Xoves 19 de DECEMBRO do 2019

Último programa do ano 2019. Dámoslles a ben-vinda e despois de escoitar unha peciña de música, poñémonos en contacto con Martiño Maseda, ex-profesor, escritor e poeta que ven de recoller o 2º Premio no XXXIII Certame de Poesía Rosalía de Castro de Cornellà. Falamos con el da súa traxectoria creativa. Tamén nos comunica que acaba de recibir o 1º Premio do XIII Certame Literario de "Terras do Chamoso". Felicitámolo e desexámoslle que siga acadando moitos éxitos máis.

A segunda comunicación é con Antón Cortizas, mestre xubilado, escritor, poeta e realizador do Libro-CD "O colo das palavras" que publicaron en Semente Trasancos. Un libro moi recomendado para os cativos, pero tamén moi importante para todos os que desexen disfrutar da música e da poesía. Podedes dar con él neste enderezo: info@sementetrasancos.gal. Agradecémoslle a súa aportación de hoxe e desexámoslle que teñan unhas Felices Festas e un ventureiro aninovo 2020.

Continuamos na segunda hora coa crónica do noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU?. Comeza cos seus TOP semanais e finaliza coas pílulas retranqueiras moi recurrentes. Despídese desexando moi Boas Festas.

A derradeira intervención deste ano é a da nosa correspondente Fernanda Follana Neira, falando da contorna dos Ancares Lugueses. Desexámonos mutuamente unhas Felices FESTAS e un próspero aninovo cheo de ventura para todos.

Ate o vindeiro 9 de xaneiro do 2020, que voltaremos aquí á mesma hora ¡¡¡Sexan FELICES!!!

XOVES 12 de DECEMBRO do 2019

Comeza o programa dándolles a ben-vinda a tódolos nosos oíntes e seguidores. Disculpa a non asistencia miña, porque estou desprazado agora mesmo. Conecta con Galicia, concretamente con Mari Carmen Sánchez Iravedra, da Empresa: Embutidos Artesanos Suarna, en Navia de Suarna. Unha empresa na que traballan só mulleres. Tamén comenta algunhas cousas moi interesantes relacionadas coa recente apertura da Ferreteria que recolle unha morea de utensilios e ferramentas que empregaban en épocas anteriores: un museo... Agradécelle a súa participacion.

A segunda comunicación é con Oswaldo Digon Alba, actor cómico galego, que ten unha traxectoria artística moi productiva. Traballou e traballa con moitos artistas da súa profisión. Agradécelle a súa participación neste programa de hoxe. 

A segunda hora continúa conectando co noso correspondente en Monforte de Lemos, Xosé Manuel F.Montes, encargado da sección QUEN CHE PREGUNTOU?. Ten preparada a súa crónica cos seus TOP semanais... : O paritorio do Hospital de Verin; Abundando no circo Vigo-Abel Caballero, a última "neva en Vigo" no mercadillo da Alameda con canóns artificiais; Os galegos, segundo un estudo estatístico do Insitituto Médico Europeo da Obesidade, engordaremos unha media entre 2 ou 5 quilos neste Nadal... No tema de Festas Gastronómicas non puido mirar nestes días, pero no Asunto da Retranca sí que ten anotadas algunhas pinceladas... Despois envíanos a súa aportación gráfica, unha viñeta relacionada coa demografía, a despoboación en Galicia. 

A seguinte intervención é a da nosa correspondente en Becerreá, Fernanda Follana Neira, que nos enche de cultura e proxectos moi interesantes, relacionados con aquelas terras Ancaresas.

Despide o programa ate o vindeiro xoves á mesma hora. 

XOVES 05 de DECEMBRO do 2019

Outro programiña máis con todos vosoutros. Despois das salutacións de rigor ofrecémoslle escoitar un bocadiño de música de "Uxía Lambona e a Banda Molona", con que teremos a honra de compartir os próximos minutos de conversa-entrevista. Dámoslle as grazas a Uxía Lambona e felicitámola pola presentación do seu terceiro CD, que vai acompañado de un DVD, titulado: "Astronauta Sideral". Fálanos da súa traxectoria, dos concertos previstos, de cómo grabaron este traballo... etcétera... Agradecémoslle a súa amable atención.

A segunda conversa-entrevista é con dona Elena Ferro, unha grande artesana Zoqueira, que acaba de recibir o Premio NACIONAL de Artesanía, xunto con PAULA OJEA, outra artesana ceramista que nos enorgullece aos galegos por seren dúas mulleres representantes da nosa Arte Galega. Felicitámola e mantemos unha pequena entrevista, que nos concede, falándonos da súa traxectoria, do seu Taller e das propostas tan interesantes que ofrecen a tódolos que desexen poñerse en contacto con eles. A súa páxina Web: http://elenaferro.com/es/, para saber algo máis e mercar algún dos seus productos. ¡Moitas Grazas, Elena, e que sigades colleitando moitos éxitos!!!

Continuamos na segunda hora conectando novamente con Galicia para que o noso "presentador" de "GALICIAME", Armando Fernández López, para que nos fale dese grande acontecemento que mañá mesmo celebrarán no Salón Principal da Adega CONDES DE ALBAREI, coa participación dunha morea de artistas que seguro farán as delicias de tódolos asistentes e colaboradores deste grande evento.

