradecémoslle a súa participación tan amable e desexámoslle moitos éxitos para este grande evento de exaltación gastronómica do Bierzo.

A vindeira semana voltaremos, con máis novidades e con algunha que outra sorpresa interesante.

¡Que pasen unh feliz semana!

MARTES 5 de febreiro

Seguimos aquí, cunha nova entrega deste noso programiña en galego. Comezamos dándolle a ben-vida a todos e deseguida conectamos con Galicia, para dar paso á nosa sección: "Quen che pregunto?", e falamos con Xosé Manuel F.Montes, o noso correspondente en Monforte de Lemos (capital da Ribeira Sacra), que nos fala das cousas que escolle para dar a coñecer a tódolos nosos seguidores e escoitantes. Temos que resaltar aquí a participación e colaboración humorística que o noso amigo fai no "Galicia Confidencial". Remata a súa intervención coas súas "sentencias retranqueiras" cheas de moito contido.

A segunda parte deste programa de hoxe adicámola a falar con YAGO Castrillon, cociñeiro do Restaurante ACIO, de Santiago de Compostela, que ven de recibir o premio "Restaurante Revelación 2013" no Congreso Gastronómico Madrid-Fusión. Este restaurante, que ten como Sumiller a EVA Pizarro foi recoñecido o mes de decembro pasado, pola Guía Repsol, coa distinción dun SOL, tamén foi un dos tres establecementos con tapas gañadores. Felicitámolos e desexámoslles que sigan acadando moitos éxitos, espallando a nosa gastronomía 

A vindeira semana continuaremos ofrecéndolles máis novidades e máis música galega, para entretenemento e disfrute de todos. 

¡Que pasen unha feliz semana! ¡Feliz Entroido e agardámolos!. 

MARTES 29 de xaneiro do 2013

Unha entrega máis deste noso programiña: "Galegos no BAIX".

Comezamos, como cada semana, conectando con Galicia, concretamente co noso correspondente Xosé M.F.Montes, que nesta ocasión atópase en Santiago de Compostela. Fainos un percorrido polas "novas informativas" que escolle para tódolos nosos oíntes e seguidores. Concluímos a charla con el recollendo e escoitando as súas "sentencias retranqueiras" que tanto nos engaiolan.

Na segunda parte do programa volvemos a comunicarnos con Galicia, e nesta ocasión falamos con RUBÉN FERNÁNDEZ, o Xerente e propietario de "Casa Castelao" en A Fonsagrada, que nos informa da celebración da XVI Feira do Botelo nesa localidad, prevista para os días 2 e 3 de febreiro próximo, ademais de darnos a coñecer toda a serie de productos que elaboran na súa fábrica. Agradecémoslle a súa atención e desexámoslle moitos éxitos, así como a posibilidad de poder manter unha conversa tan amena e ilustrativa como a de hoxe.

A vindeira semana tentaremos facer outro programa coma este, a ser posible mellor e con máis novidades, informacións, música e entrevistas agradables e interesantes.

Terceiro Programa do 2013

22 de XANEIRO 

 Comezamos esta semana dándolle a ben-vida a Xulio Couxil, que na semana pasada non puido estar con nosoutros e deseguida encetamos a sección ¿Quen che preguntou? conectando directamente coa "capital" da Ribeira Sacra (Monforte), para falarmos co noso corresponden Xosé Manuel F.Montes, como é habitual. A nosa conversa-comunicación con el, é sempre moi relevante e chea de interese. Sempre atopa novidades e informacións atraíntes e cunha certa chispa de humor retranqueiro. Agradecémosllo moi encarecidamente e despedímonos coas súas "sentencias semanais".

 Na segunda parte do programa falamos con CARME, a xerente e dona da Casa Rural XANELA DA LÚA, en Lira (A Coruña) que nos pon ao corrente das moitas posibilidades e ofertas das que se poden aproveitar os nosos oíntes e seguidores. A estancia na súa vivenda rural pódese acompañar cunha degustación especial de inverno: o cocido galego por excelencia. Unha proposta moi axeitada para este tempo e paga a pena aproveitala. 

 A vindeira semana voltaremos con máis noticias e máis novidades.

Programa do 15 de xaneiro

Segundo Programa do ano 2013

Comezamos o programa conectando con XOSE MANUEL F.MONTES, como cada semana, que dende a capital da Ribeira Sacra -Monforte de Lemos- fainos a súa crónica particular acompañada das súas sentencias con retranca, que sempre amenizan a nosa conversa e danlle ese punto de sabor galego á antiga usanza e con moito "fundamento".

Despois conectamos co noso amigo, Pintor, cronista e colaborador MASITO BEIRÓ, que dende Padrón conversa con nosoutros e fainos un pequeno relatorio moi interesante para todos.

A vindeira semana voltaremos e seguro que con máis novidades e informacións.