XOVES 9 de XUÑO do 2022

Un xoves máis con todos vosoutros para ofrecervos dúas horiñas de Radio en Galego. Despois das salutacións iniciais conectamos coa Presidenta da Asociación GALICIAME, MERCHI ÁLVAREZ FERNÁNDEZ, a quen felicitamos pola próxima inauguración da Sede Galiciame en Cambados: CASA MARIÑEIRA - SANTOMÉ, prevista para o domingo próximo, día 12 de xuño. Agradecémoslle que nos reciba tan amablemente e nos comente cómo vai a ser esa celebración, coa participación da madriña Belén Xestal, de Xabier Vizcaíno, Jorge Casal e Pablo Mora, que será o próximo padriño. Desexámoslles moita sorte e moitos éxitos.

A segunda convidada é LUCÍA FERRO, Graduada en Enfermería e escritora, que ven de publicar unha novela: "RESAIBO AMARGO". Dámoslle a ben-vida e fálanos desa súa primeira publicación. Felicitámola e conversamos sobre algunhas cousas desa súa creatividade novelística, ademais de comentarnos algo sobre outra faceta creativa súa, a poesía. Aínda non ten publicado nada, pero prometémonos voltar a falar con ela e que nos deleite coa lectura dalgunha das súas poesías. Moitas Grazas e moitos éxitos Lucía!

Comezamos a segunda hora conectando novamente con Galicia, para falarmos co noso admirado e benquerido ANXO ANGUEIRA. Filólogo, Profesor, Escritor, Poeta e Presidente da Fundación Rosalía de Castro. Parabenizámolo pola recente publicación poética: "Palmeiras, piueiros". Mantemos unha conversa moi amena e instructiva relacionada coa súa creatividade poética e outras varias cousas moi interesantes. Agradecémoslle a súa amable atención e desexámoslle moita sorte e moitos éxitos.

O convidado seguinte é Roberto López do ALBERGUE CASA CUARTEL da Fonsagrada. Infórmanos de cómo se pode alugar unha estancia nese establecemento que se puxo en marcha en plena pandemia do coronavirus e que actualmente está a ter unha moi boa acollida. Promete ter unha especial atención aos peregrinos ou clientes que se identifiquen como oíntes de Radio Sant Boi. Agradecémoslle a oferta, desexando que continúe adiante con esa laboura tan interesante.

Comentamos, un chisco, algo do que vai a suceder na Festa Galega de Can Mercader, prevista para a fin de semana vindeira, concretamente os días 17, 18 e 19 de xuño, e despedímonos ate o vindeiro xoves á mesma hora. ¡Que teñan unha feliz semana!

Deixamos aquí o Programa Completo.

XOVES 2 de XUÑO do 2022

Comezamos unha nova emisión do "Galegos no BAIX" coa nosa sintonía de sempre e dámoslle a benvida aos nosos oíntes e seguidores. Escoitamos un bocadiño de música e conectamos con SONIA MELÓN, unha poeta galega que parabenizamos pola recente publicación dun seu libro de poemas que leva por título: "Dende a miña xanela". Mantemos unha conversa moi agradable falando da súa creatividade poética e tamén nos informa un chisco da celebración do "Corpus 2022" na localidade de Ponteareas, que está declarada "Festa de Interés Turístico Internacional". Agasállanos coa lectura dun seu poema. ¡Moitas Grazas, Sonia!

 

Conectamos co noso correspondente, XOSÉ MANUEL F.MONTES, na capital da Ribeira Sacra, Monforte de Lemos. Encargado da sección "Quen che Preguntou?" cos seus "Desghústanme e Ghústanme" convertidos en noticias escollidas como crónica para todos nosoutros. Finaliza a súa intervención coas súas consabidas ocurrencias, que nesta ocasión el mesmo as titula como "caralladas", relacionadas con certas características que se asocian cos "patróns".

O seguinte convidado é don Roberto Castro González, Tenente Alcalde do Concello de Ribas de Sil. Mantemos con el unha conversa moi esclarecedora e informativa sobre esa localidade e da "XVII Festa da Cereixa, do Viño e do Aceite", que se celebrará esta próxima fin de semana, concretamente os días 4 e 5 de xuño. Un grande evento que terá como pregoeira a dona Alexandra Seara Sobrino, Xerente do Consorcio de Turismo da Ribeira Sacra. A destacar a inauguración do Centro de Interpretación da Minaría Aurífera Romana, nun edificio emblemático, que foi edificado polos propios veciños segundo nos explicou Ricardo. Desexamos que teñan moita sorte e moitos éxitos.

