XOVES 12 de NOVEMBRO do 2026

Unha nova entrega deste programa "Galegos no BAIX". Dúas horas de Radio en Galego. Comezamos coa nosa sintonía, salutacións aos nosos escoitantes e seguidores, un bocadiño de música e recibimos ao primeiro convidado: DOMINGO GONZÁLEZ LORENZO, Cociñeiro CHEF no Hotel-Balneario Caldaria, en Lobios. Coméntanos algunhas das cousas que está preparando. Impartirá unha clase mestra de conciña la localidade de Láncara este mesmo sábado con motivo do "II Showcooking da castaña". Cociñará varios pratos confeccionados todos con castaña. Tamén nos comenta que asistirá a unha Feira que se celebrará en Forcarei o próximo día 5 de decembro. A súa asistencia, este ano no Salón Xantar de Ourense será participando nun concurso de pratos de castañas do Grupo Cuevas. Desexámoslle moitos éxitos.

A segunda intervención-entrevista é con FELIPE, da Vivenda Rural "A Casa da FEIRA" https://www.casadafeira.com/ no lugar da Portaxe, 9 - San Martiño-Lobios, que participan nos "OUTONOS GASTRONÓMICOS" de Turismo Galicia. Coméntanos as posibilidades de poder disfrutar dunha fin de semana, de lecer e descanso nos seus aposentos, degustando os menús que ofrecen no Outono Gastronómico, con prezos moi asequibles. Esta Casa é unha construcción do ano 1874, restaurada e moi ben acondicionada. O entorno fantástico que se pode visitar pertence á Reserva da Biosfera Gerés-Xurés. Desexamos que teñan grande afluencia de clientes.

Falamos con PABLO GARCÍA VIVANCO, que nos informa da próxima celebración do "Festival Rio Lonxevidade" que se realizará os días 13 e 14 de novembro na localidade de San Xoan de Río. Entre outros varios actos está incluida unha homenaxe á doutora GRACIELA ESTELA VARELA, médica arxentina especialista en medicina de precisión aplicada á lonxevidade e á saúde cognitiva. Máster en Microbiótica Humana e en Fitoterapia Aplicada. Mantemos unha cativa conversa distendida, coa doutora Graciela. Agradecémoslle a súa participación. Desexámoslles moitos éxitos nas xornadas deste venres e sábado. Procuraremos voltar a falar con eles para saber máis dese evento.

Graciela Estela

Recibimos a crónica do noso correspondente na capital da Ribeira Sacra, XOSÉ MANUEL F. MONTES, que sempre nos ten preparada unha colaboración moi interesante.

Entrevistamos a IVAN IGLESIAS, comunicador e creador de contidos audiovisuais, Director de OU Ké! un sitio Web de Noticias e Comuncación en Ourense. Pertencen a AMEGA. Unha forma especial e diferente de informar e comunicar. Dispoñen duns estudios para poder alugar, así como tamén son produtores de videos e podcats. Teñen un equipo de traballo moi profisional. Contan coa sección "Cando Queiras TV" para ver todo á carta. A produtora e os estudios de podcast xa. O seu traballo informativo está moi centrado na sociedade, na cultura, na política, no deporte e na opinión. Sempre con veracidade e información contrastada. Agradecémoslle a súa participación de hoxe e desexámoslle que teña moito éxito.

Despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 5 de NOVEMBRO do 2026

Comezamos outra emisión do noso "Galegos no BAIX" de cada xoves, coa nosa sintonía, as salutacións oportunas e un bocadiño de música para poñernos en contacto co primeiro convidado: PABLO GARCÍA VIVANCO, Farmacéutico, Nutricionista e especialista en Lonxevidade. Felicitámolo polo traballo de acompañamento e colaboración coas persoas do rural, que tanto lle-lo agradecen e tamén porque será un dos ponentes na "Iª Xornada Internacional de Lonxevidade" que se celebrará o vindeiro sábado día 7 en Ourense. Coméntanos algunhas cousas relacionadas con esa celebración e infórmanos moi detalladamente dese evento no que participarán grandes persoeiros cientificos e investigadores. Desexámoslle moito éxito.

Escoitamos o comezo doutra peciña musical e recibimos a Sara e Clara, do proxecto "De avoas a netas". Felicitámolas polo excelente traballo que realizaron. Conversamos con elas recibindo información detallada dese traballo interxeneracional tan interesante, que se pode ampliar na súa páxina: deavoasanetas.gal, e no que se pode contemplar dun documental que realizaron e que recolle entrevistas e documentación recollida. Agradecémoslle a súa participación e prometémonos voltar a conectar con elas para que nos sigan dando noticias porque teñen previsto ampliar ese proxecto.

