29 de decembro do 2016

¡¡¡ FELIZ DESPEDIDA DE ANO E VENTUREIRO ANINOVO 2017 !!!

Que disfrutedes dunha fermosa despedida de ano vello 2016, e unha venturosa entrada de aninovo 2017, cheo de engado, benestar e brindando a carón dos vosos. 

XOVES 22 de DECEMBRO do 2016

Último programa do ano. Comezamos dándolle a benvida a tódolos nosos oíntes e seguidores. Conectamos con JUAN PEDRO, Presidente de ASOBECAT, que aproveita para felicitarnos a todos e adiantarnos que no vindeiro mes de xaneiro teremos a exclusiva da presentación do Festival do Botillo da Asociación de Bercianos de Catalunya. Agradecémoslle a súa participación no programa de hoxe. Deseguida conectamos con Galicia para falar directamente co ARMANDO FERNÁNDEZ, que dende o seu LIÑARES de Queizán, mándanos as súas felicitacións nadalencas e ventureiro aninovo para todos.

Despois falamos con OLIVER, Presidente da A.C.G.Rosalía de Castro, que ademais de felicitarnos tamén nos convida a participar nas celebracións que teñen previstas para o vindeiro fin de ano, así como tamén nos envío os mellores desexos de benestar para estas Festas do Nadal e un próspero aninovo.

Tamén conectamos co noso amigo e colaborador XOSÉ LAMELA, que ademais de feleictarnos coméntanos algunha que outra das súas inquedanzas e que promete sorprendernos con algunha publicación intereseante, producto das investigacións que segue a realizar, no entorno da Baixa Limia. Tamén nos informa da inauguración dun edificio adicado á mostra e exposición de productos da zona Xurés-Gerés, en Bande. Agradecémoslle a súa amable atención.

Na segunda hora, coma sempre, conectamos co noso correspondente na capital da Ribeira Sacra, que nos ten preparadas unha serie de noticias moi interesantes, Xosé Mannuel F. Montes, encargado da sección QUEN CHE PREGUNTOU? E termina a súa intervención coas súas frases cheas de retranca, moi relacionadas coa actualidade. Tamén nos envía a súa creación artística, relacionada coa actualidade e que colocamos aquí.

A ultima conversa-entrevista é co noso amigo e colaborador RICARD ROS, do Grupo COET e RIU, que nos fai unha pequena valoración do Festival-Concerto que se realizou a pasada fin de semana en memoria do noso malogrado DAMIÀ, e que aproveitaron para recoller xoguetes para esa campaña de "ningún neno sen xoguete". Un acto moi entrañable, cheo de emocións e con moitísima participación. Felicitámolo e desexámoslle o mellor para o vindeiro aninovo 2017.

E despedímonos de tódolos nosos oíntes e seguidores, propoñéndolles escoitar outra panxoliña e desexando que pasen unhas FELICES FESTAS!!! e que o aninovo 2017 veña cheo de BENESTAR para TOD@S.

XOVES 12 de decembro do 2016

Comezamos o programa escoitando unha peza do cantautor FRAN ALLO, e que aproveitamos para dirixirnos a Galicia e falar con MODESTO FRAGA, que nos recibe moi amablemente para falarmos do seu recente Premio de Poesía que acadou no "XXX Ceertame de Poesía Rosalía da Castro" de Cornellà, Falamos da súa traxectoria creativa e agradecémoslle a súa participación e atención no noso programa.

A segunda conversa-entrevista é co SR. ALBERTO, da ADEGA DANIEL FERNÁNDEZ, na Denominación de Orixe "Monterrei", en Verín. A pesar de ser unha empresa de recente creación (comezaron no 2015) xa teñen no seu currículum varios Premios entregados aos seus viños. Felicitámolos e desexámoslle que sigan tendo tantos éxitos.

Ven agora a sección do noso correspondente XOSÉ MANUEL F. MONTES, QUE CHE PREGUNTOU? que sempre ten un ingredente de retranca interesantísima e tamén recolle noticias de certa relevancia no ambente galego. Acaba a súa aportación coas súas frases de "O galego éche así"... ademais de mandarnos a súa aprotación creativa en forma de viñeta, relacionada coa emisión de hoxe.

Falamos agora con ROSA CEDRÓN, esa grande cantautora galega que nos encandila coa súa voz e que tanto admiramos. Falamos do seu ultimo traballo "Nada que perder", da súa participación na "IIª Gala-Xantar de GALICIAME", coméntanos varios aspectos da súa traxectoria musical e proxectos a realizar. Agradecémoslle a súa amable atención e prometémonos voltar a falar con ela.

A vindeira semana máis, e, se podemos, mellor. Non deixedes de sintonizarnos.

1 de DECEMBRO do 2016

Disculpamos a ausencia do Xulio Couxil, na emisión de hoxe, por certas obrigas persoais, pero despois das salutacións a tódolos nosos oíntes e seguidores comezamos coa escoita dunha peza musical galega para darlle paso á entrevista con MIRIAM FERRADANS, poetisa recén gañadora do 2º Premio do XXX Certame de Poesía Rosalía da Castro de Cornellà.

A segunda intervención é a conversa con XABIER MOURE, un arqueólogo galego que nos fai un percorrido interesantísmo sobre as súas investigacións e traballos.

