XOVES 10 de Outono do 2019

Comezamos outro programiña máis, como cada semana, dándolles a ben-vinda a tódolos nosos oíntes e seguidores. Saúdos de rigor, como ten que ser, e escoitamos unha peciña musical.

A continuación poñemonos en contacto con JOEL PADIN, un xoven artista que canta extraordinariamente ben a nosa música tradicional galega, e toca a pandeireta e o tambor cunha virtuosidade excelente. Saudámolo e el mesmo fainos unha pequena semblanza da súa persoa. Mantemos unha conversa moi amena e así coñecemos un pouco máis a este grande artista ao que lle desexamos moitos éxitos e que pronto nos deleite con algunha gravación. 

Despois falamos coa nosa grande amiga Carmen Penim, que nos adianta a pronta publicación dun CD seu que levará por título "Cantos de Terra e Sal", do cal escoitamos un primeiro tema, en primicia para tódolos nosos oíntes e seguidores. ¡Moitas grazas, Carmen!

A segunda hora, como case sempre, continuámola coa sección QUEN CHE PREGUNTOU? do noso correspondente, Xosé Manuel F. Montes, na capital da Ribeira Sacra, Monforte de Lemos. Ten dous apaatados: 1º Os tema TOP da semana, que debulla certas novidades escollidas por el para amosarnos e un 2º que titula "Retranca d¡para todos e algo de comer". A súa crónica está moi ben estructurada e chea de abundante información e noticias, Ademais acompaña a súa aportación coa viñeta semanal, que últimamente ven tendo un exitazo de visualización, compartición e interacción con moitos  dos nosos escoitantes e seguidores. 

Xa no final do programa falamos con SONIA ARIAS LÓPEZ, escritora e poeta galega. Agradecémoslle a súa amable atención y coméntanos un chisco, parte da súa traxectoria creativa, a publicación de dous dos seus últimos libros: "Campos de batalla" e "Manchas de frío". Posiblemente teñamos a oportunidade de poder disfrutar da súa presencia en Barcelona e aproveitariamos para coñecernos persoalmente. ¡Moitos éxitos, Sonia!

E acabamos a emisión de hoxe, desexándolles que teñan unha feliz semana e que volvan a sintonizarnos o vindiero xoves á mesma hora.

XOVES 3 de OUTUBRO do 2019

Un programiña máis con todos vosoutros. Comezamos conectando con Galicia, concretamente con LUÍS CHAPELA BERMÚDEZ, un poeta e escritor da Península do Morrazo, con que falamos para darlle as nosas máis expresivas grazas polo agasallo que nos fixo. Consiste nunha peza de cerámica que representa un Dolmen. Unha honra para nós que nos distinga coa súa amizade. Tamén nos fala da súa traxectoria creativa e finaliza agasallándonos coa declamación dunha das súas ultimas poesías.

Despois falamos con Agurtzane Estrada que nos pon ao corrente da Asociacióna "Sentimientos de Cristal". Tamén falamos con Iñaki Urdargarín Iraeta, Presidente desta Asociación. Unha conversa moi amena e que nos serve para coñecer un bocadiño máis os seus obxectivos. Tamén escoitamos algunha anécdota que aproveita o noso extraordinario correspondente na capital da Ribeira Sacra, Xosé Manuel F. Montes, para enviarnos a súa viñeta alusiva precisamente ao programa de hoxe.

Continuamos, na segunda hora, coa entrevista ao grande Humorista Gráfico Galego XAQUIN BIEITO MARÍN FORMOSO. Unha persoa moi admirada polo seu traballo ilustrativo e creativo inmenso. Non cabemos en nós mesmos de gosto e pracer ao contar coa súa desinteresada atención connosco. As nosas verbas son poucas para agradecer a súa fermosa aportación ao noso humilde programa de hoxe. Eu mesmo recoñecía que non sabía cómo dirixirmen a el para facerlle a entrevista. Xaquín Marín, definido como o humorista más relevante despois de Castelao, segundo a Tese de Doutoramento de Félix Caballero, defendida no 2015, co  título "Xaquin Marín, innovación e tradición no humor gráfico galego. Fálanos da súa traxectoria creativa e coméntanos que está a traballar na pronta edición dun libro que recolle a maior parte das últimas ilustracións pulbicadas en diversos medios. O seu labor e ben recoñecido a nivel internacional e diariamente fai a súa interesantísima ilustración no xonal "La Voz de Galicia". Agradecémoslle a súa amable atención e contamos voltar a falar con el en vindeiras datas. 