Tiñamos convidado a un responsable do Concello de Chantada para podermos coñecer un pouco máis polo miudo o que sucederá na "39 Feira do Viño de Chantada". Non puidemos facelo; posiblemente estivera ocupado e non accesible. Noutra ocasión tentarémolo, alomenos para que sabermos cómo se celebrou ese evento durante os tres día desta fin de semana, 3, 4 e 5 de xuño. Demos lectura das diferentes actividades previstas en Chantada. Tamén falamos da "Festa Galega de Can Mercader", organizada pola A.C.G. Rosalía de Castro de Cornellà, prevista para os días 17, 18 e 19 de xuño vindeiros. Escoitamos unha peza de "Os Parentes de Sober".

E despedímonos ate o vindeiro xoves á mesma hora.

 

XOVES 26 de MAIO do 2022

Unha nova emisión do noso programiña de dúas horas en galego. Comezamos coa sintonía de sempre e despois de escoitar as primeiras notas dunha peciña do CD: Rosalía en Cornellà, dámoslle paso ao primeiro convidado: FRANCISCO NARLA. Felicitámolo pola recente publicación dunha novela que leva por título: BALVANERA (colocamos a fotografía de portada ao final do texto de hoxe). Coméntanos que vai a ser presentado esta mesma tarde-noite en Lugo e que estará na Feira do Libro en Madrid. Tamén nos avanza un chisquiño sobre o argumento da propia novela e cómo se documentou para a súa escrita. Un traballo que seguro lle auguramos cheo de éxitos.

A segunda conversa-entrevista é cunha grande comunicadora, ISABEL PICHEL, Periodista, Licenciada en Socioloxía, escritora e "Profesora da VOZ" (esto é colleita propia). Recibimos unha lección de cómo temos que coidar a voz, e fainos reflexionar sobre o bon uso dese instrumento que é imprescindible para a comunicación, algo que ela domina moi amplamente, pois é Redactora na Radio Galega. Ademais imparte clases, conferencias e charlas informativas relacionadas coa voz. Agradecémoslle a atención que nos dispensou.

Continuamos, na segunda hora conectando con Davide Salgado, compoñente do Grupo de música Folk "O Val das Mouras", que participarán nun concerto previsto realizar na "Festa Galega" de Can Mercader, para o día 17 de xuño vindeiro, xunto coas "Rosalieiras" e co Grupo "Pelepau". Felicitámolo pola recente publicación do seu terceiro CD: "Bruixes e Poetes", que seguen a presentar en diversos lugares, o último precismante no CAT Tradicionarius de Gracia. Desexámoslles moita sorte e moitos éxitos.

Conectamos co nos restaurador e amigo, Ubaldo Pérez, do Restaurante "Los Ancares" na rúa Robrenyo,74 (BCN). Tamén o parabenizamos porque retoma a celebración das Festas Gastronómicas mensuais, e este mes de maio, concretamente o domingo día 29 está previsto que realicen o xantar mensual con música galega "Carne ao Caldeiro", estilo galego propiamente, con carne dos Ancares. Tamén hai a posibilidade de elexir un menú alternativo, para aqueles que o desexen. Despois do xantar, retíranse a mesas e comezan as interpretacións musicais con gaita, acordeón, panderetas, tambor e bombo, para diversión de tódolos asistentes, sen nigún prezo adicional. Agradecémoslle a súa comunicación e información.

Finalizamos dando conta dunha recente actividade organizada pola A.C.G.Rosalía de Castro de Cornellá, consitente nunha excursión de dous día a Andorra e arredores. Tamén informamos da próxima celebración da "Festa Galega en Can Mercader", prevista para os día 17, 18 e 19 de xuño próximos.

Deixamos aquí o programa completo.