Na segunda hora o noso correspondente XOSÉ MANUEL F. MONTES, encargado da sección QUEN CHE PREGUNTOU? fai un percorrido polas noticias e informacións que el mesmo escolle para todos nosoutros e termina coa súa recolleita de frases feitas sobre "o galego é así". Acompáñanos, coma sempre, o seu debuxo e creación artística semanal, alusiva aos contidos do programa.

A entrevista final é con XABIER F. ROUCO FERREIRO, recén gañador do 1º Premio do "XXX Certame de Poesía Rosalía de Castro", que nos fala da súa traxectoria creativa. Despedímonos ate o vindeiro programa que será o día 12, posto que as festas que se aproximan non nos permiten a emisión.

XOVES 24 de NOVEMBRO do 2016

Hoxe comezamos o programa dándolles a ben-vinda aos nosos colaboradores e amigos ANTONIO DÍAZ e HENRIQUE FERNÁNDEZ, que nos visitan. Despois de escoitar unha peza musical e dos saúdos oportunos, poñemonos en contacto con ADRIÁN MÉNDEZ, un dos compoñentes que se encargan de poñer en marcha a "IIª Foliada de Fonsagrada", prevista para o vindeiro día 10 de decembro próximo. Agradecémoslle as súas informacións e desexámoslles moitos éxitos.

A segunda conversa-entrevista é co SR. BOLAÑO, do Restaurante "Cantábrico" en A Fonsagrada, que nos pon ao corrente das viandas que se poden degustar no seu restaurante, ao que nos convida a tódolos nosos oíntes e seguidores para que pasemos por alí e comprovemos "in situ" o que el nos explica con detalle. 

Na segunda hora comunicámonos co noso correspondente na capital da Ribeira Sacra, Monforte de Lemos, Xosé Manuel F.Montes que se encarga da sección QUEN CHE PREGUNTOU? e que ademais de propoñer unha pregunta moi axeitada a este tempo de xantares de inverno, tamén nos pon ao corrente de varias e interesantes novidades relacionadas coa nosa comunidade galega, e facer unha mención especial á celebración que se fará mañá no día internacional para a eliminación da violencia de xénero.

Antes da ultima conexión comentamos a celebración do XXX Certame de Poesía "Rosalía de Castro", de Cornellà, que ten unha participación moi abondosa e de moito nivel, segundo a análise que nos fai o noso amigo KIKE, que forma parte do Xurado deste ano. A seguir falamos con Fernando Mosquera, un músico de ascendencia galega, nado en Toledo, onde reside e imparte clases de música e gaita, así como tamén nos informa dos seus ultimos traballos.

A vindeira semana voltaremos con outro programiña máis. Pasade unha feliz semana e non deixedes de sintonizarnos.

XOVES 17 de NOVEMBRO do 2016

Comezamos escoitando unha peza musical e conectamos con Galicia para falarmos con KIKE ESTÉVEZ, filólogo e "Regueifeiro" en Vigo, que nos fala da recuperación e posta en valor desa reliquia popular tan fermosa e peculiar.

A segunda intervención é con dona MARIA XOSÉ YRAVEDRA, Directora da Adega RONSEL do SIL, na Ribeira Sacra. Unha conversa-entrevista moi ilustradora. Prometémonos voltar a conectar con ela para que nos siga informando dos seus viños e máis cousas.

Na segunda hora conectamos co noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU?, e que sempre ten preparadas varias noticias e informacións interesantes, algunhas delas con retranca. Tamén nos envía a súa aportación ilustrada de cada semana, que aproveitamos para compartir con todos vosoutros.

Temos uns minutiños para manter unha pequena entrevista cun dos nosos mellores escritores galegos do momento: don MANUEL RIVAS, que nos fala das súas inquedanzas, dos seus libros e da recente publicación de dous libros que están no prelo: unha novela titulada O ultimo día de Terranova, e un poemario recente. Agradecémoslle a súa amable atención e despedímonos desexando voltar a conectar con el  para que nos siga ilustrando coa súa creatividade narrativa e poética.

A vindeira semana desexamos que volvan a sintonizarnos.

XOVES, 10 de novembro do 2016

Comezamos o programa conectando con LYDIA BOTANA, unha grande cantautora galega, que ven de triunfar en Francia e, de paso por Barcelona, aproveitamos para comentar con ela as súas andanzas musicais e traballos co seu "De Aquí para Alá" e das súas bolboretas de música e mestizaxe. Agradecémoslle a súa amable atención de sexámoslle moitos éxitos.

Adiantamos a nosa comunicación semanal co noso correspondente XOSÉ MANUEL F. MONTES, en Monforte de Lemos, que se encarga da sección QUEN CHE PREGUNTOU? e fálanos dun acontecemento interesantísimo relacionado con ALBERTE MONTES, o seu irmán MONOLOGUISTA, que hoxe estréase na TVG participando nunha serie que leva por título AUGAS QUENTES. Continúa a súa comunicación con varias noticias curiosas e remata cunha anécdota.

Conectamos con RICARD ROS, responsable do Rubrifolkum, que teñen preparada unha grande actuación para o día 18 de nobembro en "A Masía de Sant Boi", na que participará como conxunto galego combidado Begoña Riobó, Xosé Liz (Xosiño) e Javier Feijoo (Xisco). Aproveita para presentarnos precisamente a Xosé Liz, con quen falamos moi amigablemente. 

A ultima entrevista do hoxe é con CARLOS CORRAL, Gaiteiro, Artesán e investigador de instrumentos tradicionais galegos. Unha conversa moi ilustradora e chea de ensino, moi relacionada coa súa profisión artesán e de Profesorado. Agradecémoslle a súa desinteresada aportación e prometémonos voltar a comunicarnos con el para que nos siga ilustrando.

