XOVES 13 de OUTUBRO do 2022

Outra emisión máis deste programa: "Galegos no BAIX". Dúas horiñas de Radio en galego, para todos vosoutros. Comezamos coa nosa sintonía de sempre. Saudamos a tódolos nosos oíntes e seguidores e poñémonos en contacto co noso primeiro convidado: ANXO BARANGA. Felicitámolo polo seu traballo "engrescador" arredor da figura do homenaxeado nas Letras Galegas deste ano: Florencio Delgado Gurriarán. Moitas actuacións e moitas propostas realizadas en torno a Florencio, en Barcelona, en Lleida, en Galicia... ... Agradecémoslle a súa amable atención e desexámoslle moitos éxitos.

Conectamos agora con Galicia para poñernos en contacto con ANDREA POUSA GUERREIRO, á que tamén parabenizamos pola actuación a pasada fin de semana na Festa do San Froilán en Nou Barris. Conversamos moi distendidamente e infórmanos dalgunhas actuacións memorables e dos proxectos nos que está traballando. Posiblemente teñamos a oportunidade de ofrecerlle aos nosos oíntes unha das novidades que nos anuncia e na que está traballando. Titularase Triste, e pronto poderemos escoitala. Agradecémoslle a súa atención e desexamos que siga colleitando moitos éxitos.

A segunda hora continuamos falando co noso correspondente en Monforte de Lemos,  XOSÉ MANUEL F. MONTES, encargado da Sección "Quen che Preguntou?". Comunícanos a súa escolla de noticias cos seus "Desghústanme e Ghústanme". Unha das mellores e máis fascinantes noticias chega ao final da súa comunicación: "Proxecto de autocolantes para Pediatras". Este era un obxectivo que levaba tempo traballando nel e xa foi aceptado e posto en marcha. Felicitámolo e ademais envíanos unha lámina que recolle tódalas crecións dos participantes, incluída a súa, que publicamos aquí. ¡Moitos parabens e moitas grazas, Xosé Manuel!

 

Aprovietamos para dar a coñecer a tódolos nosos oíntes e seguidores que poden achegarse esta fin de semana ao Parque Metropolitano de Bellvitge, para asistir á Festa Galega que organiza a Casa Galega. Actuarán os "Celtas Cortos" o venres 14. O sábado 15 actuación de Grupos Rexionais e a orquestra Saudade para a verbena. É gratuito.

Seguimos o programa e conectamos con dona ESTHER CORRAL, xerente do "BAR GALICIA" en Betanzos. Parabenizámola, por ter acadado o Primeiro Premio á Mellor tortilla de Betanzos-2022, tamén foi premiada co Premio do público. Mantemos unha conversa moi agradable. Tamén nos informa de que no seu bar pódense degustar outras viandas en forma de tapas, que cociña con moito cariño para tódolos seus clientes. Desexamos que siga tendo moita sorte.

Voltamos a informar da próxima Festa Galega de Hospitalet, que se celebrará esta fin de semana, 14 e 15 de outubro., coa actuación estelar de Celtas Cortos. Tamén damos a coñecer, novamente a próxima interpretación da obra teatral que leva por título: "Libre coma os paxaros", a cargo de TEATRO DO ATLÁNTICO, coa actriz María Barcala e dirección de Xulio Lago. Será na Universidade de Barcelona,  o día 28 de outubro ás 19h, na Aula Magna da Facultade de Xeografía e Historia. c/ de Montalegre, nº 6. Entrada gratuíta. Organizada polo Departamento de Galego da Universidade de Barcelona.

 

E finalizamos o programa desexando que teñan unha feliz semana.

XOVES 6 de OUTUBRO do 2022

Outra emisión máis do noso programa "Galegos no BAIX". Comezamos coas salutacións e a nosa sintonía de sempre e escoitamos unha peza de RICARD ROS, que leva por título "Sac buit" e que interpretarán no festival "Sons de la Mediterrània", en Manresa. Conectamos con MARIO SENÉN LÓPEZ FERNÁNDEZ, da Asociación Cultural Galega "Saudade", para que nos informe da próxima celebración dun acto moi importante o vindeiro día 8 de outubro, nada menos que na Sagrada Familia de Barcelona. Parabenizámolo e desexámoslle moita sorte a esa Asociación.

 

A seguinte conexión é con don HENRIQUE SANFIZ, Presidente da Asociación de Emisoras Municipais de Galicia (EMUGA) que nos facilita información moi interesante, relacionada coas emisión das Radios Galegas e moi en particular dun "podcasts" que está seleccionado para participar a nivel Nacional nun concurso de Ivox, emitido na Serie Onda ODS Radiofusion. Ficamos á espera de que nos facilite o enlace para poder votar por ese "podcasts" xa mentado, en favor dos Obxectivos de Desenvolvemento Sustentable. Agradecémoslle a súa participacion no programa de hoxe e continuaremos conversando con el en vindeiras datas, para que nos siga informando de moitas e interesantes noticias.

