XOVES 23 de DECEMBRO do 2021

Este último programa do ano 2021 comezámolo coa nosa sintonía de sempre e escoitamos unha panxoliña de Berogüetto para recibir á primeira convidada: Sonia Melón, poeta galega. Agradecémoslle a participación no programa de hoxe e agasállanos coa lectura de dous poemas que adica a tódolos oíntes e seguidores e un, en particular a un seu seguidor incondicional. Enviámoslle os nosos mellores desexos para este Nadal e que teña unha boa entrada de aninovo.

A segunda conversa é co noso correspondente na capital da Ribeira Sacra, Xosé Manuel F. Montes, que nos aporta a súa crónica semanal, cos seus"Desghústanme" e "Ghústanme", que se converten nas informacións precisas e escollidas por el. Tamén nos envía a viñeta de hoxe, relacionada cun dos comentarios emitidos no programa. Desexámoslle Boas Festas e un farturento aninovo 2022.

 

Continuamos, na segunda hora, conectando novamente con Galicia para falar coa nosa amiga, poeta-pastora, Nieves Fernández Vidueira, que nos informa do acto que se celebrou en Viana do Bolo o sábado pasado. O visionado dun documental sobre lendas, contos e outras cousas. As protagonistas son as propias mulleres do rural, entre as que se atopaba precisamente e nosa Nieves. Felicitámola e desexamos que pase unhas felices festas do Nadal e que teña unha ventureira entrada de aninovo.

E finalizamos as entrevistas deste ano falando con Beatriz Busto Miramontes, antropóloga que ven de publicar o libro: Pandereteiras de Mens. Agradecémoslle as diversas informacións sobre este traballo tan interesante, que ven acompañado dun CD para entender mellor esa recopilación de cantos, interpretados por 5 mulleres cantadoras do noso tradicional galego e acompañadas coa pandeireta.

 

E despedímonos desexando que teñades un Bon Nadal e un feiticeiro aninovo 2022. Aquí tedes o programa completo.

XOVES 16 de DECEMBRO do 2021

Comezamos este penúltimo programa de "Galegos no BAIX" escoitando unha panxoliña para recibir a Guido Álvarez Parga, Guía Oficial de Turismo de Galicia. Felicitámolo polo traballo e proxectos que está a realizar en Galicia, pero moi concretamente na cidade de Lugo, así como tamén polo de Profesor-Titor Grau de Turismo na UNED de Lugo. É para nosoutros unha honra telo, de cando en vez, na nosa emisión e ir descubrindo algún que outro proxecto dos que vai poñendo en marcha. ¡Felices Festas, Guido! e ¡Moita sorte na túa xeira turística e educativa!

A seguinte é unha entrevista que nos concedeu o Gañados do 1º Premio de "35 Certame Internacional de Poesía en Língua Galega, Rosalía de Castro de Cornellà", que é Xosé Luís Santos Cabanas. Un escritor e poeta galego co que disfrutamos moi agradablemente. A súa amena conversa sérvenos de leución e aprendizaxe sobre o traballo que foi premiado, así como tamén a traxectoria de Tina Modotti, á que fai referencia o poema premiado. Disfrutamos da lectura que el mesmo nos agasalla. ¡Moitas grazas, Xosé Luís! e moitos éxitos!

Continuamos a emisión e voltamos novamente a Galicia porque temos a sorte de poder conversar-entrevistar á gañadora do 2º Premio neste mentado Certame Internacional de Poesía, dona Clara Vidal, unha poeta galega residente en A Coruña. Fálanos dese poema gañador "A formación dos continentes" e tamén disfrutamos coa súa lectura dalgún deses poemas. ¡Moitas grazas, Clara!

Temos agora o privilexio de entrevistar a unha moza moi noviña, que nos abraia coa súa voz: Claudia Pajares. Escoitamos unha peza musical que ela mesmo interpreta, casi á capela, e somos os primeiriños que conseguimos falar con ela. Non é galega, pero canta coma se o fora, coma os anxos. Desexámoslle o mellor e prometémonos voltar a conectar con ela para seguir disfrutando da súa fermosa voz e interpretación que, por certo ela mesmo nos confirma que é auto-didacta. Aquí podedes escoitar un bocadiño da canción.

E finalizamos a emisión de hoxe conectando con Antonio Marzabal, un escritor galego que ven de publicar a súa última novela: SEMENTE, ambientada no Courel lugués. Coméntanos que algo de seu ten esa novela, que  nesa novela relata parta das súas propias vivencias. Desexámoslle que teña moito éxito.

O vindeiro xoves máis. Que teñan unha feliz semana!