 

Conversamos con ALFONSO MIGUEL MARTIN, Presidente de ASOBECAT (Asociación de Bercianos en Cataluña), que nos informa da celebración do "Magosto Berciano-2026", previsto para o vindeiro sábado día 7 no "Asador del Bierzo", con produtos bercianos de primeira calidade, e viño Mencía e Godelllo. Tamén no da a coñecer a composición da nova Xunta Directiva da Asociación e adiántanos que estan preparando a celebración do Botillo, en honor a Juan Pedro anterior Presidente, prevista para a primeira ou segunda semana de febreiro do vindeiro ano 2027. Desexamos que teñan moito éxito e continuaremos en contacto.

Entrevistamos á periodista LAURA MOURE MIGUÉLEZ, responsable do medio de comunicación galego "Ecos da Comarca", que levan traballando dende a época do coronavirus, e que está aumentando a súa difusión e que xa está consolidada como un medio comunicativo de proximidade. Mantemos unha pequena conversa, pero xa nos da a coñecer cómo e dónde están ubicados e cómo distribúen o seu traballo para poder abarcar nada menos que catro comarcas do interior de Galicia. Agradecémoslle a súa amable atención e desexámoslle que siga colleitando moitos éxitos.

Conversamos con ELIGIO SUEVOS, Presidente do Centro Galego de Lleida que teñen previsto celebrar o Magosto-2026 este próximo sábado día 7 de novembro. Estará precedido dunha Misa en honor dos familiares e socios falecidos, que contará coa intervención do Coral CENGALLEI, do propio Centro Galego. Despois achegaranse á Sé da Entidade para degustar as castañas (galegas por suposto), panellets e queixo galego, acompañado de viño doce e galego con Denominación de Orixe. Tamén nos informa da celebración das Xornadas Culturais da Federación de Casas e Centros Rexionais de Lleida, onde o Centro Galego ten previsto realizar unha Conferencia co título "Gastronomía e Turismo en Galicia", que impartirei eu mesmo o mércores día 18 próximo. Desexamos que sexa do agrado de todos e disfruten.

Falamos con LUIS VELOSO, responsable da Casa Rural "A Rousía", en Baltar (Ourense). Participan no "20º Outono Gastronómico de Turismo Rural 2026". Unha oferta de aloxamento e disfrute de dous menús de excelencia que ofrecen no seu Restaurante. Coméntanos parte deses menús con produtos de primeira calidade e de proximidade, más perto ca de quilómetro cero. A Casa Rural é unha recuperación-restauración que data do ano 1830. Está construída en pedra de cantería, do país, e madeira noble. Un lugar de lecer e cheo de engado. Agradecémoslle a súa atención tan amable e desexámoslle que teña moito éxito. Prometémonos voltar a falar con Luís en vindeiras datas, posiblemente en xaneiro do 2027, aproveitando que celebran as xornadas gastronómicas do cocido.

Damos cumprida información da celebración do Magosto-2026, na A.C.G.Rosalía de Castro de Cornellà, que terá lugar este próximo sábado día 7 a partir das 19 horas, na rúa Federico Soler, 71. Aproveitamos a música para despedirnos ata o vindeiro xoves á mesma hora.

Deixamos aquí o Programa Completo - Enteiro.

XOVES 29 de OUTUBRO do 2026

 Outra emisión máis deste programiña "Galego no BAIX". Sentimos a falta do noso compañeiro ARMANDO FERNÁNDEZ, que segue algo delicado e desexámoslle que pronto se recupere. Comezamos coa nosa sintonía de sempre, as salutacións e un bocadiño de música para recibir á primeira convidada: CARMEN BLANCO SANJURJO, escritora, actriz e avogada. Ven a presentar o seu libro: "El Fuego en la Piedra". A segunda parte dunha triloxía que comezou coa edición do seu primeiro libro: "Gorrións e Falcóns". Conversamos sobre esa escrita e indícanos que presentará o libro nun lugar espectacular e emblemático de Barcelona: Kaelum, na rúa, La Palla nº 8, o día 12 de novembro a partir das 19h. Haberá presentación con música a cargo de Xurxo Romaní, e petiscos para os asistentes. Agradecémoslle a información e desexámoslle moitos éxitos.

Continuamos, conectando novamente con Galicia para falarmos con MARÍA YÁÑEZ, Directora da película "KIRO", que se presentará o próximo día 3 de novembro a partir das 6 da tarde na Sala de Cine Aribau. Haberá unha segunda proxección o seguinte día 4, no mesmo cine Aribau, a partir das 20h. Fálanos de cómo foi a rodaxe desta película, da grande sorpresa que os asistentes poderán disfrutar, xa que atoparán moitas cousas curiosas desa grande artista galega, que eles alcuman como "A Diva do Torreiro". Información detallada que seguro complacerá aos asistentes a esa proxección cinematográfica. Desexamos que teñan moito éxito.

