XOVES 25 de XANEIRO do 2024

Un programa máis con todos vosoutros. Comezamos coa nosa sintonía de cada semana e despois das salutacións escoitamos unha peza do ultimo CD de LELÍA, para recibir á poeta TERESA RIOS, de Ponteareas, que nos falará do seu último libro de poemas: "Corpo Nomade", que foi Accésit do Certame de Poesía Erótica "ILLAS SISARGAS". Aproveitamos para felicitala e coméntanos algo da súa producción literaria e da súa creatividade poética. Agradecémoslle a súa atención e agasállanos coa lectura dun fermoso poema seu. Desexamos que siga tendo moitos éxitos.

A seguinte intervención é a de BIEITO ROMERO, do Grupo LUAR na LUBRE, que virá a Barcelona a presentar o seu último CD, que leva por título ENCRUCILLADA XX. Teremos a sorte de disfrutar da súa actuación no Festival Musical de Barnasants o día 16 de febreiro próximo. Mañá mesmo farán un grande concerto no Teatro Capitol da Coruña, ao que asistirán unha boa presa de artistas que os acompañarán na actuación. Precisamente falounos do Libro-CD que veñen a presentar, seguindo a Xira que están a realizar, que conten 16 cancións. O libro ten unha serie de fotografías moi interesantes así como escritos de moitos amigos e personaxes importantes da nosa música galega. Desexamoslles moita sorte e moitos éxitos.

Continuamos a segunda hora dándolle paso ao noso correspondente na capital da Ribeira Sacra, Monforte de Lemos, XOSE MANUEL F. MONTES, encargado da sección QUEN CHE PREGUNTOU? que nos ilustra coas súas noticias escollidas en forma de Me Ghustan e Disghústanme. E finaliza cos seus apuntes de fraseoloxía e ditos galegos, recollidos na súa "libretiña pequena". Tamén nos envía a viñeta alusiva ao programa que compartimos, no parágrafo anterior. Un debuxo de Bieito Romero. ¡¡GRAZAS!!

Despois de escoitar unha peza do ARDENTÍA-Música Galega, conectamos con LUÍS PREGO, un dos compoñentes deste emblemático Grupo de música Galega, que nos fala da exitosa fórmula que acaban de compartir con todo o público, consistente e subir ás plataformas de Internet (Spotify, Youtube... etcétera), tódolos seus discos publicados ata o momento. Felicitámolo e dámoslle as grazas por ese agasallo que poderemos disfrutar todos.

 

E despedímonos ate o vindeiro xoves á mesma hora. Que sexan felices.

Deixamos aquí o programa completo.

XOVES 18 de XANEIRO do 2024

Un xoves máis con todos vosoutros. Comezamos coa nosa sintonía de sempre, as salutacións oportunas e despois de escoitar un bocadiño de música, conectamos con SARA RODRÍGUEZ FERNÁNDEZ, Licenciada e Traductora autora do "Diccionario galego do Bierzo", que xa vai pola súa segunda edición. A entrevista decorre con moita e agradable comunicación. Fainos un pequeno percorrido da súa traxectoria e traballo de investigación para poder editar ese Diccionario, que tivo como mentor a Henrique Costas, da Universidade de Vigo e outros profesores que arrouparon ese traballo engaiolante. Agradecémoslle a súa amable atención e desexámoslle que teña moitos éxitos.

A segunda intervención é a de SERGIO FERNÁNDEZ FERNÁNDEZ, un socio da Asociación Val de Torés, constructor e dono da Vivenda Rural: Casa Eladio. Fálanos do Patrimonio Cultural daquela zona, da Torre de Torés, da Torre de Doncos, do Pazo de Doncos... ...etc. A Asociación á que pertence está moi involucrada e poder restaurar e recuperar ese patrimonio tan importante para esa zona rural tan rica e patrimonio cultural. Precisan os permisos para poder realizar eses traballos de restauración. Agradecémoslle a súa amable atención e desexamos que teñan moita sorte.

Falamos agora co Presidente da Asociación de Bercianos en Catalunya (ASOBECAT) JUAN PEDRO SÁNCHEZ, que nos fala da próxima Rolda de Prensa que se realizará no Hotel Front Air Congress de Sant Boi o vindeiro día 27 de xaneiro ás 18h, para dar a coñecer a celebración do "XX Festival del Botillo en Catalunya" previsto para o mes de febreiro, no que se entregarán os galardóns oportunos aos Bercianos do ano e ao Concello berciano elexido este ano. Desexámoslle moitos éxitos.

Continuamos e poñémonos en contacto con ROSANA PRIETO, guia cultural e responsable do BNG na zona sur de Lugo, que nos fala la próxima celebración da Concentración simultánea que se realizará na Estación de Sants de Barcelona e na Estación de ferrocarril en Monforte de Lemos, o vindeiro día 27 ás 12h da mañá, para reivindicar a reposición e posta en marcha do Tren Nocturno que facía o traxecto Barcelona-Galicia e viceversa. Ogallá que sexa todo un éxito esta concentración.