XOVES, 9 de decembro do 2021

 Comezamos outra nova emisión escoitando a nosa sintonía de sempre, saudando aos nosos oíntes e seguidores, e despois de escoitar outro bocadiño de música, poñémonos en contacto coa Presidente de GaliciAME, dona Merchi Álvarez. Acaba de chegar de Corea do Sul, onde lle aplicaron unha nova técnica curatoria e que ao parecer estalle a dar moi bos resultados. Felicitámola polo éxito que está tendo con esas novas prácticas. Cóntanos algo desa experiencia e fálanos dos seus anceios para que todo siga a decorrer con ben. Desexámoslle sorte para que en vindeiras datas, no verán do vindeiro ano ou no mes de decembro se poida levar a cabo esa Gala que se viña celebrando anualmente para conseguir aportacións e conceder as becas coas que potenciar a investigación sobre a AME. Desexámoslle que teña unhas Boas Festas do Nadal e un aninovo farturento de saúde e benestar.

A segunda conversa-entrevista é con Xoan Curiel, músico e cantautor de A Fonsagrada, que nos fala do seu ultimo traballo CD Treides comigo. Estivo de xira con numerosos concertos por Galicia adiante e coméntanos que agora desexa coller un tempiño de lecer e descanso.  Desexámoslle que acade moitos éxitos e que teña un Feliz Nadal e un próspero aninovo 2022.

Seguimos o programa informando da próxima presentación, o sábado día 11 a partir das 19h, no Auditori de San Ildefonso de Cornellà, da xulipedia.com, que nos fará o propio autor Xulio Simón e Luís Losada. Tamén teremos a oportunidade de recoller o CD que acaba de gravar a A.C.G.Rosalía de Castro de Cornellà, que leva por título "Rosalía en Cornellà". Tamén actuarán os Gaiteiros do Grupo e as Rosalieiras. Despois, á noite teremos unha cea conmemorativa do "35 Certame Nacional de Poesía en Língua Galega" xunto coa publicación dos gañadores deste Certame Literario.

A segunda hora continuamos conectando novamente con Galicia para falarmos con Manuel - Foteiro de A Fonsagrada, que nos fai de correspondente dende aquela vila da montaña. Infórmanos, moi polo miúdo, das diferentes actuacións que tiveron lugar nesa celebración, a fin de semana pasada, da "VI Foliada da Fonsagrada". Unha morea de músicos e Grupos estiveron celebrando ese grande acontecemento. Agradecémoslle a súa amable atención e tamén lle enviamos os nosos mellores desexos para estas Festas do Nadal.

Despois falamos con Alva Pico, traductora e profesora de Valadouro, que reside actualmente en Barcelona. É un primeiro contacto co que nos pon ao corrente da súa traxectoria, e coidamos que en vindeiras datas poderemos incorporar nas nosas audicións como unha colaboradora máis. Agradecémoslle a súa amable atención.

Despedimos o programa desexando que teñan unha feliz semana. O vindeiro xoves máis, e á mesma hora de sempre.

XOVES 2 de DECEMBRO do 2021

Outra edición máis deste noso programa en língua galega. Comezamos coa sintonía de sempre, saudamos aos nosos oíntes e seguidores, escoitamos un bocadiño de música e poñémonos en contacto co primeiro convidado: Luís Chapela Bermúdez, autor do libriño recentemente publicado: PEROXO, un rapaz da aldea. Fálanos da súa escrita, dos momentos agradables que lle proporcionou a súa escrita e das presentacións que está a realizar, nas bibliotecas da zona, e noutros lugares onde lle-lo solicitan. Ten previsto facelo tamén noutros lugares, como en Vigo, a partir do ano 2022. Unha lectura que paga a pena comentar e que recomenda para empregar nas escolas. Desexámoslle moitos éxitos.

Falamos das diferentes actividades que ten previsto a nosa A.C.G.Rosalía de Castro, de Cornellà. Veñen de presentar, a fin de semana pasada o Certame Nacional de Poesía en Lingua Galega, Rosalía de Castro, no CULTURGAL de Pontevedra. Un recoñecemento moi celebrado. Tamén se realizou un Certame Poético no que participaron dúas poetas gañadorasa do mentado Certame. Precisamente a fin de semana que ven, o día 11 concretamente presentarase, no Auditori Sant Ildefons, o CD Alborada en Cornellá, gravado polos gaiteiros do Grupo, as cantarieras -Rosalieiras- e os gaiteiros senior. Tamén se poderá asistir á presentación da "xulipedia.com", do noso amaigo e colaborador Xulio Simón. No transcurso dunha Cea no local social da Entidade, faranse públicos os nomes dos 3 gañadores do "XXXV Certame".

Recibimos ao noso correspondente na Ribeira Saacra, Xosé Manuel F. Montes, encargado da sección QUEN CHE PREGUNTOU? que nos facilita as súa crónica semanal cos "Desghústanme e Ghústanme" cos que percorre as diferentes informacións salientables que el mesmo escolleu. E finaliza coas anotacións que recolle na súa "libretiña pequena". ¡Moitas grazas Xosé Manuel!