O vindeiro xoves voltaremos, e desexamos que sigan sintonizándonos. Que pasen unha feliz semana. 

XOVES 03 de Novembro do 2016

A emisión de hoxe non poderá contar con Xulio e con Xosé Manuel, o noso correspondente semanal que teñen certas obrigas persoais que cumplir. Comeza dando información das actividades que ten previsto realizar á A.C.G.Rosalía de Castro, de Cornellà e escoitamos unhas peciñas musicais.

Poñémonos en contacto con Andrés - de Arcade (Pontevedra)-, un grande músico percusionista e profresor, co que mantemos unha conversa-entrevista falando da súa traxectoria e do que a percusión representa para el e para a nosa música tradicional galega.

Entrevistamos a dona EUGENIA CASTRO, responsable da Adega "Condes de Albarei", que será a encargada de recibir aos participantes da "2ª Gala - Xantar de Galiciame", na que teñen previsto participar unha morea de artistas galegos.

Voltamos a falar con FRAN ALLO, cantautor galego que está a preparar un segundo CD e que tamén participará na 2ª Gala-Xantar de Galiciame", agradecémoslle a súa amable atención.

Tamén aproveitamos para falar con DANI de "CAURELOR", que tamén aporta o seu grauciño de area a ese grande evento de Galiciame, previsto para o día 3 de decembro en Cambados: a "2ª Gala-Xantar Galiciame". Agradecémoslle a súa aportación desinteresada e desexámoslle moitos éxitos.

A vindeira semana máis. non deixen de sintonizarnos e pasen unha feliz semana. 

XOVES 27 de ORO do 2016

O programa de hoxe comeza conectando con don UBALDO, responsable do Restaurante "LOS ANCARES", na rúa Robrenyo74.76, de Barcelona, para que nos fale das celebracións mensuais que veñen realizando dende fai 2 anos e coincidindo con grandes eventos gastronómicos adicados, cada mes a un plato especial. O mes pasado foi o BACALHAU, prepardo de diversas maneiras, e o mes de Novembro comeza coa Festa do MAGOSTO-Castañada, cun menú tipo, que acaba cunha degustación de castañadas asadas traídas de Galicia expresamente. Agradecémoslle a súa amable atención e desexámoslle moitos éxitos.

A segunda intervención-conversa é con XABIER VIZCAÍNO, que sempre nos recibe moi amablemente e fálanos do traballo que está a preparar e que seguro sairá ao prelo na primeira quincena de decembro próximo. Agradecémoslle a súa aportación e desexámoslle moitos éxitos.

Tócanos a conexión coa capital da Ribeira SACRA, Monforte, onde nos recibe Xosé Manuel F.Montes, o noso correspondente encargado da sección QUEN CHE PREGUNTOU? e que sempre ten preparada a súa intervención con noticias e informacións retranqueiras. A viñeta de hoxe vai adicada ao SAMAIN, unha festa moi ancestral e chea meigallo.

A conversa final de hoxe é con dona IRENE SILVA XIRÁLDEZ, unha gran pintora que na os atende moi amablemente e fálanos da súa traxectoria compositora e artística. 

A vindeira semana máis.

XOVES 20 de OUTONO do 2016

Comeza o programa ofrecéndolles unhas pezas musicais de benvida e conectando con JUAN, Presidente da A.C.G. AGARIMOS, de Badalona, e dende Galicia tamén intervén un servidor, para comentar estes minutiños conxuntamente e agradecerlle a súa amable atención a Juan pola súa colaboración e aportación desinteresada coa que sempre nos recibe.

A segunda conversa-entrevista é con OSCAR IBÁÑEZ, grande mestre gaiteiro que nos fala do seu traballo e da súa traxectoria musical tan fructífera.

Na segunda hora, coma sempre, conectamos coa capital da Ribeira Sacra, Monforte, onde nos recibe o noso correspondente XOSÉ M. F. MONTES, encargado da sección QUEN CHE PREGUNTOU? e  que ten preparadas as súas "noticias retranqueiras" cheas de interese, e envíanos a súa creción artística relacionada con algo que fai referencia ao programa de hoxe; neste caso a noticia do empregado que tiña gardadas unha morea de cartas...

A ultima intervención de hoxe é unha entrevista a don MIGUEL SOUTO, responsable da coordinación e desenvolvemento da festa: AS SAN LUCAS  de Mondoñedo, que tanta tradición e antigüidade teñen. Unha grande celebración que nos debulla un chisco.

A vindeira semana máis.

XOVES 13 de OUTUBRO do 2016

Hoxe non puidemos emitir o programa por avería nos aparellos da sala de controis. Pedímosvos desculpas e prometémonos voltar o vindeiro xoves con máis azos e máis novidades e informacións. ¡Non deixedes de sintonizarnos!

XOVES 6 de OUTUBRO do 2016

Comezamos o programa de hoxe conectando con Galicia para falar con MERCHI ALVAREZ, Presidenta de GALICIAME, que nos atende moi amablemente e fainos sabedores do que están a preparar para celebrar, o vindeiro día 3 de decembro próximo, a "IIª GALA-XANTAR Benéfico de GALICAME", en Cambados, na que contarán con moitos artistas que desinteresadamente participarán, para recadar diñeiro que irá destinado á investigación desa enfermidade.

