XOVES. 20 de ABRIL do 2017

Comezamos o programa, despois do descanso da Semana Santa, coa primeira comunicación-entrevista ao compoñente de "RADIO COS", XURXO Fernándes, que nos pon ao corrente do seu ultimo traballo: "Pasatempo" e aproveita para darnos información das vindieras actuacións e concertos que teñen previsto realizar próximamente. Agradecémoslle a súa aportación.

Marmeladas de CAURELOR

A segunda conversa.agradecemento é para con DANIEL ARZA, de "Caurelor". Temos que felicitalo polo traballo que están a facer na elaboración deses productos tan exquisitos e tamén darlle-las grazas polo agasallo que acabamos de recibir nos estudos e que compartiremos co equipo de Radio Sant Boi. Aquí tedes unha mostra dese presente que nos chegou. Unha mostra dalgúns dos seus productos exquisitos: Marmeladas de diversas, de figos, de cabaza, de prexego, crema de castañas e un suculento envasado de castañas cocidas con chourizo e algún ingredente máis. ¡Grazas! E deseguido falamos con DAVIDE RODRIGUEZ, que é un dos responsables encargados de organizar o "IV Serán da vila de MANZANEDA", que nos atende moi amablemente e infórmanos das diferentes actividades previstas para esta próxima fin de semana.

Novamente regresamos a Galicia, concretamente a Navia de Suarna, para entrevistar a EVA XANIM, unha poeta moi xoven, que nos recibe moi amablemente e fálanos da súa traxectoria creativa e dos porxectos que ten previsto realizar.

A ultima conversa-entrevista é con GUILLERMO Fernández da A.C.Xirandela, en Torrejón de Ardoz - Madrid. Infórmanos das diferentes actividades que veñen realizando e das que teñen previsto levar adiante nestes próximos meses. Agradecémoslle a súa participación no noso programa de hoxe.

A vindeira semana voltaremos, á mesma hora e con máis novidades. Agardamos que voltedes a sintonizarnos. Xa sabedes que este programa reemítese os domingos de 15 á 17horas.

XOVES 06 de ABRIL do 2017

Un programiña máis en galego para tódolos nosos oíntes e seguidores, tentando entretelos coa nosa proposta de entrevistas, música e novidades interesantes. Comezamos conectando con Galicia para poder falar co Ilmo.Sr.Alcalde de QUIROGA, don Julio Álvarez, que moi amablemente nos atende e fálanos da XXXV Feira do Viño de Quiroga, na que se realizarán unha serie de actividades relacionadas con este evento de grande resonancia na contorna.

Despois chamamos a IVAN ESTÉVEZ, Presidente do Grupo de música SON DO SIL, que veñen de presentar o seu segundo CD que leva por título "10 años contigo". Xa levan feito varias actuacións e concertos en localidades cercanas ao seu emplazamento (Barco de Valdeorras). Nesta localidade é onde se reúnen periódicamente para ensaiar baixo a dirección de don MODESTO BLANCO, que fai os arranxos e prepara as intervencións musicais de tódolos seus compoñentes. Agradecémoslle a súa participación no noso programa e desexámoslles moitos éxitos.

A segunda hora, coma sempre, chamamos á capital da Ribeira Sacra para manter a conexión co noso correspondente Xosé Manuel F. Montes, encargado da sección QUEN CHE PREGUNTOU?, que sempre ten escollidas unha serie de informacións e interesantes novidades para tód@s. Debido a certas causas alleas á súa vontade, non pode dispoñer de Internet e telefonía fixa, así que é posible que non poidamos recibir a súa acostumada aportación creativa ou viñeta semanal. Desexámoslle que teña unhas Felices Pascuas e unha boa Semana Santa.