XOVES 19 de MAIO do 2022

Comezamos coa nosa sintonía e despois das salutacións correspondentes ofrecémoslle escoitar unha nova peza musical que será primicia para tódolos nosos oíntes e seguidores: "O Pano Corado". Acabamos de recibila, é das nosas admiradas e queridas Tanxugueiras. A seguir recibimos á primeira convidada de hoxe: SILVIA CASTAÑEDA, Presidenta da "Irmandade Galega de Rubí", que nos fala da XLI Festa Aniversario. Coméntanos as diferentes actividades programadas para celebrar este acontacemento e convídanos a participar e disfrutar deste evento en Rubí. Desexámoslle moita sorte.

A segunda convidada é unha Artista-Pintora galega, IRENE SILVA XIRALDEZ, concretamente de Belesar-Medialdea, en Bouzas. Parabenizámola pola súa actividade creativa, artística e poética e agradecémoslle que nos deixe compartir esta creación pictórica dixital adicada ao homenaxeado deste ano nas Letras Galegas: Florencio Delgado Gurriarán. Unha conversa moi amena que nos axuda a coñecela un bocadiño máis.

E continuamos na segunda hora conectando novamente con Galicia pra darlle a ben-vinda a MANUEL LOSADA.ESCRITOR, que nos recibe moi amablemente. Conversamos con el da súa producción literaria, concretamente do seu ultimo libro: "O misterio da illa de Cortegada" que presentou precisamente o día 17 de Maio con motivo das Letras Galegas. Tamén nos comenta un chisco da súa traxectoria persoal e profesional. Agradecémoslle a súa participación no programa de hoxe e desexámoslle moitos éxitos.

Finalizamos o programa de hoxe coa crónica do noso amigo e estimado correspondente na capital da Ribeira Sacra, Monforte de Lemos, XOSÉ MANUEL F. MONTES. Os seus Me Ghustan e Desghústanme, as súas "coñas" e algunha cousiña máis.

 

Despedímonos ate o vindeiro xoves. Aquí deixamos o programa completo.

XOVES 12 de MAIO do 2022

Aprovietamos para compartir con todos vosoutros a colaboración, en forma de viñeta que nos envía o noso colaborador en Monforte de Lemos, Xosé Manuel F. Montes, relacionado co programa de hoxe. ¡Moitas Grazas Xosé Manuel!

Comezamos esta nova emisión de"Galegos no BAIX"

coa sintonía de sempre, dámoslle a benvida a tódolos nosos oíntes e seguidores; escoitamos un bocadiño de música para saudar ao noso primeiro convidado PEDRO FEIJOO BARREIRO, músico e escritor galego. Saudámolo e felicitámolo pola súa participación na Feira do Libro en Santiago de Compostela, onde estivo a asinar libros da súa autoría, como "Os fillos do lume",  "Sen piedade" e outros máis. Unha conversa moi agradable e que nos axuda a coñecer un pouquiño da creatividade deste escritor e filólogo que pronto nos sorprenderá cunha nova publicación e combinamos con el para que nosoutros sexamos primicia informando aos nosos oíntes e seguidores. Desexámoslle moitos éxitos.

A segunda conexión é con ANDREA FERNÁNDEZ MANEIRO, unha grande amiga, tamén relacionada coas letras, moi particularmente coa Poesía. Precisamente tamén a felicitamos porque mañá mesmo, venres día 13 estará en Malpica (na Casa do Pescador) presentando o seu libro: "Edénicas" gañador do XVI Certame de Poesía Erótica Illas Sisargas. Desexámoslle moita sorte e moitos éxitos.

Continuamos a segunda hora conectando con OSCAR DE SOUTO, outro galego relacionado coa escrita, concretamente coa poesía. Tamén o felicitamos polo poemario "Carbón Querubín", como el dí editado en papel para disfrute dos que gustan da impresión e comunícanos que agora está ao alcance de todos nas Redes Sociais. Agradecémoslle a colaboración de hoxe no noso programa.

Conversamos con MONTSE VALIJE MARTÍNEZ, viticultora da D.O. Rías Baixas, residente en Salvaterra do Miño. Infórmanos da súa traxectoria e traballos relacionados coa recolección e tratamento da viñas. Tamén nos fala da Adegas Valtea, coa que se sinte moi orgullosa como herdeira desta explotación familiar e nomea moi especialmente a Carla González Chao e Lázaro Moreno Carrera. Pertenece á Colectánea poética Lusa-Galaica. Estivo na Festa do Albariño de Melgaço. Convídanos a participar nas XI Xonadas das Portas nas Rutas dos Viños de Galicia. Foi nomeada Dama Luso&Galaica no Camiño de Santiago Xacobeo 2021-2022. Tamén nos fala da "Festa da Sementeira" en Salvaterra de Miño.

