XOVES 7 de ABRIL do 2016

Comezamos o programa dándolle a ben-vinda ao noso compañeiro e colaborador ANTONIO DÍAZ, Director da Revista LUA NOVA, da Asociación C.G.Rosalía de Castro e corresponsal de GALICIA en el MUNDO, que nos informa das diferentes novidades relacionadas coa Entidade.

Despois conectamos con Galicia para falarmos con don ENRIQUE GARCÍA, responsable da organización da "1ª Festa dos CALLOS en Ourense", co que mantemos unha pequena conversa e na que nos fai partícipes dese grande evento que están a preparar para esta fin de semana vindeira.

Despois voltamos novamente as nosas terras galegas para conectar co noso correspondente XOSÉ MANUEL F. MONTES, encargado da sección QUEN CHE PREGUNTOU? e que sempre ten preparadas noticias de interese para todos nós. Tamén nos agasalla coa súa aportación creativa que aproveitamos para compartir con todos vosoutros.

A ultima conversa-entrevista é con dona CARMEN PENIN, de "2 na Fronteira" que sempre nos recibe moi amablemente e despois de felicitala polas súas recentes actuacións (a ultima nas V Jornadas Galego-Portuguesas en Pitoes das Junias), e tamén nos informa das próximas intervencións para o vindeiro día 16 de Abril en TUI e do día 21 deste mes no Museo do Pobo Galego en Santiago de Compostela. Desexámoslle moitos éxitos e despedímonos con música interpretada por eles.

A vindeira semana máis. Non deixedes de sintonizarnos. ¡Agardámosvos!

XOVES 31 de MARZO do 2016

No programa de hoxe comezamos escoitando música de RIOBÓ, para darlle un saúdo de ben-vida á súa lider BEGOÑA Riobó, con quen mantemos unha pequena conversa chea de interese para todos nosoutros, e na que comenta os seus proxectos próximos, Agradecemoslle a súa amable atención e desexámoslle moitos éxitos.

A segunda conversa-entrevista é con don XESÚS PÉREZ FREIJO, que dirixe a "Queixería CASTELO", no Cebreiro. Fálanos dos éxitos que veñen acadando ultimamente, non só na Feirado Queixo do Cebreiro senón tamén en outras localidades ás que acude para amosar este producto de excepcional calidade.

Na segunda hora, como sempre, conectamos co noso correspondente na Ribeira Sacra, XOSÉ MANUEL F. MONTES, encargado da sección QUEN CHE PREGUNTOU? na que sempre nos ten preparadas unha serie de informacións escollidas e remata cunha lectura moi retranqueira relacionada coa dor: Cómo acostuman a denominar a intensidade da dor os galegos, diseccionada en diversas FASES.

A ultima entrevista é con dona BEATRIZ VILA FREIRE, responsable da Asociación de Hostalaría da zona sur de Lugo, con quen xa temos conversado noutras ocasións e sempre nos recibe con moita amabilidade e infórmanos das diversas Actividades que se están a desenvolver na zona. Noutra ocasión voltaremos a chamala para que nos teña ao día das Novidades que vaian sucedéndose.

Lembren que este programa volve a re-emitirse os domingos.

A vindeira semana, máis.

17 de MARZO do 2016

Un programiña máis, en galego, con música nosa, noticias e entrevistas interesantes para tódolos nosos oíntes e seguidores. Comezamos escoitando unha peza de Milladoiro e falamos con OSCAR de SOUTO, un "colega" das ondas radiofónicas, que ten un programa en "RADIO RONCUDO", que leva por título "Ó noso xeito", e que nos da cumprida información das novidades que teñen previstas para esta fin de semana, na zona de Bergantiños. Desexámolles moitos éxitos.

A segunda comunicación, despois de escoitar outra peciña musical, é con don XOSÉ GARCÍA ALVAREZ, Presidente da Asociación de Pesca Rio NAVIA, que nos fala da Festa da Troita, que teñen previsto realizar o vindeiro día 25 deste mes de marzo.

