lunes, 26 de diciembre de 2022

XOVES 15 de DECEMBRO do 2022

Unha nova emisión deste noso programa. Comezamos coa nosa sintonía de sempre e, despois de escoitar un bocadiño de música, conectamos co noso primeiro convidado, Beatriz Dourado, Mestra e Poeta galega, nada en Barcelona e traballando actualmente en Lugo.
 

A seguinte conversa é comigo mesmo, Couxil, que dende o seu "retiro de descanso" fala con Armando do grande acontecemento-evento realizado o sábado pasado no Liceo de Barcelona: "Unha Xeración. Dous Mundos". A verdade é que foi un acto entrañable, no que participaron unha morea de persoas, e a destavar a intervención da maioría dos compoñentes da nosa Compañía de Teatro "Anduriña" da Asociación C.G.Rosalía de Castro de Cornellà.

Despois conecta co noso correspondente na capital de Ribeira Sacra, Monforte de Lemos, Xosé Manuel F. Montes, encargado da sección "Quen Che Pregntou?" Fainos unha crónica informativa cos seus "me Ghustan e Desghústanme" e finaliza enviando os seus mellores desexos a todos os nosos oíntes e seguidores para estas Festas. O mesmo lle desexamos nosoutros.

A continuación temos a intervención de OvidioMESÓN "Catro Ventos", de Barbeitos, A Fonsagrada. Un establecemento que ten a gala gavarse dos bos xantares e da boa carne de primeira calidade que se sirven nos seus comedores. Agradecémoslle a súa participación de hoxe no noso programa.

Despois conecta con Ilmo.Sr. Alcalde de Navia de Suarna, don Xosé Fernández Fernández. Unha das moitas personalides galegas que asistiron ao evento do Liceo o sábado pasado. Coméntanos as súas impresións e deséxanos unhas felices festas e próspero aninovo. O mesmo lle desexamos nosoutros.

Aproveitamos para deixar aquí o programa completo.


jueves, 1 de diciembre de 2022

XOVES 1 de DECEMBRO do 2022

Unha emisión máis do "Galegos no BAIX". Comezamos coa nosa sintonía de sempre e despois dos saúdos habituais ofrecémoslles a primeira peza de música do CD: DIANTE UN ECO de SES. Unha primicia para tódolos nosos oíntes e seguidores. Recibimos ao primeiro convidado, TOTO RAMOS,  piloto lucense que acadou a Terceira plaza no Campionato Nacional todoterreno de Rally de España. Coméntanos a súa situación, cómo se prepara para esas competicións, cómo se está preparando para unha nova participación o ano 2023. Agradecémoslle a participación no programa de hoxe e desexamos que teña moita sorte.
 

XISCO Feijoo
O segundo convidado é XISCO FEIJOO, Profesor, Cantautor, premiado Bailador, Coreógrafo, Presentador de Televisión, Mestre do ETRAD... que nos fala do grande evento previsto para o día 10 de decembro no Liceo de Barcelona: "Unha Xeración Dous Mundos"... ... Unha conversa moi interesante chea de informacións. Tamén nos fala do seu espectáculo "PEIXE" que tamén foi premiado co aRi(t)mar como gañador da mellor Canción de Galicia no 2021. Agradecémoslle a súa participación no programa de hoxe e desexámoslle moitos éxitos.

Continuamos, na segunda hora comunicándonos con XURXO ALONSO GARCÍA, poeta e pintor, que acadou o Segundo Premio do "36 Certame de Poesía Rosalía de Castro de Cornella", co seu poema titulado: "A senda do furtivo". Parabenizámolo por este premio e tamén o felicitamos porque acaba de recibir o Primeiro Premio no Leiras Pulpeiro de Poesía (Mondoñedo), co seu traballo: "O Outro lado". Unha ocasión importante para falar con un creador poético moi recoñecido. Precisamente agasállanos coa lectura dunha das súas composicións poéticas, que lle agradecemos.

Tamén conectamos con XOSÉ CARLOS G.G., Presidente de "Xuntanza de Cataluña". Falamos desa actuación prevista para o 10 de decembro no Gran Teatro do Liceo de Barcelona: "Unha Xeración. Dous Mundos". Xa foi presentada con grande presencia xornalística en Lugo. Agasalla aos nosos oíntes e seguidores con catro entradas para aqueles que se poñan en contacto coa nosa emisión ou coa nosa páxina ou facebook. Posiblemente haberá algunha entrada á venta nas taquillas do Liceo, pero a maioría delas xa foron adquiridas polas diferentes Entidades participantes na Gala. ¡Moitas Grazas, Xosé Carlos!

Escoitamos outra peza do CD de SES: DIANTE UN ECO, para despedirnos ate o vindeiro xoves día 15, despois da ponte destas Festas da semana próxima. ¡Que disfruten e sexan felices!

