XOVES 25 de FEBREIRO do 2016

Unha semaniña máis con vosoutros para tentar levar adiante este programa en língua galega, perante dúas horas. Hoxe coa presenza nos estudos de dous convidados especiais: Rubén Martín Cobano e Ana Belén. Agradecémoslle a súa participación e despois de escoitar unha peciña musical, encetamos. Rubén recítanos unha poesía, da súa autoría, adicada a ALFREDO GONZÁLEZ VILELA, ese cantautor galego que nos honra coa súa amizade e que ven de cumplir anos recentemente.

A primeira comunicación - entrevista é con TAMARA ANDRÉS, unha poeta de Combarro que nos recibe moi amablemente e deseguida entablamos unha conversa moi amena. Primeiro escoitamos o agasallo que lle presenta RUBÉN, consistente nunha poesía adicada a ela mesma. Despois continuamos falando e coñecendo algo máis polo miúdo a súa traxectoria e os seus proxectos tan interesantes.

Na segunda hora falamos co noso correspondente na Capital da Ribeira Sacra: XOSE MANUEL F. MONTES, encargado da sección QUEN CHE PREGUNTOU?, que sempre escolle algunhas noticias interesantes e de actualidade, moi relacionadas con Galicia, claro. Tamén nos agasalla coa súa creación pictórica e que sempre colgamos neste noso humilde blog.

A entrevista final é con UBALDO, o responsable do Restaurante Los Ancares, na rúa Robrenyo, 74-76, de Barcelona. Agradecémoslle a súa colaboración e cóntanos que realizan xantares galegos con moita participación de persoas daquela contorna e precisamente convida a tódolos escoitantes e seguidores para que se apunten á seguinte convocatoria de xantar consistente nunha gran calçotada, que rematará, como as anteriores celebracións, con música e festa a rachar para os comensais e acompañantes que o desexen. Desexámoslle moito éxito e prometémonos voltar a falarlle. Despedímonos ate o vindeiro programa, escoitando outro poema de RUBÉN, esta vez adicado a Fisterra, que lle agradecemos.

A vindeira semana máis. Non faltedes. Agradámovos a tod@s!!!

18 de febreiro do 2016

Un programiña máis falándolles en galego. Na presentación do programa de hoxe indicamos que teremos a presencia, nos estudos, de RICARD ROS, un dos coordinadores do VI FESTIVAL RUBRIFOLKUM, que se celebrará en SANT BOI, durante os días 11 e 12 de marzo.

Unha vez nos estudos o noso convidado RICARD ROS, chamamos a FERNANDO BARROSO, que será un dos músicos que participarán, xunto con PEDRO FARIÑAS e LUÍS PEIXOTO, e que forman o grupo TRIM . Ao tempo que falamos con eles imos escoitando algunha das pezas dos discos que nos trouxo e que nos agasalla RICARD, o convidado especial do programa de hoxe. Agradecémoslle a súa aportción e información. Voltaremos a convidalo.

Na segunda hora, coma sempre, falamos con Xosé Manuel F. Montes, o noso correspondente na Ribeira Sacra (Monforte), encargado da sección QUEN CHE PREGUNTOU? fainos un percorrido interesante sobre as súas escollas de noticias interesantes para tódolos nosos oíntes.

E para finalizar tentabamos falar con LYDIA BOTANA, que nos informara sobre ese disco de música Infantil "De aquí para alá", que tanto éxito está a a ter nas escolas e cos cativos, pero non nos foi posible, aínda que sí puidemos escoitar algún tema desa publicación. En vindeiras datas tentaremos falar con ela.

A vindeira semana máis. ¡Non faltedes á nosa cita!!!

XOVES 11 de FEBREIRO do 2016

Comezamos o programa conectando con don MANUEL VAZQUEZ OSORIO, Presidente do Centro Galego NÓS de Sabadell, que nos informa das actrividades que están a realizaar e da que próximamente terá lugar na cidade de Sabadell, a "1ª Festa do LACON" nesa cidade, para tódolos socios, simpatizantes, amigos e toda a pobalción e arredores. Haberá un stand con produtos de Galicia, pero o primcipal será esa Festa do Lacón, na primeira fin de semana de MARZO. Quedamos todos convidados a participar dese grande acontecemento que se realizará na cidade de Sabadell por primeira vez.