Finalmente conectamos coa nosa correspondente nos Ancares Luguese, para falar con Fernanda Follana Neira, que nos fai a súa crónica semanal  e volve a reconducir o tema da "Galicia despoboada" cunha pequena anotación moi interesante.

Despedímonos ate o vindiero xoves á mesma hora. 

¡Que teñan unha feliz semana!

XOVES 28 de NOVEMBRO do 2019

Outro xoves máis con todos vosoutros. Comezamos saudando a tódolos nosos oíntes e seguidores. Tiñamos previsto entrevistar a unha personalidade moi importante e moi grande na comunicación en Galicia, pero, por motivos que despois nos confirmou, non puidemos telo en directo... Faremos o posible por facer esa entrevista noutro momento. Namentres estivemos comentando o CD de ABÓBRIBA: "Non hai fallo" que nos acaba de chegar á Redacción e estivemos escoitando varias das súas interpretacións.

Continuamos o programa e conectamos con Galicia para falarmos con Javier Feijoo (XISCO), un grande Mestre-Profesor de danza e baile galego, que imparte clases na ETRAD de Vigo, e cóntanos algunhas das súas ultimas intervencións e tarefas relacionadas coa nosa tradición popular. Ten previsto darlle clases aos compoñentes do Grupo de Danza da Casa Galega de Hospitalet, esta fin de semana. Tamén nos informa da próxima intervención na "V Foliada da Fonsagrada" prevista para os días 6 e 7 de decembro próximos. Agradecémoslle a súa aportación de hoxe.

A sección QUEN CHE PREGUNTOU? do noso correspondente Xosé Manuel, dende Monforte de Lemos, fainos estar un bocadiño máis informados coa súa aportación no TOP da semana, das súas suxerencias gastronómicas para esta fin de semana, a Retranca para todos con fraseoloxía incluída. Non falta a súa aportación creativa en forma de viñeta, que hoxe está adicada á persoa que tiñamos previsto entrevistar, pero que non puido ser, por motivos alleos, e como el mesmo di: Para Outra Será.

A ultima intervención é a de SABELA MANEIRO, unha das compoñentes do Grupo TANXUGUEIRAS, que nos fala da presentación do seu segundo CD que leva por título: CONTRAPUNTO, e do que escoitamos precisamente unha peza "Desposorio", para recibila. Unha conversa coa que coñecemos un bocadiño máis a estas grandes intérpretes da nosa música tradicional galega, e que a espallan por todo o mundo. ¡Moitas Grazas e Moitos Éxitos!!!

Despedímonos ate o vindeiro xoves á mesma hora. ¡Esperamos tervos ahí outra vez!

XOVES 21 de novembro do 2019

Comezamos unha nova emisión escoitando un bocadiño de música e conectamos con Toño Núñez, escritor e poeta galego. Fálanos da súa traxectoria creativa, da presentación do libro "75 Poetas galaico-lusos", da 1ª Polavila-Naviega, Cantos de Taberna para o vindeiro día 28 de decembro, da próxima presentación dun CD con poemas da súa autoría, coa participación de Xoan Eiriz... Agradecémoslle a súa aportación no programa de hoxe.

Continuamos o programa conectando con Ramón Pazos, compoñente do Grupo Musical ABÓBRIGA-Música Galega, que nos fala da creación e traxectoria deste Grupo musical galego. Acaban de gravar na TVG a música para o programa "Son da Ribeira"... Tamén nos informa da próxima publicación do CD que leva por título "Non hai fallo". Desexámoslles moitos éxitos.

A segunda hora correspóndelle á sección QUEN CHE PREGUNTOU? do noso correspondente en Monforte de Lemos, Xosé Manuel F. Montes, que ten preparada a súa crónica coas aportacións TOP, as propostas de visita dalgunhas  Celebracións Gastronómicas e a Retranca para todos. A súa aportación creativa, en forma de viñeta, está adicada ao noso locutor Armando Fernández, e relacionada coa esa sub-sección Retranca para todos.

Falamos, antes de finalizar o programa, coa Presidenta de GALICIAME, a nosa benquerida Merchi Álvarez, coa que mantemos unha conversa moi distendida e chea de informacións: A Gala-Xantar de Galiciame, prevista para o día 6 de decembro, que será presentada por Belén Xestal e Armando Fernández. O lugar de encontro será na Adega de "Condes de Albarei"-Cambados. Terán a participación de afamados artistas galegos. Algúns deles: Rosa Cedrón, Oscar Ibáñez, Lucía Pérez, Joel Padín, Xabier Vizcaíno, Pepo Suevos e Oswaldo... ... Augurámoslles moitos éxitos e unha grande recadación para esa fermosa causa benéfica.

E despedímonos desexándovos que teñades unha semana gorentosa. Ate o xoves que ven.

XOVES 14 de NOVEMBRO do 2019

Outra semaniña con vosoutros. para ofrecervos dúas horiñas de radio en galego. Comezamos conectando con Galicia para falar con ESTHER DÍAZ LÓPEZ, unha poeta de Cervantes-Lugo, que nos fala da súa traxectoria creativa e da colaboración tan interesante que está a desenvolver na Radio Galega. Unha sección na que participa semanalmente co grande Comunicador Marcial Mouzo : Pensando en Ti. Agradecémoslle a súa participación de hoxe.