Recibimos a visita, nos estudios do Vicepresidente da Asociación de Bercianos en Catalunya (ASOBECAT) ALFONSO MIGUEL MARTIN, xunto con Pepe o peluqueiro do Bierzo, que nos visitan para dar a coñecer e completar a información xa anunciada por Juan Pedro, da celebración da "Rolda de Prensa" prevista para o día 27 ás 18h no Hotel Front Air Congress de Sant Boi, para informar do "XX Festival del Botillo en Catalunya", previsto para o día 18 de febreiro próximo. Tamén nos comunican a entrega dos galardóns ao adegueiro JAVIER ÁLVAREZ, da adega Almazcara-Majara, a Juan Pablo Gándara de Toreno, escritor e ao Concello de Corullón. Desexamos que teñan un grande éxito.

Despedímonos ate o vindeiro xoves á mesma hora. Deixamos aquí o programa completo.

XOVES 11 de XANEIRO do 2024

Comezamos o ano dándolles a benvida coa nosa sintonía de sempre e despois de escoitar un bocadiño de música poñémonos en contacto con GUMER PORTAS LÓPEZ, responsable de comunicación de RADIO LALÍN (Pontevedra). Un novo fichaxe para a nosa emisión, dende Galicia. Agradecémoslle a súa amable atención e recibimos unha colaboración moi interesante, relacionada con variass actividades e actuacións previstas na localidade de Lalín. Fálanos da próxima "Feira do Cocido de Lalín", declarada de Interese Turístico Internacional,  que será a cincuenta e sete edición, que xa se coñece o autor do cartel anunciador -Fernando Pereira, que ademais terá como pregoeira a Yolanda Castaño,  Premio Nacional de Poesía 2023. En vindeiras datas seguro que poderemos ter en antena a algún dos responsables deste evento para poder recibir de primeira man as noticias e actos previstos (eso nos adianta Gumer). Fálanos da entrega de Premios Patrimonio Cultural do Seminario de Estudos do Deza, que será presentado precisamente por Gumer. Agradecémoslle a súa aportación e participación no noso programa de hoxe.

A segunda intervención é unha conversa con  dona MARINA SÁNCHEZ, escritora e poeta ourensana. Recibimos precisamente a súa participación escoitando un conto que ela mesmo nos envióu. Despois entrevistámola-conversamos e falamos da súa traxectoria creativa e poética, das súas intervencións en sendos actos interesantes, no Marcos Valcarcel, no Liceo de Ourense... ... etcétera. A súa creatividade está recollida en moitas publicacións, tanto en revistas como en xornais e nun seu propio canal cultural de comunicación. Ten varios libriños publicados e prometémonos voltar a conectar con ela nunha vindeira ocasión e comprometela para que nos declame algunha das súas poesías. ¡Moitas grazas Marina!

Conectamos agora co lugués LOIS PÉREZ, mestre, escritor, creador e poeta. Agradecémoslle a súa participación no programa de hoxe. Compartimos con tódolos nosos oíntes e seguidores o texto que nos facilitou:      "As nenas e os nenos, as crianzas, talvez elas sexan a única 'gloria bendita' que existe sobre a face deste mundo podre e traidor. Desprenden unha ardentía que lles é propia e, a través dese fío que nos pon en contacto co que un día fomos, distinguimos o mellor da condición humana no seu estado esencial: a inocencia, a fraxilidade imprevisíbel, o porvir esperanzado, a ilusión vulnerable, o amor puro onde aínda non intervén o cálculo e onde a probabilidade non importa nada cando se trata de arder de emoción, confiados unicamente a 'ser'. Iso que tantas veces vemos nos ollos dunha crianza e que nos ofrece algo parecido a unha verdade que se nos revela. Por iso, a infancia, si, é a gloria bendita deste mundo. Aí reside toda a forza transformadora que podería cambiar o mundo o día de mañá, a nosa única posibilidade de supervivencia como especie. Pero os que teiman en mandar no mundo cando só son emisarios da nada máis absoluta, teiman en asasinar nenas e nenos, crianzas, a centos, a milleiros. Noutras xeografias ensaian 'superpoderes' para disfrazaren ditaduras onde pagarán os de sempre. E asasinan tamén outro futuro posíbel deste mundo, xa só un soño esgotado, un tesouro baleiro, un eco xordo. Ten razón un bo amigo meu, un irmán, o Martiño, faloume o outro día de que estas son 'datas tramposas'. E si que o son. O espello que nos achegan estes días é máis límpido e transparente ca nunca e enfróntanos a un paradoxo incómodo: a nosa felicidade habita ao carón do horror, ese que se ve alí atrás do espello. E doe porque é unha obriga aproveitarmos a oportunidade de vida que se nos brinda pero case resulta imposíbel preguntarse que lugar habitamos, aboado a toda a atrocidade cruenta e inimaxinábel que desfila diante dos nosos ollos cada día en tempo real. Que xente estraña é esta que nos rodea, que pode envolverse nunha bandeira e agredir a quen non pensa coma ela e, porén, manifesta a súa indiferenza e o desprezo máis absoluto ao infanticidio máis terríbel que a nosa xeración vai contemplar nunca? Saben que van morrer como todos os demais? Saben que eles tamén foron nenos? Ou non saben absolutamente nada? Non senten absolutamente nada? Non soñaron nunca coa marabilla? Cando esqueceron que nada disto lles pertence máis cós outros?  Sabemos que a xustiza, a idea de xustiza, é un valor relativo na medida en que é unha construción abstracta que non ten entidade ningunha máis ca aquela que nós lle damos en cada tempo. Pero poucas veces coma esta precisamos tanto dela e de estarmos dacordo no que significa. Dela depende salvar o noso futuro ou caer dunha vez por todas na barbarie máis absoluta."   Precisamente baseamos a conversa sobre algunhas destas reflexións que nos transmite este escrito tan fermoso e engaiolante.  Desexámoslle feliz ano.