Finalizamos o programa falando coa nosa correspondente nas terras dos Ancares Lugueses, Fernanda Follana Neira, que nos deleita coa súa aportación de corresponsal con moita paixón e especificidade, sempre relacionada con aquelas terras Ancaresas. Tamén nos comenta algunha cousa que fai referencia a súa paixón deportista, e como non menciónanos renomeados atletas galegos que veñen de acadar grandes éxitos, como o velocista Adrián Ben Montenegro e a saltadora Ana Peleteiro Brión. Non podían faltar as súas recomendacións sendeiristas para disfrutar non só da paisaxe. Escoitádea neste "podcast".

E despedímonos ate o vindeiro xoves, á mesma hora. ¡Non faltedes! Prometemos ofrecerlles outro programa interesante.

XOVES 28 de SETEMBRO DO 2019

2º Programa desta tempada 2019-2020, que encetamos saudando a visita que nos fai o noso amigo e colaborador ANTONIO DÍAZ,

Director da Revista Lua Nova e coordinador de moitas actividades naAsociación Cultural Galega Rosalía de Castro de Cornellà. Adiantamos a noticia de que en vindeiras datas procederemos a conceder un agasallo donado polo "Restaurante Ancares" de Barcelona, concretamente na rúa Robrenyo. Consistente nunha cea para dúas persoas de entre todos aqueles oíntes e seguidores que se poñan en contacto connosco polos medios que xa coñecen: Facebook, Páxina-Blog do programa ou Wassap (689 696 171). E despois de escoitar un bocadiño de música poñémonos en contacto con XABIER DÍAZ,

ese grande músico, profesor e cantautor galego, que nos fala dos éxitos obtidos neste verán nos múltiples concertos ofrecidos pola xeografía galega, nacional e estranxeira. Tamén nos pon ao corrente das próximas actuacións e da edición dun novo CD que posiblemente presentarán en Barcelona no mes de marzo do 2020. Agradecémoslle a súa participación de hoxe no noso humilde programa. 

A segunda intervención tamén está relacionada coa música, posto que nos poñemos en contacto con Juan Amil, un productor e cantante galego que despois dos dous ultimos CD que ten xa publicados, de grande repercusión entre os cativos: ChuchesAmil, adiántanos a próxima presentación dun Cd que leva por título: Popsía. Xa sabemos un chisco da súa traxectoria. En vindeiras datasa voltaremos a falar con el para que nos informe máis polo miúdo do seu traballo.

Na segunda hora conectamos, como cada semana, co noso correpondente en Monforte de Lemos, Xosé Manuel F. Montes, para que nos faga a súa colaboración, dentro da sección QUEN CHE PREGUNTOU? que dende o comezo desta nova tempada está dividida en: Temas TOP da semana e Retranca para todos e algo de comer, ofrecéndonos a súa escolla tan interesante. Tamén nos envía a súa aportación artística en forma de viñeta, relacionada con algún tema tratado no programa. Nesta ocasión fai referencia ao primeiro entrevistado de hoxe: Xabier Díaz. ¡Moitas grazas, Xosé Manuel!

E para finalizaar conectamos novamente con Galicia, coa nosa correspondente nas terras dos Ancares Lugueses, para recibir a aportación da nosa correspondente FERNANDA FOLLANA NEIRA. Unha crónica moi cultural e interesante.

A vindeira semana máis. Non deixen de sintonizarnos.

XOVES 19 de SETEMBRO do 2019

Nova tempada: 2019-2020.