Despedímonos ate o vindeiro xoves. Que teñan unha feliz semana.

Tamén colgamos aquí o programa completo.

XOVES 5 de MAIO do 2022

Unha nova emisión do noso programa para ofrecerlles dúas horas de Radio en Galego. Escoitamos a nosa sintonía, dámoslle a ben-vinda e saudamos ao noso primeiro convidado: LUIS LECRERE RODRÍGUEZ, da Asociación Cultural Colectivo A Rula en Santiago de Compostela. A súa conversa é unha pequena lección de achádegos e petróglifos na Galicia. Sabemos algo máis do que esa Asociación Colectivo A Rula, nos pode ofrecer e desexámoslle que sigan acadando moitos éxitos.

A segunda conversa é con dona BERTA PICHEL BLANCO, Licenciada en Filosofía e Letras na especialidade de Historia e escritora. Naceu na Portela de Valcarce, no Bierzo e actualmente reside en Hospitalet. Fálanos da súa primeira novela que leva por título: "Cicatrices de Charol". Tamén nos da cumprida información doutro seu libro: "Poemario del Deambular", e aproveitamos para que nos declame unha das súas creacións poéticas. Agradecémoslle a súa atención e prometémonos voltar a conectar con ela en vindeiras datas.

Continuamos na segunda hora conectando con Galicia para recibir ao grande Mestre, Investigador, Profesor, Pandereteiro, Cantautor e grande amigo XABIER DÍAZ, que ven de publicar un recente e novo CD :"Levantarse e Caer". Aproveitamos para felicitalo e infórmanos das próximas actuacións e concertos previstos para este ano 2022, no que realizará unha xira por Galicia e a península ademais de trasladarse a América xunto coas Adufeiras. Desexámoslle moita sorte e moitos éxitos.

Recibimos a SAMUEL SOTO, que nos dá a coñecer un seu videoclip no que fai unha "Minibiografía de Florencio Delgado Gurriarán", personaxe a quen se lle adican as Letras Galegas-2022. Agradecémoslle a súa aportación tan interesante e desexamos que teña moitos éxitos.

E finalizamos o programa de hoxe despedínnos de tódolos nosos oíntes e seguidores escoitando unha peza máis do CD "Rosalía en Cornellà", que ven de pubicar precisamente a nosa Asociación C.G.Rosalía de Castro. Que teñan unha feliz semana.

 

Deixamos aquí o programa completo.

XOVES 28 de ABRIL do 2022

Comezamos, coma sempre, coa nosa sintonía, saudando aos nosos oíntes e seguidores e despois de escoitar un bocadiño de música poñémonos en contacto coa primeria convidada: LUCÍA BLANCO, da Vivendeda Rural e Adega "Casa do VEIGA", en Belesar-Chatanda. Infórmanos da recente posta en marcha e inauguración, concretamente o día de San Xosé, no mes de marzo pasado. Coméntanos cómo se pode acceder a mercar as súas 6 variedades de viño que procuran, a posibilidade de alugarse nesa vivenda con vistas á Ribeira Sacra, dos menús do seu Mesón e dos postres caseiros, en especial a Tarta da avoa. Agradecémoslle a súa atención e desexámoslle moita sorte.

O segundo convidado é ISMAEL CARCEDO, Mestre e Profesor de Danza e Musica Tradicional Galega en varios Centros e Asociacións, por exemplo en As Nogais, en Navia de Suarna, A Fonsagrada, no Val de Láncara, no EOI da Coruña... etcétera. Agradecémoslle a súa aportación no noso programa.

