XOVES 28 de MARZO do 2019

Outro xoves con todos vosoutros para tentar de levar adiante este programa de dúas horas en galego, con música, noticias e entrevistas que esperamos sexan do voso interese. Comezamos facendo unha estrena musical: "Launakoa", cedida polo grande Profesor e gaiteiro Daniel Bellón. Esta será, a patir de hoxe a nova sintonía do programa. Conectamos con Armando Fernández, que non se atopa nos estudios en directo, pero que informa dos enderezos e teléfonos para poder conectar con nosoutros e aproveita para facernos unha pequena crónica informativa dalgúns asuntos de interese.

A continuación trasladámonos a Padrón, Terras de Iria para falar con don JOSÉ FREIRE, coordinador e principal organizador da "VI Mostra-Exposición da Camelia e dos Bonsais de Padrón", que se celebrará a vindeira fin de semana. As súas informacións fannos interesármonos un chisco máis por esa planta emblemática nas nosas Rías Baixas e moi concretamente en pazos famosos así como na propia casa de Rosalía. Tamén nos da unha pincelada informativa relacionada coa "V Festa Gastronómica do sabor a Lamprea de Padrón" que dende o día 22 deste mes veñen realizando varios establecementos restauradores da zona. Remata o evento o día 31. Tamén nos informa das diversas actividades previstas polos organizadores da Mostra das Camelias e Bonsais, no Convento do Carmo. Agradecémoslle a súa amable atención e colaboración no noso programa.

Despois conectamos con Roberto Regal, Adegueiro e Enólogo prestixioso na Ribeira Sacra. Felicitámolo por ter acadado varios premios e moi concretamente o ultimo na Feira do Viño de Chantada. Fálanos do seu proxecto "Enonatura" Enonaturae doutros traballos que está a realizar naquela contorna. Tamén nos avanza a próxima posta en marcha dunha proposta divulgativa e informativa para que a Ribeira Sacra sexa declarada Patrimonio da Humanidade e finaliza comunicándonos que próximamente teremos ocasión de disfrutar dunha cata-presentación dos seus viños en Barcelona. Volvemos a felicitalo e desexámoslle moitos éxitos.

A seguinte comunicación é coa nosa correspondente nos Ancares, Fernanda Follana Neira, que nos fala de varias en curiosas cousas da zona, e moi concretamente céntrase nas tres Tores Medievais que se atopan por ali: A Torre de Doncos, A Torre de Torés e o Castelo de Doiras, coas súas respectivas lendas que engaiolan aos máis incrédulos coa súa imaxinación. 

A vindeira semana voltaremos con máis música, noticias e entrevistas. Non falten e pasen unha feliz semana.

XOVES 21 de Marzo do 2019

Outro programa de dúas horas en galego. Comezamos dándolles a ben-vinda e conectando con Galicia pra falarmos co Ilmo.Sr.Alcalde de FRIOL, don Xosé Anxo Santos , que nos pon ao corrente da celebración da "XXVII Feira do Queixo de Friol e do Pan de OUSÁ". Un acontecemento moi importante que se realizará esta fin de semana perante os días 23 e 24 de marzo, amenizado con música tradicional e verbena popular a cargo da orquestra Olympus. Agradecémoslle a súa amable atención e desexámoslles moitos éxitos.

A continuación falamos con dona LOLI CERNADAS, do Concello de SOUTOMAIOR, que tamén teñen previsto a celebración dun dos acontecementos máis importantes da provincia de Pontevedra nestas datas, o "XIX Certame da Camelia". Nesta fin de semana, os especialistas e cultivadores presentarán as súas flores da Camelia para acadar algún dos moitos Premios que se entregarán nesta edición. Tamén nos imforma da próxima "XXXIII Festa das OSTRAS de Arcade", que cada ano se realiza a primeira fin de semana do mes de Abril. Outro grande acontecemento gastronómico declarado "Festa de Interese Turístico", un dos máis importantes deste molusco en Galicia.

