Ultimo programa do ano 2017

XOVES 21 de DECEMBRO do 2017

Comezamos o programa cunha novidade: emitimos vía facebook este ultimo programa do ano e podedes comprobalo neste enlace: Galegos no BAIX. A primeira comuniciación é con dona CONCHA LOSADA, responsable do APOI do Museo do POBO GALEGO. Mantemos unha conversa moi interesante sobre as múltiplas oportunidades que se poden disfrutar nese edificio emblemático onde se aloxa o MPG, en San Domingos de Bonaval.

A segunda comunicación é con MAR AMBRONA MARCIAL, da empresa https://www.exquisitec.es/ especializada en marisco e tamén en http://www.portodecambados.com/. Fálanos dos productos en fresco e en conserva (conxelados) que se poden adquirir para estas datas nadalencas. A súa especialidade son as Vieiras, pero este ano non se poderán adquirir pola "veda" actual. Agradecémoslle a súa amable atención.

O apartado "Quen che Preguntou? que está a cargo do noso correspondente Xosé Manuel F. Montes, na capital da Ribeira Sacra, Monforte, Comeza cos seus "Me ghustan e Non me ghustan" sempre moi ben escollidos e acaba a súa intervención coa descrición dunha salientable nota sobre unha noticia interesante, ademais de enviarnos a súa colaboración creativa, que compartimos con todos vosoutros.

Finalizamos o programa de hoxe conectando novamente con Galicia, para falar con Cheri Galindo, do Concello de Vilalba, que nos fala da Feira do Capón de Nadal da vila de Vilalba. Aproveita para falarnos doutras esquisiteces que se poden atopar nesa localidade, como é o Queixo de San Simón e os Roscos dos Andrade, que se poden degustar no Hostal Anduriña.

Aproveitamos para desexarlles un moi FELIZ NADAL e que teñan unha feliz saída de ano vello e ventureira entrada de Aninovo 2018. Agradámosvos despois de Reises.

XOVES 14 de DECEMBRO do 2017

Un programiña máis, penúltimo do ano, para tentar entretervos perante estas dúas horiñas, en galego. Comezamos escoitando unha peciña musical e deseguida conectamos con Galicia para falar con QUICO CADAVAL, que nos atende moi amablemente e con quen mantemos unha conversa-entrevista na que aproveitamos para felicitalo pola súa aportación e participación na GALA de GALICIAME, en Cambados, a semana pasada. Tamén nos fala do seu traballo e das súas propostas para o vindeiro ano, nas que está traballando. Agradecémoslle a súa paticipación.

Despoiss conectamos con MERCHI ALVAREZ, a nosa amiga Presidenta de GALICIAME, que nos conta unha serie de cousas moi interesantes relacionadas coa Asociación, co seu traballo, co éxito acadado na GALA de Cambados a semana pasada, coa recepción no Senado (en Madrid) a coincidencia con Richard Gere... moitas e interesantes cousas.

Na segunda hora intervén o noso correspondente na capital da Ribeira Sacra, Xosé Manuel F. Montes, encargado da sección QUEN CHE PREGUNTOU? Os seus Me ghustan e non Me ghustan son sempre unha recopilación moi interesante na que aprendemos e coñecemos algo máis da nosa Galicia. E como xa sabedes todos, envíanos a súa aportación creativa alusiva a algo do contido do programa, que nós compartimos con todos vostedes. ¡Moitas grazs, Xosé Manuel!

Finalmente chamamos a Marcos de Manuel, pai dun neno que padece AME, socio da Galiciame, e que ven sendo tratado dende fai uns anos no Hospital San Joan de Dios, aquí en Barcelona. Fálanos das súas inquedanzas e do día a día familiar. Agradecémoslle a súa colaboración no noso programa.

O vindeiro xoves agardámosvos a todos, á mesma hora, outra vez. Teremos sorpresas agradables e moi interesantes. Non faltedes!!! Que pasades unha feliz semana!!!

XOVES 30 de novembro do 2017

Ultimo programa do mes dos SANTOS, que comezamos ofrecéndolles unha peza musical e conectando con Galicia para falar con XOSÉ LUÍS LIS Latas, artesán e Profesor no seu Obradoiro de Gaitas en Lugo. Unha conversa que nos fai coñecer un chisco máis a súa creatividade e grande investigación arredor da Gaita Galega.

A segunda entrevista é co Poeta Labrego de Chantada, PACO LEDO, que nos comenta a súa faceta creativa e traballo de labrego enxebre na zona de Chantada. Moi amable e bon coñecedor da zona, que acaba agasallándonos coa declamación dun dos seus  fermosos poemas.

O noso aparatado QUEN CHE PREGUNTOU? do que se encarga Xosé Manuel F. Montes, sempre comeza cos seus Me Ghustan e Non Me Ghustan, que elixe moi axeitadamente, acompañados dos seus comentarios complementarios. Tamén aproveita para introducir a súa aportación especial adicada ao noso idioma que el mesmo denomina "O Galego éche así". 

Finalmente falamos con ROBERTO REGAL, enólogo e adegueiro que nos comenta as ultimas novidades sobre a súa Adega ENONATURA, na Ribeira Sacra, así como outros traballos nos que participa, sempre relacionados coa viticultura. Agradecémoslle a súa aportación no noso humilde programa.