Continuamos, na segunda hora, despois de escoitar o "Grándola Vila Morena", como homenaxe pola Revoluçao dos cravos, recibindo á grande amiga e admirada ANXOS SUMAI, documentalista, tradutora e escritora. Felicitámola pola súa grande creatividade e pola súa doazón dos seus documentos e arquivos persoais ao Colectivo Fundación Eu Seino? Tamén nos fala da presentación, en Catoira, do libro de Rosalía Bermúdez, "7 Herbas máxicas, para a túa saúde, beleza e benestar" ilustrado por Nanda Cabaleiro. A conversa distendida e amena que mantemos con Anxos sérvenos para saber algo máis da súa actividade e traxectoria creativa. Desexámoslle moitos éxitos.

Conectamos despois co Profesor e Gaiteiro OSCAR IBÁÑEZ, que nos fala do seu último traballo publicado: PIPEREGRINOS, as gaitas do camiño. É un CD que contén obras interpretadas en directo por grandes músicos, de Cataluña, Aragón, Asturias, Castela e León, Portugal e Galicia. Unha obra de grande calidade musical. Tamén nos fala da próxima publicación dun CD recopilatorio de Ricardo Portela, que nos promete informarnos e dárnolo a coñecer en vindeiras datas. Agradecémoslle o tempo que nos dedicou  e desexámoslle que siga colleitando moitos éxitos.

Desexamos que pasen unha feliz semana.  

Aquí deixamos o programa completo:

XOVES 21 de ABRIL do 2022

Comezamos unha nova andaina, despois da Semana Santa, ofrecéndolles as salutacións de rigor e escoitando un bocadiño de música para despois conectar con Galicia para falarmos con MONCHO BOUZAS, poeta galego que pertenceu ao Batallón Literario da Costa da Morte. Nado en Esteiro e residente en Betanzos. Falamos da súa traxectoria creativa, do seu libro de poemas ARGONAUTA... Agradecémoslle a atención que nos dispensa e desexámoslle que acade moitos éxitos.

A segunda intervención é a do noso convidado Sr.Bolaño, que rexenta o Restaurante "Cantábrico" en A Fonsagrada. Conversamos con el sobre a atención no seu Restaurante, tamén nos informa doutro dos seus establecementos: Hotel Las Grandas. Unha conversa chea de información relacionada coas ofertas de servicio no seu Restaurante e do Hotel nas Grandas de Salime. Agradecémoslle a súa participación.

Despois falamos con JOEL PADIN, un xoven pandereteiro e cantareiro de música tadicional galega. Fálanos do seu traballo-CD "Aughas Mortas", que está a ser moi demandado e que tamén se pode disfrutar en varias plataformas dixitais. Está a impartir clases de pandeireta e pandeiro, via on-line. E tamén está preparando un novo tema que incorporará nos próximos concertos de presentación do seu CD. Agradecémoslle a sú colaboración e desexámoslle moitos éxitos.

Finalmente conectamos con CARLOS RIO, que pertence á Xunta Directiva da Asociación Cultural Galega "Airiños da Nosa Galicia" de Santa Coloma de Gramenet. Danos a coñecer a celebración do "39 Aniversario da Entidade" que conmemorarán cunha "Festa Cultural e Gastronómica", no Parc d'Europa desa localidade. Teñen previsto a realización de diversas actividades moi interesantes. Agradecémoslle a información detallada dese evento cultural galego na cidade de Santa Coloma.

E despedímonos ate o vindeiro xoves á mesma hora. Que teñan unha feliz semana!

XOVES 7 de ABRIL do 2022

Outro programa máis tentando ofrecerlles dúas horiñas de Radio en galego. Comezamos coa nosa sintonía de sempre e escoitamos unha peza de música que interpreta SESO DURÁN, Profesor de música e Cantautor galego. Conversamos con el. Fálanos da súa traxectoria musical, do seu último CD que leva por título "Ascensión", da súa creatividade musical... ... Prometémonos voltar a conversar con el e agradecémoslle a súa participación de hoxe, no noso programa. Despedímolo escoitando outra peza súa, do seu mentado traballo "Ascensión".

A segunda intervención é a de Emilia Llano Álvarez, Presidenta da Asociación "Antaruxas e Sorteiros" de A Fonsagrada. Infórmanos das actividades que realizan, a súa colaboración co Concello, a súa participación nas Festas, viaxes e concertos en localidades veciñas de Asturias, Clases de Gaita, de Danza e Pandeireta... Unha Asociación Cultural con moita participación popular.