Continuamos a emisión e chamamos a MODESTO FRAGA MOURE, escritor e poeta ben coñecido pola nosa audiencia, posto que xa temos conversado con el noutras ocasións. Infórmanos do Acto de Presentación dun CD - DVD, onde se recolle todo o máis salientable relacionado co "Batallón Literario da Costa da Morte", con motivo do seu 25 aniversario. Celebrouse nunha Sala do Museo do Pobo Galego, en Santiago de Compostela. Continuaremos ampliando a comunicación con Modesto posto que sempre nos recibe moi amablemente e prometémonos voltar a conectar con el para recibir tódolas noticias e informacións daquela contorna.

 

Aproveitamos para darlles unha información precisa sobre a "Festa Galega de San Froilán" en Nou Barris, que terá lugar os días 7, 8 e 9 de outubro. Contará cun grande avano de actividades. Poderán disfrutar deste evento. Ademais de degustar productos galegos de calidade, servidos por "Casa Díaz", tamén se realizarán varios concertos de grandes artistas, que aporta Radio Tele-Taxi, e a actuación estelar da Orquestra PANORAMA, os días 8 e 9. Desexámoslles moita sorte e unha grande celebración.

Falamos agora con CARLOS ALONSO, encargado de Deportes da TVG, da Delegación de Vigo. Agradecémoslle a súa amable atención. Cóntanos que a Selección de Futbol masculina de Galicia participan nun torneo Internacional. Tamén lle desexamos moita sorte.

E finalizamos as conversas coa nosa admirada artista e cantautora CARMEN PENIM, de 2Na Fronteira. Parabenizámola polos diversos Concertos nos que participou ultimamente. Mencionamos o que se fixo en Cambados para axudar ao financiamento que precisa a tamén amiga e benquerida Merchi Álvarez. Tamén o que se lle dedicou a Xosé Manuel Pazos Varela, "Verbas Amigas, acto de homenaxe política..." Desexamos que siga colleitando moitos éxitos.

Despedímonos ate o próximo xoves. 

O programa completo: 

XOVES 29 de SETEMBRO do 2022

Outro xoves máis con todos vosoutros, comezamos coa nosa sintonía e dámoslles a Ben-vinda para despois conectar con Galicia e falar con ANIBAL BLANCO, da "Adega Tapias de Mariñán", en Verin (Ourense). Primeiro parabenizámolo por ter acadado o Premio ao Mellor Viño Branco deste ano 2022. Danos a coñecer o grande traballo que están a realizar para acadar os mellores caldos da D.O.Monterrei, e moi en particularmente as da súa Adega. Están en plena vendima pero aínda ten uns minutiños para informarnos un pouco sobre as ofertas que teñen, as posibles visitas guiadas e a oportunidade de entrar na tenda que ofrecen na súa páxina para poder mercar eses caldos tan ben elaborados. Agradecémoslle a súa amable atención e desexámoslle que siga colleitando moitos éxitos e que teña unha grande colleita.

O segundo ocnvidado é XOAN L.FUERTES, de "Fuxan os Ventos", que están a cumplir 50 anos de existencia. Con ese motivo, precisamente o mesmo día dese aniversario, concretamente o 22 de outubro, inaugurarán unha exposición espectacular no "Vello Cárcere" de Lugo, no que se poderán contemplar os álbumes publicados, fotos daqueles concertos dos primeiros anos e moitas cousas curiosas relacionadas co este Grupo de música galega. Tamén ofrecerán un mini-concerto para disfrute dos asistentes. Posiblemente esta exposición percorrerá as 7 cidades máis importantes de Galicia. Desexámoslle moita sorte.

A continuación conectamos co noso correspondente en Monforte de Lemos, XOSE MANUEL F. MONTES, encargado da sección QUEN CHE PREGUNTOU? ofrécenos as novidades que escolleu en forma de "Ghústanme e Disghústanme". Comenta algunha anotación da súa "libretiña pequena", que nesta ocasión teñen moito que ver con analoxías refraneiras e precisamente aproveita unha delas para enviarnos a "viñeta" alusiva a unha delas. ¡Moitísimas GRAZAS! Xosé Manuel.

Voltamos novamente a Galicia para falar con outro XOSÉ MANUEL FERNÁNDEZ, de MUXICAS. Parabenizámolo pola recente publicación do "4º Volume : Pezas para gaita, zanfona e acordeón. Tempo de Pasodobres. Tempo de Furancho". Escoitamos un  bocadiño dunha das pezas que se recollen nese volume e informammos aos nosos oíntes e seguidores que pode adquirir este fermoso traballo poñéndose en contacto con Xosé Manuel ou na súa páxina de Facebook. Desexamos que siga publicando moitos más álbumes, que disfrute e que teña moita sorte.