A seguinte participación no programa está destinada a falar con don MANUEL VAZQUEZ OSORIO, Presidente do "Centro Galego NÓS", que nos informa da "IIIª Festa do POLBO"que realizarán esta fin de semana en Sabadell. Aproveitamos para que nos comente outras actividades que realizan no Centro.

A segunda hora sempre está reservada para conectar coa capital da Ribeira Sacra e falar co noso correspondente en Monforte, Xosé Manuel F, Montes, encargado da sección QUEN CHE PREGUNTOU? e que sempre ten preparadas as súas informacións e noticias cheas de interese. E acaba enviándonos a súa participación debuxada.

Finalmente voltamos a Galicia, e entrevistamos a dona BEATRIZ VILA FREIRE, Delegada da Asociación de Hostalería da zona Sur de Lugo, que nos informa das ultimas noticias relacionadas coa promoción turística da zona e doutras actividades das que podemos disfrutar.

A vindeira semana máis. non deixedes de sintonizarnos.

29 de SETEMBRO do 2016

Comezamos o programa dándolles a ben-vinda e conectando con Galicia, concretamente para falarmos con ARNAU, cociñeiro da Vivenda Rural "CASA ASSUMPTA", con quen mantemos unha conversa-entrevista moi esclarecedora. Fálanos das ofertas e posibilidades de aloxamento neste lugar de lecer e repouso, da gastronomía "diferente" da que poden disfrutar todos aqueles que desexen achegarse alí e da particularidade que ten o feito de que os seus propietarios son de procedencia catalana e eso confírelle un dato moi especial pola conxunción das dúas culturas gastronómicas que se poden degustar: a catalana e a galega, con productos de primeira calidade. 

A segunda intervención-entrevista é co noso amigo e colaborador don XOSÉ LAMELA BAUTISTA, a quen lle agradecemos a súa amable atención e falamos do libro que acaba de publicar: A VIRXE DO XURÉS. Un traballo de varios anos de recopilación e investigación que ofrece a todos aqueles que o desexen; unha ofrenda altruísta cuxos ingresos van dirixidos á Asociación de amigos da Virxe do Xurés. Próximamente farase a presentación do libro na "Casa dos Poetas" de Celanova. Agradecémoslle a súa amable aportación. Tamén nos informa dun evento a realizar en Viladrau, en relación coas castañas...

A segunda hora, reservada, coma sempre, para o noso correspondente XOSÉ MANUEL F. MONTES, encargado da sección QUEN CHE PREGUNTOU? que sempre ten preparadas informacións moi interesantes e reflexións que pagan a pena. Despois de facer un "repaso" ás pasadas eleccións e outras cousas acontecidas na semana pasada, remata cunha frase chea de retranca e moi "ocurrente", como case sempre. E envíanos a súa aportación creativa coa viñeta correspondente.

O final do programa dedicámolo a conversar coa nosa amiga SES, María Xosé Silvar, a cantautora bergantiñana, que nos fala dos moitos concertos que fixo este verán e da próxima publicación do seu cuarto CD, que xa está a piques de saír, e do que nos promete que seremos primicia para tódolos nosos oíntes e seguidores. A súa aportación é unha lección máis de aprendizaxe para todos nós.

A vindeira semana máis. Non deixen de sintonizarnos.

XOVES 22 de setembro do 2016

Comezamos unha nova emisión conectando con don JUAN PEDRO, Presidente de ASOBECAT, para que nos informe da celebración prevista para esta fin de semana, relacionada coa Festividade da "Virgen de la Encina" que anualmente realiza esta Asociación de Bercianos en Cataluña. A noticia non é das máis alentadoras, xa que nos confirma a suspensión de dita celebración por mor das previsións climatolóxicas adversas que sucederán precisamente en Polinyà, lugar de celebración. Lamentamos esta triste noticia para todos, seguidores, bercianos, socios e simpatizantes. pero sí que nos congratulamos coas novas que nos adianta: "Xantar de convivencia o día 5 de Novembro" na sede da Asociación no Restaurante "Rincón de GALICIA" en Polinyà, e tamén da grande Festa do Botillo en Catalunya que se realizará, outra vez, no Hotel Front Air de Sant Boi o día 11 de Febreiro do vindeiro ano 2017. Xa poden ir apuntándose...

Agradecémoslle a súa aportación e colaboración.

A segunda intervención-conversa-entrevista é con don RICARDO RODICIO, Concelleiro de Cultura de A Proba do Brollón, que nos pon ao corrente da celebración que teñen previsto para esta fin de semana: "IIIª Encontro de Artes e Música"  As Cores do Outono, con todas actividades previstas e de moitas e interesantes propostas culturais que realizan nesta localidade da provincia de Lugo. Agradecémoslle a súa amable participación.

Na segunda hora, coma cada semana, conectamos co noso correspondente na capital da Ribeira Sacra -Monforte- XOSÉ MANUEL F. MONTES, encargado da nosa sección QUEN CHE PREGUNTOU? e que sempre ten preparada a súa escolla de noticias e interesantes aportacións, xunto coa "viñeta" que nos agasalla ao finalizar a súa intervención.

A última intervención-entrevista é con OSCAR IBÁÑEZ, un grande da música galega actual, gaiteiro, profesor e investigador. A conversa fáisenos cativa por mor do pouco tempo do que dispoñemos na emisión de hoxe, pero comprometémonos voltar a conectarnos con el para seguir tendo noticias súas e outros proxectos. ¡Moitas grazas, Oscar!