A continuación recibimos a crónica do noso correspondente XOSÉ MANUEL F. MONTES, encargado da sección QUE CHE PREGUNTOU? que está composta de tres apartados moi significativos: 1.- O Bule-Bulo 2.-Que pasa que pasa na Ribeira Sacra e 3.- Sabedoría Popular.Agradecémoslle a súa aportación e desexámoslle feliz Magosto.

A última intervención é a de EVA CAMEÁN PENSADO, coa súa "Sección Literaria de EVA", na que nos fai partícipe das súas lecturas e recomendacións para disfrutar lendo. Fainos un percorrido extraordinario dándonos a coñecer as últimas novidades, as súas últimas lecturas e as propostas máis interesantes que non deberían faltar si desexamos elixir algunha lectura próximamente. Agradecémoslle a súa aportación e agardamos unha próxima intervención feiticeira.

Deixamos aquí o programa Completo - Enteiro.

XOVES 22 de OTUBRO do 2026

Outro programa máis con todos vosout@s. Comezamos coa nosa sintonía, as salutacións e un bocadiño de música para darlle a ben-vinda a primeiro convidado de hoxe: AMADOR CASTRO MOURE, Licenciado en Ciencias Políticas e Socioloxía, Escritor premiado co Xerais pola súa novela "Shangai a Barcelona" no 2019, así como tamén no Premio Torrente Ballester, pola novela "Pronto hei de volver". Mantemos unha conversa moi interesante sobre a súa traxectoria e participación na ACGB. Agradecémoslle a atención recibida e desexámoslle que siga colleitando moitos éxitos.

Despois de escoitar outro bocadiño de música, poñémonos en contacto con dona CORAL RÍOS SANTOMÉ, Conselleira de Cultura no Concello de Moaña, con quen mantemos una conversa relacionada coa "Festa da Castañada-Magosto 2026 na parroquia de San Martiño" que está declarada de Interés Turístico en Galicia. A celebración do Magosto é unha exaltación de convivencia e sociabilidade que consiste e degustar as castañas, pero tamén as tapas e pinchos que ofrecen nos "Furanchos" que abren para probar os seus viños, e disfrutar todo eso con música. Moaña é un pobo mariñeiro acolledor e cun patrimonio cultural importante. Agradecémoslle a súa aportación no programa de hoxe e desexámoslles moitos éxitos.

Poñémonos en contacto con MANUEL VÁZQUEZ OSORIO, Presidente do Centro Galego NÓS, de Sabadell. Teñen previsto realizar a "XIII Festa do Pulpo" os días 6, 7 e 8 de novembro próximo, no "Eix Maciá de Sabadell". Coméntanos que será a Pulpería TASAGA, a que se encargará de servir ese prezado manxar. Tamén se poderán degustar outros produtos galegos de primeira calidade, xunto con viño da D.O. Monterrei. Outra celebración que non pode faltar será o "Magosto-2026", que realizará a fin de semana seguinte, concretamente o sábado 14 de novembro, na Sé da Entidade. Desexamos que teñan moito éxito.

Continuamos con Festas e celebracións. Conectamos con Galicia para falar con XAQUIN JIMÉNEZ MUÑIZ, responsable e coordinador da "Festa do Magosto 2026", en Matamá, do Concello de Laza. O asado das castañas (magosto) será unha celebración cunha cea popular por valor de 15 €uros, no que se servirá empanada, costelas, panceta e castañas.  Todo elo regado con viño da D.O.Monterrei. Contan coa colaboración da Asociación de Mulleres Rurais. Tamén nos comenta algunha cousiña relacionada co Famoso Entroido de Laza, no que participan os veciños. Agradecémoslle a información detallada e desexamos que disfruten desa celebración.

Informamos da noticia que nos chegou á Redacción, consistente na Recuperación do Memorial Filgueira Valverde en Pontevedra. Aproveitamos a música de fondo para despedirnos ata o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 15 de OUTUBRO do 2026

Comezamos outra emisión máis do noso programa "Galegos no BAIX", coa nosa sintonía e as salutacións. Temos que disculpar, un día máis, a presencia do noso compañeiro Armando Fernández, que sigue convaleciente. Desexámoslle unha pronta recuperación. Escoitamos un bocadiño de música e recibimos á primeira convidada. PURA SALCEDA, Filóloga, Profesora, escritora e poeta, a quen felicitamos polo poemario que acaba de publicar recentemente: "NO CÍRCULO - En el círculo", en Edicións in-VERSO. Coméntanos cómo foi o proceso de creación, durante tres anos, cómo o concebiu... etcétera. Tamén nos fala da mensaxe que quere transmitir cos seus poemas. Unha conversa moi interesante e chea de engado.  Agradecémoslle a súa participación no programa de hoxe e despedímola con música, como facemos sempre.