A ultima conexión é con Baldomero Iglesias, máis coñecido como MERO, fundador de "Fuxan o Ventos" e tamén do Grupo folk "A QUENLLA". Falamos con el do seu ultimo traballo publicado: "Na Lírica emoción". Un CD con 12 pezas dedicadas íntegramente ao poeta e escritor AVELINO DÍAZ, exiliado en Bos Aires, que sempre mostrou o seu posicionamento claro contra a dictadura, contruíu país dende a diáspora e deixou un intenso traballo.  Cóntanos cousas moi interesantes deste seu traballo e prometémonos adquirilo para poder compartilo con tódolos nosos oíntes e seguidores. Agradecémoslle a súa amable atención e desexamos que sigan acadando moitos éxitos.

Despedímonos ate o vindeiro xoves á mesma hora. Deixamos aquí o programa completo.

 

XOVES 14 de DECEMBRO do 2023

Comezamos outra emisión máis coa nosa sintonía de sempre, as salutacións e escoitamos unha peza da grande cantautora Guadi Galego, para darlle a ben-vinda a CLARA VIDAL, poeta coruñesa, recen gañadora do 1º Premio do "XXXVII Certame de Poesía Rosalía de Castro de Cornella-2023" polo seu poema "A Luz Ignota". Non hai moito tempo xa a felicitármos por ter acadado o Premio de Poesía Erótica das Illas Sisargas. Hoxe parabenizámola tamén e mantemos unha conversa moi enriquecedora e chea da interesantes novidades relacionadas coa súa creatividade e ampliando coñecementos sobre ese poema gañador. Tamén podedes atopar máis información sobre esta admirada escritora e poeta coruñesa, na súa páxina: claravidalpoemas.wordpress.com. Agradecémoslle a súa atención e desexámoslle que siga colleitando moitos éxitos.

Despedímonos de Clara e despois de escoitar outro bocadiño de música conectamos novamente con Galicia para falarmos con MARTIÑO MASEDA LOZANO, tamén gañador do 3º Premio do "XXXVII Certame de Poesía Rosalía de Castro de Cornellà-2023", polo poema "Teatro de Marionetas". Unha conversa moi enriquecedora. Fálanos do seu poema que é unha recreación de momentos actuais, nos que considera asistimos, como marionetas, a unha realidade na que os "grandes dominadores" fannos movernos de diversas formas, precisamente parodiando o simil de marionetas. Tamén nos informa do seu traballo a nivel persoal moi interesante. Mencionamos aquí os dous enlaces que podedes ligar, nos que se pode albiscar un pouco máis do seu labor cultural: culturalia.gal e republicadodesacougo.blogspot.com. Agradecémoslle a súa participación de hoxe no noso programa.

Na segunda hora de programa recibimos a crónica do noso correspondente na capital da Ribeira Sacra, Monforte de Lemos, XOSÉ MANUEL F. MONTES. Encargado da sección QUEN CHE PREGUNTOU? fainos partícipes dos seus "Ghústanme e desghústanme" relacionados coas noticias galegas que el mesmo escolle para coñecemento de tódolos nosos oíntes e seguidores. Finaliza coas anotacións da libretiña pequena, moi acaídas e con certa sorna ou retranca galega.

Falamos, a continuación, despois doutro bocadiño de música, con ARANCHA NOGUEIRA GOMEZ,  que tamén felicitamos e parabenizamos por ter acadado o Premio de aRitmar galiza e portugal, polo seu poema, xunto coa poetisa portuguesa María Isabel Fidalgo. Falounos do seu ultimo traballo "Antese" e tamén da súa etapa creativa e poética, xunto cos seus proxectos. Tamén nos comenta a súa situación actual un tanto delicada e desexámoslle que pronto se recupere e volva á situación normal para cumplir ese seu desexo de escribir e publicar eso que nos comenta adicado aos cativos. Desexámoslle que acade moita sorte e moitos éxitos.

Despedímonos ate o vindeiro ano.

 

¡QUE TEÑAN UNHA FELICES FESTAS NADALENCAS E UN FEITICEIRO ANINOVO 2024!