A vindeira semana voltaremos, para tentar facerlles agradables estas dúas horiñas de radio en galego.

¡Graciñas por escoitarnos e seguirnos! Non perdades a nosa sintonía. 

XOVES 15 de SETEMBRO do 2016

1º Programa da tempada 2016-17

Comezamos dándolle a ben-vida a tódolos nosos oíntes e seguidores e presentámonos para ofrecerlles dúas horiñas de emisión en galego, Armando Fernández, Antonio Díaz e un servidor.

A primeira intervención-entrevista é con don ALVARO VILLASANTE, Propietario e CHEF do Restaurante PAPRICA de Lugo, que nos recibe moi amablemente. a conversa é unha verdadeira clase para nós e agradecémoslle a súa inestimable aportación e agardamos voltar a manter unha nova entrevista con máis tempo para coñecelo máis polo miúdo, noutra ocasión.

Seguidamente conectamos novamente con Galicia para falar con XOAN CURIEL, cantautor galego que nos fala dos seus éxitos e das súas creacións musicais. É un pracer poder departir con este autor e cantante galego a súa paixón pola música.

Na segunda hora, coma sempre, comunicámonos con noso correspondente na capital da Ribeira Sacra (Monforte de Lemos), XOSÉ MANUEL F.MONTES, que sempre nos ten preparadas unha serie de inofrmación escollidas con moita retranca e debullando con meticulosidade a súa estimable opinión e rematando coa súa viñeta alusiva a algún dos temas tratados na nosa emisión de hoxe. Agradecementos moi afectuosos.

Non deixamos Galicia e trasladámonos a Santiago de Compotela para falarmos cn dona MARIA SOLAR, para falarmos do seu ultimo libro AS HORAS ROUBADAS. Unha conversa feiticeira e chea de información sobre o seu libro e a súa traxectoria. Mágoa do tempo medido e "cativo" na radio, para podermos falar con máis tempo e de moitos temas que nos quedaron no caixón, noutra volta será. Moitas graciñas pola súa participación.

E despedímonos desexando que sigan sintonizándonos, ate o vindeiro xoves, que voltaremos con dúas horiñas máis de emisión.

Xoves, 30 de SAN XOAN do 2016

Ultimo programa da tempada, que comezamos conectando con ARMANDO, que nos fala dende Euskadi, das celebracións ás que asistiu, convidado pola súa familia e achegados.

Conectamos con Galicia para falar con don ERNESTO LAGARÓN, reelexido recentemente no Consello das Comunidades Galegas do Exterior, como Delegado en España. Felicitámolo e danos unha pequena descrición do que foron eses días de traballo en Cuba e a súa visión persoal.

Na segunda hora, como cada semana, conectamos co noso correspondente na Ribeira Sacra, Xosé Manuel F.Montes, encargado da sección QUEN CHE PREGUNTOU?  As súas escollas e novidades son sempre moi ben recibidas e remata coas recomendacións retranqueiras para os visitantes. Tamén nos envía a súa "viñeta" alusiva a unha festividade moi tradicional e enxebre, que compartimos con todos vosoutros neste noso blog.

A intervención final é unha conversa con don ELADIO PIÑEIRO, da Adega Familiar do mesmo nome, que nos fala dese grande proxecto de ENOTURISMO, que está a levar adiante.

Despedímonos ate a vindeira tempada e desexamos que sigan sintonizando Radio Sant Boi.

XOVES, 23 de XUÑO do 2016

Neste penúltima emisión da tempada comezamos escoitando unha peza galega e conversamos con MASITO BEIRÓ, un colaborador e amigo de PADRÓN, que nos fala das diferentes situacións persoais polas que pasou e da súa recuperación despois das operacións oftalmolóxicas que tivo que sofrir. Aledamonos moito e sabemos que segue a pintar e traballar nas súas ocupacións de sempre.

 Despois falamos con ANIBAL, responsable da ADEGA TAPIAS MARIÑÁN, en Verín, que nos fala da súa traxectoria e ademais de convidarnos a visitar, non só a súa adega, senón tamén a comarca e arredores, que ofrecen unha visita interesante. 

 Na segunda hora comezamos falando con CARLOS, PICHI, o responsable da Orquestra Almirantes de A Coruña, que ademais ten publicado un CD, do vimos escoitando algunha das súas creacións, e a seguir conectamos co noso correspondente na Ribeira Sacra, Xose Manuel F.Montes, encargado da sección QUEN CHE PREGUNTOU?, e poñemos atención á súa selección informativa de cada semana. Tamén nos deixa a súa aportación creativa en forma de debuxo.

Falamos tamén con CARMEN, da Vivenda Rural XANELA da LÚA en Lira (A Coruña), que nos convida a disfrutar da estancia no seu establecemento e coméntanos que está a recuperarse dun serio accidente que sofriu hai un tempo. Desexámoslle que se recupere canto antes e que se cuide moito, para que poidamos seguir contando coa súa estimada aportación e colaboración neste nosa teima informativa.

A vindeira semana máis. Non deixen de sintonizarnos.

XOVES 16 de XUÑO dp 2016

Comezamos o programa ofrecéndolles unha peza tradicional galega e deseguida conectamos con Galicia para falarmos con FRANCISCO NARLA, que acaba de publicar o seu libro : DONDE AÚLLAN LAS COLINAS, e que será obxecto de presentación estelar na Festa ARDE LUCUS, da cidade de Lugo esta fin de semana próxima. Desexámoslle moitos éxitos.

