Xoves, 29 de XUÑO doi 2017

Comezamos o programa escoitando unha peciña musical para conectar con Galicia, concretamente con don DAVID DORADO, un grande artesán afincado en San Román de Cervantes (Os Ancares, para máis señas). Fálanos da súa experiencia como autor e creador de pezas artesanais moi ben elaboradas que se poden apreciar na súa páxina web: https://artesaniachavello.com/

Despois conectamos con don FELICÍSIMO PEREIRA, Presidente da D.O. Ribeiro, con quen falamos da recente Festa que veñen de celebrar no Mosteiro de San Clodio, para entregar os Premios D.O.Ribeiro. Tamén nos comenta un chisco as recentes presentacións de viños en Madrid, das diferentes distincións que recibiron ultimamente, da IVª Edición do Festival Ribeiro Son de Viño que se celebrará en San Vicente do Mar o próximo 15 de xullo. Agradecémoslle a súa amable atención e prometémonos voltar a falar con el para que nos siga informando das novidades do Ribeiro.

A segunda hora encétaa o noso correspondente, en Monforte XOSÉ MANUEL FERNANDEZ MONTES, que sempre ten preparados os seus Me Ghustan e Non me Ghustan e acaba enviándonos as súas recomendacións para disfrutar dalgún acontecemento ou Festa Galega de prestixio. Tamén nos envía a súa creación a modo de viñeta-dibuxo,coa que sempre nos agasalla.

Despois voltamos a conectar con Galicia para falar con don JORGE ISLA, da D.O. Valdeorras, que nos informa da "XX Feira do Viño de Valdeorras", prevista para a fin de semana do 15 e 16 de xullo vindeiros. Agradecémoslle a súa aportación ao noso programa e comprometémonos voltar a conectar con el para estar ao día das novidades que se vaian producindo.

E acabamos este programa fina de tempada, desexándolles que pasen un ¡¡¡ FELIZ VERÁN !!!

XOVES 22 de xuño do 2017

Unha nova emisión deste noso programiño, en lingua galega, penúltimo desta tempada. Comezamos dándolle a ben.vinda a don MANUEL RODRÍGUEZ JULIÁN, un dos primeiros comunicadores da radio galega en Catalunya, fundador da A.C.G.Rosalía de Castro e grande colaborador noso. A seguir conectamos con UBALDO Pérez, do Restaurante Los Ancares, na rúa Robrenyo, 76-78 de BCN, que como cada ano teñen previsto realizar unha Verbena de San Xoan, chea de gastronomía de grande calidade, acompañada de coca e cava xunto coa música galega para tódolos asistentes.

Conectamos con Galicia para falar con MARTA DACOSTA, poeta e filóloga galega que nos fala da súa traxectoria como escritora e da súa ultima publicación : "Na casa da avoa", que ven de presentar e diversas localidades galegas. Agradecémoslle a súa amable atención.

Encetamos a segunda hora conectando co noso correspondente na capital da Ribeira Sacra, XOSÉ MANUEL Fernández MONTES, encargado da sección Quen che Preguntou? e comeza a súa intervención cos seus ME GHUSTAN e NON me GHUSTAN, e finaliza coas frases retranqueiras de O galego éche así. Tamén nos aproveitamos da súa creación relacionada coa Verbena do San Xoan.

A ultima intervención é con MARTIÑO MASEDA, Licenciado en Filoloxía, escritor e poeta, a quen felicitamos por ter acadado un premio literario no País vasco e aproveitamos para facerlle algunhas preguntas sobre a súa traxectoria e recentes traballos. Un pracer poder conversar con el. Seguiremos en contacto. Graciñas.

A vindeira semana voltaremos, Non deixedes de sintonizarnos.

Xoves 15 de XUÑO do 2017

Un programiña máis, con todos vosoutros. a primeira comunicación que tiñamos previsto era co Profesor e Gaiteiro OSCAR IBAÑEZ, pero tivemos certos atrancos e non nos foi posible comunicarnos con el, para que nos falara desa Homenaxe a Carlos Portela e do seu traballo. Prometemos voltar a intentalo en vindeiras ocasións, e si é posible no próximo programa do xoves que ven.