XOVES 30 de NOVEMBRO do 2023

Outro programa máis con todos vosoutros. Comezamos coa nosa sintonía, as salutacións e un bocadiño de música para poñernos en contacto, deseguida, con ANXO BARANGA, do Grupo de Teatro "Furafollas" e outras actividades máis, para que nos fale do evento que se celebrará este vindeiro sábado a partir das 12h da mañá no "Ateneu Roig", onde ofrecerá un concerto a cantautora e compositora galega SU GARRIDO POMBO, Un acto que forma parte dos moitos actos organizados dentro da "Biblioteca Sabela Labraña". Tamén nos informa doutras actividades máis, relacionadas co teatro, cos contos nos colexios... Agradecémoslle a súa atención e desexamos que teñan moitos éxitos.

Unha chamadiña a Galicia para falar con GUZMÁN, da 

Carnicería Murias-Embutidos Artesanais Petín S.L. (Ourense). Fálanos dos produtos artesanais que serve aos clientes que o soliciten. Todos de proximidade e realizados sen ningún tipo de conservantes nin aditivos. Tamén se lle poden pedir cabritos das montañas dos arredores, carne de vaca de primeira calidade, viño da D.O.Valdeorras, Mel, ectcétera... Aconsella aos nosos oíntes e seguidores que fagan os seus pedidos via internet, ou ao seu teléfono (988 311 552), ou visitando a súa páxina web. Agradecémoslle a súa información, moi axeitada para estas datas de Nadal, que seguro lle será util a algún dos nosos oíntes.

A seguinte intervención é a do noso correspondente  XOSÉ MANUEL F. MONTES, encargado da sección QUEN CHE PREGUNTOU. Comeza cos seus "Desghústanlle" e continúa cos "Ghústalle", que é un pequeno resumo das noticias escollidas para facérllelas partícipes aos nosos ointes. Despois fainos unhas "pílulas" recollidas na súa "libretiña pequena". Máis tarde fainos partícipe da súa "Viñeta" creativa que é unha alusión a un dos momentos interesantes da nosa emisión. Xa a emitimos no noso Facebook, pero agora facémola pública neste noso blog. ¡Moitas Grazas Xosé Manuel! Ata outro xoves. Que teñas unha feliz semana.

A continuación falamos con Marcelino de Santiago Viqueira, máis coñecido por KUKAS, "Os Monicreques" o "Titiriteiro máis antigo de Galicia". Agradecémoslle a súa atención e mantemos unha conversa moi amena e moi agradable falando da súa creatividade e dos moitos proxectos e propostas artísticas que están levando a cabo por toda Galicia adiante. Despedímonos ate outra ocasión.

A ultima entrevista-conversa é con ADRIÁN MÉNDEZ FERNÁNDEZ un dos responsables da celebración da "FOLIADA DA FONSAGRADA", prevista para os días 7, 8 e 9 de decembro, cun programa de actividades e actuacións moi interesantes. Por certo hoxe mesmo remata o proceso de inscrición para participar e para poder asistir á botelada prevista. Novidades e sorpresas que serán do agrado de tódolos asistentes. Augurámoslles moitos éxitos e moita sorte.

Despedímonos ate o vindeiro xoves, que non será o día 7 porque temos festa, senón o día 14 de decembro. Que sexan felices. Deixamos aquí o programa completo.

XOVES 23 de NOVEMBRO do 2023

Outro xoves máis con todos vosoutros. Comezamos coa nosa sintonía e salutacións de sempre. Escoitamos un bocadiño de música e recibimos á primeira convidada de hoxe, que é "Meryfos_" (en Instagram), creadora dun personaxe moi interesante "Virtudes" que fala en "castejano" moi retranqueiro e que ten un seguimento moi importante nas redes. Pedíronnos esoutro día que nos puxéramos en contacto con ela, que ten moitos seguidores e moi concretamente en Miami (EE.UU). Pois tivemos a sorte de que nos recibira e, despois de conversar con ela un ratiño, agasallounos cunha pequeniña intervención da súa "Virtudes" falando para tódolos nosos oíntes e seguidores. Agradecémoslle a súa amable atención e desexamos que siga acadando moitos éxitos. Tamén a convidamos a participar na revista "Lúa Nova" da nosa Asociación C.G.Rosalía de Castro de Cornellà.

Continuamos a emisión e conectamos novamente con Galicia, para recibir a "Toniño" compoñente de TREIXADURA. Parabenizámolo pola homenaxe que lle tributaron a Mingos, un dos compoñentes do Grupo, falecido hai un tempo, pero achegáronse a Barcia de Mera para acompañar á súa familia e a outras personalidades que se achegaron a aquela localidade, onde ademais reivindicaron o emprego do noso idioma galego en tódolas situacións, tamén nos cemiterios. Estiveron no programa LUAR da TVG, interpretando a famosa peza "Muiñeira de Santo Amaro", coreada por tódolos asistentes. Comentamos varias e interesantes cousas sobre ese grande Grupo Musical galego que tanto encandila nas súas actuacións.