Conectamos novamente con Galicia, para achegarnos a Navia de Suarna, e falar con Xosé Luís Pérez Fernández, un apicultor que xa ten acadado algúns premios pola calidade da mel que recolecta. Concretamente a AGA (Asociación Galega de Apicultores) concedeulle o 1º Premio "Mel 5 Estrelas" pola modalidade "Mel floral de Queiroga". Fálanos dos traballos que precisan o coidado das abellas, a recolección do mel, o envasado e a distribución.

 

Despois falamos con Miguel Anxo Rodríguez, un empresario de Figueiredo, Concello de Ribas de Sil que elabora un aceite de grande calidade: Aceites Figueiredo. Está traballando para conseguir unha producción exquisita, con olivos milenarios e que está acadando un renome especial, pola calidade do producto e polo empeño de conseguir un producto elaborado con moito esforzo e cariño. Desexámoslle moitos éxitos.

Despedímonos de tódolos escoitantes, seguidores e simpatizantes ate o vindeiro xoves. ¡Que teñan unha feliz semana!

XOVES, 25 de NOVEMBRO do 2021

Outra emisión máis do noso "Galegos no BAIX". Sintonía de ben-vinda, un bocadiño de música e conectamos con ELOI CALDEIRO, (Compositor, músico, cantante, batería, letrista, poeta, pero sobor de todo CREADOR). Temos a honra de entrevistalo e falar distendidamente con el. É o fundador e lider do Grupo BRATH. Virán a dar dous concertos o día 26 a Cal Ninyo, en Sant Boi e o día 27 en Barcelona, no Tradicionarius de Gracia. Desexámoslles moitos éxitos.

A segunda intervención é a do noso correspondente na capital da Ribeira Sacra, Xosé Manuel F. Montes, que se encarga da sección QUEN CHE PREGUNTOU? Fainos a súa crónica informativa semanal, cos seus Desghústanme e Ghústanme correspondentes, e nesta ocasión envíanos a súa "viñeta" alusiva a un momento da emisión de hoxe: As galletas Mariñeiras. ¡Moitas grazas. Xosé Manuel! 

A continuación conectamos con Xoan L. Fuertes Saavedra, do Grupo Fuxan os Ventos. Fálanos un chisco da próxima celebración dos 50 anos da súa creación. Tamén nos comenta que posiblemente editarán un CD no primeiro trimestre do 2022. Dámoslle os nosos parabens.

Na segunda hora falamos co Presidente da A.C.G. Rosalía de Castro de Cornellà, Óliver Fernández, que nos comenta algunhas das actividades que realizaron e das próximas a celebrar: O tradicional Magosto, a comezos de mes, a Excursión a Peñíscola, o Campionato de Tute, a presentación do noso Certame no Culturgal de Pontevedra para a príxma semana (os días 27 e 28 de novembro), a Edición dun CD cos 12 pezas musicais que levará por título : "Alborada en Cornellà", Conferencia sobre a "Xulipedia.com" para o 11 de decembro, xunto coa cea de socios e simpatizantes e o fallo dos premiados no "XXXV Certame Nacional de Poesía Rosalía de Castro de Cornellà".

Seguimos cun bocadiño máis de música e conectamos con Xosé Lois, xerente da Empresa "Da Veiga - Galletas Mariñeiras". Coméntanos as vicisitudes que tiveron que pasar con esta pandemia que estamos a padecer, que seguen adiante co seu proxecto e que próximamente, quizáis para antes do Nadal, presenten unha novidade interesante, con novos productos. Desexámoslle moitos éxitos.

E finalizamos as conversas entrevistando a Esther Corral do "Bar Galicia" do Concello de Betanzos. Campeón do concurso organizado dentro da Semana da Tortilla de Betanzos. Felicitámola polo seu premio e desexámoslle que siga disfrutando e facendo felices aos seus clientes.

E despedímonos ate o vindeiro xoves á mesma hora. 

¡Que teñan unha feliz semana!

XOVES 18 de NOVEMBRO do 2021

Comezamos dándolles a ben-vinda a tódolos nosos oíntes e seguidores para, despois de escoitar un bocadiño de música, conectar con Galicia para falar con Juan Parcero, un escritor de Moaña, que xa ten publicado tres novelas. Fálanos desas obras que compoñen unha triloxía (triloxía do esquecemento) ambientada precisamente na súa localidade natal, Moaña, con protagonistas inventados, pero que teñen moito a ver coa creación literaria que se pode atopar na súa escrita. Está a piques de publicar unha nova obra relacionada coa Ciencia Ficción, pola Editorial Galaxia. Comprometémonos voltar a comunicarnos con el cando se poña no prelo,  para celebralo.

A segunda intervención é a do noso correspondente na Ribeira Sacra, Xosé Manuel, encargado da sección Quen che Preguntou? Fainos un percorrido polas informacións escollidas cos seus "Desghústanme e Ghústanme" e continúa con dúas fermosas frases con certa sorna retranqueira, que ten recollidas na súa "libretiña pequena". ¡Moitas grazas!

