20 de FEBREIRO do 2014

Un xoves máis coa nosa audiencia e seguidores. Nesta ocasión comezamos propoñéndolles escoitar unha das pezas populares máis famosas (O Pousa) e que figura en moitos dos álbumes exitosos do Grupo A RODA, para depois poñernos en contacto con ALFREDO VILLALBA, fillo do finado FITO, creador e fundador deste nomeado Grupo de música tradicional galega. Agradecémoslle a súa atención e prometémonos voltar a falar con el en vindeiras datas, cando presenten o seu ultimo traballo que xa ten título: Unha Volta de Roda. Enviámoslle os nosos parabens e desexámoslle que continúen tendo moitos éxitos.

Agora damos cumprida información dalgunhas das novedades e noticias que nos chegan á nosa Redacción, e que fan referencia á nosa cultura galega en xeral: 50 anos da revista Grial, Publicación dun libro pola Fundación Rosalía, Play-Doc, 10º Aniversario do Festival de Documentais de Tui e elección do mesmo como un dos dez mellores Festivais Internacionais... etcétera...

Na segunda hora temos a honra de contactar co Sr.Alcalde de Viana do Bolo: Don ANDRES MONTESINOS, que nos axuda a facer un pequeno percorrido pola próxima celebración do Entroido Vianés (hoxe concretamente están a celebrar o Xoves de Compadres, coa colocación - ou pendurado- do lardeiro no medio da praza e reparto de fariña). Tamén aproveitamos para que nos fale da "44 FESTA da ANDROLLA", que ven sendo unha das máis antigas festas gastronómicas de Galicia. O menú deste evento é de mencionar: De primeiro sopa con picatostes; de segundo, cocido con androlla, cachelos, grelos, chourizo, lacón; de terceiro, cabrito asado, e postres da vila: bica e vianos (bombóns recheos de mel), para acabar co café con gotas e queimada de colofón final. Un banquete que veñen celebrando todos estes 44 anos ao que concorren máis de 3000 persoas. Agradecémoslle moi encarecidamente a súa atención e voltaremos a incomodalo noutra ocasión para que nos teña ao corrente das novidades e celebracións que acontezan en Viana do Bolo.

A intervención final do programa é a do noso correspondente na Ribeira Sacra, Xosé M.F.MONTES, que nos fai unha disertación algo relevante do quefacer galego, para coñecermos máis polo miúdo, o que está a acontecer na nosa Terra, e despídese sempre con algunha que otra sentencia moi ocurrente.

Desexamos que nos volvan a sintonizar a vindeira semana á mesma hora: de 4 a 6h da tarde.

XOVES, 13 de FEBREIRO do 2014

Comezamos a nosa emisión calando con don JUAN MANUEL, da Vivenda Rural CASA CASARELLOS, que ven de recibir un importante premio no XV SALON INTERNACIONAL DE GASTRONOMÍA E TURISMO en Ourense. Unha conversa-entrevista moi esclarecedora e con moita información para que tódolos nosos oíntes poidan achegarse e visitar este lugar acolledor.

A segunda parte dedicámoslle-la ao COXGA, Colexio Oficial de Xoiaría de Galicia. Da man de dona LOLI LÓPEZ, a xerente deste Colexio Oficial. Fálanos da récente entrega dun DIAMANTE, con motivo do Sorteo de Nadal. Recibimos as novidades e informacións relacionadas cos Profesionais da Xoiería, Ourivaría, Pratería, Reloxería e Xemoloxía de Galicia e agradecémoslle a súa desinteresada aportación e dedicación no noso programa.

Agora paramos a falar con XOAN EIRIZ, un Profesor de música e Cantautor galego que ven de publicar o seu 13 CD que leva por título : "DESDE AS CORDAS DO MEU CORAZÓN". Ademáis de manter con el unha conversa-entrevista moi agradable, aproveitamos para poder escoitar algunha das súas interpretacións musicais. Agradecémoslle a súa atención e prometémonos voltar a falar con el en vindeiras datas, se nos é posible.

Despois falamos con Carmen, da Vivenda Rural Casa da Cabaza, que nos pon ao corrente da súa novidosa iniciativa: "Sorteo Operación RESCATE". Moi interesante e para a que lles desexamos que teñan moito éxito. Agardamos poder voltar a falar con eles noutra ocasión. Denantes de rematar parámonos, un bocadiño, para darlles a coñecer algunhas das noticias chegadas á nosa Redacción. Escoitamos outra peciña de música.

