XOVES 19 de MARZO do 2026

Comezamos este xoves coa nosa sintonía de sempre, as salutacións e unha peza do último disco deo Grupo Musical "Treixadura", para darlle a ben-vinda ao noso amigo investigador e escritor MANUEL RIVERO PÉREZ, que nos fala dun personaxe galego algo esquecido: Lino Novás Calvo. Un periodista, novelista e escritor galego que tivo unha grande producción literaria. Un grande contador de contos, traductor de personaxes relevantes da cultura. Agradecémoslle a súa aportación e detallada información sobre este personaxe, do que seguro publicará un libro e tamén ten previsto celebrar un congreso na súa localidade de nacemento. Desexámoslle moito éxito e procuraremos ofrecerlles as novidades que nos vaia comunicando.

A continuación poñémonos en contacto co Ilmo.Sr.Alcalde do Concello de Arbo, don HORACIO GIL EXPÓSITO, a quen parabenizamos e agradecemos a súa atención. Comunícanos que o vindeiro luns, día 23, estará en Cataluña para presentar, na sede da Asociación de Empresarios Galegos, a "LXVI Festa da Lamprea 2026", evento que repetirá no Centro Galego de Barcelona o seguinte día, martes 24 de marzo. Tamén nos comenta, mentre outras cousas, parte da programación prevista para os días 24, 25 e 26 de abril, que será cando se celebre. Foi declarada Festa de Interese Internacional. Agradecémoslle a atención que nos prestou e desexámoslle que teñan moitos éxitos.

Recibimos a crónica do noso correspondente XOSÉ MANUEL F. MONTES, encargado da sección QUEN CHE PREGUNTOU?

Poñémonos en contacto con TONIÑO LÓPEZ, do Grupo Musical "Treixadura". Felicitámolo pola recente presentación do seu último traballo que leva por título: PORTALÉN, e que vimos escoitando dende o comezo do programa. Presentouse o sábado pasado, día 14, no Teatro A Fundación, de Vigo, acadando un grande éxito. Son 19 pezas musicais, novas no seu repertorio. Coméntanos que foi un traballo de investigación e recollida de moitos anos de traballo. Están moi satisfeitos e xa teñen axendados varios concertos próximos a celebrar. Tamén nos fala da páxina web que renovaron e está moito máis accesible para os interesados. Desexamos que sigan colleitando moitos éxitos e agradecémoslle a súa participación.

Despedimos o programa ata o vindeiro xoves á mesma hora, e escoitamos o tema portalén, do disco.

Deixamos aquí o programa Completo - Enteiro.

XOVES 12 de MARZO do 2026

Un xoves máis con todos vosoutros. Dámoslle a ben-vinda a Antonio Álvarez, que nos visita nos estudios. saludamos aos escoitantes e propoñemos a escoita dunha peciña musical para conectar con Galicia, e recibir ao Periodista e escritor don XOSÉ MANUEL DEL CAÑO, que foi o coordinador do libro: "A Virxe do Cristal. Lenda, Roubo, Asasinato", que a Deputación de Ourense publicou nada menos que catrocentos exemplares e deseguida se esgotaron. Segundo nos explica Xosé Manuel, preténdese facer unha nova edición, tamén venal, para que poida ser accesible aos interesados. Consistirá nunha edición posiblemente en pdf que será accesible por Internet, e na que se poderán ler e admirar os escritos e demais colaboracións de cincoenta artistas que colaboraron. Agradecémoslle a súa detallada información e desexámoslle que teña moito éxito.

A continuación escoitamos outro bocadiño de música, precisamente do Grupo Musical "Treixadura", do que lles ofrecemos, en primicia parte so seu ultimo disco que leva por título "Portalen". E recibimos ao Sr. Alcalde de Quiroga, don Xosé Luís Rivera, a quen felicitamos porque esta fin de semana, concretamente os días 14 e 15 de marzo, celebrarán a "XXVI Mostra do Aceite de Quiroga". Infórmanos, detalladamente, das diferentes actuacións e actividades que pretenden levar a cabo, e moi particularmente o nomeamento do embaixador do Aceite de Quiroga, que este ano recaerá no Chef do Restaurante "Culler de Pau" (O Grove) con dúas estrelas Michelin, don Javier Olleros. O desprazamento en autobús gratuito ao muiño histórico de Bendilló. A 1ª Mostra da Camelias en Quiroga... etcétera. Desexámoslle que teñan moito éxito.

Poñémonos en contacto con CRISTINA ROLDÁN LOMBARDÍA, membro da Xunta Directiva da A.C.G.Rosalía de Castro de Cornella. que nos pon ao corrente dasa diferentes actividades que celebraron recentemente e dalgunha das próximas a realizar, como é a participación do Grupo de Gaitas, próximamente no "San Patricio" en Madrid, a "Feira do Polbo" para o día 9 de maio, a Asemblea Xeral Ordinaria para o día 21 de marzo, o Pregón da Festa Major de Cornellà... Agradecémoslle a súa participación e detallada información. Que teñan moito éxito.

