XOVES 12 de ABRIL do 2018

Comezamos outra emisión de dúas horas de radio en galego, dándolles a ben.vida e ofrecéndolles unha peza de música para encetar a nosa primeira comunicación. Conectamos con don ALFONSO MIGUEZ, "Chef" do Restaurante "Manuel - Manuel" de Lugo. A conversa fai referencia ao seu traballo como chef e coordinador da cociña dese Restaurante emblemático na capital luguesa. Agradecémoslle a súa atención e desexámoslle que continúen colleitando éxitos.

Despois falamos con CRISTINA VALADO, unha poetisa afincada en Vigo que xa ten publicado un libro DIOSA DE FUEGO, e fálanos da súa traxectoria creativa e dos seus proxectos próximos. Está moi interesada en publicar outro libro de poesía, en galego, adicado ao rural, á terra, ao pobo. Agasállanos recitando dúas das súas creacións poéticas.

A segunda hora adicada á sección QUEN CHE PREGUNTOU?, a cargo do noso colaborador e correspondente XOSÉ MANUEL F. MONTES, que dende a Capital da Ribeira Sacra -Monforte de Lemos- sempre ten preparados os seus "Me Ghustan e Non Me Ghustan", relacionados coa realidade social galega, cultural e divertida. Agradecémoslle a súa aportación.

Nesta ocasión, aínda que ao final, pero non menos importante, poñémonos en contacto con MERCHI ALVAREZ, Presidenta de GALICIAME, que nos fala de informacións moi interesantes relacionadas coa investigación sobre AME e tamén nos convida a participar da "IV Festival Os Demos da Petaca" adicado a recaudar fondos para investigación concretamente. Desexámoslles moitos éxitos.

A vindeira semana voltaremos e agardamos que volvan a sintonizarnos. ¡Sexan Felices!

XOVES 5 de ABRIL do 2018

Comezamos o programa, despois do descanso das Festas de Semana Santa, con ánimos de ofrecerlles un programiña cheo de interese para todos vosoutros. A primeira intervención-entrevista é con don FRANCISCO NARLA, escritor e comandante de linea aérea, que acaba de publicar a súa ultima obra: LAÍN. EL BASTARDO. Unha novela histórica que está chea de intriga. Ponnos ao corrente dese seu traballo, con moita investigación e documentación para poñer en valor a figura do noso Trovador Galego Martín Codax. Fainos coller interese para poder mercala e lela. Avánzanos que estará na grande festa do libro do día 23 de Abril en Barcelona, asinando as súas obras. ¡Grazas!

A continuación conectamos novamente con Galicia para falar con dona CRUZ LÓPEZ, de Embutidos Lalinense, coa que mantemos unha moi interesante conversa relacionada cos productos que elaboran nesa Empresa que está a cumplir nada menos que 70 anos de existencia. Agradecémoslle a súa amable atención.

Na segunda hora damos paso á intervención do noso correspondente na Capital da Ribeira Sacra, XOSÉ MANUEL F. MONTES, encargado da sección QUEN CHE PREGUNTOU?, que coma sempre fainos un percorrido polos seus Me Ghustan e Non me ghustan, aproveitando algunhas das noticias máis destacadas e escollidas para os nosos oíntes e seguidores.

Antes de finalizar falamos con dona MARINA MARIA DOUTÓN, Concelleira de Cultura de Monforte de Lemos, que nos fala da recente celebración da XVI FEIRA Medieval que veñen de realizar os días 31 de Marzo e 1 de Abril pasados. Un grande éxito de asistencia e participación.

E acabamos desexando que pasen unha feliz semana, pero recomendándolles que volvan a sintonizarnos o próximo xoves á mesma hora.

XOVES 22 de MARZO do 2018

Un xoves máis con todos vosoutros. Comezamos conectando con Galicia para falar con Xurxo, Presidente da Asociación de Gaiteiros de Galicia, que se atopa en Arzúa, e como organizador da "Festa da Gaita Galega e Cantos de Taberna" que se celebrará nesa localidade o día 14 de ABRIL. Agradecémoslle a súa colaboración.