Comezamos dándolles a ben-vinda a tódolos nosos oíntes e seguidores. E conectamos con Galicia, concretamente con Guido Alvarez Parga, un Guia Oficial de Turismo na cidade de Lugo, que nos pon ao corrente da súa traxectoria e dos seus proxectos para coñecer con máis detalle a cidade amurallada.  Unha conversa-entrevista moi aclaridora e chea de ensino. Agradecémoslle a súa aportación neste primeiro programa da tempada, que inauguramos con el e que desexamos poidamos continuar aprendendo coas súas explicacións e coñecemento pormenorizado de Lugo. En vindeiras ocasións voltaremos a falar con el para que nos siga axudando a coñecer máis, polo miúdo, esta cidade e outras moitas cousas que el domina. ¡Parabens Guido!

A seguinte comunicación é con MERCHI ÁLVAREZ FERNÁNDEZ, Presidenta de GALICIAME, que nos informa das moitas actividades que desenvolveron durante o verán e adiántanos algunhas cousas a celebrar na "V GALA-Xantar de GALICIAME" prevista para o día 6 de decembro. Un grande evento que ten como finalidade xuntar a unha morea de persoas implicadas coa recolecta de ingresos para a "2ª BECA de investigación para o AME". Tamén nos informa desa proposta educativa que denomina "RESILIENCIA" para este curso 2019-2020, na que está moi implicada e que seguro será un incentivo fermoso para os alumnos-as dos Salesianos de Cambados. Agradecémoslle a súa portación e en vindieras datas voltaremos a comunicarnos con ela para que nos dea máis detalles sobre os concertos dos artistas que participarán na GALA. Desexámoslle moitos éxitos.

Como viña sendo habitual no noso programa, a segunda hora comezabamos co noso correspondente na Ribeira Sacra, Xosé Manuel F. Montes, encargado da sección QUEN CHE PREGUNTOU? Hoxe comeza con algunha novidade relacionada coa súa intervención e que dividirá en dúas partes: 1ª Os TOP da semana e 2º A nosa retranca e algo para comer. Na primeira falanos das novidades escollidas da semana e na segunda ademais dos ditos, frases e ditos populares con retranca, incorporará e sinalizará algunha das Festas Gastronómicas que se poden disfrutar. Rematará, como viña facendo en edicións anteriores, coa súa aportación en forma de viñeta alusiva a algún dos temas tratados no programa, e que nos tentaremos de comparatir con todos vosoutros, alomenos neste blog. A de hoxe fai referencia á despoboación rural galega (con retranca, claro).

E antes de finalizar o programa de hoxe voltamos a conectar con Galicia, con FERNANDA FOLLANA NEIRA, que nos presenta a outro profesor, don Ramón Gutiérrez, especialista en arquitectura románica. Fannos unha sucinta descrición das diversas igrexas románicas que se poden admirar por aquelas contornas de Becerreá, As Nogais, Baralla... ... etcétera, verdadeiras xoias merecentes da nosa mención neste humilde programa. Agradecémoslles a súa amable atención e explicacións tan ilustrativas, que nos axudan a coñecer un chisco mellor o noso patrimonio.

O vindeiro xoves voltaremos a ofrecervos outro programiña máis. Dúas horas de Radio en galego, para que poidamos coñecer algunha cousa máis do noso entorno galego. ¡Grazas por seguirnos!

XOVES 27 de San Xoan do 2019

Ultimo programa 2018-2019

O ultimo programa desta tempada 2018-19, que facemos coa presenza nos estudos do noso amigo, Antonio Díaz Fernández  e director da Revista LÚA NOVA, ademais de correspondente do Xornal Galicia no Mundo. A verdade é que tiñamos previsto realizar unha emisión destacada para finalizar a tempada. As propostas que tiñamos pensado fóronse cumplindo e así decorrer o programa de hoxe: En primeiro lugar desplazámonos a Lubián, para falar con Jonathan, Director da "Banda de Gaitas As Portelas", nesa localidade Zamorana, raiana e chea de musicalidade. Agradecémoslle a súa amable atención e información moi detallada sobre os próximos acontecementos previstos para este verán. Desexámoslle moitos éxitos e prometémonos voltar a comunicarnos con el na vindeira temporada.