E comezamos unha charla.coloquio co noco convidado de hoxe nos estudios. ANTONIO ÁLVAREZ GONZÁLEZ, Presidente da Asociación Castaño e Nogal de Quintá de Cancelada. Ven de recibir a distinción como "Sendeiro Azul", pola Ruta Quintá - Río Donsal PR - G 159, da que foron promotores e realizadores. Parabenizámolo e escoitamos a súa detallada información sobre esa Ruta que ten nada menos que 18,2 quilómetros de lonxitude, e cinco tramos moi ben diferenciados e sinalizados.

 

Seguimos escoitando outro bocadiño de música e continuamos a conversa co noso visitante e contertulio, Antonio Álvarez. Fálanos do proxecto, de cómo será a continuidade, a implicación dos tres Concellos polos que discorre a Ruta, Becerreá, Cervantes e Navia de Suarna, así como a Deputación de Lugo... etcétera. e voltamos a escoitar outro bocadiño de música.

Finalmente fálanos do libro que editou, personalmente, e que leva por título. HUELLAS Y ACCIÓN DE UN ALMA RURAL, adicado á sua mai, Serafina da Casa da Chá en Quintá de Cancelada. Agradecémoslle a súa participación no programa de hoxe e desexámoslle que teña moito éxito na continuidade da Ruta, recentemente premiada. Despedimos o programa ata o vindeiro xoves á mesma hora.

Deixamos aquí o programa Completo - Enteiro.

XOVES 5 de MARZO do 2026

Comezamos outra emisión do "Galegos no BAIX" de cada xoves. primeiro a nosa sintonía, as salutacións oportunas disculpando ao noso compañeiro ARMANDO Fernández, que se atopa algo indisposto, e desexamos que pronto se recupere. Propoñemos a escoita dunha peciña musical, para recibir á primeira convidada: ROSALÍA GT, artista interdisciplinar e escritora, que virá a Asociación C.G.Rosalía de Castro de Cornellà o vindeiro sábado para presentar un seu libro que leva por título: "Unha pedra no zapato". Coméntanos que non desexa que a súa presentación sexa un acto demasiado serio e académico, senón que propón unha aposta pola participación e un "faladoiro" para cambiar impresións a partir dunha pequena lectura que desexa comentar cos asistentes. Esta será unha parte da celebración do "Día da Dona" na Asociación, que contará, tamén coa participación das nosas "Rosalieiras" para amenizar musicalmente ese acto e despois teremos a degustación das aportacións culinarias que ofrecen as donas. Desexamos que teña moito éxito, e que disfrute dese acto tan entrañable.

A seguinte convidade é MARÍA FERNANDA LÓPEZ MARIN, Enxeñeira química que foi unha voluntaria que participou na construción e posta en marcha da Ruta "Quintá-Rio Donsal". Coméntanos que se sinto moi honrada en compartir e participar nese traballo, posto que o recoñecemento do PR-G 159, como Sendeiro Azul 2026, serve para valorar o territorio e o traballo colectivo que se desenvolveu durante varios anos desinteresadamente, con máis de cen voluntarios de diversos países de todo o mundo. Ela coincidíu cun chino e con dous italianos. Mañá, día 6, recollerá, xunto co Presidente da "Asociación Castaño e Nogal" (impulsaora do Sendeiro), don Antonio Álvarez, no castelo de Cullera, esta distinción. Parabenizámola, pola parte que lle toca e desexamos que siga colleitando moitos éxitos na súa traxectoria e na súa faceta profisional.

Recibimos a crónica do noso correspondente XOSÉ MANUEL F. MONTES, encargado da sección Quen che Preguntou?

Falamos con LAURA PRADO, da Asociación Amas de Casa de Mazaricos. Parabenizámola polo éxito que acadaron a semana pasada na celebración da "XXVII Festa do Bolo do Pote", na que repartiron máis de duas mil racións. Tiveron un tempo agradable e por eso a asistencia foi abondosa. Seica a degustación moi celebrada porque segundo os comensais estaba delicioso. Coméntanos algunha cousiña máis, relacionada precisamente coa ASociación, que non só traballan elaborando ese Bolo do Pote, senón que tamén achagáronse á Casa de Rosalía, en Padrón para compartilo con eles. Tamén celebran outras moitas actividades, entre as que salienta as clases de música e danza, e as excursións con guía incluido. Desexamos que sigan colleitando moitos éxitos e agradecémoslle a súa participación de hoxe.

Despedimos o programa ata o vindeiro xoves á mesma hora. O "bulo" que tentou colarnos o noso corresponente era o que se relacionaba co posible Premio á sección Quen che Preguntou? Desexamos que teñan unha Feliz Semana!