Ofrecémosvos escoitar unhas pezas musicais e conectamos con Galicia, para falar con don LUIS FERNÁNDEZ GUITIÁN, Alcalde do Concello de Sober. Un grande defensor e traballador pola Ribeira Sacra. Agradecémoslle a súa amable atención e participación no noso programa.

Novamente un bocadiño máis de música e conectamos outra vez con Galicia, para falar con don ARMANDO REQUEIXO, con quen xa temos conversado noutras ocasións, pero abusamos da súa amabilidade para que nos ilustre coa súa disertación sobre literatura e libros así como as súas acertadísimas indicacións e recomendacións sobre o qué sería acosellabel ter á man este verán, para entreternos, aprender, ler e divertirnos un chisco. Prometémonos facerlle unha visita persoal cando vaiamos á Terra.

Seguimos escoitando música e voltamos a Lugo para falar con don ALFONSO MÍGUEZ, CHEF-Cociñeiro do Restaurante Manuel-Manuel, na rúa Monte Faro, 19, xunto ao Parque da Milagrosa. A conversa xira arredor do traballo que ven desempeñando con grande éxito dende fai moitos anos e que lle da fama a ese Restaurante de grande sona en Lugo. Agradecémoslle a súa participación no noso humilde programa e falamos de poder saudarnos persoalmente no verán, aproveitando o lecer das vacacións, si é posible, claro.

Desexamos que pasen unha feliz semana e que volvan a sintonizarnos o vindeiro xoves e graciñas por escoitarnos.

XOVES 08 de XUÑO do 2017

Unha emisión máis, en galego, durante dúas horiñas, tentando entretervos con música, novidades, colaboracións e entrevistas interesantes. A primeira entrevista é con dona MERCHI ALVAREZ, Presidenta de GALICIAME, que nos pon ao corrente de certas novidades moi interesantes para os que padecen o AME, con certas esperanzas para poder facer uso dunha medicina recentemente autorizada e que pronto poderán dispoñer dela: SPINRAZA. Felicitámola polos éxitos que siguen acadando.

A segunda intervención, participación, é con DIVINA CASTELO, responsable da Empresa Champivil,S.L., empresa galega dedicada a envasar productos autóctonos e naturales de Galicia. Fainos unha panorámica moi detallada de tódolos productos que teñen á venda. Poden dirixirse á súa páxina web: //champivil.com/ e mercar os seus productos, entre os que destacamos, como máis curiosos, a cervexa de grelos e as estrugas. Desexámoslles moitos éxitos.

A segunda  hora comeza coa intervención do noso correspondente na capital da Ribeira Sacra, Monforte de Lemos, por parte de XOSÉ MANUEL F.MONTES, encargado da sección QUEN CHE PREGUNTOU?. Despois dos seus "Me Gusta e Non me Gusta" de rigor semanal, envíanos uhas "galegadas" retranqueiras que seguro teñen o seu engado, que el denomina: O galego éche así.

A ultima conexión é con dona CRISTINA ALCALÁ, Xerente do Consello Regulador da D.O. RIBEIRO, que nos da cumprida información das novas relacionadas co viño Ribeiro e tamén nos fala do : RIBEIRO SON DE MÚSICA "IV Festival de Música Viño e Música", que se celebrará o vindeiro 15 de xullo en San Vicente do Mar. Tamén aproveita para informarnos dos diferentes Premios que se entregarán o vindeiro día 20 de xuño no Mosteiro de San Clodio, con motivo dos Premios Ribeiro 2017. Agradecémoslle a súa amable atención en comprometémonos a voltar a conectar con ela, en vindeiras datas, para que nos faga as valoracións pertinentes despois dos acontecementos e celebracións que realizarán. 

A vindeira semana prometemos voltar, con máis música e máis novidades. Non faltedes!!!