A segunda intervención-conversa é con dona BEATRIZ VILA FREIRE, responsable da Asociación de Hostalería da zona Sur de Lugo, que nos informa da realización da : "VIII edición do ESTASE COCENDO" que se ven celebrando en diversos establecementos da Ribeira Sacra. O padriño desta edición será don DANIEL DE LA TORRE, cineasta recentemente galardoado nos Premios Goya. Tamén nos informa doutras celebracións e acontecementos de importancia en Monforte.

Na segunda hora, como cada semana, o noso correspondente XOSÉ MANUEL F. MONTES, encargado da sección QUEN CHE PREGUNTOU? fainos un percorrido por diversas informacións e noticias de certo interese para todos nós. Denantes de acabar adiántanos o que será a súa aportación gráfica para o programa de hoxe, relacionada coa festividade do San Valentín próximo. 

A ultima conversa-entrevista é con DIEGO MACEIRAS, do Grupo "BELLÓN MACEIRAS", mestre e intérprete de música galega, que nos fala do seu ultimo CD e do seu traballo tanto como no eido da interpretación musical como da docencia na escola que teñen. Agradecémoslle a súa amable atención e falaremos con el en vindeiras datas.

A próxima semana máis. ¡Non faltedes!

4 de FEBREIRO do 2016

A primeira entrevista é con dona PALOMA, artesana de Androllas en LIÑARES, ese pobiño da provincia de Lugo, que tanto agarimo lle ten o noso Armando, e mais Eduardo, que nos acompaña hoxe nos estudios.

A segunda conversa-entrevista é con don XOSÉ Fernández Fernández, Alcalde de NAVIA de SUARNA, para que nos fale desa XXVI Feira-Festa da Androlla, tan nomeada e de tanta concurrencia.

Na segunda hora, coma sempre, conectamos co noso correspondente XOSÉ MANUEL F. MONTES, encargado da sección QUEN CHE PREGUNTOU?, que ten sempre escollidas unha serie de novidades e informacións moi interesantes. Nesta ocasión os seus agasallos ilustrativos fan referencia ao Entroido galego (un Boteiro de Viana), e outros moi concretamente alusivos aos Lardeiros: Compadres e Comadres...

Antes de finalizar a emisión de hoxe conectamos novamente con Galicia para falarmos con dona MARISA, da Asociación Veciñal de SALCEDO (A Pobra de Brollón), para que nos informe desa celebración ancestral do Entroido coa posta en escea do OSO de Salcedo. Agradecémoslle a súa amable atención e prometémonos voltar a falar con ela.

A vindeira semana tentaremos levar adiante outro programiña máis. Non faltedes!!!

28 de XANEIRO do 2016

Comezamos o programa conectando con Galicia para falar con Verónica Núñez, de CAURELOR, para que nos dea información dos seus productos e doutras cousas interesantes da súa empresa.

Despois falamos con Rubén, da Empresa CASA Castelao, con quen mantemos unha pequena conversa-entrevista para que nos fale dos seus productos e do BUTELO da Fonsagrada.

A seguinte entrevista é con XOAN EIRIZ, un Profesor de Múisca e Cantautor galego que nos presenta as súas creacións e composicións musicais.

A última entrevista é con don DAVIDE Rodríguez Estévez, Alcalde do Concello de MANZANEDA, que nos da información interesante sobre esa localidade Ourensana e das actividades tan interesantes que están programando, relacionadas co Entroido.

A vindeira semana máis.

21 de XANEIRO do 2016

No programa de hoxe, aínda que non estamos o equipo ao completo, tentaremos levalo adiante con moito interese. En primeiro lugar chamamos a IVAN, da banda-compañía de SES, a nosa amiga María Xosé Silvar, que nos informa das próximas actuacións e xira que teñen previsto realizar, e que voltarán a actuar na sala Salamandra a finais do mes de febreiro deste ano.

A segunda comunicación é con don Xosé Manuel Iglesias, un dos organizadores da XXXIII FESTA da FILLOA de LESTEDO, que nos da explicacións moi esclarecedoras de cómo veñen realizando esta festa que atrae a tantos interesados nesta celebración tan especial, que xa levan 33 edicións e sempre con moita afluencia de asistentes.

Despois falamos co noso correspondente en Monforte de Lemos, como cada semana, Xosé Manuel F. Montes, encargado da sección QUEN CHE PRGUNTOU? que sempre ten unha intervención chea de interesantes novidades e retranqueira comunicación final.

