XOVES 28 de OUTUBRO do 2021

Comezamos un programa máis de "Galegos no BAIX" dándolles a Ben-vinda e despois dun bocadiño de música conectamos con Galicia para recibir a Ana Vázquez da Queixería AIRAS MONIZ, en Chantada, na Ribeira Sacra Lucense. Dámoslle os nosos parabens por teren recibido a Medalla de Ouro ao Mellor Queixo Azul de España. Tamén nos indica que teñen recibido outros dous Premios relacionados co bon facer da súa Empresa. Mantemos unha conversa moi ilustrativa e aprendemos un chisco máis sobre esa elaboración tan especial do queixo "Savel" que é o premiado, xunto con outro queixo, Terra, que tamén recibiu outros premios e dos que Ana nos detalla con precisión. ¡Felicitámola e desexámoslle que sigan colleitando moitos éxitos!

Falamos con Xosé Vieira, un Matemático e escritor que ven de presentar dous libros moi interesantes. Recibimos unha lección de "bon facer social" que el predica coa defensa de moitas e importantes iniciativas para o ben da humanidade. Mágoa non ter máis tempo para seguir disfrutando da súa conversa.

Encetamos a segunda hora conectando novamente con Galicia para recibir a Rubén Troitiño, grande mestre gaiteiro e investigador. Parabenizámolo pola posta en marcha dunha páxina web, creada por el mesmo, e moi interesante: www.musicasdaterrademontes.com. Chea de documentación e historia. Fálanos dese proxecto no que levaba traballando moito tempo, pero que ten previsto seguir actualizándoo e desexando que participen del tódolos interesados na música tradicional e outros aspectos que el mesmo nos relata. Agradecémoslle que comparta cos nosos oíntes e seguidores ese seu traballo.

Finalizamos o programa de hoxe conectando con Silvia Pardo, do "Salón Internacional de Turismo Gastronómico de Ourense" : XANTAR 2021. Despois de agradecerlle a súa amable atención (que sempre nos prodiga) para falarnos dese grande evento que cumple 21 anos de existencia. Información detallada para que os nosos oíntes e seguidores se interesen por asistir. ¡Grazas, Silvia!

¡Que teñan unha feliz semana!

Aquí teñen o programa enteiro.

XOVES 21 de OUTUBRO do 2021

Comezamos unha nova emisión do "Galegos no BAIX" coa nosa sintonía de sempre e escoitamos unha peza de música para recibir ao primeiro convidado: "Xabier Díaz". Agradecémoslle a súa atención. Dedícanos uns minutiños para informarnos da próxima actuación que terá, xunto coas Adufeiras de Salitre, no "Tradicionarius de Gracia" o día 23 de outubro ás 21h. Presentarán o ultimo video, que estrenan hoxe mesmo nas redes, correspondente a unha peza do seu CD "As catedrais silenciadas". Desexámoslle moitos éxitos.

A segunda intervención é a de FRAN AMIL, outro músico, cantante e compositor, que nos fala do recente traballo publicado: "Popsía Vol I". Veñen de presentalo en diversas localidades de Galicia, e hoxe mesmo farano en Betanzos ás 20h. Tamén comentamos con el a repercusión que están a ter as súas páxinas: chuchesamil.com e franamil.com. Unha conversa con información interesante sobre os seus traballos.

Continuamos na segunda hora conectando novamente con Galicia, moi concretamente coa localidade de Tirán, onde se atopa Luís Chapela, con que mantemos unha conversa moi amena, e agasállanos coa lectura dun seu poema adicado ao grande poeta Bernardino Graña.

Despois poñémonos en contacto con Berta Dávila, escritora e poeta galega que ten recibido unha man chea de Premios de Narración e de Poesía. Parabenizámola porque acabamos de saber que unha das súas aportacións literarias publícase na revista VOGUE deste mes de novembro, e que se titula "Mujeres incómodas en días de fiesta". 

Agradecémoslle a dedicación que nos concede e desexámoslle moitos éxitos.

E finalizamos o programa de hoxe con música, coma sempre. Desexamos que volvan a conectarse o vindeiro xoves á mesma hora. ¡Que teñan unha feliz semana! 

Aquí poden escoitar o programa enteiro.