Xoves 01 de XUÑO do 2017

Comezamos o mes de xuño cun programiña máis en galego. A primeira comunicación-entrevista é con don XABIER MOURE, Antropólogo pertencente ao "Colectivo Patrimonio dos Ancares" que nos pon ao corrente das recentes descubertas que fixeron en Cervantes a comezos do mes pasado así como doutros temas moi interesantes relacionados co Patrimonio. Unha conversa moi ilustrativa e chea de ensino.

A segunda conexión é con Galicia, novamente, para falar con AIDA Tarrío, do Grupo musical galego "Tanxugueiras" que nos atende moi amablemente e conversamos sobrea a súa traxectoria e éxitos recentes así como dos proxectos que teñen en marcha e que verá a luz o próximo ano 2018. Felicitámolas e desexámoslles que sigan tendo moitos éxitos.

Nestas segunda hora conectamos co noso correspondente na Ribeira Sacra, monforte, don Xosé Manuel F. Montes, que sempre ten preparadas unha serie de informacións e Me Gustan - Non Me Gustan, cos que nos fai compartir as súas inquedanzas. E como cada semana ahí nos envía a súa creación artística que "copiamos" aquí mesmo. 

Para finalizar conectamos con CARMEN PENIN, de "2na Fronteira" que ten xa casi finalizado ese traballo tan interesante que leva por título HERDEIRAS, e do cal nos fai "cinc centims" moi detallados sobre a participación dos grandes colaboradores cos que contou. Agradecémoslle a súa aportación e desexámsolle moitos éxitos. Seguiremos informando.

Desexamos que pasen unha feliz semana. Non deixedes de sintonizarnos, que voltaremos o vindeiro xoves.

XOVES, 25 de MAIO do 2017

Comezamos o programa convidándoos a escoitar unha peza de música galega para despois comunicarnos ciroga, que nos informa da con don PEDRO SOTO, un colleiteiro de ACEITE de Quiroga que nos fala da "18 Festa-Mostra do Aceite de Quiroga" que se celebrará esta vindeira fin de semana á que asistirán media ducia de colleiteiros xunto con outros artesáns da zona.

A segunda entrevista-conversa é con dona SILVIA CASTAÑEDA, xunto con don RAÚL VELASCO, que nos atenden moi amablemente e axúdannos a informar a tódolos nosos oíntes e seguidores da "XXXVI Festa Galega da Irmandade de RUBÍ", que este ano ten como aliciente incorporado a celebración do "Iº Certame de Relatos" da Entidade. Esta fin de semana están todos convidados a participar deste grande evento na Rambla do Ferrocarril de Rubí. 

A segunda hora comeza coa intervención do noso correspondente na capital da Ribeira Sacra, Monforte, XOSÉ MANUEL F. MONTES, que sempre ten preparadas os seus "Me Gusta" e "Non me Gusta" moi relacionados coa realidade galega do momento e termina a súa paarticipación enviándonos as súas frases retranqueiras: "O galego éche así". Tamén nos envía a súa creación artística relacionada coa súa colaboración, neste caso é unha homenaxe a Guitián, humorista gráfico da A Coruña, xa que a denuncia que lle puxeron foi sobreseída. ¡Graciñas, Xosé Manuel!

Aínda temos tempo para falar con Manu Núñez, "chef" do Restaurante "ARUME", na rúa Botella, 11-13 de Barcelona, que nos fai sabedores do que se pode degustar nese restaurante galego de grande calidade. Foron eles os que participaron no evento relacionado coa emisión da película SCIXIA, que ten como fondo principal a Costa da Morte e eles confeccionaron un menú especial con productos daquela zona. Agradecémoslle a súa participación.

A vindeira semana voltaremos á mesma hora, para ofrecervos un programiña máis, con moitoa música, novidades e entrevistas. Non deixedes de sintonizarnos e mandainos as vosas suxerencias.

XOVES 18 de MAIO do 2017

Esta semana comezamos dándolles a ben-vida e conectando con Badalona, para falar con JUAN PRIETO, Presidente da A.C.G.AGARIMOS, que está a celebrar o seu "20 Aniversario" cunha serie de actos que nos conta con detalle a polo miúdo. Agradecémosllelo e convida a tódolos nosos oíntes e seguidores para que asistan e disfruten con eles deste evento.