A segunda hora comezámola conectando con LUCÍA FERRO, escritora e poeta lucense coa que comentamos algunhas cousas relacionadas coa súa creatividade escritor e poética. Precisamente estivo presentando o seu ultimo libro: "Brandan" na Librería Bahía de Foz", días atrás. Agasállanos coa lectura dun seu poema dedicado ás persoas deben procurar coidarse de sí mesmos. Convidámola a participar na nosa revista "Lúa Nova" da Asociación C.G. Rosalía de Castro de Cornellà. Agradecémoslle a súa participación no programa de hoxe.

Despois escoitamos unha peza que leva por título "Colgando", do Grupo Musical FACTORIA DE SUBSISTENCIA, para recibir a "Josito Porto" un dos músicos compoñentes. Agradecémoslle que nos atenda e conversamos con el sobre a composición do grupo: Josito Porto, Sabela Dacal, Rafa Otero e Adrián Ríos. Tamén nos fala das súas influencias musicais, dos contactos con outros músicos e compositores, do estudio de gravación AldeaGlobal de Pablo Vidal... Desexamos que teñan moita sorte na súa andaina musical.  E despedímonos ate o vindeiro xoves á mesma hora, coa súa música, claro.

Deixamos aquí o programa enteiro.

XOVES, 16 de NOVEMBRO do 2023

Comezamos outro programa máis coa nosa sintonía de sempre, as salutacións oportunas de cada semana e un bocadiño de música para poñernos en contacto con CLARA VIDAL, unha mestra, escritora e poeta da Coruña, a quen parabenizamos porque acaba de recibir o Premio do XVIII Certame de Poesía Erótica Illas Sisargas-2023, pola súa obra: "Masaxe con argán mal pronunciada". Fálanos dese poemario, que se publicará  por Editorial Caldeirón no ano que ven, 2024. Tamén nos comenta algo da súa creatividade escritora e poética, algúns Premios acadados e agradecémoslle a súa participación no programa de hoxe, desexándolle que siga colleitando moitos éxitos.

Continuamos a emisión, despois doutro bocadiño de música, para recibir a PABLO GONZÁLEZ, da Bodega EDV 2015 SLU. Saudámolo e parabenizámolo por ter acadado varias Medallas de Ouro cos seus viños no Certame que se celebrou en Italia, concretamente no Val de Aosta, na Celebración do "Mondial des vins extremes". Precisamente acudirá a Roma a recoller esas medallas de Ouro o vindeiro día 1 de decembro. Tamén nos comenta a súa participación e ponencia recente no "I Congreso do Control da Velutina", así como tamén nos fai saber que pronto porán no mercado Mel de Galicia, da Ribeira Sacra, procendente dunha súa finca axeitada para tal recolección. Agradecémoslle a súa aportación no noso programa de hoxe e desexámoslle que siga tendo moita sorte e moitos éxitos.

Dámoslle paso ao noso correspondente na capital da Ribeira Sacra, Monforte de Lemos, XOSÉ MANUEL F. MONTES, encargado da sección QUEN CHE PREGUNTOU? que desenvolve cos seus "Me ghustan e Desghústanme", escollendo as novidades e informacións máis salientables que acontecen en Galicia. Sempre moi interesantes. Tamén nos aporta as anotacións da súa "libretiña pequena", ocurrencias e apuntes que viña recollendo das diferentes intervencións e aconteceres que atopa no seu decorrer diário ou nalgún acontecemento. Tamén nos envía a súa "viñeta" relacionada con algún momento da emisión do noso programa, onde figura algunha frase ou comentario emitido. Agradecémoslle a súa colaboración.

 

Despois escoitamos unha peza do "Orfeón TREIXADURA" para darlle entrada a PAULO NOGUEIRA PORTO, gaiteiro compoñente deste grande grupo musical con máis de trinta anos de traxectoria musical e interpretativa. Parabenizámolo por teren realizado unha homenaxe a "Mingos" na súa parroquia natal, Barcia de Mera. Foi un acotecemento moi emotivo ao que asistiron moitos simpatizantes e amigos non só de Mingos senón tamén de Treixadura así como tamén a súa dona Fini e os seus propios fillos, Miriam, Fran e Mingos. Unha exaltación da persoa e unha posta en valor do emprego do noso idioma galego no cemiterio. Tamén tiveron unha actuación importante no programa LUAR da TVG o pasado venres. Agradecémoslle a súa participación no programa de hoxe e aproveitamos para despedirnos coa súa música e desexarlles que teñan unha feliz semana. Ate o vindeiro xoves á mesma hora.

Deixamos aquí o programa enteiro.

XOVES 9 de NOVEMBRO do 2023

No programa de hoxe tivemos a ocasión de comprobar que "Radio Sant BOI" escóitase en Estados Unidos, concretamente en MIAMI. Por aquelas casualidades da vida chamamos a Fina Martínez Fraiz, para felicitala, xa que estaba de cumpleanos. Ao parecer hai un grupo de persoas que se reúnen para escoitar o noso programa. A verdade é que nos enche de satisfacción e hónranos coa súa escoita.