Falamos agora con ANA VILA PORTOMEÑE, a Poeta Labrega. Parabenizámola polo traballo que ultimamente vemos publicado na súa páxina de facebook. Mantemos unha pequena conversa relacionada coa súa traxectoria poética. Infórmanos de cómo se poden adquirir algún dos seus libros de poesía, aínda que están esgotadas a maioría. Poden poñerse en contacto con ela. Agasállanos coa lectura dunha fermosa poesía titulada: "A tí que estás lonxe da terra". Moitas grazas Ana. Seguiremos en contacto.

Deixamos aquí o programa completo e desexamos que volvan a sintonizarnos o próximo xoves á mesma hora. 

¡Que teñan unha feliz semana!

XOVES 22 de SETEMBRO do 2022

Segundo programa desta nova tempada 2022/23, que comezamos, coma sempre, dándolles a ben-vinda e deseguida poñémonos en contacto co noso primeiro convidado: BERNARDINO CREGO CERVANTES, Presidente do Centro Portugués en Vigo. Agradecémoslle a súa amable atención. Conversamos un bocadiño con el e infórmanos das próximas Xornadas que realizarán o vindeiro mes de outubro adicadas á Saudade, nas que participarán importantísimas personalidades galegas e portuguesas. Os eventos en cidades de Portugal e Galicia.

A seguinte intervención é con BEATRIZ DOURADO, unha Profesora, escritora e poeta galega que, aínda que naceu en Barcelona, está a exercer a súa profisión en Galicia. Recentemente ten publicado un poemario que leva por título: IntraGERRAS, editado pola Editorial Urutau. Tódolos nosos oíntes e seguidores poden poñerse en contacto con esa editorial e seguro que o poderán adquirir.

 

Na segunda hora sempre conectamos co noso correspondente na capital da Ribeira Sacra, Monforte de Lemos, Xosé Mannuel F. Montes, que leva adiante a sección Quen che Preguntou? Fainos un percorido informativo cos seus Ghústanme e Desghústanme, que depois finaliza cos seus apuntes da "libretiña pequena" coa aportación recadadora de frases e ditos populares con retranca, moi acaída.

Falamos, a continuación con ADRIÁN EIRAS, que xunto coa súa irmá JESSICA levan adiante a Empresa "Patatas EIRAS" en Lugo. A pesar de que este ano de seca e mal tempo para a colleita dese producto tan aprezado en Galicia e cáseque en toda España, están tendo grande demanda e atendendo a tódolos seus clientes. Agradecémoslle a súa aportación no programa de hoxe e desexámoslle moita sorte.

Conectamos novamente con Lugo, para falar con HECTOR PÉREZ RAMOS, do "Forno de Lugo". Teñen distribución e venta dos seus productos en Vigo e Madrid. Na actualidade forman parte desa empresa nada menos que cen operarios. Infórmanos de que virán a Barcelona, concretamente á rúa Cruz Cubierta, esquina Praza de España, os días 1 e 2 de outubro e aproveita para convidar a toda audiencia para que se acheguen algún deses días a ese "stand", porque poderán mercar os productos que elaboran no Forno e outros moitos de proximidade, como embutidos, viño, mel... ... e como non empanadas, pan e tamén poderán degustar o pulpo galego, porque virá con el un pulpeiro da zona. Desexámoslle moitos éxitos.

E finalizamos o programa desexándolles unha feliz semana. Aquí deixamos o programa completo:

XOVES 15 de SETEMBRO do 2022

Comezamos unha nova tempada 2022-2023, dándolles a benvida e desexando que tiveran un verán feiticeiro. A primeira convidada para encetar esta nova xeira é MERCHI ÁLVAREZ FERNÁNDEZ, Presidenta de GALICIAME, con quen temos o provilexio e a honra de falar para que nos informe da "Gala a prol de Merchi Alvarez, destino Korea", que se realizará o vindeiro sábado día 24 coa actuación de grandes cantautores e artistas que altruistamente se prestaron para realizar este evento. A actuación será a partir das 21 horas no "Auditorio da Xuventude" de Cambados. Aproveitamos para compartir o Carel anunciador de dito evento e desexarlle que teña moita sorte e moitos éxitos.

A segunda intervención é con DAVID VÁZQUEZ - PINANCHO, que nos fala do documental "EL ÚLTIMO DE ARGANEO", que é unha homenaxe ao Rural moi centrada na vida de Edilberto Rodríguez. Xa ten recibido varios Premios e augurámoslle moitos máis. Tamén no fala da súa  Adega : "Antonio do Nicho", ubicada en San Fiz - Chantada, en plena Ribeira Sacra. Desexamos que siga colleitando moitos éxitos, e prometémonos voltar a comunicarnos con el para que nos fale deses caldos que está a embotellar agora mesmo.