Continuamos a programación poñéndonos en contacto con TOMÁS MARÍA PORTA I CALSINA, a quen tamén felicitamos porque o vindeiro día 3 de novembro presentará o seu libro "Viatge a Galicia", que é unha segunda edición dun primeiro libro que se esgotou "Aventures a Galícia". A presentación será o día 3 de novembro no Ateneu de L'Hospitalet. Fainos un pequeno percorrido polas diferentes aspectos do seu libro, escrito en catalán. É un libro que, segundo nos explica, conten tres vertentes informativas: a primeira podería considerarse como un libro de viaxes, a segunda un libro galeguista e a terceira un compendio de poemas galegos de grandes escritores galegos, traducidos ao catalán, escrito cun peculiar redactado, axeitado para que todos o poidan entender. Agradecémoslle a súa detallada información e desexámoslle que teña moito éxito.

Recibimos a crónica do noso correspondente na capital da Ribeira Sacra, XOSÉ MANUEL F. MONTES, encargado da sección QUEN CHE PREGUNTOU? que el vai debullando moi acertadamente, en tres apartados precedidos dunha entradiña musical moi axeitada. Agradecémoslle a súa colaboración e despedímolo con música.

Despois de escoitar unha peza interpretada por JOEL PADIN, poñémonos en contacto precisamente con el. Temos que felicitalo porque virá ao Centro Galego de Barcelona o sábado 17 de novembro para impartir unha "Master-Class de Pandeireta e Canto", ás 11 da mañá e dará un Concerto para os asistentes pola tarde. Os interesados terán que acudir ao Centro Galego de Barcelona para retirar os tiquets de entreda ao Concerto ou para as clases de percusión e canto. Desexamos que teña moito éxito e agradecémoslle a súa aportación.

Despedimos o programa desexando que volvan a sintonizarnos o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 08 de OUTUBRO do 2026

Comezamos unha nova emisión do "Galegos no BAIX" coa nosa sintonía, as salutacións e disculpando a presencia do noso compañeiro ARMANDO FERNÁNDEZ, que segue convaleciente. Desexamos que pronto se recupere. Ofrecémoslles unha peza de música e comunicámonos con XURXO GREGORIO VAQUEIRO, Concelleiro de Comercio,  Formación e Emprego, do Concello de Salceda de Caselas, que nos fala da celebración da "IX Ruta do PINCHO - Folk", que xa foi inaugurada o pasado día 2 de outubro e rematará o próximo día 24 deste mes. Ademáis da degustación e participación para elixir o mellor Pincho, teñen previsto unha serie de celebracións e actuacións complementarias. Tamén nos comenta que veñen de celebrar no mes de setembro a "XXXII Festa dos Callos", que posiblemente sexa a maior festa que se celebra en Salceda de Caselas. Agradecémoslle a súa atención e desexamos que teñan moitos éxitos.

A continuación poñémonos en contacto con ANA ANTELO, unh artesana de Baíña, en Vimianzo. Felicitámola polo seu traballo creativo. Coméntanos que na súa páxina, anatrasariz.com, pódense ver algúns exemplos dos productos creativos tan feiticeiros. Céntrase nos bolsos, neceseres, bolsas, carteiras, mochilas, fundas e outros produtos que confeciona artesanalmente con materiais e tecidos completamente naturais. Tamén pode facer encargos aos clientes que o desexen (teñen que facilitarlle datos sobre o artigo a confecionar, claro). Visitade a súa tenda e seguro que quedaredes sorprendidos coas súas creacións. Agradecémoslle a atención prestada e desexamos que siga colleitando moitos éxitos.

Escoitamos outra peza musical e falamos con VANESA BALBOA, da "A.C.G. Cova da SERPE", en Barcelona, que nos da a coñecer a próxima celebración do "V Festival Internacional de Danza". É un Festival benéfico, completamente gratuíto, que solicita a aportación voluntaria de produtos non perecederos para o Banco de Alimentos do barrio. Haberá participación de varios Grupos de Danza, de diversas culturas, e realizarase no Auditori de San Martí, sito na Plaça d'Angeleta Ferrer, nº2. Tamén nos comenta a recente inauguración do Curso 2026/27 na Asociación, das próximas actuacións e do Magosto para primeiros de novembro. Agradecémoslle a información recibida.

Recibimos agora a NURIA SOTELO, bailarina e coreógrafa, de "A Casa Vella", no lugar de Amiadoso, do Concello de Allariz. A entrevista é unha conversa distendida chea de información e coñecemento dese proxecto profisional e persoal de Nuria Sotelo e Rubén Vilanova, pero que hosendía xa ten outros compoñentes máis, que ela mesmo nos menciona. Moi interesante, aberto a tódalas disciplinas artísticas, especialmente a danza. Na súa páxina acasavella.com, defínense como un centro de creación de artes vivas e acción social no rural. Un espazo físico e unha plataforma de acción cultural e social, que aposta pola dinamización do entorno rural. Coméntanos algúns dos proxectos e accións que xa teñen realizado e convida aos artistas que se acheguen á "Casa Vella", para disfrutar das súas instalacións e que proben de disfrutar do entorno e da creatividade que ofrecen. Agradecémoslle a súa participación no programa de hoxe e desexamos que sigan colleitando moitos éxitos.