Continuamos na segunda hora co noso correspondente en Monforte de Lemos, Xosé Manuel F. Montes, que sempre ten preparada a súa sección QUEN CHE PREGUNTOU?, cos Me ghusta e Non Me ghustan, nos que escolle as noticias que nos da a coñecer. Tamén nos deleita coa súa escolla do Refraneiro Popular e outras frases recollidas da cultura popular. Precisamente relacionadas con esta aportación envíanos a viñeta que compartimos con todos vosoutros.

Esta última intervención-entrevista é con dona ANA BUJÁN EIRIZ, Guía Oficial de Turismo Titulada. Dende a Ribeira Sacra, como Xerente do Hotel-Rural CASAL das BOUZAS - Os Peares -  infórmanos da súa disponibilidade para poder visitar esta zona galega de grande valor e riqueza, tanto gastronómica como de patrimonio histórico importantísimo. Agradecémoslle a súa amable atención e o convite para visitar a Ribeira Sacra.

E así transcurríu o programa de hoxe. A semana próxima voltaremos tentando facerlles pasar dúas horiñas tan amenas como as de hoxe. ¡Disfruten!

XOVES 14 de MARZO do 2019

Comezamos outro programa máis en galego, dándolles a ben-vinda e despois de escoitar unha peciña musical poñémonos en contacto con dona ISABEL CALVETE CARRERA, que nos fala da recente presentación da curtametraxe: Quijano o burro da escola. Unha obra que dirixiu o grande moi premiado director de cine Oliver Laxe. Fálanos das diferentes actividades que desenvolven cos alumnos do CEIP de Cervantes, que foron precisamente os mesmos que participaron nesta curtametraxe. Agradecémoslle a súa participación de hoxe.

Tamén continuamos a nosa emisión voltando novamente a aquelas terras para manter unha pequena conversa-entrevista con dona VANESA FERNÁNDEZ FERNÁNDEZ, autora do libro: "Aldeas e Vales da Serra de Ancares. O territorio desde dentro".  Fálanos desta publicación que presentou no salón de plenos do Concello de A Fonsagrada, e que ademais da asistencia de moito público, contou coa presenza de varios representantes políticos, posto que o encargado da súa publicación foi a Deputación de Lugo. Explicounos, polo miúdo, cómo redactou ese libro basado na súa Tese Doctoral. Próximamente tentaremos comunicarnos con ela para que nos dea máis detalles xa que aínda non se pode adquirir, pero nun plazo de dez días posiblemente poidamos indicar onde se pode atopar. 

Continuamos nesta segunda hora conectando co noso correspondente Xosé Manuel F. Montes, encargado da súa sección QUEN CHE PREGUNTOU? e que serve para amosarnos a súa visión das noticias cos Me Ghustan e Non Me Ghustan que el mesmo escolle detidamente. Tamén procura enviarnos a súa viñeta alusiva a algún contido do programa, e que nosoutros compartimos sempre.

A ultima intervención é a de dona FERNANDA FOLLANA NEIRA, correspondente nos Ancares que nos fai un percorrido moi axeitado para a realización de prácticas deportivas en bicicleta ou camiñando, por algún daqueles vales que denantes nos comentou Vanesa con bastante detalle. 

Agradecéndolle a colaboración de hoxe, despedímonos da nosa correspondente e tamén de tódolos nosos oíntes e seguidores, desexando que volvan a conectarse con nosoutros o próximo xoves á mesma hora. Seguro que teremos máis noticias, máis música e máis entrevistas para compartir.

XOVES 7 de MARZO do 2019

Outro programiña de dúas horas en galego, para disfrutar coa música galega, entrevistas e informacións diversas. Comezamos dándolles a ben-vinda e ofrecéndolles escoitar unha peciña musical interpretada pola cantautora M.J.Pérez. Precisamente conectamos con ela para que nos informe da súa traxectoria musical e creativa. Fálanos do seu traballo, dos seus CD (Ollos que non ven... síntoma de cegueira, Guerrilleira e Casandra), dos seus concertos... etcétera. Agradecémoslle a súa amable atención.