XOVES 14 de OUTUBRO do 2021

Outro programiña máis con todos vosoutros. Comezamos coa nosa sintonía de sempre e despois das salutacións escoitamos un bocadiño de música e poñémonos en contacto con Hector Pérez do "Forno de Lugo", con quen mantemos unha conversa-entrevista para que nos informe da situación e de todo o que precisamos saber sobre a súa empresa. Agradecémoslle a súa participación no programa de hoxe.

Despois voltamos a conectar con Galicia para achegarnos a LIRA, onde se atopa a Señora Carmen, responsable da "Vivenda Rural Xanela da Lúa". Fálanos dos "Outonos Gastronómicos 2021", que xa levan nada menos que 15 anos celebrando. Teñen dúas ofertas de menús moi interesantes, con productos de quilómetro 0, propios do país e cun selo especial. Van acompañados da estancia dun día ou dunha fin de semana, cuns prezos moi competitivos e moi axeitados. Convida a tódolos nosos oíntes e seguidores para que aproveiten a oportunidade de acollerse a esas ofertas tan interesantes e con eses menús degustación. ¡Moitas Grazas, Sra.Carmen, e moitos éxitos!

Comentamos por uns minutiños a celebración do Aniversario da "Casa Galega de Hospitalet", que tivo lugar o pasado día 9 de outono precisamente no Parque Metropolitano de Bellvitge. Axudou á súa presentación Armando Fernández. Actuaron os compoñentes da propia Entidade Casa Galega de Hospitalet, Agarimos de Badalona e a actuación estelar do Carlos Núñez. Unha festaza chea de engado.

Entrevistamos a JOEL PADÍN, que nos fala do seu CD :"Aughas Mortas". Tamén o felicitamos porque está elixido, xunto con outros grupos galegos, como finalistas dos "Premios Martín Codax de Música", no apartado de música Folk. Recibímolo cunha das pezas súas e despedímolo tamén con outra da súa autoría.

A vindeira semana máis e, á mesma hora. 

Aquí teñen o programa completo.

XOVES 7 de OUTUBRO do 2020

Comezamos outra emisión radifónica cos saúdos de sempre, coa nosa sintonía e unha peciña musical para despois poñernos en contacto co noso primeiro convidado: David Amor, que nos recibe moi atentamente e conversamos con el da súa traxectoria artística e das próximas actuacións previstas. Agradecémoslle o tempo que nos adica e desexámoslle que siga tendo moitos éxitos.

A segunda conversa tiña que ser cun escritor e poeta galego, pero non puidemos contactar con el. Noutra ocasión será. O que sí temos é a visita, nos nosos estudios, de Mª Xosé Silvar, SES. A nosa admirada e benquerida cantautora "berghantiñana". É un pracer e unha honra tela no noso programa. Falamos con ela e cóntanos que ben a "Estrenar dúas pezas recén compostas": Unha en galego e outra en catalán. Preguntámoslle cómo foi o seu proceso de composición... Tamén nos informa do Concerto que ofrecerá mañá precisamente no Centre Artesá Tradicionarius de Gracia. Os que asistan tamén poderán adquirir, coa súa sinatura e directo, do seu último CD : "Liberar as Arterias", que non puido facer a xira de presentación por mor do confinamento que tivemos. Temos que facer aquí mención de Toni Palau, de Mirmidon, que foi quen nos trouxo esta prezada visita.

Aproveitamos e escoitamos un bocadiño deses dous temas de estrena: "Apren l'aspra lliço" (poema de Salvador Espriu) e a outra composición propia: "O medo dunha nena". Fermosos temas que poderán disfrutar mañá tódolos que se acheguen ao Concerto.

Poñémonos en contacto con Sabela Maneiro, para darlle unha sorpresa, tanto a SES como ás "Tanxugueiras", xa que teñen moi boa relación entre as dúas. Recibimos a Sabela que nos conta cómo están sendo as recentes actuacións e algunhas das que están en carteira, destacando a que próximamente farán en Manresa... Escoitamos algunha das súas pezas e despedímola desexando que sigan colleitando moitos éxitos.

