XOVES 9 de OUTUBRO do 2025

Outra emisión máis do noso "Galegos no BAIX". Comezamos coa sintonía de sempre, as salutacións oportunas e un bocadiño de música para darlle paso á primeira convidada desta tarde, CRUZ LÓPEZ, de "Embutidos Lalinense". Parabenizámola por ter recibido o "Bacelo de Prata" o sábado pasado. Un premio moi merecido. Mantemos unha conversa moi interesante na que podemos dar a coñecer moitos dos produtos que elaboran e que se poden mercar directamente na tenda online. Son moitas as suxerencias que se nos ofrecen para poder disfrutar dos manxares que teñen, pero moi especialmente un que destaca entre outros: "Kits anti-morriña", algo moi solicitado neste tempo de outono, que moito apetece. Desexamos que sigan colleitando moitos éxitos e despedímonos con música.

A segunda intervención é con don XOSÉ ANTONIO MEIXIDE FERNÁNDEZ (Tonecho), outro dos agasallados co Premio "Bacelo de Prata" pola súa "Adegas Bordel", ubicada no municipio de Abegondo. Parabenizámolo e tamén mantemos unha conversa moi amena, na que nos pon ao corrente desta explotación vinícola que está a ter moito éxito, e destaca moi especialmente o cultivo dunha especie de uvas case extinguida, pero que actualmente está a ter moita aceptación, o branco lexítimo. As súas ofertas son o bordelar tinto, bordelar branco e o xeixedo. Agradecémoslle a atención que nos concedeu e desexámoslle moito éxito.

Comezamos a segunda hora con música do gaiteiro OSCAR IBÁÑEZ, a quen de parabenizamos pola xira extraordinaria que tivo, xunto coa súa "Tribo". Interesámonos pola próxima celebración de o "VI O Son da Gaita", previsto para o vindeiro domingo día 26 no Pazo Besada - Poio (Pontevedra). Vai a ser un acontecemento cheo de interpretacións musicais con grandes intérpretes. Tamén contarán coa presencia de Lutiers que exporán algúns dos intrumentos que elaboran. Coméntanos cada unha das propostas previstas e convida a tódolos nosos escoitantes para que se acheguen a disfrutar deste grande evento.

A continuación falamos co noso colaborador e amigo KIKE DE NAVIA, a quen felicitamos pola súa participación no evento que titularon: "Chegaron de lonxe: a poboación inmigrante no San Froilán”, que se celebrou no Vello Cárcere de Lugo. Coméntanos, un pouquiño, cómo se fixo ese acto entrañable no que tivo unha intervención moi sinalada, relatando a súa aportación e experiencia no tempo que estivo en Cataluña. Tamén nos comenta outras cousas relacionadas co grande Portela Valladares. Agradecémoslle a súa participación de hoxe no programa.

E despedímonos ate o vindeiro xoves á mesma hora. Deixamos aquí o programa completo.

XOVES 2 de OUTUBRO do 2025

Unha nova emisión deste noso programa "Galegos no BAIX", que comezamos coa nosa sintonía, as salutacións e saúdos, xunto cunha especial felicitación a unha parexa de amigos fieis seguidores, Manoli Ferreira e Juan Asensio, que celebran o seu cincuenta aniversario de bodas e parabenizámolos cunha peza das Malvela, que desexamos sexa do seu agrado: Sete Saias. Precisamente esa peza sérvenos para recibir ao primeiro convidado de hoxe, JOSÉ ANTONIO LIÑARES, Presidente da "Asociación Galega das Castañas e dos Soutos". Tamén aproveitamos a ocasión para felicitalos pola recente celebración que organizaron e que tivo lugar a semana pasada no Auditorio Municipal de Escairón. Tamén nos comenta o próximo evento: O IV Foro da Castaña en Riós. Agradecémolle a súa participación e desexámoslles que teñan moitos éxitos.

O segundo convidado é PEPE FORMOSO, do Hotel Literario Bela Fisterra, a quen parabenizamos plo recente Premio que foi a recoller a Mallorca. Tamén nos fala do evento que tivo lugar a semana pasada no Hotel antes mencionado: a celebración do 75 Aniversario da Editorial Galaxia, que contou cunha morea de personaxes de grande renome e ao que se xuntou a participación musical do Grupo Os Sib do Solpor. Mantivemos unha conversa chea de información e novidades interesantes, así como novidades próximas a celebrar. Agradecemos a súa participación e desexamos que siga colleitando moitos éxitos.

A seguinte colaboración é a do noso correspondente na capital da Ribeira Sacra (Monforte de Lemos) Xosé Manuel F. Montes, encargado da sección QUEN CHE PREGUNTOU, que como ben sendo habitual segue a repartila en varias sub-seccións nas que propón asuntos moi interesantes, comezando coas noticias e rematando coa colaboración dun personaxe famoso, que neste caso é nada menos que Avelino González.

