XOVES 17 de DECEMBRO do 2020

Este último programa de "Galegos no BAIX" comezámolo chamando a un grande da nosa cociña galega: "JAVIER OLLEROS" do Restaurante "Culler de Pau", no Grove, que ven de recibir a segunda Estrella Michelín. Felicitámolo e charlamos-entrevistamos a este grande "Chef" que nos encandila coa súa conversa. Mágoa non ter máis tempo para seguir escoitando as súas propostas gastronómicas. Felicitámolo e desexámoslle que siga colleitando éxitos. Foi un pracer e un privilexio telo no noso programa de hoxe.

Continuamos o programa conectando con MARTA CASTRO, da Adega familiar "Lagar de Pintos". Esta é a filla de don José Basilio Castro Pintos, que foi o que nos facilitou o seu contacto. Fainos un pequeno percorrido pola traxectoria desta adega centenaria. Catro xeracións de adegueiros, nada no ano 1887 e que hoxe en día segue a ofrecer uns viños Albariños de grande calidade. Infórmanos con claridade deses caldos, dos blancos reserva, da súa maridaxe... ¡Moitas grazas, MARTA! por deixernos conversar contigo. Foi un pracer e unha honra para nosoutros terte no noso humilde programa.

Agora dámoslle paso ao noso correspondente na capital da Ribeira Sacra, Monforte de Lemos, Xosé Manuel F. Montes, encargado da sección QUEN CHE PREGUNTOU? na que recolle os seus "Ghústanme e Desghústanme" tan axeitados cos que nos fai saber das noticias de Galicia dunha forma moi singular. Finaliza cunha descrición retranqueira de cómo se poden valorar os accidentes segundo o nivel. Tamén nos enviará a súa aportación viñetista relacionada con algunha intervención do programa de hoxe.

Entrevistamos agora ao grande RUBÉN RIÓS. Felicitámolo polo excelente traballo de dirección e producción Película - Documental "Camiñantes do noso", unha miniserie que está acadando moitísimos éxitos e que se pode escoitar e disfrutar no youtube ademais. Este venres ás 21 horas poderase ver un dos capítulos tamén. Agradecémoslle a súa amable atención e desexámoslle que siga colleitando moitos éxitos e facéndonos disfrutar coas súas propostas que nos enchen de satisfacción e fannos sentirnos máis orgullosos "do noso", tal e como el mesmo nos amosa con esas publicacións. ¡Moitísimas grazas, Rubén Riós!

E así rematamos este último programa do 2020, desexándolles unhas 

¡Moi Felices Festas de Nadal e que teñan un ventureiro Aninovo 2021!

XOVES 10 de DECEMBRO do 2020

Novamente outro xoves máis con todos vosoutros para tentar de que teñan dúas horas de Radio en galego, entretidas e amenas. Comezamos conectando con Galicia para falarmos con Ledicia Costas, grande escritora galega que ben de recibir o Premio das Letras da Cultura Galega 2020. Felicitámola e conversamos con ela da súa traxectoria e dos seus traballos. Agradecémoslle a súa amable atención e desexamos que sigan colleitando moitos éxitos.

Continuamos o programa e conectamos outra vez con Galicia para falarmos con Carlos Blanco Vila, ese grande actor, humorista, monologuista galego, que nos recibe moi amablemente e tentamos facerlle algunha pregunta para coñecelo un chisco máis e aprendendo moitas cousas que nos transmite coa súa afable conversa. Está acompañado de Uxía, outra grande cantautora galega, que aproveitamos tamén para recibila e agradecerlle que nos dediquen uns minutiños para poñernos ao corrente de cómo afronta as próximas datas e acontecementos. Recibimos con agarimo as súas aportacións de hoxe e despedímolos a ámbolos dous ate unha vindeira data. ¡Que teñan moitos e grandes éxitos!

Comezamos a segunda hora conectando co noso correspondente en Monforte de Lemos, Xosé Manuel F. Montes, que ten preparada a súa crónica semanal aproveitando as escollas dos seus "Me Ghustan" e "Desghústanme" cheos de intencionalidade retranqueira. Temán nos envía a súa aportación creativa, en forma de viñeta, que colocamos neste noso blog, para todos vostedes.

Finalizamos conversando con Lydia Botana, esa grande cantautora que nos comenta cómo está afrontando esta situación pandémica e cómo vai actuando nalgúns espazos con moitísima precaución e en moi poucos lugares, se o comparamos coas grandes e diversas actuacións noutros momentos.

Despedímonos ate o vindeiro xoves á mesma hora. 

¡Cóidense moito!

XOVES 3 de DECEMBRO do 2020

Comezamos este programa de hoxe conectando con Galicia, concretamente co Ribeiro de Ourense, para falarmos do responsable da ADEGAS LOEDA, don Damián Varela. Agradecémoslle a súa amable atención e mantemos con el unha pequena conversa arredor da súa Adega e dos viños que ofrecen. Para os interesados indicanos a sú páxina Web, e tamén o seu facebook, por se lles apetece meracar algún dos seus produtos, aínda que reomenda ese "pack de Nadal" con moi bon prezo e que acompaña con dous agasallos : un sobre con lonchas de xamón ibérico e unha lata de berberechos.

 

A segunda intervención-entrevista é con Lupe Gómez Arto, para falarmos cunha escritora-poeta que ven de acadar o 1º Premio do "XXXIV Certame de Rosalía de Castro de Cornellà". ¡Moitos parabens Lupe! Que sigas colleitando moitos éxitos máis. Despois de manter unha pequena conversa distendida con ela, despedímola desexando poder voltar a falar con ela para que nos declame algún dos seus versos.

Despois, na segunda hora comunicámonos con Guadi Galego, esa cantautora galega que se toma unha pausa na proba de son para unha Gala que están preparando precisamente para esta mesma tarde, xunto con outros artistas. Agradecémoslle a sçua atención. Fálanos do seu CD, da posible volta á Aldea, da riqueza da comunicación no noso idioma... Unha conversa distendida e chea de engado. Disculpámonos por non poder ofrecerlles ese fermoso traballo que leva por título: "COSTURAS". Fálanos da súa creación, e de cómo se recopilou e gravou. Tamén nos remite á súa páxina para que poidan mercalo e disfrutalo. Agradecémoslle a súa participación e desexámoslle moitos éxitos.