Tamén escoitamos outra peciña máis e co agarimo que lle temos á nosa prezada SES, despedímola augurándolle moitos éxitos e dándolle os nosos parabens por agasallarnos non só coa súa visita senón tamén coa estrena (en primicia para Cataluña) das dúas pezas musicais que poidemos escoitar hoxe.

 

Finalizamos o programa conectando novamente con Galicia para falarmos con Fernando Pérez: "Mel O Salgueiral", que veñen de acadar a "Medalla de prata" no Concurso Internacional London Honey Awards. Felicitámolo e conversamos con para coñecer un pouco esa empresa familiar que ultimamente está a ter un éxito importante. En vindeiras datas porán en marcha unha páxina web para poder ter máis visibilidade nas Redes Social, pero de momento están en Instagram e poden atopalo en "Mel do Salgueiral". Agradecémoslle a súa información detallada e desexámoslles moita sorte e éxitos.

E así foi o programa de hoxe. 

¡Que teñan unha feliz semana! O vindeiro xoves máis. 

Aquí tedes o programa enteiro.

XOVES 30 de SETEMBRO do 2021

Comezamos a emisión de hoxe dándolles a ben-vinda a tódolos nosos oíntes e seguidores, ofrecéndolles unha peciña musical e despois conectamos con CARLOS DA AIRA, que nos fala do " VIII Festival Internacinal POEMAGOSTO de Allariz". Un acontecemento que se celebrará esta fin de semana do 2 e 3 de outubro. Confírmanos a participación dos seguintes poetas: Manuel Rivas, Helena Villar Janeiro, Xesús Rábade Paredes, Lorena Conde, Samuel F. Pimenta, Itisha Giri e Zahra El Hasnaoui. Ademais terán a intervención musical de Uxía, Xoan Curiel, Caamaño&Ameixeiras e David Regueiro Quartet. Tamén se celebrará o "IIº Recital de Poesía Novísima", coa participación de Ana Fraile Somoza, Antía Balvís Moreiras, Fabián Niño, Lois Gayoso, Lorena Fernández Iglesias, Lucas Gago Suárez, Mariña Maceiras, Noé González Alamino e Zaira Ferradás. Agradecémoslle a súa completísima información e desexámoslles que teñan moitos éxitos.

A segunda conversa-entrevista é con Carlos Herrero, do Grupo musical "El Naam". Falamos do seu ultimo CD que leva por título "Germinal". Escoitamos unha peza dese traballo ao comezo da súa intervención. Virán a Barcelona, concretamente o domingo día 3 ao Tradicionarius de Gracia, para presentalo e disfrutar coa súa música. Agradecémoslle a súa amable atención.

Tiñamos previsto manter unha conversa con Domingo da "Casa Díaz", encargada de servir tódolos productos que se poderán degustar na "Festa de San Froilán en Nou Barris", durante os días 1, 2 e 3 de outubro. Como non foi posible a conexión tan só nos facemos eco desta celebración e informamos dos diferentes actos previstos. A participación neses actos é completamente gratuíta.

Continuamos, na segunda hora, conectando co noso correspondente na capital da Ribeira Sacra, Monforte de Lemos, Xosé M. F. Montes, para que nos debulle a súa sección QUEN CHE PREGUNTOU?, como acostuma cada semana, cos seus "Me ghustan e desghústanme", noticias, ao fin e ao cabo, da nosa Galicia. E despídese non sin antes darlle lectura a algúns apuntamentos da súa "libretiña pequena" xunto con algún consello retranqueiro. Tamén nos envía a súa creación viñetista, que acompañamos á entrevista do seguinte convidado de hoxe, que é o RETO que nos propuxera na semana pasada. ¡Moitas Grazas, Xosé Manuel!

Conectamos novamente con Galicia para falarmos con PEPO SUEVOS, artista e humorista galego, con quen mantemos unha conversa moi agradable. Comentamos, un chisco parte da súa traxectoria creativa e participativa en diversas películas, series e intervencións na TVG. Tamén nos fala da recente actuación "Falade galego rapazada ... ...é unha pasada". Desexámoslle que siga colleitando moitos éxitos.

E despedímonos ate o vindeiro xoves. 

Aquí deixamos o programa completo.