Despois voltamos novamente a Moaña, para falarmos con Carlos, un dos socios de "A MeixoEira Sociedade Cooperativa Galega". Elaboran Queixo de Cabra. Parabenizámolo porque veñen de recibir a Medalla de Bronce no World Cheese, recentemente celebrado en Oviedo. ¡Felicitacións e desexos de que sigan colleitando moitos éxitos!.

Falamos a continuación con Beatriz Dourado, poeta galegocatalana -como ela mesmo se define- a quen admiramos pola súa traxectoria e bon facer creativo. Falamos de poesía, da súa participación no "IV Certame de Poesía Torre de Caldaloba" como membro do Xurado, da próxima presentción dun traballo relacionado coa infancia, e agasállanos coa lectura de dous poemas: un da súa autoría e outro que se inclúe nun libriño que nos recomenda "Manifesto 25-N", da nosa benquerida e admirada Andrea Fernández Maneiro. ¡Moitas grazas pola túa participación de hoxe!

E finalizamos a emisión de hoxe voltando a Galicia, para falarmos con Román, un dos socios da "Sociedade Cooperativa A Carqueixa", que veñen de inagurar unha tenda na Plaza de Abastos de Lugo: "O Sabor dos Ancares". Felicitámolos tamén e desexamos que sigan tendo moita sorte e moitos éxitos.

Despedímonos ate a vindeira semana á mesma hora. 

Aquí deixamos o programa completo.

XOVES 11 do mes dos SANTOS de 2021

Unha nova emisión deste noso programa "Galegos no BAIX", con ganas de aprender e dar a coñecer algunhas cousas interesantes da nosa cultura e das nosas "xentes". Comezamos saudando aos oíntes e seguidores e coa nosa sintonía de sempre... Escoitamos un bocadiño de música do ultimo traballo de Carmen Penim (Cantos de Terra e Sal), e precisamente poñémonos en contacto con ela. Saudámola e dámoslle a ben-vinda para despois comentar diversas e interesantes cousas nas que está a traballar, xunto co seu compañeiro Maurizio Polsinelli. Por certo, aproveitamos a ocasión para enviarlle os nosos parabens a Maurizio, por ter acadado un Premio coa súa creación poética na comarca de Valdeorras. Felicitacións que tamén facemos extensivas a Carmen por esa fermosa aportación e creación musical que titula "Ven que che Canto un Conto" e que está a recibir moitas felicitacións. Desexámoslle que sigan colleitando moitos éxitos.

A continuación, despois de escoitar outro bocadiño de música, retomamos a conexión co noso correspondente na Ribeira Sacra, Xosé Manuel F. Montes, que estivo ausente nalgunhas emisións por causas moi persoais. Comeza cos seus "Ghústanme" e "Desghústanme", que corresponden a súa sección "Quen che preguntou?" habitual, ademais das cousas da súa libretiña. Agradecémoslle a súa aportación e disfrutamos coa súa crónica.

Seguimos a emisión conectando con Andrea Fernández Maneiro, escritora e poeta de Carril (Vilagarcía de Arousa) que ven de recibir o Premio de Poesía "Torre de Caldaloba", polo seu poemario "Contra-Tempos". Falamos del e doutras aportacións creativas. Agasállanos coa lectura duns versos da súa autoría.

Na segunda hora conectamos con Ovidio, do "Mesón CATRO VENTOS", en Lugar de Barbeitos, a Fonsagrada. Un Restaurante de grande prestixio pola súa oferta de carnes á brasa. Moi frecuentado polos pelegríns do Camiño de Santiago, pero tamén por moitos amantes da carne de calidade que se sirve neste establecemento. Carne da súa propia explotación con vacas e tenreiros de raza Vianesa.

 

A última intervención é a da benquerida e admirada Elena Ferro, que xa tivemos nalgunhas ocasións nesta nosa humilde emisión. Fálanos das creacións e publicacións tan fermosas relacionadas coa artesanía en zocos. Felicitámola pola participación con Rubén Riós, nos Documentais "Arrieros Somos". Tamén lle damos os nosos parabens pola súa aportación creativa, relacionada coas persoas da illa de La Palma. E finalizamos agradecéndolle a súa participación de hoxe.

O vindeiro xoves voltaremos. 

Que teñades unha feliz semana. 

Aquí deixamos o programa enteiro.

XOVES 04 de NOVEMBRO do 2021

Comezamos unha nova emisión de "Galegos no BAIX!", dándolles a Ben-vinda e escoitando un bocadiño de música para darlle paso á comunicación con Mon Devane, Artista Urbano, un grande diseñador, pintor e muralista galego, nado en Ourense, con quen tratamos de descubrir algunhas das súas fermosas obras espalladas polas xeografía galega, e moi concretamente na Baixa Limia. Fálanos da súa obra que el mesmo define como fotorealismo monocromático. Ven de realizar unha exposición -Las Estrellas del Camino-  moi interesante e importante xa que recibiu o "Premio Eficacia 2021". Felicitámolo e desexámoslle que siga colleitando moitos éxitos.

