XOVES 16 de ABRIL do 2015

Comezamos unha emisión máis en galego, con novidades no equipo: ABEL HORTAS incorpórase para levar adiante a sección do deporte galego e moi en particular o fútbol. Propoñémosvos escoitar unha peza de música de "2 Na Fronteira", xa que deseguida tentaremos falar con CARMEN PENIN.

As noticias que nos achega o noso comentarista deportivo ABEL, xiran ao redor do Deportivo de A Coruña, o Celta de Vigo, o C.D. Lugo e do Club de Basquet Breogán. A vindeira semana prométenos achegarnos máis noticias e posiblemente algunha entrevista con alguén relacionado co deporte galego.

A primeira entrevista-conversa é con CARMEN PENIN, que xa anunciabamos ao comezo do noso programa. Agradecémoslle a súa amable atención e infórmanos das novidades e traballos nos que están inmersos os de "2 Na Fronteira", así como dos concertos e actuacións previstas para datas próximas.

Na segunda hora conectamos co noso correspondente na capital da Ribeira Sacra (Monforte de Lemos) para falarmos con Xosé Manuel F. Montes, encargado da sección QUEN CHE PREGUNTOU? e que nos ten preparadas noticias curiosas de Galicia e finaliza a súa intervención con certas ocurrencias "Twuiteiras", que convén escoitar con certa atención xa que teñen bastante "retranca".

Falamos despois con HENRIQUE ALVARELLOS, Director da Editorial do mesmo nome: "Editorial Alvarellos", periodista, escritor e actualmente dedicado en exclusiva á Edición. Fainos un pequeno percorrido pola grande obra herdada do seu pai e fundador da Editorial: Os libros que publican (como el mesmo nos especifica, do que non editan: libros de texto). Agradecémoslle a súa aportación ao noso programa e combinamos poder voltar a conectarnos para que nos siga informando das novidades e publicacións que realizan.

Lembrámoslles que este noso programa volve a re-emitirse os domingos de 13 a 15 horas. 

Nós voltaremos a vindeira semana con máis emisión, e en galego.

XOVES 9 de ABRIL do 2015

Comezamos a emisión de hoxe propoñéndolles a escoita dunha peza do ultimo CD da nosa amiga SES: "Tronzar os Valos", para despois conectar con Galicia e falarmos con XURXO GONZÁLEZ, Director do Proxecto Socheo, en A Guarda, que nos fai unha pormenorizada exposición informativa relacionada co proxecto mencionado e co achádego das Películas dos anos 30 do "Costiña". unha conversa moi interesante.

Despois chamamos a Lugo para falarmos con don XOSÉ MARÍA ALVAREZ VILABRILLE, Director Comercial do xornal "O Progreso" de Lugo, con quen mantemos unha conversa-entrevista relacionada coa súa actividade e aproveita para darnos unha visión xeral das ofertas visitantes da provincia de Lugo así como de otros asuntos. Agradecémoslle a súa aportación.

Na segunda hora conectamos novamente con Galicia, e como cada semana falamos co noso correspondente na Ribeira Sacra, XOSE M.F.MONTES, encargado da sección QUE CHE PREGUNTOU?, que sempre escolle cousas interesantes para os nosos oíntes e seguidores. Non pode faltar, na súa intervención, a "retranca".

Os últimos minutos dedicámolos a falar con ALVARO VILLASANTE, Chef do Restaurante PAPRICA, a quen felicitamos por ter acadado recentemente o Premio do Público pola súa receita de Tapa, a nivel Autonómico: Pescada de Celeiro con bocabits de luriña e xeado de tomate. A entrevista-conversa está relacionada coa gastronomía e moi concretamente coa súa actividade no establecemento que rexenta. Agradecémoslle a súa amable atención e comprometémonos para voltar a falar con el desexándolle que siga colleitando éxitos.

A videira semana máis.

Xoves 26 de MARZO do 2015

Unha semaniña máis tentando entreter á nosa audiencia con esta proposta de radio en galego, con música, entrevistas, conversas, impresións e noticias da nosa comunidade: Galicia.

A primeira comunicación é con CHECHE REAL, Presidente da Asociación Provincial de Hostaleiros de Lugo e coa Delegada desta Asociación na zona sur de Lugo, dona BEATRIZ VILA FREIRE. Unha conversa moi interesante, chea de información e novidades. Agradecémoslles a súa aportación e prometémonos voltar a falar con eles para que nos sigan informando das súas inquedanzas.