Finalizamos o programa coa intervención do noso correspondente na capital da Ribeira Sacra, Monforte de Lemos, Xosé Manuel F. Montes, encargado da sección QUE CHE PREGUNTOU? Fainos un percorido pola noticias escollidas que reflexa nos seus "Me Ghustan" e "Desgústanme". Tamén nos fai partícipe dunhas "caralladas" relacionadas con algo humorístico e retranqueiro. Tamén nos envía a súa creación artística, en forma de "viñeta" alusiva a algunha parte da emisión de hoxe. ¡Moitas Grazas, Xosé Manuel!

E despdímonos ate o vindeiro xoves á mesma hora. 

¡Cúidense moito e sexa felices!

 

XOVES 26 de NOVEMBRO do 2020

Comezamos outra emisión máis con todos vosoutros, dándolles a ben-vida e ofrecéndolles escoitar un bocadiño de música do último CD de Susana Seivane, con quen falamos a continuación. Felicitámola por ese traballo "Dende o meu balcón". Coméntanos que ten nada menos que 55 cancións repartidas en 22 suites, que é o froito de parte das interpretacións que realizou durante o confinamento anterior. Agradecémoslle que nolo fixera chegar. Somos primicia en Cataluña. Infórmanos dalgúns dos Concertos que fixo e que fará próximamente, concretamente o vindeiro día 28 no Pazo da Cultura de Pontevedra, con motivo do Culturgal, que será retransmitido a través das redes sociais e polo canal de Youtube de Culturgal. Desexámoslle moitos éxitos e despedímola coa súa música.

A segunda entrevista é con Esther Díaz López, unha Poeta de Cervantes, que foi colaboradora radiofónica na Radio Galega, con Marcial Mouzo, no seu programa nocturno. Agradecémoslle a súa participación de hoxe, e comprometémonos a voltar a falar con ela, pero solicitándolle que nos recite algunha das súas creacións poéticas. Moitas grazas, Esther.

Continuamos nesta segunda hora conectando novamente con Galicia para falarmos co Cantautor "XABIER Vizcaino", que acaba de publicar un novo CD: Neno do Monte. Felicitámolo e agradecémoslle que nos teña ao corente das súas inquedanzas e traballos tan interesantes. O próximo Concerto seu, a pesar das dificultades do confinamento perimetral, será precisamente este próximo sábado 28 na praza da vila de O Incio. Precisamente ven de presentar este Cd no Liceo de Ourense. Agradecémoslle a súa participación no programa e desexámoslle moitos éxitos.

KIT Antimorriña

E para finalizar conectamos con CRUZ López, de "Embutidos Lalinense" con quen mantemos unha conversa-entrevista moi interesante. Fálanos da pasada celebración do seu 70 aniversario, da tenda virtual na que se poden adquirir unha man chea de artigos galegos de calidade. Comentamos moi polo miudo o "Kit Antimorriña", que ao parecer é a xoia dos pedidos nesta época. Prométenos precisamente enviar algúns deses productos para sortealos entre os nosos oíntes e seguidores, para celebrar o 40 Aniversario de Radio Sant Boi e os 40 anos de Rosalía de Castro. Agradecémoslle a súa amable atención.

 

E despedímonos ate o vindeiro xoves á mesma hora. ¡Que teñan unha feliz semana!

XOVES 19 de NOVEMBRO DE 2020

Outro programa máis con todos vostedes, queridos oíntes e seguidores. Comezamos conectando con Galicia para recibir ao noso primeiro convidado: don XOSÉ LOIS, da Empresa DAVEIGA - Galletas Mariñeiras. Agradecémoslle a súa atención e mantemos unha conversa-entrevista. Fálanos un pouco da cómo van desenvolvendo a súa faceta empresarial, dalgunhas intervencións altruístas con motivo desta pandemia que estamos a padecer, como a súa aportación á Cruz Vermella de Lugo, e a entrega da producción dun día enteiro para os máis desfavorecidos con motivo do COVI-19. Felicitámolo e tamén lle agradecemos o envío dos seus produtos, que nos fixo á Radio e aos oíntes e seguidores para commemorar os 40 ans de Radio Sant Boi e o 40 aniversario da nosa A.C.G.Rosalía de Castro. En vindeiras datas voltaremos a conectar con el para que nos siga informando de novidades.

A segunda intervención é con OVIDIO, do Mesón Catro Ventos de A Fonsagrada (Lugo). Dámoslle a ben-vida e felicitámolo polo seu bon facer cociñeiro. A súa especialidade son as parrilladas de carne con leña de carballo. Coméntanos cómo están a paliar estes momentos de dificultade aos que nos vemos obligados todos, pero moi en particular os Restaurantes e a Hostelaría, en xeral. Para celebrar os 40 anos de Radio Sant Boi e o 40 Aniversario da A.C.G.Rosalía de Castro, convídanos a unha cea calquera día que nos acheguemos por aquelas contornas. Dámoslle as grazas e despedímonos ate outro momento.

Abrimos a segunda hora conectando co noso correspondente na capital da Ribeira Sacra, Monforte de Lemos, Xosé Manuel F. Montes, encargado da sección QUEN CHE PREGUNTOU? a súa intervención está divida en varios apartados: Os seus Me Ghustan e os Non Me Ghustan, cos que nos informa de noticias escollidas dándolle a calificación que lle corresponde. Despois aparecen a súas "caralladas", que son punzadas de humor, cheo de retranca. Hoxe son traduccións especiales. E tamén nos envía a súa aportación ilustrativa en forma de viñeta, relacionada con algunha das intervencións no programa de hoxe, e que nos compartimos con todos os nosos oíntes e seguidores.