 

Na segunda hora comezamos conectando novamente con Galicia para achegarnos ás terras de Quintá de Cancelada, para falar con CHEMA ÁLVAREZ, que nos fai un pequeno relatorio da "XV Festa da Gaita" que se convertiu no "1º Musical Asturgalaico de Valdesouto". Felicitámolo polo seu traballo e dedicación de moitos anos e que está a acadar moito éxito. En vindeiras datas voltaremos a poñernos en contacto con Chema para que nos informe doutras das actividades que teñen previsto realizar, todas elas baixo o patrocinio da Asociación Cultural "Chao de Sebes". Agradecémoslle a súa colaboración de hoxe e desexámoslle moita sorte e moitos éxitos.

Finalizamos a emisión de hoxe conectando con PEPE CACABELOS (José Luís Núñez Cacabelos), Músico e Cantautor galego, de Cambados, que estará precisamente nesa "Gala a prol de Merchi Alvarez, destino Korea". A súa actuación é unha aportación altruista ao evento. Agradecémoslle a súa participación e parabenizámolo polo seu traballo, desexando que siga acadando moitos éxitos.

E despedímonos de tódolos nosos oíntes e seguidores ate o vindeiro xoves á mesma hora. Que sexan felices!!! Colgamos aquí o programa enteiro.

XOVES 30 de XUÑO do 2022

Comezamos o último programa desta tempada 2021 - 2022, escoitando a nosa sintonía, dándolles a ben-vida e escoitando unha peciña de música para darlle a ben-vinda ao primeiro convidado.     EDUARDO ALBERTO RODRÍGUEZ CUNHA, máis coñecido por TATÁN. Actor teatral, Titiriteiro, Profesor e fundador da Compañía TANXARINA. Saudámolo e felicitámolo pola súa traxectoria ademais porque acaba de ser nomeado Embaixador do Pan de Porriño. Agradecémoslle a súa amable atención. Relátanos unha primicia para tódolos nosos oíntes e seguidores, está a piques de estrenar a película "Matria". Prometémonos voltar a comunicarnos con el na seguinte tempada para comentar cómo foi esa estrea e desexámoslle moita sorte e moitos éxitos.

O seguinte convidado é "GOGUE", Xosé Anxo Rodríguez López. Pintor, Caricaturista, viñetista, ilustrador... ... colaborador de varios xornais, moi concretamente no Faro de Vigo dende 1989, pero colaborador de moitas publicacións, tanto españolas como internacionais, especialmente en Estado Unidos e Australia. Felicitámolo porque acaba de sair ao prelo un selo co seu famosísimo personaxe "Floreano" (que ten unha escultura no Grove). Está a realizar varios videos relacionados co Camiño de Santiago. Xa están publicados algúns: "A orixe de todos os camiños", "Floreano e Monchiña na variante espiritual", "As aventuras de Floreano e Monchiña no Camiño de Santiago"... ...etcétera. Concédenos unha entrevista moi interesante chea de información relacionada coa súa traxectoria creativa. Dámoslle as grazas pola súa colaboración de hoxe e desexamos que siga colleitando moitos éxitos.

Continuamos, na segunda hora, conectando novamente con Galicia para falar con ANXO BOAN RODRÍGUEZ, poeta de Chantada que nos informa da presentación do libro "Poetas do reencontro", que contén poemas de 69 autores galegos, portugueses e asturianos, previsto para o día 2 de xullo no Auditorio Municipal de Chantada. Teñen previsto realizar unha xornada poética con moitos dos autores dese libro, acompañados pola música que interpretarán Alfredo González Vilela e Alfonso Graña. Agradecémoslle a comunicación e información detallada.

Despedímonos de tódolos nosos oíntes e seguidores desexando que teñan unhas feiticeiras vacacións e un feliz verán. Voltaremos no mes de setembro, para unha nova tempada.

Recibimos a crónica do noso correspondente, XOSÉ MANUEL FERNANDEZ MONTES, encaargado da sección QUEN CHE PREGUNTOU?, que dende Monforte de Lemos envíanos as súas noticias en forma de "Desghústanme" e "Ghústanme", finalizando con algunhas frases e comentarios retranqueiros moi axeitados.

Colgamos aquí o programa completo.

¡FELIZ VERÁN!

XOVES 23 de XUÑO do 2022

Un novo programiña de dúas horas en galego, para todos vosoutros. Comezamos coas salutacións oportunas e a continuación escoitamos a peza musical "Meninha Científica", para darlle a ben-vinda á súa autora CARMEN PENIM. Felicitámola e comentamos con ela a celebración que tivo en días atrás, no Iº Congreso: "Acción pola Saúde integral das Mulleres". Tamén lle enviamos a nosa felicitación ao seu compañeiro Maurizio pola próxima saída ao prelo do seu Poemario en Língua Galega. Desexámoslles moitos éxitos e agradecémoslle a súa amable atención.