Finalizamos a emisión cunha entrevista con FERNANDO MOSQUERA. Infórmanos do seu último traballo, Atlantic Connections, cuxa música escoitamos de fondo, así como dos seus anteriores CD, producidos e realizados por el mesmo no seu estudio. Música celta na que conta con colaboracións de grandes intérpretes e fermosas composicións. Agradecémoslle a súa amable atención e desexámoslle moitos éxitos.

Despedímonos coa música de Fernando Mosquera ata o vindeiro xoves á mesma hora. Deixamos aquí o programa completo.

XOVES 25 de SETEMBRO do 2025

Comezamos unha nova emisión do "Galegos no BAIX" coa nosa sintonía, as salutacións e un bocadiño de música, para darlle a ben-vinda ao noso primeiro convidado, XOSÉ GONZÁLEZ MARTÍNEZ, Presidente da Asoc.Amigos do Couto Mixto, Presidente do Foro Peinador e moitas cousas máis... Recíbenos moi amablemente e infórmanos moi detidamente dos actos que se celebraron relacionados precisamente coa entrega das distincións aos Xuíces Honorarios do Couto Mixto. Tamén aproveita para falarnos dos Premios Bacelos de Prata, que se entregarán esta fin de semana próxima, e outras e importantes novidades de grande alcance, que se celebrarán en vindeiras datas. Agradecémoslle a súa colaboración de hoxe e desexámos que teñan moito éxito en tódolos acontecementos previstos.

Despois de escoitar outro bocadiño de música, poñémonos en contacto con MODESTO FRAGA MOURE, escritor e poeta Fisterrán, que nos fala do seu recente libro publicado en Medulia, baixo o título: "As almas da Fisterranía", e que o presentará mañá no Salón de Actos do Concello de Fisterra, acompañado do Ilmo.Sr. Alcade, a Concelleira de Cultura e o músico Juanma Abelleira. Coméntanos un pouco de qué trata o libro e despois de agradecerlle a súa aportción de hoxe, desexámoslle moitos éxitos.

Despedimos a Modesto e a continuación falamos e entrevistamos a DOMINGO GONZÁLEZ LORENZO, "CHEF" no Balneario CALDARIA de Lobios. Ten previsto  ofrecer un "showcooking-demostración" culinaria centrada na castaña, con seis produtos culinarios innovadores, no Auditorio Municipal de Escairón (Concello de Saviñao). A sesión está promovida pola Asociación das Castañas e dos Soutos de Galicia, en colaboración coa Área do Rural da vicepresidencia da Deputación de Lugo. Fálanos dese traballo e coméntanos cales serán os pratos que se poderán degustar nese evento. Desexamos que siga colleitando moitos exitos. 

A continuación falamos con MARIAN MARTÍNEZ MARTÍNEZ, Concelleira de Cultura do Concello de A Proba do Brollón. Felicitámola pola celebración da "XI Xornadas(Festival) As Cores do Outono", na que contarán coa actuación de Xabier Díaz e as Adufeiras de Salitre. Ademais doutras ofertas cheas de engado, haberá un obrador de baile. Cóntanos que para abrir boca mañá, venres, terán a presentación do libro-CD "Concha do Canizo", a cargo da etnomusicóloga Xulia Feijoo. Desexamos que disfruten con esa celebración e desexámoslles moitos éxitos.

Antes de finalizar conectamos co noso correspondente XOAN ARCO DA VELLA, que nos adianta unha novidade moi interesante que tratará de completala en vindeiras emisións, relacionada coa construcción dos muros coa técnica da "pedra seca".

 

Despedímonos ate o vindeiro xoves á mesma hora. ¡Que teñan unha feliza semana! e deixamos aquí o programa completo:

XOVES 18 de SETEMBRO do 2025

Primeiro programa da tempada 2025/2026, que encetamos hoxe mesmo. Despois da nosa sintonía, as salutacións oportunas e un bocadiño de música, poñémonos en contacto con ANIBAL BLANCO, da Adega TAPIAS DE MARIÑÁN, da D.O. Monterrei (En Verín. Ourense). Agradecémoslle a súa amable atención e enviámoslle os nosos desexos de benestar e saúde, a pesar da desolación e grande perda que sofriron este verán, con motivo dos devastadores incendios naquela contorna e que tamén lle afectaron a eles nunha finca-viña dunha extensión de oito hectáreas. Sentimos moito ese percance que lles afectou e desexamos que pronto se recuperen e sexan quen de restaurar o afectado. A verdade é que o seu relato, e o vivido, tivo que ser moi desagradable e moi doloroso. Enviámoslle moitos ánimos e desexámoslle que alomenos teñan unha colleita e vendima abondosa e chea de satisfacións, como o son o feito de que este verán lles concederan a Medalla de Ouro no Concurso "Decanter World Wine Awards 2025". Quinta das Tapias con 95 Puntos.