A segunda entrevista-conversa é con don FELICÍSIMO PEREIRA, Adegueiro e Enólogo na D.O.Ribeiro, que foi Presidente desa Denominación e que nos axuda a descubrir cómo teñen preparada a "55 Festa do Viño de Ribeiro" e tamén aproveitamos para que nos dea uns pequenos apuntes relacionados coa colleita do ano pasado e tamén das súas Adegas. Comprometémonos a voltar a falar con el en vindeiras datas.

Continuamos coa emisión, dsiculpando a non participación do noso correspondente Xosé Manuel, encargado da sección Quen che Preguntou?, pois ten certas obrigas persoais que atender. Aproveitamos pois para conversar con ALBERTE MONTES, Monologuista de prestixio galego-catalán. Fálanos da súa participación na Seire televisiva "FARIÑA", e tamén aproveita para comentarnos detalles da mesma.

Falamos despois con don LUÍS FERNÁNDEZ GUITIÁN, Alcalde do Concello de Sober, que nos pon ao corrente da celebración da "XXXVIII Feira do Viño de AMANDI", que este ano ten como pregoeira a Cristina Pato.

A ultima intervención-conversa é con ARNAU, da Casa Rural ASUMPTA, de Arzúa, que nos fala das excelencias desa vivenda Rural, dos cuartos, do lugar, da gastronomía que se sirve no seu Restaurante...

Despedímonos ate o próximo xoves, despois da Semana Santa. Desexamos que pasen unha felices festas.

XOVES 15 de MARZO do 2018

No programa de hoxe comezamos conectando con MARÍA SOLAR, periodista, locutora, presentadora e escritora coa que comentamos o éxito do seu libro: OS NENOS DA VARIOLA, novela que foi premiada como o mellor libro xuvenil do 2017, Agradecémoslle a súa colaboración e participación desinteresada que sempre nos dispensa.

A segunda comunicación é con XABIER VIZCAINO, cantautor galego que nos fala do seu ultimo traballo DIÁSPORA, que ten previsto presentar e facer unha xira por América, comezando por México próximamente, e despois ten previsto amosalo en España.

Despois aproveitamos para falar con BEATRIZ VILA FREIRE, que sempre ten noticias e novidades moi interesantes relacionadas con Lugo e moi especialmente coa Ribeira Sacra, onde ela ten o seu centro de operacións e destino oficial.

E rematamos o programa conectando cos de Míl Son's, que veñen de presentar unha grande actuación en Castro Caldelas. Xunto cunha morea de artistas e grandes interpretes veñen de realizar unha curtametraxe: "Este Vaise", ademais de actuacións en directo para presentar a Ribeira Sacra como Patrimonio da Humanidade na Unesco. Agradecémsolle a súa aportación.

A vindeira semana máis. Non deixedes de sintonizarnos.

8 de Marzo do 2018

Outro programa máis con todos vosoutros, tentando empregar estas dúas horiñas de radio para entretenemento e comunicación en galego, con todos vosoutros. Un bocadiño de música para ir adubiando as nosas verbas e comunicamonos co primero convidado de hoxe: XAVIER FEIJÓ, más coñecido por XISCO Feijó. Un maestro da interpretación e da música, grande colaborador con moitísimos artistas do eido cultural galego, que moi amablemente nos recibe. Agradecémoslle a súa participación e prometémonos voltar a falar con el.

A segunda conversa-entrevista é con Montse González, de Verso a Verso - Verso a Verso, que ademáis de informarnos dunha serie de novas tamén aproveita para declamarnos algunha creación poética. Graciñas, Montse. En vindeiras datas voltaremos a entrevistala.

Na segunda hora comenzamos coa conexión do noso correspondente XOSÉ MANUEL F. MONTES, que desde a capital da Ribeira Sacra - Monforte - leva adiante a sección QUEN CHE PREGUNTOU?

E para finalizar o programa de hoxe temos nos estudos a presenza de Ricard Ros, Martín Melendez, e Fernando Barroso, aos que lles agradecemos a súa visita e participación para poñernos ao corrente da grande festa que comeza hoxe en Sant Boi co "RUBRIFOLKUM 2018". Moitas grazas!!!

Despedimos o programa até a vindeira semana. Que sexan felices.