A segunda comunicación é co Grande "Chef" Cociñeiro do Hostal-Restaurante La Viuda ANXO TRIVES. Fainos saber algo máis dese lugar emblemático na vila da Pobra de Trives, que el dirixe con mestría e bon saber. Os pratos e degustacións que se sirven son de grande aceptación e con productos de primeira calidade, da zona e como el mesmo di: "tradicionais, de pobo e familiares". Paga a pena facerlles unha visita para disfrutar percorrendo a zona, que é fermosa, e aproveitar para degustar os seus manxares.

Continuamos na segunda hora conectando novamente con Galicia para falar co noso amigo e xerente da Empresa Familia CAURELOR, David. Fainos un pequeno percorrido polos productos que ofrecen na súa páxina Web caurelor.com. Poden mercarse vía Internet e tamén chamando ao seu teléfono que se atopa nas redes sociais. Agasallos doces e outros productos, nada menos que 20 etiquetados. Desexámoslle que teñan unha tempada de Nadal moi proveitosa.

Aproveitamos estes minutiños para informarlles dalgunhas das Actividades que ten previstas a nosa A.C.G.Rosalía de Castro de Cornellà, para estes meses de novembro e decembro.

A crónica da nosa correspondente nos Ancares, Fernanda Follana Neira, ten moito que ver co rico patrimonio daquela zona, dos achádegos arqueolóxicos que acaban de ser catalogados e dalgunhas curiosidades moi interesantes (un bar chamado Os Chafarotes), e recoméndanos o Hotel-Restaurante-Pulpería "A Escola" de Navia de Suarna, que era precisamente a Antiga Escola da cidade, moi ben restaurada e dirixida por Guillermo e a súa dona, con moito acerto.

E despedímonos ate o vindeiro xoves á mesma hora. ¡Sexan felices!

7 de NOVEMBRO do 2019

Outro programiña máis con todos vosoutros... Comezamos escoitando unha peza do CD "Bailando as rúas", da "Banda da Loba", para darlle a ben-vinda a Xiana Lastra, unha das compoñentes desa formación musical galega. Agradecémoslle a súa participación e mantemos unha conversa-entrevista moi interesante na que nos conta cómo se formou ese Grupo musical con "M" de mulleres, xa que está composto por 5 donas xóvenes que fan música galega actual, interpretando pezas propias e póñenlle música a algúns dos nosos poetas. Adiántanos que pronto presentarán o seu segundo CD que levará por título: "A fábrica de Luz". Desexámoslle moitos éxitos e voltaremos a conectar con ela en vindeiras datas para recibir máis información dese presentación e dos Concertos...

A segunda intervención é a da nosa amiga, coñecida escritora e poeta galega Anxela Gracián que nos fala dese libro-disco que leva a música de Emilio Rúa: "Memoria Iluminada". Un traballo moi interesante. Aproveitamos para que nos fale da súa traxectoria e dos novos proxectos. Agasállanos coa lectura dun poema da súa autoría.

Continuamos na segunda hora co noso correspondente XOSE M. F. MONTES, en Monforte de Lemos. A súa sección QUEN CHE PREGUNTOU? está composta por dúas sub-seccións chamadas "Os TOP das noticias semanais" e "Retranca para todos e algunha cousa de comer". Neste podcast podedes escoitar a súa crónica escollida. Envíanos a súa "viñeta creativa" relacionada, coma sempre, con algunha das intervencións ou noticias emitidas no programa. Nesta ocasión "Pura Salceda".

Precisamente a nosa poeta Pura Salceda é a seguinte entrevistada, que nos fala da publicación da súa primeira novela titulada: "O paxaro de Nácara". Un traballo que nos describe ela mesma na conversa que mantemos neste apartado final do programa de hoxe. Convida a tódolos oíntes e seguidores para que se acheguen o próximo día 7 de decembro á Sé da Asociación C.G.Rosalía de Castro, onde se fará a súa presentación 1ª en Cataluña. Tamén aproveitarán para poder mercalo. ¡Moitas grazas, Pura!

E finalizamos a emisión de hoxe desexando que volvan a conectarse con nosoutros o vindeiro xoves á mesma hora.

XOVES 31 de OUTUBRO do 2019

Comezamos outra emisión máis de "Galegos no BAIX" conectando con Galicia para falarmos con BALBINA - Silvia Cerneira - Que é voz do Grupo musical "A Banda da Balbina". Escoitamos unha peza musical do Grupo e falamos con ela da creación do Grupo, da traxectoria e dos concertos así como das súas composicións e do ultimo CD : "Con cebola ou sen cebola". Agradecémoslle a súa participación no noso programa de hoxe e prometémonos voltar a conectar con eles para que nos sigan a informar das súas novidades, desexándolles moitos éxitos.

A segunda entrevista é coa poeta "Emilia Martínez Fuentes", que nos fala da súa poesía e det+emonos a comentar un bocadiño do seu libro: "Lendas e versos". Tamén nos fala do próximo libro que levará por título: "Bágoas de sangue". Agasállanos coa lectura de dous poemas da súa autoría, que agradecemos moi afervoadamente.

Na segunda hora conectamos con Monforte de Lemos para recibir a crónica do noso correspondente Xosé Manuel F. Montes, encargado da sección Quen che preguntou?, a cal está dividida en dúas sub-seccións: Os TOP da semana, relativos ás novidades escollidas por el e Festas e aglo de comer, xunto coa Retranca para todos, que nesta ocasión vai moi en consonancia coas celebracións relativas ao mes dos Santos e outros aconteceres, como poden ser as frases que se empregan nas condolencias. Aquí lles amosamos a viñeta que hoxe nos confeccionou.