 

A segunda intervención-convidada é a nosa admirada cantautora e escritora "CARMEN PENIM - 2Na Fronteira". Saudámola coa súa propia música e felicitámola polo agasallo que nos fixo enviándonos un exemplar do seu libro recentemente publicado: "A corazón aberto. Aprendendo a SER". Un obra que nos engaiola, polo seu contido, pola súa escrita e polos audios que o acompañan. Como ela mesmo o indica na limiar: "O boxectivo deste libro, é axudarche a que te abras á escoita do teu propio corazón..." Comentamos con ela cómo foi a elaboración deste traballo, no que plasma moitas cousas vividas por ela mesma. Recomendamos que se acheguen á "Editorial Toxosoutos" para poder adquirilo ou que se poñan en contacto con ela directamente, que está disposta a envialo sin gastos (e coa súa situra e dedicación ao lector). Unha honra e un placer poder disfrutar da súa lectura.

Continuamos a emisión poñéndonos en contacto co noso correspondente an capital da Ribeira Sacra, XOSÉ MANUEL F.MONTES, encargado da sección QUEN CHE PREGUNTOU? e que o desenvolve ofrecéndonos tres apartados, como na anterior etapa: O Bule-Bulo, consistente na comunicación de varias noticias entre as que algunha delas non é verdadeira. Unha segunda parte: Que pasa, que pasa na Ribeira Sacra, na que nos facilita varias informacións sobre a Ribeira Sacra e de rabiosa actualidade. E un terceiro apartado co título "Sabedoría Popular", que ben sendo unha aportación lingüística, a modo de reflexión didáctica e que axúdanos a empregar máis profundamente o noso idioma.

 

Conectamos con XOAN ARCO DA VELLA, que sempre ten moitas cousas que aportarnos, pero como está en Galicia, aproveita para facernos unha crónica cativa dun evento que cubríu este verán, en nome da Radio: A entrega de nominacións no Couto MIXTO. Agradecémoslle a súa colaboración e participación. Quedamos para poder recibir máis informacións en vindeiras datas.

E finalizamos a emisión de hoxe conectando con MIRIAM RODRÍGUEZ SÁNCHEZ, Membro destacado da A.C.G.Rosalía de Castro de Cornellà. Falamos do inicio deste novo curso, da próxima actuación no bairro de A Gavarra en próximas datas, así como tamén en Nou Barris, para o mes de outubro, das clases de Gaita e percusión, das Rosalieiras... etcétera... Agradecémoslle a súa aportación.

E despedímonos ate o vindeiro xoves á mesma hora. 

¡Que teñan unha feliz semana! 

 Deixamos aquí o programa completo.

XOVES 26 de XUÑO do 2025

Comezamos o último programa desta temapada 2024/ 2025, coa nosa sintonía de sempre, as salutacións oportunas e unha peza de música do Grupo "TREIXADURA", para poñernos en contacto coa primeira convidada de hoxe: GENI, Concelleira de Educación e Festas do Concello de Sàrria. Felicitámola porque veñen de celebrar as Festas de San Xoan-2025, dende o día 20 pasado ata o 25 deste mes de xuño. Unha grande celebración e unha das máis populares con participación de moitas e afamadas orquestras así como outras moitas ofertas para a xuventude. Agradecémoslle a abondosa información que nos dispensou e prometémonos voltar a conectar con ela para que nos siga comunicando outras celebracións que tamén teñen grande sona na contorna.

Seguimos a emisión despois de escoitar novamente a TREIXADURA, coa súa peza "Muiñeira de Santo Amaro" para, con ela de fondo, recibir a SHEILA, da Panadería-Pastelería ROSMAR. Felicitámola pola pronta inauguración dun establecemento que terá un despacho e venta de pan, pasteles e café degustación no forno familiar que pertenceu aos seus bisavós, na localidade de Carral. Tamén lle enviamos os nosos parabens pola tarefa de atención e grande dedicación que lle aporta nas diferentes feiras ás que asiste a propia "Rosmar" cos seus produtos de grande calidade, e moi concretamente a que tivo lugar na fin de semana pasada: "Festa Galega de Can Mercader". Desexámoslle que teña moito éxito nesa pronta inauguración.

Continuamos con música, novamente, para recibir ao noso correspondente viaxeiro e reporteiro gráfico XOAN ARCO DA VELLA, que sempre nos achega e nos recomenda visitar moitas localidades galegas de certo interese e encanto. Falamos de lugares máxicos galegos, de recunchos que paga a pena visitar e levar algunha que outra mostra gráfica da paisaxe ou un vídeo que recolla esa visita engaiolane. Comentamos que próximamente a "Asociación Amigos/as do Couto Mixto" celebrarán o nomeamento de "Xuíces e xuízas honorarios do Couto Mixto". Esa celebración será o día 5 de xullo na igrexa de Santiago de Rubiás. Tamén tivemos tempo para falar un chisco da raia e dos lugares lindeiros como Castro Leboriero e outros. Agradecémoslle a súa aportación e desexámoslle que disfrute dunha vacacións de verán feiticeiras.