XOVES 1 de MARZO de 2018

Comezamos outro programiña máis de dúas horiñas de radio en galego. Despois de escoitar unha peza de música poñémonos en contacto con don Bienvenido Freire, da Panadería SALOMÉ, en Monforte de Lemos que veñen de acadar o posto 48 das 83 Panaderías máis importantes de España, segundo a revista Pan de Calidad: PANORAMA PANADERO. As 83 Panaderías de toda España seleccionadas na Ruta Española del Buen Pan. Felicitámolo e comentamos con el a súa traxectoria e o traballo diário que están a facer por conservar a forma tradicional de elaborar o pan e as Empanadas que lle están a dar tanta fama e prestixio. Desexámoslle que siga colleitando éxitos.

A segunda intervención é con don MANUEL VÁZQUEZ OSORIO, Presidente do Centro Galego NÓS de Sabadell, que nos informa da "IIIª Festa do LACÓN" que celebrarán os días 9, 10 e 11 de marzo próximos, e aproveitamos apra que nos poña ao corrente das actividades e celebracións que teñen previstas para próximas datas. Agradecémoslle a súa amable atención.

Continuamos, na segunda hora, coa intervención na sección QUEN CHE PREGUNTOU?, do noso correspondente na capital da Ribeira Sacra, Xosé Manuel F. Montes, que sempre ten preparada a súa aportación cultural e informativa moi interesante, en forma de "Me ghustan e Non me Ghustan", relacionadas cos acontecementos actuais na nosa comunidade galega e tamén aproveita para indicarnos algunha das celebracións importantes que se aveciñan para esta fin de semana: Festa do Queixo en Arzúa ou a Festa da Arribada en Baiona. Non se esquece de enviarnos a viñeta alusiva ao programa de hoxe, que nós compartimos aquí.

Finalizamos entrevistando a UBALDO PEREZ, do Restaurante "Los Ancares" na rúa Robrenyo,74-76 de Barcelona, para que nos informe da celebración da "Festa dos calçots 2018" que ten prevista para este domingo día 4 de marzo, na que ademais de servir os calçots, tamén haberá parrillada de carne, acompañado todo elo de bon viño galego, e de postre crema catalana, para finalizar con café e chupitos. Tamén terán actución musical e festiva con gaitas, acordeón, pandeiros e panderetas, para bailar despois de degustar estes sabrosos pratos. Agradecémoslle a súa amable atención e desexámoslle moitos éxitos.

E despedímonos ate a vindeira semana. ¡Non deixen de sintonizarnos e sexan felices!!!

XOVES 22 de FEBREIRO do 2018

Comezamos o programa dándolles a ben-vida e ofrecéndolles escoitar unha peza musical titulada "repoludo Gaiteiro", interpretada por Amancio Prada, pra recibir a Carlos Alonso Calderón, con quen falaremos dun gaiteiro que faleceu non hai moito tempo, daquelas contornas de Fonsagrada e arredores, concretamente de Armando Fernández, máis coñecido por "O Freixeiro", aldea da súa procedencia. Agradecémoslle a Carlos a súa aportación no programa de hoxe.

Para a segunda entrevista poñémonos en contacto con SALETA FEERNÁNDEZ, Atleta Monfortina, Campeona de España de Salto de Altura, que nos fala da súa traxectoria como deportista de élite. Grande profisional á que lle desexamos moitísimos éxitos.

Comezamos a segunda hora coa intervención do noso correspondente na capital da Ribeira Sacra, Monforte, Xosé Manuel F. Montes, encargado da sección QUEN CHE PREGUNTOU? que sempre ten preparados os seus "Me ghustan e Non me Ghustan" cheos de informacións moi ben escollidas e finaliza a súa intervención cunha descrición retranqueira do refraneiro galego, ademais de enviarnos a viñeta alusiva ao programa de hoxe, coa que homenaxea o pasamento de "Forges".