Deixamos aquí o programa Completo - Enteiro

XOVES 26 de FEBREIRO do 2026

Comezamos outro programa máis coa nosa sintonía, as salutacións e dándolle a ben.vinda a ANTONIO MARZABAL, escritor galego que nos ven a visitar. Escoitamos un bocadiño de música e poñémonos en contacto con FEDERICO PÉREZ REY, actor, guionista e monologuista galego. Dámoslle os nosos parabens por ser elexido para ser o Pregoeiro da "51 Festa do Queixo de Arzúa". As celebracións xa comezaron a partir do sábado pasado, día 21, pero os días máis importantes serán dende o 27 de febreiro ata o día 1 de marzo. A Festa do Queixo de Arzúa é a mellor oportunidade de poder degustar un dos queixos máis emblemáticos de Galicia, pero tamén se poderá disfrutar de actividades infantís, concursos, demostracións e catas dese manxar, acompañados de espectáculos musicais nos actuarán grandes artistas, como Budiño e o Grupo IALMA, entre outros. Desexámoslle que teña moito éxito na súa faceta ensalzadora deste produto galego que el mesmo nos constata que é un dos queixos que máis lle ghustan, tanto solo como acompañado con marmelo.

A continuación falamos co noso visitante, ANTONIO MARZABAL, que nos anuncia a próxima presentación dunha creación literaria súa, unha novela que leva por título: "Sara, lejana y sola". Coméntanos que se documentou coa lectura de diversos libros e novelas. Centrouse nunha familia que descubriu nunha desas novelas, e que ubica na cidade de Tánger. A presentación será o vindeiro día 10 nunha Sala da Biblioteca Francesc Candell, da Zona Franca en Barcelona. Desexámoslle que teña moito éxito nesa presentación.

Recibimos a ALEX Arnoso, do Grupo Musical "VIMBIO", que veñen de publicar un seu último single titulado: Pajitas de Bambú, pertencente ao seu Disco editado no mes pasado. Pódese disfrutar da súa escoita nas redes sociais deles, tanto no Facebook, como no Instagram e no Spotify. Fainos unha presentación dos compoñentes que forman parte dese Grupo Musical rokero. Levan un tempiño de xira, presentado este CD, a próxima actuación será en Ferrol. Desexámoslles que teñan moito éxito.

Continuamos comentando a novela "Sara, Lejana y Sola" de ANTONIO MARZABAL. Comenta varios aspectos dos protagonistas da novela, da súa ubicación e volve a convidar a tódolos escoitantes que se acheguen á Biblioteca Francesc Candell, da Zona Franca, en Barcelona, o próximo día 10 de marzo. Desexamos que teña moito éxito e continuaremos en contacto.

Chamamos a CELIA DÍAZ NÚÑEZ, escritora, Licenciada en Filoloxía Galego-Portugués e en Filoloxía Hispánica, Diplomada en Maxisterio e en Estudos Avanzados en Teoría da Literatura. Parabenizámola polos seus últimos traballos literarios publicados pola Editorial Galaxia, e por ser nomeada "Filla Adoptiva de Quiroga", por acordo unánime da Corporación Municaipal. Coméntanos algunha cousiña relativa a algunha das súas novelas e tamén do teatro infantil que tanto disfruta coa súa escrita. Desexamos que siga colleitando moitos éxitos.

A seguinte conversa-entrevista é con JOAQUIM VENTURA, escritor e Filólogo, que será o presentador e moderador do "Seminario de Poesía Galega" - Poesía na Diáspora, organizado pola "Escola de Gaitas e Danzas TOXOS E XESTAS" de Barcelona, previsto para o día 13 de marzo, na Sé da Entidade, rúa Bronze, nº 7. Contará como colaboradoras a Concha Castro e Xoana Lara, así como a actuación do Grupo Musical galego "A RODA". Farase unha homenaxe especial en memoria de Suso Vaamonde. Precisamente o Grupo A Roda interpretará algunhas das pezas que musicou e cantou Suso. Agradecémoslle a súa información e desesámoslle que teña moito éxito.

Despedimos o programa Informando do "III Encontro do día Internacional da Gaita" que se celebrará o día 14 no Auditori da Once, organizado pola "Escola de Gaitas e Danzas Toxos e Xestas de Barcelona".

 

Deixamos aquí o programa completo-enteiro.

XOVES 19 de FEBREIRO do 2026

Unha nova emisión do "Galegos no BAIX" de cada xoves. Hoxe non podemos contar coa participación do noso compañeiro ARMANDO FERNÁNDEZ, a quen lle desexamos unha pronta recuperación. Comezamos coa nosa sintonía de sempre, as salutacións e un bocadiño de música para recibir ao primeiro convidado: ROBERTO NOGUEIRAS SOUTO,  artista plástico e artesán-escultor de máscaras das pantallas de Xinzo. Fálanos da súa creatividade e aportación na confección desas máscaras cheas de colorido. O seus enlaces nas redes: roberto_nogueiras.art e Robertonogueiras.com. A forma de confecionar as máscaras leva un proceso artesanal moi ancestral que pasa por empregar papel xunto con unha pasta de fariña con agua, capa sobre capa que, despois seca, e convértese nun conxunto parecido á madeira que permite tallar as formas tan peculiares que locen os participantes nos Entrudios. Agradecémoslle a súa aportación e colaboración no noso programa e desexámsolle que teña moitos éxitos na súa tarefa artística e creativa.

