XOVES 01 de OUTUBRO do 2020

A segunda intervención é a de Mª Carmen Sánchez, propietaria de "EMBUTIDOS SUARNA", que nos acaba de enviar unha caixa con produtos artesáns (chourizos, e androias) para celebrar cos nosos oíntes e seguidores os 40 anos da nosa Radio Sant Boi e tamén o 40 Aniversario da nosa A.C.G.Rosalía de Castro. Agradecémoslle a súa colaboración desinteresada e mandámoslle os nosos parabens porque tamén a súa empresa está de Aniversario e está cumplir nada menos que 25 anos de traxectoria e traballo ininterrumpido. ¡Moitas grazas MªCarmen! E a seguir colleitando éxitos na elaboración deses productos de calidade.

 

Outro programa con todos vosoutros, tentando que pasen dúas horiñas agradables, con entrevistas, novidades e música galega. Comezamos dándolles a ben-vinda e comunicándonos con "Bieitiño", membro do Grupo "DEQUENVENSENDO", para felicitalos por ese seu primeiro traballo editado fai pouco e que nos enviaron para agasallar aos nosos oíntes e seguidores, que leva por título "Canto das Xacias". Agradecémoslle a súa participación e colaboración co noso programa e fálanos dos Concertos e dos próximos proxectos e actuacións previstas. Despedímolo coa súa propia música.

Despois conectamos novamente con Galicia para falar con ROBERTO REGAL, ese Enólogo e Adegueiro da Adega "ENONATUR", que nos envióu unha caixiña de viño para compartir cos nosos oíntes e seguidores, con motivo das celebracións que estamos a realizar. Conversamos uns minutiños con este grande especialista vitivinícola e ademáis de desexarlle moitos éxitos tamén lle enviamos o noso agradecemento persoal pola súa colaboración e participación no noso programa.

 

Temos que disculpar a ausencia do noso correspondente na Ribeira Sacra, Xosé Manuel F.Montes, que hoxe non pode estar con nosoutros, por motivos persoais. Así pois aproveitamos  a ocasión para poñernos en contacto co cantautor EMILIO RUA, que tamén se uniu aos anteriores participantes enviándonos sendos CDs da súa autoría para sortear entre os nosos oíntes e seguidores. Poden facelo polo whatsapp, polo facebook ou polo correo electrónico, e tamén nesta mesma páxina. A medida que vaian chegando as solicitudes iremos entregando os CDs e os agasallos que imos recollendo. Coméntanos a participación en varios concertos, en Oviedo e outros lugares. Que está convidado a participar nas Festas do San Froilán en Lugo, xunto con Rosa Cedrón, o vindeiro día 4 e 5 de Outubro. ¡Parabens Emilio! e moitos éxitos!!!

 

E para finalizar recibimos nos estudos a Luz, xunto co seu fillo Roi, que nos veñen a entregar unha caixiña con CDs de "Uxía Lambona e a Banda Molona".

Aproveitamos para falar con Diego, un dos compoñentes da Banda e comentamos algo do que estiveron a facer nestes meses de verán e das actuacións previstas para as próximas datas. Agradecémoslle a visita a Roi e a Luz, e despedímonos con música deste Grupo de Troula galega, do que poderán recibir algún dos agasallos que nos entregaron.

 

 A vindeira semana voltaremos. Non deixen de sintonizarnos.

XOVES 24 de SETEMBRO do 2020

Comezamos a emisión recibindo nos estudos ao Presidente da A.C.G.Rosalía de Castro, Oliver Fernández, con quen departiremos para saber algo máis dese "40 Aniversario da ASociación". Pero a primeira comunicación-entrevista é con Ubaldo Pérez, do Restaurante "Los Ancares", na rúa Robrenyo 74 de Barcelona, a quen felicitamos polo seu traballo e tamén lle agradecemos a súa colaboración, consistente nun xantar ou cea para dúas persoas no seu Restaurante. Xa celebrou o "Xantar Mensual" o domingo pasado, adicado ao Polbo á Feira(pulpo), e o mes de outubro ten previsto ofrecer o "Cocido Galego". Seguiremos en contacto e avisamos que os oíntes e seguidores que se poñan en contacto connosco posiblemente teñan como agasallo ese xantar ou cea no seu Restaurante.