A vindeira semana non teremos programa. É festivo. Agardámosvos na vindeira ocasión.

XOVES 23 de Novembro do 2017

Comezamos o programa conectando con XOAN CURIEL, cantautor galego nado en Fonsagrada que nos comenta as últimas intervencións, concertos e demáis actuacións na súa carreira profesional, así como a pronta edición dun seu CD que porá no prelo no primeiro trimestre do ano 2018. Agradecémoslle a súa atención e participación no noso programa.

En segundo lugar conectamos con ELENA FERRO a zoqueira máis internacional que temos en Galicia. Explícanos a evolución da Tenda-Taller de Eferro, así como tamén das súas creacións artísticas, que se poden adquirir por Internet, na súa páxina web (http://elenaferro.com/es/), e que ten unha actividade nas Redes Sociais moi importante. Desexámoslle moitos éxitos.

Nesta segunda hora, como cada semana, Xosé Manuel F. Montes, o noso correspondente na capital da Ribeira Sacra (Monforte de Lemos), encargado da sección QUEN CHE PREGUNTOU?, fainos partícipes das súas reflexións cando nos amosa os seus MeGhustan e NonMeGhustan, que argumenta moi axeitadamente. Tamén nos envía o seu debuxo para compartir, alusivo ao programa.

Tamén falamos con don JUAN R.GOMEZ DACAL, do CENTRO GALEGO DE LLEIDA, encargado da páxina (blog) do Centro:  "Cengallei", coordenador e director da Revista "Xurdimento" do Centro. Fainos unha crónica moi completa e exahustiva das actividades que están a levar a cabo, con motivo da celebración da "Semana Cultural das Casas Rexionais de Lleida". Aproveitamos para facerlle algunhas preguntas máis sobre as Actividades da Entidade. Agradecémoslle a súa atención.

Comentamos tamén as Actividades, que se levaron a cabo o sábado pasado, na A.C.G.Rosalía de Castro, de Cornellà, con motivo da entrega dos Premios do "31 Certame de Poesía Rosalía de Casto", e damos a coñecer os nomes dos gañadores, que próximamente tentaremos entrevistar na nosa radio. E antes de finalizar o programa aínda temos tempo de falar da "IIIª Gala-Xantar de GALICIAME" que se celebrará en Cambados o día 8 de decembro, concretamente nas Adegas Condes de Albarei. Esta Gala que será presentada por Belén Xestal e o noso compañeiro Armando Fernández.

Agardamos que pasen unha feliz semana. O vindeiro xoves aquí estaremos.

XOVES 16 de Novembro do 2017

Un programiña máis de dúas horas en galego. Comezamos conectando con LUCÍA PÉREZ, esa cantautora galega que nos representou na Eurovisión do 2011, e que segue a colleitar éxitos na súa traxectoria profesional. Agora mesmo está a presentar un programa na Radio Televisión Galega, tódolos luns: "Quérote tanto", que está a ter moito éxito. Tamén nos informa da súa participación, nesta vindeira fin de semana, nun concerto en Pamplona, a beneficio do proxecto Home.

A segunda conversa é con DANIEL ARZA, de CAURELOR, que nos da cumprida información das novidades e propostas que están a confeccionar para este Nadal. Sempre nos atende con amabilidade.

Continuamos na segunda hora coa sección QUEN CHE PREGUNTOU?, do noso correspondente na capital da Ribeira Sacra, Xosé Manuel F. Montes. Os seus Me ghustan e Non Me Ghustan sempre teñen un punto de retranca galega moi interesante, e finaliza a súa intervención cun comentario moi axeitado sobre a frase "Quítalle algo..." A súa aportación creativa fai referencia a un "cabodano" de tristes consecuencias para Galicia.

A ultima intervención é unha entrevista que nos concedeu don Xosé Lois Lamazares, da Empresa "Galletas Daveiga", radicada en Chantada e que nos fala dos difíciles comezos e da actual situación boiante e próspera que está a ter moita demanda, especialmente en Portugal. Agradecémoslle a súa aportación e desexámoslle moitos éxitos nos seus proxectos e obxectivos.

A vindeira semana voltaremos. non deixedes de sintonizarnos.

XOVES 09 de Novembro do 2017

O programa de hoxe comeza conectando coa Presidenta de GALICIAME, dona Merchi Álvarez, que informa dos obxectivos previstos para o día 8 de decembro deste mesmo ano. Un grande evento que este ano celebra a súa 3ª edición da GALA XANTAR Benéfico Galiciame, con grandes personaxes do ambente cultural e artístico de Galicia. Os ingresos que se acaden serán dedicados para a investigación que se realiza no Hospital San Joan de Deu, en Barcelona, para atopar remedios para a Atrofia Muscular Espinar. Agradecémoslle a súa aportación.

A segunda intervención-entrevista é co Restaurante " El Parrulo " de Ferrol, que nos atende moi amablemente e nos fai partícipes da súa traxectoria e propostas culinarias.