E despedímonos de toda a nosa audiencia, convidándovos a que voltedes  sintonizarnos o vindeiro xoves.

XOVES 6 de FEBREIRO do 2014

Unha semana máis con todos vosoutros. Nesta ocasión ofrecémoslle estas dúas horiñas de radio en galego con varias intervencións cheas de engado. A primera comunicación, con Galicia, para falarmos con UXÍA. É a primera vez que podemos conversar con ela e para nós convértese nun privilexio poder entrevistala. Aínda que curta, por mor de outros compromisos, serve para que poidamos facernos unha ideia sinxela do moito traballo que está a facer pola nosa cultura.

Agora paramos un chisco nas informacións locais relacionadas co noso entorno, xa que o vindeiro sábado teremos a oportunidade de poder escoitar en directo ao grupo RIOBÓ, que virá a actuar a CAL NINYO, en Sant Boi... E Armando fai unha pequena descripción da "Chocolatada Solidaria" que se fixo en Hospitalet de Llobregat o sábado pasado.

Despois falamos co noso correspondente na capital da Ribeira Sacra, Xosé M.F.Montes, que nos fai un percorrido por algunas información talegas de certa relevancia.

E para finalizar o programa de hoce  tivemos a honra de recibir a MARÍA DO CEO, con quen mantivemos unha conversa-entrevista chea de engado e feiticeira, que rematou cun agasallo para tódolos nosos oíntes e seguidores interpretando unha peza musical á capela. Agradecémoslle a súa participación, e gardaremos como "ouro en pano" esta regalía coa que nos despediu.

A vindeira semana máis. 

¡Agardámosvos!

XOVES, 30 de XANEIRO do 2014

Un día máis con vosoutros para ofrecervos este programiña de dúas horas de entretenimento con noticias, entrevistas e conversas interesantes.

Comezamos comunicándonos co Xerente da CASA GRANDE de "A FERVENZA", en O Corgo-Lugo. Fainos un percorrido, moi polo miúdo, do que é este lugar tan engaiolante, que pertence ao grupo de PAZOS de GALICIA. Unha Casa Grande Galega que se rehabilitou para ofrecer os servicios de Restauración e Aloxamento de alta cualidade. Despedímonos co desexo de voltar a conversar con eles en vindeiras datas.

Namentres agardamos a chegada da segunda parte deste noso programa (hoxe non podemos conectar coa Ribeira Sacra, xa que o noso correspondente ten certas obrigas personais que lle impiden poder dispoñer da súa aportación semanal), damos cumprida conta dalgunha información que chega á nosa Redacción.

Xa nesta segunda hora conectamos novamente con Galicia, para falarmos con Adrián, un dos componentes do Grupo musical GUEZOS, de Ourense. Unha conversa mixturada con algo da música que eles mesmo nos enviaron, e coa que deleitamos aos nosos oíntes. Agradecémoslle a súa desinteresada participación e prometémonos voltar a conectar con eles para cando publiquen as súas vindeiras creacións.

A ultima conversa-entrevista é co SR.MANUEL, Presidente da Asociación Cultural ANTARUXAS e SORTEIROS, de A Fonsagrada, quen nos pon ao corrente das moitas actividades que realizan, e comentamos con el varias cuestións de interese relacionadas con esta Asociación Cultural de A Fonsagrada. Concordamos en voltar a conectar con eles para que nos fagan partícipes da vinideira publicación dun CD, que están a preparar, así como do significado do seu propio nome: Antaruxas e Sorteiros.

A vindeira semana máis, e se é posible mellor... ... ...

XOVES 23 de xaneiro do 2014

Un día máis con vosoutr@s. Tentamos levar adiante este programiña en galego para disfrute de todos e estamos ao voso dispor con respecto a tódolas vosas suxerencias. Hoxe comezamos conectando con Galicia para falarmos con RAMÓN BLANCO, un profesor, escritor e poeta das terras de A Coruña, concretamente de OUTES, con quen xa tivemos algunha que otra conversa radiofónica, pero que agora é moi interesante a súa participación para que nos informe dalgunhas novedades e informacións. Agradecémoslle a súa participación e dedicación e comprometémonos a volver a falar con el en datas vindeiras, para que nos siga ilustrando cos seus ensinos.

A segunda participación-conversa é con XOAQUIN XESTEIRA, un Músico-Profesor galego que ademais é o Director da Fundación SONdeSEU, a Orquestra da ETRAD de VIGO. Comentamos un chisco a traxectoria desta formación musical e fálanos do ultimo traballo publicado: Danzas Brancas, mentres escoitamos algunha peza deste ultimo disco. Agradecémoslle que perdera eses minutiños connosco e prometémonos voltar a falar con el sobre os seus concertos exitosos.