 

 Continuamos o programa e aproveitando que temos nos estudios a Oliver Fernández, como dixemos no comezo, pedímoslle que nos informe de cómo están a decorrer as cousas pola Entidade, qué actividades se estan a realizar, cómo pensa celebrar o "40 Aniversario da Asociación"... E moi amablemente nos informa e convida a tódolos nosos oíntes e seguidores que sigan atentos ás nosas informacóns e comunicacións que pronto teremos novidades relacionadas cun posible evento de grande importancia na Sede da Entidade. As clases de Gaita, Danza e Percusión xa se están a realizar, tamén se permite a asistencia aos socios coas medidas de hixiene necesarias, o Certame de Poesía tamén se pensa celebrar...etcétera. Agradecémoslle a súa presenza e participación e hoxe.

 

 Despois comunicámonos coa Sra. Carmen da Vivenda Rural "Xanela da Lúa". O primeiro é felicitala pola grande acollida que tivo este verán e agradecerlle a súa colaboración para celebrar con todos o "40 Aniversario da Radio e o da nosa Asociación". Xanela da Lua ofrece un desconto, un 3 por 2 para todos os vosos ointes. E se vos parece un sorteo de unha fin de semana con aloxamento e desayuno para duas persoas. O nosos seguidores e oíntes poderán disfrutar desta oferta sempre e cando se poñan en contacto connosco. Agardamos as vosas chamadas e intervencións.

 

 Seguimos a emisión e entrevistamos, moi distendidamente, ao grande comunicador da TVG don Xosé Ramón Gaioso. Unha honra e un pracer poder conversar co Sr. Gaioso, que nos recibe moi amablemente e despedímonos con palabras de agradecemento pola súa participación.

 

 

Na segunda hora falamos co noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU?Primeiro felicitámonos mutuamente por ter acadado o RETO, que nos propuxo a semana pasada: Falar ou recibir un saúdo de Gaioso ou Roberto Vilar. Estivemos a entrevistar a Xosé Ramón Gaioso. Continúa cos seus Me ghustan e Non me ghustan. Despois as "súas caralladas" con unha serie de palabras e frases retranqueiras e con humor. E finaliza enviándonos a "viñeta" alusiva a algún momento da emisión, que aquí pegamos "para disfrute de tod@s vosoutr@s". Agardamos que sigan participando.

 

 Depois voltamos a conectar con Galicia para falar cun dos compoñentes do "Grupo A Roda", Alfredo, que nos recibe afectuosamente e conversamos con el sobre a traxectoria do Grupo e a incorporación de novos instrumentos e participantes no seu ultimo traballo discográfico.

E así transcorreu este noso programa de hoxe. Agradecer a colaboración de todos os que nos envían cousas para compartir cos nosos oíntes e seguidores, e grazas a todos eles. O vindeiro xoves tentaremos facer outro programa máis. Non deixen de sintonizarnos.

XOVES 17 de SETEMBRO do 2020

 Comezamos nova tempada: 2020/2021

Dámoslle a ben-vinda e ofrecémoslles unha peza "en primicia" que nos enviou XIAO YAÑEZ: "Danza dos DEDOS". Posiblemente se convirta na sintonía da nosa emisión "Galegos no BAIX". De momento é a música que temos para celebrar con todos vosoutros, queridos oíntes e seguidores, o "40 Aniversario de Radio Sant Boi e o 40 Aniversario da nosa A.C.G.Rosalía de Castro".

Encetamos a nosa primeira emisión desta nova tempada conectando con Galicia para recibir a Carmen Penim, de "2Na Fronteira", a quen lle agradecemos o envío de varios CDs para repartir cos nosos oíntes e seguidores con motivo deses Aniversarios que lles comentamos ao comezo. Tamén aproveitamos para felicitala polo éxito acadado en sendos concertos que realizaron en Tui e Valença do Minho. Próximamente presentará o video do traballo que publicarán baixo o título "Cantos de Terra e Sal". Agradecémoslle a súa colaboración e pronto voltaremos a conectar con ela para que nos informe.

 

 A segunda conexión é con Daniel, compoñente do Grupo "Briganthya", que tamén nos enviou algúns CDs do seu ultimo traballo para entregar aos nosos oíntes e seguidores, con motivo deses Aniversarios que estamos a celebrar. Dámoslle as grazas e comentamos un chisco a traxectoria musical dese Grupo.