Falamos agora con Dani Domínguez, integrante do Fulión Tradicional do Entrudio de Manzaneda, concretamente do Fulión da Mourela pra acá. Unha festa declarada de interese turístico que ademais é unha das máis antigas de Galicia. Agradecémoslle a súa participación no noso programa de hoxe.

A sección do noso correspondente - Xosé Manuel F. Montes -  na capital da Ribeira Sacra, Monforte de Lemos, que ademais de comentar unha serie de cousas relacionadas co recentemente pasado Entroido en diversas localidades, tamén nos da cumprida información das diversas noticias escollidas nos seus "Me Ghustan e Non me Ghustan", finalizando coas propostas para esta fin de semana, a "XXXVII Feira do Viño en Chantada" e a "44 Festa do Queixo en Arzúa". Tamén nos enviará a súa creación en forma de viñeta, alusiva a algún tema do programa.

Como non podemos conectar con Oscar do Grupo "Os Xilgaros de Lugo", por mor da súa localización, que non nos é posible, comentamos algunha cousa relacionada con esta Asociación Cultural que se dedica a interpretar a nosa musica Tradicional Galega, ademais de impartir clases de pandeireta, gaitas e percusión... Noutra ocasión falaremos en directo con eles. Tamén nos referimos á "Cacholada" que se celebrará este domingo 10 de marzo no "Restaurante Los Ancares" de a rúa Robrenyo 74.78 de BCN, e á que poden apuntarse poñendose en contacto co Ubaldo Perez.

Agradecéndolles a súa escoita e seguimento despedímonos ate o vindeiro xoves á mesma hora. Que pasen unha feliz semana e volvan a sintonizarnos.

XOVES 28 de Febreiro do 2019

Comezamos o programa dándolles a ben-vinda a tódolos nosos oíntes e seguidores. Escoitamos unha peciña musical e conectamos con Galicia, concretamente coa Secretaria da Asociación de Filloas da Pedra de A Baña, dona Mónica, que nos fala da recente celebración da "XVI Festa da Filloa" os pasados días 23 e 24 de febreiro. Un acontecemento cheo de engado e moita Festa, que acompañaron cunha morea de asistentes, participacións de Grupos de baile e música tradicional xunto coa Grande Orquestra Charleston Big Band. Convídanos a que visitemos A Baña, para disfrutar da súa gastronomía, Patrimonio cultural e natureza fermosa. Agradecémosllelo.

A seguir, conectamos co Ilmo.Sr.Alcalde de Navia de Suarna, don José Fernández Fernández,  que nos fala da "XXIX Feira da Androlla" prevista para esta próxima fin de semana os días 2 e 3 de Marzo. Infórmanos das diversas actividades previstas. Tamén falamos con dona Paloma, unha das grandes elaboradoras artesanais dos productos que se servirán nesta Feira Naviega. Agradecémoslle a súa amable atención.

Continuamos o programa dándolle a ben-vinda a dona CARMEN QUINTEIRO, mestra e escritora de relatos curtos e poesía. Unha amena conversa cunha creadora Pontevedresa que nos amosa a súa faceta escritora coa que se sinte completamente realizada. Pronto sairá ao prelo un novo libro seu. Prometémonos voltar a comunicarnos con ela para comentar a súa publicación.

Despois falamos coa nosa correspondente nos Ancares, dona Fernanda Follana Neira, concretamente en Becerreá, onde se atopa, para que nos informe de varias noticias interesantes sobre aquela zona e tamén nos anima a visitar a páxina de David Ouro, un Ilustrador galego de grande prestixio.

A vindeira semana máis. Non deixen de sintonizarnos e que ¡Pasen unha feliz semana!