Na segunda hora, como cada semana, conectamos co noso correspondente XOSE MANUEL F. MONTES, en Monforte de Lemos, encargado da sección QUEN CHE PREGUNTOU? e aproveitamos para compartir esta intervención co noso compañeiro Xulio Couxil, que tamén participa, dende Menorca, onde se atopa desprazado. Despois dos seus "Me ghustan e non me ghustan" envíanos o seu creativo dibuxo, alusivo ao programa de hoxe.

Finalmente conectamos novamente con Galicia, para entrevistar a CÁNDIDO PAZÓ, un grande da interpretación no eido cultural galego.

Non deixedes de sintonizarnos e pasade unha feliz semana. Agardámosvos o vindeiro xoves. non altedes!

XOVES 2 de NOVEMBRO do 2017

Unha semaniña máis, con todos vosoutros, para ofrecervos dúas horiñas de radio en galego. Comezamos coa intervención dun Escultor-Artesán da madeira e da pedra, ubicado en Sàrria, en pleno "Camiño de Santiago". Dámoslle a benvida, pois, a don JOSE LUÍS GARCÍA MOREIRA, propietario do Obradoiro "ARTE-SAN". Unha conversa moi interesante e enriquecedora.

Continuamos con outro Artesán, esta vez de PAN. Don MANUEL BARREIRO, propietario da Panadería-Pastelería ANXEMI, de Pontevedra, que nos pon ao corrente das súas creacións e investigacións relacionadas co pan tradicional e artesán, así como as ofertas de pastelería, que está a ter tanto éxito no seu entorno.

A seguinte entrevista é a dona Mari Carmen Verea, coordinadora da "30 Festa da Castaña no Caurel" que nos comenta as actividades a realizar o vindeiro día 4 de novembro para celebrar esa Festa declarada de Interese Público.

Para finalizar conectamos con David López, membro do Centro de Desenvolvemento Rural dos Ancares, concretamente de Cervantes. Agradecémoslle a súa amable atención.

Desexamos que pasen unha feliz semana. O vindeiro xoves agardámosvos outra vez.

XOVES 26 de Outubro do 2017

Comezamos o programa dándolles a ben-vinda e conectando directamente con Galicia para falar con MARTIÑO MASEDA, escritor, poeta e gran dinamizador cultural na Terra Chá. Unha conversa-entrevista moi interesante para coñecer a traxectoria e creatividade que ven realizando.

Logo de escoitar unha peciña musical voltamos a conectar novamente con Galicia, concretamente co "Chef" do Restaurante "A Faragulla" (con certificado de Excelencia), don Antonio Lorenzo, que nos fai unha semblanza das ofertas gastronómicas que ofrecen nesa "Brasería" especializada en pratos con creatividade e moi demandados no seu local. Agradecémoslle a súa aportación no noso programa.

Sección "Quen che Preguntou?" a cargo do noso colaborador e correspondente habitual, Xosé Manuel F. Montes, que dende a capital da Ribeira Sacra, sempre nos agasalla cunha viñeta alusiva aos contidos do programa, pero que nesta ocasión non puido ser, por mor de certas obrigas persoais. De tódolos xeitos os seus "Me Ghustan e Non me Ghustan", son un referente moi relevante da visión dos aconteceres semanais na nosa Galicia. Tamén nos envía a súa aportación creativa, en forma de "viñeta" alusiva a algún acontecemento de actualidade, que nos aproveitamos e colgamos neste blog. 

A ultima conversa-entrevista é con dona Beatriz Vila Freire, responsable de Turismo da zona Sur de Lugo, na Ribeira Sacra, que nos comenta unha serie de acontecementos e actos que se celebran estes días. Tamén comentamos o Concerto da nosa amiga CARMEN PENIN, que realizará no día de hoxe, concretamente ás 20:15 no Edificio Multiusos de Monforte de Lemos.

Despedímonos ate o vindeiro xoves. Desexamos que pasen unha feliz semana.

XOVES 19 de Outubro do 2017

Comezamos unha nova emisión de radio en galego conectando directamente con Galicia, para manter unha conversa co Sr. Alcalde de Cervantes, don Benigno Gómez Padin, para que nos informe dos desastres que aconteceron esta semana pasada naquela contorna. Incendios e grandes destrozos. Menos mal que a chuvia axudou a apagar os lumes pois algunhas aldeas víronse asediadas polas lapas que foron apagando os propios veciños con carrocetas e tractores como puideron.

A segunda entrevista é con dona EMMA PEDREIRA, Licenciada en Filoloxía, Poeta, Escritora, a quen felicitamos polos recente premios acadados e aproveitamos para que nos poña ao corrente da súa nova producción creativa. Agradecémoslle a súa aportación.

Falamos con dona EUGENIA, das Adegas CONDES de ALBAREI, no Salnés. Coméntanos varias cousas relacionadas coa Adega moi interesantes e facemos referencia concreta á súa participación e colaboración na "IIIª GALA-Xantar de Galiciame" en Cambados, para a que facilitan as súas instalacións e aportarán o viño albariño do xantar. Tamén nos fala do Albariño do Pazo de Baión, que adquiriron recentemente e que representa un novo valor engadido ás Adegas.

A sección QUEN CHE PREGUNTOU? a cargo do noso correspondente habitual, Xosé Manuel F.Montes, sempre moi interesante, comentando os acontecidos na semana, e cos seus Me Ghustan, moi atinados e cheos de razoamentos moi atinados. Tamén nos envía a súa aportación creativa, en forma de dibuxo, relacionada co programa de hoxe.