A seguir conectamos novamente con Galicia, concretamente con Castro Caldelas, para falarmos coa súa Alcaldesa, dona Sara Inés Vega Núñez, a quen felicitamos por ter acadado maio´ria absoluta nas recén pasadas eleccións. Fainos unha "crónica" pormenorizada das moitas actuacións que realizaron na anterior lexilatura e adiántanos algunhas das próximas propostas que ten previsto realizar para mellora desta localidade declarada como un dos mellores e máis belos pobos de España. Agradecerlle que nos atenda tan cordialmente e desexarlle que continúe acadando éxitos.

Conectamos co noso correspondente Xosé Manuel F. Montes, que aproveita para saudarnos e despedirse ate a vindeira tempada que seguro voltaremos a contar con el na súa sección QUEN CHE PREGUNTOU? e coa que sempre temos unha colaboración interesantísima.

Despois falamos con don Santiago Lorenzo Sueiro, que nos fala da próxima inauguración dunha das etapas do Camiño de Santiago prevista para o día 21 de setembro, que será entre Hostalrich e Sant Celoni, de tan só 19 quilómetros, Facilítanos un enderezo para poder apuntarse e participar nesta andaina xacobea: lblanco@alianzagalega.org. Tamén nos informa da súa faceta radiofónica os sábados ás 6 da tarde co seu programa: A hora de SUEIRO. Felicitámolo e desexámoslle ´´exitos.

E para finalizar esta tempada comentamos con Antonio Díaz Fernández a publicación da revista irmá de Lua Nova con motivo da Festa de Can Mercader, Tamén damos a coñecer a convocatoria do XXXIII Certame de Poesía Rosalía de Castro, que ten de plazo ate o 15 de Outubro deste ano. 

Despedímonos ate o vindeiro 19 de SETEMBRO que comezaremos a próxima tempada 2019-20, na que vos prometemos incorporar novidades interesantes para mellorar un chisco esta nosa emisión de dúas horas en galego. Desexámosvos que teñades un fermoso verán. ¡Disfrutade e sede felices!

Xoves 20 de San Xoan do 2019

Comezamos este programa de hoxe, despois das salutacións oportunas, conectando con Galicia para falarmos con Daniel do Pando, un mestre do "Birimbau" ou "Trompa de boca". Infórmanos das súas preferencias, da súa traxectoria, dos cursiños que impartiu e que seguirá impatindo. Agradecémoslle a súa participación no noso programa de hoxe.

A segunda conexión é tamén con Galicia, para entrevistar ao artista polifacético XOAN CURIEL, que ven de presentar o seu ultimo Disco que leva por título: "Canta miña pedra, canta". Un libro CD que publica na Editorial Galaxia, Homenaxe a Antón Fraguas, a quen se lle adican as Letras Galegas deste 2019, e que está a ter moitos éxitos. Tamén nos informa das seguintes actuacións e presentacións que ten previsto para próximas datas. ¡Moitos éxitos, Xoan!

Continuamos na segunda hora conectando co noso correspondente, Xosé Manuel F. Montes,  na Capital da Ribeira Sacra: Monforte de Lemos. Felicitámolo por ter acadado unha concellalía en Quiroga e desellámoslle que teña moita sorte nesta nova andaina. Tamén nos envía os seus "Me Ghusta" e "NON me ghustan", relacionados coas novidades que escolleu para hoxe. E finaliza a súa crónica facendo algunha recomendación de lecer para esta fin de semana. Nesta ocasión coincide coa "Festividade do Corpus" en Galicia, e destaca a "Festa do Boi" en Allariz. Noutras ocasións acostuma a agasallarnos cunha viñeta relacionada cun algún contido do programa... ...