Recibimos a visita de OLIVER FERNÁNDEZ, Presidente da A.C.G. Rosalía de Castro de Cornellá. Felicitámolo pola recente inauguración do Curso 2026/27 da Asociación, as diferentes actuacións na Gabarra, no San Froilán de Nou Barris e a próxima desta fin de semana en Hospitalet. Xa se envióu a carta de convite aos socios coas diferentes celebracións, como a paella popular, a festa do Magosto, o Campionato de Tute e a Semana Cultural que finalizará coa entrega dos Premios do "XL Certame de Poesía Rosalía de Castro-2026", previsto para a fin de semana do 21 de novembro. Agradecémoslle a súa presencia e participación no programa de hoxe.

Entrevistamos a FRANCISCO X. ALMUIÑA, da "CASA do ROMUALDO", en Taboada. Fálanos da celebración do "Outono Gastronómico-2026" que ofrecen na súa vivenda rural con dous menús moi apetecibles. Unha oferta sostible, segura, responsable e de calidade. A historia desta casa rural remóntase ao século XVI. Teñen documentación que así o acredita. Mantemos unha conversa moi amena e chea de engado. Coméntanos que tivo unha visita dunha persoa, que ten uns catrocentos mil seguidores na internet, que lle pediu a receita do "caldo de osos", que ofrecen no seu establecemento. A estancia na Casa do Romualdo non só serve para descanso e disfrute gastronómico de proximidade, senón que tamén Francisco ameniza aos asistentes cos seus contos e música coa súa zanfona, ademais dos percorridos polos sendeiros próximos mentres lles describe, neses paseos, as belezas das paisaxes, coa particularidade de que ten cegueira. Agradecémoslle a súa amable atención.

Despedimos o programa ata o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 01 de OUTUBRO do 2026

Comezamos coa nosa sintonía, as salutacións e un bocadiño de música. Temos que disculpar ao noso compañeiro ARMANDO FERNÁNDEZ, que sigue recuperándose, desexándolle que pronto se recupere e nos acompañe aquí nos estudios. Escoitamos unha peza de música que pertence a NELSON QUINTEIRO. Precisamente con el conectamos para que nos informe da súa traxectoria, tanto musical como creativa. A conversa e información recibida está chea de moitas e interesantes aportacións. Os interesados poden recoller máis información na súa páxina: https://www.nelsonquinteiro.com/. Fálanos da súa creatividade, da música, especialmente da musicoterapia, de "Mais Cantos"... etcétera. Disfrutamos coa súa aportación de hoxe. Desexámoslle que siga colleitando moitos éxitos e prometemos voltar a poñernos en contacto con el para que nos siga axudando a coñecer, máis polo miúdo, a súa traxectoria creativa. Desexámoslle que teña moito éxito.

Escoitamos outro bocadiño de música e poñémonos en contacto con XOSÉ LOIS ROMERO, a quen felicitamos polo seu traballo creativo "a banda sonora orixinal" do espectáculo "A serie Clope", do Centro Dramático Galego. Mantemos unha conversa distendida e moi interesante sobre ese último traballo así como tamén do disco "Latexo" de Xosé Lois e Aliboria. está esgotado. Anúncianos que está a traballar para poder ofrecernos un novo disco que ten previsto se publique a principios do vindeiro ano 2027. Estaremos atentos. Desexámoslles que teñan moitos éxitos.

Poñémonos en contacto co noso correspondente XOSÉ MANUEL F. MONTES, encargado da sección QUEN CHE PREGUNTOU? Está dividida en tres apartados precedidos dunha entradiña musical, onde vai debullando novidades e informacións. Finaliza cunha colaboración que ofrece un refrán ou dito galego.

Conectamos con XOSÉ CANOSA, Presidente da Asociación Cultural Galega "Airiños da Nosa Galicia" de Santa Coloma de Gramenet. Infórmanos da iniciación do cruso 2026/27, coas clases, da obra de teatro solidario no teatro Segarra de Santa Coloma, onde recolleron tres toneladas e media de alimentos, da próxima actuación nas "Festas do Pilar" en Zaragoza, da próxima celebración da "Festa Cultural e Gastronómica, do Pulpo e do Marisco" prevista para os días 15, 16, 17 e 18 de outubro. Felicitámolo polo traballo que levan adiante e desexamos que teñan moito éxito.