Finalmente conectamos con Viana do Bolo, en Ourense, para falar co Sr.Alcalde don Secundino Fernández. Coméntanos a falta de recursos que tiveron para poder actuar en contra dos incendios que tamén produciron una desastre ecolóxico moi importante nos pobos de Pradocabalos, Bembibre, Castro... ... Algo que lamentablemente xa nos se poderá restutuír en moito tempo. Grazas á choiva o perigo atallouse, pero a perda nestas contornas é moi importante. Desexamos que, dentro da normalidade, se poida axudar, por parte da Administración, a eses damnificados neste desastre.

A vindeira semana voltaremos. Non deixedes de sintonizarnos. E graciñas por seguirnos.

5 de OUTUBRO do 2017

Comezamos o programa dándolles a ben-vida aos nosos oíntes e seguidores e escoitando unha peciña de música. Temos que agradecerlle a presencia nos estudos a don ANTONIO DÍAZ, Director da Revista LUA NOVA, colaborador e compañeiro de inquedanzas nas nosas Radios. A primeira comunicación-conversa é con AIDA do grupo musical  "Tanxugueiras". Ponnos ao corrente da súa traxectoria neste verán, así como das novidades e posible publicación dun CD para os primieros meses do ano que ven. Agradecémoslle a súa amable atención e despedímonos coa escoita doutra peciña musical.

Novamente trasladámonos a Galicia para falar con dona Mª Cristina Cid Fernández, Concelleira do Concello de Allariz, que nos fala das Xornadas de Carne de Boi e doutras moitas actividades que desenvolven nesta localidade Ourensana.

A intervención de XOSÉ MANUEL F. Montes no seu apartado QUEN CHE PREGUNTOU? fainos un repaso das súas reflexións e opinións ademais dos seus Me Ghusta e Non me Ghusta sempre interesantes. Despois achéganos a súa creación artística, relacionada con algunha das noticias do programa e que nos aproveitamos para compartir con todos vosoutros, neste blog.

Novamente conectamos con Galicia, coa Ribeira Sacra, para falar con dona María Xosé Yravedra, da Adega RONSEL DO SIL. Mantemos unha conversa chea de interese falando dos viños da súa adega e dos que se colleitan nesa Ribeira Sacra. Agradecémoslle o convite para visitar os seus viñedos e adega.

O vindeiro xoves non teremos programa (é festivo). ¡Disfruten!

28 de SETEMBRO do 2917

Comeza o programa dándolles a ben-vida a tódolos nosos oíntes e seguidores. Nesta ocasión non pode estar en directo Xulio Couxil, pero tentarase comunicarnos con el, alí onde se atope. A primeira comunicación-entrevista é con DANIEL de CAURELOR, que nos pon ao corrente das súas novidades nesa empresa familiar que está acadando tantos éxitos e que sempre nos atende con moita amabilidade. Desexámoslles moitos éxitos.

A segunda intervención é  co "CHEF" do Restaurante-vinoteca Merenzao, en Sober, concretamente no Mirador de Cadeiras. Un lugar espectacular na Ribeira Sacra no que se pode disfrutar dunha excelente proposta gastronómica chea de novidades, engado e fartura, para todos aqueles padares que desexen experimentar nun lugar feiticeiro da Ribeira Sacra. Agradecémoslle a súa atención.

Nesta segunda hora, como ven sendo habitual, temos a participación e comunicación do noso correspondente Xosé Manuel F. Montes, encargado da sección QUEN CHE PREGUNTOU? e aproveitamos para darlle paso a Xulio Couxil, que tamén participa connosco.

Finalizamos coa intervención de XOAN CURIEL, o cantautor galego que sempre nos recibe moi atentamente e cóntanos as diversas actuacións deste verán, así como tamén nos informa das súas novidades musicais, tan interesantes.

A vindeira semana máis. 

Non deixedes de sintonizarnos.

21 de SETEMBRO do 2017

Na emisión de hoxe non estaremos "os de sempre", por mor de certas "obrigas" persoais de Xulio, que se atopa facendo o Camiño de Santiago, pero serán dúas horiñas de radio moi interesantes. Comeza conectando con Cambados para falar con dona MERCHI ALVAREZ, que nos fala da "IIIª Gala-XANTAR de GALICIAME" e doutras novidades moi importantes relacionadas co traballo que están levando a cabo nesa Asociación.

A segunda entrevista e a dona Mª ROSENDO, autora da novela "O Viaxe de EVA". Dende Moaña fainos un pequeno percorrido do que foi este traballo e da traxectoria persoal da súa escrita.

Na segunda hora conectamos con XOSE MANUEL, encargado da sección QUEN CHE PREGUNTOU? e tamén intervén dende Galicia Xulio C. A participación en forma de debuxo está relacionada coa seguinte entrevista.

Falamos con ABEL BARANDELA, un pintor nado en Ourense, que se estableceu no Salnés, concretamente en Sanxenxo, e que pratica unha técnica moi especial de Etnopintura. Agradecémoslle a súa participación neste noso programa.