Na segunda hora conectamos co noso correspondente na RIBEIRA SACRA, Xosé Manuel F.Montes, que nos ten seleccionadas varias informacións galegas e remata a súa sección QUEN CHE PREGUNTOU, con algunha sentencia retranqueira, como é habitual.

Denantes de rematar, falamos novamente con Galicia, concretamente con don JESÚS, o xerente de QUEIXOS O CASTELO, de Pedrafita do Cebreiro. Mantemos unha conversa moi entretida e agradable e danos a coñecer algunha cousa que seguro é esclarecedora para tódolos nosos oíntes. Prometémoslle visitalo e voltar a falar con el en próximos programas ou emisións.

A vindeira semana máis, e se é posible, mellor. ¡¡ Agardámosvos!!

Primeiro Programa do ano 2014

XOVES 16 de xaneiro

Despois de saudar aos nosso oíntes e seguidores, así como a todo o equipo de "Galegos no BAIX", poñémonos a "andar" para ofrecerlles unha emisión máis. A primeira pesa é unha de "RADIO COS", que nos deleitan coa interpretación do Vals do Amor. Deseguido comunicámonos con MANUEL ANXO DURÁN, Fundador e Director de ABERTAL, a Escola de Música e Danza de A Rúa de Valdeorras. Unha conversa-entrevista moi interesante. Prometémonos voltar a falar con el para o mes que ven, aproveitando a celebración do 25 aniversario da fundación de ABERTAl, a sea Escola de Música e Danza.

Comezando a segunda parte, facémonos eco dalgunha noticia interesante relacionada coa nosa cultura, de alto calado e importante, con respecto á obra de Rosalía de Castro e outra relacionada coa música galega.

Despois de escoitar un chisco máis de música, chamamos á capital da RIBEIRA SACRA, para falarmos co noso correspondente en Monforte, XOSÉ M.F.MONTES, que nos pon ao corrente das novidades-curiosidades do seu entorno e de Galicia en xeral. Segue na mesma liña de sempre e agradecémosllle a súa aportación.

Antes de rematar falamos con JUAN PEDRO SANCHEZ, membro da Xunta Directiva de ASOBECAT, A Asociación de Bercianos en Cataluña, que ten previsto realizar o XI FESTIVAL do BOTILLO en Cataluña, como ven sendo habitual cada nao, no Hotel Campus de Bellaterra. Este ano homenajearán á S.D.Ponferradina e ó Concello de Ponferrada. O día de celebración será o vindeiro 25 de XANEIRO.

Despedímonos desexando que volvan a sintonizarnos o próximo xoves, que voltaremos a ofrecerlles a nosa proposta auditiva con novidades, entrevistas e música da nosa.

Lembre que este programa volve a emitirse o domingo 19 de 13 a 14 horas.

Ultimo programa do 2013

XOVES 19 de decembro do 2013

Como cada semana voltamos a ofrecervos un programiña máis de radio en galego. Comezamos dándolles a ben-vida a todos e propoñéndolles escoitar unha peza tradicional da nosa música galega. Despois dos saúdos de rigor poñémonos en contacto con MANUEL MARÍA VEIGA, do Grupo MILESIOS, que veñen de publicar un disco titulado: "ALEN MAR". Escoitamos algunha das súas interpretacións e comentamos algo do seu traballo e percorrido musical. Agradecémoslle a atención que nos dispensaron e comprometémonos a volver a comunicarnos con eles para que nos vaian informando da sea traxectoria e dos traballos que vaian publicando.

Comentamos un chisco as novidades que nos chegan á Redacción, intercalando con algunha peza musical dos discos que nos enviaron de FOLK e BOA MÚSICA, a saber: Radio Cos, Sondeseu e Kepa Junquera.

Na segunda hora conectamos co noso correspondente XOSE M.F.MONTES, encargado da sección QUEN CHE PREGUNTOU, e que nos fai un pequeno percorrido por algunhas das informacións que el mesmo escolle, adxuntándolle un bocado de humor e retranca galega.

Volvemos a achegarnos a terras lucenses, concretamente a CASTROVERDE, para falarmos co director da Banda de Gaitas ZUNCURRUNDULLO, don CÁNDIDO DÍAZ, co que mantemos unha conversa-entrevista moi xeitosa e na que nos da información do seu traballo e propoñémoslle voltar a conectar con el para que nos pormenorice moito máis sobre esa Asociación-Banda de Gaitas, que ten acadado tantos éxitos.