21 de FEBREIRO do 2019

Comezamos este programiña de radio ofrecéndolles escoitar a entrevista que nos concedeu o cantautor XABIER VIZCAÍNO, acompañado de Sofía. Estiveron nos estudios de Radio Sant Boi e falamos distendidamente sobre a súa traxectoria e a xira que lle fixo recalar en Hospitalet o sábado pasado, e hoxe mesmo atópase en Zaragoza, para continuar cos seus concertos e presentacións do ultimo CD : DIÁSPORA. Agradecémoslle a súa amable atención.

Despois continuamos o programa conectando con Galicia para falar con RUBÉN da "Casa Castelao" na Fonsagrada, que nos pon ao corrente da celebración da "XXII Feira do Butelo de Fonsagrada", prevista para esta próxima fin de semana, e na que teñen previsto asistir nada menos que 63 expositores de butelos e productos artesanais da zona. Agradecémoslle a súa participación no programa de hoxe.

Falamos agora co "Chef-Cociñeiro" Alfonso do Restaurante "Manuel Manuel" da capital amurallada de Galicia - Lugo - con quen comentamos varias das opcións gastronómicas que se poden degustar nesta época, nese Restaurante de grande prestixio. Desexámoslle que conitnúen con moitos éxitos.

Conversamos con Filo López, de Territorio Verde, que nos fala desa Asociación sen ánimo de lucro,  moi concienciada na posta en valor do Rural Galego. Tamén nos informa da celebración dunha actuación moi importante, prevista para o día 2 de marzo vindeiro en Creixido (Cervantes - Lugo). 

A sección QUEN CHE PREGUNTOU? a cargo do noso correspondente en Monforte de Lemos, XOSE MANUEL F. MONTES, comeza facendo un pequeno repaso aos moitos Entroidos aos que se pode asistir nestes días por aquelas contornas Ourensanas e Lucenses. Despois fai un repaso moi ilustrativo cos seus ME GHUSTAN  e NON Me Ghustan, moi interesantes. Tamén recollemos a súa aportación creativa alusiva precisamente a un dos temas tratados na conversa de hoxe.

E despedímonos escoitando unha peza musical proposta polo noso colaborador, alusiva a un dos productos galegos de calidade. ¡Que pasen unha feliz semana e desexamos que volvan a sintonizarnos.

XOVES 14 de FEBREIRO do 2019

Presidente de Asobecat, Juan Pedro Sánchez

Comezamos este programa dándolles a benvida e saudando a presencia do Presidente de ASOBECAT, don Juan Pedro Sánchez e, despois de escoitar unha peciña musical, falamos do "XVI Festival do Botillo en Cataluña", que organiza a Asociación de Bercianos no Hotel Front Air Congress de Sant Boi de Llobregat este vindeiro sábado 16. Coméntanos tódolos detalles desta celebración que xa conta con máis de 300 inscritos e que xa teñen o tiquet de asistencia.

Despois conectamos co Ilmo.Sr.Alcalde de Villafranca del Bierzo, que é o Concello homenaxeado neste "XVI Festival", don José Antonio Pereira Vega. Mantemos unha pequena conversa-entrevista na que nos fai un sucinto percorrido por esa localidade berciana, chea de encanto, que foi declarada como o pobo máis "Bello de Castilla y León" e que dende 1965 ostenta a declaración de Conxunto Histórico-Artístico. Parada imprescindible no Camiño de Santiago, chamada a "Pequena Compostela"... Felicitámolo e desexámoslle unha boa viaxe para asistir a esta celebración na que seguro saudará a moitísimos conveciños asistentes.

Continuamos na segunda hora conectando con Galicia para falar con MANOEL CARRETE, que nos pon ao corrente dos traballos que está a realizar para poñer en marcha o "Museo da Emigración" que estará ubicado no Pazo de Vilamarín (Ourense). Está a traballar na moitísima documentación que vai recollendo e inventariandoo todo. Tamén nos describe o labor que está a realizar en Castro Caldelas, a restauración dun Mosteiro, a inauguración dun Museo Antropolóxico e outras moitas cousas. Felicitámolo por ese labor tan importante e desexámoslle moitos éxitos.