Despois da nosa sintonía de sempre, e das salutacións oportunas escoitamos un bocadiño de música e poñémonos en contacto con ADRIÁN, da Asociación Finca Moreiras, que se dedican á crianza de cabalos de Pura Raza Galega. Teñen unha serie de actividades relacionadas cos cabalos salvaxes daquela zona da Serra da Groba, concretamente en Mougás-Oia (Pontevedra). Fan Hipoterapia con grupos reducidos, Terapia de Comportamento, Terapia Ecuestre, Educación e desenvolvemento persoal... etcétera. Agradecémoslle a súa participación no programa de hoxe.

Falamos con FINA MARTÍNEZ FRAIZ, para felicitala, polo seu cumpleanos. Desexámoslle que cumpla moitos máis, chea de saúde. A verdade é que nos fai moita ilusión comprobar que dende MIAMI (Estados Unidos) teñamos escoitantes e seguidores do noso programa. Seguiremos en contacto con Fina e comprometémonos a seguir conectando en próximas ocasións para que nos describan algunha das actividades que realizan, posto que como nos dí seica hai unha boa colonia de galegos-cubanos alí.

Conectamos con ALBA CUQUEJO, Profesora de Galego na Aula de Idiomas e organizadora, xunto con Estudis Gallecs-UAB, o Recital Poético previsto para o sábado día 11 de novembro ás 18h no Centro Galego de Barcelona. Participarán Tamara Andrés, co seu libro "Irmá paxaro", Ánxela Lema e Sara Villar co seu libro "Excéntricas". Desexámoslle que teñan unha grande asistencia de público e moitos éxitos.

A continuación recibimos a crónica do noso correspondente na capital da Riberia Sacra (Monforte de Lemos), XOSÉ MANUEL F. MONTES, encargado da sección Quen che Preguntou? na que sempre escolle os seus Me ghusta e Desghustan para achegarnos as informacións máis relevantes que el mesmo escolle. Tamén nos aporta as "anotacións particulares da súa libretiña pequena". Agradecémoslle-lo.

Falamos con ÁNXELA LEMA PARÍS, escritora, investigadora e poeta, autora do libro de poemas escrito "a catro mans" que presentaráa no Centro Galego de Barcelona, tal e como nos indicaba Alba Cuquejo ao comezo do programa. Confírmanos que acaba de entregar un seu traballo que seguro sairá publicado na próxima primavera do 2024. Desexámoslle moita sorte.

Felicitamos a "MASHA", María Álvarez Martínez,  porque acaba de gañar o "XV Premio de Poesía Victoriano Taibo de Gondomar", polo seu traballo que leva por título "Dakota". ¡Moitos parabens, "Masha"!!! Xa tiñamos falado con esta autora, tempo atrás, xa que fora premiada tamén no Certame de Poesía Rosalía de Castro de Cornellà. Desexamos que siga colleitando moitos éxitos.

E despedímonos ate o vindeiro xoves á mesma hora.

 ¡Que teñan unha feliz semana!

XOVES 02 de NOVEMBRO do 2023

Nova emisión. Dúas horas de Radio en Galego. Despois da sintonía e das salutacións, escoitamos un bocadiño de música e conecta con MANOLO FOTEIRO, da Fonsagrada. Comentan a creación e reportaxe relacionado co Hotel "Pórtico de A Fonsagrada", rexentado por un matgrimonio que decidiu darlle mellor vida á que foi casa do Alcalde. Novidades e informacións interesantes para tódolos nosos oíntes e seguidores. Moitas grazas Manuel, e moitos éxitos.

A continuación voltamos novamente a Galicia para falar con EDUARDO CARREIRA, un escritor e poeta que despois de comentar algunhas cuestións interesantes agasállanos, a tódolos oíntes e seguidores, coa declamación dunha creación poética da súa autoría. Agradecémoslle a súa aportación no programa de hoxe.

Por terceira vez voltamos novamente a Galicia para recibir a Xulio Couxil, que se atopa en Viana do Bolo. Casualmente asistiu onte a unha manifestación en "Defensa da Mina de Penouta". Precisamente aproveitamos a ocasión para comunicarnos con don JAIME PÉREZ BRANGER, Director Xeral da Empresa Strategic Minerals Spain, que explota esa Mina dende fai uns anos. Mantemos unha pequena conversa para coñecer máis polo miúdo cómo está ese asunto de paralización dos traballos da Mina e recibimos, de primeira man, información pormenorizada. Desexamos que teñan éxito na súa reclamación, para que non se peche a explotación que veñen realizando dende fai algúns anos.

 

A comunicación con ROBERTO IGLESIAS, do Restaurante-Pulpería "Os Pendellos", en Chantada. Falamos con Roberto Iglesias, que nos pon ao corriente das posibles ofertas que teñen na súa carta, con pratos de diferentes prezos e grande calidade. Sentimos moito a interrupción que sofrimos, quizais devido ao mal tempo que estamos a sofrir, e que afecta moi particularmente a Galicia. Desexamos que sigan tendo moita sorte e moitos éxitos.

Despedímonos ate o vindeiro xoves. Que teñan unha feliz semana e deixamos aquí o programa enteiro.