Despois falamos con Fernanda Follana Neira, que tamén fai a súa participación informativa e novidosa, moi interesante, relacionada coa zona  dos Ancares e tamén de O Courel, que visitou moi recentemente e fainos un pequeno percorrido pola zona.

E despedímonos ate o vindeiro xoves...

XOVES 24 de OUTONO do 2019

Outro programiña de dúas horas en galego. Comezamos falando con Montse González Álvarez "Magadán", poeta galega, coordinadora de Normalización Lingüistica e dinamizadora de moitos eventos culturais. Conversamos con ela sobre varios aspectos das súas actividades e moi concretamente da presentación do libro "Manchas de frio", de Sonia Arias (a quen entrevistamos en días atrás). Agasállanos co recitado dun poema da súa autoría, que lle agradecemos.

A segunda entrevista-conversa é con Guillerme Fernández, músico-guitarrista do Grupo "De Vacas", que moi amablemente nos atende e cóntanos parte da traxectoria deste Grupo musical galego (con moita retranca) que ven de ter un grande éxito no "Festival Internacional de Humor de Santa Fé", Granada. Tamén nos comenta varios aspectos deste Grupo musical galego que emprega a súa creatividade con moito éxito. Agradecémoslle a súa aportación no noso progama de hoxe.

Aproveitamos uns minutiños para darlles cumprida información sobre as actividade previstas para os meses de Novembro e Decembro, da A.C.G. Rosalía de Castro, de Cornellà.

Na segunda hora, como cada semana, conectamos co noso correspondente na capital da Ribeira Sacra: Xosé Manuel F. Montes, encargado da sección Quen che preguntou? e fainos un percorrido polos TEMAS TOP, en primeiro lugar e prosigue coa sub-sección "Retranca para todos e algo de comer", combidándonos a asistir a algunhas das Festas gastronómicas previstas para esta fin de semana en Galicia. Finaliza con varias "frases feitas" de salutación, moi galegas. Tamén nos envía a súa aportación creativa en forma de viñeta, alusiva a un comentario da nosa correspondente Fernanda, relacionado co traballo realizado por un empresario de Becerreá.

Despois conectamos con Fernanda Follana Neira, a nosa correspondente nos Ancares, que tamén ten elixidos algúns temas de actualidade naquela contorna. 

E despedímonos ate o vindiero xoves á mesma hora. Agardamos poder contar coa vosa atención. ¡Que teñan unha feliz semana!

XOVES 17 de OUTUBRO do 2019

Outro programiña máis con todos vosoutros. Comezamos conectando con Galicia para falar con PATRICIA GAMALLO, do grupo de música tradicional galega "Habelas Hainas". Cóntanos a súa creación, as galas e concertos nos que participaron este verán, a formación composta por catro donas: Sandra Tamayo, Arantza Alfaia, Jara Ortiz e ela mesma, Patricia Gamallo... dámoslle un vistazo ao seu primeiro disco titulado "Livres e Loucas", dinos cómo son as súas cancións e interpretacións, e termina falándonos da próxima edición dun segundo CD que seguro se publicará a finais deste ano ou comezos do 2020, que estaremos atentos para poder ofrecerlles a noticia aos nosos oíntes e seguidores. Despedímonos escoitando unha das súas creacións musicais.

A segunda intervención é con YOLANDA LOPEZ LOPEZ, escritora, traductora e docente, con quen falamos da súa traxectoria creativa e da próxima presentación do seu libro: "A secuestradora de océanos" moi interesante a charla.coloquio.entrevista que mantivemos con ela. Despídese de todos nós agasallándonos coa recitación de varios poemas, curtiños pero intensos, da súa autoría. Agradecémoslle a súa amable atención e desexámoslle moitos éxitos.

Aproveitamos para informarlles das diferentes actividades que ten previsto realizar a nosa A.C.G.Rosalía de Castro, dende o mes de outubro ata mediados do mes de decembro. 

Na segunda hora comezamos conectando con UBALDO PÉREZ, do Restaurante "Los Ancares", na rúa Robrenyo de Barcelona. Aproveitamos para felicitalo, xa que segue a celebrar a "Festa gastronómica mensual" no seu Restaurante, e neste mes ten previsto realizala concretamente o día 20, e está adicada a un dos pratos máis emblemáticos galegos: "Cocido Galego". Ahí vos deixamos o cartel anunciador.

Voltamos a insistir nas informacións relacionadas coas Actividades da A.C.G.Rosalía de Castro de Cornellà, que comezaron o día 13 de outubro coa Festa da Empanada, xunto cos de Xuntanza e o Centro ASturiano de Barcelona, e finalizan (dentro do calendario presentado) o día 15 de decembro, coa entrega de Premios para o campionato de tute e xogos de mesa.

A última intervención é coa nosa correspondente nos Ancares Lugueses, Fernanda Follana Neira, que ten preparada a súa crónica informativa relacionada con algunhas novidades e propostasa interesantes na zona.

Agradecémosvos a vosa fidelidade e desexámosvos que teñades unha feliz semana. Agardamos que volvades a conectar con nosoutros o vindeiro xoves á mesma hora.