Poñémonos en contacto con RICARD ROS, que nos informa do RUBRIFOLKUM, que se celebrará en Sant Boi por 9º ano consecutivo e que terá como estrela principal nos Concertos a Mercedes Peón, o Grupo Fanfarra e o Grupo Galego Caldo ademais do Grupo RIU no que participa el mesmo. Podedes recoller máis información de toda a programación prevista para os día 7, 8 e 9 de marzo, na súa páxina de facebook: Rubrifolkum.

Antes de finalizar comentamos algo máis sobre o Festival e atrevémonos a "ler" o poema "Miña casiña, meu lar". O día 24 de febreiro será o Día de Rosalía  e polo tanto convidamos a tódolos nosos oíntes e seguidores que celebren ese día de Rosalía tomando o "Caldo de Gloria" que describe moi ben a autora dese famoso poema, e que dende a Fundación Rosalía de Castro (en Padrón) veñen celebrando e propoñendo celebralo a tódolos galegos e non galegos, para commemorar ese día.

Pasen unha feliz semana!!! Nos voltaremos o vindeiro xoves á mesma hora, con máis novidades e máis Radio en Galego. 

XOVES 7 de FEBREIRO do 2019

Outra semaniña máis con todos vosoutros falando en galego nestas dúas horiñas de radio. Comezamos, despois das salutacións pertinentes, conectando coa localidade de Quiroga, onde se atopa don MIGUEL ANXO GARRIDO, xerente da funeraria Garrido, con quen mantemos unha pequena entrevista-conversa chea de informacións e novidades moi interesantes, relacionadas concretamente con esa actividade. Son os primeiros en empregar a ferramenta de "Wassap" para facer as comunicacións luctuorias e outras informacións. Tamén empregan o facebook e a súa páxina web, que é moi ben recibida e empregada no rural. Agradecémoslle a súa amable atención.

Continuamos o programa saudando a dona AMALIA DÍAZ RODRÍGUEZ, unha poeta galega, concretamente de Cerdido. Agradecémoslle a participación no noso programa de hoxe, que se enche de galanura ao recibir o agasallo da recitación de varias das súas creacións poéticas. ¡Moitas grazas e moitos éxitos, Amalia! Seguiremos en contacto.

A segunda hora correspóndelle comezala coa sección QUEN CHE PREGUNTOU? do noso correspondente na capital da Ribeira Sacra, Monforte de Lemos, XOSE MANUEL F. MONTES. As noticias que escolle fainas mediante os seus ME Ghustan e Non me Ghustan. Tamén nos fai partícipe de varias curiosidades e recomendacións para próximas datas, relacionadas con eventos e interesantes celebracións. Despois envíanos a súa "viñeta" alusiva a algún momento da intervención radiofónica, que nos aproveitamos para incluíla neste blog. 

E a ultima intervención deste serán é a conversa coa nosa amiga MERCHI ALVAREZ, Presidenta de GALICIAME, que ten preparadas varias informacións novidosas relacionadas coa AME e con algunhas das actividades que están a realizar ou próximas para vindeiras datas. Agradecémoslle o tempo que nos adica e desexámoslle moitos éxitos.

Despedímonos ate a vindeira seman. ¡Que sexan felices!