Continuamos a emisión falando con FINA TIZÓN FRAGA, que nos ven a presentar o seu libro: "Cesuras. Raices". un libro descritivo e cheo de información moi interesante sobre esta localidade da comarca de Betanzos, da provincia da Coruña, antes da súa anexión con Oza dos Ríos. Fálanos da súa creación, das ilustracións aportadas por ela mesma, da documentación consultada e das seccións que contén este traballo comque pretende deixar constancia da súa procedencia natal e aprezo pola súa terra.

Conectamos con Galicia para falar con XESÚS RÁBADE PAREDES, a quen felicitamos pola recente publicación dun fermoso libro, que leva por título: "A Luz co Tempo Dentro". Coméntamos, un momentiño, cómo e de qué trata esta especia de Biografía que está moi relacionada coa súa propia experiencia vital. Xa tivo a ocasión de que o entrevistarna na Televisión de Galicia e noutros medios de comunicación. Nosoutros agradecémoslle que nos recibira e nos dedicara esta súa agradable conversa para saber sun chisco máis da súa creatividade literaria. Desexámoslle moitos éxitos.

A seguinte intervención é coa Escritora, Profesora, Etnógrafa vocacional, Gastrónoma, Conferenciante e Membro da Real Academia Galega da Lingua: dona FINA CASALDERREY FRAGA, coa que conversamos sobre dúas das súas últimas publicacións: "Lingua Guapa, Cantos que contan" e "O Xenio da Cidade do Sal". Felicitámola por tan fermosos traballos e mantemos unha conversa moi amena relacionada con esas dúas creacións Libros-Disco, que ao parecer están a ter unha grande acollida e unha demanda moi importante. Agradecémoslle a súa amable atención e desexámoslle que siga acadando moitos éxitos.

Continuamos a emisión e seguimos a flar con FINA TIZÓN FRAGA, do seu libriño: "Cesuras Raices". Indícanos que poden mercalo mediante o seu correo electrónico: finatizonfraga@gmail.com, ou tamén poden entrar na súa páxina de facebook para solicitárllelo. Voltamos a agradecerlle a súa visita e desexámoslle que teña moita sorte nas próximas presentacións. Concretamente unha moi recente prevista para o vindeiro día 25 en Tarragona. Antes de darlle paso ao noso colaborador Xosé Manuel, paroveitamos para despedirnos de tósolos oíntes e seguidores, e convocalos ó xoves, día 30 á mesma hora, que será a última emisión desta tempada.

A última conexión é co noso correspondente en Monforte de Lemos, XOSÉ MANUEL FERNÁNDEZ MONTES, encargado da sección QUEN CHE PREGUNTOU? Escolle unha serie de noticias de actualidade que vai debullando cos seus "Desghústanme e Ghústanme" que sempre nos poñen ao corrente. Tamén nos fai partícipes das súas anotacións e "acudits" con retranca.

Deixamos aquí o Programa enteiro.

XOVES 16 de XUÑO do 2022

Comezamos coa nosa sintonía de sempre, dámoslle a ben-vinda e propoñemos a escoita dun bocadiño de música para recibir á primeira convidada de hoxe, dona MERCEDES CABANAS FERNÁNDEZ, que rexenta a "Frutería Merce Delicatessen", na Praza da Catedral nº 17 en Mondoñedo. Unha conversa moi entretida e chea de información sobre os produtos - gourmet - de grande calidade e de proximidade, que se poden adquirir no seu establecemento (frutas, empanadas, queixos, viño das diferentes D.O. galegas... ... etcetera). Ademais indícanos que se poden solicitar por medio de Internet. Tamén nos informa da inauguración doutro establecemento e da tenda que rexenta a súa filla Carla en Foz, que leva por título: "Saborea Mondoñedo". Procuraremos poñernos en contacto con ela para saber algo máis. Agradecémoslle a súa amable atención e desexámoslle moita sorte.

A segunda convidada é CRISTINA ROLDÁN LOMBARDÍA, compoñente do Grupo de Cantareiras da Asociación C.G.Rosalía de Castro: "ROSALIEIRAS". Recíbenos moi cordialmente e agradecémoslle a súa dedicación e atención. Falamos da creación deste Grupo de mulleres Cantareiras, da traxectoria, da próxima actuación no Parque de Can Mercader mañá mesmo, día 17. Estarán acompañadas do Grupo "Pel e Pau" así como tamén de "O Val das Mouras", que completarán o cartel da "Festa Celta" prevista. Desexámoslle moita sorte e moitos éxitos nesa actuación e en tódolos próximos eventos.