A segunda convidada é Susana Fernández, unha enxeñeira que ten ao seu cargo a realización de dous proxectos moi importantes: dúas Plantas de Biogas, que se porán en marcha nas provincias de Lugo e Ourense. Felicitámola por ese traballo e desexámoslle que teña moito éxito. Tamén nos fala da súa localidade de procedencia, Grou, na que ten varios obxetivos que levar adiante e nos que está a traballar para poder darlle máis oportunidades e mellor calidade aos veciños: A rehabilitación dun edificio no que poderán dispoñer dun espazo para talleres de informática e unha biblioteca. Agradecémoslle a súa amable atención e informacións que serven de aprendizaxe para nosoutros.

Continuamos na segunda hora conectando novamente con Galicia para falarmos con dona Marisol Martínez Mato, a "Chef" do Restaurante "Mar de Ardora". Mágoa non poder estar máis preto para poder achegarnos a esa localidade de Cabana de Bergantiños, onde está localizado ese Restaurante que ademais de ter varios e prestixiosos Premios (como o Tenedor de Ouro do 2002, Prato de Ouro da Gastronomía Española... etc.) tamén está nunha localización privilexiada. Dende o mesmo comedor pódese disfrutar dunhas vistas fermosas e engaiolantes. Fálanos dos menús que se poden degustar, nos que non pode faltar a mellor selección de peixes e mariscos así como os seus saborosos postres caseiros. Agradecémoslle a súa atención e desexámoslles que teñan moitos éxitos.

Finalizamos o programa entrevistando a dona Isabel Chapela Lorenzo, natural de Moaña, bióloga, oceanográfica e escritora que acaba de presentar un libro moi interesante: "Nunca fuimos normales". Trátase dun libro que contén varios relatos relacionados coas propias vivencias da autora. Algo noveladas, pero tentando dar a coñecer aos seus posibles lectores, as peripecias que lle aconteceron nos diversos viaxes-embarques que realizou nos ultimos tempos. Agradecémoslle as súas explicacións e prometémonos voltar a conectar con ela, depois de ler o seu libriño, para seguir comentando cousas del. ¡Moitas grazas, Isabel!

Desexamos que volvan a conectar con nosoutros o vindeiro xoves. Aquí lles deixamos o programa enteiro.

XOVES 28 de OUTUBRO do 2021

Comezamos un programa máis de "Galegos no BAIX" dándolles a Ben-vinda e despois dun bocadiño de música conectamos con Galicia para recibir a Ana Vázquez da Queixería AIRAS MONIZ, en Chantada, na Ribeira Sacra Lucense. Dámoslle os nosos parabens por teren recibido a Medalla de Ouro ao Mellor Queixo Azul de España. Tamén nos indica que teñen recibido outros dous Premios relacionados co bon facer da súa Empresa. Mantemos unha conversa moi ilustrativa e aprendemos un chisco máis sobre esa elaboración tan especial do queixo "Savel" que é o premiado, xunto con outro queixo, Terra, que tamén recibiu outros premios e dos que Ana nos detalla con precisión. ¡Felicitámola e desexámoslle que sigan colleitando moitos éxitos!

Falamos con Xosé Vieira, un Matemático e escritor que ven de presentar dous libros moi interesantes. Recibimos unha lección de "bon facer social" que el predica coa defensa de moitas e importantes iniciativas para o ben da humanidade. Mágoa non ter máis tempo para seguir disfrutando da súa conversa.

Encetamos a segunda hora conectando novamente con Galicia para recibir a Rubén Troitiño, grande mestre gaiteiro e investigador. Parabenizámolo pola posta en marcha dunha páxina web, creada por el mesmo, e moi interesante: www.musicasdaterrademontes.com. Chea de documentación e historia. Fálanos dese proxecto no que levaba traballando moito tempo, pero que ten previsto seguir actualizándoo e desexando que participen del tódolos interesados na música tradicional e outros aspectos que el mesmo nos relata. Agradecémoslle que comparta cos nosos oíntes e seguidores ese seu traballo.

Finalizamos o programa de hoxe conectando con Silvia Pardo, do "Salón Internacional de Turismo Gastronómico de Ourense" : XANTAR 2021. Despois de agradecerlle a súa amable atención (que sempre nos prodiga) para falarnos dese grande evento que cumple 21 anos de existencia. Información detallada para que os nosos oíntes e seguidores se interesen por asistir. ¡Grazas, Silvia!

¡Que teñan unha feliz semana!

Aquí teñen o programa enteiro.

XOVES 21 de OUTUBRO do 2021

Comezamos unha nova emisión do "Galegos no BAIX" coa nosa sintonía de sempre e escoitamos unha peza de música para recibir ao primeiro convidado: "Xabier Díaz". Agradecémoslle a súa atención. Dedícanos uns minutiños para informarnos da próxima actuación que terá, xunto coas Adufeiras de Salitre, no "Tradicionarius de Gracia" o día 23 de outubro ás 21h. Presentarán o ultimo video, que estrenan hoxe mesmo nas redes, correspondente a unha peza do seu CD "As catedrais silenciadas". Desexámoslle moitos éxitos.