Aquí vos deixamos o programa completo:

jueves, 24 de noviembre de 2022

XOVES 24 de NOVEMBRO do 2022

Unha nova emisión do "Galegos no BAIX". Despois das salutacións de ben-vinda poñémonos en contacto co primeiro convidado de hoxe: MANUEL BRAÑAS, do Grupo "BRAÑASFOLK", que nos presenta o seu último traballo discográfico "GODAXE!",  que ben a significar "Festa" e que, segundo nos indica,  corresponde a unha das palabras do "barallete", unha xerga que empregaban os paragüeiros, canteiros e músicos en tempos atrás. Tamén nos fala do seu traballo específico relacionado coa recuperación e restauración de instrumentos que se atopan no Pórtico da Gloria da Catedral de Ourense. Precisamente con algúns deses instrumentos confeccionaron una das pezas, concretamente a nº 8, que leva por título "Cantiga 215 Santa María". Agradecémoslle a sua atención e desexámoslles moitos éxitos.
 

A segunda colaboración-entrevista é con AMANCIO PRADA, que fará un concerto: "Libremente", o luns día 28 de novembro, no Teatro Apolo de Barcelona. Recibímolo coa interpretación súa dunha peza musical galega: Un repoludo Gaiteiro. Agradecémoslle a súa amable atención e coméntamos algunhas curiosidades interesantes. Fálanos de cómo ten previsto realizar ese Concerto e no que agarda interpretar varias pezas musicais basadas en textos de diversos poetas: Rosalía de Castro, Federico García Lorca, Sánchez Ferlosio, Agustín García Calvo... ... Despedímolo coa súa peza: "Adiós Ríos, Adiós Fontes" e desexámoslle moitos éxitos.

Na segunda hora conectamos con Galicia para entrevistar a Xosé Lois González Vázquez, enxeñeiro de telecomunicacións e viñetista-humorista autor e creador de "O Carrabouxo". Agradecémoslle a súa participación no noso programa de hoxe. Conversamos sobre a súa traxectoria creativa e ilustradora, as súas viñetas diárias, diversos libros publicados, a animación feita por Lhosca Arias - co personaxe Carrabouxo - composta por 26 capítulos de 1 minuto de duración, os Premios que ten acadado, a destacar a "Medalla Castelao" e o Premio Bo e Xeneroso concedido pola Asociación de Escritores en Língua Galega. A súa faceta de humorista gráfico ten acadado unha proxección e ámbito internacional. Desexámoslle moita sorte.

Comunicámonos con XABIER DÍAZ, o Profesor, Cantautor e Músico galego que fará unha clase de pandeireta e percusión o día 25 no "Tradicionarius" de Gracia. Tamén ofrecerá un Concerto, xunto coas Adufeiras de Salitre, e outras sorpresas moi interesantes. Parabenizámolo polo seu recente éxito acadado na xira que realizou en Arxentina, Buenos Aires e Bariloche, co seu trio, que tamén o acompañará na actuación prevista para mañá no CAT de Gracia, a partir das 21h. Agradecémoslle a atención que nos prestou e desexámoslle moitos éxitos.

Despedímonos ate o vindeiro xoves á mesma hora.

Aquí "colgamos" o Programa completo.

jueves, 17 de noviembre de 2022

XOVES 17 de NOVEMBRO do 2022

Comezamos unha nova emisión do noso programiña "Galegos no BAIX" coa nosa sintonía e saudando aos oíntes e seguidores. Escoitamos un poquiño a Xabier Díaz e poñémonos en contacto con TOÑO LORENZO GAY, CHEF Executivo do Restaurante A Faragulla, na Praza da Paz de Chantada. Unha conversa moi ilustrativa e informativa sobre o que ofrecen ese equipazo que dirixe. Fálanos dos menús exquisitos que elaboran, da Carta, dos Menús degustación, dos Bonos de degustación, do catering personalizado que se pode encargar para ir a recoller ou que o levan á casa do cliente, dos postres caseiros... ... Agradecémoslle a súa amable atención e desexámoslles moita sorte e moitos éxitos.

O seguinte convidado é ISMAEL RAMOS, Profesor, escritor e Poeta, a quen lle acaban de outorgar o Premio Nacional de Poesía Xoven "Miguel Hernández 2022", polo seu libro "Lixeiro". Parabenizámolo e conversamos con el para coñecer un bocadiño máis da súa traxectoria creativa. Fálanos das súas publicacións, dunha recente tradución ao portugués dun seu libro "Lume", que foi publicado pola editora portuguesa do lado esquerdo, traducido por Daniel Ferreira "Fogos", e que próximamente será presentado en Cataluña coa súa correspondente tradución "Foc". Comentamos que sería moi axeitado poder disfrutar da súa presencia no día de Sant Jordi do ano que ven. Desexamos que siga disfrutando dese Premio e desexámoslle o mellor.

Conectamos con Galicia para recibir a crónica do noso correspondente na Capital de Ribeira Sacra, Xosé Manuel F. Montes, que ten preparada a súa sección Quen che Preguntou? a modo de Ghústanme e Desghústanme coas noticias escollidas. Tamén nos propón o reto de entrevistar a algún personaxe interesante e relevante galego. Primeiro apunta poder falar co grande viñetista Xosé Lois, autor do "Carrabouxo". E despois comenta que sería unha "fita" importante para o noso programa de Radio, poder entrevistar á Sra. de Palmirez, un personaxe moi singular, que intervén no programa LUAR da Televisión Galega os venres. Precisamente aproveita este comentario para enviarnos a viñeta alusiva a esta señora. E para finalizar danos a súas "sentencias" recollidas na libretiña pequena.