A ultima conexión é novamente con Galicia para recibir a crónica da nosa correspondente nos Ancares, que nos fala do bo "xantar" que se pode degustar no "Caserío de Meiroi", a uns 5 quilómetros de Navia de Suarna. Unha granxa ecolóxica que no ano pasado sofriu un incendio, pero os seus propietarios decidiron instalar unha carpa para poder atender mellor aos clientes, namentras non se rematan as obras de restauración. Paga a pena visitalos e disfrutar deste establecemento. Tamén nos recomenda unha ruta de senderismo moi interesante.

Despedímonos ate o vindeiro xoves á mesma hora, ¡Que disfruten dunha grande Festa de San Xoan!

XOVES 13 de XUÑO do 2019

Outro programa máis con todos vosoutros. Comezamos escoitando unha peza musical do Grupo "De Ninghures", precisamente para darlle a ben-vinda a Aldara Palmeiro Pazos, violinista e fermosa voz deste grupo musical. Aténdenos moi amablemente e coméntanos a composición deste grupo, as diversas actuacións realizadas, algún que outro Premio de certa importancia acadado (2º Premio no Festigal-2019), e previsións de próximos concertos, asi como outros detalles deste Grupo tan interesante. Agradecémoslle a súa aportación no noso programa de hoxe.

Despois falamos coa "Poeta Labrega" Ana Vila Portomeñe, que nos pon ao corrente da súa traxectoria creativa e literaria. Agasállanos coa lectura de varios poemas recollidos en sendos libros publicados por ela mesma. Foi unha honra poder escoitala e disfrutar das súas creacións poéticas, en directo.

A seguir conectamos novamente con Galicia, concretamente coa nosa correspondente nos Ancares, Fernanda Follana Neira, que nos ten preparada a súa crónica semanal relacionada con curiosidades e  acontecementos daquela zona.

E finalizamos a emisión de hoxe felicitando á nosa amiga Merchi Alvarez Fernández, Presidenta da Asociación GALICIAME. Acaban de realizar a "IV Andaina solidaria de Galiciame" cos de Corvillon Xironsa na que participaron máis de catrocentas persoas, e tiveron de padriños aos locutores da TVG Xosé Ramón Gayoso e Diana Nogueira. As actividades que están a preparar dende a Asociación van camiño de acadar moitos éxitos e posiblemente consigan que a Sanidade pública se faga cargo dos Fisioterapeutas que precisan as persoas que padecen a Atrofia Muscular Espinal. Ogallá cheguen a bon fin esas negociacións.

E así foi o programa de hoxe. Agardamos que o vindiero xoves volten a conectar con nosoutros, para disfrutar doutras dúas horiñas de radio en galego. ¡Sexan Felices!

XOVES 06 de XUÑO do 2019

Comezamos o programa dándolles a ben.vinda e ofrecéndolles escoitar un bocadiño de música para poñerños en contacto coa nosa primeira convidada: Mar Lopez Sotelo, Antropóloga e educadora social, pero que ten unha dedicación especial pola Ribeira Sacra. Fainos partícipe da súa paixón e cariño pola Ribeira Sacra. Ten unha páxina no Facebook  redribeirasacra e outra no Twitter  marsoteloenred ademais dun fermoso e interesantísimo  BLOG persoal: redribeirasacra.blogspot.com.es con moitísima información para todos aqueles que desexen coñecer un pouquiño máis, polo miúdo, esta zona galega tan fermosa. Agradecémoslle a súa amable atención e prometémonos voltar a conectar con ela. 

Despois de escoitar un bocadiño da súa propia música conectamos con Madalena Gamalho Farinha, compoñente do Grupo Os Meninos, que nos informa, en primicia para tódolos nosos oíntes e seguidores, dese traballo musical que están a facer. Felicitámola e coméntanos un chisquiño a súa traxectoria, algunhas actuacións e próximos concertos que teñen previsto realizar, o máis inmediato na localidade portuguesa de Monçao. Desexámoslle moitos éxitos, e voltaremos a falar con ela no vindeiro mes de setembro, cando celebren o Festival: "CanteiraFEST" de Vilaboa. Grazas Madalena!