A seguinte comunicación-entrevista é con FERNANDO RIAL DOMÍNGUEZ, escritor e creativo artístico, co que mantemos unha conversa arredor das súas produccións, e moi particularmente falando do seu libro: Tiempos anaranjados. Tamén falamos da súa próxima exposición de pintura que ten previsto realizar na Aula da Xuventude en Moaña.

Na segunda hora conectamos coa capital da Ribeira Sacra (Monforte de Lemos) para falarmos co noso correspondente Xosé M.F.Montes, que se encarga da sección QUEN CHE PREGUNTOU?, e que sempre ten preparadas unha serie de noticias e informacións acompañadas da súa retranca particular, para amenizar a súa intervención.

A última conversa é co Sr.XESÚS, da Panadería - Pastelería LINARES, de A Pontenova (Lugo) que nos fala do seu establecemento e das moitas e boas viandas que se preparan no seu obradoiro e que reparte polas aldeas e pobos do arredor. Desexámoslle moitos éxitos e despedímonos de todos cos desexos de que sigan sintonizándonos ate o vindeiro día 9 de ABRIL, que voltaremos a ofrecerlles outro programa máis. 

¡ Que teñan unhas FELICES PASCUAS !

XOVES 19 de MARZO do 2015

Día de San XOSÉ.

Comezamos o programa ofrecéndolles escoitar unha peza musical de "Cantares do BRION". A primeira conversa-entrevista é con DANI, responsable e propietario da empresa CAURELOR, adicada a productos naturais da zona de O Caurel. Fainos unha pequena descrición de cómo teñen montada a súa Empresa e convidanos a probar os seus productos. Agradecémoslle a el e a súa dona VERÓNICA, a súa atención e desexámoslles moitos éxitos.

A segunda comunicación é con JUAN LUNA, responsable da Asociación-Escola PINTEGA AMARELA, de Madrid, que nos informa das moitas actividades e cursos sobre cultura musical galega. Moitas inquedanzas que amosan na súa Escola. 

Na segunda hora faremos un especial, disculpando ao noso correspondente Xosé Manuel F.Montes, que ten certas obrigas persoais que cumplir. Así pois conectamos con Madrid, outra vez, pero para falarmos con GUILLERME, da Asociación XIRANDELA, que nos da cumplida información sobre as moitas e interesantes actividades que ofrecen aos seus alumnos. Agradecemoslle a súa amable atención e desexámoslles moitos éxitos.

E para rematar o programa de hoxe falamos con SILVIA PARDO, de Expourense, que nos fai unha valoración da recente Feira Internacional Gastronómica XANTAR, e tamén aproveitamos para comentar algo sobre as vindeiras celebración previstas dende EXPOURENSE. Enviámoslles moitos e agarimosos saúdos pola súa amable atención e seguirémonos comunicando.

Gracias a Tod@s por seguirnos. 

A vindeira semana máis. 

¡¡¡ Agardámosvos !!!

12 de MARZO do 2015

Un xoves máis con todos vosoutros tentando levar adiante este programiña de días horiñas de radio en galego. Comezamos chamando a EDUARDO RISCO e BRUNO VILLAMOR, da "Asociación Cultural Cantigas e Frores" de Lugo, para falarmos do Libro CD que acaban de presentar relacionado co Coral CANTIGAS e ATURUXOS, antecedente da actual Asociación Cultural. Unha conversa moi amena coa que nos enteramos de moitas e interesantes cousas.

A segunda comunicación é con HUGO LÓPEZ, da Asociación Cultural "Cántigas da Terra", de A Coruña, co que tamén mantemos unha conversa moi interesante arredor desta Coral así como das novidades que teñen previsto realizar.

Na segunda hora falamos co noso correspondente na capital da Ribeira Sacra, Monforte, XOSÉ MANUEL F.MONTES, encargado da sección QUEN CHE PREGUNTOU? e que nos ten preparadas varias informacións interesantes, así como recomendacións para esta fin de semana.