A segunda hora conectamos con Galicia novamente, concretamente con Vigo, onde se atopa XOSÉ MANUEL FERNÁNDEZ (Muxicas), que nos fala da presentación dun 3º volume de "Pezas Guapas para Gaita, para Zanfona e para Acordeón". Felicitámolo e desexamos que acade moitos éxitos con ese grande traballo de composición musical que, segundo nos informa, terá unha continuidade moi importante ata chegar nada menos que a 8 volumes. Desexámoslle o mellor e agradecémoslle a información recibida.

Despois conectamos co dirixente da famosísima e extraordinaria Orquestra PANORAMA, MANUEL GARRIDO máis coñecido por "LITO". Agradecémoslle a súa atención e dedicación polos minutos que nos dispensa, xa que hoxe mesmo actuarán nada menos que en Toledo. O motivo da nosa chamada é porque precisamente o día 18 pola noite (concretamente a partir das 11h da noite) terán unha actuación extraordinaria e específica para tódolos asistentes no Parque de Can Mercader de Cornellà. Desexámoslle moita sorte e moitos éxitos.

 

Despedímonos ate o vindeiro xoves á mesma hora.

Tamén colgamos aquí o programa completo.

XOVES 9 de XUÑO do 2022

Un xoves máis con todos vosoutros para ofrecervos dúas horiñas de Radio en Galego. Despois das salutacións iniciais conectamos coa Presidenta da Asociación GALICIAME, MERCHI ÁLVAREZ FERNÁNDEZ, a quen felicitamos pola próxima inauguración da Sede Galiciame en Cambados: CASA MARIÑEIRA - SANTOMÉ, prevista para o domingo próximo, día 12 de xuño. Agradecémoslle que nos reciba tan amablemente e nos comente cómo vai a ser esa celebración, coa participación da madriña Belén Xestal, de Xabier Vizcaíno, Jorge Casal e Pablo Mora, que será o próximo padriño. Desexámoslles moita sorte e moitos éxitos.

A segunda convidada é LUCÍA FERRO, Graduada en Enfermería e escritora, que ven de publicar unha novela: "RESAIBO AMARGO". Dámoslle a ben-vida e fálanos desa súa primeira publicación. Felicitámola e conversamos sobre algunhas cousas desa súa creatividade novelística, ademais de comentarnos algo sobre outra faceta creativa súa, a poesía. Aínda non ten publicado nada, pero prometémonos voltar a falar con ela e que nos deleite coa lectura dalgunha das súas poesías. Moitas Grazas e moitos éxitos Lucía!

Comezamos a segunda hora conectando novamente con Galicia, para falarmos co noso admirado e benquerido ANXO ANGUEIRA. Filólogo, Profesor, Escritor, Poeta e Presidente da Fundación Rosalía de Castro. Parabenizámolo pola recente publicación poética: "Palmeiras, piueiros". Mantemos unha conversa moi amena e instructiva relacionada coa súa creatividade poética e outras varias cousas moi interesantes. Agradecémoslle a súa amable atención e desexámoslle moita sorte e moitos éxitos.

O convidado seguinte é Roberto López do ALBERGUE CASA CUARTEL da Fonsagrada. Infórmanos de cómo se pode alugar unha estancia nese establecemento que se puxo en marcha en plena pandemia do coronavirus e que actualmente está a ter unha moi boa acollida. Promete ter unha especial atención aos peregrinos ou clientes que se identifiquen como oíntes de Radio Sant Boi. Agradecémoslle a oferta, desexando que continúe adiante con esa laboura tan interesante.

Comentamos, un chisco, algo do que vai a suceder na Festa Galega de Can Mercader, prevista para a fin de semana vindeira, concretamente os días 17, 18 e 19 de xuño, e despedímonos ate o vindeiro xoves á mesma hora. ¡Que teñan unha feliz semana!

Deixamos aquí o Programa Completo.

XOVES 2 de XUÑO do 2022

Comezamos unha nova emisión do "Galegos no BAIX" coa nosa sintonía de sempre e dámoslle a benvida aos nosos oíntes e seguidores. Escoitamos un bocadiño de música e conectamos con SONIA MELÓN, unha poeta galega que parabenizamos pola recente publicación dun seu libro de poemas que leva por título: "Dende a miña xanela". Mantemos unha conversa moi agradable falando da súa creatividade poética e tamén nos informa un chisco da celebración do "Corpus 2022" na localidade de Ponteareas, que está declarada "Festa de Interés Turístico Internacional". Agasállanos coa lectura dun seu poema. ¡Moitas Grazas, Sonia!