XOVES 10 de Outono do 2019

Comezamos outro programiña máis, como cada semana, dándolles a ben-vinda a tódolos nosos oíntes e seguidores. Saúdos de rigor, como ten que ser, e escoitamos unha peciña musical.

A continuación poñemonos en contacto con JOEL PADIN, un xoven artista que canta extraordinariamente ben a nosa música tradicional galega, e toca a pandeireta e o tambor cunha virtuosidade excelente. Saudámolo e el mesmo fainos unha pequena semblanza da súa persoa. Mantemos unha conversa moi amena e así coñecemos un pouco máis a este grande artista ao que lle desexamos moitos éxitos e que pronto nos deleite con algunha gravación. 

Despois falamos coa nosa grande amiga Carmen Penim, que nos adianta a pronta publicación dun CD seu que levará por título "Cantos de Terra e Sal", do cal escoitamos un primeiro tema, en primicia para tódolos nosos oíntes e seguidores. ¡Moitas grazas, Carmen!

A segunda hora, como case sempre, continuámola coa sección QUEN CHE PREGUNTOU? do noso correspondente, Xosé Manuel F. Montes, na capital da Ribeira Sacra, Monforte de Lemos. Ten dous apaatados: 1º Os tema TOP da semana, que debulla certas novidades escollidas por el para amosarnos e un 2º que titula "Retranca d¡para todos e algo de comer". A súa crónica está moi ben estructurada e chea de abundante información e noticias, Ademais acompaña a súa aportación coa viñeta semanal, que últimamente ven tendo un exitazo de visualización, compartición e interacción con moitos  dos nosos escoitantes e seguidores. 

Xa no final do programa falamos con SONIA ARIAS LÓPEZ, escritora e poeta galega. Agradecémoslle a súa amable atención y coméntanos un chisco, parte da súa traxectoria creativa, a publicación de dous dos seus últimos libros: "Campos de batalla" e "Manchas de frío". Posiblemente teñamos a oportunidade de poder disfrutar da súa presencia en Barcelona e aproveitariamos para coñecernos persoalmente. ¡Moitos éxitos, Sonia!

E acabamos a emisión de hoxe, desexándolles que teñan unha feliz semana e que volvan a sintonizarnos o vindiero xoves á mesma hora.

XOVES 3 de OUTUBRO do 2019

Un programiña máis con todos vosoutros. Comezamos conectando con Galicia, concretamente con LUÍS CHAPELA BERMÚDEZ, un poeta e escritor da Península do Morrazo, con que falamos para darlle as nosas máis expresivas grazas polo agasallo que nos fixo. Consiste nunha peza de cerámica que representa un Dolmen. Unha honra para nós que nos distinga coa súa amizade. Tamén nos fala da súa traxectoria creativa e finaliza agasallándonos coa declamación dunha das súas ultimas poesías.

Despois falamos con Agurtzane Estrada que nos pon ao corrente da Asociacióna "Sentimientos de Cristal". Tamén falamos con Iñaki Urdargarín Iraeta, Presidente desta Asociación. Unha conversa moi amena e que nos serve para coñecer un bocadiño máis os seus obxectivos. Tamén escoitamos algunha anécdota que aproveita o noso extraordinario correspondente na capital da Ribeira Sacra, Xosé Manuel F. Montes, para enviarnos a súa viñeta alusiva precisamente ao programa de hoxe.

Continuamos, na segunda hora, coa entrevista ao grande Humorista Gráfico Galego XAQUIN BIEITO MARÍN FORMOSO. Unha persoa moi admirada polo seu traballo ilustrativo e creativo inmenso. Non cabemos en nós mesmos de gosto e pracer ao contar coa súa desinteresada atención connosco. As nosas verbas son poucas para agradecer a súa fermosa aportación ao noso humilde programa de hoxe. Eu mesmo recoñecía que non sabía cómo dirixirmen a el para facerlle a entrevista. Xaquín Marín, definido como o humorista más relevante despois de Castelao, segundo a Tese de Doutoramento de Félix Caballero, defendida no 2015, co  título "Xaquin Marín, innovación e tradición no humor gráfico galego. Fálanos da súa traxectoria creativa e coméntanos que está a traballar na pronta edición dun libro que recolle a maior parte das últimas ilustracións pulbicadas en diversos medios. O seu labor e ben recoñecido a nivel internacional e diariamente fai a súa interesantísima ilustración no xonal "La Voz de Galicia". Agradecémoslle a súa amable atención e contamos voltar a falar con el en vindeiras datas. 

Finalizamos o programa falando coa nosa correspondente nas terras dos Ancares Lugueses, Fernanda Follana Neira, que nos deleita coa súa aportación de corresponsal con moita paixón e especificidade, sempre relacionada con aquelas terras Ancaresas. Tamén nos comenta algunha cousa que fai referencia a súa paixón deportista, e como non menciónanos renomeados atletas galegos que veñen de acadar grandes éxitos, como o velocista Adrián Ben Montenegro e a saltadora Ana Peleteiro Brión. Non podían faltar as súas recomendacións sendeiristas para disfrutar non só da paisaxe. Escoitádea neste "podcast".

E despedímonos ate o vindeiro xoves, á mesma hora. ¡Non faltedes! Prometemos ofrecerlles outro programa interesante.