Agora falamos co noso correspondente na Capital da Ribeira Sacra - Monforte, don XOSÉ MANUEL F.MONTES, que na súa sección QUEN CHE PREGUNTOU?, sempre ten preparadas novidades e noticias interesantes da nosa Comunidade. Tamén nos fai unha pequena descrición-convite para os que visiten Galicia nestas festas de Semana Santa. Unha abondosa oferta festivo-gastronómica interesante.

A ultima conversa-entrevista é con don XESÚS VIZCAIA, o dono do PAZO DO MEL, en Viana do Bolo (Ourense) que nos fala das súas investigacións e novidades interesantes, como é a oferta dun novo producto. A Cervexa con Mel, ademais doutras interesantes informacións.

A semana que ven non teremos emisión, pero agardámosvos para o día 31. 

¡¡¡Non faltedes, e Felices Pascuas de Semana Santa!!!

XOVES 10 de MARZO do 2016

No programa de hoxe comezamos con música de Milladoiro, mentres tentamos comunicarnos con don XOSÉ CARLOS G.G., responsable de Cultura na A.C.G.Rosalía de Castro de Cornellà e Presidente de XUNTANZA, con quen falamos sobre as actividades que recentemente se celebrarán na Entidade e tamén recibimos información sobre outras interesantes noticias relacionadas cos galegos en Catalunya. Prometémonos voltar a comunicarnos con el.

A segunda conversa é con BIEITO ROMERO, o líder principal de LUAR na LUBRE, o Grupo máis importante da nosa música folk en Galicia, actualmente. Mantemos unha pequena entrevista relacionada coa traxectoria e cos últimos acontecementos que veñen de realizar recentemente e desexámoslles que sigan colleitando éxitos e nós que poidamos publicalos e ofrecérllelos aos nosos oíntes e seguidores.

Na segunda hora, como cada semana a conexión coa capital da Ribeira Sacra - Monforte - para falarmos co noso correspondente XOSÉ M. F. MONTES, encargado da sección QUEN CHE PREGUNTOU? que nesta ocasión ven chea de interesantes cousas, que teredes que escoitar si desexades enterarvos delas. A última é unha biogrfía dun galego inventor (case descoñecido). A súa aportación creativa é unha "foto" do entrevistado anterior, que nosoutros recollemos e ofrecémoslle a tódolos nosos oíntes e seguidores. ¡¡ Moitas Grazas, compañeiro !!

Despois falamos con Fernando Barroso, que será un dos participantes no RUBRIFOLKUM de Sant Boi, esta vindeira fin de semana, xunto con Peixoto e Fariña así como unha serie de grandes intérpretes e músicos amantes do folk. Desexámoslles moitos éxitos.

A vindeira semana voltaremos. ¡Non esquezades de sintonizarnos!

XOVES 3 de marzo do 2016

Comeza o programa facendo varios comentarios relacionados coa nosa cultura galega, algunhas pinceladas sobre Ramón Otero Pedraio e música galega para amenizar este primeiro "trac" de entrada no programa de hoxe.

A seguir conectamos con Galicia para falar coa señora ASSUMPTA, da Vivenda Rural do mesmo nome, en Arzúa. Unha Catalana que se estableceu nesa localidade e que ofrece no seu establecemento unha grande oferta gastronómica local e catalana de grande cualidade. Agradecémoslle a súa aportación e voltaremos a conectarnos para seguir aprendendo da súa experiencia.

Na segunda hora, coma sempre, falamos co noso correspondente XOSÉ MANUEL F. Montes encargado da sección Quen che preguntou? Sempre nos ten preparadas unha serie de boas e interesantes noticias.

A ultima conversa-entrevista é con dona MARISA LOZANO, unha poeta admirada que nos recibe moi amablemente e despois de comentarnos varias e interesantes cousas sobre a súa creatividade, despídenos coa declamación dunha poesía súa. Agradecémosllelo e prometémonos voltar a comunicarnos con ela, para saber e aprender algo máis da súa traxectoria.

Ate a semana que ven. 