Falamos con JUAN PRIETO, Presidente da A.C.G.Agarimos, que nos presenta a "20 FESTA Galega de AGARIMOS en BADALONA", para os días 17, 18 e 19 vindeiros. Realizarán unha morea de actividades culturais e gastronómicas. Ademais de disfrutar da nosa música galega e das verbenas, tamén poderán recoller a revista "A Palloza" que editan anualmente.

Nesta segunda hora non poderemos conectar co noso correspondente Xosé Manuel, pero sí que conectaremos con Monforte de Lemos, concretamente con dona BEATRIZ VILA FREIRE, responsable da Asociación de Empresarios da Ribeira Sacra, que nos fai de cronista e infórmanos dalgunhas interesantes cousas que están a suceder na comarca.

Tamén conectamos con dona  Verónica, propietaria, xunto con Daniel de CAURELOR.COM . Felicitámola polas novos tarros de marmelada e outros produtos que acaban de incorporar á súa oferta de grande calidade que veñen ofrecendo na súa Empresa Familiar. Agradecémoslle a súa participación no noso programa.

Aínda temos tempo para difundir algunhas das noticias que nos chegan á nosa Redacción, que fan referencia aos Premios Xerais desta ano 2016 e algunha que outra cousa máis.

A vindeira semana voltaremos con máis propostas, música galega, entrevistas, conversas, novidades e moitas cousas máis. Non deixedes de sintonizarnos.

09 de XUÑO do 2016

Colgamos hoxe o programa do xoves pasado, que por motivos diversos non puidemos facelo antes.

Comezamos a emisión conectando con FRAN ALLO, cantautor galego que nos recibe moi cordialmente e conversamos con el sobre o seu último traballo:Alma Gallega. Facemos un pequeno percorrido pola súa traxectoria musical e cóntanos as últimas actuacións fóra de Galicia e dos éxitos que está acadando con este CD que aínda está promocionando, pero que ultimamente tenno algo relativizado por mor da súa dedicación á formación persoal. Agradecémoslle a súa aportación.

A segundo conexión é con dona ESTHER TEIJEIRO, de "Adega Diego de Lemos" "Granxa Familiar" (en Chantada, concretamente na localidade de Pincelo), felicitámola polos éxitos que está acadando cos seus viños ecolóxicos da Ribeira Sacra. É a primeira adega ecolóxica rexistrada en Galicia. Desexámoslle que siga colleitando trofeos.

Novamente conectamos con Galicia e como cada semana falamos co noso correspondnete XOSÉ MANUEL F. MONTES, da sección QUEN CHE PREGUNTOU?. Tennos preparadas unhas noticias galegas interesantes e acaba a súa aportación coas palabras retranqueiras sobre o noso idioma e os refráns galegos cheos de intelixencia popular. Tamén nos envía a súa viñeta semanal, que sempre está chea de creatividade e con varias lecturas, segundo quen a contemple, alusiva ao programa de hoxe.

A ultima conversa-entrevista é con dona MARÍA ALBARIÑO, mestra-profesora no CPI de Navia de Suarna, que nos fala da publicación dun libro que recolle máis de 200 palabras que non estaban rexistradas e que pertencen ao "falar" e expresividade da zona dos Ancares, e máis concretamente de Navia de Suarna. Felicitámola e comprometémonos voltar a comunicarnos con ela.

A semana que ven máis, e agardamos ser máis puntuais na posta en marcha do noso blog.

Xoves 2 do mes de SAN XOAN do 2016

Colgamos aquí o programa atrasado do 1º xoves de mes, que non o puidemos facer antes, por mor de certas circunstancias persoais que non veñen ao caso. Pedímosvos Disculpas por non telo feito antes pero agora comezamos a poñernos ao día neste asunto.

A primeira comunicación é con Galicia, para falarmos con dona Assumpta, con que xa temos falado nalgunhas ocasións, dona da CASA ASSUMPTA - Turismo Rural, en Arzúa. Unha conversa moi agradable coa Sña.Assumta, catalana de nacemento (concretamente de San Vicens dels Horts), que se estableceu en Galicia para ofrecer os seus servizos nesa Casa Rural tan feiticeira e na que se poden degustar os pratos galegos e típicos cataláns. Agradecémoslle a súa amable atención.

A segunda conversa-entrevista é con don BIEITO ROMERO, Fundador do Grupo LUAR NA LUBRE, que nos informa das moitas actuacións que veñen facendo ao longo desta tempada e das que xa teñen contratadas para as vindeiras datas. Tamén comentamos as súas creacións así como o éxito que están acadando co seu ultimo CD EXTRAMUNDI. Coméntanos a incorporación dunha nova violinista, Antía Ameixeiras, para sustituír a Eduardo Coma. Falamos do que xa están a traballar nun novo disco, adaptando músicas tradicionais galegas e composicións propias. Foi un pracer falar con BIEITO.

Na segunda hora, como xa é habitual cada Xoves, conectamos con noso correspondente na Ribeira Sacra, Xosé Manuel F.Montes, encargado da sección  QUEN CHE PREGUNTOU?  para recibir as súas escollidas novidades e noticias interesantes así como a súa retranquiera intervención relacionada coas "nosas cousas galegas" e apuntes do refraneiro popular. Tamén nos envía a viñeta alusiva ao programa de hoxe.