Damos conta da celebración, a fin de semana pasada, da Festa Galega de Can Mercader, coas diferentes actuacións. Aproveitamos para escoitar outro bocadiño de música e despedímonos ata o vindeiro mes de setembro e desexándolles, a tódolos nosos escoitantes e seguidores,  que teñan unha boas vacacións de verán.  ¡Que sexan moi felices!

Deixamos aquí o programa Completo-Enteiro.

XOVES 19 de XUÑO do 2025

Comezamos outro xoves máis coa nosa sintonía, as salutacións oportunas e un bocadiño de música, nesta ocasión unha especial: "SAN FINS DO CASTRO", do Grupo "TREIXADURA", porque temos a oportunidade de conectar cun dos seus compoñentes: ANTÓN LÓPEZ, "Toniño". Agradecémoslle a súa amable atención e aproveitamos para felicitalo polo fantástico traballo e divulgación musical que están a ofrecer. Moitos concertos para este verán, moitas actuacións e preparación dun novo traballo discográfico, segundo nos comenta el mesmo, e que o prepararán durante este verán para poder ofrecelo a partir do mes de outubro próximo, segundo as súas previsións. Agradecémoslle a súa amable atención e desexamos que sigan colleitando moitos éxitos.

A seguinte intervención é a de dona CARMIÑA DE LEONOR, unha artesana de tear, "Tecelana", como lle din na zona de Navia de Suarna. Cóntanos cómo foi a súa traxectoria como mestra e profesora de moitos alumnos que tivo durante a súa profisionalidade tan feiticeira. Comezou moi noviña, aos 14 anos, segundo nos informou. Despois estivo dando clases no INEM e máis tarde contratada pola Xunta de Galicia en Lugo, como profesora. Ten ilusión de que un dos seus teares se escolla para expoñelo nalgún museo e que quede constancia da súa tarefa tan feiticeira. Agradecémoslle a súa participación no programa de hoxe.

Continuamos a emisión recibindo a crónica do noso correspondente na capital da Ribeira Sacra, XOSÉ MANUEL F. MONTES, encargado da sección QUEN CHE PREGUNTOU? que está subdividida en tres partes moi diferenciadas e que comezan cunha entradiña musical: 1ª O Bule Bulo, 2ª Que pasa, que pasa na Ribeira Sacra e "Sabedoría Popular", con chiscadelas recollidas na súa "libretiña pequena". Desexamos que teña un feliz verán.

Conectamos con MIGUEL, do FURANCHO O ALTO DA ALDEA, en Goián. É un grande defensor do rural. Agradecémoslle a súa información relacionada con este Furancho que está a ter unha grande afluencia, non só pola súa situación en Soutelo, na parroquia de Goián, senón tamén poque é un dos furanchos máis populares da provincia de Pontevedra, na que Miguel ofrece as "delicatesen" máis exquisitas e interesantes que el mesmo colleita (ovos das súas galiñas con patatas frixidas e catro especialidades máis), ademais dun bon viño albariño, tinto de especialidades autóctonas e un clarete de grande aceptación. Desexamos que siga tendo moita clientela.

A última intervención é a da nosa colaboradora MIRIAM RODRÍGUEZ, que pertence á Xunta Directiva da A.C.G. Rosalía de Castro, e que nos informa da vindeira celebración da "Festa Galega de Can Mercader-2025" conmemorando o "45 aniversario da propia Entidade". Felicitámola, pola parte que lle toca e despois de recibir o convite para que asistamos esta fin de semana, despedímola con música do propio Carlos Núñez que será o que abrirá esta celebración cun concerto o primeiro día, venres, acompañado das "Rosalieiras", cantareiras da Asociación. Desexamos que teñan moito éxito.

E, coa música de Carlos Núñez de fondo, despedímonos ate o vindeiro xoves á mesma hora.

Deixamos aquí o programa Completo - Enteiro.

XOVES 12 de XUÑO do 2025

Comezamos, coma sempre, coa nosa sintonía, as salutacións e un bocadiño de musica para intentar poñernos en contacto co primeiro convidado. A verdade é que non puidemos contactar co TONO CORREA CORREDOIRA. Tivo un imprevisto que nos comunicou despois da emisión do programa. Sentimos moito non poder parabenizalo en directo, pero fixemos o posible por comunicar algunha cousa relacionada coa pretensión que tiñamos de conversar con el e falar da súa traxectoria artística e pictórica, así como da homenaxe que lle fixeron recentemente na Coruña. Faremos o posible por ofrecervos esa comunicación e charla noutra ocasión e seguro que nos deleitará coa súa intervención. Aproveitamos a ocasión para falar da "Festa Galega de Can Mercader" que se celebrará os días 20, 21 e 22 de xuño en Cornellà, organizada pola nosa Asociación Cultural Galega Rosalía de Castro.