E finalizamos o programa de hoxe falando con Nieves Fernández Vidueira, a pastora-poeta e artista de Quintela do Pando (Viana do Bolo), que nos pon ao corrente do éxito acadado no Domingo Gordo en Viana do Bolo, coa posta en escea da montaxe espectacular do "Deus do Entrudio", portado por un conxunto extraordinario no que estaba representado o Castelo de Viana, o Aviador de Quintela e o Deus do Entrudio, confeccionado polos seus fillos e un grande equipo. ¡Parabens! Foron agasallados co Primeiro Premio do desfile polo Concello de Viana. Tamén comenta connosco parte da súa traxectoria profisional e falamos unchisco do seu labor confeccionando figuras con raíces de uz e outras árbores, coas que ten un "museo" de máis de cincocentas pezas. Tamén falamos dos seus poemas, que ela lle chama "rimas" e que nos aprezamos tanto e que deixamos para outro momento no que a comprometeremos que nos declame. ¡Moitas Grazas, Nieves!

Pasade unha feliz semana e non deixedes de sintonizarnos o vindeiro xoves, á mesma hora.

XOVES 15 de febreiro do 2018

Un programiña máis de dúas horas en galego con todos vostedes. Hoxe comezamos conectando con don GONZALO LOSADA COLMENERO, un galego de Xinzo da Limia, que vive en Calella dende hai tempo e que nos pon ao corrente da "Festa do Entroido" naquelas contornas, que ten como unha importante caracterísitica principal: as caretas que chaman "Pantallas" e fainos un percorrido pola súa celebración perante cinco semanas consecutivas. Unha conversa moi interesante que nos comprometemos a continuar en vindeiras datas, para que nos informe das moitas cousas que quedaron no tinteiro, nesta ocasión. ¡Graciñas Gonzalo!

A segunda conexión é con dona CARMEN PENIN, de "Herdeiras", que nos fala da súa traxectoria musical presentando ese traballo tan fermoso que mentamos no comezo e que está a acadar moitos éxitos e tódolos pobos e vilas nos que o presenta. Agradecémoslle a súa participación de hoxe.

Comezamos a segunda hora coa sección QUEN CHE PREGUNTOU?, a cargo do noso correspondente na capital da Ribeira Sacra, Monforte de Lemos, Xosé Manuel F.Montes, que comeza a súa intervención lendonos unhas coplas do remate do Entroido en Monforte e a seguir danos os seus Me Ghustan e Non me Ghustan de cada semana. Deixa para outra ocasión algo relacionado coas "presas". Tamén nos envía a súa creación en forma de viñeta, alusiva ao programa.

Finalizamos o programa de hoxe falando con Carlos Xavier, "CHEF do Restaurante "Merenzao". Ademais de facernos partícipe da súa grande profisionalidade que se ve reflexada ao incluír este Restaurante na Guía Repsol. Tamén nos informa de cando comezarán a seguinte tempada, xa que en tempo de inverno encerran e inaugurarán con moitas novidades na penúltima semana de marzo. Desexámoslle moitos éxitos e tamén nos propoñemos volatar a falar con el en vindeiros programas.

Que pasedes unha feliz semana. O vindeiro xoves aquí estaremos, outra vez.

XOVES 7 de FEBREIRO do 2018

Comeza o programa coas presentacións de rigor e a seguir conectamos con Galicia para falar con Óscar Sotelo "Frebas", autor do libro "Entruidos e Máscaradas na Galiza", para que nos comente as súas impresións sobre os Entroidos Galegos. 

A segunda entrevista é con dona LAURA ESTÉVEZ, das Bodegas e Viñedos Estévez, no Bierzo, que serán os encargados de suministrar o viño para o "XV Festival do Botillo" en Cataluña, organizado por ASOBECAT (Asociación de Bercianos en Cataluña). Agradecémoslle a súa participación.

Na segunda hora comeza a sección QUEN CHE PREGUNTOU? que leva adiante o noso correspondente Xosé Manuel F.Montes, en Monforte de Lemos. Inicia a súa intervención cos seus Me Ghustan e Non me Ghustan, para finalizar coas súas frases recollidas e interesantes. Envíanos tamén a súa creación dibuxada alusiva ao programa de hoxe.

A ultima intervención é coa Sña.Paloma, da "terra da carqueixa", que nos fala do seu traballo relacionado coas Androllas e outros produtos que se mercarán na Festa da Androlla en A Fonsagrada.

E despedímonos ate a vindeira semana. Non deixedes de sintonizarnos e que sexades felices!!