14 de SETEMBRO do 2017

Comezamos unha nova tempada tentando levar adiante este programiña de dúas horas en galego. A primeira comunicación é con ARMANDO FERNÁNDEZ, que hoxe non se atopa nos estudos da radio por algúns impedimentos persoais, pero que nos envía moitos azos e desexos de que tod@s teñamos unha feliz emisión. Simultaneamente conectamos con Galicia para falarmos con CARMEN PENIN, de "2Na Fronteira", grande amiga, cantautora e mellor persoa, que nos informa do seu ultimo traballo "HERDEIRAS". Presentarase en Santiago de Compostela o vindeiro sábado día 23 deste mes, e seguirá unha morea de presentacións e percorrido por toda Galica e outras localidades. Tamén nos fala do Simposio, no que participará ela e mais Maurizio, que se fará no Bierzo esta próxima fin de semana, día 16, en honor á figura do poeta don ANTONIO FERNÁNDEZ MORALES. Desexámoslle moitos éxitos.

Seguidamente comunicámonos con don JUAN PEDRO SÁNCHEZ, Presidente de ASOBECAT, que nos pon ao corrente das actividades realizadas este verán e da vindeira celebración da "12 Romería de la Virgen de la Encina" este vindeiro sábado en Polinyà. Felicitámolos polo seu traballo.

Na segunda hora conectamos coa capital da Ribeira Sacra -Monforte de Lemos- para falar co noso correspondente habitual XOSÉ MANUEL, que sempre nos ten preparada a súa sección QUEN CHE PREGUNTOU? chea de engado e comunicación. Ademais envíanos a súa colaboración gráfica.

Recibimos nos estudos a KIKE FERNÁNDEZ MON-SÁNCHEZ, que ven acompañado do seu neto XIAO, e aproveitamos para que interveña connosco na emisión de hoxe. Agradecémosllelo moi encarecidamente. 

Aproveitamos os ultimos minutos para falar con OSCAR, do Hostal-Restaurante "O Mirador" en Portomarín, para que nos dedique un chisco do seu tempo para falarnos da noticia salientable da sequía que afecta a todo Galicia, pero moi específicamente ao encoro que está ubicado en Portomarín. Tamén nos fala do Restaurante, do Albergue e do Hostal "EL Padrino". Un pracer poder contar coa súa participación no primeiro programa desta tempada.

A vindeira semana máis. Non deixedes de sintonizarnos.

8 de STEMBRO do 2017

Unha nova TEMPADA 2017-18, imos a encetar este vindeiro XOVES día 14.

Non deixedes de conectar con nosoutros. Coma sempre de 16h a 18h, estaremos con todos vosoutros con moitos azos e con moitas novidades. Con desexos de complacervos e con moitas ganas de que poidamos pasar dúas horiñas de RADIO en Galego, cheas de engado.

¡¡¡ Agardámosvos a TOD@S !!!

Xoves, 29 de XUÑO doi 2017

Comezamos o programa escoitando unha peciña musical para conectar con Galicia, concretamente con don DAVID DORADO, un grande artesán afincado en San Román de Cervantes (Os Ancares, para máis señas). Fálanos da súa experiencia como autor e creador de pezas artesanais moi ben elaboradas que se poden apreciar na súa páxina web: https://artesaniachavello.com/

Despois conectamos con don FELICÍSIMO PEREIRA, Presidente da D.O. Ribeiro, con quen falamos da recente Festa que veñen de celebrar no Mosteiro de San Clodio, para entregar os Premios D.O.Ribeiro. Tamén nos comenta un chisco as recentes presentacións de viños en Madrid, das diferentes distincións que recibiron ultimamente, da IVª Edición do Festival Ribeiro Son de Viño que se celebrará en San Vicente do Mar o próximo 15 de xullo. Agradecémoslle a súa amable atención e prometémonos voltar a falar con el para que nos siga informando das novidades do Ribeiro.

A segunda hora encétaa o noso correspondente, en Monforte XOSÉ MANUEL FERNANDEZ MONTES, que sempre ten preparados os seus Me Ghustan e Non me Ghustan e acaba enviándonos as súas recomendacións para disfrutar dalgún acontecemento ou Festa Galega de prestixio. Tamén nos envía a súa creación a modo de viñeta-dibuxo,coa que sempre nos agasalla.

Despois voltamos a conectar con Galicia para falar con don JORGE ISLA, da D.O. Valdeorras, que nos informa da "XX Feira do Viño de Valdeorras", prevista para a fin de semana do 15 e 16 de xullo vindeiros. Agradecémoslle a súa aportación ao noso programa e comprometémonos voltar a conectar con el para estar ao día das novidades que se vaian producindo.

E acabamos este programa fina de tempada, desexándolles que pasen un ¡¡¡ FELIZ VERÁN !!!

XOVES 22 de xuño do 2017

Unha nova emisión deste noso programiño, en lingua galega, penúltimo desta tempada. Comezamos dándolle a ben.vinda a don MANUEL RODRÍGUEZ JULIÁN, un dos primeiros comunicadores da radio galega en Catalunya, fundador da A.C.G.Rosalía de Castro e grande colaborador noso. A seguir conectamos con UBALDO Pérez, do Restaurante Los Ancares, na rúa Robrenyo, 76-78 de BCN, que como cada ano teñen previsto realizar unha Verbena de San Xoan, chea de gastronomía de grande calidade, acompañada de coca e cava xunto coa música galega para tódolos asistentes.