Continuamos o programa conectando novamente con Galicia e achegámonos á Chantada, onde nos recibe DAVID VÁZQUEZ, cineasta que ven de recibir varios Premios co seu último Documental, que leva por título "El último de Arganeo". Precisamente o seu protagonista é Edilbeto Rodríguez, o poeta, pastor e músico a quen entrevistamos a semana pasada. Recibiu o Premio convocado polo Museo do Pobo Galego en Santiago de Compostela, o de Etnografía en Zamora e o do Festival de Espiello en Sobrarbe - Huesca. Tamén nos informa doutro dos seus proxectos, a "Adega Antonio do Nicho", que é unha obra creada con cepas de moita antigüidade, e elaborando o viño de forma tradicional. Desexámoslle moitos éxitos.

E finalizamos o programa de hoxe conectando con "Xosé Magalhaes", "CHEF" do "Ceibe Restaurante", en Ourense. Xosé e mais Lydia del Olmo dirixen este Restaurante de prestixio na rúa San Miguel de Ourense. Veñen de ser seleccionados polo "Madrid Fusión", xunto con outros 6, como Cociñeiros Revelación a nivel Nacional. Agradecémoslle que nos atendera tan amablemente e desexamos moita sorte e moito éxito nese proxecto gastronómico.

Despedímonos de todos vosoutros e convocámosvos para o seguinte xoves día 21, desexando que teñan un Feliz descanso de Semana Santa e FELICES PASCUAS!

 

XOVES 31 de MARZO do 2022

Último programa do mes de marzo. Dámoslles a ben-vinda a tódolos nosos escoitantes e seguidores. Poñemos unha peciña musical e conectamos con Galicia para falarmos con SONIA MELÓN, unha poeta galega que apreciamos e saudamos cordialmente. Fálanos da próxima publicación dun seu poemario: "Dende a miña Fiestra". Seguro que será terá moita aceptación e moito éxito con el. Tamén nos comenta a celebración de varios eventos que se realizarán no Concello de Ponteareas, na Sala Multiusos. Presentacións de libros de varios escritores, un cada fin de semana do mes de Abril. Agasállanos coa lectura de dous dos seus poemas. Agradecémoslle a súa amable atención e desexámoslle moito éxito.

A segunda convidada é dona LUCÍA FREITAS, CHEF do Restaurante "A TAFONA" en Santiago de Compostela. Parabenizámola porque acaba de recibir o Premio ao CHEF do Futuro: "Prix au Chef de l'Avenir", Premios Academia Internacional de Gastronomía 2022. Un restaurante de alta calidade, con 1 estrela Michelín e 2 soles de Repsol... mantemos unha conversa moi ilustrativa sobre as súas propostas gastronómicas e destaca unha serie de elementos que a converten nun referente nacional como cociñeira galega que ademais ofrece unha creatividade exquisita nos postres. Agradecémoslle a súa participación tan amable no noso programa de hoxe e desexámoslle moitos máis éxitos e moita máis prosperidade.

Saudamos e dámoslle a ben-vida aos estudos ao escritor MARCOS FERNÁNDEZ CALLEJA, que nos ven a agasallar cun libro da súa autoría: "Giráldez. Salvar las circunstancias para poder salvar lo que eres". Marcos é fillo dun home natural de Valeixe e dunha dona de Robledo de Losada. É a historia novelada que narra uns feitos reais e reconstruidos dunha saga familiar. Agradecémoslle a súa estimada aportación cultural ao noso programa de hoxe. Tódolos nosos oíntes e seguidores poden mercar esta novela en Amazon.

 

A continuación conectamos con EDILBERTO RODRÍGUEZ, una pastor-poeta-músico e entroideiro da zona do Bierzo, da Cabrera, concretamente do pobo de Pombriego. Mantemos unha conversa agradable, a pesares das inclemencias do tempo que el mesmo nos indica que está a padecer. Declámanos un bocadiño da súa creatividade poética e prometémonos a voltar a chamalo para dedicarlle máis tempo e que nos fale dos seus escritos e posiblemente o comprometamos para que tamén nos interprete algunha peza musical da zona.

Despedimos ao noso convidado nos estudios, Marcos Fernández e tamén nos despedimos de tódolos nosos oíntes e seguidores ate o vindeiro xoves á mesma hora. Te que teñan unha feliz semana.