A ultima conversa é con RAMÓN GONZÁLEZ, autor do Libro CD, que comentamos cos nosos anteriores contertulios: Coro Cantigas e Aturuxos. Repertorio lucense.1918. A súa intervención axúdanos a coñecer algo máis deste traballo recentemente publicado por OUVIRMOS. Felicitámolo por esta publicación e desexámoslle moitos éxitos.

Este programa re-emítese tódolos domingos de 13 a 15 horas, por se queren escoitalo enteiro...

A vindeira semana máis. Non esquezan sintonizarnos. Seguiremos tentando compracelos.

XOVES 5 de MARZO do 2015

No programa de hoxe conectamos con OSCAR SOUTO de Radio Roncudo, para falarmos da súa experiencia creadora poética e da comunicación no seu programa "O NOSO XEITO", que tantos éxitos está a acadar. Felicitámolo e comprometémonos a voltar a falar con el en vindeiras ocasións.

Aproveitamos para comentar algunhas noticias musicais chegadas á nosa Redacción: Publicación da Editorial OUVIRMOS un CD-Libro: "Cántigas e Aturuxos. Repertorio lucense 1918" , adicado ás primeiras gravacións lucenses... ...

Na segunda hora comezamos coa acostumada comunicación do noso correspondente XOSÉ M. F. MONTES, encargado da sección QEN CHE PREGUNTOU? e fainos un percorrido polas noticias escollidas para tódolos nosos oíntes e seguidores.

A terceira comunicación é coa nosa amiga e Cantautora MARÍA XOSÉ SILVAR "SES", que acaba de gravar o seu ultimo trabajo musical: TRONZAR OS VALOS. Mándanos, en primicia, un primero avance do que escoitaremos e teremos no prelo a partir do día 17 deste mesmo mes de marzo. Mantemos unha conversa-entrevista moi interesante e chea de engado. Felicitámola e desexámoslle motísimos éxitos na presentación que fará próximamente en Vigo.

A vindeira semana máis. 

Agaradámovos a tod@s. 

Non deixedes de sintonizarnos.

XOVES 26 de FEBREIRO do 2015

Unha semaniña máis tentando levar adiante este programiña en lingua galega. Comezamos coa chamada a Galicia para falarmos con MARTA DACOSTA ALONSO, profesora e poeta, coa que mantemos unha conversa moi agradable e agasállanos coa declamación dunha das súas composición poéticas: MALPOCADA. Agradecémosllelo e prometémonos volver a conectar con ela.

Escoitamos outra peza musical de "Os Minhotos", que nos acaban de enviar o seu CD. A seguinte conversa é con XOAN L. FUERTES SAAVEDRA, un dos compoñentes de FUXAN OS VENTOS. Mentres escoitamos unha peza musicada por eles, imos falando da nova "reentré" deste Grupo de música tradicional galega que volven polos seus fueros e seguro que nos teñen prepradas moitas e agradables sorpresas...

Na segunda hora conectamos coa capital da Ribeira Sacra, Monforte de Lemos, para falarmos con noso correspondente XOSÉ M.F.MONTES, encargado da sección QUE CHE PREGUNTOU? e que nos informa das noticias galegas escollidas por el.

No final desta emsión escoitamos varias pezas musicais e aportamos o noso "grauciño" ao día de Rosalía, coa lectura dun poema desta nosa autora galega, tan apreciada. Tamén lle dedicamos algunha peza musical aos nosos oíntes e seguidores.

A vindeira semana prometemos volver, con máis cousas galegas. Non diexen de sintonizarnos.

19 de FEBREIRO do 2015

Un xoves máis, tentando levar adiante estas dúas horiñas de radio en galego, para compracer a tódolos nosos oíntes e seguidores, con música, entrevistas e noticias chegadas á nosa Redacción.

Comezamos hoxe coa entrevista-conversa con MANU O Hedras, un Gaiterio que se define como percusionista e intérprete de varios instrumentos curiosos: Unha folla de hedra, a Trompa tamén chamada Birimbao, e como non o pandeiro tradicional galego. Moi interesante toda a conversa.

Na segunda hora comezamos coa dedicación duha peza musical á unha das nosas oíntes e despois conectamos coa capital da Ribeira Sacra, Monforte, para falarmos co noso correspondente XOSÉ M.F.MONTES, que se encarga da sección QUEN CHE PREGUNTOU? e que sempre ten preparadas varias informacións da Nosa Terra, rematando coas súas sentencias retranqueiras.