XOVES 28 de SETEMBRO DO 2019

2º Programa desta tempada 2019-2020, que encetamos saudando a visita que nos fai o noso amigo e colaborador ANTONIO DÍAZ,

Director da Revista Lua Nova e coordinador de moitas actividades naAsociación Cultural Galega Rosalía de Castro de Cornellà. Adiantamos a noticia de que en vindeiras datas procederemos a conceder un agasallo donado polo "Restaurante Ancares" de Barcelona, concretamente na rúa Robrenyo. Consistente nunha cea para dúas persoas de entre todos aqueles oíntes e seguidores que se poñan en contacto connosco polos medios que xa coñecen: Facebook, Páxina-Blog do programa ou Wassap (689 696 171). E despois de escoitar un bocadiño de música poñémonos en contacto con XABIER DÍAZ,

ese grande músico, profesor e cantautor galego, que nos fala dos éxitos obtidos neste verán nos múltiples concertos ofrecidos pola xeografía galega, nacional e estranxeira. Tamén nos pon ao corrente das próximas actuacións e da edición dun novo CD que posiblemente presentarán en Barcelona no mes de marzo do 2020. Agradecémoslle a súa participación de hoxe no noso humilde programa. 

A segunda intervención tamén está relacionada coa música, posto que nos poñemos en contacto con Juan Amil, un productor e cantante galego que despois dos dous ultimos CD que ten xa publicados, de grande repercusión entre os cativos: ChuchesAmil, adiántanos a próxima presentación dun Cd que leva por título: Popsía. Xa sabemos un chisco da súa traxectoria. En vindeiras datasa voltaremos a falar con el para que nos informe máis polo miúdo do seu traballo.

Na segunda hora conectamos, como cada semana, co noso correpondente en Monforte de Lemos, Xosé Manuel F. Montes, para que nos faga a súa colaboración, dentro da sección QUEN CHE PREGUNTOU? que dende o comezo desta nova tempada está dividida en: Temas TOP da semana e Retranca para todos e algo de comer, ofrecéndonos a súa escolla tan interesante. Tamén nos envía a súa aportación artística en forma de viñeta, relacionada con algún tema tratado no programa. Nesta ocasión fai referencia ao primeiro entrevistado de hoxe: Xabier Díaz. ¡Moitas grazas, Xosé Manuel!

E para finalizaar conectamos novamente con Galicia, coa nosa correspondente nas terras dos Ancares Lugueses, para recibir a aportación da nosa correspondente FERNANDA FOLLANA NEIRA. Unha crónica moi cultural e interesante.

A vindeira semana máis. Non deixen de sintonizarnos.

XOVES 19 de SETEMBRO do 2019

Nova tempada: 2019-2020.

Comezamos dándolles a ben-vinda a tódolos nosos oíntes e seguidores. E conectamos con Galicia, concretamente con Guido Alvarez Parga, un Guia Oficial de Turismo na cidade de Lugo, que nos pon ao corrente da súa traxectoria e dos seus proxectos para coñecer con máis detalle a cidade amurallada.  Unha conversa-entrevista moi aclaridora e chea de ensino. Agradecémoslle a súa aportación neste primeiro programa da tempada, que inauguramos con el e que desexamos poidamos continuar aprendendo coas súas explicacións e coñecemento pormenorizado de Lugo. En vindeiras ocasións voltaremos a falar con el para que nos siga axudando a coñecer máis, polo miúdo, esta cidade e outras moitas cousas que el domina. ¡Parabens Guido!

A seguinte comunicación é con MERCHI ÁLVAREZ FERNÁNDEZ, Presidenta de GALICIAME, que nos informa das moitas actividades que desenvolveron durante o verán e adiántanos algunhas cousas a celebrar na "V GALA-Xantar de GALICIAME" prevista para o día 6 de decembro. Un grande evento que ten como finalidade xuntar a unha morea de persoas implicadas coa recolecta de ingresos para a "2ª BECA de investigación para o AME". Tamén nos informa desa proposta educativa que denomina "RESILIENCIA" para este curso 2019-2020, na que está moi implicada e que seguro será un incentivo fermoso para os alumnos-as dos Salesianos de Cambados. Agradecémoslle a súa portación e en vindieras datas voltaremos a comunicarnos con ela para que nos dea máis detalles sobre os concertos dos artistas que participarán na GALA. Desexámoslle moitos éxitos.

Como viña sendo habitual no noso programa, a segunda hora comezabamos co noso correspondente na Ribeira Sacra, Xosé Manuel F. Montes, encargado da sección QUEN CHE PREGUNTOU? Hoxe comeza con algunha novidade relacionada coa súa intervención e que dividirá en dúas partes: 1ª Os TOP da semana e 2º A nosa retranca e algo para comer. Na primeira falanos das novidades escollidas da semana e na segunda ademais dos ditos, frases e ditos populares con retranca, incorporará e sinalizará algunha das Festas Gastronómicas que se poden disfrutar. Rematará, como viña facendo en edicións anteriores, coa súa aportación en forma de viñeta alusiva a algún dos temas tratados no programa, e que nos tentaremos de comparatir con todos vosoutros, alomenos neste blog. A de hoxe fai referencia á despoboación rural galega (con retranca, claro).

E antes de finalizar o programa de hoxe voltamos a conectar con Galicia, con FERNANDA FOLLANA NEIRA, que nos presenta a outro profesor, don Ramón Gutiérrez, especialista en arquitectura románica. Fannos unha sucinta descrición das diversas igrexas románicas que se poden admirar por aquelas contornas de Becerreá, As Nogais, Baralla... ... etcétera, verdadeiras xoias merecentes da nosa mención neste humilde programa. Agradecémoslles a súa amable atención e explicacións tan ilustrativas, que nos axudan a coñecer un chisco mellor o noso patrimonio.