A segunda intervención é a de FRAN AMIL, outro músico, cantante e compositor, que nos fala do recente traballo publicado: "Popsía Vol I". Veñen de presentalo en diversas localidades de Galicia, e hoxe mesmo farano en Betanzos ás 20h. Tamén comentamos con el a repercusión que están a ter as súas páxinas: chuchesamil.com e franamil.com. Unha conversa con información interesante sobre os seus traballos.

Continuamos na segunda hora conectando novamente con Galicia, moi concretamente coa localidade de Tirán, onde se atopa Luís Chapela, con que mantemos unha conversa moi amena, e agasállanos coa lectura dun seu poema adicado ao grande poeta Bernardino Graña.

Despois poñémonos en contacto con Berta Dávila, escritora e poeta galega que ten recibido unha man chea de Premios de Narración e de Poesía. Parabenizámola porque acabamos de saber que unha das súas aportacións literarias publícase na revista VOGUE deste mes de novembro, e que se titula "Mujeres incómodas en días de fiesta". 

Agradecémoslle a dedicación que nos concede e desexámoslle moitos éxitos.

E finalizamos o programa de hoxe con música, coma sempre. Desexamos que volvan a conectarse o vindeiro xoves á mesma hora. ¡Que teñan unha feliz semana! 

Aquí poden escoitar o programa enteiro.

XOVES 14 de OUTUBRO do 2021

Outro programiña máis con todos vosoutros. Comezamos coa nosa sintonía de sempre e despois das salutacións escoitamos un bocadiño de música e poñémonos en contacto con Hector Pérez do "Forno de Lugo", con quen mantemos unha conversa-entrevista para que nos informe da situación e de todo o que precisamos saber sobre a súa empresa. Agradecémoslle a súa participación no programa de hoxe.

Despois voltamos a conectar con Galicia para achegarnos a LIRA, onde se atopa a Señora Carmen, responsable da "Vivenda Rural Xanela da Lúa". Fálanos dos "Outonos Gastronómicos 2021", que xa levan nada menos que 15 anos celebrando. Teñen dúas ofertas de menús moi interesantes, con productos de quilómetro 0, propios do país e cun selo especial. Van acompañados da estancia dun día ou dunha fin de semana, cuns prezos moi competitivos e moi axeitados. Convida a tódolos nosos oíntes e seguidores para que aproveiten a oportunidade de acollerse a esas ofertas tan interesantes e con eses menús degustación. ¡Moitas Grazas, Sra.Carmen, e moitos éxitos!

Comentamos por uns minutiños a celebración do Aniversario da "Casa Galega de Hospitalet", que tivo lugar o pasado día 9 de outono precisamente no Parque Metropolitano de Bellvitge. Axudou á súa presentación Armando Fernández. Actuaron os compoñentes da propia Entidade Casa Galega de Hospitalet, Agarimos de Badalona e a actuación estelar do Carlos Núñez. Unha festaza chea de engado.

Entrevistamos a JOEL PADÍN, que nos fala do seu CD :"Aughas Mortas". Tamén o felicitamos porque está elixido, xunto con outros grupos galegos, como finalistas dos "Premios Martín Codax de Música", no apartado de música Folk. Recibímolo cunha das pezas súas e despedímolo tamén con outra da súa autoría.

A vindeira semana máis e, á mesma hora. 

Aquí teñen o programa completo.

XOVES 7 de OUTUBRO do 2020

Comezamos outra emisión radifónica cos saúdos de sempre, coa nosa sintonía e unha peciña musical para despois poñernos en contacto co noso primeiro convidado: David Amor, que nos recibe moi atentamente e conversamos con el da súa traxectoria artística e das próximas actuacións previstas. Agradecémoslle o tempo que nos adica e desexámoslle que siga tendo moitos éxitos.

A segunda conversa tiña que ser cun escritor e poeta galego, pero non puidemos contactar con el. Noutra ocasión será. O que sí temos é a visita, nos nosos estudios, de Mª Xosé Silvar, SES. A nosa admirada e benquerida cantautora "berghantiñana". É un pracer e unha honra tela no noso programa. Falamos con ela e cóntanos que ben a "Estrenar dúas pezas recén compostas": Unha en galego e outra en catalán. Preguntámoslle cómo foi o seu proceso de composición... Tamén nos informa do Concerto que ofrecerá mañá precisamente no Centre Artesá Tradicionarius de Gracia. Os que asistan tamén poderán adquirir, coa súa sinatura e directo, do seu último CD : "Liberar as Arterias", que non puido facer a xira de presentación por mor do confinamento que tivemos. Temos que facer aquí mención de Toni Palau, de Mirmidon, que foi quen nos trouxo esta prezada visita.