Na terceira parte do programa falamos con don ERNESTO LAGARÓN, Presidente da A.C.G SAUDADE, que nos informa da celebración da "22 Cea do ENTROIDO" no Hotel Hesperia de Hospitalet, e aproveitamos para conectar tamén co Sr.Alcalde de Navia de Suarna, don José Fernández Fernández, cos que mantemos unha conversa interesante. Felicitámolos por esta celebración e desexámoslles moitos éxitos nos seus proxectos.

A vindeira semana voltaremos. Non deixen de sintonizarnos.

XOVES de COMADRES: 12 de febreiro do 2015

Comezamos o programa de hoxe coa entrevista a don XOSÉ FERNÁNDEZ FERNÁNDEZ, Alcalde do Excmo.Concello de Navia de Suarna, que nos da cumplida información da "25 Feira-Festa da Androlla" que se celebrará a vindeira fin de semana. Tamén tivemos ocasión para preguntarlle cousas relacionadas co Concello e aproveitou para darnos una noticia, en exclusiva para os osos oíntes: Xa están moi adiantadas tódalas xestións para que se realice axiña a construcción da Residencia de Maiores na Proba de Navia de Sauarna.

A segunda entrevista é con don ANDRÉS MONTESINOS, Alcalde do Concello de VIANA DO BOLO. O vindiero domingo 15 de febreiro celebrará a "XLV FESTA DA ANDROLLA". A cantidade de persoas que teñen previsto asistir a este evento calcúlase que chegará a 3000, ou máis se contamos os que elixirán os restaurantes da vila para celebrarlo. O aforo do Pavillón Deportivo da localidade estará abarrotado e colocaranse unhas carpas, no exterior, para atender aos compoñentes dos folións e comparsas que desfilarán no pasarúas desa mañá domingueira  Desexámoslle moitos éxitos e agradecémoslle a súa amable atención e información, que sempre nos dispensa.

Tamén falamos co noso correspondente na capital da Ribeira Sacra, Xosé M.F.Montes, encargado da sección Quen che pregunto? que como cada semana ten preparadas as súas noticias de interese para todos nos, xunto con algunha anécdota humorística.

A ultima intervención-entrevista é con PALOMA RAMOS, de LIÑARES, elaboradora de andollas caseiras e artesanas, que ademais de darnos as receitas personais e antergas da súa familia, convídanos a participar na Feira deste producto en Navia.

Desexamos que volvan a sintonizarnos a vindeira semana.

XOVES. 5 de FEBREIRO do 2015

Un programa máis, en galego. Como cada xoves dúas horiñas de radio con música galega, informacións diversas, conversas e entrevistas que desexamos sexan do voso interese. Hoxe comezamos chamando a RUBÉN, da "CASA CASTELAO", en "A Fonsagrada", por mor da celebración da "XVIII FEIRA do BUTELO de A FONSAGRADA", prevista para os día 7 e 8 deste mesmo mes. Agradecémoslle moi encarecidamente a súa amable atención, xa que a pesares do constipado que lle incomodaba, aínda tivo a pacencia suficiente como para comentar con nosoutros aspectos moi interesantes da Feira e dos productos que elaboran na súa CASA.

Uns minutiños de música galega para "adubiar" un chisco as nosas conversas.

Na segunda hora, conectamos con XOSÉ M.F.MONTES, o noso correspondente en Monforte de Lemos, encargado da sección QUEN CHE PREGUNTOU?, e que cada semana ten preparadas unha serie de informacións e noticias de certo interese para tódolos nosos oíntes e seguidores, acabando coas súas sentencias-refráns retranqueiros que provocan algún que outro sorriso.

A ultima entrevista é con CARMEN, de Xanela da Lúa, a Vivenda Rural de LIRA, que ten unha oferta especial para os Namorados, concretamente a fin de semana do 14 deste mes (San Valentín), pero que tamén poden aproveitar outras suxerencias e ofertas de Entroido e Semana Santa, moi apetitosas e económicas para poder disfrutar dunha estancia feiticeira. Desexámolle moitos éxitos e agradecémoslle a súa amable participación no noso programa.

A videira semana mais. Agadamos que volvam a sintonizarnos.