A segunda hora comezámola conectando co noso correspondente Xosé Manuel F. Montes, encargado da sección QUEN CHE PREGUNTOU?, que fainos a súa crónica cos "Me Ghustan e Non Me Ghusta" tan axeitados, para infomrarnos dalgunhas noticias en Galicia. Envíanos a súa colaboración artística en forma de viñeta, que compartimos con todos vosoutros e relacionada con algunha das cousas que nos comenta na súa intervención. Moi axietada, claro. Tamén nos fai algunhas recomendacións para visitar e disfrutar nesta fin de semana. Como se atopa na "Semana Verde de Silleda" fálanos da grandiosidade deste evento e indícanos que é unha boa ocasión para degustar o "Galo de Curral" que celebran en Vila de Cruces...

E para finalizar as nosas conversas temos a honra de entrevistar ao Concelleiro de Cultura de CEDEIRA, Quique Vázquez, que moi amablemente nos informa do "III Festival Galego-Portugués" que se celebra nesa localidade mariñeira chea de engado perante cáseque dúas semanas, xa que comezaron o día primeiro de XUÑO e rematarán a vindeiro día 9 coa actuación do grupo Cando D´Aquí (Braga) e da banda Vila de Cedeira no auditorio municipal, a partir das 19.30 horas. Enviámoslle os nosos parabens por esa laboura tan interesante e desexámoslles moitos éxitos de participación e de afluenza de público. 

E así decorreron estas dúas horiñas de radio en galego. A vindeira semana, o vindiero xoves. á mesma hora voltaremos. ¡Que pasen unha feliz semana!

XOVES 29 de MAIO do 2019

Outro programiña máis con todos vosoutros. Comezamos chamando a AMADOR ARIAS, o artista protagonista da película " O QUE ARDE " de Oliver Laxe. Película recentemente premiada no Festival Internacional de Cannes. Felicitámolo e mantemos unha agradable conversa con el. Cóntanos a súa fermosa experiencia e o grande acontecemento que viviu en directo acompañado do Director Oliver Laxe e da grande actriz Benedicta Sánchez, que segundo nos comentou ten unha fermosa historia que contar. Un feito histórico que unha película en galego fora premiada en Cannes. ¡Parabens!

Falamos con JOSE ANTONIO DÍAZ, Presidente da Cooperativa "A Carqueixa". Cóntanos que son nada menos que 200 socios que se adican á gandeiría vacuna, producen a Tenreira Galega de Calidade, pero con sabor aos Ancares. Teñen ademais un blog. a cargo da cociñeira Pilar Rodríguez Pampín, que se pode consultar e escoller unha morea de receitas que se poden elaborar cos seus productos cárnicos de grande calidade.

Na segunda hora conectabamos sempre co noso correspondente en Monforte Xosé Manuel, pero temos que disculpalo, por mor doutras obrigas. Pero achegámonos igualmente á capital da Ribeira Sacra para comentar con BEATRIZ VILA FRIERE, unha das celebracións interesantes que se setán a celebrar alí: o "XI Cume Tapas de Monforte". Desexámoslles moitos éxitos.

Conectamos co grande gaiteiro e músico.compositor ANXO LORENZO, a quen aproveitamos para felicitar e darlle os nosos parabéns por ter acadado o Premio ao Mellor Artista nos XVIII Premios de Opinión Música de Raíz. Tamén falamos dos sucesivos concertos e proxectos de futuro da súa traxectoria musical. Adiántanos que virá a terras catalanas o día 21 de xuño, para participar concretamente na grande "Festa Galega de Can Mercader", con motivo da "Festa Major" de Cornella. 

E antes de finalizar o programa de hoxe, aínda comentamos algunhas novidades e informacións moi interesantes, relacionadas coa nosa cultura.

Desexamos que pasen unha moi feliz semana. Até o vindeiro xoves, á mesma hora.