 

Seguimos a emisión e despois de escoitar unha peza muscial poñémonos en contacto con SABELA CAAMAÑO, do Grupo "Caamaño&Ameixeiras", a quen felicitamos polo recente premio a nivel Nacional que acaban de recibir. Fálanos dos Concertos que teñen previsto realizar próximamente, o día 15 deste mesmo mes en Braga (Portugal), o día 20 en Pantón, os días 27 e 28 en Betanzos (Festival do Pasatempo), o día 28 en Burela... ... unha xira que continuará no mes de xullo en Vigo, en Huesca e en Francia... Agradecémoslle a súa amable atención e desexamos que sigan colleitando moitos éxitos.

Conversamos con NÉBEDA PIÑEIRO, Profesora e Directora de "Lina e Lola" un grupo de Pandereteiras e Cantareiras do Morrazo que teñen moito predicamento e son moi solicitadas as súas actuacións. Fálanos da súa traxectoria e recolleita de pezas de música tradicionais. As súas intervencións en diversos escenarios dan fe da súa valía. Estiveron no Luar da Televisión Galega, e actuaron con moitos e recoñecidos artistas da canción galega. Felicitámola polo seu traballo e desexamos que teñan moito éxito, nesa próxima noticia que nos indicou que pronto será publicada.

 

Conectamos con GUSTAVO PINO SALGADO, Licenciado en Dereito e escritor cunha certa producción literaria. Acaba de publicar unha novela, que leva por título: "MALDAD EN LOS TÚNELES", ambientada na comarca de Verín (Ourense). Coméntanos algo da trama que se pode atopar na súa lectura, unhas covas que aloxaron "fuxidos" da guerra civil, túneles que foron explotacións mineiras de wolframio e outras narracións noveladas que seguro terán moito interese para os interesados. Tamén nos da a coñecer a súa páxina onde se poden atopar todas as súas publicacións para poder mercalas. Agradecémoslle a información detallada e desexamos que teña moito éxito.

Despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa Completo - Enteiro.

XOVES 5 de XUÑO do 2025

Outro xoves máis con todos vosoutros. Comezamos coa nosa sintonía, as salutacións oportunas e un bocadiño de música para recibir ao primeiro convidado: o Ilmo.Sr. Alcalde de Ribas de Sil, don ROBERTO CASTRO GONZÁLEZ, que tamén é o Presidente do "Xeo-Parque Montañas do Courel". Esta fin de semana celebrarán a "XXI Festa da Cereixa, do Viño e do Aceite de Ribas de Sil". 7 e 8 de xuño na Praia Fluvial de San Clodio. Parabenizámolo pola celebración e porque o Pregoeiro deste ano será nada menos que o Presidente da Deputación de Lugo. Tamén nos comenta algúns aspectos relacionados con esta celebración e outras interesantes novidades relacionadas. Falamos dos expositores de produtos locais de grande claidade, dos adegueiros que participarán. Agradecémoslle a súa participación e desexamos que teñan moito éxito.

O segundo participante na emisión de hoxe é RAMÓN VÁZQUEZ, das Casas Romina I e Romina II. Dúas Vivendas Rurais que el mesmo rehabilitou, unha delas de máis de douscentos anos de antiguidade e que están ao servicio dos clientes que desexen alugalas. Por outra parte tamén nos comenta que é criador e distribuidor de carne de vaca cachena, unha raza moi peculiar e característica da zona de baixa limia, pero que se adaptou moi ben na súa explotación gandeira. Fálanos das posibilidades que ofrece aos posibles clientes que se acheguen ás súas Casas, das ofertas de aluguer e posibilidades de visitas a lugares de interese turístico e rutas, así como o disfrute de catas en adegas coas que ten moita relación. Agradecémoslle a súa información detallada e desexámolle moitos éxitos.

Recibimos a crónica do noso correspondente na capital da Ribeira Sacra, Monforte de Lemos, XOSÉ MANUEL F. MONTES, encargado da sección QUEN CHE PREGUNTOU? que como saben está subdividida en tres apartados: 1º.- o Bule-Bulo que contén seis noticias nas que aparece unha trola e proponnos atopala, 2º.- Que pasa que pasa na Ribeira Sacra, noticias frescas daquela contorna e 3º.- Sabedoría popular, na que recolle ditos e refráns moi acaidos, xunto coa colaboración dun personaxe que se ofrece como colaborador. Desexámoslle unha feliz semana.