XOVES 1 de FEBREIRO do 2018

Comezamos unha nova emisión de dúas horas de radio en galego. A primeira intervención é con don Gabriel, compoñente do Grupo BRIGAN FOLK, que veñen a presentar o seu ultimo traballo titulado "Rua San Giacomo", un disco confeccionado con música fusionada do sur de Italia (Nápoles) e Galicia. Presentarase primeiramente na Ronda Barcelona, na c/ Consell de Cent 382. Agradecémoslle a súa participación no noso programa.

A segunda conversa.entrevista é coa nosa amiga MERCHI ALVAREZ, Presidenta de GALICIAME, que nos pon ao corrente das diferentes novidades relacionadas coa AME e coas súas inquedanzas. Para nosoutros é un verdadeiro pracer contar coa súa colaboración desinteresada.

En terceiro lugar poñémonos en contacto con don JOSÉ FERNÁNDEZ FERNÁNDEZ, Ilmo.Alcalde do Concello de Navia de Suarna, que nos fala de diferentes aspectos desta vila luguesa. Entre outras cousas fálanos da próxima Festa da Androlla, que este ano chega á súa XXVIII edición. 

Na segunda hora continuamos a nosa emisión coa intervención do noso correspondente na capital da Ribeira Sacra, Monforte de Lemos, Xosé Manuel F.Montes, encargado da sección QUE CHE PREGUNTOU?, e que sempre ten preparadas moitas e interesantes noticias que el mesmo nos debulla cos seus ME Ghustan e Non Me Ghustan, acabando a conversa cun refrán. Tamén nos agasalla coa súa creación en forma de viñeta alusiva ao programa de hoxe.

Despois conectamos con OSCAR DE SOUTO, escritor e poeta do batallón poético da Costa da morte. Agradecémoslle a súa participación no noso programa de hoxe.

E despedímonos ate a vindeira semana. Non deixedes de conectarnos.

Xoves 25 de xaneiro do 2018

Comezamos esta nova emisión de dúas horas en galego conectando con Badalona, para falar con MERI Rodríguez, responsable da Secretaría da A.C.G.Agarimos, e Profesora do Grupo de Gaitas e Danzas da Entidade, para que nos fale dese evento que teñen previsto realizar o vindeiro día 27 deste mesmo mes no Centre Civic La Salut: Actuación Didáctica. Agradecémoslle a súa aportación no programa.

A segunda intervención é con TOÑO NÚÑEZ, Poeta lugués, co que mantemos unha pequena conversa sobre a súa traxectoria creativa e outras interesantes novidades.

Continuamos a segunda hora conectando co noso correspondente na capital da Ribeira Sacra, Monforte. Xosé Manuel F.Montes, fainos a súa crónica habitual de cada semana aportando ademais os seus "Me ghustan e Non me Ghustan" ademais das recomendacións para as fins de semana entrantes, e que son tan apetecibles. Ademais recibimos a súa creación en forma de viñeta, alusiva a algunha parte da emsión de hoxe.

A seguir conectamos con Rubén, pero neste caso a equivocación, en directo, é de resaltar non só polo "descuido" senón tamén porque non é este o "interfeuto" a quen tiñamos que entrevistar, senón o barbeiro-peluqueiro de Armando, que nos salta, sen querer, na conversa. A imaxe alusiva ao mesmo é a que nos envía o noso correspondente Xosé Manuel... Mil disculpas aos nosos oíntes e seguidores!!!

Agora sí que falamos con RUBÉN, da Casa Castelao, en A Fonsagrada. Comentamos a celebración da "XXI Feira do Butelo" nesa localidade. Coméntanos as novidades relacionadas con esa empresa que el mesmo rexenta e ademais de agradecerlle a súa colaboración despedímonos desexándolle moitos éxitos a el e a esa Feira do Butelo prevista para os vindeiros días 3 e 4 de Febreiro.

¡Moitas grazas por seguirnos, queridos oíntes! A vindeira semana prometemos voltar.

XOVES 18 de xaneiro do 2018

Comezamos un novo programa de dúas horiñas de radio en galego, desexando que sexa do voso interese. A primeira comunicación-entrevista é con dona SARA INES VEGA NÚÑEZ, Alcaldesa do Concello de Castro Caldelas (Ourense). Infórmanos, moi polo miúdo, da celebración da "Festa dos Fachós" nesa Vila galega que tanto aprezan a recuperación e mantemento do tradicional. Agradecémoslle a súa aportación neste noso programa e desexámoslles moitos éxitos.