 

 A continuación voltamos a Galicia para falarmos con AIDA TARRIO, unha das TANXUGUEIRAS, ese grande Grupo Femenino de música tradicional  galega que acaban de publicar un segundo traballo titulado: Contrapunto, e que servirá para agasallar aos nosos oíntes e seguidores, como premio polo 40 Aniversario da Radio e da nosa Asociación Rosalía de Castro. Agradecémoslle a súa amable atención e desexamos que sigan acadando moitos éxitos.

 

 Na segunda hora conectamos co noso correspondente Xosé Manuel, que se encarga da sección QUEN CHE PREGUNTOU? Ponnos ao corrente de cómo ten estructurada esa parte do programa que dividirá e catro seccións: Primeiro Noticias cos seus Me gustan e Non me Gustan. Segundo O Reto. Terceiro que nomea como "caralladas" ou apartado humorístico e Cuarto "a Viñeta", como viña facendo en edicións anteriores. Unha remodelación que seguro dará moito máis contido a esta sección e arriquécese. Moitas grazas, Xosé Manuel. A vindeira emana máis.

 

 Conectamos con Anibal, propietario da "Adega Tapias de Mariñán" que nos fala dalgúns aspectos desagradables que están a suceder naquela contorna da D.O. Monterrei, con motivo de incendios non explicables que afectaron  a unha das súas viñas (nada menos que tres hectareas de viñedo). Coméntanos que estan a traballar na vendima deste ano, que teñen preparada a próxima presentación do viño con cepas autóctonas "sousón", posiblemente unha das colleitas máis enxebres que se poderán degustar. Agradecémoslle a súa colaboración e participación no programa de hoxe.

 

 Non podiamos deixar pasar a oportunidade de conectar con XIAO YAÑEZ, o compositor desa peza musical que estrenamos. Felicitámolo e agradecémoslle a súa aportación creativa. Énchenos de satisafación e honra poder contar con esa composición musical que servirá para celebrar con todos eses "40 Aniversarios" que teremos a ocasión de compartir con tódolos nosos oíntes e seguidores, e aporveitaremos para entregarlles algún dos moitos CDs que nos enviaron os artistas e cantautores que iremos entrevistando ao longo deste novo curso que encetamos desta forma tan feiticeira. 

 

 Agardámosvos a vindiera semana. Non deixedes de conectarvos, que seguro teredes ocasión de recibir algún dos agasallos que iremos repartindo con todos vosoutros. Tan só teredes que conectarvos e comunicarse con nosoutros, polo WhatsaApp, polo Facebook ou polo correo electrónico, e enviarémosvos un dos Cds que nos pidades (de todos os que dispoñamos, claro).

XOVES 25 de XUÑO do 2020

Ultimo programa desta tempada 2019-2020, que comezamos dándolles a ben-vida e ofrecéndolles unha peza de música titulada "Ardendo" precisamente do CD dese mesmo nome, que pertence ao cantautor MARTIN MAEZ, con quen imos a falar nesta pequena conversa-entrevista que nos concedeu, e na que nos comenta parte da súa traxectoria musical e os proxectos para as vindeiras datas. Agradecémoslle a súa amable atención e desexámoslle moitos éxitos.

A seguinte intervención é a do noso correspondente na capital da Ribeira Sacra, Monforte de Lemos, Xosé Manuel F. Montes, que sempre ten preparada a súa sección QUEN CHE PREGUNTOU? con informacións escollidas e moi interesantes para todos nós. Foi un pracer contar coa súa colaboración e disfrutar coas súas creacións artísticas, que nos enchen de orgullo e aumentan o prestixio desta nosa humilde emisión radiofónica. Enviámoslle os nosos mellores desexos para estas vacacións. 

E para finalizar conectamos novamente con Galicia para falarmos con Xosé Lois Romero, que nos fala do seu ultimo CD "LATEXO", publicado co título "Xose Lois Romero & Aliboria". Agradecémoslle a súa amable atención e desexámoslles moitos éxitos nos próximos concertos e presentacións vindeiras, que seguro poderán ofrecer neste verán. 

Despedímonos de todos vosoutros ate a vindeira tempada, que comezaremos posiblemente o vindeiro mes de Setembro ou Outubro, dependendo de cómo se vaian sucedendo os acontecementos. Cúidense moito.

¡Que teñan unhas felices vacacións! e 

¡Que volvamos a escoitarnos! 