XOVES 23 de setembro do 2021

Comezamos unha nova emisión deste noso programa con un bocadiño de música para recibir ao noso primeiro convidado: Domingo González Lorenzo, CHEF do Hotel-Balneario Caldaria de Lobios. Entrevistámolo para que nos fale da súa participación na Clausura de TERMATALIA en Ourense. Descrívenos moi detalladamente os pratos que confeccionou, xunto con Xosé Luís López -outro Chef galego de renome- para que xantaran as personalidades que estiveron nese evento tan importante a nivel Internacional, no que ademais de falar de Termalismo, tamén se celebrou o "IIº Congreso Internacional de Auga e Saúde" así como tamén o "IVº Simposio Internacional sobre Termalismo e Calidade de Vida". Agradecémoslle a súa amable atención e desexámoslle que siga colleitando éxitos.

A segunda intervención é con Ana Santos Solla, unha maestra xubilada que mantén un blog moi interesante, que lle recomendamos a tódolos nosos oíntes e seguidores:  "De Vella a Bella". Fálanos de cómo comezaron con esa tarefa, das súas inquedanzas, das participacións tan interesantes e deseguida pásanos o teléfono para que falemos con unha das súas compañeiras Charo Valcárcel Mato, outra maestra moi implicada con esta publicación. Tamén é mestra xubilada, pero ademais de ser coordinadora do Teatro que tentan representar cada ano, tamén é unha poeta que nos agasalla coa lectura precisamente dunha das súas poesías que leva por título "Despedida". Agradecémoslles a súa atención e felicitámolas polo seu traballo, tan importante e desinteresado. ¡Moitas grazas por atendernos!

A segunda hora comezámola conectando co noso correspondente en Monforte de Lemos, Xosé Manuel F.Montes, encargado da sección Quen che preguntou? Unha forma de darnos a coñecer as noticias do seu entorno cunha perspectiva retranqueira e moi orixinal, cos seus Ghústanme e Desghústanme. E depois despidese coas anotacións populares da sua libretiña pequena.

Finalizamos as participacións conectando novamente con Galicia para falar cun grande: Siro López Lorenzo, artista, escritor, humorista gráfico e caricaturista. Felicitámolo por unha  exposición súa que actualmente se atopa no Parlamento de Galicia: "40 anos de Autonomia de Galicia nas caricaturas de SIRO". Son un número reducido, duascentas e pico, algunhas a tamaño real, pero o máis importante é que fíxolle donación de duas mil caricaturas á Cámara. Ao parecer serán expostas na maioría dos Concellos de Galicia, é dicir que será itinerante e poderase disfrutar delas. Agradecémoslle a súa atención e conversa tan amena.

Despedímonos ate o vindeiro xoves. Que teñan unha feliz semana e non se esquezan de escoitarnos.

O programa enteiro, aquí:

XOVES 16 de setembro do 2021

Nova tempada. Comezamos unha nova andaina ofrecéndolles un bocadiño de música para deseguida conectar con Miguel, do Grupo musical "Caldo y Os Rabizos" con quen mantemos unha conversa-entrevista na que nos fala da súa traxectoria musical e investigadora, dos novos proxectos e próximas actuacións e doutras cousas relacionadas con eles. Prometémonos voltar a contactar con el para que nos vaia dicindo cómo seguen coa súa música e cos seus concertos e despedímolo coa súa música.

Despois conectamos novamente con Galicia para falar con Adrián Eiras, de "Patatas Eiras". Unha empresa familiar de distribución e empaquetado de patacas de Galicia. Fálanos dese grande almacén que ten unha producción moi importante, dos seus proxectos e desexos de ampliar e dar a coñecer ese traballo tan interesante, da creación dunha páxina web para facer máis visible esa súa empresa. Ofrécenos os seus teléfonos de contacto para que os nosos oíntes e seguidores poidan poñerse en contacto con eles (982 313 009 - 689 005 884). Agradecémoslle a súa amable atención e información.

A segunda hora comezámola escoitando outra vez un bocado de música para recibir ao seguinte convidado: Suso Díaz, un grande amigo, escritor e poeta que ven de publicar, recentemente en Medulia Editorial, o seu libro de poemas: "De Ludeiros a Nova York". Falamos dese libro, do tempo que lle levou confeccionalo, do seu contido tan extraordinario e agasállanos coa lectura dunha das súas creacións recollidas nese libro. ¡Moitas Grazas, SUSO! Desexámoslle que teña moitos éxitos e acordamos poder voltar a falar con el en vindeiras ocasións para seguir comentando a súa traxectoria creadora e escrita.