E a última entrevista-conversa é con XABIER DÍAZ, grande músico e profesor a quen lle temos unha grande estima e admiración. A conversa xira arredor do seu último traballo "As catedrais silenciadas" e dos poucos concertos que este ano celebraron. Tamén nos comenta o traballo que se pode contemplar en youtube, na súa páxina, dando clases de pandeireta. Como profesor tamén encetará unhas "master clases" de pandeireta, con motivo das Músicas do Camiño, cuxa matrícula rematouse aos poucos minutos de poñerse en marcha. Agradecémoslle o envío que nos fixo dalgúns dos seus CDs, para celebrar os 40 anos da Radio e o 40 Aniversario da A.C.G.Rosalía de Castro. E depedímonos de Xabier desexándolle moitos éxitos e contando que poderemos voltar a comunicarnos con el máis adiante. ¡Grazas, Xabier!

A así, deste xeito, rematamos o programa de hoxe despedíndonos ate o vindeiro xoves á mesma hora.

XOVES 12 de NOVEMBRO do 2020

Voltamos outro xoves máis con todos vosoutros, oíntes e seguidores, para ofrecervos estas dúas horiñas de Radio en galego, con ganas de aprender e tamén de conversar cos nosos convidados e convidadas, ademais de escoitar algunha peciña musical. A primeira conexión e conversa é coa grande CRISTINA PATO: Gaiteira, Pianista, Escritora, Educadora e Productora. Dámoslle a ben-vinda e agradecémoslle que nos concedera estes minutos para sabermos algo máis da súa traxectoria. Os nosos oíntes seguro que estarán moi ledos de escoitarte e comparten connosco este privilexio de conversar contigo (coido que somos primicia en Cataluña). Ademais de felicitala por estar escollida como finalista do "XVII Premio Afundación de Xornalismo Fernández del Riego", tamén nos informa dalgúns acontecementos nos que participou e daqueles nos que participará. Despedímola e enviásmolle o noso agradecemento máis sinceiro. ¡Moitas grazas, Cristina!

A segunda conversa-entrevista é co Sr. Vilariño, responsable da IXP Castaña de Galicia. Infórmanos de varias cousas moi interesantes relacionadas coa producción de castañas, da súa comercialización, do cultivo, do seu uso na gastronomía. Unha lección para nosoutros, legos nesta materia. Agradecémoslle a súa amable atención e prometémonos voltar a convidalo en vindeiras datas.

Continuamos, na segunda hora conectando co noso correspondente na capital da Ribeira Sacra (Monforte de Lemos), Xosé Manuel F. Montes, encargado da sección QUEN CHE PREGUNTOU? e que sempre ten moi ben escollidas as súas propostas informativas a modo de Gústanme e Non Me Gustan, seguido das súas "caralladas" e diccionario rápido do galego, que teñen unha lectura moi retranqueira. Tamén nos envía a súa creación "viñetista" que alude a algún tema tratado na emisión de hoxe, e que colgamos neste noso blog.

E despois de escoitar un bocadiño de música e comentar unha ultima noticia chegada á nosa Redacción, despedímonos ate o vindeiro xoves.

 

¡¡¡Que teñan unha feliz semana!!!!

XOVES 5 deNovembro do 2020

Comezamos outro programa máis, empregando estas novas tecnoloxías que nos permiten falar cos nosos convidados e tamén ofrecerlles as novidades que nos chegan á Redacción. A primeira comunicación é con Xosé Luís Souto, da Empresa galega "PORTODECAMBADOS", que nos fala dese producto "estrela" e de primeira calidade único e especial da Ría de Arousa: As Vieiras. Agradecémoslle a súa amable atención e a oferta que nos fixo para compartir cos nosos oíntes e seguidores para celebrar o "40 Aniversario de Radio Sant Boi". En vindieras emisións facilitarémoslles o mçetodo para poder participar no sorteo que faremos para poder acceder ao agasallo que nos enviará Xosé Luís. ¡Moitísimas grazas!

A seguinte conversa-entrevista é con dona MERCHI ALVAREZ, Presidenta de GALICIAME, que nos informa das novidades e pormenores sobre as investigacións sobre a AME e tamén a intervención que se fixo hai uns días a un dos socios, que ademais celebramos que se lle aplicara concretamente a un familiar do noso compañeiro Armando. Parabens por ter conseguido esa medicación e moitos ánimos para seguir traballando nese grande proxecto e acadar moitos máis éxitos. ¡Nhoraboa! Seguiremos conectando con Merchi en vindeiras datas a medida que vaian conseguindo máis cousas.

Seguimos a nosa emisión conectando coa capital da Ribeira Sacra -Monforte de Lemos-, para falar co noso correspondente Xosé Manuel F. Montes, encargado  da sección "Quen che Preguntou?", que sempre ten preparados os seus "Me Ghustan e non Me Ghustan" a modo de noticias salientables. Despois de comentar o cumplimento do RETO semanal, xa que falamos con Olga Novo, proponnos o seguinte para a vindeira semana, recollendo un meu comentario : Falar con Cristina Pato. Tentaremos conseguilo. E finaliza a súa intervención coas "caralladas", nesta ocasión máis ben anécdotas-chistes con certa retranca.

Finalizamos o programa conectando novamente con Galicia para falar con dona BEATRIZ VILA FREIRE, responsable de Turismo e Hostalaría da zona Sur de Lugo, que nos fala das inquedanzas e preocupación que existen neste sector por mor do peche de Bares, Restaurantes e Hoteis... Ogallá que non sexa por moito tempo e que pronto poidamos disfrutar, novamente das ofertas turísticas que podemos atopar naquelas contornas da Ribeira Sacra. 

Despedímonos de tódolos nosos oíntes e seguidores desexando que teñan unha feliz semana e que volvan a sintonizarnos o vindeiro xoves á mesma hora. ¡Cúidense moito!

XOVES 29 de OUTUBRO do 2020

Outro programa con todos vosoutros, tentando facervos pasar dúas horas de radio en galego. Escoitamos a sintonía de entrada, salutacións a tódolos nosos oíntes e seguidores. Queremos puntualizarvos que o noso programa de hoxe facémolo aproveitando as novas tecnoloxías. Non estamos nos estudos, realizamos unha videoconferencia e na Radio temos ao noso técnico Fernando que é o encargado de que saia por antena este noso programa de hoxe. Escoitamos un bocadiño de música e poñémonos en contacto cun grande artesán e gaiteiro de renome: ALVARO SEIVANE, do Obradoiro de Gaitas "Seivane.es". Agradecémoslle a súa amable atención. A conversa-entrevista xira arredor da súa traxectoria, do traballo e investigacións para perfeccionar a construcción das Gaitas, da distribución e venta... Quédannos no tinteiro moitas cousas que comentar, porque o tempo na radio pásasenos moi rapidiño... Noutra ocasión profundaremos máis sobre outros aspectos. Agradecémoslle o envío que nos fixo para celebrar o "40 Aniversario de Radio Sant Boi" e os 40 anos da A.C.G.Rosalía de Castro, e despedímolo con música.