Entrevistamos a ANTUCHO ESPINOSA, director das "Comparsas" de Viana do Bolo e arredores. Fainos unha descrición detallada de cómo xe teñen recuperado, alomenos, unha Comparsa naquela contorna vianesa. As celebracións teatrais, que nos comenta, celébranse nas aldeas. Tal e como nos "ensinou" estas mostras ancestrais de grande antiguidade, teñen catro partes fundamentais: O Permiso, A Ronda, Os Brindes, e A Disputa. Esta representación está chea de creatividade e música, que se caracteriza pola burla e a retranca que se emprega nas rimas e intervencións dos diferentes actores: o director, os esquileiros, o paiaso e a señorita... Agradecémoslle a súa fermosa exposición.

Recibimos a crónica do noso correspondente dende a capital da Ribeira Sacra (Monforte de Lemos), XOSÉ MANUEL F. MONTES, encargado da sección QUEN CHE PREGUNTOU? Esta sección, está repartido en tres apartados xa moi coñecidos (Bule-Bulo, Que pasa que pasa na Ribeira Sacra e Sabedoría Popular). Por certo, en directo esquecímonos de dar a coñecer o "Bulo" que pretendeu colarnos e deixamos aquí o resultado: O bulo era que a Real Academia Galega non ten previsto incorporar as palabras androllado, androllada...

Finalizamos a emisión conectando con IRIA CAMPOS FERNÁNDEZ, Antropóloga que publicou un traballo de Final de Master "Estudio do Entrudio de Viana", que recibir a máxima nota de calificación "excelente". Felicitámola e comentamos con ela diversos aspectos que estudiou durante a estancia naquela vila, para documentarse e tamén participar, na medida do posible, en tódolas fases desa mostra ancestral que se produce durante o Entrudio: Os folións, as máscaras dos boteiros, as comparsas, a Festa da Androlla, o "reparto da fariña", etcétera. Agradecémoslle a súa participación e desexamos que siga colleitando moito éxito.

Despedimos o programa anunciando que o Grupo IALMA Música, virán a Galicia, concretamente a Arzúa, para facer un Concerto con motivo da "Festa do Queixo de Arzúa" previsto para o día un de marzo. E despedimos o programa ata o vindeiro xoves á mesma hora.

Deixamos aquí o programa Completo - Enteiro.

XOVES 12 de FEBREIRO do 2026

Un xoves máis con todos vosoutros. Debido ás inclemencias do tempo (Alerta Vermelha por mor do vento) non podemos estar en directo nos estudios, pero mediante as novas tecnoloxías, e grazas ao noso técnico Dani, podemos ofrecerlles dúas horiñas de Radio en Galego. O noso compañeiro Armando non pode participar debido a algún pequeno atranco, pero tentaremos levar adiante esta emisión. Damos a ben-vinda a tódolos nosos escoitantes, ofrecémoslles unha peciña de música e poñémonos en contacto con JORGE MINAS DOMÍNGUEZ COUSO, un apaxionada Entroideiro, da Asociación Robreda en Viana do Bolo. Agradecémoslle a súa participación. Fainos unha descrición moi minuciosa de cómo se están levando a cabo as "Comparsas" do Entrudio de Viana do Bolo, nas aldeas, grazas ao traballo dirixido por Tucho Espinosa. En vindeiras datas comprometémonos a entrevistalo para que nos conte cómo se confeccionan eses brindes e máis elementos. Desexamos que teñan un Feliz Entrudio e Festa da Androia.

A continuación entrevistamos a ANTONIO ÁLVAREZ, Presidente da "Asociación Castaño y Nogal, para o impulso do desenrolo rural e medioambiental". Felicitámolo porque acaban de concederlle a "Bandeira Azul ao Sendeiro "Quintá-Río Donsal" que eles impulsaron e manteñen dende o ano dous mil doce. É un recoñecemento a todo un traballo desinteresado de moitos participantes que o fixeron posible. Coméntanos varias anécdotas relacionadas coa participación dalgún dos moitos colaboradores. Agradecémoslle a súa información detallada e desexamos que siga colleitando moitos éxitos.

Recibimos a FRANCISCO XABIER ALMUIÑA CHORÉN, da Vivenda Rual "Casa do Romualdo", que nos fala da "34 Festa do Caldo de Osos" que comezan hoxe mesmo a celebrar, na súa casa e en Taboada. Un prato moi popular e antigo, do que nos fai unha pequena descrición. Mágoa que non se poida facer un "enlatado" dese produto tan aprezado por moitísimas persoas que se achegan a degustalo. Xa levan trinta e catro anos celebrando e ofrecendo este prato de caldo a tódolos visitantes. Agradecémoslle a súa aportación con minuciosa información.