A seguinte entrevista é con don ELADIO RODRÍGUEZ FERNÁNDEZ, da Adega Arco da Vella, en Beade. Ademais de adegueiro é un poeta que transmite unha feiticeira creatividade poética. Na páxina da súa adega: adegaarcodavella.com, podemos ler e recrearnos con algunhas das súas poesías, no apartado "O Rincón do Poeta". Tamén dispón doutro apartado (tenda) onde se poden atopar e mercar os seus viños: Tarabelo e Torques do Castro. Precisamente con ese mesmo nome de Tarabelo, teñen unha formación musical, coa que amenizan as súas actuacións degustando o viño e as lecturas poéticas. Desexamos que siga colleitando moitos éxitos.

Aproveitando a peza musical "Finisterre" do Grupo Treixadura, despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa Completo-Enteiro.

XOVES 29 de MAIO do 2025

Unha emisión máis do noso programa que encetamos, coma sempre, coa nosa sintonía, as salutacións oportunas e un bocadiño de música para aproveitar e conectar con Galicia para falar con XOSÉ GONZÁLEZ MARTÍNEZ. Agradecémoslle a súa amable atención e conversamos sobre algunhas cousas moi interesantes. Primeiro felicitámolo pola celebración dos "XXIX Premios Peña Novo-2025" que este ano se lle concederon á Xornalista Esther Estévez Casado, ao historiador Miguel Anxo Seixas e á Asesoría Xurídica da Deputación de Lugo. Coméntanos algunhas cousas curiosas sobre os galardonados e tamén nos adianta a próxima e vindeira celebración da entrega da distinción "Xuíz do Couto Mixto-2025", que terá como novidade a entrega ao "Conselh Generau d'Arán" e a outros destacados persoeiros máis. Sempre é unha satisfación e unha honra poder recibir as súas noticias e explicacións. Desexamos que siga colleitando moitos éxitos.

A segunda intervención, é a do Historiador DANIEL MARTIN GIL, Presidente do "VIII Certame de Relato Curto -Manuel Rivas- da Irmandade Galega de Rubí". Cóntanos que a participación foi moi abondosa e de grande calidade. As catro categorías tiveron os seus premiados. Anúncianos os nomes dos escritos premiados e dos seus autores. Tamén nos comenta algunhas cousas da súa traxectoria profisional e tamén das súas publicacións, que estivo presentando na "Feira do Libro de Sabadell" e informa aos escoitantes que se poden adquirir poñéndose en contacto con el no seu instagram e tamén en Amazón. Desexamos que teña moitos éxitos na súa andaina.

Voltamos novamente a Galicia, concretamente a TUI, despois de escoitar outro bocadiño de música, para poñernos en contacto con GUS ABREU, un grande e extraordinario fotógrafo. Felicitámolo polas publicacións nas que participou e onde se poden atopar moitas das súas fantásticas fotografías. Falamos concretamente do libro "Euro cidade Tui-Valença do Minho" e tamén o libriño das "Festas de San Telmo-2025", cheas de fotografías moi especiais, que recollen recunchos e detalles recónditos da Catedral-Fortaleza de Tui. Tamén nos fala da súa páxina en vimeo.com, que contén unha destacada cantidade de videos moi interesantes. Agradecémoslle a súa amable atención e desexamos que siga colleitando moitos éxitos.

Continuando coa nosa emisión poñémonos en contacto con ANTONIO, Presidente da Irmandade Galega O NOSO LAR de Terrassa, que esta fin de semana celebrarán a "43 Festa Galega de Terrassa-2025", xunto coa posta en valor das "Letras Galegas-2025". Este ano mudan un chisco de situación, será nas Ramblas de Terrassa, precisamente xunto en frente da parada dos Ferrocarriles Cataláns. Comezarán as festas o vindeiro venres a partir das 18 horas, para dedicarlles espazo á xuventude e a participación da Asociación Alma Flamenca coas súas Sevillanas. O sábado terán sesión vermut con actuación de Grupos Galegos e xantar de Socios. Pola tarde continuarán con novas actuacións galegas e verbena a cargo da Orquestra Klan. O domingo continuarán máis actuacións, o Xantar Oficial coa asistencia das Asociacións Galegas colaboradoras e outras de Terrassa, xunto coa participación de autoridades locais e autonómicas. Pola tarde novamente actuacións galegas e verbena a cargo da Orquestra Klan, como final de Festa. Desexamos que teñan moita asistencia e que disfruten amosando a nosa cultura galega: musical, gastronómica e literaria.

Despedímonos ate o vindeiro xoves á mesma hora, ofrecéndolles unha selección de pezas musicais galegas. ¡Que teñan unha feliz semana!

Deixamos aquí o programa Completo-Enteiro.