XOVES 31 de XANEIRO do 2019

Con Manuel Rodríguez Julián

Comezamos un día máis con todos vosoutros, dándolle a ben-vinda ao noso amigo e "histórico" da Radio MANUEL RODRÍGUEZ JULIÁN, que nos acompaña hoxe na emisión. Agradecémoslle a súa presencia. Despois de escoitar unha peciña musical conectamos con Galicia para falar co noso admirado fundador e lider de LUAR NA LUBRE, don Bieito Romero. Agradecerlle a súa amable atención e enviarlle os nosos parabens polos éxitos que están acadando con ese ultimo CD "Ribeira Sacra" que levan presentado e moitos concertos por Galicia e toda a Península. Infórmanos de próximas actuacións do Grupo, unhas pinceladas do CD e moitas cousas máis, axudándonos a comprender algo máis desa nosa tradición e música galega.

A segunda conversa é con dona Obdulia, da "Casa do Labrego", en Baamonde, concello de Bergonte. Un Restaurante de beleza singular, xa que ten recuperados moitos mobeis antigos que se convirten en mesa, como pode ser unha cama de madeira antiga moi rústica. Conta cunha tradición familiar moi importante e ofrece unha serie de menús galegos moi solicitados, tanto desta época como doutras estacións do ano. Indícanos que os postres son todos caseiros, elaborados con productos naturais de grande calidade. Gábase de ofrecer un dos mellores cocidos da zona, acompañado dun caldo moi solicitado nesta época. Convídanos a visitar a súa páxina web e comprobar as ofertas que se poden degustar. É recomendable chamarlle para reservar e poder ter garantía de servicio. Desexámoslle moitos éxitos e agradecémoslle a súa invitación para visitala.

Continuamos, na segunda hora, comentando a celebración do "Filandón na A.C.G.Rosalía de Castro" a fin de semana pasada, aproveitando a visita de Manuel Rodríguez Julián, un dos actuantes.

E continuamos o programa conectando co noso correspondente en Monforte de Lemos, Xosé Manuel F.Montes, encargado da sección QUEN CHE PREGUNTOU? na que fai un percorrido pola actualidade dándonos os seus Me Ghustan e Non Me ghustan e finalizando cunha curiosidade interesante, ademais de enviarnos a viñeta alusiva ao programa de hoxe.

E a última intervención é a da nosa correspondente nos Ancares Lugueses, dona FERNANDA FOLLANA NEIRA, que nos pon ao corrente dalgunhas novidades daquela contorna e preséntanos unha Ruta polos Ancares, moi detallada e chea de engado, para os que desexen disfrutar non só da montaña senón tamén dun percorrido sendeirista diferente. 

A vindeira semana voltaremos, con máis novidades e máis entrevistas. ¡Sintonizainos!

XOVES 24 de XANEIRO do 2019

Un programiña máis con todos vosoutros para ofrecervos dúas horas de radio en galego. Comezamos comentado as actividades que ten previsto realizar a A.C.G.Rosalía de Castro de Cornellà: "Butelada do Suso" para o videiro día 27 deste mes, "O Filandón" con música das pandereteiras do Centro e de Alfredo González, intervención declamatoria de Manuel Rodríguez Julian e outros, cómicos e diversas actuacións. Tamén informamos doutras actividades relacionadas co Entroido e Xantar conmemorativo, así como o Campionato de Tute e Brisca, Asamblea Xeral e a Festa Galega de Can Mercader para o mes de xuño e que este ano contará coa intervención de Anxo Lorenzo, aínda por confirmar, pero o que sí é seguro que disfrutaremos da actuación de dúas orquestras para as verbenas dos tres días, fogos artificiais e queimada de despedida.

Conectamos con Galicia, concretamente con Navia de Suarna, onde se atopa o noso colaborador Henrique Fernández Mon-Sánchez, que nos informa de varias cousas relacionadas coa zona.

Recibimos e saudamos nos estudos a Juan Pedro Sánchez, Presidente da Asociación de Bercianos en Cataluña (ASOBECAT)

Visita de Juan Pedro nos estudios de Radio Sant Boi

que ven a informarnos da celebración do "XVI Festival del Botillo en Cataluña". Comentamos un chisco este evento e deseguida conectamos con Galicia para falarmos co Escritor e Crítico Literario don ARMANDO REQUEIXO, que aproveitamos para felicitalo por ter sido designado o mellor crítico literario de Galicia nos Premios Fervenzas Literarias, así como tamén o seu blog "Criticalia", un dos mellores e máis valorados. Fainos partícipes, en primicia para os nosos oíntes, dalgunhas das súas próximas realizacións e publicacións tan interesantes.