 

A seguinte participación é a do Patrón Maior da Confraría de pescadores de NOIA, SANTIAGO CRUZ. Comentamos con el a grande perda que tiveron na ría, a causa do mal tempo (borrascas e desembalse do Tambre) que disminúe a salinidad dos bancos marisqueiros na Ría e provocou unha perda irrecuperable de berberechos e ameixas. No caso do berberecho un oitenta por cento e o vinte por cento da ameixa. Os biólogos estanlle axudando nas tarefas de revisión, pero as chuvias fan que o aumento de auga doce fai que os banco de marisqueo se vexan perxudicados. Enviámoslles moitos ánimos e desexamos que se recuperen canto antes, porque os mellores berberechos de Galicia é o de Noia.

Mantemos unha conversa moi animada con ALFREDO DOURADO, do Grupo de Música Tradicional A RODA. Teñen previsto visitarnos, con motivo da súa actuación nun acto de "Música e Poesía" o día 13 de marzo, con motivo do "III Encontro do Día Internacional da GAITA" que organiza, cada ano a Asociación Cultural "Escola de Gaitas e Danzas Galegas Toxos e Xestas". A súa música tradicional forma parte da idiosincrasia do galego, posto que recolle as súas fontes no tradicional galego. Convídanos a participar e achegarnos á acutación que terá lugar o día 14 de marzo no Auditorio da ONCE, na Granvía das Corts Catalanas, número 400, a partir das 19h. Desexámoslles moitos éxitos.

Despedimos o programa ata o vindeiro xoves á mesma hora.

Deixamos aquí o programa Completo - Enteiro.

XOVES 5 de FEBREIRO do 2026

Un xoves máis con todos vosoutros, para ofrecervos dúas horas de Radio en galego. Comezamos coa nosa sintonía, as salutacións e un bocadiño de música para darlle paso á primeira convidada: ALICIA do "Colmado  DA LAMA", en Becerreá. Parabenizámola porque é recente a súa inauguración, ademais a súa proposta é unha novidade moi especial naquela contorna e tamén en Galicia, xa que non é moi común esa clase de establecementos. Por outra banda a oferta que teñen é moi diversa e diferente dunha tenda do común: Ofrecen degustacións de viños galegos con petiscos e tapas que elaboran no seu establecemento. A mesa onde se reúnen é un reciclaxe dunha porta moi antiga, que veu de Mallorca. Pódense mercar os produtos que teñen en exposición ou tomar un cafetiño, ou un chocolatiño quente, acompañado dalgún que outro doce ou larpeira. Agradecémoslle a súa información detallada e desexámoslle que teñan moito éxito.

 

A continuación Armando envía un saúdo agarimoso dirixido aos sanitarios do Centro de Día do Hospital de Bellvitge. Aproveitamos para informar, novamente do "XXII Festival del Botillo-2026", previsto para o día 15 de febreiro no Hotel Frontair Congress, de Sant Boi. Tamén falamos do desastre acontecido na Ría de Muros-Noia, con toneladas de berberechos mortos.

Falamos con ROGELIO SANTOS QUEIRUGA, mariñeiro e grande comunicador, que nos axuda a coñecer, máis polo miúdo, o que está a acontecer naquela Ría de Muros-Noia, por mor das contínuas borrascas, da chuvia e da apertura do embalse do río Tambre, que levan tanto tempo demandando un protocolo axeitado para que non lle abran cando a marea está baixa. Esta mala situación afectará a moitísimas familias que dependen do marisqueo e tamén das conserveiras. É unha mágoa esta perda que están a ter os mariscadores daquela ría. Desexamos que pronto se recuperen.

Recibimos a crónica do noso correspondente na capital da Ribeira Sacra, Monforte de Lemas, XOSÉ MANUEL F. MONTES, encargado da sección Quen che Preguntou?

 

Entrevistamos a don GERMÁN GARCÍA-AVILA ARIAS, Alcalde do Concello de Viana do Bolo, que nos fala do Entrudio daquela vila. Hoxe mesmo están a celebrar o xoves de compadres. Danos unha pequena descrición das diferentes actuacións previstas, facendo mención especial nas recuperadas "comparsas" que se celebrarán en diferentes pobos e aldeas da contorna. A destacar o Domingo Gordo cos desfiles de folións e boteiros e a "54 Festa da Androlla-2026", que é a segnda máis antiga de Galicia. O menú consiste nun caldo con "croutóns", o prato de androlla con cachelos, grelos, lacón e chourizo, cordeiro da zona con ensalada, de postre bica de Viana, e queimada final. O Entrudio de Viana está declarado de Interese Turístico Nacional. Non finalizan as celebracións ese domingo, continúan o luns cos entrudios e folións infantís, outro día a queima dos lardeiros e para finalizar a procesión da sardiña do Cabo da Vila e degustación de sardiñas. E a preparar o Entrudio para o ano seguinte. Agradecémoslle a súa detallada información e desexámoslles que teñan moito éxito.