No final chamamos a Afonso BECERRA de Becerreá, dramaturgo e director teatral co que mantemos unha conversa moi ilustradora e enriquecedora.

A vindeira semana máis.

14 de Xaneiro do 2016

Nesta ocasión comezamos falando con ANTONIO DÍAZ, un grande colaborador e corresponsal do Xornal "Galicia en el Mundo"- Crónicas de la Emigración, e Director da revista "Lúa Nova", da "A.C.G.Rosalía de Castro", comentando algunhas das súas ultimas aportacións publicadas.

A segunda entrevista-conversa é con don ASER ALVAREZ, Documentalista e Director de ARRAIANOS Produccións, que venñen de presentar varios traballos moi interesantes relacionados poa súa Productora.

Nesta segunda hora, como cada semana, falamos co noso correspondente na capital da Ribeira Sacra. Monforte, don Xosé Manuel F. Montes, encargado da sección Quen Che Preguntou?, que sempre remata a súa intervención cunha serie de frases cheas de retranca.

Despois entrevistamos a don ANDRÉ LÓPEZ, un grande Artesán afincado en Navia de Suarna, que nos fala da súa producción e creación artística.

A vindeira semana voltaremos.

Primeiro porgrama do 2016

14 de XANEIRO do 2016

Esta primeira emisión do 2016 comezamos dándolles a ben vida e desexando un ventureiro ano a tódolos nosos oíntes e seguidores. ¡Graciñas por estardes ahí!

Despois de escoitar unha peza do CD de "2 Na Fronteira", mantemos a primeira comunicación con don ANTONIO DÍAZ, Director da revista LUA NOVA e corresponsal do Xornal de Comunicación "GALICIA en el MUNDO", que nos informa das ultimas noticias relacionadas coas nosas Entidades en Cataluña, e moi concretamente de ASOBECAT, que veñen de presentar o XII Festival do Botillo en Cataluña, para o vindeiro día 6 de febreiro, no Hotel Front Air Congress, de Sant Boi.

A segunda comunicación-conversa é con don ASER ALVAREZ GONZÁLEZ, Director da Productora Arraianos, que nos fala das súas creacións documentais, destacando o apartado realcionado coa emisión en RTVG ANACOS DE VIDA, que está colgado na web da propia Radio TVGalega. Tamén nos fala de "Cesteando", "Bill Viola" e "Aquela Celanova"... Magoa non podeer continuar esta conversa cun pouco máis de vagar, pero farémolo en vindeiras datas.

A conexión co noso correspondente en Monforte de Lemos, XOSÉ MANUEL F. MONTES, encargado da sección QUEN CHE PREGUNTOU?, sempre é moi interesante e chea de novidades, rematando coa súa aportación ilustrativa, que nós tamén colgamos aquí, relacionada con algunha das comunicacións que el mesmo nos refire. Seguro que será do voso interese.

O final da nosa emisión de hoxe reservámolo para falarmos con ANDRÉ GÓMEZ LÓPEZ, Artista e Escultor de Navia de Suarna, con quen mantemos unha moi agradable conversa sobre as súas creacións e proxectos tan interesantes. Seguiremos a súa traxectoria.

A vindeira semana prometémosvos realizar outro programa que sexa do voso interese, con entrevistas, música e coas noticias que iremos debullando para todos vosoutros.

XOVES 17 de decembro do 2015

Neste ultimo programa do ano 2015 contamos coa presencia e visita, nos estudos, de don ANTONIO DÍAZ, grande colaborador noso e Director da Revista Lua Nova, así como correspondente do xornal Galicia en el Mundo. Agradecémoslle a súa aportación.

Conectamos con JUAN PEDRO, Presidente de ASOBECAT, (Bercianos en Cataluña), que nos pon ao corrente da próxima presentación á Prensa da XII Fiesta del BOTILLO en Cataluña, que se realizará no Hotel Front Air de Sant Boi de Llobregat o vindeiro día 9 de xaneiro, que pretenden celebrar o día 6 de febreiro nese mesmo Hotel. Augurámoslle moitos éxitos e agradecémoslle a súa desinteresada colaboración e información. 

Aproveitamos a ocasión para comentar con Antonio Díaz, os "XXIX Premios de Poesía da A.C.G.Rosalía de Castro" que se entregaron o sábado pasado. 