XOVES 22 de MAIO do 2025

Comezamos o noso programa coa nosa sintonía de sempre, as salutacións e ofrecémoslles un bocadiño de música para poñernos en contacto con PEPE FORMOSO, do Bela Fisterra e Bela Muxía. Parabenizámolo pola fermosa celebración que fixeron no Bela Muxía para celebrar as Letras Galegas 2025, mediante a actuaciónción das Pandereteiras da Universidade Popular de Corcubión XAVIÑANAS e as RINCHONAS. Conversamos con el e fainos partícipe dalgunhas novidades que nos comenta polo miúdo, en especial esa exposición no Bela Fisterra: Ruta dos Peixes e dos Faros, a exposición do Colectivo Retoque Retro. Este venres 23 de maio a partir das 18:30 inaugúrase a exposición cunha selección de pezas creadas con coloridas crebas (refugallos qeu desbota o mar). Tamén no convida á próxima celebración do evento Eno-Literario previsto para o día 7 de xuño próximo e que contará con cen viños de Galicia e cen libros, coa participación de moitos autores e escritores. Agradecémoslle a súa colaboración no noso programa de hoxe e desexámoslle que teña moito éxito.

O seguinte convidado é RUBEN GARCÍA, un músico auto-didacta que toca o Acordión Diatónico con moita mestría. Estivo participando na homenaxe que lle fixeron a Pazos de Merexo, un grande intérprete deste instrumento. Tamén nos comenta que ten actuado en moitos eventos aos que o convidan para tocar. Outra novidade que nos revela, e u pequeno adianto refírese a que pronto terán algunha publicación xunto con un baixista que tamén toca con el. Chamaranse "Zoupalleahí". Agradecémoslle a súa participación e desexámoslle que teñan moito éxito na súa andaina.

Recibimos ao noso correspondente na capital da Ribeira Sacra, XOSÉ MANUEL F. MONTES, encargado da sección QUEN CHE PREGUNTOU? e que está sub-dividida en tres partes: O Bule-Bulo, Que pasa, que pasa na Ribeira Sacra e Sabedoría Popular, na que sempre ten a participación dun personaxe de relevancia. Nesta ocasión é Xan Veiga, que nos agasalla coa súa aportación reflexiva. Agradecémoslle a súa crónica tan ben argallada.

Conversamos un chiquiño co noso novo técnico, DANI, que é o responsable de que esta nosa emisión saia en antena. Agradecémoslle a súa grande profesionalidade e seguro que teremos unha andaina moi fructífera. Aproveitamos para anunciarlles a proposta seguinte para que escoiten e disfruten. Trátase do audio dun documental que leva por título: "Ferro, madeira e pel", dirixido a tódolos públicos no que se aborda o papel das cantareiras homenaxeadas no Día das Letras Galegas 2025. A peza conta coa participación de Tanxugueiras, Xabier Díaz, Bieito Romero, hydn, Aldara Palmeiro e Carlos G. Casás. Buscaremos a maneira de poñernos en contacto co productor, Paco Guitián Valeiro.

 

Podedes disfrutar del no seguinte enlace:  

https://youtu.be/kNgxeJ_5fwM?si=rZSzhed1sC1g2x8B. 

Este é o audio que anunciamos no parágrafo anterior co que seguro disfrutaredes, e con el queremos celebrar o DÍA DAS LETRAS GALEGAS - 2025, con todos vostedes. Agardamos que sexa do voso agrado.

Deixamos aquí o programa Completo-Enteiro.

XOVES 15 de MAIO do 2025

Este xoves comezamos a emisión dende a Radio Municipal de TUI. Unha moi especial atención que tivo con nosoutros a Directora dona BETI REI, que nos atende moi amable e agarimosamente. Dámoslles a ben-vinda e comezamos a misión recibindo ás "PITUQUIÑAS", cantareiras novas que nos agasallan coa interpretación dunha canción das nosas cantareiras, para celebrar por adiantado o día das "Letras Galegas-2025". Este grupo de mociñas son unha mostra das alumnas que dirixe a profesora AURI, que moi amablemente nos recibe e amosa a súa satisfación comprobando cómo cantan e interpretan esa primeira actuación e continuamos a emisión, dende os estudios desta Radio.

A continuación recibimos a visita do Ilmo.Sr.Alcalde de TUI, don ENRIQUE CABALEIRO, a quen felicitamos polas moitas actividades e grandes eventos que se realizan nesta "Euro Cidade" que comparte con Valença do Minho de Portugal. Mantemos unha conversa moi amena, chea de información e coñecementos para que os nosos escoitantes poidan coñecer maís polo miudo as peculiriaridades patrimoniais e culinarias das que se poden disfrutar nesta localidade. Fainos unha mención especial da Catedral-Fortaleza que é un edificio extraordinario e moi visitado polo pelegríns do Camiño de Santrigao Portugués, que moitos comezan precisamente dende TUI. Tamén nos fala da gastronomía especial moi importante, como son as angulas, que aquí reciben o nome de "meixón"... Agradecémoslle a súa amabilidade e participación no noso programa en directo dende esta localidade raiana.