Continuamos a emisión e falamos con FRANCISCO LOPEZ "Chesqui", que é o Secretario do Partido Galeguista. Chegounos esta información : Cadernos de viaxe. Castelao, primeiro Presidente de Galicia. Por Xoan Antón Pérez-Lema, e ¿quen mellor que Francisco para que nos fale dese acontecemento que cumpliu 78 anos precisamente o 15 de novembro pasado? Escoitamos a súa aportación tan amena e agradecémoslle a súa participación tan interesante.

 

Despedímonos ate o vindeiro xoves á mesma hora.

Aquí deixamos o Programa completo.


jueves, 10 de noviembre de 2022

XOVES 10 de NOVEMBRO do 2022

Outro programiña máis de "Galegos no BAIX". Comezamos coa nosa sintonía e salutacións. Escoitamos un bocadiño de música e poñemonos en contacto con SILVIA PARDO DOMÍNGUEZ, responsable de Comunicación do XANTAR 23 Salón Internacional de Turismo Gastronómico de OurenseMantemos unha conversa-entrevista na que nos pon ao corrente das novidades e propostas interesantísimas das que se poden disfrutar e degustar neste grande evento. Un acontecemento que xa celebra 23 anos de existencia. Unha novidade importante que nos resalta é a Edición Especial "Gastronomía dos Camiños". Destaca tamén os Menús Xantar 2022: Zamora, Camiños EnOugrastronómicos, O Irixo, Camiño Miñoto Ribeiro, Massachusetts-USA, Porto da Guarda, A Arnoia e Taberna Polbo Carballiño. Agradecémoslle a súa amable atención.

Despedimos a Silvia e despois de escoitar outro poquiño de música, saudamos a Carlos, de "A MeixoEira Soc. Cooperativa". Parabenizámolo por veñen de recibir a Medalla de Prata no WORLD CHEESE, de Gales. Un queixo de cabra curado que por segundo ano consecutivo é premiado con esa grande distinción. Falamos dos produtos que teñen á venda, da posible adquisición dos mesmos por parte dos nosos oíntes e interesados, solicitándollelo na súa páxina de facebook. Tamén teñen distrifuidor en Barcelona. Agradecémoslle a súa participación no programa de hoxe e desexamos que sigan colleitando moitos éxitos.

Aproveitamos para informarlles dalgunhas noticias e informacións que nos chegaron á Redacción, mentres agardamos poder conectar co noso correspondente.

Falamos co noso colaborador e correspondente na capital da Ribeira Sacra, Xosé Manuel F. Montes, encargado da sección Quen che Preguntou? Felicitámolo, pola parte que lle toca, xa que celebraron unha grande Festa do Magosto coa Asociación Boca do Monte, a semana pasada. Fainos a súa crónica semanal cos "Ghústanme e Disghústanme" correspondentes ás noticias escollidas. Tamén nos envía a súa viñeta alusiva a emisión de hoxe, que ademais celebra con ela o aniversario do Carrabouxo. Agradecemos a súa participación e aportación.

A seguinte comunicación é con ANDREA, compoñente do Grupo Musical galego "A Banda da Loba". Recibímola coa súa música e parabenizámola pola "Gira por Salas", que están a realizar en diversas localidades. Precisamente a próxima fin de semana actuarán en Guadalajara e despois en Madrid. Están dando a coñecer o seu último traballo "Xabón Lagarta", inspirado no universo vital das lavandeiras e neses espazos de liberdade, confidencias e insubmisión que eran precisamente aqueles lavadoiros galegos. Todos aqueles que estean interesados na súa adquisición poden poñernse en contacto con elas mediante a súa páxina abandadaloba.gal, e poderán recibilo cunha dedicatoria asinada por elas. Desexámoslles moita sorte e moitos éxitos.

Antes de despedirnos aproveitamos para dar a coñecer as próximas actividades propostas pola A.C.G.Rosalía de Castro de Cornella, nas que se inclúen o Campionato de Tute, o "36 Certame de Poesía Rosalía de Castro" e as clases de música, danza gaita e outras actividades na propia Entidade.

Despedímonos desexando que teñan unha feliz semana. Ahí teñen o programa enteiro.

jueves, 3 de noviembre de 2022

XOVES 3 de NOVEMBRO do 2022

Comezamos este primeiro programa do mes dos Santos coa nosa sintonía e dándolles a benvida a tódolos oíntes e seguidores. Escoitamos un bocadiño de música e poñémonos en contacto con Mª del Rosario Pita Villares, máis coñecida por CHARO PITA. Licenciada en Filoloxía Hispánica, Escritora, Narradora oral, Actriz e Cantante. Felicitámola e dámoslle as grazas polo agasallo que nos fixo do seu libro: "Retratos en Branco e negro". Falamos del e da súa cretividade literaria. Tamén nos obsequia coa lectura dun relato incluído no seu libro: "Minueto". Agradecémoslle a súa participación.