A última conversa-entrevista é con don ARMANDO REQUEIXO, Profesor, Licenciado en Lingua Galega e Portuguesa, escritor e Crítico Literario galego de grande prestixio. A conversa convértese nunha lección descritiva da súa tarefa principal, que é a critica literaria galega. Un pracer poder recibir ensinanzas gratuitas dun grande da nosa cultura literaria galega. Concertamos que teremos que voltar a falar con el para que nos siga deleitando e ensinando moitas cousas do noso "seny" galego. Moitas grazas e apertas saudosas Armando.

Desexámoslle a tódolos nosos oíntes e seguidores que disfruten deste descanso da Semana Santa e que volvan a sintonizarnos novamente dentro de 15 días, que prometemos continuar con esta nosa teima de comunicar as nosas inquedanzas, e en galego.

XOVES 30 de MARZO do 2017

Comezamos outro programa máis dándolles a benvida e ofrecéndolles escoitar un bocadiño de música para saudar a conversa con IVAN PATIÑO, da Productora AMANITA FILMS, en Monforte de Lemos, que nos fala da traxectoria da ultima película "Os días Afogados" e dos proxectos que van camiño da realización dunha longametraxe moi adiantados e desexamos que sigan acadando tantos éxitos como veñen recibindo ultimamente.

A segunda entrevista.conversa é coa Concelleira de Cultura de Vilalba, dona Consuelo Grandío, que nos fala da celebración da "XXIII Festa-Feira do Queixo de San Simón da Costa", que se realizará nos días 1 e 2 de Abril próximo, e adiántanos o programa tan interesante que teñen previsto.

Como cada semana a sección QUEN CHE PREGUNTOU?, a cargo do noso correspondente Xosé Manuel F. Montes, que sempre ten preparadas unha escolla de novidades e interesantes intervencións persoais que sempre son moi ben recibidas pola nosa audiencia e seguidores. Tamén recollemos a súa aportación creativa relacionada co programa de hoxe.

Para finalizar conectamos novamente con Galicia, para falar con XABIER Vizcaíno con quen mantemos unha agradable conversa e infórmanos da presentación, en Sárria, do seu próximo traballo discográfico "Diáspora", que seguro lle dará moitas satisfacción e éxitos.

A vindeira semana voltaremos. Non deixedes de sintonizarnos.

XOVES 23 de Marzo do 2017

Comezamos o programa dándolle a ben-vida a ANTONIO Díaz, que nos visita nos estudos para comentar con nosoutros a emisión de hoxe. A primeira comunicación-entrevista é con DANI da Empresa familia "CAURELOR", que nos fala dos máis de 20 productos que ofrecen aos seus clientes e facilítanos a súa páxina de contacto. Agradecémoslle a súa participación.

A segunda Entrevista é con NATALIA LEMA, de Vimianzo, que ven de recibir un Premio pola súa composición poética. Agradecémoslle a súa participación e animámola a que siga nesa teima e nese traballo tan engaiolante que está a realizar. Que teña moitos éxitos.

Despois conectamos coa Ribeira Sacra, para que o noso correspondente Xosé Manuel F. Montes, encargado da sección QUEN CHE PREGUNTOU? nos amenice coa súa aportación semanal e recollemos a viñeta que nos agasalla cada semana. Moitas grazas, compañeiro.

Finalizamos o progama voltando novamente a Galicia, para falar con IÁN Fernández, do Bar "O ATALLO" que se especializou na confeccción de pizzas e que está a ter moitos éxitos, na localidade de A Fonsagrada, posto que é o primeiro en ofrecer este producto con un mínimo de 12 variedade de pizza, aínda que a máis solicitada é a especialidade da casa "O Atallo". Terminamos comentando que o vindeiro venres ás 20 horas farase a presentación do libro: "Poemas de Amor en Outono" do profesor Toño Núñez, na A.C.G.Rosalía de Castro de Cornellà.

A semana que ven voltaremos con máis noticias e máis música.