Damos a coñecer unha noticia relacionada coa publicación do número 55 da revista "Raigame", adicada exclusivamente á figura de don Ramón Otero Pedraio. Os interesados poden solicitala á Deputación Provincial de Ourense. E aproveitamos para despedirnos ate o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 24 de SETEMBRO do 2026

Unha nova emisión deste programiña en lingua galega. Comezamos coa nosa sintonía, as salutacións e disculpando a ausencia do noso compañeiro ARMANDO FERNÁNDEZ, que se atopa convaleciente. Desexamos que pronto se recupere para poder compartir con el estos momentos radiofónicos. Escoitamos un bocadiño de música e poñémonos en contacto con MIGUEL FRAGUAS, da Asociación Cultural FOULA de Cerdedo/Cotobade. Felicitámolo pola parte que lle toca xa que veñen de celebrar a "12 Festa do Pan de Millo e ovo", con grande éxito e con moita paticipación e asistencia. Coméntanos que esta Asociación foi fundada fai 35 anos, que segue a traballar cos seus asociados celebrando moitas actividades e actuacións e cidades veciñas. Teñen unha Banda de Gaitas. Están moi orgullosos do traballo que están a desenvolver. Agradecémoslle a súa amable atención e desexamos que teñan moitos éxitos.

Despois de escoitar outro bocadiño de música, poñémonos en contacto con MIRIAM, da nosa Asociación C.G. Rosalía de Castro de Cornellà. Encetouse o curso 3036/27 o sábado da semana pasada, con aulas e clases para gaita, percusión e baile. Xa tiveron unha primeira actuación do Barrio da Gavarra. Próximamente actuarán en Nou Barris, con motivo da celebración da "Festa do San Froilán, o día 2 de outubro. Para o día 3 na Festa do "Barrio Centre" de Cornellà. O 10 de outubro participación e actuación na Festa que organiza a Casa Galega de Hospitalet. Previsión da Festa do Magosto na segunda semana de novembro, con castañas da zona da Gudiña (Ourense) e celebración do Campionato de Tute. Máis adiante, no mes de novembro, celebración do "XL Certame de Poesía Rosalía de Castro". Todo esto acompañado de gastronomía galega no "Restaurante Rosalía de Castro", na rúa Federico Soler, 71. Desexamos que o disfruten e que sigan colleitando moitos éxitos.

Despedimos a Miriam con música e con esa mesma música recibimos a LUÍS, da Granxa-Queixería ARQUEIXAL. Unha Granxa Familiar, situada na parroquia de Santiago de Albá, na zona da Ulloa. Producen queixo, yogur e leite fresco. Recuperaron e restauraron unhas Casas Rurais que alugan aos hóspedes que se achegan para disfrutar do natural e rural respectando o medio ambiente, dende un punto de vista ecolóxico, económico e social. Felicitámolo porque acaban de ser premiados cun Bacelo de Prata, que lle será entregado o vindeiro día 3 de outubro no Pazo de Ulloa, en Esposende. Mantemos unha conversa moi amena e chea de información sobre ese proxecto tan interesante. Desexamos que siga colleitando moitos éxitos.

Informamos das diferentes actividades que ten previsto realizar a Asociación "Airiños da nosa Galicia" en Santa Coloma de Gramenet, que ampliaremos con máis detenemento o vindeiro xoves, que termos a participación do seu presidente Xosé Canosa.

Despois da música damos información das novidades que nos chegaron á Redacción do programa. E aproveitamos a peza final para despedirnos dos nosos escoitantes e seguidores, desexando que volvan a conectar con nosoutros o vindeiro xoves á mesma hora. ¡Que teñan unha feliz semana!

Deixamos aquí o programa completo.

XOVES 17 de SETEMBRO do 2026

Comezo dunha nova tempada 2026-2027. Escoitamos a nosa sintonía de sempre, as salutacións e discupamos a ausencia do noso compañeiro Armando Fernández, por mor da convalecencia que lle impide poder estar presente no programa de hoxe. Escoitamos unha gravación musical de dona DOLORES MACÍA POSE, recollida no mes de maio do 2010, cantada "a capela" e que leva por título "A gaita do Cristovo". A continuación recibimos a dona ISABEL NEIRA, da empresa ATALANTA MADERA. É unha das torneiras deste taller de torneiras de madeira instalada en Brens, no concello de A Estrada. Parabenizámola por ese traballo centenario herdado. Ela, xunto coa súa irmá ANA NEIRA, son a 7ª xeración dun oficio que continúan con moito agarimo e dedicación. Teñen unha páxina propia: https://atalantamadera.com/gl/nos/, que serve para poder poñerse en contacto con elas e mercar algún dos seus produtos de madeira torneados e de grande calidade. Agradecémoslle a súa participación no programa de hoxe.

Despois de escoitar outra peza musical, poñémonos en contacto con ISAAC, responsable e director da empresa GRALIOS.com. Traballan con familias que apañan castañas nos soutos de Galicia e do Norte de Portugal. Cando os seus clientes reciben a súa demanda, levan o traballo e o coidado de xeracións de persoas que cultivan eses produtos de calidade. Tamén distribúen noces e mel, e outros produtos. A conversa con Isaac axúdanos a coñecer un bocadiño máis esa proposta de atención tan interesante. Desexámoslle moitos éxitos.