Continuamos coa segunda convidada, dona MÓNICA ALONSO, Artista Plástica, Licenciada e Doutora en Belas Artes, que na fin de semana pasada pronunciou o seu discurso de Admisión e Entrada na Real Academia Galega de Belas Artes. Parabenizamos a esta Fonsagradina polo seu traballo e coméntanos parte da súa intervención tan interesante, A Arte cura, que próximamente será publicada pola Diputación de Lugo. Fálanos da súa investigación relacionada coas cores... axúdanos a coñecer "un chisquiño" dese traballo tan importante. Desexámoslle que siga colleitando moitos éxitos.

Comezamos a segunda hora conectando novamente con Galicia para conversar con GUIDO ÁLVAREZ PARGA - Guía Oficial de Lugo,  a quen tamén felicitamos polas recentes "Viaxes-Guías" que fixo á cidade olívica, onde tivo como "axudante especial" ao gaiteiro Carlos Núñez, para ofrecer esa súa guía: "O Vigo Menos Coñecido". Tamén estivo en Pontevedra, ofrendo precisamente a "Pontevedra Menos Coñecida" e en Santiago de Compostela coa "Compostela Menos Coñecida". Fainos partícipe dunha noticia moi importante que ten moito que ver coa Muralla de Lugo. Un encargo da Deputación de Lugo que pronto verá a luz e convídanos a participar nese proxecto cunha video-gravación. Enviarémoslle-la. Moitas Grazas por todo, Guido e moita sorte en tódolos proxectos nos que estás inmerso.

A última convidada é Ánxela Rodríguez Rodríguez, coñecida polo seu pseudónimo artístico como ÁNXELA GRACIÁN, Licenciada en Filoloxía Hispánica, Escritora, Traductora e Crítica Literaria. Aproveitamos para felicitala por ese libro que está a ter unha grande repercusión "Paisaxes de pan". Tratamos de que nos faga un pequeno adianto del; tamén nos fala da presentación que hai uns días tivo no Marco de Vigo, acompañada do Profesor don Xesús Alonso Montero. Un pracer poder conversar con esta autora que próximamente poderemos saudala persoalmente e disfrutar da súa presencia, porque participará no Xurado do "36 Certame de Poesía Rosalía de Castro de Cornella".

E despedímonos desexesando que disfruten dunha feliz semana e deixamos aquí o programa enteiro.

jueves, 27 de octubre de 2022

XOVES 27 de OUTUBRO do 2022

Comezamos coa nosa sintonía, saudando aos nosos oíntes e seguidores, escoitamos un bocadiño de música e saudamos ao primeiro convidado. ALBERTO CACHARRÓN MOJÓN, escritor, deportista e viaxeiro galego incansable que nos fala da súa faceta viaxeira, dos 15 Camiños de Santiago que fixo, das moitas rutas e expedicións extraordinarias, cheas de interese e emoción, dos seus libros publicados e, como no, do último e recente: "La Senda Proscrita". Agradecémoslle a súa amable atención.

A segunda persoa convidada é don XOSÉ MIGUEL PÉREZ BLECUA, Alcalde de San Xoan de Rio, con quen mantemos unha conversa moi agradable. Falamos de varios e interesantes proxectos moi interesantes: Aldealista.com,  e moi destacadamente do Premio de Novela Galicia Rural que acaban de concederlle ao escritor Oscar Reboiras, pola súa novela: "A Agonía das folerpas", relacionada coa aldea abandonada de Salgueiros, no Parque Nacional do Xurés. Agradecémoslle as súas informacións precisas e desexamos que acaden moitos éxitos nesas encomendas.

Comunicámonos co noso correspondente en Monforte de Lemos, XOSÉ MANUEL F. MONTES, encargado da sección QUEN CHE PREGUNTOU? Envíanos a súa crónica cos seus "Ghústanme e Desghústanme" semanais. Tamén nos envía a "Viñeta" aluisiva ao programa de hoxe. ¡Moitas Grazas!

Continuamos o programa informando das próximas actividades da Asociación Cultural Galega Rosalía de Castro, o Magosto para o vindeiro sábado día 5 de novembro, o Campionato de Tute, a Presentación de sendos libros de Ánxela Gracián e Alberto Cacharrón e o fallo do "XXXVI Certame de Poesía Rosalía de Castro", dentro da Semana Cultural 2022. Tamén lles comunicamos a intervención da actriz María Barcala na Obra Teatral: Libre como os paxaros, que terá lugar na Aula Magna da Facultade de Xeografía e Historia da Universidade de Barcelona, c/ Montalegre, este próximo venres día 28 ás 19h. A entrada é gratuíta. Está organizado polo Lectorado de Estudos Galegos da UB.

Falamos con UBALDO PÉREZ, do Restaurante "Los Ancares", na rúa Robrenyo,76 - 78, de BCN. Felicitámolo pola recente celebración (o domingo pasado) da Festa do Cocido Galego, con grande afluencia de comensais, que foron agasallados con música galega, como sempre que realiza eses eventos culturais gastronómicos. Desexamos que siga colleitando moitos éxitos.