E para finalizar este primeiro programa da nova tempada 2021-22 ofrecémoslle a entrevista que nos concedeu Xurxo Fernandes, que virá a presentar o seu traballo CD "Levaino", o vindeiro día 18 no Tradicionarius de Gracia.

Até o vindeiro xoves, á mesma hora.

Sexan felices e disfruten da semana.

Aquí teñen o programa enteiro.

Ultimo xoves da tempada 2020-2021- 01 de XULLO do 2021

Comezamos o programa saudando a tódolos nosos oíntes e seguidores. Escoitamos a nosa sintonía e conectamos con Galicia para falar con Alfonso, o "CHEF" do Restaurante da cidade de Lugo: "Manuel-Manuel", que nos conta cómo vai a reanudación do traballo nese emblemático  da cidade. Fálanos das tapas tan excelentes que se sirven nos moitos bares, restaurantes e establecementos onde se poden degustar moitas e grandes tapas acompañadas cos sendos viños de D.O. galegos e outras localidades. Convídanos a achegarnos a ese Restaurante que segue a ofrecer eses 4 Menús degustación de grande calidade, o mesmo que antes da pandemia. Agradecémoslle a súa amable atención de hoxe e desexámoslles que teñan un feliz verán.

A continuación poñémonos en contacto con Ana Vila Portomeñe, esa Poeta Labrega coa que xa falaramos nunh ocasión anterior, pero que a saudamos moi afablemente, felicitándoa pola súa participación nesa festa da poesía cos da "Nova Poesía Guitirica". Segue colaborando e participando coa xuntanza de poetas galaico-portugueses. Tamén nos informa da próxima presentación dese traallo que nos está a informar "un libro escrito a man, concretamente o día 9 de xullo, en Chantada xunto con outras dúas mulleres creadoras, unha costureira e outra Taboadesa, Ana Rey. Agasállanos coa lectura dun dos seus poemas... ¡Moitas Grazas ANA!!!

Conectamos novamente con Galicia para darlle paso ao noso correspodente na capital da Ribeira Sacra, Monforte de Lemos, Xosé Manuel F. Montes, xunto con Henrique Fernánde-Mon Sánchez

que tamén participa. A sección de Xosé Manuel, QUEN CHE PREGUNTOU?, unha escolla de noticias en forma de "Me ghustan e desghústanme" para coñecer algo máis da nosa comunicadade galega. Desexámoslle unhas vacacións de verán descansadas e con disfrute. Aproveita para enviarnos a súa aportación viñetista moi acaída para ser o último programa da tempada. ¡Moitas grazas Xosé Manuel! é unha honra facer de "modelos" para a túa creatividade pictórica. ¡Grazas!

A última intervención é con Ramón, xerente do "Muiño de Cuiña" , tamén coñecido por "EL molino del Abuelo", en Lalín. Fálanos da restauración e recuperación un muiño moi antergo. No 2018 cumpliron 100 anos. Felicitámolo. Infórmanos das diferentes clases de fariñas que se moen no seu muiño. Tamén nos indica que se poden visitar esas instalacións aproveitando o verán, para ver cómo funcionan as diferentes pedras, que teñen o seu encanto e a súa peculiaridade para moer cunha cadencia moi coidada. Da posta en marcha dun obxectivo novidoso en combinación cun colleitiero da zona de Xinzo de Limia para sementar unha especie moi interesante, que se está a demandar moito: A espelta. Desexámoslle moitos éxitos.

E despedímonos de todos vosoutros ate o vindeiro mes de SETEMBRO. 

¡Que teñan unha felices vacacións de verán! 

¡Cúidense moite e disfruten!

XOVES 17 de XUÑO do 2021

Comezamos coa nosa sintonía, saudando aos nosos oíntes e seguidores para dar paso a unha peza do CD que leva por título "Popsía.Vol.I", de FRAN Amil, cantautor galego a quen recibimos como primeiro convidado no noso programiña de hoxe. Agradecémoslle a súa atención e parabenizámolo por ese traballo que segundo nos día editouse a finais do 2020 comezos diste 2021. Comentamos con el algúns entresixos do seu traballo, fálanos das presentacións e concertos xa realizados e dos previstos... Desexámoslle moitos éxitos, que seguro seguirán a este primeiro volúme.