Conectamos con Galicia para falar con MARTA DACOSTA, poeta e filóloga galega que nos fala da súa traxectoria como escritora e da súa ultima publicación : "Na casa da avoa", que ven de presentar e diversas localidades galegas. Agradecémoslle a súa amable atención.

Encetamos a segunda hora conectando co noso correspondente na capital da Ribeira Sacra, XOSÉ MANUEL Fernández MONTES, encargado da sección Quen che Preguntou? e comeza a súa intervención cos seus ME GHUSTAN e NON me GHUSTAN, e finaliza coas frases retranqueiras de O galego éche así. Tamén nos aproveitamos da súa creación relacionada coa Verbena do San Xoan.

A ultima intervención é con MARTIÑO MASEDA, Licenciado en Filoloxía, escritor e poeta, a quen felicitamos por ter acadado un premio literario no País vasco e aproveitamos para facerlle algunhas preguntas sobre a súa traxectoria e recentes traballos. Un pracer poder conversar con el. Seguiremos en contacto. Graciñas.

A vindeira semana voltaremos, Non deixedes de sintonizarnos.

Xoves 15 de XUÑO do 2017

Un programiña máis, con todos vosoutros. a primeira comunicación que tiñamos previsto era co Profesor e Gaiteiro OSCAR IBAÑEZ, pero tivemos certos atrancos e non nos foi posible comunicarnos con el, para que nos falara desa Homenaxe a Carlos Portela e do seu traballo. Prometemos voltar a intentalo en vindeiras ocasións, e si é posible no próximo programa do xoves que ven.

Ofrecémosvos escoitar unhas pezas musicais e conectamos con Galicia, para falar con don LUIS FERNÁNDEZ GUITIÁN, Alcalde do Concello de Sober. Un grande defensor e traballador pola Ribeira Sacra. Agradecémoslle a súa amable atención e participación no noso programa.

Novamente un bocadiño máis de música e conectamos outra vez con Galicia, para falar con don ARMANDO REQUEIXO, con quen xa temos conversado noutras ocasións, pero abusamos da súa amabilidade para que nos ilustre coa súa disertación sobre literatura e libros así como as súas acertadísimas indicacións e recomendacións sobre o qué sería acosellabel ter á man este verán, para entreternos, aprender, ler e divertirnos un chisco. Prometémonos facerlle unha visita persoal cando vaiamos á Terra.

Seguimos escoitando música e voltamos a Lugo para falar con don ALFONSO MÍGUEZ, CHEF-Cociñeiro do Restaurante Manuel-Manuel, na rúa Monte Faro, 19, xunto ao Parque da Milagrosa. A conversa xira arredor do traballo que ven desempeñando con grande éxito dende fai moitos anos e que lle da fama a ese Restaurante de grande sona en Lugo. Agradecémoslle a súa participación no noso humilde programa e falamos de poder saudarnos persoalmente no verán, aproveitando o lecer das vacacións, si é posible, claro.

Desexamos que pasen unha feliz semana e que volvan a sintonizarnos o vindeiro xoves e graciñas por escoitarnos.

XOVES 08 de XUÑO do 2017

Unha emisión máis, en galego, durante dúas horiñas, tentando entretervos con música, novidades, colaboracións e entrevistas interesantes. A primeira entrevista é con dona MERCHI ALVAREZ, Presidenta de GALICIAME, que nos pon ao corrente de certas novidades moi interesantes para os que padecen o AME, con certas esperanzas para poder facer uso dunha medicina recentemente autorizada e que pronto poderán dispoñer dela: SPINRAZA. Felicitámola polos éxitos que siguen acadando.

A segunda intervención, participación, é con DIVINA CASTELO, responsable da Empresa Champivil,S.L., empresa galega dedicada a envasar productos autóctonos e naturales de Galicia. Fainos unha panorámica moi detallada de tódolos productos que teñen á venda. Poden dirixirse á súa páxina web: //champivil.com/ e mercar os seus productos, entre os que destacamos, como máis curiosos, a cervexa de grelos e as estrugas. Desexámoslles moitos éxitos.

A segunda  hora comeza coa intervención do noso correspondente na capital da Ribeira Sacra, Monforte de Lemos, por parte de XOSÉ MANUEL F.MONTES, encargado da sección QUEN CHE PREGUNTOU?. Despois dos seus "Me Gusta e Non me Gusta" de rigor semanal, envíanos uhas "galegadas" retranqueiras que seguro teñen o seu engado, que el denomina: O galego éche así.

A ultima conexión é con dona CRISTINA ALCALÁ, Xerente do Consello Regulador da D.O. RIBEIRO, que nos da cumprida información das novas relacionadas co viño Ribeiro e tamén nos fala do : RIBEIRO SON DE MÚSICA "IV Festival de Música Viño e Música", que se celebrará o vindeiro 15 de xullo en San Vicente do Mar. Tamén aproveita para informarnos dos diferentes Premios que se entregarán o vindeiro día 20 de xuño no Mosteiro de San Clodio, con motivo dos Premios Ribeiro 2017. Agradecémoslle a súa amable atención en comprometémonos a voltar a conectar con ela, en vindeiras datas, para que nos faga as valoracións pertinentes despois dos acontecementos e celebracións que realizarán. 