XOVES 26 de OUTUBRO do 2023

Unha nova entrega deste programa de dúas horas en galego. Comezamos coa nosa sintonía e as salutacións de sempre. Escoitamos un bocadiño de música e conectamos con Galicia, concretamente con JUAN LUIS ESTÉVEZ, un Panadeiro Artesán da Panadería Germán en Fisterra. Dámoslle a ben-vida e felicitámola porque acaban de concederlle un Sol na Guía Repsol. Tamén ten recibido varios premios a nivel Nacional pola confección do pan tan esmerado que ofrece aos seus clientes. Ten alumnos a nivel mundial, aos que lles imparte clases de cómo facer pan e moi especialmente cómo elaborar a "Masa Madre" que é fundamental para unha elaboración dun pan sin conservantes e natural cen por cen. Agradecémoslle a súa participación no noso programa e despedímonos desexando que siga colleitando moitos éxitos.

A continuación recibimos a crónica do noso correspondente na Ribeira Sacra, XOSÉ MANUEL F. MONTES. Coma sempre na súa sección QUEN CHE PREGUNTOU? facendo un resumo escollido das noticias cos seus "Desghústanme e Ghústanme" tan acaidos. E finaliza coas anotacións da súa "libretiña pequena" que sempre veñen acompañadas de certa retranca. Tamén nos envía a súa "viñeta" alusiva a un momento determinado da emisión de hoxe, que compartimos con todos vosoutros.

Falamos con ALVARO PIN CAMPO, que podedes atopalo en "instagram" baixo o título de "florenciodebarreiros". Un estudante de Bacharelato que é un "artesán autodidacta" que traballa a madeira e outros materiais para confeccionar non só zocas, senón que tamén se dedica á cestería e aínda ten tempo para ir aprender a teitar.  A pesar da súa xuventude (aínda está a estudar no Instituto en Lugo) fainos un agasallo moi especial: Tócanos, en directo, unha muiñeira coa súa trompa (birimbao). Conversamos con el sobre ese traballo que compaxina cos estudios moi eficazmente. 

Asiste a algunhas Feiras onde amosa os seus traballos e a súa artesanía particular. Tamén nos comenta que practica algún que outro xogo popular como é a billarda, cando ten tempo, con seu irmán. Agradecémoslle a súa atención e participación e desexámoslle que siga disfrutando desa tarefa tan engaiolante.

Conectamos novamente con Galicia, para falar coa poeta e pintora AMALIA DÍAZ RODRÍGUEZ. Fálanos da súa participación en diversas publicacións poéticas e pictóricas colectivas, así como en certos Recitais poéticos con amigos e compañeiros tanto galegos coma portugueses. Ten previsto particpar, próximamente no Recital Poético que se celebrará no Saviñao. Agasállanos coa declamación de dous poemas da súa autoría, tituladas: "balada outonal" e "chove con sentimento" que fan referencia a esta tempada outonal na que nos atopamos. Agradecémoslle a súa aportación.

E despedímonos ate a vindeira semana á mesma hora. Que teñan unha feliz semana!

Deixamos aquí o programa completo.

XOVES 19 de OUTUBRO do 2023

Unha nova emisión deste noso programa de dúas horas en língua galega. Despois da sintonía e das salutacións oportunas, escoitamos un bocadiño de música e recibimos ao primeiro convidado desta tarde,don UBALDO PÉREZ, do RESTAURANTE LOS ANCARES, na Rúa Robrenyo 74,78 de Barcelona. Será o próximo domingo día 22. Fálanos da próxima celebración dun xantar especial, con música galega: Cocido Galego con cachola, chourizo, butelo, lacón, patacas, garabanzos e grelos. Todo elo acompañado con viño da terra: mencía e godello. Ao finalizar, despois dos postres e chupitos de augardente, hervas ou licor café, amemizarase a asistencia con música tradicional galega, como ben sendo habitual nestas celebracións. Os interesados terán que chamar para reservar mesa e asistencia. Desexámoslle que teña moita sorte e moitos éxitos.

Damos a coñecer algunhas das actividades e celebracións que ten previsto realizar a nosa Asociación C.G.Rosalía de Castro de Cornellà. Este mesmo sábado, a partir das 13h celebración da Paella Popular, diante da Entidade, gratuita para tódolos socios e un prezo axeitado para os amigos e simpatizantes. Magosto para o día 4 de novembro a partir das 20:30h, castañas e viño da terriña e algunha que outra sorpresa. Campionatos de Tute e Brisca, os días 18, 19, 25 e 26 de novembro. Hai que anotarse para poder participar. Certame de Poesía Rosalía de Castro o día 2 de decembro. Os que desexen asistir á cea terán que anotarse na Entidade.