A ultima conversa-entrevista é con ROSMAR, da Pastelería Panadería do mesmo nome, con sede e A Coruña, que nos fala das súas múltiples visitas á comunidade catalana para ofrecer os seus produtos galegos de alta calidade. Ven de estar na Festa de Can Mercader a semana pasada, convidada pola Asociación C.G.Rosalía de Castro, e na que di que tivo moito éxito. Desexámoslle moitos éxitos e que siga mantendo esa enerxía e grande profesionalidade.

A vindeira semana máis.

XOVES 26 de MAIO do 2016

Comezamos o programa dándolles a benvida e propoñéndolles escoitar unha peza de música interpretada por XABIER DÍAZ, e convidando a tódolos nosos oíntes e seguidores a participar da FESTA GALEGA, en Can Mercader, que se celebrará esta vindeira fin de semana.

A primeira conversa-entrevista é con dona CARMEN PENIN, de "2 Na Fronteira", que nos pon ao corrente das súas actuacións e novidades musicais. Aproveitamos a ocasión para felicitala porque foi elixida para ser XUÍZ HONORARIO do COUTO MIXTO. Agradecémoslle a súa amable atención.

Conectamos con Galicia, concretamente co noso correspondente en Monforte de Lemos, XOSÉ MANUEL F. MONTES, Na súa sección QUEN CHE PREGUNTOU, hoxe preparounos unha serie de novidades interesantes e propostas para elixir esta fin de semana en Galicia. Tamén nos envía a súa creación gráfica, para amenizar esta súa aportación.

A última con LUÍS GARCÍA, membro do Grupo musical TIRULEQUE. Fálanos da traxectoira deste Grupo e das vindeiras actuacións e concertos previstos para esta temporada.

A próxima semana máis. Non deixedes de sintonizarnos.

19 de maio do 2016

Retomamos a emisión deste noso programiña en galego, e aínda que non está o equipo ao completo, comezamos escoitando algunhas pezas musicais e deseguida comentamos varias noticias e novas relacionadas coa Festa GALEGA, que se realizará no Parque de CAN MERCADER, organizada pola A.C.G.Rosalía de Castro...

A primeira conexión-conversa é con MARCOS MACEIRA, Presidente da MESA pola NORMALIZACIÓN LINGUÍSTICA, en Galicia, que nos pon ao corrente das ultimas actuacións e fainos un pequeno percorrido da traxectoria do que o noso idioma está a padecer e as actuacións da Mesa dende a súa fundación.

En memoria do noso técnico DAMIÀ

Na segunda hora conectamos coa capital da Ribeira Sacra, para que o noso correspondente Xosé Manuel F. Montes, encargado da sección QUEN CHE PREGUNTOU, nos informe das novidades e outras informacións que escolleu para tódolos nosos oíntes, e coma sempre agasállanos cunha "viñeta" alusiva á emisión de hoxe e que lle agradecemos moi encarecidamente, e máis nesta ocasión que compartimos .

A última intervención-conversa é con PILAR, da Asociación ABRENTE, de As Nogais, que nos informa das actividades que están a realizar e tamén da "Festa da Empanada" que teñen previsto celebrar próximamente.

A vindeira semana máis.

XOVES 12 de MAIO do 2016

Por motivos evidentes (falecemento do noso estimado técnico DAMIÀ GRIMA LÓPEZ) non será posible emitir o programiña de hoxe.

Aprovietamos para enviarlles as nosas máis sinceiras condolencia á súa familia que nestes momentos precisan do nosos agarimo e atención en todo aquelo que precisen. Ficamos á súa disposición ofrecéndolles a nosa humilde aportación naquelo que nos demanden. Apertas saudosas para todos eles. 

https://www.facebook.com/radiosantboi/photos/a.364338286931853.92722.363667450332270/1196811090351231/?type=3

XOVES 5 de MAIO do 2016

No programa de hoxe comezamos escoitando unha peza musical de LUAR NA LUBRE do seu ultimo Cd e despois conectamos con Galicia para falar con IVAN PATIÑO, da Productora AMANITA FILMS, en Monforte de Lemos, que nos pon ao corrente deste grande proxecto.

Na segunda hora voltamos novamente a Monforte para falar con noso correspondente XOSÉ MANUEL F. MONTES, encargado da sección QUEN CHE PREGUNTOU? que coma sempre finos unha pequena secrición das noticias escollidas para todos nosoutros. Tamén nos envía a súa estimada creación pictórica relacionada coa actualidade, e que nos compartimos neste blog.

Falamos despois con DAVID F., do Grupo musical "O VAL DAS MOURAS", que terán unha actuación - concerto en Sant boi esta fin de semana, na que lles desexamos moitos éxitos.

Finalizamos a emsión de hoxe falando con dona SILVIA CASTAÑEDA, Presidenta la "Irmandade Galega de RUBÍ", que celebrarán próximamente a súa "XXXV Festa Galega en Rubí". Agradecémoslle a súa amable atención.

A vindeira semana máis. ¡Non faltedes!

XOVES 28 de ABRIL do 2016

Comezamos o programa escoitando unha peza musical galega para darlle a benvida a tódolos nosos oíntes e seguidores e conectar seguidamente co noso primeiro cominicante AFONSO BECERRA, dramaturgo, escritor e actor teatral galego afincado en Vigo, que nos fala da súa traxectoria e dos Premios María Casares de Teatro, no que foi premiado recentemente.

A segunda comunicación é para saudar e entrevistar a dona CARME FIAÑO, de "A Cociña de Lumai, S.L.", en Salvaterra do Miño, que está a expoñer os seus productos na FEIRA ALIMENTARIA de BCN, e coméntanos a súa experiencia neste evento de grande importancia a nivel nacional.