Aproveitamos e escoitamos un bocadiño deses dous temas de estrena: "Apren l'aspra lliço" (poema de Salvador Espriu) e a outra composición propia: "O medo dunha nena". Fermosos temas que poderán disfrutar mañá tódolos que se acheguen ao Concerto.

Poñémonos en contacto con Sabela Maneiro, para darlle unha sorpresa, tanto a SES como ás "Tanxugueiras", xa que teñen moi boa relación entre as dúas. Recibimos a Sabela que nos conta cómo están sendo as recentes actuacións e algunhas das que están en carteira, destacando a que próximamente farán en Manresa... Escoitamos algunha das súas pezas e despedímola desexando que sigan colleitando moitos éxitos.

Tamén escoitamos outra peciña máis e co agarimo que lle temos á nosa prezada SES, despedímola augurándolle moitos éxitos e dándolle os nosos parabens por agasallarnos non só coa súa visita senón tamén coa estrena (en primicia para Cataluña) das dúas pezas musicais que poidemos escoitar hoxe.

 

Finalizamos o programa conectando novamente con Galicia para falarmos con Fernando Pérez: "Mel O Salgueiral", que veñen de acadar a "Medalla de prata" no Concurso Internacional London Honey Awards. Felicitámolo e conversamos con para coñecer un pouco esa empresa familiar que ultimamente está a ter un éxito importante. En vindeiras datas porán en marcha unha páxina web para poder ter máis visibilidade nas Redes Social, pero de momento están en Instagram e poden atopalo en "Mel do Salgueiral". Agradecémoslle a súa información detallada e desexámoslles moita sorte e éxitos.

E así foi o programa de hoxe. 

¡Que teñan unha feliz semana! O vindeiro xoves máis. 

Aquí tedes o programa enteiro.

XOVES 30 de SETEMBRO do 2021

Comezamos a emisión de hoxe dándolles a ben-vinda a tódolos nosos oíntes e seguidores, ofrecéndolles unha peciña musical e despois conectamos con CARLOS DA AIRA, que nos fala do " VIII Festival Internacinal POEMAGOSTO de Allariz". Un acontecemento que se celebrará esta fin de semana do 2 e 3 de outubro. Confírmanos a participación dos seguintes poetas: Manuel Rivas, Helena Villar Janeiro, Xesús Rábade Paredes, Lorena Conde, Samuel F. Pimenta, Itisha Giri e Zahra El Hasnaoui. Ademais terán a intervención musical de Uxía, Xoan Curiel, Caamaño&Ameixeiras e David Regueiro Quartet. Tamén se celebrará o "IIº Recital de Poesía Novísima", coa participación de Ana Fraile Somoza, Antía Balvís Moreiras, Fabián Niño, Lois Gayoso, Lorena Fernández Iglesias, Lucas Gago Suárez, Mariña Maceiras, Noé González Alamino e Zaira Ferradás. Agradecémoslle a súa completísima información e desexámoslles que teñan moitos éxitos.

A segunda conversa-entrevista é con Carlos Herrero, do Grupo musical "El Naam". Falamos do seu ultimo CD que leva por título "Germinal". Escoitamos unha peza dese traballo ao comezo da súa intervención. Virán a Barcelona, concretamente o domingo día 3 ao Tradicionarius de Gracia, para presentalo e disfrutar coa súa música. Agradecémoslle a súa amable atención.

Tiñamos previsto manter unha conversa con Domingo da "Casa Díaz", encargada de servir tódolos productos que se poderán degustar na "Festa de San Froilán en Nou Barris", durante os días 1, 2 e 3 de outubro. Como non foi posible a conexión tan só nos facemos eco desta celebración e informamos dos diferentes actos previstos. A participación neses actos é completamente gratuíta.

Continuamos, na segunda hora, conectando co noso correspondente na capital da Ribeira Sacra, Monforte de Lemos, Xosé M. F. Montes, para que nos debulle a súa sección QUEN CHE PREGUNTOU?, como acostuma cada semana, cos seus "Me ghustan e desghústanme", noticias, ao fin e ao cabo, da nosa Galicia. E despídese non sin antes darlle lectura a algúns apuntamentos da súa "libretiña pequena" xunto con algún consello retranqueiro. Tamén nos envía a súa creación viñetista, que acompañamos á entrevista do seguinte convidado de hoxe, que é o RETO que nos propuxera na semana pasada. ¡Moitas Grazas, Xosé Manuel!

Conectamos novamente con Galicia para falarmos con PEPO SUEVOS, artista e humorista galego, con quen mantemos unha conversa moi agradable. Comentamos, un chisco parte da súa traxectoria creativa e participativa en diversas películas, series e intervencións na TVG. Tamén nos fala da recente actuación "Falade galego rapazada ... ...é unha pasada". Desexámoslle que siga colleitando moitos éxitos.

E despedímonos ate o vindeiro xoves. 

Aquí deixamos o programa completo.