¡Non deixen de sintonizarnos! 

¡Sexan Felices!

XOVES 18 do mes de SAN XOAN do 2020

Un programiña máis, coa proposta gravada mediante as novas tecnoloxías, primeiro fixemos cunha videoconferencia cos colaboradores e participantes, e despois introducimos algunha que outra peciña musical e enlazamos todo o contido para disfrute dos nosos oíntes e seguidores.

A primeira intervención deste programa de hoxe é a do noso correspondente na Baixa Limia, Xosé Lamela, que nos presenta ao seu convidado especial, dona MARICARMEN YAÑEZ, Alcaldesa  do Concello de Lobios, coa que mantemos unha conversa-entrevista moi entretida, con informacións e novidades interesantes que se porán en marcha nese Concello. Agradecémoslles a súa participación.

Despois de escoitar un bocadiño de música poñémonos en contacto con ALEJANDRA PLAZA, que descubrimos no facebook pola proposta tan interesante de facer unha SARDIÑADA Internacional, promovida pola EMBAIXADA.gal. Comentamos con ela este evento e algunhas cousiñas máis. Agradecémoslle as informacións que nos deu e desexámoslles moitos éxitos.

Outro bocadiño de música, concretamente da propia cantautora que entrevistamos: M.J. Pérez, que nos recibe moi amablemente e fálanos da súa traxectoria musical e do recente traballo publicado, así como dos proxectos para o futuro e finalizamos coa peza musical: A luz prendida, do seu ultimo CD que todos podedes escoitar tamén en youtube, cun videoclip que acaba de facerse público: ¡Moitas grazas M.J.Pérez!

Finalizamos este programa de hoxe desexando que pasen unha feliz semana.

XOVES 11 de XUÑO do 2020

Outro programiña máis "enlatado" que lles ofrecemos dende o confinamento, pero con ganas de que sexa unha aportación interesante para tódolos nosos oíntes e seguidores. A primeira comunicación é con XOAN CURIEL, un cantautor que moi amablemente nos atende e comentamos con el, non só a situación actual senón tamén parte da súa traxectoria como cantautor e outras facetas interesantes, precisamente aproveitamos as súas creacións musicais para escoitalo ao comezo e ao final desta pequena intervención-entrevista que nos concedeu. ¡Moitas grazas Xoan e Moitos éxitos!

A segunda conversa-entrevista é cunha grande amiga, á qeu xa tivemos en anteriores ocasións na nosa emisión: BEATRIZ VILA FREIRE, delegada da Asociación Provincial de Hostelería e Turismo en Monforte de Lemos. Fainos partícipe da súa positividade con relación as propostas e posibilidades de posta en valor das oportunidades que ten a Ribeira Sacra para acadar unha boa estancia e disfrutar dunhas vacacións inesquecibles. Agradecémoslle a súa participación de hoxe no noso programa.

E para finalizar escollemos outra chamada máis a Galicia, para falar con EMILIO RUA, outro cantautor moi aprezado e que nos amosa a súa creatividade musical chea de engado, que poñemos precisamente ao comezo e ao final da entrevista. Fálanos de que uns días antes do estado de alarma, estivo actuando precisamente en Barcelona, e que se truncaron as espectativas de concertos e demais actuacións por culpa desta pandemia que nos afecta a todos. Desexamos que pronto academos a normalidade e poidamos voltar a xuntarnos e escoitarnos en directo. Que teñas moitos éxitos EMILIO e que pronto volvan os directos interpretativos para todos.

A vindeira semana prometémoslles moitas máis novidades, máis música, entrevistas e desexos de aprender e disfrutar con todos vostedes. ¡Sexan felices!

Xoves 4 de XUÑO do 2020

Seguimos coa nosa emisión de "Galegos no BAIX-Confinados" pero confiados, porque estamos seguros que sodes moitos os nosos oíntes e seguidores e desexamos que todos esteades ben. Comezamos a nosa primeira grabación chamando a os compoñentes (Laura Santos, Jairo e o Presidente don Xosé Canosa) da Asociación Cultural Galega "Airiños da nosa Galicia" en Santa Coloma de Gramanet, que nos reciben moi amablemente e aproveitamos para felicitalos polo seu aniversario: ¡Moitos parabens! Mantemos unha conversa moi agradable e infórmannos das moitas actividades e accións que estiveron levando a cabo para celebrar o seu Aniversario, a pesar das dificultades, pero que ademais seguirán traballando e aportando o seu grauciño de area para o benestar da sociedade da súa cidade onde residen. Agradecémoslle a súa intervención neste noso programa de hoxe.