XOVES 16 de MARZO do 2017

Este xoves comezamos o programa coa presenza nos estudos de ALVARO PRIETO e DANIEL GONZÁLEZ, da A.C.G.AGARIMOS de Badalona, que veñen a participar na emisión de hoxe e adiantarlle aos nosos oíntes e seguidores o que están preparando para celebrar ese "20 ANIVERSARIOS DE AGARIMOS", para o vindeiro mes de MAIO. E conectamos con Galicia, concretamente con TEO, perto de Santiago de Compostela para falar co Sr.Miguel, cociñeiro e responsable do Restaurante San Martiño. Fainos un pequeno percorrido da súa traxectoria profesional e tamén nos informa das diferentes ofertas que se poden atopar no seu Restaurante.

A segunda inervención é a de JORGE, un cantautor galego que ven de presentar o seu ultimo traballo discográfico, do que nos fala moi amplamente e tamén aproveita para adiantarnos os seus próximos proxectos.

Na segunda hora voltamos a conectar con Galicia pero achegámonos agora á localidade de Pontevedra A CAÑIZA, para falar co seu Alcalde Sr. MIGUEL DOMÍNGUEZ, que nos informa da "IX Edición das Xornadas Gastronómicas do LACÓN CON PETELO". Agradecémoslle a súa participación e desexámoslles que teñan moitos éxitos.

A seguinte chamada-conversa é con don ALEXANDRE BREA RODRÍGUEZ, un poeta nobel que acaba de obter un Premio moi importante e grazas a eso ven de publicar un seu libro de poemas que se titula: O LIBRO BRANCO. Desexámoslle que siga colleitando premios.

Lémbrense de que este noso programiña volve a reemitirse o domingo. A vindeira semana máis.

XOVES, 09 de MARZO do 2017

Comezamos o programa conectando con Galicia para falar con don FRANCISCO Xabier Almuíña Chorén, da "Casa do Romualdo", que moi amablemente nos atende e infórmanos do que se pode atopar na súa Vivenda Rural da Ribeira Sacra, chea de engado e de moita historia.

A segunda entrevista é con don MANUEL VÁZQUEZ OSORIO, Presidente do Centro Galego NÓS, de Sabadell, que acaban de celebrar a "IIª Feira do Lacón" nesa localidade. Aproveita para informarnos das diferentes actividades que veñen realizando na Entiade e das próximas en vindeiras datas.

Continuamos na segunda hora coa habitual conexión na capital da Ribeira Sacra, para que o noso correspondente Xosé Manuel F. Montes, da sección Quen che preguntou?. Ponnos ao corrente das súas escollas informativas e recibimos a consabida "viñeta" alusiva á emisión de hoxe.

Seguimos a emisión conectando co Bierzo, concretamente coa localidade de Cacabelos, para falarmos co Sr.José, responsable na PANADERÍA PABLO, que estivo representada no "XIV Festival do Botillo en Catalunya". Agradecémoslle a súa atención.

Tamén falamos con RICARD ROS, que moi amablemente nos informa do "Rubrifolkum 2017" en Cal Ninyo, de Sant Boi de Llobregar, e que comeza hoe mesmo cun acto na Masía de Sant Boi. Convídanos a todos a participar e disfrutar deste evento.

A semana que ven máis, Non deixedes de sintonizarnos.

02 de MARZO do 2017

Unha nova emisión de dúas horiñas de radio en galego, compartindo música, novidades e entrevistas de certo interese. Precisamente comezamos entrevistando a HUGO López Arias, Presidente do Coro Galego: "Cántigas da Terra", que están a celebrar os 10 anos de existencia.

Falamos despois, con OSCAR Sotelo, que nos fala dos Entroidos na Galiza, así como tamén aprendimos a valorar o esforzo e traballo que están a realizar en Galicia, relacionado coa Festa do Entroido, e as Máscaras que se están actualizando e recuperando moitos dos personaxes e máscaras tradicionais moi interesantes.