Desexámoslles unhas moi Ventureiras Festas do NADAL e un feiticeiro ANINOVO 2014. Voltaremos o día 16 de xaneiro do ano que ven.

XOVES - 12 - decembro -2013

Un programa máis, en galego. Comezamos comentando cos nosos oíntes e seguidores o novo CD da ORQUESTRA FOLK SONDESEU, que leva por título: "Danzas Brancas" e propoñémoslles escoitar o primeiro trac : folerpas e Danzas brancas. Sona moi fermoso. O birimbao aparece como folerpas brancas de neve...

Seguimos escoitando un chisco máis de música, mentres comentamos a próxima celebración do Masterclass de corda folk en Sant Boi, a cargo de FERNANDO BARROSO. A vindeira semana tentaremos falar con el, para que nos poña ao corriente deste evento.

Conectamos con MARTIN BARREIRO, o "Home do Tempo" nos fins de semana na TV. Un galego, de Lugo, con quen falamos un chisco de diversos temas e disfrutamos da súa aportación ao noso programiña.

Na segunda hora chamamos ao noso correspondente en Monforte de Lemos, como cada semana XOSÉ M.F.MONTES, que nos ten reservads algunhas informacións e noticias sempre moi interesantes e acaba a súa intervención con aportacións retranqueiras e frases moi ocorrentes.

Para finalizarmos falamos con MANUEL LOPEZ CASTRO, Periodista xubilado de O Progreso de Lugo, e mantemos unha pequena conversa-entrevista moi interesante, na que nos da a coñecer o seu blog e algunhas das actividades ás que lle dedica o tempo de "xubileo".

Despedímonos desexando que volvan a sintonizarnos a vindeira semana.

XOVES 5 de decembro do 2013

Un programiña máis, en galego, para tódolos nosos oíntes e seguidores. Comezamos dándolles a ben-vida e saudando. A nosa primeira comunicación con Galicia facémola con BIEITO LOBARIÑAS, compoñente do Grupo ZURRUMALLA, con quen mantemos unha conversa-entrevista chea de engado. Fainos un pequeno percorrido polo traballo que veñen realizando a prol da música tradicional galega. Fálanos do CD titulado:"O que había, e...O que hai" que hai un tempo teñen publicado e anúncianos que posiblemente, a non tardar, publicarán outro con pezas da súa autoría e outras recollidas por eles mesmos.

Despois conectamos con ANTONIO DÍAZ, Segredario da A.C.G.Rosalía de Castro que nos pon ao corrente da entrega dos XXVII Premios de Poesía desta Entidade e do X Premio de Narrativa Rosa Reboredo. Perante a cea do sábado pasado nos locais sociais. Tamén nos informou da conferencia impartida polo Presidente da Fundación Rosalía de Castro en Padrón ANXO ANGUEIRA.

Na segunda hora falamos co noso correspondente na capital da Ribeira Sacra, Xosé M.F.Montes, que sempre ten escollidas unha morea de cousas interesantes relacionadas coa cultura popular e co refraneiro galego, cun certo retranqueo. Tamén nos convida a participar nas diferentes Festas e celebracións que se suceden en Galicia e moi concretamente no seu entorno.

A ultima parte do programa dedicámola a falar-entrevistar á "zoqueira de Mera", en Vila de Cruces dona ELENA FERRO LAMELA. Unha artesán galega que lle ven de familia a súa dedicación, e que nos informa das moitas e interesantes cousas que saen do seu taller artesán.

A vindeira semana voltaremos a entretelos con moitas máis informacións e entrevistas interesantes. Non deixen de sintonizarnos.

28 de NOVEMBRO do 2013

Unha semaniña máis de radio en galego, dende Radio Sant Boi. Hoxe reincorpórase o noso amigo XULIO COUGIL.

A primeira comunicación-entrevista é co SR. MARTIN, de Restaurante O GRELO, en Monforte de Lemos. Fainos un percorrido pola gastronomía que se sirve no seu local e convídanos a que o visitemos para probar a viandas que alí preparan. Agradecémoslle a súa aportación e colaboración desinteresada, prometéndonos volver a conectar con el para vindeiras ocasións.

Continuamos a nosa emisión falando do Libro-Disco GALIZA, de Kepa Junquera, que nos facilitou Inma Grass, de Fol Música, e ofrecémoslles escoitar un chisco algunhas das colaboracións que se recopilan nestes dous discos tan interesantes.