Aínda nos da tempo para conectar con Galicia, concretamente con A Fonsagrada, para falarmos con VICTOR Lombardía, pintor e encargado de Protección Civil naquela localidade.

Na segunda hora, como cada semana, a nosa comunicación-conexión con XOSE MANUEL F. MONTES, encargado da sección QUEN CHE PREGUNTOU? que sempre nos aporta a súa visión especial das noticias que poden ser interesantes para tódolos nosos oíntes e seguidores. Aquí deixamos constancia da súa creatividade artísitca, coa que nos agasalla sempre.

Para finalizar chamamos novamente a Galicia para falar con JORGE CASAL, compositor e músico galego partícipe na "GALA-XANTAR de GALICIAME", do pasado día 5 de decembro, en Cambados, con Merchi Alvarez. Falamos do seu disco "PULSO FUERTE" e doutras cousas.

¡Desexámoslles unhas FELICES FESTAS!!!

Reanudaremos a nosa emisión o vindeiro mes de XANEIRO 2016.

Xoves 10 de decembro do 2015

Unha nova emisión de radio en galego, para tódolos nosos oíntes e seguidores. E comezamos escoitando unha peza de música interpretada por CARMEN PENIN, de "2 Na Fronteira" para darlle a ben-vinda a MERCHI ALVAREZ  (Presidenta de GALICIAME) a quen felicitamos polo éxito acadado na "1ª GALA-XANTAR de Galiciame" celebrada o pasado sábado 5 de decembro en Cambados. Mantemos con ela unha conversa moi agradable e aproveitamos para conectar, tamén con BELEN XESTAL (da Radio Galega), que foi a conductora desta Gran Gala, xunto co noso compañeiro ARMANDO FERNANDEZ, como representante do noso humilde programa e da nosa RADIO SANT BOI. Agradecémoslle a súa amable participación e comprometémonos para axudar a realizar outros Actos para recadar e conseguir máis aportacións para a Investigación do Dr.Nascimento. Aínda poden facer aportacións nesta Conta: La Caixa Iban ES65 2100 5036 4601 0043 0383.

Despois falamos con dona MARIA VICTORIA, do Hotel CRUCEIRO, de Cambados, concretamente no bairro de Castrelo, que tamén participou moi desinteresadamente na realización dese grande evento, e que aproveita para combidar a tódolos nosos oíntes e seguidores para que se acheguen a esa zona tan fermosa de Galicia, para disfrutar dos seus encantos, que ademais terán un prezo moi especial, nese Hotel Familiar, como ela mesmo nos informou.

Na segunda hora, como cada semana, a sección QUEN CHE PREGUNTOU? a cargo do noso correspondente XOSE MANUEL F. MONTES, que sempre ten preparadas e escollidas algunhas noticias de certo interese para tod@s nós. Fai unha proposta para que os nosos oíntes e seguidores opinen sobre as diferentes porpostas de comunicación que el nos ofrece e combídaos a participar para acertar cal é a información que non é real, entre as que no deu a coñecer. E remata, coma sempre, coa súa aportación pictográfica (relacionada coa súa proposta, claro).

E para finalizar a emisión de hoxe voltamos a conectar con Galicia para falarmos con ALFREDO, compoñente do Grupo "A RODA", que foi o encargado e encetar a Gran Gala da que lle vimos informando dende o comezo. Agradecémoslle a súa colaboración desinteresada.

Agardamos que volvan a sintonizarnos a vindeira seman, na que aproveitaremos para facer un programiña cheo de felicitacións e agasallos para estas Festas tan entrañables.

XOVES 3 de DECEMBRO do 2015

Comezamos hoxe o programa dándolle a benvida ao noso amigo e colaborador na Baixa Limia, XOSÉ LAMELA. Despois de escoitar unha peza de música de LUAR na LUBRE, que veñen de publicar o seu ultimo traballo titulado EXTRA MUNDI, o noso contertulio fainos a presentación de don FRANCISCO VELOSO, responsable político do Concello de LOBIOS, con quen mantemos unha conversa moi interesante sobre a noticia que acaba de saír nos medios, relacionada co aproveitamento das Augas Termais de Riocaldo. Unha boa nova para todos.

Despois falamos con IVAN, da banda de SES, que nos recibe moi amablemente e conversamos con el sobre a xira e Concertos que remataron o sábado pasado en Ferrol, con grande éxito, e adiántanos, en primicia para tódolos nosos oíntes e seguidores que posiblemente no primeiro trimestre do vindeiro ano 2016, seguramente poderemos asistir a algunhas actuacións deles en Cataluña. 