A segunda conexión é con ANTÓN DE GUIZÁN, un poeta de Guitiriz, que nos pon ao corrente das actividades poéticas e culturais que están a levar a cabo nesa vila lucense. Destaca a realización do concurso de "Vilariñas" ás que se poden presentar todos os que o desexen, xa que o prazo remata no mes de abril próximo. Nas dúas páxinas que teñen abertas a tódolos públicos podedes atopar as bases e o enderezo para participar e disfrutar.

na segunda hora temos que disculpar a presencia do noso correspondente Xosé Manuel, encargado da sección Quen che Preguntou? que hoxe non pode estar con nosoutros. En pago da súa participación temos o pracer de conectar con Yoseba M.P., un "muralista", Profesor de Pintura. Unha persoa moi interesante e que está a ter moita repercusión mediática polo seu traballo tan interesante. Agradecémoslle a súa participación no noso programa de hoxe.

Falamos con JUAN PEDRO SÁNCHEZ, Presidente da Asociación de Bercianos en Cataluña (ASOBECAT), que nos adianta a celebración do "XV Festival de Botillo en Cataluña", para o vindeiro día 17 de febreiro. Farán a presentación e rolda de Prensa no Hotel Front Air de Sant Boi, esta mesma fin de semana. O prezo do menú será o mesmo de anos anteriores así como o lugar de celebración, o mencionado Hotel Front Air de Sant Boi. Seguiremos informando en vindeiras datas.

A ultima entrevista é con ROSA GONZÁLEZ, compoñente do Grupo Folk DONICELAS, de Salceda de Caselas, coa que mantemos unha conversa moi amena e chea de interesantes noticias relacionadas coa súa traxectoria e co traballo que están a realizar. Despois de agradecerlle a súa atención de hoxe, comprometémonos a voltar a contactar con elas para que nos sigan informando da súa traxectoria musical.

A vindeira semana máis. non deixedes de sintonizarnos.

Primeiro programa do ano 2018

11 de XANEIRO do 2018

Comezamos o programa dándolles a ben-vinda e escoitando unha peciña musical para saudar á nosa primeira convidada CARMEN VÁZQUEZ, en Porto do Son e nai de Tiago, que padece AME e foi o primeiro neno (de tres aniños) que acaba de ser tratado con esa menciña tan cara e que está a ter uns resultados moi satisfactorios. Agradecémoslle a súa aportación neste noso programa e seguiremos a súa traxectoria.

O segundo contertulio, entrevistado, é XURXO ALBA, que dirixe a Adega ALBAMAR, de Castrelos (Cambados). Unha conversa moi interesante que nos fai partícipe da súa paixón pola viticultura e prometémonos voltar a conectar con el para que nos informe do proxecto que ten con varios amigos para amosar os praceres do viño nun acontecemento que se celebrará no mes de Abril en Barcelona e que leva por título "Vinos off the record", e que xa ofreceron en Madrid. Estaremos atentos para que nos informe con máis detalle en vindeiras entrevistas.

Na segunda hora conectamos co noso correspondente na capital da Ribeira Sacra -Monforte de Lemos- XOSÉ MANUEL F. MONTES, encargado da sección QUEN CHE PREGUNTOU? e que sempre ten preparados os seus "Me Ghustan" e "Non me ghustan" moi ben escollidos e cos que nos aporta certa documentación e información precisa sobre eles. Tamén nos fai unha recomendación para visitar e disfrutar en Galicia, referida a algún acontecemento relevante ou Festa importante. Nesta ocasión é a "Festa dos Fachós en CASTROCALDELAS" para a vindeira fin de semana, concretamente o día 19 de xaneiro a partir das 19:45horas.

A última intervención-entrevista é con don LUÍS VILLARES, responsable da formación política "En Marea", con quen mantemos unha conversa moi interesante e prometémonos voltar a retomala en vindeiras datas, para ampliar os nosos coñecementos coas propostas que ofrecen para os cidadáns.

Despedímonos ate o vindeiro xoves e agardamos que volvan a sintonizarnos.