23 de MAIO do 2019

Comezou o programa coa ausencia, xustificada, de Xulio nos estudos, por mor de certas obrigas persoais que atender. Dámoslle a benvida a tódolos nosos oíntes e seguidores e conectamos con Galicia para falar con ABEL BARANDELA, un pintor exstraordinario, co que mantemos unha conversa-entrevista moi ilustradora. Agradecémoslle a súa amable atención.

A seguir voltamos novamente a Galicia para entrevistar a dona TERESA RAMIRO, unha poeta mariscadora, que nos fala da súa traxectoria persoal e do seu traballo creativo cheo de engado e moi feiticeiro, na Ría do Burgo.

Despois falamos co noso correspondente, Xosé Manuel F. Montes, na capital da Ribeira Sacra, Monforte de Lemos. Encargado da sección  QUEN CHE PREGUNTOU? que sempre aproveita para facernos unha crónica de actualidade en forma de "Me Ghustan e Non me ghusta". Tamén aproveita para conetar con Xulio Couxil, que se atopa en Terras de Verín e dende alí mesmo e aproveita para intervir neste enlace que mantivemos.

A nosa corrspondente nos Ancares, Fernanda Follana Neira, intervén nesta ocasión cunha verdadeira selección de acontecementos moi relacionados coa zona Ancaresa.

A vindiera semana máis. Non deixen de sintonizarnos.

XOVES 16 de MAIO do 2019

Visita nos estudos de Xosé Lamela

Outro programa con todos vosoutr@s. Encetamos, despois da ben-vida a tódoos oíntes e seguidores. Recibimos con agarimo ao noso amigo e colaborador JOSE LAMELA BAUTISTA, que hoxe nos acompaña e conectamos con Galicia. Do outro lado do fío telefíco temos a don PEDRO PÉREZ, do Grupo Duplex, a quen felicitamos e enviámoslle os nosos parabens por ter axudado á restauración do reloxio da torre en Trives. Xa se poden oír as badaladas horarias, grazas a intervención deste "mecenas" desinteresado, Pedro Pérez. Tamén aproveitamos para que nos fale da traxectoria do Grupo de Empresas que dirixe e do reloxio de marca propia que xa está no mercado... 

A segunda intervención é a do Abogado,  Poeta e Escritor chantadino Anxo Boan Rodríguez, que nos fala da súa faceta creativa relacionada coa poesía e a escrita en prosa, neste caso os libros de contos. Agradecémoslle a súa aportación de hoxe.

Despois falamos coa grande artista "LUCÍA PÉREZ", que nos atende moi amablemente e fálanos dos éxitos que está a acadar na xira de presentación dese CD "15 Soles" e do traballiño que se pode disfrutar no youtube: "Tudo se paga", unha peza musical con Ze AMARO que pronto compartirá con el na Radio Televisón Portuguesa.¡¡¡ Móitos éxitos, amiga Lucía!!!

Agora falamos coa nosa Pastora-Poeta Nieves Fernández Vidueira, a quen lle enviamos as nosas felicitacións e parabens por ese fermoso libro que acaba de publicar e que nos temos a honra de disfrutar del: "Retrincos do meu ser".

E para finalizar conectamos coa nosa corresponente nos Ancares, Fernanda Follana Neira, que nos ten prepradas varias noticias interesantes.

E despedímonos ate o vindeiro xoves. A vindeira semana máis e, si se pode, mellor. ¡Sigan sintonizándonos!

XOVES 09 de MAIO do 2019

Outro programiña máis. Comezamos dándolles a ben-vida e conectamos con Galicia, onde está o noso amigo Músico, Cantante, Compositor e Investigador galego XABIER DÍAZ. Unha entrevista-conversa moi amena na que nos informa das súas ultimas actuacións e das próximas a realizar, moi concretamente na Estrada o próximo día 17, e despois en Vilagarcía.... etcétera. Desexámoslle moitos éxitos nesa xira que leva adiante coas Adufeiras de Salitre.