Despedimos o programa dando a coñecer o "bulo" que tentou colarnos o noso correspondente Xosé Manuel e despedímonos ata o vindeiro xoves á mesma hora.

Deixamos aquí o programa Completo - Enteiro

XOVES 29 de XANEIRO do 2026

Outra semaniña máis con todos vosoutros. Comezamos coa nosa sintonía, as salutacións e un bocadiño de música (Jota de Toreno) para recibir a don VICENTE MIRÓN VÁZQUEZ, Alcalde do Excmo.Concello de Toreno, a quen recibimos dándolle os nosos parabens, posto que é o pobo elexido por ASOBECAT (Asocicación de Bercianos de Cataluña) para ser o pobo homenaxeado neste "XXII Festival del Botillo-2026", que se celebrará, próximamente, concretamente o día 15 de febreiro no Hotel FrontAir Congress de Sant Boi de Llobregat. Fainos un pequeno percorrido pola localidade, convídanos a visitalos que sempre seremos moi ben recibidos. Agradecémoslle a súa amable atención.

A continuación poñémonos en contacto con NACHO ÁLVAREZ, da Adega "Pago de los Abuelos", en Puente Domingo Flores. Tamén o parabenizamos porque esta será a Adega que colaborará cos seus viños (Godello e Mencía) no "XXII Festival del Botillo 2026". Entregaráselle o Botillo-Homenaxe, como Adega escollida este ano. Coméntanos que é unha pequena adega que produce uns viños de calidade que teñen a D.O. Bierzo, pero coa distinción de "viticultura heroica". Descríbenos cómo traballan os seus productos, comentamos que foron premiados como o mellor mencía no ano 2014 e tamén nos convida a visitar a súa adega. Agradecémoslle a súa participación no programa de hoxe.

Conectamos agora con Galicia, concretamente con Becerreá, onde se atopa PILAR DEIROS DÍAZ, que xunto con outras dúas donas están a levar adiante un traballo moi interesante, centrado na recollida e distribución de animais de compañía (cans e gatos) nuha finca chamada "Refuxio de Becerreá". Encárganse de recoller eses animais que foron abandonados e nalgúns casos maltratados, para acollelos, recuperalos e buscarlle algunha casa para que os adopten e os acollan. Desexamos que teñan moito éxito.

Falamos con PACO DIÉGUEZ BLANCO, artesán de Máscaras de Peliqueiros en Matamá - Laza. A súa dedicación para a elaboración de máscaras forma parte da grande aportación ao Entroido da súa localidade, herdada dos seus avós e que continúa nos seus fillos e netos. O seu taller tamén recibe alumnos para aprender a confeccionar esas caretas. Fálanos das celebracións tradicionais cheas de engado, a saída dos Peliqueiros, que visitan as casas dos veciños onde son convidados a degustar a bica acompañada de licores; o lúns de entroido, a saída da Morena coas formigas, as farrapadas... etcétera. Todo un proceso que forma parte da tradición popular e que recomenda non asistir como "mirandas" senón participando no Entroido e disfrutando destas festas acompañando aos Peliqueiros e Folións, así como as degustacións gastronómicas desta época. Desexámoslle moitos éxitos e que teña un ¡Feliz Entroido!

Despedímonos ata o vindeiro xoves á mesma hora.

Deixamos aquí o programa Completo - Enteiro

XOVES 22 de XANEIRO do 2026

Outro xoves máis con todos vosoutros. Comezamos coa nosa sintonía, as salutacións e un bocadiño de música para recibir ao primeiro convidado de hoxe: XERARDO F. Santomé, da Asociación "Xistra de Coruxo" que felicitamos pola publicación dun libro con CD, que leva por título:“Proxecto Soutullo. Gaiteiros e bandas de música de Ponteareas anteriores a 1950". Un traballo con moitísima documentación e moi interesante. Infórmanos de cómo conseguiro a edición dese traballo e indícanos que se pode adquirir poñéndose en contacto con eles ou no seu enderezo: xistra@xistra.info, e tamén poñendose na páxina de facebook, onde atoparán o contacto. Agradecémoslle a súa participación e desexamos que teñan moito éxito.

Continuamos o programa, con música outra vez, para poñernos en contacto con JOSE FRANCISCO RODRÍGUEZ ALLER, músico e escritor, que é a persoa elexida pola Asociación de Bercianos en Cataluña (ASOBECAT) para ser homenaxeado como escritor neste próximo "XXII Festival del Botillo 2026". Agradecémoslle a súa amable atención e felicitámolo pola eleción. Coméntanos alguna das súas creacións literarias, entre as que destacamos unha relacionada coa extración do wolframio no Bierzo: "El wolframio en el Bierzo". Outra novela interesante é "Picasso en Gósol" e unha novela negra "Después de un sueño" que ten como protagonista o equipo de futbol da Ponferradina.