A terceira intervención-conversa é con CARLOS JAVIER GONZÁLEZ, do Restaurante-Vinoteca "O MERENZAO", na Ribeira Sacra, en Sober concretamente. foi seleccionado para participar no "Forum Gastronómico" de A Coruña, e que estará moi ben representado polos cociñeiros galegos.

Conectamos novamente con Galicia para falar con CLAUDIO Otero Eiriz, escritor, historiador e investigador que nos fala do seu libro: " Entruidos e Máscaras na Galiza". Hai moita documentación e elementos a tratar. Nos felicitámolo e desexámoslle que acade moitos éxitos.

A vindeira semana voltaremos.

XOVES 23 de febreiro do 2017

Comeza o programa conectando con Liñares de Queizán, para falar con Paloma Ramos, unha artesana de "butelos", que está preparada para a "XX Feira do Butelo de A Fonsagrada", que se celebrará estes días.

Despois, falamos co Sr.Alcalde de A Fonsagrada, don ARGELIO Fernández Crespo, que nos comenta, moi amablemente, os actos a celebrar nesa grande Feira do Butelo, que xa levan celebrando nada menos que 20 anos consecutivos.

A seguir conectamos con Monforte de Lemos, para que o noso correspondente Xosé Manuel F.Montes, realice a súa aportación semanal da sección QUEN CHE PREGUNTOU?, no que sempre ten preparadas unha serie de informacións e novas moi interesantes, e envíanos a súa creación en forma de debuxo, relacionada co programa de hoxe.

A conversa con MELISSA Macía, Tenente Alcalde de Vilariño de Conso, que celebran a XXVIII Festa do Cabrito, que se realiza dende o 16 de febreiro ate o 1 de marzo. Fálanos da Festa do Cabrito e do Folión e Entroido 2017 tan característico e interesante na zona. Agradecémoslle a súa atención.

A vindeira semana voltaremos.

XOVES 16 de febreiro do 2017

Unha emisión máis con todos vosoutros, tentando facer dúas horiñas de radio en galego. A primeira comunicación-entrevista é con MIGUEL ANXO, da Panadería-CONFITERÍA "La Golondrina" de Cacabelos, que foi unha das empresas colaboradoras na exposición de productos do Bierzo no XIV Festival do Botillo en Cataluña, da semana pasada. Felicitámolos polo seu labor en mantemos unha conversa moi interesante.

Falamos despois con don FERNANDO CAMINO, Presidente da Asociación Musical Visantoña, que teñen esa gran Banda de Música da Asociación Musical VISANTOÑA, no Concello de Santiso, e que están a cumplir 140 anos da súa fundación. Axúdanos a coñecer un pouquiño máis de perto esta Banda de música tradicional galega, que ven de actuar, recentemente na Televisión Galega.

A seguinte conexión é con dona BEATRIZ VILA FREIRE, responsable da Asociación de Hostalaría e Turismo do Sur de Lugo, concretamente en Monforte de Lemos, que nos fai de correspondente e infórmanos de tódalas actividades e acontecementos que teñen previsto para estas datas de Entroido e no mes de marzo: "Estase Cocendo", "Para comer Lugo" e "Cume Tapas", así como outras moitas cousas interesantes que se poden disfrutar na Ribeira Sacra, nestas festivas datas de Entroido, con descontos e ofertas especiais.

Chamamos despois a ROBERTO REGAL, Enólogo, viticultor e empresario, sobriño de dona ESTHER, a primeira adegueira da Ribeira Sacra, e tamén a 1ª que ofrece un viño ecolóxico de primeira calidade. Unha conversa moi amena e distendida, chea de informacións e novidades interesantes, relacionadas coa súa dedicación e coa Ribeira Sacra. ¡¡¡Moitas Grazas, Roberto!!!

Xa saben este noso programa volte a reemitirse o vindeiro domingo día 19, de 15 a 17 horas. Non deixen de sintonizarnos e ate a vindeira semana. ¡Que sexan felices!