A segunda conexión é con OSCAR de SOUTO, poeta, comunicador e grande defensor das "nosas cousas" con quen mantemos unha agradable conversa. Agradecémoslle a súa amable conversa e a declamación dunha creación poética homenaxe a Paco Souto, recentemente falecido na Costa da Morte, nun desgrazado accidente precisamente cando "percebeaba".

Agora a sección QUEN CHE PREGUNTOU? onde intervén o noso correspondente XOSÉ MANUEL F. MONTES, dende Monforte de Lemos para darnos a súa aportación semanal cos seus "ME Gusta e NON me Gusta, ademais doutras cousas interesantes e curiosas, como o asunto da cervexa de grelos, que el mesmo escolle e fainos partícipe delas.

Por ultimo conversamos con dona BEATRIZ VILA FREIRE, que nos pon ao corrente da próxima celebración do "CUME TAPAS", que están a punto de celebrar e que representará seguramente outro exitazo dos restauradores e hoteis desa Ribeira Sacra Lucense.

A vindeira semana máis. Non faltedes, teremos moitas cousas interesantes e cheas de engado, adubiadas con música galega.

XOVES 11 de MAIO do 2017

Comeza o programa conectando con Galicia para falar con XABIER VIZCAINO que nos comenta as ultimas actuacións na presentación do seu ultimo traballo CD : DIÁSPORA, que está a ter moito éxito e bastante demanda. Tamén conecta con IGNACIO VILAR, para falar do filme que se presentará a vindeira fin de semana, coincidindo coa celebración das Letras Galegas no cinema Maldá de Barcelona. A película: SICIXIA está rodada na Costa da Morte de Galicia e está a ter unha grande demanda e ven de recibir varios premios.

A segunda comunicación é conmigo mesmo, que estou desplazado no Balneario de ARIÑO (Teruel), e aproveito para comentar varias das visitas que se poden realizar neste lugar de lecer tan interesante.

Na segunda hora conectamos co noso correspondente, Xosé Manuel F. Montes, encargado da sección QUEN CHE PREGUNTOU?, que coma sempre fai unha disertación e comentarios moi axeitados acompañados do seus Me Gusta e Non me gusta cos que pretende facer partícipes a tódolos nosos oíntes e seguidores. Aquí recollemos a súa aportación creativa en forma de viñeta.

E despois de escoitar algunhas informacións e pezas musicais galegas, despedímonos desexando que volten a conectar connosco a vindeira semana.

Xoves 04 de MAIO do 2017

Unha semaniña máis con todos vosoutros. Comezamos conectando con Galicia, concretamente con Rianxo, para falar con GONZALO HERMO, Licenciado en Lingüística galega, recentemente doutorado, escritor e poeta, que nos pon ao corrente da súa actividade creativa e comparte con nosoutros as súas inquedanzas literarias e lingüísticas.

A segunda conversa-entrevista é con ISABEL RISCO, unha Actriz moi recoñecida en Galicia, Graduada en Pedagoxía Teatral, con quen mantemos unha moi entretida e amena conversa, falando das moitas actividades e participacións artísticas nas que colabora. Agradecémoslle a súa amable atención.

Seguimos, nesta segunda hora, falando co noso correspondente XOSÉ MANUEL F. MONTES, que nos fai a súa crónica semanal da sección QUEN CHE PREGUNTOU? dende Ourense, onde se atopa por motivos profesionais e participativos. A proba do mesmo témola no video que colgamos aquí mesmo. Tamén nos fai o seu percorrido habitual polos "Me Gusta e Non me gusta" moi relacionados coa actualidade da nosa comunidade Galicia.

E a ultima conversa.entrevista é con MARTIÑO MASEDA, outro Licenciado galego, escritor e poeta de Villalba, que nos fai partícipe das súas inquedanzas e creatividade, ademais de adiantarnos a próxima edición dun CD que levará por título CRAK, e que estará composto por varios poemas declamadospor el e acompañados de interpretacións musicais alusivas aos memos.