29 de XANEIRO do 2015

Un programa máis, enchendo estas dúas horas, de radio en galego. Nesta ocasión chamamos, en primero lugar, a XOAQUIN XESTEIRA, de "TREIXADURA" co que mantemos unha conversa engaiolante, con motivo da presentación do seu último CD, que leva por título: "VENDIMA TARDA", e aproveitamos a ocasión para irmos escoitando algunhas das súas interpretacións musicais. Un privilexio para nos, e unha conversa chea de engado. Agradecémoslle, a Xoaquín, a súa amable atención e aportación ao noso programa.

A segunda intervención-conversa é con XANECO, do Grupo musical galego "OS MINHOTOS", que nos fala do seu último CD, que leva por título "PINGA D'AUGA", e do que aproveitamos para irmos escoitando un chisco de música mentres falamos con el.

Na segunda hora conectamos coa capital da Ribeira Sacra - Monforte de Lemos - para falarmos co noso correspondente XOSÉ MANUEL F.MONTES, encargado da sección "QUEN CHE PREGUNTOU?" e que sempre ten preparada a súa intervención comentando algunha noticia galega con certa interpretación retranqueira.

Antes de rematar, falamos con ALFONSO BECERRA, dramaturgo nado en Becerreá, que nos pon ao corrente da recente publicación-presentación do seu libro "Textículos" que nos explica, polo miúdo, en qué consiste esta publicación e tamén nos da unha pequena clase teatral coa súa mestría profesional. Agradecémosllelo e prometemos voltar a chamalo para que nos siga a ilustrar coa súa aportación e participación desinteresada. 

A vindeira semana voltaremos aquí. Á mesma hora e con máis música. Seguide sintonizándonos. ¡¡¡ Agardámosvos !!!

XOVES 22 de XANEIRO do 2015

Dúas horiñas de radio en galego, dende esta nosa emisora municipal, como cada semana. A primeira intervención-entrevista-conversa é con CARMEN PENIN, cantautora, profesora e intérprete galega que nos atende moi amablemente e adiántanos os traballos que ten preparados para este ano. Moi interesantes e moi engaiolantes. "2Na Fronteira" xa é un referente da música galega e, nós sentímonos moi honrados ao tela como amiga e que sempre nos recibe con agarimo.

Na segunda hora conectamos coa RIBEIRA SACRA, concretamente con Monforte de Lemos, para fallamos con XOSÉ M.F.MONTES, o noso correspondente encargado da sección. QUEN CHE PREGUNTOU?, e que sempre nos ten preparada a súa intervención con aconteceres interesantes en Galicia. Acaba dándonos algunha que outra sentencia retranqueira. Nesta ocasión as mentiras.

Antes de finalizar conectamos con ALBERTE MONTES, monologuista, director e polifacético actor, que nos convida a asistir á súa actuación o vindeiro día 25 no ATENEO ROIG, en Gracia. Estará acompañado dun grande da comedia e dos monólogos: OSWALDO DIGÓN, baixo o título: GARDA OS CARTOS. Agradecémoslle a súa amable atención e prometémonos volver a conectar con el para que nos siga a faltar das súas actuacións e dos seus éxitos, que lle deseamos sexan abandosos.

A semana que ven máis e, se podemos, mellor.

15 de xaneiro do 2015

Un programa máis deste ano 2015, no que temos que disculpar a presencia nos estudios de X.Cougil por mor do seu desprazamento ás illas Pitiusas, pero que seguro poderemos falar un chisco con el.

A primeira comunicación con Galicia é para falar con MARÍA DO CEO, cantante galega que acaba de presentar un novo CD a semana pasada e que pronto teremos aquí para disfrute de tódolos nosos oíntes. Tamén aproveitamos para que interveña Xulio dende Ibiza.

A segunda intervención é con XOSÉ M. F. MONTES, o noso correspondente na Ribeira Sacra (Monforte), encargado da sección QUEN CHE PREGUNTOU?, que fai unha disertación sobre algunha das noticias sobre Galicia que el mesmo escolle.

A terceira intervención é con ELI RÍOS, que acaba de ganar un premio interesante: MODESTO R.FIGUEIREDO, o más antigo de Galicia. O título polo que ven de recibir o premio é: Remexido de patacas. Desexámollle que continúe a acadar premios nesa liña de traballo que está realizando, tan interesante.

A semana que ven máis e, se podemos, mellor.