Seguimos escoitando música que nos sirve para recibir a RUBÉN FERNÁNDEZ, da Casa Castelao, na Fonsagrada. Felicitámolo porque volve a ser unha das persoas que contribúe a realización da "XXIX Feira do Butelo de A Fonsagrada", que se celebrará os días 7 e 8 de febreiro próximos. Coméntanos algunhas novidades interesantes que ofrecen aos seus clientes. A Casa Castelao é unha empresa que procura ofrecer os seus productos de calidade con responsabilidade e agarimo. Destacamos os chourizos da abuela, que é unha dasa recomendacións máis importantes, xa que ese produto é unha homenaxe a súa propia avoa Carmen, que contén ademais a súa propia receta. Desexamos que siga colleitando moitos éxitos.

Recibimos a crónica do noso correspondente na capital da Ribeira Sacra, XOSÉ MANUEL F. MONTES, que dende Monforte de Lemos colabora coa sección QUEN CHE PREGUNTOU? Agradecémoslle a súa colaboración.

Conectamos novamente con Galicia para dirixirnos concretamente a Bueu, e falamos con ESTRELLA, a dona e xerente do "Restaurante Estrellita". Este establecemento está especializado en marisco e peixe da Ría. Os seus arroces son pratos moi soliticados e as Centolas, nécoras, navallas, zamburiñas, cigaliñas ou camaróns, son bocados moi demandados que para poder degustalos é preciso chamar con antelación para reservar. Un dos arroces que ten moito aceptación e demanda é o arroz con bogabante. Agradecémoslle a súa amable atención e desexamos que siga tendo moita clientela.

Anunciamos a próxima "Rolda de Prensa" que teñen previsto realizar os de ASOBECAT, o próximo día 24 de xaneiro, no Hotel Front Air de Sant Boi, a partir das 18h da tarde, anunciando a celebración do "XXII Festival do Botillo 2026", previsto para o día 15 de febreiro. Aproveitamos para despedir o programa e convidalos a que volvan a sintonizarnos o vindeiro xoves á mesma hora.

Deixamos aquí o programa Completo-Enteiro.

XOVES 15 de XANEIRO do 2026

Comezamos un xoves máis, coa nosa sintonía, as salutacións oportunas e un bocadiño de música para recibir ao primeiro convidado do hoxe: ALFONSO MIGUEL MARTIN, Vicepresidente de ASOBECAT (Asociación de Bercianos en Cataluña). Agradecémoslle a súa amable atención e recibimos cumprida información sobre a próxima celebración do "XXII Festival do Botillo - 2026" en Cataluña. En primeiro lugar adiántanos que o día 24 de xaneiro farase unha Rolda de Prensa para presentar o Festival, no Hotel Front-Air de Sant Boi, onde se celebrará o día 15 de febriero no mesmo hotel do ano pasado. Coméntanos algunhas cousas relacionadas cos homenaxeados deste ano. En primeiro lugar será homenaxeada unha Doctora de grande prestixio: Dra. Marisa López Teijón, doctora en medicina, xinecóloga, investigadora, moi coñecida pola súa traxectoria no ámbito da reprodución asistida, e pola súa participación en proxectos relacionados coa innovoación e vivenda colaborativa. O escritor elexido é don J.F. Rodríguez Aller, músico e escritor; o pobo elixido é Toreno y a Adega homenaxeada e colaboradora será: Adega Pago de los Abuelos, afincada en Ponte Domingo Flores. Desexamos que teñan moito éxito.

 

A continuación, e despois de escoitar outro bocadiño de música poñémonos en contacto con dona MANOLA PORTO ARIAS, de "Radio Onda Cero" en Monforte de Lemos. Grande profisional da Comunicación a quen prabanizamos polo seu traballo non só radiofónico, senón tamén noutros aspectos como ser pregoeira das festas de Monforte de Lemos, aínda que xa fai un tempo delo. Conversamos agradablemente con ela e infórmanos dalgúns aspectos destacados da Ribeira Sacra, que ela coñece moi ben. Agradecémoslle a súa participación no programa de hoxe.

Recibimos a ALVARO VOCES; Presidente da Asociación Cultural TOXOS E XESTAS. Felicitámolo polas diferentes actividades que levaron a cabo en datas anteriores, como foron as súas actuacións no San Patri de Madrid, e nas Festas de Zaragoza, onde tiveron moita audiencia e moitos éxitos. Anúncianos os dos próximos eventos: "CANTOS DE TABERNA", para o día 28 de febreiro e o Terceiro Encontro "Dia Internacional da Gaita", previsto para o día 14 de marzo, e no que terán a participación de convidados excepcionales, entre os que se atopa un grupo de Alemania e outro de Girona. Desexamos que teñan moitos éxitos.