Xoves 09 de FEBREIRO do 2017

Comezamos conectando con SUSANA VILA, Concelleira del Ayuntamiento de CACABELOS, que nos pon ao corrente da próxima participación no "XIV Festival del Botillo en Catalunya", organizado pola Asociación de Bercianos ASOBECAT, e que elixiron a este Concello para homenaxealo neste acontecemento da vindeira fin de semana no Hotel Front Air de Sant Boi de Llobregat. Aténdenos moi amablemente e infórmanos do que teñen previsto ofrecer a tódolos asistentes para que poidan coñecer máis polo miúdo este concello do Bierzo, tan rico en gastronomía, viticultura e historia.

A segunda entrevista.conversa é con don RUBÉN FERNÁNDEZ, da "Casa Castelao", con quen falamos da "XX Feira do Butelo de A Fonsagrada", prevista para os vindeiros días 18 e 19 de febreiro. Aproveitamos para comentar diversos aspectos da Feira e da súa Casa Castelao, que ofrece unha morea de productos derivados do porco, de grande calidade. 

Seguimos, na segunda hora, coma sempre, co noso correspondente na Ribeira Sacra, Xosé Manuel, encargado da sección QUEN CHE PREGUNTOU?, que sempre escolle algunhas noticias interesantes para tódolos nosos oíntes e seguidores, e mándanos a súa creación humorística alusiva ao programa: Nadar, nadar, para afogarse na beira, que sempre aproveitamos para compartir con todos vosoutros.

Para finalizar conectamos novamente con Galicia, concretamente achegámonos Á Coruña, para falar con MERO Iglesias, compoñente e fundador do GRUPO A Quenlla que nos fala da súa traxectoria musical e da súa aportación recopilatoria musical que se atopa no Museo do Pobo Galego en Santiago de Compostela, e que todo o mundo pode consultar. Agradecémoslle a súa atención.

Desexamos que volvan a sintonizarnos a vindeira semana, á mesma hora, claro.

XOVES 2 de FEBREIRO do 2017

Unha semaniña máis con todos vostedes, tentando facer dúas horiñas de radio en galego. Hoxe comezamos conectando con XOAN PRIETO, Presidente da A.C.G. AGARIMOS de Badalona, que nos fala das actividades que están preparando para celebrar os 20 anos de existencia desa Asociación e dos moitos proxectos que teñen en mente para realizar próximamente. Agradecésmolle a súa amable atención.

A segunda entrevista-conexión, é con TINO, do Restaurante "Casa Rodiño" de MEAÑO, que nos atende moi amablemente e fainos un percorrido pola súa traxectoria restauradora. Felicitámolo polo seu traballo e pola súa participación na "Gala-Xantar de Galiciame", en Cambados, e prometémonos voltar a conectar con el para que nos siga falando das súas propostas culinarias e outras noticias interesantes do Salnés.

Continuamos, na segunda hora, conectando novamente con Galicia, para falar co noso correspondente Xosé Manuel F. Montes, que se atopa no "18 Salón internacional de Turismo Gastronómico de Galicia:  XANTAR", en Ourense, dende nos fai unha exposición moi interesante sobre este evento de renome internacional e que está a ter moitísima repercusión. Agradecémoslle a súa aportación. Posiblemente teremos que agardar a mañá para recibir a súa aportación creativa para esta semana, pero deseguida que a recibamos colgarémola neste noso blog.

A ultima intervención-entrevista é coa nosa amiga SES, María Xosé Silvar, que ven de presentar o seu cuarto CD "Opoñerse á extinción". Felicitámola pola traxectoria que ven tendo ultimamente, alí onde realiza un concerto enche. Os vindeiros en Vigo e en Pontevedra. E aproveitamos para intercambiar algunhas impresións sobre este ultimo traballo tan interesante e rompedor, como nos ten acostumados. ¡Que teñas moitos éxitos, feitiña!

E despedímonos ate a vindeira semana. ¡Non deixedes de sintonizarnos!