 

Conectamos co noso correspondente, XOSÉ MANUEL F.MONTES, na capital da Ribeira Sacra, Monforte de Lemos. Encargado da sección "Quen che Preguntou?" cos seus "Desghústanme e Ghústanme" convertidos en noticias escollidas como crónica para todos nosoutros. Finaliza a súa intervención coas súas consabidas ocurrencias, que nesta ocasión el mesmo as titula como "caralladas", relacionadas con certas características que se asocian cos "patróns".

O seguinte convidado é don Roberto Castro González, Tenente Alcalde do Concello de Ribas de Sil. Mantemos con el unha conversa moi esclarecedora e informativa sobre esa localidade e da "XVII Festa da Cereixa, do Viño e do Aceite", que se celebrará esta próxima fin de semana, concretamente os días 4 e 5 de xuño. Un grande evento que terá como pregoeira a dona Alexandra Seara Sobrino, Xerente do Consorcio de Turismo da Ribeira Sacra. A destacar a inauguración do Centro de Interpretación da Minaría Aurífera Romana, nun edificio emblemático, que foi edificado polos propios veciños segundo nos explicou Ricardo. Desexamos que teñan moita sorte e moitos éxitos.

Tiñamos convidado a un responsable do Concello de Chantada para podermos coñecer un pouco máis polo miudo o que sucederá na "39 Feira do Viño de Chantada". Non puidemos facelo; posiblemente estivera ocupado e non accesible. Noutra ocasión tentarémolo, alomenos para que sabermos cómo se celebrou ese evento durante os tres día desta fin de semana, 3, 4 e 5 de xuño. Demos lectura das diferentes actividades previstas en Chantada. Tamén falamos da "Festa Galega de Can Mercader", organizada pola A.C.G. Rosalía de Castro de Cornellà, prevista para os días 17, 18 e 19 de xuño vindeiros. Escoitamos unha peza de "Os Parentes de Sober".

E despedímonos ate o vindeiro xoves á mesma hora.

 

XOVES 26 de MAIO do 2022

Unha nova emisión do noso programiña de dúas horas en galego. Comezamos coa sintonía de sempre e despois de escoitar as primeiras notas dunha peciña do CD: Rosalía en Cornellà, dámoslle paso ao primeiro convidado: FRANCISCO NARLA. Felicitámolo pola recente publicación dunha novela que leva por título: BALVANERA (colocamos a fotografía de portada ao final do texto de hoxe). Coméntanos que vai a ser presentado esta mesma tarde-noite en Lugo e que estará na Feira do Libro en Madrid. Tamén nos avanza un chisquiño sobre o argumento da propia novela e cómo se documentou para a súa escrita. Un traballo que seguro lle auguramos cheo de éxitos.

A segunda conversa-entrevista é cunha grande comunicadora, ISABEL PICHEL, Periodista, Licenciada en Socioloxía, escritora e "Profesora da VOZ" (esto é colleita propia). Recibimos unha lección de cómo temos que coidar a voz, e fainos reflexionar sobre o bon uso dese instrumento que é imprescindible para a comunicación, algo que ela domina moi amplamente, pois é Redactora na Radio Galega. Ademais imparte clases, conferencias e charlas informativas relacionadas coa voz. Agradecémoslle a atención que nos dispensou.

Continuamos, na segunda hora conectando con Davide Salgado, compoñente do Grupo de música Folk "O Val das Mouras", que participarán nun concerto previsto realizar na "Festa Galega" de Can Mercader, para o día 17 de xuño vindeiro, xunto coas "Rosalieiras" e co Grupo "Pelepau". Felicitámolo pola recente publicación do seu terceiro CD: "Bruixes e Poetes", que seguen a presentar en diversos lugares, o último precismante no CAT Tradicionarius de Gracia. Desexámoslles moita sorte e moitos éxitos.

Conectamos co nos restaurador e amigo, Ubaldo Pérez, do Restaurante "Los Ancares" na rúa Robrenyo,74 (BCN). Tamén o parabenizamos porque retoma a celebración das Festas Gastronómicas mensuais, e este mes de maio, concretamente o domingo día 29 está previsto que realicen o xantar mensual con música galega "Carne ao Caldeiro", estilo galego propiamente, con carne dos Ancares. Tamén hai a posibilidade de elexir un menú alternativo, para aqueles que o desexen. Despois do xantar, retíranse a mesas e comezan as interpretacións musicais con gaita, acordeón, panderetas, tambor e bombo, para diversión de tódolos asistentes, sen nigún prezo adicional. Agradecémoslle a súa comunicación e información.

Finalizamos dando conta dunha recente actividade organizada pola A.C.G.Rosalía de Castro de Cornellá, consitente nunha excursión de dous día a Andorra e arredores. Tamén informamos da próxima celebración da "Festa Galega en Can Mercader", prevista para os día 17, 18 e 19 de xuño próximos.

Deixamos aquí o programa completo.