A última intervención é a do Presidente da ASOBECAT, Juan Pedro SÁNCHEZ, que nos presenta ao homenaxeado, don DAVID VALCARCE CANEDO, no "XVIII Festival del Botillo 2022" en Cataluña, previsto para o día 2 de ABRIL. Conversamos moi distendidamente con eles. Felicitaremos personalmente a don DAVID, Director na Radio Televisión Española. Agradecémoslles a súa participación.

A vindeira semana máis. Aquí deixamos o programa enteiro.

XOVES 24 de MARZO do 2022

Comezamos un programa máis de "Galegos no BAIX" coa nosa sintonía e a salutacións oportunas de cada semana. Despois de escoitar un bocadiño de música recibimos ao primeiro convidado de hoxe: CARLOS PARDO da Empresa  Alimentaria "VALLELONGO" radicada no Bierzo, concretamente no pobo de Ocero. Mantemos una conversa moi amena, infórmanos dos diferentes produtos elaborados de forma tradicional: Queixo en aceite, Queixo Picante, Queixo negro de vaca, Queixo de Cabra con pera, Pimentón de 1ª calidade (que xa foi premiado e está catalogado como o mellor de España), Estracto de Allo Negro, Vinagre de allo negro con mel, Vinagre de mazá... ... Todo tradicional elaborado con naturalidade. Virán ao "XVIII Festival do Botillo en Cataluña", organizado pola ASOBECAT o próximo día 2 de Abril no Hotel Front Air Congress de Sant Boi. Agradecémoslle a súa atención e desexámoslle moitos éxitos!!

A segunda intervención é a da Profesora, Crítica Literaria e Doutora en Filóloxía Galego-Portuguesa dona TERESA SEARA, con quen mantemos unha pequena conversa-entrevista na que aprendemos un chisco de qué foi e cómo se desenvolveu o "Batallón Literario da Costa da Morte". A Editorial Chan da Pólvora acaba de publicar a Antoloxía do Batallón Literario da Costa da Morte, "Feros Corvos". Foi dona Teresa a que se encargou do estudo introdutorio e da selección de poemas do volume. Tamén lle preguntamos pola súa traxectoria e productividade creativa e escritora. Agradecémoslle a súa amable atención.

A continuación poñémonos en contacto con ANA VILA PROTOMEÑE "Poeta labrega". Felitiámola porque foi elixida para ser pregoeira da "XXX Festa do Caldo de Osos" da localidade de Taboada. Comentamos con ela varias cousas para informar aos nosos oíntes e seguidores e agasállanos coa lectura dun seu poema que leva por título "Sen ACOUGO". Agradecémosllelo e desexamos que siga colleitando moitos éxitos.

Finalizamos o programa de hoxe escoitando a entrevista-conversa coa nosa admirada amiga escritora e poeta EMMA PEDREIRA. Participa nun evento no Concello de Carral, celebrando a 25 edición do Certame de Poesía dese Concello. Despois a presentación de "Os libros que hai en min" da súa propia autoría no Concello de Lalín. Antes de finalizar agasállanos coa lectura dun pequeno texto dun seu libro de narrativa. Agradecémoslle a súa aportación de hoxe...

 

E despedímonos ate o vindeiro xoves á mesma hora. 

¡Que teñan unha feliz semana!

XOVES 17 de MARZO do 2022

Un xoves máis con todos vosoutros para ofrecervos dúas horiñas de Radio en galego. Comezamos coa nosa sintonía de sempre e despois das salutacións de ben-vinda escoitamos un bocadiño de música para conectar con dona ISABEL MOCIÑO GONZÁLEZ, Profesora, Doutora en Filoloxía Galego-Portuguesa, Crítica Literaria e Padroeira da Fundación Vicente Risco. Agradecémoslle a súa participación no programa de hoxe. Infórmanos da próxima celebración dun evento moi interesante precisamente relacionado coa Fundación Vicente Risco en Allariz. Trátase da presentación do 24 Premio Vicente Risco de Ciencias Sociais outorgado a Luisa Alexandra Oliveira Martins, e o XXV Premio Vicente Risco que se lle concedeu a Carlos Quiroga, "A costela galega de Eça de Queiros". Unha conversa distendida e moi ilustrativa.