Seguimos o programa nesta segunda hora conectando con Monforte de Lemos, para falar co noso correspondente encargado da sección QUEN CHE PREGUNTOU?, Xosé Manuel F.Montes, que ten preparadas a súas noticias escollidas interesantes e sempre finaliza a súa intervención cunha reflexión interesante e agasallános coa súa viñeta creativa alusiva ás noticias actuais.

Finalizamos coa intervención de don XOSÉ MANUEL RODRÍGUEZ, Presidente da D.O.Ribeira Sacra, que tamén se atopa na espoxición da "FEIRA ALIMENTARIA" de BCN, e infórmanos da grande mostra que se pode contemplar así como degustar os caldos desa feiticeira zona vitivinícola galega.

A vindeira semana voltaremos con máis contidos e máis cousas interesantes.

XOVES 21 de ABRIL do 2016

Comezamos o programa de hoxe escoitando unha peza musical galega, para darlles a ben-vida a tódolos nosos oíntes e seguidores. A primeira comunicación con Galicia é para falar con XOSÉ LUÍS MUÑOZ COSTA, un cociñeiro de Hospitalet afincado en Sàrria, con quen fai un tempo xa falarmos, pero nesta ocasión a conversa xira entorno a súa nova faceta de Empresario xa que se establecerá en SAMOS, concretamente no Hostal Costa-Vitoria, para rexentalo xunto con súa irmá. Felicitámolo e desexámoslle moitos éxitos nesa nova andaina.

Despois de escoitar unha nova peza musical falamos con UXÍA, unha das voces femininas máis valoradas e que mellor nos representan no eido musical galego. Amablemente nos recibe e agradecémoslle a súa colaboración e aportación.

Na segunda hora chamamos a don MANUEL ÁLVAREZ, da Asociación "Antaruxas e Sorteiros" en A Fonsagrada, que nos pon ao corrente das novidades e actuacións previstas por esta Entidade que tanto está a traballar pola nosa Cultura.

Pa finalizar chamamos a RICARD ROS, que nos informa da súa colaboración con FERNANDO BARROSO, no seu ultimo disco INTROPÍA, e das moitas actividades que desenrola no seu ambiente musical e de Grupos. Agradecémoslle a súa atención, e voltaremos a comunicarnos con el.

A vindeira semana, máis. Non faltedes, agardámosvos!!!

XOVES 14 de ABRIL do 2016

No programa de hoxe non contamos coa presencia de Xulio, nos estudos. Comezamos dándolles a benvida e ofrecéndolles escoitar unha peza de música galega, coma sempre. Precisamente a primeira comunicación é con X.Couxil para que nos fale un chisco das "súas cousas", que non son máis que resaltar os sucesos desta semana así como as actividades que están previstas.

Comunicase agora con CARMEN PICHEL, que se define como COSTUREIRA, aínda que é máis coñecida por ser unha Grande da MODA GALEGA, en Boqueixón, e fálanos con moita profesionalidade desa súa faceta creadora e dos seus proxectos.

Na segunda hora, conectamos con Xosé Manuel F.Montes, na capital da Ribeira Sacra (Monforte), para falar da súa sección QUEN CHE PREGUNTOU? e poñernos ao días das novidades que el mesmo recolle, e que encerran un chisco de curiosidade especial. Dese xeito ao rematar a súa intervención sempre nos agasalla coa creación dunha "viñeta" alusiva a algunha das noticias comentadas, que nós compartimos con todos vostedes neste blog.

Despois falamos con don ANGEL VILLADA responsable da X Feira do Ferro que se celebrará esta fin de semana en RIOTORTO, e tamén co señor Alcalde, don CLEMENTE IGLESIAS, que nos informan sobre os actos e outras interesantes novidades relacionadas con esa celebración.

Despedímonos desexando que pasen unha feliz semana e que volvan a sintonizarnos.

XOVES 7 de ABRIL do 2016

Comezamos o programa dándolle a ben-vinda ao noso compañeiro e colaborador ANTONIO DÍAZ, Director da Revista LUA NOVA, da Asociación C.G.Rosalía de Castro e corresponsal de GALICIA en el MUNDO, que nos informa das diferentes novidades relacionadas coa Entidade.

Despois conectamos con Galicia para falarmos con don ENRIQUE GARCÍA, responsable da organización da "1ª Festa dos CALLOS en Ourense", co que mantemos unha pequena conversa e na que nos fai partícipes dese grande evento que están a preparar para esta fin de semana vindeira.

Despois voltamos novamente as nosas terras galegas para conectar co noso correspondente XOSÉ MANUEL F. MONTES, encargado da sección QUEN CHE PREGUNTOU? e que sempre ten preparadas noticias de interese para todos nós. Tamén nos agasalla coa súa aportación creativa que aproveitamos para compartir con todos vosoutros.

A ultima conversa-entrevista é con dona CARMEN PENIN, de "2 na Fronteira" que sempre nos recibe moi amablemente e despois de felicitala polas súas recentes actuacións (a ultima nas V Jornadas Galego-Portuguesas en Pitoes das Junias), e tamén nos informa das próximas intervencións para o vindeiro día 16 de Abril en TUI e do día 21 deste mes no Museo do Pobo Galego en Santiago de Compostela. Desexámoslle moitos éxitos e despedímonos con música interpretada por eles.

A vindeira semana máis. Non deixedes de sintonizarnos. ¡Agardámosvos!