Continuamos a emisión poñéndonos en contacto con dona CONCEPCIÓN ARZA "CHIÑA", da Empresa "Delicias do Souto". Tamén temos que agradecerlle o envío que nos fixo, con varios produtos elaborados por ela mesmo: Tarta de Castañas (Caurelá), Bica de castañas e Bolachas de castañas. Todo de Folgoso do Caurel, para agasallar aos nosos oíntes e celebrar o "40 Aniversario de Radio Sant Boi", así como os 40 anos da A.C.G.Rosalía de Castro. Facémoslle unha pequena entrevista para que nos vaia relatando cómo se confeccionan eses produtos tan deliciosos, e nunca mellor ditos, porque son: "Delicias do Souto".

Temos que disculpar ao noso correspondente en Monforte de Lemos, que por certo, hoxe está de cumpleanos e aproveitamos para enviarlle os nosos parabens. Aproveitamos esta ocasión para poñernos en contacto con ISMAEL ÁLVAREZ LÓPEZ, que ven de publicar, nunha páxina web persoal súa, un traballo de fin de estudos no que recolle 69 xogos populares da zona dos Ancares. Agradecémoslle que nos atenda e felicitámolo por esa documentación tan especial e que seguro servirá para que non fiquen no esquecemento moitos deses xogos populares que posiblemente hoxendía estanse a perder.

A ultima intervención, é con MARCO FOXO, un excelente intérprete gaiteiro e Profesor de Gaita tamén. Unha conversa-entrevista moi interesante, na que nos informa de varias novas como a próxima publicación dun CD no que colabora con Carmen Penim, e que se titula "Cantos de Terra e Sal". Tamén nos dá a coñecer o seu ultimo CD que publicou o ano pasado: "Romances Novos e Vellos", e que se pode escoitar en youtube e outras plataformas dixitais. Agradecémoslle a súa aportación e colaboración no noso programa. E despedímonos de Marco e de tódolos nosos oíntes e seguidores ate o vindeiro xoves, á mesma hora.

¡Que pasen unha feliz semana!

XOVES 22 de OUTUBRO do 2020

Comezamos outro programa máis de "Galegos no BAIX" dándolles a ben-vinda a todos os nosos oíntes e seguidores. Escoitamos a nova sintonía do programa e un bocadiño de música para conectar con Galicia e falamos con VICTOR FÁBREGAS, actor de grande prestixio que formou parte de "Os Tonechos". Ten participado en moitímas ocasións na TVG, en series, no Luar, no "Land Rober"... Agradecémoslle a súa estimada conversa e "mini-entrevista" no noso programa de hoxe. Coa súa colaboración acadamos e conseguimos o "Reto" que nos puxo o noso correspondente Xosé Manuel. Despedímolo con música das TANXUGUEIRAS.

A segunda intervención-entrevista é con ELENA FERRO LAMELA, esa grande artesana do coiro e da madeira, que puxo en valor e cun alto grau de calidade, os zocos, e esa fermosísimo traballo ancestral que ennoblece ese calzado que foi e segue a ser un calzado excepcional. Agradecémoslle a colaboración e os agasallos que nos enviará para celebrar o "40 Aniversario da nosa Radio Sant Boi" e os 40 anos da Asociación Rosalía de Castro de Cornellà. Aproveitaremos para compartilos cos nosos oíntes e seguidores. Xa saben tódolos nosos oíntes e seguidores que teñen que poñerse en contacto connosco mediante o whatsApp (689 090 171), o noso correo electrónico galegosnobaix@gmail.com, o facebook, ou o noso blog. Despedimos a Elena escoitando outro bocadiño de música, do ultimo traballo das TANXUGUEIRAS.

Continuamos, na segunda hora conectando con Xosé Manuel F.Montes, encargado da sección QUEN CHE PREGUNTOU? que comeza a súa intervención comentando que cumplimos co reto proposto na semana anterior, e comenta o seguinte RETO para a vindeira semana. A seguir comeza a súa crónica de informacións cos seus "Me Ghustan" e "Non Me Ghustan", de moito interese, e despois -no apartado de caralladas- engade o  seu humor mesturado (con retranca). Tamén nos envía a súa creación "viñetista" que fai referencia a unha parte do noso programa de hoxe, por certo moi axeitada e moi ben acaída polo tema tratado. ¡Moitas grazas, Xosé Manuel!

Seguimos escoitando outro bocado de música do CD das TANXUGUEIRAS e conectamos novamente con Galicia para falar con Rodrigo Barreiro das ADEGAS Daniel Fernández, da D.O.Monterrei, que veñen de agasallarnos con dúas caixiñas de viño Godello e Mencía, da súa marca "Galván" (Godello e Mencía), para celebrar o "40 Aniversario da Radio"... ¡Moitas Grazas, RODRIGO! Falamos con el e cóntanos cousas interesantísimas relacionadas coa Adega e co "Grupo EL RELOJ", ao que pertencen. Agradecémoslle a súa amable atención e prometémonos seguir en contacto con Rodrigo para que nos siga informando dos seus éxitos e do traballo que están a realizar nese grande Grupo Reloj, que enorgullece aos galegos en Cataluña. Tódolos interesados poden poñerse na súa páxina web para mercar calquera dos seus producots das Adegas e dos Restaurantes.

Escoitamos outro bocadiño de música. Mandamos o noso mais grande  e cariñoso agradecemento a Digna da "Panadería DISU" que nos acaba de enviar varios productos para compartir cos nosos oíntes e seguidores. Tamén lles dámo-las grazas aos nosos oíntes e seguidores, en especial a Máximo e Mercedes, que nos escoitan dende Suiza. Tamén a Carlos Alonso Calderón dende Hospitalet... Comentamos que xa finalizou a recepción de poemas participantes no "XXXIV Certame de Poesía Rosalía de Castro" de Cornellà, que se fallará o Premio o día 27 de novembro próximo. E despedímonos ate o vindeiro xoves á mesma hora. ¡Que sexan felices! 