Chamamos agora a Belén Xestal, esa grande comunicadora que dende fai tempo considerámola unha grande amiga e somos verdadeiros "fósforos" dela, non só polo seu traballo de presentadora senón tamén pola dedicación e atención que sempre nos presta. Tamén a felicitamos por outros acontecementos moi familiares que ven de celebrar, concretamente 10ª aniversario do nacemento da súa benquerida filla Laura. Cóntanos algunhas cousiñas, poucas a pesar do moito traballo que ven realizando. Agradecémoslle a participación de hoxe no noso humilde programa.

 

A segunda hora comezámola conectando con JOEL PADIN, un xovencísimo intérprete e cantautor, pandereteiro galego que non fai moito publicou o seu primeiro CD titulado "Aughas Mortas". Escoitamos, para recibilo, unha peza dese CD, Balbina. Mantemos unha conversa comentando cousas relacionadas con ese proxecto, co seu traballo e estudos, así como as presentacións e posible xira prevista para este verán. Desexámoslle que siga acadando moitos éxitos. ¡Moitas grazas por atendernos JOEL!

Tamén falamos con Beatriz Vila Freire, responsable da Asociación de Empresarios e Turismo da Ribeira Sacra. Xa temos falado con ela en anteriores ocasións, pero neste día tiñamos que solidarizarnos con eses heróicos viticultores da Ribeira Sacra, por mor dunha grande treboada que aconteceu estes días atrás e que fixo moito destrozo nas viñas e colleitas en Chantada e arredores. Ogallá que poidan recuperarse pronto dese desastre imprevisto. Tamén nos conta cousas das próximas actuacións. e convídanos a visitar a provincia de Lugo e máis concretamente a Ribeira Sacra. Fálanos de que este ano tamén participará na "Volta Ciclista a España 2021" cun stand amosando máis de 20 productos galegos, que se poderán degustar nos lugares onde remate ou comecen as etapas da Volta-2021. Desexámoslle que todo decorra moi ben e con moitos éxitos.

E despedímonos de tódolos nosos oíntes e seguidores indicándolles que o vindeiro xoves, 24 non haberá programa, por mor da festividade de San Xoan. Que disfruten!!!. Aquí teñen o programa completo.

XOVES 10 de XUÑO do 2021

Unha nova emisión deste programa "Galegos no BAIX". Dúas horiñas de radio en galego, para entreter e aprender con todos vosoutros. Comezamos coa nosa sintonía e chamamos a Lucía Rodríguez Fernández, encargada dunha sección moi interesante: O ARGUEIRO DOS ANCARES. Felicitámola por ese traballo tan engaiolante e fálanos de cómo o comezou a argallar e levar adiante. Agradecémoslle a súa aportación e desexámoslle que teña moitos éxitos.

O seguinte convidado é Cheché Real, Presidente da APEHL (Asociación Provincial de Hostalaría e Turismo de Lugo). Tamén lle damos os nosos parabens, porque están traballando para poñer en marcha o XVI Concurso de Tapas de Lugo, dentro do "E pra comer Lugo". Falamos de diversas e interesantes noticias relacionadas con esa Asociación Provincial, do Turismo da provincia de Lugo, do Camiño de Santiago, da Ribeira Sacra, da Mariña Luguesa, da súa gastronomía... ¡Moitas grazas Cheché!

Continuamos, na segunda hora conectando con María Osorio, responsable da "Librería Chus" de Becerreá. Unha librería emblemática naquela cidade e naquela contorna. Teñen previsto facer presentacións de libros recén publicados e posiblemente poñan en marcha un "clube de lectura". Os proxectos e obxectivos que teñen en mente son moi interesantes.

Café-Bar Demetrio

A ultima intervención é a do Roberto López, responsable do "Albergue-Hostal CASA Cuartel da Garda Civil" na Fonsagrada. Tamén son os donos do "Cafe-Bar Demetrio", a carón deste establecmento, e que se caracteriza polo excelente servicio de desaiunos e cafes. Coméntanos que xa comezan a ter reservas para o aloxamento e o Camiño xa parece que vai levantando cabeza.