Despois de escoitar un bocadiño de música trasladámonos a Galicia, concretamente a Ourense, para entrevistar e falar co noso amigo MANOEL CARRETE, que ten unha morea de cousas que contarnos, e seguro que tódolos nosos oíntes e seguidores apreciarán.

A seguinte intervención-chamada é cunha das persoas á que lle temos que agradecer moi encarecidamente a súa participación no noso programa:

GUIDO ALVAREZ, Guía Oficial da Provincia de Lugo. Falamos con el e entrevistámolo para que nos explique algunha das súas propostas "renovadas" e actualizadas que teñen moito que ver coa nova situación e realidade que se presenta a partir dagora. Desexámoslle moitos éxitos.

A ultima chamada é co noso correspondente na capital da Ribeira Sacra, dende Monforte de Lemos, Xosé Manuel F.Montes, para que nos encha de contido a súa sección QUEN CHE PREGUNTOU? Ademais recibimos unha viñeta que publicou no xornal de "Galicia

Confidencial", pero que ven moi a xeito pola coincidencia dalgunha das novidades que comentamos na emisión de hoxe. ¡Moitas Grazas! 

E finalizamos desexándolles que teñan unha feliz semana.

XOVES 28 de MAIO do 2020

Este programa foi grabado para poder emitilo o XOVES 28 deste mes de MAIO, pero por circunstancias diversas non se puido incluir na programación oficial e emitiuse durante a hora da emisión do domingo "Vull ser jove". De tódolos xeitos aquí volo entregamos diseccionado coas intervencións correspondentes de cada un dos participantes. Pedímosvos disculpas polos erros que vimos tendo ultimamente. Esto do "Confinamento" fainos ter algo de desconcentración e precisión. Prometemos mellorar e ofrecervos unha mellor emisión con moito mellor sonido e máis contidos.

Armando-Xulio
Radio SANT BOI

A primeira intervención deste programa foi unha conversa-entrevista co noso admirado Director-Técnico ISRAEL CORDÓNL, da sección "El Momento Inútil", que nos axuda a confeccionar o noso programa e que ademais confirma as inquedanzas, que compartimos, da celebración do "40 Aniversario de RADIO SANT BOI". Seguro que nunhas datas próximas estaremos todos celebrándoo. Agradecémoslle a súa amable atención e axuda técnica para poder ofrecervos o noso programa.

Despois conectamos co noso Director de Radio Sant Boi don Josep Pallarés, que nos comenta a anulación da prevista Gala de celebración do "40 Aniversario" da inauguración desta Radio Municipal. Xa tiña preparadas varias intervencións de sona na cidade, pero están todas anuladas; de tódolos xeitos quedan anotadas na Axenda para poder celebralas en vindeiras datas.

Armando-Couxil e KIKE

A continuación conectamos con Galicia para falarmos co noso correspondente en Becerreá Henrique Fernández-Mon Sánchez (Kike para os amigos), que nos fai unha pequena semblanza da súa primeira participación nesta nosa Radio alá polos comezos, para presentar precisamente a posta en marcha da Asociación Cultural Galega "Rosalía de Castro" de Cornellà.

Armando, un servidor e Xosé Manuel

E finalizamos a emisión de hoxe, despois de escoitar algunha peciña musical, coa conexión semanal co noso correspondente na capital da Ribeira Sacra, Monforte de Lemos, Xosé Manuel F. Montes, que nos fai a súa crónica do "Quen che Preguntou?".

A vindeira semana prometémonos ser máis puntuais e evitar os erros. Seguro que melloraremos e tamén teremos moitas máis novidades interesantes. ¡Que sexan felices!

Xoves 21 de MAIO do 2020

Un novo programiña máis con todos vosoutros. Fixemos outra gravación cos nosos correspondentes en Galicia e ofrecémosvos as conversas mantidas con eles.

Comezamos dándolles a ben-vinda e escoitamos unha das pezas musicais do novo disco de TANXUGUEIRAS, para conectar en primeiro lugar coa nosa correspondente nos Ancares Lugueses, Fernanda Follana Neira, que ten preparada unha crónica interesante.