XOVES 15 de OUTUBRO do 2020

 Comezamos o programa dándolles a ben-vinda e propoñéndolles escoitar un boacdiño de música para conectarnos con Galicia e falar con LUCÍA PEREZ, esa grande catautora que nos recibe moi amablemente. Comentamos con ela as diferentes actuacións que foi realizando neste verán pasado. danos algunha que outra novidade relacionada coas súas próximas actuacións e concertos... Desexámoslle que siga colleitando éxitos e agradecémoslle que nos axudara a conseguir o RETO que nos propuxeran en semanas anteriores. 

A segunda comunicación é con dona DIGNA, da Panadería DISU, en Navia de Suarna. Entrevistámola e preguntámoslle varias cousas relacionadas precisamente co seu establecemento: Panadería e Confitería. Tamén nos informa de que ten unha "delicatesen" que serve na súa tenda: "Embutidos da Abuela Delfina". Os productos que serve son todos de primeira calidade. O pan, con diversas clases ( de centeo, de trigo, bagetes... ) tamén ofrece uns roscóns moi demandados, Roscas de pascua, Larpeiras, croisants, magdalenas, Tarta de Navia, Empanadas... Agradecémoslle a súa participación no noso programa de hoxe e comprometémonos a solicitarlle que nos envíe algún dos seus productos para celebrar o "40 Aniversario de Radio Sant Boi" e os 40 anos da nosa A.C.G.Rosalía de Castro. 

Continuamos a segunda hora conectando co noso correspondente Xosé Manuel Fernández Montes, que coma sempre, ten preparada a súa sección Semanal "Quen che Preguntou?" E comeza cos seus "Megustan e Non me Gustan de Actualidade". Despois continúa coa súa parte humorística e envíanos a "viñeta" que está relacionada con algo do que tratamos no programa de hoxe:

Tamén nos poñemos en contacto con DANIEL ARZA, da Empresa familiar "Caurelor" que nos informa dunha novidade, entre tódolos productos que ofrece dende os Ancares: Trátase dun envasado Níscalos con castañas, que está tendo unha demanda moi interesante. Agradecémoslle a súa participación e colaboración de hoxe. Que teñades moitos éxitos!!!

Antes de finalizar e despedirnos de tódolos nosos oíntes e seguidores informamos dun grande evento musical, na Cidade da Cultura en Santiago de Compostela, previsto para os dias 24 e 31 de outubro e 14 e novembro. Participarán Luar Na Lubre, Sumrrá e Milladorio: Serán os Magostos do GAIÁS.

XOVES 08 de OUTUBRO do 2020

Outro programa máis con todos vosoutros. Esta vez temos que disculpar ao noso colaborador habitual na Ribeira Sacra, Xosé Manuel F. Montes, que non poderá realizar a súa aportación semanal. Desexamos que a vindeira semana xa poidamos disfrutar da súa inestimable crónica. O seu "Quen che Preguntou?".

A primeira intervención, despois das salutacións do comezo, é con Rubén Fernández, Xerente da "Casa Castelao", en Fonsagrada, que nos recibe moi amablemente e agradecémoslle a súa colaboración desinteresada posto que se suma aos anteriores colaboradores e aportará algún dos seus productos para celebrar  con todos os nosos oíntes e seguidores, este "40 Aniversario de Radio Sant Boi" e os 40 anos da nosa A.C.G.Rosalía de Castro. Compartirémolo coas persoas que se poñan en contacto con nosoutros. polso medios que xa saben: o noso WhatsApp = 689 696 171, tamén polo facebook "galegos no baix" e pola nosa páxina "galegosnobaix.blospot.com". Coméntanos cómo están a realizar o traballo na súa Empresa e convídanos a visitar a súa páxina web para solicitar calquera dos seus productos.

 

A segunda comunicación é con don ANIBAL, da "Adega TAPIAS DE MARIÑAN", en Pazos, da Denominación de Orixe "Monterrey". Tamén temos que felicitalo polos éxitos que está acadando e por ter recibido ese "Arlequín" que lle entregou a Federación de Entidades Galegas en Castro Caldelas, este verán pasado. Están rematando a vendima e agradecémoslle que participe con nosoutros enviándonos algunhas botellas de viño. Faremos o mesmo que cos outros agasallos,  compartíndoos cos nosos oíntes e seguidores. Falamos do seu traballo, da súa Adega, dos proxectos futuros moi ligados a unha investigación moi importante con cepas autóctonas recuperadas por eles mesmos, e enviámoslle os nosos mellores desexos.

 

Comezamos a segunda hora conectando con ARNAU, da Vivenda Rural "Casa Assumpta", que nos tiña prometido un xantar ou unha cea para dúas persoas. Agradecémoslle a súa aportación pero teremos que voltar a comunicarnos a mediados do mes de xaneiro do próximo ano 2021, xa que agora mesmo, como estamos en tempada baixa, teñen pechado e voltarán a abrir na segunda quincena de xaneiro. Un grande entusiasta da cociña catalana, posto que ofrece menus característicos e únicos naquela contorna, como poden ser os "calçots" ou as "butifarras amb mongetas", xunto con viños tamén catalás. Pero tamén ofrece aos clientes calquera outro producto da terra, que sabe preparar moi ben. 

 

E finalizamos o programa de hoxe coa entrevista que nos concede o "Gaiteiro Moañés" ANXO LORENZO, que segue a presentar e ofrecer o seu ultimo traballo CD: VORTEX. Tamén nos comenta que os días 10 e 11 de outubro realizaranse o "XXXVI Festival Intercéltico do Morrazo", no que está a traballar e participar na súa realización. Agradecémoslle a súa amable atención e desexámoslle moitos éxitos, nos seus concertos e vindeiras actuacións.

 

 A vindeira semana máis. ¡Que teñades unha feliz semana e Non deixedes de sintonizarnos!!!