Despedímosnos ate a vindeira semana.

XOVES 27 de ABRIL do 2017

Unha semaniña máis con todos vosoutros para facer posible estas dúas horiñas de radio en galego. Comezamos entrevistando a José Luís Deiros Alonso, Cociñeiro do Restaurante que está na Condomiña: "Restaurante A FONTE da Salú", con quen mantemos unha conversa moi interesante relacionada con ese punto de encontro na Autovía galega e que semella un lugar imprescindible visitar para coñecer e disfrutar das boas viandas que alí se sirven. Productos de auténtica calidade galega.

A segunda conversa-entrevista é con FRAN BOUSO, coordinador encargado das IV Xornadas de "MONDOÑEDO É POESÍA", que se celebrarán o día 1 de maio vindeiro. Un recital Poético-Musical que é merecente de dar a coñecer así como asistir ás "Quendas de Mondoñedo" que se celebran esta fin de semana. Desexámoslles moitos éxitos.

Encetamos a segunda hora conectando co noso correspondente Xosé Manuel F. Montes, encargado da sección QUEN CHE PREGUNTOU?. Sempre nos agasalla cunha serie de noticias e acontecementos interesantes, facéndonos partícipe dos seus "Me Gusta" e "Non me Gusta" moi ben elixidos, así como a súa aportación creativa en forma de viñeta, que aquí lles incluímos. Termina convidándonos a asistir a algunhas das celebracións festivas que se realizan esta fin de semana na nosa Galicia.

A ultima Entrevista é con don RAFAEL QUINTÍA, autor do CD "A Pedra do Fundamento", Licenciado en Antropoloxía e tamén en Ciencias Económicas e Empresariais. A conversa xira arredor das súas investigacións e das moitas actividades culturais que realiza e nas que está moi implicado. Concertámonos para voltar a convidalo a participar connosco noutra ocasión e seguir aprendendo do moito que nos ensina.

A vindeira semana máis. Non deixedes de sintonizarnos.

XOVES. 20 de ABRIL do 2017

Comezamos o programa, despois do descanso da Semana Santa, coa primeira comunicación-entrevista ao compoñente de "RADIO COS", XURXO Fernándes, que nos pon ao corrente do seu ultimo traballo: "Pasatempo" e aproveita para darnos información das vindieras actuacións e concertos que teñen previsto realizar próximamente. Agradecémoslle a súa aportación.

Marmeladas de CAURELOR

A segunda conversa.agradecemento é para con DANIEL ARZA, de "Caurelor". Temos que felicitalo polo traballo que están a facer na elaboración deses productos tan exquisitos e tamén darlle-las grazas polo agasallo que acabamos de recibir nos estudos e que compartiremos co equipo de Radio Sant Boi. Aquí tedes unha mostra dese presente que nos chegou. Unha mostra dalgúns dos seus productos exquisitos: Marmeladas de diversas, de figos, de cabaza, de prexego, crema de castañas e un suculento envasado de castañas cocidas con chourizo e algún ingredente máis. ¡Grazas! E deseguido falamos con DAVIDE RODRIGUEZ, que é un dos responsables encargados de organizar o "IV Serán da vila de MANZANEDA", que nos atende moi amablemente e infórmanos das diferentes actividades previstas para esta próxima fin de semana.

Novamente regresamos a Galicia, concretamente a Navia de Suarna, para entrevistar a EVA XANIM, unha poeta moi xoven, que nos recibe moi amablemente e fálanos da súa traxectoria creativa e dos porxectos que ten previsto realizar.

A ultima conversa-entrevista é con GUILLERMO Fernández da A.C.Xirandela, en Torrejón de Ardoz - Madrid. Infórmanos das diferentes actividades que veñen realizando e das que teñen previsto levar adiante nestes próximos meses. Agradecémoslle a súa participación no noso programa de hoxe.

A vindeira semana voltaremos, á mesma hora e con máis novidades. Agardamos que voltedes a sintonizarnos. Xa sabedes que este programa reemítese os domingos de 15 á 17horas.