Continuamos a eminsión entrevistando a dona SARA INES VEGA NÚÑEZ, Alcaldesa de Castro Caldelas, que moi amablemente nos recibe e infórmanos da próxima celebración da "Festa dos Fachós 2026", prevista para o día 19 de xaneiro. Esta procesión do lume, que se celebra polas rúas do casco antigo da vila, sempre ten unha curiosidade e pequeno segredo: a lonxitude do Fachón ten que ter unha medida mínima de trinta metros, pero o a no pasado chegou a trinta e oito metros. Iste ano seguro que se superará. Despois disfrutarase da degustación de chourizos do Castro, viño da D.O.Ribeira Sacra e finalizarase cun queimada. Todo elo acompañado de música. Desexámoslles que teñan moita participación e disfrute.

Escoitamos a peza musical: Rumba NEGRA, de Rubén Gutiérrez (Peitoescuro), un cantautor labrego do rural. Este é un single que nos envióu para disfrutalo cos nosos escoitantes e seguidores, que lle agradecemos e parabenizámolo por ese traballo. A verdade é que ten o seu mérito xa que a súa profisión (enxeñeiro agrícola) está moi relacionada co rural, o traballo forestal nos bosques, e cando finaliza esa tarefa é cando colle a súa guitarra e fai composicións musicais. En vindeiras datas sairá ao prelo un seu traballo musical que presentará aló polo verán e nosoutros encargarémonos de presentalo nos nosos programas. Desexámoslle moitos éxitos.

Despedimos o programa escoitando unha peciña de música de fondo e desexando que teñan unha feliz semana.

Deixamos aquí o programa Completo - Enteiro.

XOVES 8 de XANEIRO do 2026

Comezamos a nosa andaina radiofónica emitindo o primeiro programa do ano 2026. Escoitamos a nosa sintonía, saludamos a tódolos escoitantes e seguidores ofrecéndolles unha peza musical, concretamente unha Panxoliña que nos servirá para recibir ao primeiro convidado. MANUEL RIVERO PÉREZ, un grande amigo, investigador e escritor, a quen parabenizamos pola recente celebración dun acto de recoñecemento especial, a entrega dos Bíteres de Honra, en memoria de Aurora Sampedro. Explícanos cómo foi ese evento e a quen se lle entregaron eses galardóns. Este acto que foi presentado por Bernardo Penabade, fíxose en Canteiro, San Pedro de Benquerencia (Barreiros). Agradecémoslle a súa detallada información e desexamos que siga colleitando moitos éxitos.

Continuamos escoitando outro bocadiño de música e poñémonos en contacto con ELIGIO SUEVOS, responsable na Xunta Directiva do Centro Galego de Lleida, que nos da a coñecer a próxima celebración da Festa "Matanza do Porco", que teñen previsto realizar o vindeiro 25 de xaneiro nos locais da Entidade que teñen en Pardinyes. Convídanos a participar. Tamén nos da a coñecer a seguinte actividade que ten moito que ver coa celebración da Semana Cultural do Centro Galego, prevista para o mes de febreiro, coincidindo co Entroido. Nese acto presentarase a revista do Centro: Xurdimento, que é unha edición moi coidada e que contén un resumo das actividades do Centro e gran cantidade de artigos moi interesantes. Desexamos que teñan moito éxito.

A seguinte participante, convidada é a ferrolana Alicia Prisiciliana Sánchez Iglesias, coñecida como ALICIA LOUZAO. Filóloga, Profesora e escritora. Parabenizámola porque é a gañadora do 2º Premio do "39 Certame de Poesía en Língua Galega Rosalía de Castro de Cornellà", polo traballo co título: "A Primeira notie do Rei Centolo". Mantemos unha conversa distendida relacionada coa súa creatividade poética. Tamén nos fala dunha próxima publicación dun seu libro. Outra novidade que nos comenta é a súa participación nun Certame Poético que se celebrará en Valencia. Agradecémoslle a súa amable atención e desexámoslle que siga colleitando moitos éxitos.

 

Continuamos a emisión poñéndonos en contacto novamente con Galicia, para recibir a CARMEN GÓMEZ GARCÍA, outra poeta que acaba de recibir o 1º Premio do "39 Certame de Poesía en língua Galega Rosalía de Castro de Cornellà". Parabenizámola polo seu traballo que leva por título: "ELAS". Tal e como ela mesmo nos comenta esa creación poética é unha reivindicación da muller galega traballadora; dinos que a súa creación ten como referencia aos seus antepasados, concretamente a súa avoa e a súa nai. Agradecémoslle a súa participación no programa de hoxe e desexámoslle que teña moito éxito.

Despedímonos do programa ata o vindeiro xoves á mesma hora, desexando que teñan unha feliz semana.

Deixamos aquí o programa Completo - Enteiro.