Celebramos e felicitamos á Catedrática de Didáctica das Ciencias na Universidade de Santiago de Compostela, ensinante, científica, académica, escritora, novelista... MARILAR ALEIXANDRE, que ven de ser Premio Nacional de Narrativa. Voltamos a recordar os próximos eventos que mencionamos anteriormente, para que poidan participar e asistir.

Despedímonos ate o vindeiro xoves á mesma hora. Aquí deixamos o programa completo.


jueves, 20 de octubre de 2022

XOVES 20 de OUTUBRO do 2022

Comezamos coa sintonía e as salutacións oportunas. Temos un pequeno atranco (non hai luz) e teremos que agardar uns minutos para poder conectar coas persoas que temos convidadas para falar e entrevistar, pero aproveitamos para ofrecerlles a interpretación especial de ANTÍA MUÍÑO dunha peza tradicional: "Canta, miña compañeira". Comentamos un chisco as previsións do programa de hoxe.

Xa temos arranxado o asunto da luz e entón poñémonos en contacto con ANTÍA MUÍÑO, para felicitala porque lle acaban de entregar o Premio á Mellor Artista Emerxente, nos Premios Martín Codax da Música. Conversamos con ela para que nos diga cousas da súa traxectoria musical. Adiántanos que próximamente publicará un Disco que levará por título: "Carta aberta". Comentamos con ela algunhas cousas e tamén a posibilidade de que veña Cataluña a presentar esa súa creación discográfica musical. Agradecémoslle a súa amable atención e desámoslle que siga colleitando moitos éxitos.

Conectamos con MANUEL VÁZQUEZ, Presidente do Centro Galego NÓS de Sabadell, que nos informa da celebración da "VIII Festa do Pulpo" prevista para os días 21, 22 e 23 deste mes de outubro, no "Eix Maciá" de Sabadell. Esa celebración gastronómica vai acompañada da presentación do libro "Cesuras", de Fina Tizón Fraga. Desexámoslle que teña moita asistencia e moita participación.

Conectamos novamente con Galicia, para recibir ao seguinte convidado: JORGE ALONSO, que dirixe, xunto con DORI RODRÍGUEZ, as "Adegas CELME", en Castrelo do Miño - O Ribeiro (Ourense). Parabenizámolo porque acaban de entregarlle o Premio "Bacelo de Prata" pola súa etiquetaxe dos seus produtos, en galego. Unha honra para o noso idioma e un pracer poder contar coa súa participación no noso programa de hoxe. Falamos dos seus viños, brancos e tintos. Os brancos teñen recibido varios Premios a nivel Internacional pero destaca a nova producción de viño tostado, que é unha especial e importante incorporación á súa producción, xa que precisamente a D.O.Ribeiro é unha das máis premiadas, a nivel Interncional, dese caldo tan exquisito e tan solicitado polos grandes Sumeliers. Agradecémoslle a súa participación no noso programa de hoxe e desexamos que teña moita sorte coa nova colleita e moitos éxitos.

Recibimos ao noso correspondente na capital da Ribeira Sacra, Monforte de Lemos, XOSÉ MANUEL F. MONTES, encargado da sección QUEN CHE PREGUNTOU? Fainos unha pequena semblanza das noticias escollidas, debullando os seus "Ghústanme" e "Desghústanme" que tanto aprezamos. Tamén nos envía esas anotacións da "libretiña pequena" relacionadas con frases e ditos populares, tan acaídos e cheos de retranca.

Falamos con PABLO RICO ECHEGARAY, Director de 4 Corais galegas, entre as que está o "Orfeón XOAN MONTES", que tivo unha actuación estelar na Festa do San Froilán de Nou Barris. Destaca a intervención e interpretación dunha peza singular diante da Sagrada Familia, que se pode escoitar na súa páxina. Coméntanos que posiblemente, para celebrar o 40 aniversario do Orfeón, publiquen un Disco que terá 12 pezas, para finais deste ano. Prometémonos voltar a conectar con el para que os nosos oíntes e seguidores poidan disfrutar desas interpretacións. Desexamos que teñan moito éxito.

E despedímonos ate o vindeiro xoves á mesma hora. Non deixen de conectarse e, moitas grazas pola súa escoita.

Aquí teñen o programa completo:



jueves, 13 de octubre de 2022

XOVES 13 de OUTUBRO do 2022

Outra emisión máis deste programa: "Galegos no BAIX". Dúas horiñas de Radio en galego, para todos vosoutros. Comezamos coa nosa sintonía de sempre. Saudamos a tódolos nosos oíntes e seguidores e poñémonos en contacto co noso primeiro convidado: ANXO BARANGA. Felicitámolo polo seu traballo "engrescador" arredor da figura do homenaxeado nas Letras Galegas deste ano: Florencio Delgado Gurriarán. Moitas actuacións e moitas propostas realizadas en torno a Florencio, en Barcelona, en Lleida, en Galicia... ... Agradecémoslle a súa amable atención e desexámoslle moitos éxitos.