XOVES 01 de OUTUBRO do 2020

A segunda intervención é a de Mª Carmen Sánchez, propietaria de "EMBUTIDOS SUARNA", que nos acaba de enviar unha caixa con produtos artesáns (chourizos, e androias) para celebrar cos nosos oíntes e seguidores os 40 anos da nosa Radio Sant Boi e tamén o 40 Aniversario da nosa A.C.G.Rosalía de Castro. Agradecémoslle a súa colaboración desinteresada e mandámoslle os nosos parabens porque tamén a súa empresa está de Aniversario e está cumplir nada menos que 25 anos de traxectoria e traballo ininterrumpido. ¡Moitas grazas MªCarmen! E a seguir colleitando éxitos na elaboración deses productos de calidade.

 

Outro programa con todos vosoutros, tentando que pasen dúas horiñas agradables, con entrevistas, novidades e música galega. Comezamos dándolles a ben-vinda e comunicándonos con "Bieitiño", membro do Grupo "DEQUENVENSENDO", para felicitalos por ese seu primeiro traballo editado fai pouco e que nos enviaron para agasallar aos nosos oíntes e seguidores, que leva por título "Canto das Xacias". Agradecémoslle a súa participación e colaboración co noso programa e fálanos dos Concertos e dos próximos proxectos e actuacións previstas. Despedímolo coa súa propia música.

Despois conectamos novamente con Galicia para falar con ROBERTO REGAL, ese Enólogo e Adegueiro da Adega "ENONATUR", que nos envióu unha caixiña de viño para compartir cos nosos oíntes e seguidores, con motivo das celebracións que estamos a realizar. Conversamos uns minutiños con este grande especialista vitivinícola e ademáis de desexarlle moitos éxitos tamén lle enviamos o noso agradecemento persoal pola súa colaboración e participación no noso programa.

 

Temos que disculpar a ausencia do noso correspondente na Ribeira Sacra, Xosé Manuel F.Montes, que hoxe non pode estar con nosoutros, por motivos persoais. Así pois aproveitamos  a ocasión para poñernos en contacto co cantautor EMILIO RUA, que tamén se uniu aos anteriores participantes enviándonos sendos CDs da súa autoría para sortear entre os nosos oíntes e seguidores. Poden facelo polo whatsapp, polo facebook ou polo correo electrónico, e tamén nesta mesma páxina. A medida que vaian chegando as solicitudes iremos entregando os CDs e os agasallos que imos recollendo. Coméntanos a participación en varios concertos, en Oviedo e outros lugares. Que está convidado a participar nas Festas do San Froilán en Lugo, xunto con Rosa Cedrón, o vindeiro día 4 e 5 de Outubro. ¡Parabens Emilio! e moitos éxitos!!!

 

E para finalizar recibimos nos estudos a Luz, xunto co seu fillo Roi, que nos veñen a entregar unha caixiña con CDs de "Uxía Lambona e a Banda Molona".

Aproveitamos para falar con Diego, un dos compoñentes da Banda e comentamos algo do que estiveron a facer nestes meses de verán e das actuacións previstas para as próximas datas. Agradecémoslle a visita a Roi e a Luz, e despedímonos con música deste Grupo de Troula galega, do que poderán recibir algún dos agasallos que nos entregaron.

 

 A vindeira semana voltaremos. Non deixen de sintonizarnos.

XOVES 24 de SETEMBRO do 2020

Comezamos a emisión recibindo nos estudos ao Presidente da A.C.G.Rosalía de Castro, Oliver Fernández, con quen departiremos para saber algo máis dese "40 Aniversario da ASociación". Pero a primeira comunicación-entrevista é con Ubaldo Pérez, do Restaurante "Los Ancares", na rúa Robrenyo 74 de Barcelona, a quen felicitamos polo seu traballo e tamén lle agradecemos a súa colaboración, consistente nun xantar ou cea para dúas persoas no seu Restaurante. Xa celebrou o "Xantar Mensual" o domingo pasado, adicado ao Polbo á Feira(pulpo), e o mes de outubro ten previsto ofrecer o "Cocido Galego". Seguiremos en contacto e avisamos que os oíntes e seguidores que se poñan en contacto connosco posiblemente teñan como agasallo ese xantar ou cea no seu Restaurante.

 

 Continuamos o programa e aproveitando que temos nos estudios a Oliver Fernández, como dixemos no comezo, pedímoslle que nos informe de cómo están a decorrer as cousas pola Entidade, qué actividades se estan a realizar, cómo pensa celebrar o "40 Aniversario da Asociación"... E moi amablemente nos informa e convida a tódolos nosos oíntes e seguidores que sigan atentos ás nosas informacóns e comunicacións que pronto teremos novidades relacionadas cun posible evento de grande importancia na Sede da Entidade. As clases de Gaita, Danza e Percusión xa se están a realizar, tamén se permite a asistencia aos socios coas medidas de hixiene necesarias, o Certame de Poesía tamén se pensa celebrar...etcétera. Agradecémoslle a súa presenza e participación e hoxe.

 

 Despois comunicámonos coa Sra. Carmen da Vivenda Rural "Xanela da Lúa". O primeiro é felicitala pola grande acollida que tivo este verán e agradecerlle a súa colaboración para celebrar con todos o "40 Aniversario da Radio e o da nosa Asociación". Xanela da Lua ofrece un desconto, un 3 por 2 para todos os vosos ointes. E se vos parece un sorteo de unha fin de semana con aloxamento e desayuno para duas persoas. O nosos seguidores e oíntes poderán disfrutar desta oferta sempre e cando se poñan en contacto connosco. Agardamos as vosas chamadas e intervencións.

 

 Seguimos a emisión e entrevistamos, moi distendidamente, ao grande comunicador da TVG don Xosé Ramón Gaioso. Unha honra e un pracer poder conversar co Sr. Gaioso, que nos recibe moi amablemente e despedímonos con palabras de agradecemento pola súa participación.

 

 

Na segunda hora falamos co noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU?Primeiro felicitámonos mutuamente por ter acadado o RETO, que nos propuxo a semana pasada: Falar ou recibir un saúdo de Gaioso ou Roberto Vilar. Estivemos a entrevistar a Xosé Ramón Gaioso. Continúa cos seus Me ghustan e Non me ghustan. Despois as "súas caralladas" con unha serie de palabras e frases retranqueiras e con humor. E finaliza enviándonos a "viñeta" alusiva a algún momento da emisión, que aquí pegamos "para disfrute de tod@s vosoutr@s". Agardamos que sigan participando.