A vindeira semana prometemos voltar, con máis música e máis novidades. Non faltedes!!!

Xoves 01 de XUÑO do 2017

Comezamos o mes de xuño cun programiña máis en galego. A primeira comunicación-entrevista é con don XABIER MOURE, Antropólogo pertencente ao "Colectivo Patrimonio dos Ancares" que nos pon ao corrente das recentes descubertas que fixeron en Cervantes a comezos do mes pasado así como doutros temas moi interesantes relacionados co Patrimonio. Unha conversa moi ilustrativa e chea de ensino.

A segunda conexión é con Galicia, novamente, para falar con AIDA Tarrío, do Grupo musical galego "Tanxugueiras" que nos atende moi amablemente e conversamos sobrea a súa traxectoria e éxitos recentes así como dos proxectos que teñen en marcha e que verá a luz o próximo ano 2018. Felicitámolas e desexámoslles que sigan tendo moitos éxitos.

Nestas segunda hora conectamos co noso correspondente na Ribeira Sacra, monforte, don Xosé Manuel F. Montes, que sempre ten preparadas unha serie de informacións e Me Gustan - Non Me Gustan, cos que nos fai compartir as súas inquedanzas. E como cada semana ahí nos envía a súa creación artística que "copiamos" aquí mesmo. 

Para finalizar conectamos con CARMEN PENIN, de "2na Fronteira" que ten xa casi finalizado ese traballo tan interesante que leva por título HERDEIRAS, e do cal nos fai "cinc centims" moi detallados sobre a participación dos grandes colaboradores cos que contou. Agradecémoslle a súa aportación e desexámsolle moitos éxitos. Seguiremos informando.

Desexamos que pasen unha feliz semana. Non deixedes de sintonizarnos, que voltaremos o vindeiro xoves.

XOVES, 25 de MAIO do 2017

Comezamos o programa convidándoos a escoitar unha peza de música galega para despois comunicarnos ciroga, que nos informa da con don PEDRO SOTO, un colleiteiro de ACEITE de Quiroga que nos fala da "18 Festa-Mostra do Aceite de Quiroga" que se celebrará esta vindeira fin de semana á que asistirán media ducia de colleiteiros xunto con outros artesáns da zona.

A segunda entrevista-conversa é con dona SILVIA CASTAÑEDA, xunto con don RAÚL VELASCO, que nos atenden moi amablemente e axúdannos a informar a tódolos nosos oíntes e seguidores da "XXXVI Festa Galega da Irmandade de RUBÍ", que este ano ten como aliciente incorporado a celebración do "Iº Certame de Relatos" da Entidade. Esta fin de semana están todos convidados a participar deste grande evento na Rambla do Ferrocarril de Rubí. 

A segunda hora comeza coa intervención do noso correspondente na capital da Ribeira Sacra, Monforte, XOSÉ MANUEL F. MONTES, que sempre ten preparadas os seus "Me Gusta" e "Non me Gusta" moi relacionados coa realidade galega do momento e termina a súa paarticipación enviándonos as súas frases retranqueiras: "O galego éche así". Tamén nos envía a súa creación artística relacionada coa súa colaboración, neste caso é unha homenaxe a Guitián, humorista gráfico da A Coruña, xa que a denuncia que lle puxeron foi sobreseída. ¡Graciñas, Xosé Manuel!

Aínda temos tempo para falar con Manu Núñez, "chef" do Restaurante "ARUME", na rúa Botella, 11-13 de Barcelona, que nos fai sabedores do que se pode degustar nese restaurante galego de grande calidade. Foron eles os que participaron no evento relacionado coa emisión da película SCIXIA, que ten como fondo principal a Costa da Morte e eles confeccionaron un menú especial con productos daquela zona. Agradecémoslle a súa participación.

A vindeira semana voltaremos á mesma hora, para ofrecervos un programiña máis, con moitoa música, novidades e entrevistas. Non deixedes de sintonizarnos e mandainos as vosas suxerencias.

XOVES 18 de MAIO do 2017

Esta semana comezamos dándolles a ben-vida e conectando con Badalona, para falar con JUAN PRIETO, Presidente da A.C.G.AGARIMOS, que está a celebrar o seu "20 Aniversario" cunha serie de actos que nos conta con detalle a polo miúdo. Agradecémosllelo e convida a tódolos nosos oíntes e seguidores para que asistan e disfruten con eles deste evento.

A segunda conexión é con OSCAR de SOUTO, poeta, comunicador e grande defensor das "nosas cousas" con quen mantemos unha agradable conversa. Agradecémoslle a súa amable conversa e a declamación dunha creación poética homenaxe a Paco Souto, recentemente falecido na Costa da Morte, nun desgrazado accidente precisamente cando "percebeaba".

Agora a sección QUEN CHE PREGUNTOU? onde intervén o noso correspondente XOSÉ MANUEL F. MONTES, dende Monforte de Lemos para darnos a súa aportación semanal cos seus "ME Gusta e NON me Gusta, ademais doutras cousas interesantes e curiosas, como o asunto da cervexa de grelos, que el mesmo escolle e fainos partícipe delas.