Conectamos agora con Galicia para poñernos en contacto con ANDREA POUSA GUERREIRO, á que tamén parabenizamos pola actuación a pasada fin de semana na Festa do San Froilán en Nou Barris. Conversamos moi distendidamente e infórmanos dalgunhas actuacións memorables e dos proxectos nos que está traballando. Posiblemente teñamos a oportunidade de ofrecerlle aos nosos oíntes unha das novidades que nos anuncia e na que está traballando. Titularase Triste, e pronto poderemos escoitala. Agradecémoslle a súa atención e desexamos que siga colleitando moitos éxitos.

A segunda hora continuamos falando co noso correspondente en Monforte de Lemos,  XOSÉ MANUEL F. MONTES, encargado da Sección "Quen che Preguntou?". Comunícanos a súa escolla de noticias cos seus "Desghústanme e Ghústanme". Unha das mellores e máis fascinantes noticias chega ao final da súa comunicación: "Proxecto de autocolantes para Pediatras". Este era un obxectivo que levaba tempo traballando nel e xa foi aceptado e posto en marcha. Felicitámolo e ademais envíanos unha lámina que recolle tódalas crecións dos participantes, incluída a súa, que publicamos aquí. ¡Moitos parabens e moitas grazas, Xosé Manuel!
 
Aprovietamos para dar a coñecer a tódolos nosos oíntes e seguidores que poden achegarse esta fin de semana ao Parque Metropolitano de Bellvitge, para asistir á Festa Galega que organiza a Casa Galega. Actuarán os "Celtas Cortos" o venres 14. O sábado 15 actuación de Grupos Rexionais e a orquestra Saudade para a verbena. É gratuito.

Seguimos o programa e conectamos con dona ESTHER CORRAL, xerente do "BAR GALICIA" en Betanzos. Parabenizámola, por ter acadado o Primeiro Premio á Mellor tortilla de Betanzos-2022, tamén foi premiada co Premio do público. Mantemos unha conversa moi agradable. Tamén nos informa de que no seu bar pódense degustar outras viandas en forma de tapas, que cociña con moito cariño para tódolos seus clientes. Desexamos que siga tendo moita sorte.

Voltamos a informar da próxima Festa Galega de Hospitalet, que se celebrará esta fin de semana, 14 e 15 de outubro., coa actuación estelar de Celtas Cortos. Tamén damos a coñecer, novamente a próxima interpretación da obra teatral que leva por título: "Libre coma os paxaros", a cargo de TEATRO DO ATLÁNTICO, coa actriz María Barcala e dirección de Xulio Lago. Será na Universidade de Barcelona,  o día 28 de outubro ás 19h, na Aula Magna da Facultade de Xeografía e Historia. c/ de Montalegre, nº 6. Entrada gratuíta. Organizada polo Departamento de Galego da Universidade de Barcelona.
 

E finalizamos o programa desexando que teñan unha feliz semana.

jueves, 6 de octubre de 2022

XOVES 6 de OUTUBRO do 2022

Outra emisión máis do noso programa "Galegos no BAIX". Comezamos coas salutacións e a nosa sintonía de sempre e escoitamos unha peza de RICARD ROS, que leva por título "Sac buit" e que interpretarán no festival "Sons de la Mediterrània", en Manresa. Conectamos con MARIO SENÉN LÓPEZ FERNÁNDEZ, da Asociación Cultural Galega "Saudade", para que nos informe da próxima celebración dun acto moi importante o vindeiro día 8 de outubro, nada menos que na Sagrada Familia de Barcelona. Parabenizámolo e desexámoslle moita sorte a esa Asociación.

 

A seguinte conexión é con don HENRIQUE SANFIZ, Presidente da Asociación de Emisoras Municipais de Galicia (EMUGA) que nos facilita información moi interesante, relacionada coas emisión das Radios Galegas e moi en particular dun "podcasts" que está seleccionado para participar a nivel Nacional nun concurso de Ivox, emitido na Serie Onda ODS Radiofusion. Ficamos á espera de que nos facilite o enlace para poder votar por ese "podcasts" xa mentado, en favor dos Obxectivos de Desenvolvemento Sustentable. Agradecémoslle a súa participacion no programa de hoxe e continuaremos conversando con el en vindeiras datas, para que nos siga informando de moitas e interesantes noticias.

Continuamos a emisión e chamamos a MODESTO FRAGA MOURE, escritor e poeta ben coñecido pola nosa audiencia, posto que xa temos conversado con el noutras ocasións. Infórmanos do Acto de Presentación dun CD - DVD, onde se recolle todo o máis salientable relacionado co "Batallón Literario da Costa da Morte", con motivo do seu 25 aniversario. Celebrouse nunha Sala do Museo do Pobo Galego, en Santiago de Compostela. Continuaremos ampliando a comunicación con Modesto posto que sempre nos recibe moi amablemente e prometémonos voltar a conectar con el para recibir tódolas noticias e informacións daquela contorna.