 

 Depois voltamos a conectar con Galicia para falar cun dos compoñentes do "Grupo A Roda", Alfredo, que nos recibe afectuosamente e conversamos con el sobre a traxectoria do Grupo e a incorporación de novos instrumentos e participantes no seu ultimo traballo discográfico.

E así transcorreu este noso programa de hoxe. Agradecer a colaboración de todos os que nos envían cousas para compartir cos nosos oíntes e seguidores, e grazas a todos eles. O vindeiro xoves tentaremos facer outro programa máis. Non deixen de sintonizarnos.

XOVES 17 de SETEMBRO do 2020

 Comezamos nova tempada: 2020/2021

Dámoslle a ben-vinda e ofrecémoslles unha peza "en primicia" que nos enviou XIAO YAÑEZ: "Danza dos DEDOS". Posiblemente se convirta na sintonía da nosa emisión "Galegos no BAIX". De momento é a música que temos para celebrar con todos vosoutros, queridos oíntes e seguidores, o "40 Aniversario de Radio Sant Boi e o 40 Aniversario da nosa A.C.G.Rosalía de Castro".

Encetamos a nosa primeira emisión desta nova tempada conectando con Galicia para recibir a Carmen Penim, de "2Na Fronteira", a quen lle agradecemos o envío de varios CDs para repartir cos nosos oíntes e seguidores con motivo deses Aniversarios que lles comentamos ao comezo. Tamén aproveitamos para felicitala polo éxito acadado en sendos concertos que realizaron en Tui e Valença do Minho. Próximamente presentará o video do traballo que publicarán baixo o título "Cantos de Terra e Sal". Agradecémoslle a súa colaboración e pronto voltaremos a conectar con ela para que nos informe.

 

 A segunda conexión é con Daniel, compoñente do Grupo "Briganthya", que tamén nos enviou algúns CDs do seu ultimo traballo para entregar aos nosos oíntes e seguidores, con motivo deses Aniversarios que estamos a celebrar. Dámoslle as grazas e comentamos un chisco a traxectoria musical dese Grupo.

 

 A continuación voltamos a Galicia para falarmos con AIDA TARRIO, unha das TANXUGUEIRAS, ese grande Grupo Femenino de música tradicional  galega que acaban de publicar un segundo traballo titulado: Contrapunto, e que servirá para agasallar aos nosos oíntes e seguidores, como premio polo 40 Aniversario da Radio e da nosa Asociación Rosalía de Castro. Agradecémoslle a súa amable atención e desexamos que sigan acadando moitos éxitos.

 

 Na segunda hora conectamos co noso correspondente Xosé Manuel, que se encarga da sección QUEN CHE PREGUNTOU? Ponnos ao corrente de cómo ten estructurada esa parte do programa que dividirá e catro seccións: Primeiro Noticias cos seus Me gustan e Non me Gustan. Segundo O Reto. Terceiro que nomea como "caralladas" ou apartado humorístico e Cuarto "a Viñeta", como viña facendo en edicións anteriores. Unha remodelación que seguro dará moito máis contido a esta sección e arriquécese. Moitas grazas, Xosé Manuel. A vindeira emana máis.

 

 Conectamos con Anibal, propietario da "Adega Tapias de Mariñán" que nos fala dalgúns aspectos desagradables que están a suceder naquela contorna da D.O. Monterrei, con motivo de incendios non explicables que afectaron  a unha das súas viñas (nada menos que tres hectareas de viñedo). Coméntanos que estan a traballar na vendima deste ano, que teñen preparada a próxima presentación do viño con cepas autóctonas "sousón", posiblemente unha das colleitas máis enxebres que se poderán degustar. Agradecémoslle a súa colaboración e participación no programa de hoxe.

 

 Non podiamos deixar pasar a oportunidade de conectar con XIAO YAÑEZ, o compositor desa peza musical que estrenamos. Felicitámolo e agradecémoslle a súa aportación creativa. Énchenos de satisafación e honra poder contar con esa composición musical que servirá para celebrar con todos eses "40 Aniversarios" que teremos a ocasión de compartir con tódolos nosos oíntes e seguidores, e aporveitaremos para entregarlles algún dos moitos CDs que nos enviaron os artistas e cantautores que iremos entrevistando ao longo deste novo curso que encetamos desta forma tan feiticeira. 

 

 Agardámosvos a vindiera semana. Non deixedes de conectarvos, que seguro teredes ocasión de recibir algún dos agasallos que iremos repartindo con todos vosoutros. Tan só teredes que conectarvos e comunicarse con nosoutros, polo WhatsaApp, polo Facebook ou polo correo electrónico, e enviarémosvos un dos Cds que nos pidades (de todos os que dispoñamos, claro).

XOVES 25 de XUÑO do 2020

Ultimo programa desta tempada 2019-2020, que comezamos dándolles a ben-vida e ofrecéndolles unha peza de música titulada "Ardendo" precisamente do CD dese mesmo nome, que pertence ao cantautor MARTIN MAEZ, con quen imos a falar nesta pequena conversa-entrevista que nos concedeu, e na que nos comenta parte da súa traxectoria musical e os proxectos para as vindeiras datas. Agradecémoslle a súa amable atención e desexámoslle moitos éxitos.

A seguinte intervención é a do noso correspondente na capital da Ribeira Sacra, Monforte de Lemos, Xosé Manuel F. Montes, que sempre ten preparada a súa sección QUEN CHE PREGUNTOU? con informacións escollidas e moi interesantes para todos nós. Foi un pracer contar coa súa colaboración e disfrutar coas súas creacións artísticas, que nos enchen de orgullo e aumentan o prestixio desta nosa humilde emisión radiofónica. Enviámoslle os nosos mellores desexos para estas vacacións. 

E para finalizar conectamos novamente con Galicia para falarmos con Xosé Lois Romero, que nos fala do seu ultimo CD "LATEXO", publicado co título "Xose Lois Romero & Aliboria". Agradecémoslle a súa amable atención e desexámoslles moitos éxitos nos próximos concertos e presentacións vindeiras, que seguro poderán ofrecer neste verán. 