Por ultimo conversamos con dona BEATRIZ VILA FREIRE, que nos pon ao corrente da próxima celebración do "CUME TAPAS", que están a punto de celebrar e que representará seguramente outro exitazo dos restauradores e hoteis desa Ribeira Sacra Lucense.

A vindeira semana máis. Non faltedes, teremos moitas cousas interesantes e cheas de engado, adubiadas con música galega.

XOVES 11 de MAIO do 2017

Comeza o programa conectando con Galicia para falar con XABIER VIZCAINO que nos comenta as ultimas actuacións na presentación do seu ultimo traballo CD : DIÁSPORA, que está a ter moito éxito e bastante demanda. Tamén conecta con IGNACIO VILAR, para falar do filme que se presentará a vindeira fin de semana, coincidindo coa celebración das Letras Galegas no cinema Maldá de Barcelona. A película: SICIXIA está rodada na Costa da Morte de Galicia e está a ter unha grande demanda e ven de recibir varios premios.

A segunda comunicación é conmigo mesmo, que estou desplazado no Balneario de ARIÑO (Teruel), e aproveito para comentar varias das visitas que se poden realizar neste lugar de lecer tan interesante.

Na segunda hora conectamos co noso correspondente, Xosé Manuel F. Montes, encargado da sección QUEN CHE PREGUNTOU?, que coma sempre fai unha disertación e comentarios moi axeitados acompañados do seus Me Gusta e Non me gusta cos que pretende facer partícipes a tódolos nosos oíntes e seguidores. Aquí recollemos a súa aportación creativa en forma de viñeta.

E despois de escoitar algunhas informacións e pezas musicais galegas, despedímonos desexando que volten a conectar connosco a vindeira semana.

Xoves 04 de MAIO do 2017

Unha semaniña máis con todos vosoutros. Comezamos conectando con Galicia, concretamente con Rianxo, para falar con GONZALO HERMO, Licenciado en Lingüística galega, recentemente doutorado, escritor e poeta, que nos pon ao corrente da súa actividade creativa e comparte con nosoutros as súas inquedanzas literarias e lingüísticas.

A segunda conversa-entrevista é con ISABEL RISCO, unha Actriz moi recoñecida en Galicia, Graduada en Pedagoxía Teatral, con quen mantemos unha moi entretida e amena conversa, falando das moitas actividades e participacións artísticas nas que colabora. Agradecémoslle a súa amable atención.

Seguimos, nesta segunda hora, falando co noso correspondente XOSÉ MANUEL F. MONTES, que nos fai a súa crónica semanal da sección QUEN CHE PREGUNTOU? dende Ourense, onde se atopa por motivos profesionais e participativos. A proba do mesmo témola no video que colgamos aquí mesmo. Tamén nos fai o seu percorrido habitual polos "Me Gusta e Non me gusta" moi relacionados coa actualidade da nosa comunidade Galicia.

E a ultima conversa.entrevista é con MARTIÑO MASEDA, outro Licenciado galego, escritor e poeta de Villalba, que nos fai partícipe das súas inquedanzas e creatividade, ademais de adiantarnos a próxima edición dun CD que levará por título CRAK, e que estará composto por varios poemas declamadospor el e acompañados de interpretacións musicais alusivas aos memos.

Despedímosnos ate a vindeira semana.

XOVES 27 de ABRIL do 2017

Unha semaniña máis con todos vosoutros para facer posible estas dúas horiñas de radio en galego. Comezamos entrevistando a José Luís Deiros Alonso, Cociñeiro do Restaurante que está na Condomiña: "Restaurante A FONTE da Salú", con quen mantemos unha conversa moi interesante relacionada con ese punto de encontro na Autovía galega e que semella un lugar imprescindible visitar para coñecer e disfrutar das boas viandas que alí se sirven. Productos de auténtica calidade galega.

A segunda conversa-entrevista é con FRAN BOUSO, coordinador encargado das IV Xornadas de "MONDOÑEDO É POESÍA", que se celebrarán o día 1 de maio vindeiro. Un recital Poético-Musical que é merecente de dar a coñecer así como asistir ás "Quendas de Mondoñedo" que se celebran esta fin de semana. Desexámoslles moitos éxitos.

Encetamos a segunda hora conectando co noso correspondente Xosé Manuel F. Montes, encargado da sección QUEN CHE PREGUNTOU?. Sempre nos agasalla cunha serie de noticias e acontecementos interesantes, facéndonos partícipe dos seus "Me Gusta" e "Non me Gusta" moi ben elixidos, así como a súa aportación creativa en forma de viñeta, que aquí lles incluímos. Termina convidándonos a asistir a algunhas das celebracións festivas que se realizan esta fin de semana na nosa Galicia.

A ultima Entrevista é con don RAFAEL QUINTÍA, autor do CD "A Pedra do Fundamento", Licenciado en Antropoloxía e tamén en Ciencias Económicas e Empresariais. A conversa xira arredor das súas investigacións e das moitas actividades culturais que realiza e nas que está moi implicado. Concertámonos para voltar a convidalo a participar connosco noutra ocasión e seguir aprendendo do moito que nos ensina.

A vindeira semana máis. Non deixedes de sintonizarnos.