 

Aproveitamos para darlles unha información precisa sobre a "Festa Galega de San Froilán" en Nou Barris, que terá lugar os días 7, 8 e 9 de outubro. Contará cun grande avano de actividades. Poderán disfrutar deste evento. Ademais de degustar productos galegos de calidade, servidos por "Casa Díaz", tamén se realizarán varios concertos de grandes artistas, que aporta Radio Tele-Taxi, e a actuación estelar da Orquestra PANORAMA, os días 8 e 9. Desexámoslles moita sorte e unha grande celebración.

Falamos agora con CARLOS ALONSO, encargado de Deportes da TVG, da Delegación de Vigo. Agradecémoslle a súa amable atención. Cóntanos que a Selección de Futbol masculina de Galicia participan nun torneo Internacional. Tamén lle desexamos moita sorte.

E finalizamos as conversas coa nosa admirada artista e cantautora CARMEN PENIM, de 2Na Fronteira. Parabenizámola polos diversos Concertos nos que participou ultimamente. Mencionamos o que se fixo en Cambados para axudar ao financiamento que precisa a tamén amiga e benquerida Merchi Álvarez. Tamén o que se lle dedicou a Xosé Manuel Pazos Varela, "Verbas Amigas, acto de homenaxe política..." Desexamos que siga colleitando moitos éxitos.

Despedímonos ate o próximo xoves. 

O programa completo: 


jueves, 29 de septiembre de 2022

XOVES 29 de SETEMBRO do 2022

Outro xoves máis con todos vosoutros, comezamos coa nosa sintonía e dámoslles a Ben-vinda para despois conectar con Galicia e falar con ANIBAL BLANCO, da "Adega Tapias de Mariñán", en Verin (Ourense). Primeiro parabenizámolo por ter acadado o Premio ao Mellor Viño Branco deste ano 2022. Danos a coñecer o grande traballo que están a realizar para acadar os mellores caldos da D.O.Monterrei, e moi en particularmente as da súa Adega. Están en plena vendima pero aínda ten uns minutiños para informarnos un pouco sobre as ofertas que teñen, as posibles visitas guiadas e a oportunidade de entrar na tenda que ofrecen na súa páxina para poder mercar eses caldos tan ben elaborados. Agradecémoslle a súa amable atención e desexámoslle que siga colleitando moitos éxitos e que teña unha grande colleita.


O segundo ocnvidado é XOAN L.FUERTES, de "Fuxan os Ventos", que están a cumplir 50 anos de existencia. Con ese motivo, precisamente o mesmo día dese aniversario, concretamente o 22 de outubro, inaugurarán unha exposición espectacular no "Vello Cárcere" de Lugo, no que se poderán contemplar os álbumes publicados, fotos daqueles concertos dos primeiros anos e moitas cousas curiosas relacionadas co este Grupo de música galega. Tamén ofrecerán un mini-concerto para disfrute dos asistentes. Posiblemente esta exposición percorrerá as 7 cidades máis importantes de Galicia. Desexámoslle moita sorte.

A continuación conectamos co noso correspondente en Monforte de Lemos, XOSE MANUEL F. MONTES, encargado da sección QUEN CHE PREGUNTOU? ofrécenos as novidades que escolleu en forma de "Ghústanme e Disghústanme". Comenta algunha anotación da súa "libretiña pequena", que nesta ocasión teñen moito que ver con analoxías refraneiras e precisamente aproveita unha delas para enviarnos a "viñeta" alusiva a unha delas. ¡Moitísimas GRAZAS! Xosé Manuel.


Voltamos novamente a Galicia para falar con outro XOSÉ MANUEL FERNÁNDEZ, de MUXICAS. Parabenizámolo pola recente publicación do "4º Volume : Pezas para gaita, zanfona e acordeón. Tempo de Pasodobres. Tempo de Furancho". Escoitamos un  bocadiño dunha das pezas que se recollen nese volume e informammos aos nosos oíntes e seguidores que pode adquirir este fermoso traballo poñéndose en contacto con Xosé Manuel ou na súa páxina de Facebook. Desexamos que siga publicando moitos más álbumes, que disfrute e que teña moita sorte.


Falamos agora con ANA VILA PORTOMEÑE, a Poeta Labrega. Parabenizámola polo traballo que ultimamente vemos publicado na súa páxina de facebook. Mantemos unha pequena conversa relacionada coa súa traxectoria poética. Infórmanos de cómo se poden adquirir algún dos seus libros de poesía, aínda que están esgotadas a maioría. Poden poñerse en contacto con ela. Agasállanos coa lectura dunha fermosa poesía titulada: "A tí que estás lonxe da terra". Moitas grazas Ana. Seguiremos en contacto.

Deixamos aquí o programa completo e desexamos que volvan a sintonizarnos o próximo xoves á mesma hora. 

¡Que teñan unha feliz semana!


jueves, 22 de septiembre de 2022

XOVES 22 de SETEMBRO do 2022

Segundo programa desta nova tempada 2022/23, que comezamos, coma sempre, dándolles a ben-vinda e deseguida poñémonos en contacto co noso primeiro convidado: BERNARDINO CREGO CERVANTES, Presidente do Centro Portugués en Vigo. Agradecémoslle a súa amable atención. Conversamos un bocadiño con el e infórmanos das próximas Xornadas que realizarán o vindeiro mes de outubro adicadas á Saudade, nas que participarán importantísimas personalidades galegas e portuguesas. Os eventos en cidades de Portugal e Galicia.