Despedímonos de todos vosoutros ate a vindeira tempada, que comezaremos posiblemente o vindeiro mes de Setembro ou Outubro, dependendo de cómo se vaian sucedendo os acontecementos. Cúidense moito.

¡Que teñan unhas felices vacacións! e 

¡Que volvamos a escoitarnos! 

¡Non deixen de sintonizarnos! 

¡Sexan Felices!

XOVES 18 do mes de SAN XOAN do 2020

Un programiña máis, coa proposta gravada mediante as novas tecnoloxías, primeiro fixemos cunha videoconferencia cos colaboradores e participantes, e despois introducimos algunha que outra peciña musical e enlazamos todo o contido para disfrute dos nosos oíntes e seguidores.

A primeira intervención deste programa de hoxe é a do noso correspondente na Baixa Limia, Xosé Lamela, que nos presenta ao seu convidado especial, dona MARICARMEN YAÑEZ, Alcaldesa  do Concello de Lobios, coa que mantemos unha conversa-entrevista moi entretida, con informacións e novidades interesantes que se porán en marcha nese Concello. Agradecémoslles a súa participación.

Despois de escoitar un bocadiño de música poñémonos en contacto con ALEJANDRA PLAZA, que descubrimos no facebook pola proposta tan interesante de facer unha SARDIÑADA Internacional, promovida pola EMBAIXADA.gal. Comentamos con ela este evento e algunhas cousiñas máis. Agradecémoslle as informacións que nos deu e desexámoslles moitos éxitos.

Outro bocadiño de música, concretamente da propia cantautora que entrevistamos: M.J. Pérez, que nos recibe moi amablemente e fálanos da súa traxectoria musical e do recente traballo publicado, así como dos proxectos para o futuro e finalizamos coa peza musical: A luz prendida, do seu ultimo CD que todos podedes escoitar tamén en youtube, cun videoclip que acaba de facerse público: ¡Moitas grazas M.J.Pérez!

Finalizamos este programa de hoxe desexando que pasen unha feliz semana.

XOVES 11 de XUÑO do 2020

Outro programiña máis "enlatado" que lles ofrecemos dende o confinamento, pero con ganas de que sexa unha aportación interesante para tódolos nosos oíntes e seguidores. A primeira comunicación é con XOAN CURIEL, un cantautor que moi amablemente nos atende e comentamos con el, non só a situación actual senón tamén parte da súa traxectoria como cantautor e outras facetas interesantes, precisamente aproveitamos as súas creacións musicais para escoitalo ao comezo e ao final desta pequena intervención-entrevista que nos concedeu. ¡Moitas grazas Xoan e Moitos éxitos!

A segunda conversa-entrevista é cunha grande amiga, á qeu xa tivemos en anteriores ocasións na nosa emisión: BEATRIZ VILA FREIRE, delegada da Asociación Provincial de Hostelería e Turismo en Monforte de Lemos. Fainos partícipe da súa positividade con relación as propostas e posibilidades de posta en valor das oportunidades que ten a Ribeira Sacra para acadar unha boa estancia e disfrutar dunhas vacacións inesquecibles. Agradecémoslle a súa participación de hoxe no noso programa.

E para finalizar escollemos outra chamada máis a Galicia, para falar con EMILIO RUA, outro cantautor moi aprezado e que nos amosa a súa creatividade musical chea de engado, que poñemos precisamente ao comezo e ao final da entrevista. Fálanos de que uns días antes do estado de alarma, estivo actuando precisamente en Barcelona, e que se truncaron as espectativas de concertos e demais actuacións por culpa desta pandemia que nos afecta a todos. Desexamos que pronto academos a normalidade e poidamos voltar a xuntarnos e escoitarnos en directo. Que teñas moitos éxitos EMILIO e que pronto volvan os directos interpretativos para todos.

A vindeira semana prometémoslles moitas máis novidades, máis música, entrevistas e desexos de aprender e disfrutar con todos vostedes. ¡Sexan felices!

Xoves 4 de XUÑO do 2020

Seguimos coa nosa emisión de "Galegos no BAIX-Confinados" pero confiados, porque estamos seguros que sodes moitos os nosos oíntes e seguidores e desexamos que todos esteades ben. Comezamos a nosa primeira grabación chamando a os compoñentes (Laura Santos, Jairo e o Presidente don Xosé Canosa) da Asociación Cultural Galega "Airiños da nosa Galicia" en Santa Coloma de Gramanet, que nos reciben moi amablemente e aproveitamos para felicitalos polo seu aniversario: ¡Moitos parabens! Mantemos unha conversa moi agradable e infórmannos das moitas actividades e accións que estiveron levando a cabo para celebrar o seu Aniversario, a pesar das dificultades, pero que ademais seguirán traballando e aportando o seu grauciño de area para o benestar da sociedade da súa cidade onde residen. Agradecémoslle a súa intervención neste noso programa de hoxe.

Despois de escoitar un bocadiño de música trasladámonos a Galicia, concretamente a Ourense, para entrevistar e falar co noso amigo MANOEL CARRETE, que ten unha morea de cousas que contarnos, e seguro que tódolos nosos oíntes e seguidores apreciarán.

A seguinte intervención-chamada é cunha das persoas á que lle temos que agradecer moi encarecidamente a súa participación no noso programa:

GUIDO ALVAREZ, Guía Oficial da Provincia de Lugo. Falamos con el e entrevistámolo para que nos explique algunha das súas propostas "renovadas" e actualizadas que teñen moito que ver coa nova situación e realidade que se presenta a partir dagora. Desexámoslle moitos éxitos.

A ultima chamada é co noso correspondente na capital da Ribeira Sacra, dende Monforte de Lemos, Xosé Manuel F.Montes, para que nos encha de contido a súa sección QUEN CHE PREGUNTOU? Ademais recibimos unha viñeta que publicou no xornal de "Galicia

Confidencial", pero que ven moi a xeito pola coincidencia dalgunha das novidades que comentamos na emisión de hoxe. ¡Moitas Grazas! 

E finalizamos desexándolles que teñan unha feliz semana.