Despedimos a Fernanda escoitando unha peza do novo CD de XABIER DIAZ, para despois conectar co noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU? A súa colaboración ten moito que ver coas novidades actuais en Galicia e tamén nos despedimos escoitando outra peza do último CD de LUAR na Lubre.

A vindeira semana estaremos novamente con todos vosoutros. ¡Que teñan unha feliz semana!

XOVES !4 de MAIO do 2020

Armando, Couxil, Kike.
Xosé Manuel, Fernanda.

Seguindo coa mesma intención de ofrecervos un programa que tivera algo de interese para tódolos nosos oíntes e seguidores, voltamos a "enlatar" este programiña que vos ofrecemos, con toda a humildade, para que teñades a oportunidade de criticarnos e propoñernos algunha alternativa a este "Confinamento obrigado" que estamos a soportar. Todo sexa pola saúde!!!

Fixemos unha Video-Conferencia os integrantes desa foto, tentando darlle contido ás nosas intervencións e contamos coa grande colaboración dos nosos grandes amigos e correspondentes de cada semana: Fernanda Follana Neira e Xosé Manuel F. Montes, ademais implicamos ao noso benquerido amigo Henrique Fernández-Mon Sánchez, que moi amablemente nos atendeu.

Comezamos, como sempre, dándolles a benvida e ofrecéndolles escoitar unha peciña de música galega, para irmos entrando en "faena".

A primeira intervención é a de Kike, Henrique Fernández-Mon Sánchez, que nos ofrece unha disertación moi axeitada sobre a figura de don Ricardo Carballo Calero, personaxe ilustre a quen se debería adicar este ano 2020 as Letras Galegas, pero que nesta ocasión está previsto que a Real Academia Galega o relegue alomenos ata o mes de Outubro. Xa veremos en qué queda a cousa.

Despois conectamos co noso correspondente Xosé Manuel F.Montes, encargado da sección QUEN CHE PREGUNTOU? e el mesmo explícanos cómo vai a ir debullando esa súa aportación semanal. Agradecémoslle a súa dedicación e colaboración. Tamén lle temos que agradecer a "viñeta" coa que nos ilustra e agasalla, facendo referencia a algún dos temas tratados no programa. Hoxe concretamente moi axeitada pois é unha fermosa caricatura de Carballo Calero. Esto fai que o noso blog se enriqueza coa súa ilustración creativa. ¡Moitas grazas, Xosé Manuel!

Tamén conectamos coa nosa correspondente nos ANCARES Lugueses, para falar con Fernanda Follana Neira, que nos fai a súa crónica semanal, confinada, claro. Moi interesante o agasallo que nos fixo dando lectura a un poema de Andrea Valle. Tamén nos falou de Ainhoa Fernández Castro, e dun video, cunha páxina de Internet moi importante, e que aproveitamos para que recomendar: https://www.facebook.com/184948958216218/posts/3171122462932171/?vh=e. E despedímonos ate a vindeira semana ofrecéndolles outra peciña de música galega.

O vindeiro xoves voltaremos ofrecerlles outro programiña máis. Se desexan que abordemos un tema en especial, non teñen máis que comunicárnolo. Que teñan unha feliz semana.

XOVES, 07 de MAIO do 29020

PROGRAMA ESPECIAL

De arriba a baixo, e de esquerda a dereita:
Armando. Xulio, Kike, Fernanda e Xosé Manuel

Enlatamos esta pequena aportación, que vos ofrecemos despois da pausa obrigada pola actual situación, aproveitando unha "Video-Conferencia" cos contertulios que podes contemplar nesa foto que acompañamos embaixo. Seguro que atoparedes demasiada improvisación e demasiados erros de audición. Pídovos perdón por estes fallos. Non foron intencionados. Foi unha proba para comezar algo diferente neste "Confinamento". Seguro que as vindeiras gravacións terán moito máis contido e mellor argalladas. De momento ahí tedes a Primeira Parte

Despois de escoitar unha peza do ultimo CD de XABIER DÍAZ, que tiña previsto vir a presentalo precisamente a Barcelona, continuamos esta segunda parte coas nosas conversas relacionadas coa situación actual tanto en Galicia como aquí, en Cataluña. Tamén escollimos outra peza de María Bethânia, que ven moi a xeito pola súa mensaxe: "A vida é bonita".