A seguinte intervención é con BEATRIZ DOURADO, unha Profesora, escritora e poeta galega que, aínda que naceu en Barcelona, está a exercer a súa profisión en Galicia. Recentemente ten publicado un poemario que leva por título: IntraGERRAS, editado pola Editorial Urutau. Tódolos nosos oíntes e seguidores poden poñerse en contacto con esa editorial e seguro que o poderán adquirir.
 

Na segunda hora sempre conectamos co noso correspondente na capital da Ribeira Sacra, Monforte de Lemos, Xosé Mannuel F. Montes, que leva adiante a sección Quen che Preguntou? Fainos un percorido informativo cos seus Ghústanme e Desghústanme, que depois finaliza cos seus apuntes da "libretiña pequena" coa aportación recadadora de frases e ditos populares con retranca, moi acaída.

Falamos, a continuación con ADRIÁN EIRAS, que xunto coa súa irmá JESSICA levan adiante a Empresa "Patatas EIRAS" en Lugo. A pesar de que este ano de seca e mal tempo para a colleita dese producto tan aprezado en Galicia e cáseque en toda España, están tendo grande demanda e atendendo a tódolos seus clientes. Agradecémoslle a súa aportación no programa de hoxe e desexámoslle moita sorte.


Conectamos novamente con Lugo, para falar con HECTOR PÉREZ RAMOS, do "Forno de Lugo". Teñen distribución e venta dos seus productos en Vigo e Madrid. Na actualidade forman parte desa empresa nada menos que cen operarios. Infórmanos de que virán a Barcelona, concretamente á rúa Cruz Cubierta, esquina Praza de España, os días 1 e 2 de outubro e aproveita para convidar a toda audiencia para que se acheguen algún deses días a ese "stand", porque poderán mercar os productos que elaboran no Forno e outros moitos de proximidade, como embutidos, viño, mel... ... e como non empanadas, pan e tamén poderán degustar o pulpo galego, porque virá con el un pulpeiro da zona. Desexámoslle moitos éxitos.

E finalizamos o programa desexándolles unha feliz semana. Aquí deixamos o programa completo:

jueves, 15 de septiembre de 2022

XOVES 15 de SETEMBRO do 2022

Comezamos unha nova tempada 2022-2023, dándolles a benvida e desexando que tiveran un verán feiticeiro. A primeira convidada para encetar esta nova xeira é MERCHI ÁLVAREZ FERNÁNDEZ, Presidenta de GALICIAME, con quen temos o provilexio e a honra de falar para que nos informe da "Gala a prol de Merchi Alvarez, destino Korea", que se realizará o vindeiro sábado día 24 coa actuación de grandes cantautores e artistas que altruistamente se prestaron para realizar este evento. A actuación será a partir das 21 horas no "Auditorio da Xuventude" de Cambados. Aproveitamos para compartir o Carel anunciador de dito evento e desexarlle que teña moita sorte e moitos éxitos.

A segunda intervención é con DAVID VÁZQUEZ - PINANCHO, que nos fala do documental "EL ÚLTIMO DE ARGANEO", que é unha homenaxe ao Rural moi centrada na vida de Edilberto Rodríguez. Xa ten recibido varios Premios e augurámoslle moitos máis. Tamén no fala da súa  Adega : "Antonio do Nicho", ubicada en San Fiz - Chantada, en plena Ribeira Sacra. Desexamos que siga colleitando moitos éxitos, e prometémonos voltar a comunicarnos con el para que nos fale deses caldos que está a embotellar agora mesmo.
 

Na segunda hora comezamos conectando novamente con Galicia para achegarnos ás terras de Quintá de Cancelada, para falar con CHEMA ÁLVAREZ, que nos fai un pequeno relatorio da "XV Festa da Gaita" que se convertiu no "1º Musical Asturgalaico de Valdesouto". Felicitámolo polo seu traballo e dedicación de moitos anos e que está a acadar moito éxito. En vindeiras datas voltaremos a poñernos en contacto con Chema para que nos informe doutras das actividades que teñen previsto realizar, todas elas baixo o patrocinio da Asociación Cultural "Chao de Sebes". Agradecémoslle a súa colaboración de hoxe e desexámoslle moita sorte e moitos éxitos.

Finalizamos a emisión de hoxe conectando con PEPE CACABELOS (José Luís Núñez Cacabelos), Músico e Cantautor galego, de Cambados, que estará precisamente nesa "Gala a prol de Merchi Alvarez, destino Korea". A súa actuación é unha aportación altruista ao evento. Agradecémoslle a súa participación e parabenizámolo polo seu traballo, desexando que siga acadando moitos éxitos.

E despedímonos de tódolos nosos oíntes e seguidores ate o vindeiro xoves á mesma hora. Que sexan felices!!! Colgamos aquí o programa enteiro.