 

Comentamos un chisco os actos celebrados o sábado pasado "Festa da A.C.G.Rosalía de Castro" polos 40+1 aniversario da súa fundación e da Conferencia impartida por Emma Pedreira o día de onte para todos os socios e simpatizantes da Entidade. E despedímonos ate o vindeiro xoves, desexándolles que teñan unha feliz semana.

Aquí tedes o programa enteiro.

XOVES 3 de XUÑO do 2021

Comezamos o programa conectgando con Galicia para falarmos con ANXO BOÁN, avogado, escritor e poeta, con quen mantemos unha conversa moi amena relacionada coa súa creatividade tanto poética como escrita. Solicitámoslle que nos faga partícipes e nos envíe algunha das súas producións teatrais, para tentar de que a nosa compañía "Anduriña" poida adaptala e intentar interpretala. Agradecémoslle a súa atención.

Seguimos a emisión voltando novamente a Galicia para conectar con SONIA NOGUEROL, camioneira e carniceira. No pouco tempo do que dispuxemos descubrimos unha persoa moi atenta, encantadora e chea de vida, que ten paixón polo seu oficio, tanto ao transporte como á distribución de carne de calidade, que se sirve na Carnicería Ribeira Sacra (Ourense), da súa propiedade. Felicitámola e desexámoslle que teña moito éxito na súa andaina.

A segunda hora sempre a comezamos dándolle paso ao noso correspondente na capital da Ribeira Sacra, Xosé Manuel F.Montes, encargado da sección QUEN CHE PREGUNTOU? coa que nos enteramos das noticias escollidas para dárllelas a coñecer aos nosos oíntes e seguidores. Tamén nos deleita cos seus apuntamentos refraneiros e algunhas frases populares, recollidas na "súa libretiña pequena". E non falta a súa aportación creativa, en forma de viñeta, alusiva a algún momento da emisión de hoxe, que compartimos con todos vosoutros.

Finalizamos a emisión falando con Antonio Marzabal, que nos comenta un bocadiño a súa faceta escritora. ten publicados varias novelas, a última "Plomo sin balas, cruel fantasía". Tamén nos adianta que en vindeiras datas, quizais cara o final do verán tentará sacar ao prelo outra novela que está corrixindo e repasando ("poñendo en limpo" como el di) para publicala. Despedímolo desexando que teña moitos éxitos e prometendo voltar a comunicarnos con el para que nos fale desa próxima novela.

E deste xeito foi transcurrindo o programa de hoxe.

Aquí deixamos o programa completo. ¡Que teñan unha feliz semana!

XOVES 27 de MAIO do 2021

Outra emisión máis deste noso programa "Galegos no BAIX", con ganas de aprender e informar dalgunhas cousas interesantes. Comezamos coa nosa sintonía e conectando con Oliver Fernández, Presidente da A.C.G.Rosalía de Castro para que nos informe da próxima celebración do 40+1 Aniversario da Entidade, que para conmemorar ese evento teñen previsto facer a ofrenda floral no busto de Rosalía de Castro en Can Mercader, así como unha actuación excepcional no colexio Torre de la Miranda (C/ Almogávares,10 de Cornellà), o día 5 de XUÑO. Participarán o Coro Rociero da Hermandade de Cornellà, a Batucada Aritmia, o cuarteto EVOÉH, as pandereteiras "Rosalieiras" e o Grupo da Entidade. Os actos serán completamente gratuitos pero terán que anotarse no teléfono 620 236 571, para cumplir coas normativas sanitarias do coronavirus. Desexámoslles moitos éxitos.

Dámoslle paso, a seguir, ao noso colaborador Henrique Fernández-Mon Sánchez, e a Oriana Méndez, filóloga galega, escritora, poeta e actualmente concellal no Concello de Vigo. Agradecémoslle a súa participación no noso programa de hoxe. Ven de recibir o "XVIII Premio de Poesía A Fundación" polo seu libro "Interna". Felicitámola e mantemos unha breve conversa para sabermos algo máis da súa traxectoria creativa. Agradecémoslle estes minutos que nos concedeu.