Na segunda hora, coma sempre, conectamos con monforte de Lemos, para falarmos co noso correspondente XOSÉ MANUEL F.MONTES, que sempre nos ten preparadas unha morea de noticias escollidas para a súa sección QUEN CHE PREGUNTOU? e que sempre finaliza coa publicación dunha ilustración relacionada con algún tema, e que nós aprovietamos para incluir neste humilde blog, para todos vosoutros.

A ultima conversa-entrevista é con don OSCAR RODRIGUEZ, xoieiro e Presidente do COXGA, que nos informa da recente celebración da GALA que realizaron en Baiona, para homenaxear a unha serie de profesionais do seu ramo e outras personalidades importantes, así como tamén do fallo do IV Concurso de Deseño San Eloi (Patrón dos Xoieiros). 

A vindeira semana voltaremos. 

¡Que teñan unha BOA FESTA DA PURÍSIMA!!!!!

XOVES 26 de NOVEMBRO do 2015

Encetamos o programa escoitando unha peza de música galega e deseguida comentamos a "Gala de recollida de Alimentos en MONTIGALÁ", organizada pola Asociación C.G.Agarimos de Badalona, e que estivo presentada por Armando Fernández. 

A primeira comunicación con Galicia é para falarmos con BELEN XESTAL, presentadora, locutora na Radio Galega, Actriz... ... que nos recibe moi amablemente e mantemos con ela unha Entrevista moi interesante e amena, na que nos dá a coñecer algunhas cousas do seu bon facer e da vindeira "1ª GALA-XANTAR de GALICIAME" en Cambados, que será presentada por ela e por Armando. Agradecémoslle a súa participación no noso programa e prometémonos voltar a falar con ela.

Na segunda hora, coma cada semana, dámoslle paso ao noso correspondente na capital da Ribeira Sacra (Monforte de Lemos), don Xosé Manuel F.Montes, encargado da sección QUEN CHE PREGUNTOU? e que nos pon ao corrente dalgunhas cousas interesantes relacionadas co noso idioma, e remata coa súa aportación retranqueira verbal e co debuxo semanal relacionado coa charla que mantivemos na conexión, e que aproveitamos para "colgar" no noso blog.

A ultima Entrevista é con CARMEN PENIN de "2 Na FRONTEIRA", á que felicitamos polos éxitos que está acadando co seu CD "Son de NÓS". Tamén participará na GALA-Xantar de Galiciame o día 5 de decembro vindeiro, xunto cunha morea de artistas. Despedimola escoitando un dos temas dese disco que comentamos.

A vindeira semana máis. Non faltedes á nosa cita de 16 a 18 horas.

19 de novembro do 2015

Comunicámonos con OSCAR IBÁÑEZ, mestre de Gaita e Percusión, para falar do seu ultimo CD ALEN DO MAR, e da súa traxectoria como Profesor en diversas Entidades Galegas, tanto en Cataluña como noutras comunidades. Estivo moi relacionado coa Secretaría Xeral de Emigración e foi coordenador dos Cursos de Perfeccionamente para gaiteiros e percusionistas de diversos Centros Galegos no Exterior.

A entrevista seguinte é con ISMAEL RAMOS, escritor nado en Mazaricos, que recentemente ven de recibir o Premio "JOHÁN CARBALLEIRA" do Concello de BUEU. Fálanos do seu libro: OS FILLOS DA FAME, polo que acadou o mentado Premio. Cóntanos moitas cousas da súa traxectoria escritora e do seu percorrido a nivel literario.

Conversa con Xosé Manuel F.Montes, o noso correspondente en Monforte de lemos, encargado da sección : QUEN CHE PREGUNTOU?, que nos ten preparada a súa participación escollida para disfrutala con tódolos nosos oíntes e seguidores. Acompañamos a súa creación artísitica, do seu facebook de Galegos no Baix - Emisora de Radio. 

Recibimos a OSCAR SOUTO RODRÍGUEZ, compañeiro nas ondas e grande coñecedor das nosas cousas galegas, moi concretamente na Costa da Morte. É un escritor bastante inquedo, aínda que non ten publicadas as súas obras en papel. Ten un programa en Radio Nerea.

A vindeira semana máis- Non deixedes de sintonizarnos.