A seguinte intervención é con Miguel González, de Territorio Verde, que nos informa da "1ª Feira en Defensa do Gandeiro da Montaña", que se realizará o vindeiro día 11 de maio na localidade de San Román de Cervantes. Fálanos do programa previsto e dos moitos actos, agasallos e premios (máis de 20) para os gandeiros participantes e o seu gando (vacas galegas e asturianas, touros, novillas e xatos). Desexámoslles moitos éxitos.

Comentamos algo sobre a celebración da Letras Galegas 2019, que este ano adícanse a Antón Fraguas. Falamos dalgunhas publicacións e actos previstos para o vindeiro día 17 de Maio, en Galicia.


Na segunda hora conectamos co noso correspondente en Monforte de Lemos, Xosé M. FONTES que se encarga da sección QUEN CHE PREGUNTOU? Con ela fainos partícipes das súas elecccións relacionadas coas noticias, en forma de "Me Ghustan e Non Me Ghustan". Envíanos a súa aprotación gráfica, alusiva a algunha das cousas que tratamos no programa e compartimos a súa proposta musical para que todos disfrutemos dela.

Antes de rematar, e despois do intento fallido de comunicarnos co profesor, escritor e poeta Toño Núñez, que ten previsto presentar a súa ultima obra: "A gotiña viaxeira" en Vilalba, e dahí a nosa intención de falar con el. Será noutra ocasión. Tamén aproveitamos para informar dalgunhas novas que hai previstas con motivo das "Letras Galegas 2019" en Cataluña: "37 Festa Galega" organizada pola Irmandade Galega O Noso LAR de Terrasa, para os días 11 e 12 de maio. Tamén a A.C.G.Agarimos ten previsto realizar a Letras Galegas no Concello de Badalona, coa presentación do libro de don Manuel Mandianes "En Blanco". O día 18 teremos a mesma presentación na A.C.G.Rosalía de Castro de Cornellà. E o día 19 teremos un Concerto de Luar na Lubre no Teatro Plaza de Castelldefels.

XOVES 2 de MAIO do 2019

Outro xoves máis con todos vosoutros. Comezamos escoitando a nova sintonía do noso programa e dándolles a ben-vinda. Despois dunha peciña musical poñémonos en contacto con Rubén, da A.G.C.Agarimos de Baladona, que nos pon ao corrente  das diversas actuacións que tiveron e das que van a realizar, xunto coa "Festa Galega " prevista para a fin de semana do 17, 18 e 19 de maio, que pretenden inaugurar coa izada de bandeira no Concello de Badalona, xunto coa presentación do libro "En Blanco" de don Manuel Mandianes...

A segunda intervención é a do noso correspondente XOSÉ Manuel F.Montes, coa súa sección QUEN CHE PREGUNTOU?, dende Monforte, que nos ofrece a súa visión das noticias cos ME Ghustan e NON ME Ghustan, moi axeitados e moi ben escollidos para darnos a coñecer algunhas das novidades en Galicia. Tamén nos recomenda algunha celebración festeira que se pode disfrutar nesta próxima fin de semana.

Despois falamos coa nosa amiga e cantautora CARMEN PENIM, de "2Na Fronteira" que nos adianta algunhas das próximas actuacións e adiántanos paarte dun traballo que está a gravar e confeccionar xunto con grandes músicos e seguro que moi feiticeiro: Algo que ten moito que ver con : Cantos de terra e sal. Prométenos que seremos os primeiros en coñecelo e a primicia servirá para compartir con tódolos nosos oíntes e seguidores as súas creacións. Agradecémoslle a súa amable atención.

A ultima intervención é con Carmen de Xanela da Lúa, a Vivenda Rural que rexenta en Lira e que ademais de ser una aloxamento espectacular, temos que salientar a súa amabilisima atención e grande cociñeira que aínda que non dispón de restaurante no seu establecemento, sabemos da súa oferta para aqueles que demandan -por encargo- a degustación dalgún xantar con productos autóctonos, moi en particular do mar de Carnota e arredores. Moitas grazas e moitos éxitos, Carmen.

A vindeira semana máis.  Non deixedes de sintonizarnos. Agardámosvos.