XOVES 06 de ABRIL do 2017

Un programiña máis en galego para tódolos nosos oíntes e seguidores, tentando entretelos coa nosa proposta de entrevistas, música e novidades interesantes. Comezamos conectando con Galicia para poder falar co Ilmo.Sr.Alcalde de QUIROGA, don Julio Álvarez, que moi amablemente nos atende e fálanos da XXXV Feira do Viño de Quiroga, na que se realizarán unha serie de actividades relacionadas con este evento de grande resonancia na contorna.

Despois chamamos a IVAN ESTÉVEZ, Presidente do Grupo de música SON DO SIL, que veñen de presentar o seu segundo CD que leva por título "10 años contigo". Xa levan feito varias actuacións e concertos en localidades cercanas ao seu emplazamento (Barco de Valdeorras). Nesta localidade é onde se reúnen periódicamente para ensaiar baixo a dirección de don MODESTO BLANCO, que fai os arranxos e prepara as intervencións musicais de tódolos seus compoñentes. Agradecémoslle a súa participación no noso programa e desexámoslles moitos éxitos.

A segunda hora, coma sempre, chamamos á capital da Ribeira Sacra para manter a conexión co noso correspondente Xosé Manuel F. Montes, encargado da sección QUEN CHE PREGUNTOU?, que sempre ten escollidas unha serie de informacións e interesantes novidades para tód@s. Debido a certas causas alleas á súa vontade, non pode dispoñer de Internet e telefonía fixa, así que é posible que non poidamos recibir a súa acostumada aportación creativa ou viñeta semanal. Desexámoslle que teña unhas Felices Pascuas e unha boa Semana Santa.

A última conversa-entrevista é con don ARMANDO REQUEIXO, Profesor, Licenciado en Lingua Galega e Portuguesa, escritor e Crítico Literario galego de grande prestixio. A conversa convértese nunha lección descritiva da súa tarefa principal, que é a critica literaria galega. Un pracer poder recibir ensinanzas gratuitas dun grande da nosa cultura literaria galega. Concertamos que teremos que voltar a falar con el para que nos siga deleitando e ensinando moitas cousas do noso "seny" galego. Moitas grazas e apertas saudosas Armando.

Desexámoslle a tódolos nosos oíntes e seguidores que disfruten deste descanso da Semana Santa e que volvan a sintonizarnos novamente dentro de 15 días, que prometemos continuar con esta nosa teima de comunicar as nosas inquedanzas, e en galego.

XOVES 30 de MARZO do 2017

Comezamos outro programa máis dándolles a benvida e ofrecéndolles escoitar un bocadiño de música para saudar a conversa con IVAN PATIÑO, da Productora AMANITA FILMS, en Monforte de Lemos, que nos fala da traxectoria da ultima película "Os días Afogados" e dos proxectos que van camiño da realización dunha longametraxe moi adiantados e desexamos que sigan acadando tantos éxitos como veñen recibindo ultimamente.

A segunda entrevista.conversa é coa Concelleira de Cultura de Vilalba, dona Consuelo Grandío, que nos fala da celebración da "XXIII Festa-Feira do Queixo de San Simón da Costa", que se realizará nos días 1 e 2 de Abril próximo, e adiántanos o programa tan interesante que teñen previsto.

Como cada semana a sección QUEN CHE PREGUNTOU?, a cargo do noso correspondente Xosé Manuel F. Montes, que sempre ten preparadas unha escolla de novidades e interesantes intervencións persoais que sempre son moi ben recibidas pola nosa audiencia e seguidores. Tamén recollemos a súa aportación creativa relacionada co programa de hoxe.

Para finalizar conectamos novamente con Galicia, para falar con XABIER Vizcaíno con quen mantemos unha agradable conversa e infórmanos da presentación, en Sárria, do seu próximo traballo discográfico "Diáspora", que seguro lle dará moitas satisfacción e éxitos.

A vindeira semana voltaremos. Non deixedes de sintonizarnos.