XOVES 26 de XANEIRO do 2017

Unha semaniña máis con todos vostedes tentando levar adiante este programiña de dúas horiña de radio en galego. Comezamos conectando con Galicia, concretamente achegámonos a VIANA do BOLO para falarmos con XURXO MINAS DOMÍNGUEZ, coordinador do Entroido 2017 nesa localidade, e que esta fin de semana celebran a "IIIª Mascarada Ibérica" en Vilariño de Conso e Viana do Bolo. Unha conversa moi interesante, chea de información e coñecemento da Tradición Popular Galega, que levan adiante con moitísimo entusiasmo. Agradecémoslle a súa participación.

A segunda conversa-entrevista é con HUGO TORREIRO, que nos atende moi amablemente, e fálanos da súa traxectoria de cantautor e creativo musical galego.

Como cada semana conectamos con XOSÉ MANUEL Fernández MONTES, o noso correspondente na Ribeira Sacra, encargado da sección QUEN CHE PREGUNTOU? que nos deleita coa súa aportación cultural e retranqueira e nos envía unha viñeta alusiva ao programa.

Finalmente voltamos a Viana do Bolo, para falarmos co Sr.Alcalde don SECUNDINO FERNÁNDEZ, que nos atende moi amablemente e fálanos tamén da Mascarda Ibérica e aproveitamos para que nos comente algunhas cousas referentes á celebración da "47 Festa da Androia" que se realizará coincidindo co Domingo Gordo de Entroido deste ano. Todos aqueles que desexen asistir a ese grande evento teñen que poñerse en contacto co concello de Viana a vindeira semana, que é cando se porán á venda os tiquets de participación. 

Despedímonos ate a vindeira semana. Non deixedes de sintonizarnos e ¡Sede moi Felices!

XOVES, 19 de XANEIRO do 2017

Comezamos o programa coas presentacións habituais, ofrecéndolles os nosos enderezos para contactar connosco e propoñéndolles escoitar unha peciña musical galega. Deseguido conectamos con Galicia, concretamente con don CESAR FREIRÍA, Cé Orquestra Pantasma, que nos da cumprima información da Presentación de MIUDIÑO, mañá mesmo, día 20 de xaneiro no Torreiro de San Xoan de Freixo-Valadares (Vigo) ás 16:30. Agradecémoslle a súa amable atención.

Despois falamos con don Miguel Rodríguez, do Grupo Asturiano "Caldo y os Rabizos", que nos informan da súa formación e das súas investigacións relativas á musica tradicional e da súa peculiar forma de interpretala, así como dos instrumentos característicos da súa zona. aproveitamos para dar información da próxima presentación do libro de XINA VEGA, DARK BUTTERFLY, en  "La Central del Raval", o vindeiro venres, 20 de xaneiro ás 19horas. Están todos convidados. 

Na segunda hora, coma sempre, conectamos coa Capital da Ribeira Sacra, Monforte, para falarmos con Xosé Manuel F.Montes, o correspondente encargado da sección QUEN CHE PREGUNTOU? e que sempre ten preparadas unha morea de cousas e interesantes novidades, rematando a participación coas "súas cousas de O Galego éche así", ademais da aportación creativa en forma de viñeta alusiva ao programa de hoxe, cun pouco de retranca.

A ultima intervención-entrevista é con dona MÓNICA FERNÁNDEZ, Xefa de Sala do 99 Sushi Bar e Directora do Grupo Empresarial BAMBÚ, que rexenta nada menos que 6 Restaurantes en toda España. Está proposta para ser a 1ª Sumeller más importante do mundo, segundo o xurado que se reunirá próximamente en Paris, o vindeiro día 5 de febreiro. Unha conversa moi agradable e entretida que nos engaiolou. Desexámoslle que siga colleitando moitos éxitos.

Despedímonos de tódolos nosos oíntes desexando que volvan a sintonizarnos a vindeira semana.