XOVES 19 de MAIO do 2022

Comezamos coa nosa sintonía e despois das salutacións correspondentes ofrecémoslle escoitar unha nova peza musical que será primicia para tódolos nosos oíntes e seguidores: "O Pano Corado". Acabamos de recibila, é das nosas admiradas e queridas Tanxugueiras. A seguir recibimos á primeira convidada de hoxe: SILVIA CASTAÑEDA, Presidenta da "Irmandade Galega de Rubí", que nos fala da XLI Festa Aniversario. Coméntanos as diferentes actividades programadas para celebrar este acontacemento e convídanos a participar e disfrutar deste evento en Rubí. Desexámoslle moita sorte.

A segunda convidada é unha Artista-Pintora galega, IRENE SILVA XIRALDEZ, concretamente de Belesar-Medialdea, en Bouzas. Parabenizámola pola súa actividade creativa, artística e poética e agradecémoslle que nos deixe compartir esta creación pictórica dixital adicada ao homenaxeado deste ano nas Letras Galegas: Florencio Delgado Gurriarán. Unha conversa moi amena que nos axuda a coñecela un bocadiño máis.

E continuamos na segunda hora conectando novamente con Galicia pra darlle a ben-vinda a MANUEL LOSADA.ESCRITOR, que nos recibe moi amablemente. Conversamos con el da súa producción literaria, concretamente do seu ultimo libro: "O misterio da illa de Cortegada" que presentou precisamente o día 17 de Maio con motivo das Letras Galegas. Tamén nos comenta un chisco da súa traxectoria persoal e profesional. Agradecémoslle a súa participación no programa de hoxe e desexámoslle moitos éxitos.

Finalizamos o programa de hoxe coa crónica do noso amigo e estimado correspondente na capital da Ribeira Sacra, Monforte de Lemos, XOSÉ MANUEL F. MONTES. Os seus Me Ghustan e Desghústanme, as súas "coñas" e algunha cousiña máis.

 

Despedímonos ate o vindeiro xoves. Aquí deixamos o programa completo.

XOVES 12 de MAIO do 2022

Aprovietamos para compartir con todos vosoutros a colaboración, en forma de viñeta que nos envía o noso colaborador en Monforte de Lemos, Xosé Manuel F. Montes, relacionado co programa de hoxe. ¡Moitas Grazas Xosé Manuel!

Comezamos esta nova emisión de"Galegos no BAIX"

coa sintonía de sempre, dámoslle a benvida a tódolos nosos oíntes e seguidores; escoitamos un bocadiño de música para saudar ao noso primeiro convidado PEDRO FEIJOO BARREIRO, músico e escritor galego. Saudámolo e felicitámolo pola súa participación na Feira do Libro en Santiago de Compostela, onde estivo a asinar libros da súa autoría, como "Os fillos do lume",  "Sen piedade" e outros máis. Unha conversa moi agradable e que nos axuda a coñecer un pouquiño da creatividade deste escritor e filólogo que pronto nos sorprenderá cunha nova publicación e combinamos con el para que nosoutros sexamos primicia informando aos nosos oíntes e seguidores. Desexámoslle moitos éxitos.

A segunda conexión é con ANDREA FERNÁNDEZ MANEIRO, unha grande amiga, tamén relacionada coas letras, moi particularmente coa Poesía. Precisamente tamén a felicitamos porque mañá mesmo, venres día 13 estará en Malpica (na Casa do Pescador) presentando o seu libro: "Edénicas" gañador do XVI Certame de Poesía Erótica Illas Sisargas. Desexámoslle moita sorte e moitos éxitos.

Continuamos a segunda hora conectando con OSCAR DE SOUTO, outro galego relacionado coa escrita, concretamente coa poesía. Tamén o felicitamos polo poemario "Carbón Querubín", como el dí editado en papel para disfrute dos que gustan da impresión e comunícanos que agora está ao alcance de todos nas Redes Sociais. Agradecémoslle a colaboración de hoxe no noso programa.

Conversamos con MONTSE VALIJE MARTÍNEZ, viticultora da D.O. Rías Baixas, residente en Salvaterra do Miño. Infórmanos da súa traxectoria e traballos relacionados coa recolección e tratamento da viñas. Tamén nos fala da Adegas Valtea, coa que se sinte moi orgullosa como herdeira desta explotación familiar e nomea moi especialmente a Carla González Chao e Lázaro Moreno Carrera. Pertenece á Colectánea poética Lusa-Galaica. Estivo na Festa do Albariño de Melgaço. Convídanos a participar nas XI Xonadas das Portas nas Rutas dos Viños de Galicia. Foi nomeada Dama Luso&Galaica no Camiño de Santiago Xacobeo 2021-2022. Tamén nos fala da "Festa da Sementeira" en Salvaterra de Miño.

Despedímonos ate o vindeiro xoves. Que teñan unha feliz semana.

Tamén colgamos aquí o programa completo.