Continuamos, na segunda hora coa crónica do noso correspondente en Monforte de Lemos, Xosé Manuel F.Montes, encargado da sección QUEN CHE PREGUNTOU? na que nos comunica as súas escollas informativas en forma de Ghústanme e Desghústanme, acompañadas dalgunhas notas extraídas da súa libretiña pequena, como Refráns populares e ditos interesantes. Tamén nos envía a súa "viñeta" alusiva a algún momento do programa, que hoxe ten que ver co poeta Lois Pereiro. ¡Moitas Grazas!

A seguinte conversa-entrevista é con Diego Veiga, componente do Grupo Musical MOURA, de quen vimos escoitando algunha peza musical que recibimos hai uns días, como é a Muiñeira Maruxaina, coa que o recibimos e dámoslle as grazas por atendernos. Fálanos da composición dese Grupo Musical que basea as súas interpretacións na fusión da música tradicional co rock, dándolle un impulso e unha expresión musical moi rompente, moi nova e introspectiva, como el mesmo a define. Seguiremos a súa traxectoria e desexámoslles moitos éxitos.

Despedímonos ate o vindeiro xoves. Que teñan unha feliz semana. Aquí podedes escoitar o programa enteiro.

XOVES 13 de MAIO do 2021

Comezamos unha nova emisión de "Galegos no BAIX" conectando con Galicia, concretamente con Xosé Luís Fernández Ansedes, da Finca O Remanso, pertiño de Mondoñedo. El mesmo nos relata a situación dese aloxamento: está en Viloalle, finca situada en plena natureza, rodeada de bosque, árbores frutais, "A fervenza" do río Masma. Esta Casa Rural foi unha das primeiras que se instalaron en Galicia. Ten varios cuartos de aluguer con tódolos servicios imprescindibles, un salón de reunións, biblioteca e un xardin moi amplo para poder disfrutar da tranquilidade e paz que o propio nome describe: Remanso. Tamén nos fala da próxima celebración dun evento relacionado coa Emigración Galega previsto para o día 12 de xullo. Agradecémoslle a súa amable atrención.

A segunda intervención, conversa-entrevista é con Rosalía Fernández Rial. Licenciada en Filoloxía, doutora en Didáctica das linguas e expresión dramática. Toca o acordión, fai teatro, escribe e ademais é poeta. Tamén aproveita para entrar na conversa o noso querido amigo e colaborador Henrique Fernández-Mon Sánchez. Agradecémoslle a participación no noso programa e despois de coñecela un chisco agasállanos coa declamación dun dos seus poemas recentemente premiados. Moitas grazas, Rosalía!!!. Neste podcast podedes disfrutar del. Desexámoslle que siga a escribir e que teña moitos éxitos na súa andaina creativa.

Despois conectamos co noso correspondente na capital da Ribeira Sacra, Monforte de Lemos: Xosé Manuel F. Montes, encargado da sección QUEN CHE PREGUNTOU? coa que fai un repaso das novidades escollidas en forma de ghústanme e desghústanme para darlle a súa aportación retranqueira. Tamén nos envía dúas sentencias populares recollidas na súa "libretiña pequena" e, como non, mándanos a "viñeta" relacionada con algún dos temas tratados no programa de hoxe. E non podía ser doutro xeito máis ilustrativo que o retrato de Xela Arias, a quen se lle adican as nosas "Letras Galegas 2021" ¡Moitas grazas por todo, Xosé Manuel!

Temos o pracer e a honra de recibir nestes estudos virtuais a Gonzalo Hermo, escritor e poeta galego afincado en Cataluña. Incorpórase Chus Pato, Profesora, escritora e Poeta, que participará xunto con Alba Cid nun acto que leva por título: "Cruzar os Atlas por unha Ponte de pasarelas". Estará moderado precisamente por Gonzalo. Será o domingo 16, a partir das 18:30, nos Xardins da Casa da Mirsericordia de Barcelona. Organizado polo Festival Barcelona Poesía 2021. Unha conversa que se nos fixo cativa, pero moi ilustrativa. Agradecémoslle a súa amable atención.

E despedimos o programa ata o vindeiro xoves, coma sempre. ¡Sexan Felices! Podedes escoitar o programa enteiro aquí.