Na segunda parte falamos con SES (María Xosé Silvar), o ciclón da música galega actual Co Xenio Destrozado. Mantemos unha conversa moi agradable e mii interesante denantes da súa actuación en NARÓN. Desexámoslle moitos éxitos e agradecémoslle a súa amable atención.

Para rematar a nosa emisión de hoce, poñémonos en contacto con ANA RODRÍGUEZ, do Grupo LEILÍA, as pandereteiras que están perto de celebrar as súas bodas de prata, que veñen de recibir o Premio Especial a Leilía na XXIV Edición da Gala Galegos do Ano 2013. Fainos un pequeno percorrido pola súa traxectoria musical e agradecémoslle a súa aportación e información desinteresada.

Na vindeira semana prometémoslles ofrecer un programa cheo de informacións e novidades interesantes.

XOVES 21 de novembro do 2013

Unha semana máis cos nosos oíntes, ofrecéndolles este programiña de radio en galego, dende a Emisora Municipal de Sant Boi de Llobregat. Aínda non se puido incorporar o noso colaborador Xulio Cougil. A primeira intervención-comunicación é con XAVIER DÍAZ, un grande investigador e compilador do folclore tradicional galego que non deixa de realizar a súa actividade docente impartindo cursos de percusión e canto tradicional en diferentes programas de escolas e conservatorios, e colaborando con artistas e formacións como Luar na Lubre, Amancio Prada, Os Cempés, Marful, nordestinas, Uxía Kepa Junquera... ... etcétera.

De seguida falamos co noso correspondente en Moforte de Lemos, Xosé Manuel F. Montes, que como cada semana ten escollidas moitas e interesantes suxerencias e aportacións culturais para tódolos nosos oíntes e seguidores.

A ultima parte do programa dedicámola a falar con DAVIDE SALVADO, un cantante galego que nos fala da súa aportación musical galega.

Seguiremos ofrecéndolles máis novidades e informacións a vindeira semana.

xoves 14 de NOVEMBRO do 2013

Esta xoves non puidemos contar coa colaboración de Xulio Cougil, pero fixemos un programiña bastante completo. Nun primeiro momento conectamos con Galicia para falarmos con FRAN ALLO, con quen mantivemos unha conversa-entrevista moi interesante. Falounos dos seus comezos como cantautor e do seu traballo na música actual. Agradecémoslle a súa participación no noso programa.

Despois falamos co Presidente da A.C.G.Rosalía de Castro de Cornellà, quen nos puxo ao corrente das moitas actividades que ben desenvolvendo esta Entidade, tanto para socios como para non socios.

O noso correspondente en Monforte de Lemos, como cada semana, volveu a deleitarnos coa súa escolla de noticias e comentarios tan axeitados. Non deixa puntada sen fío e sempre aproveita para darlle un toque de humor retranqueiro cheo de engado.

Para finalizarmos, puxémonos en contacto con XOAN LUACES FANDIÑO, responsable de Boa Music e FOL MUSIC, en Galicia. Coméntanos unha serie de novidades musicais e publicacións moi interesantes.

A vindeira semana tentaremos facer outro programiña máis. Se podemos mellor.

XOVES 7-11-2013

Un xoves máis comezamos o noso programa cos saúdos de rigor e propoñémoslles escoitar unha peza de música de Cristina Pato para amenizar as nosas comunicacións. Falámoslle de diversas noticias e celebracións, así como de certos acontecementos actuáis.

Conectamos con Galicia, concretamente falamos con Xosé A. Bocixa, do grupo de rock galego ZENZAR, que nos dá a coñecer o seu traballo e mantemos unha conversa moi agradable e ilustrativa do que se está a facer neste eido musical na nosa terra.

Na segunda hora falamos co noso correspondente na Ribeira Sacra, concretamente en Monforte de Lemos, Xosé M.Montes, que nos pon ao corrente das novidades escollidas para os nosos oíntes e seguidores.

Despois conectamos novamente con Galicia para falarmos con don Xosé Manuel, xerente das Adegas MOURE, productores do viño Abadía da Cova, quen moi amablemente nos fai un pormenorizado percorrido dos seus productos vinícolas, pasando polos oruxos e a recente creación e posta á venda da "Ginebra" que "bautizada" con nome de ANA London Dry Gin, en honor á mai do propio Xosé Manuel. Agradecémoslle a súa atención e prometémonos voltar a conversar con el en vindeiras datas.

Rematamos desexándolles que volvan a sintonizarnos a vindeira semana.