A seguir conectamos con don Manuel Fernández Conde, de "gourmetgallego.com", en Sober (Lugo). Fainos un percorrido desa oferta on-line de productos galegos "Gourmet" escollidos precisamente para que os seus clientes vexan cumplidos as súas preferencias de productos de grande calidade, de orixe exclusiva galega. Comunícanos unha exclusiva, que posiblemente en próximas datas poderemos disfrutar dunha tenda física en Barcelona, para poder mercar e disfrutar deses productos que se poden atopar na súa páxina. Agradecémoslle a súa amable atención e desexámoslle moitos éxitos.

Tamén falamos con FRAN SIEIRA, Compañía de Danza. Agradecémoslle que nos atenda, porque incomodámolo un chisco xa que está a dar aulas. A compañía está a interpretar unha obra "De mente" que veñen interpretando con moito éxito, tanto é así que están nominados para nada menos que 7 Premios. Infórmanos que virán a Cataluña, concretamente a Olot, o vindeiro día 10 de abril, para unha interpretación especial de trinta minutos, de ruada. Desexámoslle que teñan moitos éxitos.

 

O ultimo convidado é don JUAN PEDRO SÁNCHEZ GARCÍA, Presidente da Asociación de Bercianos en Cataluña (ASOBECAT), que nos informa da Rolda de Prensa informativa do "XVIII Festival del Botillo en Cataluña" prevista para este próximo día 19 ás 18h no Hotel Front Air Congress de Sant Boi. En primicia adiántanos que a celebración desta Festa Berciana por excelencia, será nese mesmo Hotel o día 2 de abril. Coméntanos cales son os homenaxeados deste ano e convídanos a participar. En próximas emisións falaremos máis detidamente deste evento. Desexámoslle moita sorte e moitos éxitos.

E despedímonos ate o vindeiro xoves á mesma hora. Aquí póden escoitar o programa enteiro.

XOVES 10 de MARZO do 2022

José Iglesias

Unha semana máis con todos vosoutros, tentando levar adiante este programa de dúas horas en galego. Comezamos escoitando unha peza do Grupo Musical "Son do SIL" para conectar e darlle a ben-vinda a un dos seus intérpretes solistas: JOSÉ IGLESIAS SEARA, que nos recibe moi amablemente e conversamos con el sobre a súa faceta de intérprete na Agrupación Musical que xa volven a ensaiar con asiduidade. Por mor do coronavirus estiveron un tempo sen poder ensaiar e actuar, pero xa fai dúas semanas que comezaron a ensaiar para próximos compromisos e concertos en vindeiras datas. Agradecémoslle a participación e desexámoslle moitos éxitos.

A segunda intervención é a de Xan Rodiño, grande dinamizador e impulsor dos xogos tradicionais e populares galegos, en concreto da "billarda, a chave, a ra, os bolos..." a maioría deles con Ligas a Nivel Nacional Galego, e que proximamente, a Televisión de Galicia, retransmitirá algunha das competicions que en Galicia se realizan. Desexamos que teñan moito éxito.

Continuamos, na segunda hora cunha nova convidada, nesta ocasión MARTA GONZÁLEZ, colleiteira, xunto co seu marido, dun Aceite de Oliva virxe, na localidade de Quiroga. "O ouro de Quiroga", con árbores autóctonas de Galicia, coas variedades Brava e Mansa. Danos a coñecer a súa páxina Web, por se algún dos nosos oíntes e seguidores queren adquirir os seus productos: hhp://olivareiro.es. Desexamos que sigan acadando moita sorte nesa andaina de traballo, recuperando árbores centenarias e ofrecendo unha producción de aceite de grande calidade, que nos enorgullece a tódolos galegos.

A seguinte entrevista é con Paula Romero, do "Grupo De VACAS", con quen comentamos parte da súa traxectoria musical, que virán ao Teatre Plaza de Castelldefels, o día 18 de marzo ás 20h. Agradecémoslle a súa colaboración de hoxe e desexamos que recollan moitos éxitos nesa actuación prevista en terras catalanas. As súas letras reivindicativas, cheas de feminidade e retranca galega, cunha mensaxe moi suxerente e en galego.

 

Despedímonos de tódolos oíntes e seguidores, desexando que teñan unha feliz semana.

Aquí colgamos o programa completo.