O vindeiro xoves voltaremos a ofrecervos outro programiña máis. Dúas horas de Radio en galego, para que poidamos coñecer algunha cousa máis do noso entorno galego. ¡Grazas por seguirnos!

XOVES 27 de San Xoan do 2019

Ultimo programa 2018-2019

O ultimo programa desta tempada 2018-19, que facemos coa presenza nos estudos do noso amigo, Antonio Díaz Fernández  e director da Revista LÚA NOVA, ademais de correspondente do Xornal Galicia no Mundo. A verdade é que tiñamos previsto realizar unha emisión destacada para finalizar a tempada. As propostas que tiñamos pensado fóronse cumplindo e así decorrer o programa de hoxe: En primeiro lugar desplazámonos a Lubián, para falar con Jonathan, Director da "Banda de Gaitas As Portelas", nesa localidade Zamorana, raiana e chea de musicalidade. Agradecémoslle a súa amable atención e información moi detallada sobre os próximos acontecementos previstos para este verán. Desexámoslle moitos éxitos e prometémonos voltar a comunicarnos con el na vindeira temporada.

A seguir conectamos novamente con Galicia, concretamente con Castro Caldelas, para falarmos coa súa Alcaldesa, dona Sara Inés Vega Núñez, a quen felicitamos por ter acadado maio´ria absoluta nas recén pasadas eleccións. Fainos unha "crónica" pormenorizada das moitas actuacións que realizaron na anterior lexilatura e adiántanos algunhas das próximas propostas que ten previsto realizar para mellora desta localidade declarada como un dos mellores e máis belos pobos de España. Agradecerlle que nos atenda tan cordialmente e desexarlle que continúe acadando éxitos.

Conectamos co noso correspondente Xosé Manuel F. Montes, que aproveita para saudarnos e despedirse ate a vindeira tempada que seguro voltaremos a contar con el na súa sección QUEN CHE PREGUNTOU? e coa que sempre temos unha colaboración interesantísima.

Despois falamos con don Santiago Lorenzo Sueiro, que nos fala da próxima inauguración dunha das etapas do Camiño de Santiago prevista para o día 21 de setembro, que será entre Hostalrich e Sant Celoni, de tan só 19 quilómetros, Facilítanos un enderezo para poder apuntarse e participar nesta andaina xacobea: lblanco@alianzagalega.org. Tamén nos informa da súa faceta radiofónica os sábados ás 6 da tarde co seu programa: A hora de SUEIRO. Felicitámolo e desexámoslle ´´exitos.

E para finalizar esta tempada comentamos con Antonio Díaz Fernández a publicación da revista irmá de Lua Nova con motivo da Festa de Can Mercader, Tamén damos a coñecer a convocatoria do XXXIII Certame de Poesía Rosalía de Castro, que ten de plazo ate o 15 de Outubro deste ano. 

Despedímonos ate o vindeiro 19 de SETEMBRO que comezaremos a próxima tempada 2019-20, na que vos prometemos incorporar novidades interesantes para mellorar un chisco esta nosa emisión de dúas horas en galego. Desexámosvos que teñades un fermoso verán. ¡Disfrutade e sede felices!

Xoves 20 de San Xoan do 2019

Comezamos este programa de hoxe, despois das salutacións oportunas, conectando con Galicia para falarmos con Daniel do Pando, un mestre do "Birimbau" ou "Trompa de boca". Infórmanos das súas preferencias, da súa traxectoria, dos cursiños que impartiu e que seguirá impatindo. Agradecémoslle a súa participación no noso programa de hoxe.

A segunda conexión é tamén con Galicia, para entrevistar ao artista polifacético XOAN CURIEL, que ven de presentar o seu ultimo Disco que leva por título: "Canta miña pedra, canta". Un libro CD que publica na Editorial Galaxia, Homenaxe a Antón Fraguas, a quen se lle adican as Letras Galegas deste 2019, e que está a ter moitos éxitos. Tamén nos informa das seguintes actuacións e presentacións que ten previsto para próximas datas. ¡Moitos éxitos, Xoan!

Continuamos na segunda hora conectando co noso correspondente, Xosé Manuel F. Montes,  na Capital da Ribeira Sacra: Monforte de Lemos. Felicitámolo por ter acadado unha concellalía en Quiroga e desellámoslle que teña moita sorte nesta nova andaina. Tamén nos envía os seus "Me Ghusta" e "NON me ghustan", relacionados coas novidades que escolleu para hoxe. E finaliza a súa crónica facendo algunha recomendación de lecer para esta fin de semana. Nesta ocasión coincide coa "Festividade do Corpus" en Galicia, e destaca a "Festa do Boi" en Allariz. Noutras ocasións acostuma a agasallarnos cunha viñeta relacionada cun algún contido do programa... ...

A ultima conexión é novamente con Galicia para recibir a crónica da nosa correspondente nos Ancares, que nos fala do bo "xantar" que se pode degustar no "Caserío de Meiroi", a uns 5 quilómetros de Navia de Suarna. Unha granxa ecolóxica que no ano pasado sofriu un incendio, pero os seus propietarios decidiron instalar unha carpa para poder atender mellor aos clientes, namentras non se rematan as obras de restauración. Paga a pena visitalos e disfrutar deste establecemento. Tamén nos recomenda unha ruta de senderismo moi interesante.