Esta terceira parte segue con intervencións diversas dos nosos contertulios, e finalizamos despedíandonos de todos vosoutros, desexando que continuedes ben e ofrecéndovos outra peza de María Bethânia: "Sonho meu".

Prometemos voltar a ofrecervos outro programa máis o vindeiro xoves. ¡Cóidense moito!

XOVES 12 de MARZO do 2020

Comezamos outra emisión máis deste programiña "Galegos no BAIX", dándolles a ben-vida e despois de ofrecerlles un bocadiño de música para conectarmos con UBALDO PÉREZ, do Restaurante Los Ancares, na rúa Robrenyo de Barcelona. Fálanos de que se cancela a celebración da "Calçotada" prevista para a vindeira a fin de semana do 12 de marzo, por mor do posible contaxio que pode producirse dese virus tan maléfico. Agradecémoslle a súa amable atención e colaboración co noso programa.

Saudamos a Max Pàrraga Díaz, un Filólogo Catalán, Professor de Llengua i Literatura a l'ESO i al Batxillerat, que pertence ao "Grupo GALAUDA", e que imparte clases de galego no Instituto para rapaces que teñen como optativa esa asignatura. Fálanos da súa experiencia e do éxito que ten acadado en anteriores edicións. Agradecémoslle a súa visita e concertamos que en vindeiras datas voltará a acompañarnos para compartir esta experiencia da radio.

Conectamos agora con Galicia para falar con dona BENEDICTA SÁNCHEZ, esa artista revelación que acadou un Premio Goya pola súa interpretación maxistral na película de Oliver Laxe: "O que arde". Felicitámola e falamos con ela da súa traxectoria, das súas impresións e outras cousas. Comprometémonos a voltar a "abordala" para seguir comentando cousas da súa traxectoria e agradecémoslle a súa implicación, como galega de raíz, e do honrados que nos sentimos dela.

Seguimos, na segunda hora, coa conexión con Xosé Manuel F. Montes, o noso correspondente na capital da Ribeira Sacra, Monforte de Lemos. Encargado da sección QUEN CHE PREGUNTOU? A súa crónica comeza coa escolla dos seus TOPs relacionados coas escollas noticiadas e continúa coas ofertas Festeiras en Galicia, para finalizar cos apuntes de fraseoloxía galega. Tamén nos envía a súa aportación creativa en forma de viñeta, alusiva a algún momento do programa de hoxe. ¡Grazas!

E finalizamos as intervencións de hoxe coa crónica da nosa correspondente na "Porta dos Ancares": Becerreá, FERNANDA FOLLANA NEIRA, que sempre ten algunhas notas informativas interesantes que comunicarnos.

A vindeira semana voltaremos, á mesma hora e con máis entrevistas, noticias e música. 

¡Sexan Felices!

XOVES 05 de MARZO do 2020

Comezamos outro progama máis con ganas de pasar dúas horiñas de radio en galego, con entrevistas, música galega e novidades interesantes. Despois das salutacións iniciais poñémonos en contacto con MERCHI ALVAREZ, Presidenta de GaliciAME, que nos pon ao corrente de varias novidades e informacións relacionadas con esa Asociación e as súas actividades. Desexámoslle moitos éxitos e prometémonos voltar a conectar con ela para que nos siga informando.

Escoitamos unha peza musical do ultimo disco de PAULIÑA: "Malfalada", unha roqueira de Cambados. Conectamos con ela e falamos da súa traxectoria, do seu CD e dos Concertos que ten previsto realizar. Agradecémoslle a súa amable atención e desexámoslle moitos éxitos.

Continuamos na segunda hora conectando co noso correspondente XOSÉ MANUEL F.MONTES, encargado da sección QUEN CHE PREGUNTOU? que ten preparada a súa sección cos apartados TOP das novidades, as recomendacións Festeiras, as recolleitas de frases populares e o seu envío da "viñeta" alusiva a algún momento da emisión de hoxe. ¡Moitas grazas Xosé Manuel!

Despois falamos con FERNANDA FOLLANA NEIRA, a quen parabenizamos polo éxito acadado na celebración dese evento deportivo no que ela mesma formou parte da súa elaboración e coordinación. Tamén nos comenta a realización de actos preparados pola Asociación "Teitos de Piornedo". Agrdecémoslle a súa participacións semanal, que tanto apreciamos.

A vindeira semana máis. ¡Agardámosvos!