Voltamos a escoitar outra peciña musical e recibimos ao noso correspondente na capital da Ribeira Sacra: XOSÉ MANUEL F. MONTES, encargado da sección QUEN CHE PREGUNTOU? que segue coa mesma distribución da tempada anterior: 1.- O Bule-Bulo, 2.- Que pasa que pasa na Ribeira Sacra e 3.- Sabedoría Popular, que debulla moi concienzudamente e axúdanos a coñecer aconteceres de Galicia en xeral e moi particularmente daquela contorna da Ribeira Sacra, xunto coa recolleita e aportación cultural moi especial do noso idioma. Dámoslle as grazas e despedímolo ata a vindeira intervención.

A continuación recibimos a EVA CAMEÁN PENSADO, da Librería Clarión, en Carballo (A Coruña). Unha lectora empedernida que nos engaiolou coas súas aportacións que coñecimos nas redes. Libreira, creadora de contido e activista cultural galega. Parabenizámola e mantemos con ela unha conversa distendida e moi engaiolante. Agradecémoslle a súa amable atención. Propuxémoslle que nos faga unha intervención quincenal ou mensual recomendándonos algúns dos libros que ela vai lendo ou recibindo na súa librería, para que os nosos escoitantes e seguidores elixan, se queren, algún dos que ela nos vaia propoñendo. Quedamos que así o fará. Agradecémolle a súa disponibilidade e participación. Hoxe mesmo adiantounos a recomendación de dúas lecturas recentes, moi interesantes: "Lume Azul" de Pedro Feijoo e "Nos os tolos" de Tania Castelo. Agradecémoslle a sua inestimable aportación e ficamos á espera de que pronto volva a poñerse en contacto con nosoutros para recomendarnos outras lecturas. ¡Moitísimas grazas, EVA!

Deixamos aquí o programa completo.

 

XOVES 25 de XUÑO do 2026

Neste último programa desta tempada 2025/2026, comezamos coma sempre coa nosa sintonía, as salutacións oportunas e dándolles a ben-vinda. Tiñamos previsto conectar con Álvaro, responsable do Centro Social A Pedreira de Pontevedra, pero agora mesmo non está accesible. Tentarémolo máis tarde e aproveitamos para darlles a coñecer unha noticia relacionada con este Centro Social, e moi importante, xa que acaban de recibir unha sentencia xudicial favorable. Escoitamos algo máis de música.

A continuación poñémonos en contacto con ANA VILA PORTOMEÑE, a Poeta Labrega de Taboada. Felcitámola polo seu traballo creativo e pola súa participación no Colectivo "Nexo Artistas Lugo", tamén nos comenta algunhas cousas máis relacionadas coa súa activa colaboración noutras formacións e concretamente coas "Facedoras de Lugo", así como tamén cos de "Fademur", esa Organización que representa, defende e presta servizo a milleiros de mulleres que viven e traballan no medio rural de toda España. Parabenizámola. E para despedirse agasállanos coa lectura do poemiña que lle adicou ás Facedoras de Lugo. ¡Moitas Grazas, ANA!

Agora, sí que conectamos con ÁLVARO, do Centro Social "A Pedreira", en Pontevedra. Agradecémoslle a súa participación no programa de hoxe. Primeiro coméntanos o asunto da sentencia favorable que lles  concederon, relacionada coas axudas e sub-vencións e axudas que lles tiñan denegadas, pero que agora pronto as recibirán. Cóntanos cales son os principais obxectivos deste Centro Social, e moi específicamente a que acaban de celebrar con motivo do San Xoan. Felicitámolo e desexámoslles moitos éxitos.

Falamos con ALBERTO MILLÁN BETANZOS, un dos compoñentes de "Os Monifates".  Son un duo formado por Alberto e Xosé Piñerio Pérez, cunha grande traxectoria musical e creatividade lutier, que se xuntaron aló polo 2013 para deseñar ese proxecto que contén as súas inquedanzas artísticas e tradicionais relacionadasa coa música, o baile, os monicreques e a cultura galega en xeral. Mantemos unha conversa distendida e interesante. Ademais de agradecerlle a súa participación de hoxe tamén nos fala da súa traxectoria de máis de 10 anos de existencia, veñen de actuar e participar no "Ribeirocreques".

Recibimos ao noso correspondente XOSÉ MANUEL F. MONTES, encargado da sección QUEN CHE PREGUNTOU? que contén os tres apartados tan característicos. Sentimos moito non ter dado o resultado, en directo, o "bulo" que tentou colarnos na súa primeira intervención do "Bule-Bulo". Non fixemos mención porque tentou facer unha brincadeira coas noticias e non había "bulo" ningún, aínda que algún o parecese. 