XOVES 25 de FEBREIRO do 2016

Unha semaniña máis con vosoutros para tentar levar adiante este programa en língua galega, perante dúas horas. Hoxe coa presenza nos estudos de dous convidados especiais: Rubén Martín Cobano e Ana Belén. Agradecémoslle a súa participación e despois de escoitar unha peciña musical, encetamos. Rubén recítanos unha poesía, da súa autoría, adicada a ALFREDO GONZÁLEZ VILELA, ese cantautor galego que nos honra coa súa amizade e que ven de cumplir anos recentemente.

A primeira comunicación - entrevista é con TAMARA ANDRÉS, unha poeta de Combarro que nos recibe moi amablemente e deseguida entablamos unha conversa moi amena. Primeiro escoitamos o agasallo que lle presenta RUBÉN, consistente nunha poesía adicada a ela mesma. Despois continuamos falando e coñecendo algo máis polo miúdo a súa traxectoria e os seus proxectos tan interesantes.

Na segunda hora falamos co noso correspondente na Capital da Ribeira Sacra: XOSE MANUEL F. MONTES, encargado da sección QUEN CHE PREGUNTOU?, que sempre escolle algunhas noticias interesantes e de actualidade, moi relacionadas con Galicia, claro. Tamén nos agasalla coa súa creación pictórica e que sempre colgamos neste noso humilde blog.

A entrevista final é con UBALDO, o responsable do Restaurante Los Ancares, na rúa Robrenyo, 74-76, de Barcelona. Agradecémoslle a súa colaboración e cóntanos que realizan xantares galegos con moita participación de persoas daquela contorna e precisamente convida a tódolos escoitantes e seguidores para que se apunten á seguinte convocatoria de xantar consistente nunha gran calçotada, que rematará, como as anteriores celebracións, con música e festa a rachar para os comensais e acompañantes que o desexen. Desexámoslle moito éxito e prometémonos voltar a falarlle. Despedímonos ate o vindeiro programa, escoitando outro poema de RUBÉN, esta vez adicado a Fisterra, que lle agradecemos.

A vindeira semana máis. Non faltedes. Agradámovos a tod@s!!!

18 de febreiro do 2016

Un programiña máis falándolles en galego. Na presentación do programa de hoxe indicamos que teremos a presencia, nos estudos, de RICARD ROS, un dos coordinadores do VI FESTIVAL RUBRIFOLKUM, que se celebrará en SANT BOI, durante os días 11 e 12 de marzo.

Unha vez nos estudos o noso convidado RICARD ROS, chamamos a FERNANDO BARROSO, que será un dos músicos que participarán, xunto con PEDRO FARIÑAS e LUÍS PEIXOTO, e que forman o grupo TRIM . Ao tempo que falamos con eles imos escoitando algunha das pezas dos discos que nos trouxo e que nos agasalla RICARD, o convidado especial do programa de hoxe. Agradecémoslle a súa aportción e información. Voltaremos a convidalo.

Na segunda hora, coma sempre, falamos con Xosé Manuel F. Montes, o noso correspondente na Ribeira Sacra (Monforte), encargado da sección QUEN CHE PREGUNTOU? fainos un percorrido interesante sobre as súas escollas de noticias interesantes para tódolos nosos oíntes.

E para finalizar tentabamos falar con LYDIA BOTANA, que nos informara sobre ese disco de música Infantil "De aquí para alá", que tanto éxito está a a ter nas escolas e cos cativos, pero non nos foi posible, aínda que sí puidemos escoitar algún tema desa publicación. En vindeiras datas tentaremos falar con ela.

A vindeira semana máis. ¡Non faltedes á nosa cita!!!

XOVES 11 de FEBREIRO do 2016

Comezamos o programa conectando con don MANUEL VAZQUEZ OSORIO, Presidente do Centro Galego NÓS de Sabadell, que nos informa das actrividades que están a realizaar e da que próximamente terá lugar na cidade de Sabadell, a "1ª Festa do LACON" nesa cidade, para tódolos socios, simpatizantes, amigos e toda a pobalción e arredores. Haberá un stand con produtos de Galicia, pero o primcipal será esa Festa do Lacón, na primeira fin de semana de MARZO. Quedamos todos convidados a participar dese grande acontecemento que se realizará na cidade de Sabadell por primeira vez.