Falamos con AURI, Profesora das "Pituquiñas" que tan ben interpretaron outra peza musical das cantareiras. A verdade é que escoitar a estas interpretes en directo fannos delitarnos coa súa música. Felicitámolas e desexamos que sigan colleitando moitos éxitos.

Temos nos estudios á Conselleira de Cultura, Educación e Mocidade, dona SONSOLES VICENTE, que continúa a darnos a coñecer esta localidade feiticeira, chea de engado. O río Miño, o "Pai Miño" dalle un encanto especial, que recalca o noso correspondente Xoan Arco da Vella, que tamén nos acompaña nesta emisión en directo dende a Radio Municipal de TUI. É un feito histórico, para nosoutros, que se emita o noso porgrama para os galegos do Mediterráneo, dende Tui, mediante a colaboración da Radio Municipal de Tui e a Radio Municipal de Sant Boi de Llobregat. Estamos moi agradecidos pola recepción.

Seguimos emitindo e dámoslle paso a outras intérpretes musicais: as "Arranca Xestas", mozas bravas que nos deleitan coa interpretación dunha peza, mentres falamos con BETI REY, a Directora da Radio Municipal de TUI. Comentamos algunhas peculiaridades desta emisora Municipal que leva moito tempo emitindo con asiduidade, dando a colecer tódalas noticias e acontecementos locais e de relevancia, concretamente este sábado estarán, en directo na celebración da "Letras Galegas 2025" e na Feira do Libro da localidade. Agradecémoslle a súa amable colaboración para que esto se levra adiante sen ningún impedimento. Dámoslles as grazas ao técnico desta Radio Xabier e ao noso técnico de Radio Sant Boi, Dani, que son os responsable de que este programa saíra adiante. Despedímonos ate o vindeiro xoves á mesma hora. ¡Que teñan unha feliz semana!

Deixamos aquí o programa completo.

XOVES 8 de MAIO do 2025

Comezamos o programa dende as instalacións de RADIO ALLARIZ, na localidade do mesmo nome. Agradecémoslle a colaboración do seu responsable CARLOS FERNÁNDEZ DURÁN, que nos recibe moi amablemente e axúdanos nas tarefas de confección deste programa. Un feito histórico, para a nosa emisión e para a propia Radio, xa que emitimos o programa dende Allariz (Ourense). Comezamos coa nosa sintonía e un bocadiño de música para darlle a ben-vida e recibir ao noso correspondente na capital da Ribeira Sacra, XOSÉ MANUEL F. MONTES, encargado da sección QUEN CHE PREGUNTROU? coas sub-seccións acostumadas sempre cheas de interese. Agradecémoslle a súa colaboración.

A seguir recibimos ao Sr. Concelleiro de  Cultura de Allariz, don ALBERTO CONDE RODRÍGUEZ.  A entrevista é un compendio de informacións e novidades moi interesantes relacionadas coas celebracións próximas, como  é o día da Letras Galegas-2025. Convídanos a visitar esta localidade chea de historia e cultura. Fálanos da Festa do Boi, das feiras de produtos locais de alta calidade, da degustación gastronómica tan recoñecida e de grande tradición popular, como é a carne de boi... Agradecémoslle a súa participación no programa de hoxe, que emitimos dende Radio Allariz.

Chamamos a MIGUEL MOSQUERA, responsable da Confitería-Repostería FINA REI, unha referencia moi importante nesta cidade. Fálanos da creación LEGATUM, que consiste en cinco esculturas feitas en chocolate creadas por cinco escultores galegos de grande renome no eido cultural galego (Acisclo Manzano, Soledad Penalta, Arturo Andrade, Xosé Cid e Acisclo Novo). Tamén nos fala dos doces tradicionais, dos amendoados, das roscas, das galletas con nata... Unha marabilla da gastronomía reposteria na que non faltan os bomboóns e toda unha serie de exquisiteces que se poden degustar no seu establecemento. Desexámoslle que sigan colleitando moitos éxitos.

Recibimos ao Vicepresidente da Fundación Vicente Risco, don ANTÓN BLANCO RODRÍGUEZ, un personaxe ilustre da localidade, que segundo nos informaron é o cronista oficial deste Concello. Mantemos unha conversa-entrevista chea de engado e aprendizaxe, na que nos fai un pequeno percorrido pola Fundación Vicente Risco, por algúns recunchos cheos de interese e tamén unhas pinceladas históricas que nos encandilan. Agradecémoslle a súa participación no programa de hoxe, e comprometémonos a voltar a conectar con el noutra ocasión para seguirmos aprendendo e coñecer, máis polo miúdo, algo do patrimonio desta fermosa vila alaricana da provincia de Ourense. E despedímonos ate o vindeiro xoves á mesma hora. Que teñan unha feliz semana.

Deixamos aquí o programa Completo-Enteiro.