Aproveitando as músicas que temos de fondo enviamos os mellores desexos para todos vosoutros, escoitantes e seguidores. Despedímonos ata o mes de setembro que voltaremos con moitos azos para reanudar este programa. continuaremos tódolos xoves á mesma hora de 16 a 18h horas da tarde. ¡Que teñades un FELIZ VERÁN!

Deixamos aquí o programa Completo - Enteiro.

XOVES 18 de XUÑO do 2026

Comezamos unha nova emisión do "Galegos no BAIX" coa nosa sintonía, as salutacións e desexándolle unha pronta recuperación ao noso compañeiro Armando Fernández, que se atopa un pouco delicado. Seguro que pronto se reincorporará e terémolo en directo. Dámoslle as grazas ao noso técnico DANI, que é o responsable de que este programa saia adiante, e poñemos unha peza musical para darlle paso ao noso primeiro convidado: XOSÉ GONZÁLEZ MARTÍNEZ. Agradecémoslle a súa atención e felicitámolo polos 30 anos de celebración dos Premios Lois Peña Novo. Iste ano os homenaxeados serán: O Equipo de Comunicación do Real Clube Celta de Vigo, polo seu labor constante dende o 2013 ao incorporar o galego ao fútbol profesional. Xosé Manuel Beiras Torrado, pola súa prolongada traxectoria e a súa obra intelectual en defensa de Galicia e a súa língua. E Dona Aurora Marco López, en recoñecemento a o seu compromiso constante co galego como ferramenta de investigación e divulgación. Tamén nos fala do Foro E. Peinador e do grande personaxe que foi ese filántropo e benefactor Enrique Peinador Lines.

A seguinte intervención é a de EFRAÍN DÍAZ VÁZQUEZ, Doutor, compositor, instrumentista e Profesor de Música, a quen felicitamos polo seu Doutoramente que acadou un Sobresaliente cum lude. A súa tese: "Os procesos de mutación e troco na cultura. O Pito Pastoril na Galicia". Agradecémoslle a súa grande colaboración ao facilitarnos a composición de Xiao, acompañada da súa interpretación co Pito, para que se covertira na nosa sintonía do programa. É unha honra e un pracer poder disfrutar desa música, que compartimos cada xoves con tódolos nosos escoitantes e simptaizantes. ¡Moitísimas grazas Efraín!

Continuamos a emisión e falamos con SANTI VELOSO, responsable da "Asociación Ponte nas Ondas", que veñen ser escollidos pola Unesco para presentar o seu modelo cultural e pedagóxico en China. Teñen tres proxectos desenvolvidos en Galicia que amosarán na reunión do Comité Interxeneracional da UNESCO, e extender a iniciativa RadioVisual do Patrimonio a Sanabria, Lubián e o Bierzo. Coméntanos a recente celebración do mencionado RadioVisual que se desenvolveu en 6 localidades galegas: San Cristovo de Cea, Muros, A Ribeira de Piquín, Modariz Balneario, Castro de Rei e Quiroga. Un éxito dos alumnos participantes e da comunidade educativa. Agradecémoslle a súa información e desexámoslles moitos éxitos na súa visita a China.

Poñémonos en contacto con ASER ÁLVAREZ GONZÁLEZ, de Arraianos Produccións, que ven de recibir o Premio de Periodismo Manuel Lueiro Rey do Concello de Fornelo de Montes. Parabenizámolo. A peza gañadora trata o tema da contaminación medioambiental xenerada polas macrogranxas na comarca de A Limia. Coméntanos a súa satisfacción por esta concesión que lle fai moita ilusión. Tamén nos fai partícipes da próxima inauguración da exposición "Os camiños de Elías Valiñas", que se fará mañá mesmo, día 19 de xuño no Salón de Actos do Concello de Bande. Este traballo ven de ser presentado en moitas localidades e mesmo no Instituto Cervantes de Beijing. Agradecémoslle a súa detallada comunicación e desexámoslle moitos éxitos.

Facémonos eco dunha noticia que nos chegou á redacción: O Centro Social A Pedreira, de Pontevedra, ven de recibir a sentencia favorable en relación á demanda que tiña interposta contra a Deputación de Pontevedra, que lle denegara a concesión dunha sub-vención.

 

Falamos con PEPE FORMOSO, do Bela Fisterra e Bela Muxía. Parabenizámolo por ter acadado un recoñecemento e Premio Podcast, polo seu traballo de comunicación en Radio Neria, "Falar sen cancelas". Desexamos que siga colleitando moitos éxitos. Tamén nos comenta algo sobre a CMAT (Costa da Morte Asociación de Turismo), que están a traballar, xunto cos Concellos, para ofrecer propostas turísticas e culturais para este verán. Agradecémoslle a súa participación no programa de hoxe.

 

Deixamos aquí o programa Completo - Enteiro.