Despedímonos ate o vindeiro xoves á mesma hora, ¡Que disfruten dunha grande Festa de San Xoan!

XOVES 13 de XUÑO do 2019

Outro programa máis con todos vosoutros. Comezamos escoitando unha peza musical do Grupo "De Ninghures", precisamente para darlle a ben-vinda a Aldara Palmeiro Pazos, violinista e fermosa voz deste grupo musical. Aténdenos moi amablemente e coméntanos a composición deste grupo, as diversas actuacións realizadas, algún que outro Premio de certa importancia acadado (2º Premio no Festigal-2019), e previsións de próximos concertos, asi como outros detalles deste Grupo tan interesante. Agradecémoslle a súa aportación no noso programa de hoxe.

Despois falamos coa "Poeta Labrega" Ana Vila Portomeñe, que nos pon ao corrente da súa traxectoria creativa e literaria. Agasállanos coa lectura de varios poemas recollidos en sendos libros publicados por ela mesma. Foi unha honra poder escoitala e disfrutar das súas creacións poéticas, en directo.

A seguir conectamos novamente con Galicia, concretamente coa nosa correspondente nos Ancares, Fernanda Follana Neira, que nos ten preparada a súa crónica semanal relacionada con curiosidades e  acontecementos daquela zona.

E finalizamos a emisión de hoxe felicitando á nosa amiga Merchi Alvarez Fernández, Presidenta da Asociación GALICIAME. Acaban de realizar a "IV Andaina solidaria de Galiciame" cos de Corvillon Xironsa na que participaron máis de catrocentas persoas, e tiveron de padriños aos locutores da TVG Xosé Ramón Gayoso e Diana Nogueira. As actividades que están a preparar dende a Asociación van camiño de acadar moitos éxitos e posiblemente consigan que a Sanidade pública se faga cargo dos Fisioterapeutas que precisan as persoas que padecen a Atrofia Muscular Espinal. Ogallá cheguen a bon fin esas negociacións.

E así foi o programa de hoxe. Agardamos que o vindiero xoves volten a conectar con nosoutros, para disfrutar doutras dúas horiñas de radio en galego. ¡Sexan Felices!

XOVES 06 de XUÑO do 2019

Comezamos o programa dándolles a ben.vinda e ofrecéndolles escoitar un bocadiño de música para poñerños en contacto coa nosa primeira convidada: Mar Lopez Sotelo, Antropóloga e educadora social, pero que ten unha dedicación especial pola Ribeira Sacra. Fainos partícipe da súa paixón e cariño pola Ribeira Sacra. Ten unha páxina no Facebook  redribeirasacra e outra no Twitter  marsoteloenred ademais dun fermoso e interesantísimo  BLOG persoal: redribeirasacra.blogspot.com.es con moitísima información para todos aqueles que desexen coñecer un pouquiño máis, polo miúdo, esta zona galega tan fermosa. Agradecémoslle a súa amable atención e prometémonos voltar a conectar con ela. 

Despois de escoitar un bocadiño da súa propia música conectamos con Madalena Gamalho Farinha, compoñente do Grupo Os Meninos, que nos informa, en primicia para tódolos nosos oíntes e seguidores, dese traballo musical que están a facer. Felicitámola e coméntanos un chisquiño a súa traxectoria, algunhas actuacións e próximos concertos que teñen previsto realizar, o máis inmediato na localidade portuguesa de Monçao. Desexámoslle moitos éxitos, e voltaremos a falar con ela no vindeiro mes de setembro, cando celebren o Festival: "CanteiraFEST" de Vilaboa. Grazas Madalena!

A segunda hora comezámola conectando co noso correspondente Xosé Manuel F. Montes, encargado da sección QUEN CHE PREGUNTOU?, que fainos a súa crónica cos "Me Ghustan e Non Me Ghusta" tan axeitados, para infomrarnos dalgunhas noticias en Galicia. Envíanos a súa colaboración artística en forma de viñeta, que compartimos con todos vosoutros e relacionada con algunha das cousas que nos comenta na súa intervención. Moi axietada, claro. Tamén nos fai algunhas recomendacións para visitar e disfrutar nesta fin de semana. Como se atopa na "Semana Verde de Silleda" fálanos da grandiosidade deste evento e indícanos que é unha boa ocasión para degustar o "Galo de Curral" que celebran en Vila de Cruces...

E para finalizar as nosas conversas temos a honra de entrevistar ao Concelleiro de Cultura de CEDEIRA, Quique Vázquez, que moi amablemente nos informa do "III Festival Galego-Portugués" que se celebra nesa localidade mariñeira chea de engado perante cáseque dúas semanas, xa que comezaron o día primeiro de XUÑO e rematarán a vindeiro día 9 coa actuación do grupo Cando D´Aquí (Braga) e da banda Vila de Cedeira no auditorio municipal, a partir das 19.30 horas. Enviámoslle os nosos parabens por esa laboura tan interesante e desexámoslles moitos éxitos de participación e de afluenza de público. 

E así decorreron estas dúas horiñas de radio en galego. A vindeira semana, o vindiero xoves. á mesma hora voltaremos. ¡Que pasen unha feliz semana!