A segunda intervención-conversa é con dona BEATRIZ VILA FREIRE, responsable da Asociación de Hostalería da zona Sur de Lugo, que nos informa da realización da : "VIII edición do ESTASE COCENDO" que se ven celebrando en diversos establecementos da Ribeira Sacra. O padriño desta edición será don DANIEL DE LA TORRE, cineasta recentemente galardoado nos Premios Goya. Tamén nos informa doutras celebracións e acontecementos de importancia en Monforte.

Na segunda hora, como cada semana, o noso correspondente XOSÉ MANUEL F. MONTES, encargado da sección QUEN CHE PREGUNTOU? fainos un percorrido por diversas informacións e noticias de certo interese para todos nós. Denantes de acabar adiántanos o que será a súa aportación gráfica para o programa de hoxe, relacionada coa festividade do San Valentín próximo. 

A ultima conversa-entrevista é con DIEGO MACEIRAS, do Grupo "BELLÓN MACEIRAS", mestre e intérprete de música galega, que nos fala do seu ultimo CD e do seu traballo tanto como no eido da interpretación musical como da docencia na escola que teñen. Agradecémoslle a súa amable atención e falaremos con el en vindeiras datas.

A próxima semana máis. ¡Non faltedes!

4 de FEBREIRO do 2016

A primeira entrevista é con dona PALOMA, artesana de Androllas en LIÑARES, ese pobiño da provincia de Lugo, que tanto agarimo lle ten o noso Armando, e mais Eduardo, que nos acompaña hoxe nos estudios.

A segunda conversa-entrevista é con don XOSÉ Fernández Fernández, Alcalde de NAVIA de SUARNA, para que nos fale desa XXVI Feira-Festa da Androlla, tan nomeada e de tanta concurrencia.

Na segunda hora, coma sempre, conectamos co noso correspondente XOSÉ MANUEL F. MONTES, encargado da sección QUEN CHE PREGUNTOU?, que ten sempre escollidas unha serie de novidades e informacións moi interesantes. Nesta ocasión os seus agasallos ilustrativos fan referencia ao Entroido galego (un Boteiro de Viana), e outros moi concretamente alusivos aos Lardeiros: Compadres e Comadres...

Antes de finalizar a emisión de hoxe conectamos novamente con Galicia para falarmos con dona MARISA, da Asociación Veciñal de SALCEDO (A Pobra de Brollón), para que nos informe desa celebración ancestral do Entroido coa posta en escea do OSO de Salcedo. Agradecémoslle a súa amable atención e prometémonos voltar a falar con ela.

A vindeira semana tentaremos levar adiante outro programiña máis. Non faltedes!!!

28 de XANEIRO do 2016

Comezamos o programa conectando con Galicia para falar con Verónica Núñez, de CAURELOR, para que nos dea información dos seus productos e doutras cousas interesantes da súa empresa.

Despois falamos con Rubén, da Empresa CASA Castelao, con quen mantemos unha pequena conversa-entrevista para que nos fale dos seus productos e do BUTELO da Fonsagrada.

A seguinte entrevista é con XOAN EIRIZ, un Profesor de Múisca e Cantautor galego que nos presenta as súas creacións e composicións musicais.

A última entrevista é con don DAVIDE Rodríguez Estévez, Alcalde do Concello de MANZANEDA, que nos da información interesante sobre esa localidade Ourensana e das actividades tan interesantes que están programando, relacionadas co Entroido.

A vindeira semana máis.

21 de XANEIRO do 2016

No programa de hoxe, aínda que non estamos o equipo ao completo, tentaremos levalo adiante con moito interese. En primeiro lugar chamamos a IVAN, da banda-compañía de SES, a nosa amiga María Xosé Silvar, que nos informa das próximas actuacións e xira que teñen previsto realizar, e que voltarán a actuar na sala Salamandra a finais do mes de febreiro deste ano.