XOVES 23 de setembro do 2021

Comezamos unha nova emisión deste noso programa con un bocadiño de música para recibir ao noso primeiro convidado: Domingo González Lorenzo, CHEF do Hotel-Balneario Caldaria de Lobios. Entrevistámolo para que nos fale da súa participación na Clausura de TERMATALIA en Ourense. Descrívenos moi detalladamente os pratos que confeccionou, xunto con Xosé Luís López -outro Chef galego de renome- para que xantaran as personalidades que estiveron nese evento tan importante a nivel Internacional, no que ademais de falar de Termalismo, tamén se celebrou o "IIº Congreso Internacional de Auga e Saúde" así como tamén o "IVº Simposio Internacional sobre Termalismo e Calidade de Vida". Agradecémoslle a súa amable atención e desexámoslle que siga colleitando éxitos.

A segunda intervención é con Ana Santos Solla, unha maestra xubilada que mantén un blog moi interesante, que lle recomendamos a tódolos nosos oíntes e seguidores:  "De Vella a Bella". Fálanos de cómo comezaron con esa tarefa, das súas inquedanzas, das participacións tan interesantes e deseguida pásanos o teléfono para que falemos con unha das súas compañeiras Charo Valcárcel Mato, outra maestra moi implicada con esta publicación. Tamén é mestra xubilada, pero ademais de ser coordinadora do Teatro que tentan representar cada ano, tamén é unha poeta que nos agasalla coa lectura precisamente dunha das súas poesías que leva por título "Despedida". Agradecémoslles a súa atención e felicitámolas polo seu traballo, tan importante e desinteresado. ¡Moitas grazas por atendernos!

A segunda hora comezámola conectando co noso correspondente en Monforte de Lemos, Xosé Manuel F.Montes, encargado da sección Quen che preguntou? Unha forma de darnos a coñecer as noticias do seu entorno cunha perspectiva retranqueira e moi orixinal, cos seus Ghústanme e Desghústanme. E depois despidese coas anotacións populares da sua libretiña pequena.

Finalizamos as participacións conectando novamente con Galicia para falar cun grande: Siro López Lorenzo, artista, escritor, humorista gráfico e caricaturista. Felicitámolo por unha  exposición súa que actualmente se atopa no Parlamento de Galicia: "40 anos de Autonomia de Galicia nas caricaturas de SIRO". Son un número reducido, duascentas e pico, algunhas a tamaño real, pero o máis importante é que fíxolle donación de duas mil caricaturas á Cámara. Ao parecer serán expostas na maioría dos Concellos de Galicia, é dicir que será itinerante e poderase disfrutar delas. Agradecémoslle a súa atención e conversa tan amena.

Despedímonos ate o vindeiro xoves. Que teñan unha feliz semana e non se esquezan de escoitarnos.

O programa enteiro, aquí:

XOVES 16 de setembro do 2021

Nova tempada. Comezamos unha nova andaina ofrecéndolles un bocadiño de música para deseguida conectar con Miguel, do Grupo musical "Caldo y Os Rabizos" con quen mantemos unha conversa-entrevista na que nos fala da súa traxectoria musical e investigadora, dos novos proxectos e próximas actuacións e doutras cousas relacionadas con eles. Prometémonos voltar a contactar con el para que nos vaia dicindo cómo seguen coa súa música e cos seus concertos e despedímolo coa súa música.

Despois conectamos novamente con Galicia para falar con Adrián Eiras, de "Patatas Eiras". Unha empresa familiar de distribución e empaquetado de patacas de Galicia. Fálanos dese grande almacén que ten unha producción moi importante, dos seus proxectos e desexos de ampliar e dar a coñecer ese traballo tan interesante, da creación dunha páxina web para facer máis visible esa súa empresa. Ofrécenos os seus teléfonos de contacto para que os nosos oíntes e seguidores poidan poñerse en contacto con eles (982 313 009 - 689 005 884). Agradecémoslle a súa amable atención e información.

A segunda hora comezámola escoitando outra vez un bocado de música para recibir ao seguinte convidado: Suso Díaz, un grande amigo, escritor e poeta que ven de publicar, recentemente en Medulia Editorial, o seu libro de poemas: "De Ludeiros a Nova York". Falamos dese libro, do tempo que lle levou confeccionalo, do seu contido tan extraordinario e agasállanos coa lectura dunha das súas creacións recollidas nese libro. ¡Moitas Grazas, SUSO! Desexámoslle que teña moitos éxitos e acordamos poder voltar a falar con el en vindeiras ocasións para seguir comentando a súa traxectoria creadora e escrita.

E para finalizar este primeiro programa da nova tempada 2021-22 ofrecémoslle a entrevista que nos concedeu Xurxo Fernandes, que virá a presentar o seu traballo CD "Levaino", o vindeiro día 18 no Tradicionarius de Gracia.

Até o vindeiro xoves, á mesma hora.

Sexan felices e disfruten da semana.

Aquí teñen o programa enteiro.