A continuación falamos con don XOSÉ CASTIÑEIRA, do Restaurante TIRA DO CORDEL, en Fisterra. Comentamos con el algúns dos pratos que ofrecen no seu establecemento. A especialidade é a lubina ou robaliza. Tamén está moi contento coa oferta doutros peixes frescos que se poden degustar, xunto coas ameixas que levan unha salsa especial, elaborada específicamente polos seus cociñeiros. Chámase Salsa Tira do Cordel, porque os ingredientes e a elaboración é única y específica do Restaruante. Tamén nos conta a anécdota de cómo se chegou a nomear o establecemento, que nun principio puxéralle o nome de  Baixa Mar, pero como no comezo para poder entrar había unha porta de dúas follas que se abría tirando dun cordel (el mesmo lle puxera un letreiro que dicía: para entrar tira do cordel) e quedoulle bautizado ese nome definitivamente. Agradecémoslle a súa participación no progama de hoxe.

Seguimos escoitando outro bocadiño de música máis e falamos con LUCÍA FREITAS, CHEF do Restaurante cunha Estrella Michelín e varios Soles Repsol, A TAFONA, en SANTIAGO DE COMPOSTELA. Felicitámola por participar hai uns días na estrea do Master Chef da Televisión Española e tamén porque está elixida para participar e impartir, como ponente, varias clases maxistrais de cociña doce, ademais de ser membro do Xurado no Forum Gastronómico de Barcelona, previsto para os días 6 a 8 de novembro. Desexamos que teña moito éxito e moita sorte.

 

Falamos agora con don MIGUEL MOSQUERA, da Pastelería FINA REI, de Allariz. Un establecemento de moita traxectoria artesanal e grande arraigo nesa localidade ourensana. O ano pasado celebraron o seu 50 aniversario. Teñen unha páxina web que pode consultar e visitar por si lles apetece mercar algún dos seus produtos tan doces. Ademais dos doces tradicionais da vila, Amedoados, Torta Real e Améndoa de Pico, tamén se poden degustar outros doces artesanais como bombóns, ostras de chiculate, ostras de chocolate, turrons acisclo... unha man chea de doces a escoller para tódolos gustos. Tamén están moi implicados coa Cultura Galega, xa que forman parte patrocinadora dunha Editorial así como colaboradores da Fundación Vicente Risco. Seguiremos a súa traxectoria xa que están pendentes de poñer á venta un produto (é primicia para tódolos nosos oíntes e seguidores) que está moi relacionado tamén coa cultura. En vindeiras datas, cando esté preparado o seu lanzamento, voltaremos a poñernos en contacto coa Pastelaría FINA REI. Desexamos que teñan moita sorte e despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa enteiro.

XOVES 05 de OUTUBRO do 2023

Outra emisión máis desta tempada que comezamos, coma sempre, coa nos sintonía, as salutacións oportunas e un bocadiño de música para recibir ao noso correspondente na capital da Ribeira Sacra -Monforte de Lemos- XOSÉ MANUEL F. MONTES, encargado da sección QUEN CHE PREGUNTOU? A súa escolla de informacións e novas está resumida nos seus Ghústanme e Desghústanme, que debulla con moito criterio, para coñecemento de tódolos nosos oíntes e seguidores. Finaliza a súa intervención cos apuntes e anotacións da súa "libretiña pequena" que sempre recolle con moito agarimo. Desexámoslle que teña unha semana feiticeira.

A seguinte intervención-conversa é con dona ANA VILA PORTOMEÑE, a Poeta Labrega que sempre nos recibe moi amablemente. Comentamos con ela algunhas das súas inquedanzas e traballos nos que está inmersa. Da súa creatividade, da próxima publicación, posiblemente para o ano dosu mil vintecatro, dun libro mais ben en prosa, aínda que tamén levará incluidas algunhas poesías. Agasállanos coa declamación dunha poesía adicada aos oíntes e seguidores do noso programa e concretamente de Radio Sant Boi. Agradecémoslle ese agasallo e desexámoslle que teña moitos éxitos.

Continuamos o programa e conectamos co Ilmo. Sr. Alcalde do Concello de POL, don LINO RODRÍGUEZ ÓNEGA, a quen felicitamos porque estivo na Festa do San Froilán de Nou Barris, a semana pasada, convidado de honra por parte dos organizadores. Pedímoslle que nos faga unha pequena descrición e nos amose o Concello que preside e fainos un percorrido moi enriquecedor por aquela localidade Luguesa. Desexamos que teña moita sorte nos seus proxectos, dos que nos falou con moito interese.

Poñemos a música do "Cumpleanos feliz" para agasallar a dona MARIA FERNÁNDEZ, a mai da nosa amiga e socia da Asociación PURA, que hoxe mesmo cumple nada menos que 100 anos. Desexamos que siga cumplindo moitos máis e agradecémoslle a Pura que nos atendera para felicitar á súa mai.

Aproveitamos para dar a coñecer algunhs informacións da nosa A.C.G.Rosalía de Castro: Asemblea extraordinaria o próximo día 7, Paella Popular o día 21 de outubro para socios, amigos e simpatizantes, diante da entidade, Magosto o día 4 de novembro. Campionatos de Tute e Brisca a partir do 17 de novembro e "37 Certame de Poesía Rosalía de Castro", o día 2 de decembro.

Despedímonos ate o vindeiro xoves á mesma hora. ¡Sexan Felices!