A segunda comunicación é con don Xosé Manuel Iglesias, un dos organizadores da XXXIII FESTA da FILLOA de LESTEDO, que nos da explicacións moi esclarecedoras de cómo veñen realizando esta festa que atrae a tantos interesados nesta celebración tan especial, que xa levan 33 edicións e sempre con moita afluencia de asistentes.

Despois falamos co noso correspondente en Monforte de Lemos, como cada semana, Xosé Manuel F. Montes, encargado da sección QUEN CHE PRGUNTOU? que sempre ten unha intervención chea de interesantes novidades e retranqueira comunicación final.

No final chamamos a Afonso BECERRA de Becerreá, dramaturgo e director teatral co que mantemos unha conversa moi ilustradora e enriquecedora.

A vindeira semana máis.

14 de Xaneiro do 2016

Nesta ocasión comezamos falando con ANTONIO DÍAZ, un grande colaborador e corresponsal do Xornal "Galicia en el Mundo"- Crónicas de la Emigración, e Director da revista "Lúa Nova", da "A.C.G.Rosalía de Castro", comentando algunhas das súas ultimas aportacións publicadas.

A segunda entrevista-conversa é con don ASER ALVAREZ, Documentalista e Director de ARRAIANOS Produccións, que venñen de presentar varios traballos moi interesantes relacionados poa súa Productora.

Nesta segunda hora, como cada semana, falamos co noso correspondente na capital da Ribeira Sacra. Monforte, don Xosé Manuel F. Montes, encargado da sección Quen Che Preguntou?, que sempre remata a súa intervención cunha serie de frases cheas de retranca.

Despois entrevistamos a don ANDRÉ LÓPEZ, un grande Artesán afincado en Navia de Suarna, que nos fala da súa producción e creación artística.

A vindeira semana voltaremos.

Primeiro porgrama do 2016

14 de XANEIRO do 2016

Esta primeira emisión do 2016 comezamos dándolles a ben vida e desexando un ventureiro ano a tódolos nosos oíntes e seguidores. ¡Graciñas por estardes ahí!

Despois de escoitar unha peza do CD de "2 Na Fronteira", mantemos a primeira comunicación con don ANTONIO DÍAZ, Director da revista LUA NOVA e corresponsal do Xornal de Comunicación "GALICIA en el MUNDO", que nos informa das ultimas noticias relacionadas coas nosas Entidades en Cataluña, e moi concretamente de ASOBECAT, que veñen de presentar o XII Festival do Botillo en Cataluña, para o vindeiro día 6 de febreiro, no Hotel Front Air Congress, de Sant Boi.

A segunda comunicación-conversa é con don ASER ALVAREZ GONZÁLEZ, Director da Productora Arraianos, que nos fala das súas creacións documentais, destacando o apartado realcionado coa emisión en RTVG ANACOS DE VIDA, que está colgado na web da propia Radio TVGalega. Tamén nos fala de "Cesteando", "Bill Viola" e "Aquela Celanova"... Magoa non podeer continuar esta conversa cun pouco máis de vagar, pero farémolo en vindeiras datas.

A conexión co noso correspondente en Monforte de Lemos, XOSÉ MANUEL F. MONTES, encargado da sección QUEN CHE PREGUNTOU?, sempre é moi interesante e chea de novidades, rematando coa súa aportación ilustrativa, que nós tamén colgamos aquí, relacionada con algunha das comunicacións que el mesmo nos refire. Seguro que será do voso interese.

O final da nosa emisión de hoxe reservámolo para falarmos con ANDRÉ GÓMEZ LÓPEZ, Artista e Escultor de Navia de Suarna, con quen mantemos unha moi agradable conversa sobre as súas creacións e proxectos tan interesantes. Seguiremos a súa traxectoria.

A vindeira semana prometémosvos realizar outro programa que sexa do voso interese, con entrevistas, música e coas noticias que iremos debullando para todos vosoutros.