Continuamos con don JUAN PEDRO SANCHEZ, que nos comenta que este ano Homenaxearán a don PABLO OSSORIO, como "Berciano del Año". O Concello homenaxeado será "VILLAFRANCA DEL BIERZO", e as Adegas que colaboran nesta ocasión servindo o viño que se degustará na cea será BODEGAS Y VIÑEDOS CASTRO VENTOSA. Aproveitamos a presencia de Juan Pedro para conectarnos con CESAR, responsable desta Adega que nos informa un chisco da historia e traxectoria destes colleiteiros bercianos. Actualmente son catro xeracións as que están a traballar nas instalacións e produccións destes caldos. Agradecémoslle a súa aportación de hoxe.

Antes de finalizar o programa aínda temos unhos minutiños para falar con ANTÓN DE GUIZÁN, poeta lucense que nos fala das actividades que están a realizar. Prometémonos voltar a conectar con el noutra ocasión, con máis tempo, para termos unha conversa máis distendida e comentar moitas máis cousas relacionadas co seu labor cultural.

Despedímonos de todos vosoutros ate a vindeira semana. Non deixen de conectarnos.

XOVES 17 de XANEIRO do 2019

Unha emisión máis con todos vosoutros para tentar de ofrecerlles dúas horiñas de radio en galego, con novidades e entrevistas interesantes.  A primeira novidade é que contamos cun número de teléfono de WASSAP : 626 353 202, que poden empregar para comunicarse con nosoutros e comentarnos todo aquelo que lles apeteza ou aquelo que desexen compartir connosco, preguntas aos entrevistados, suxerencias musicais, solicitudes... etcétera. Agardamos as vosas comunicacións. Comezamos conectando con don JUAN PEDRO SÁNCHEZ, Presidente de Asociación de Bercianos en Cataluña ASOBECAT, que nos informa da próxima celebración do XVI FESTIVAL DEL BOTILLO EN CATALUÑA. Agradecémoslle a súa colaboración e comprometémonos voltar a comunicarnos con el para máis informacións vindeiras.

A segunda conexión é coa Excma. Sra. Alcaldesa do Concello de Castro Caldelas (Ourense), dona Sara Inés Vega Núñez, que nos fala da próxima celebración do grande evento anual "OS FACHÓS 2019" previsto para o día 19 de xaneiro, véspera do San Sebastián. Un grande evento que se celebra cada ano na mesma data, e que consiste nun pasarúas, a modo de "procesión" con máis de cincocentos fachós presididos por un grande fachón de máis de 40 metros de lonxitude. Despois repártense os bolos preñados con chourizo e viño. Tamén terán interpretacións musicais, degustación de licores e queimada final de agasallo para tódolos participantes. Desexámoslles moitos éxitos.

Continuamos, na segunda hora coa intervención do noso correspondente na capital da Ribeira Sacra, Xosé Manuel F. Montes, encargado da sección QUEN CHE PREGUNTOU? Comeza cos seus "Me ghustan e Non me ghustan e finaliza coas súas suxerencias escollidas para esta fin de semana.

E para finalizar retomamos a conversa desoutra semana coa nosa correspondente nos Ancares Lugueses, Fernanda Follana Neira, que nos fala do asunto relacionado cos Parques Naturais de Galicia e coméntanos varias e interesantes reflexións. 

A vindeira semana máis. Non deixedes de conectarnos.

XOVES 10 de XANEIRO do 2019

Comezamos o primeiro programa do ano dándolle a Ben-vinda ao noso amigo e colaborador XOSÉ LAMELA BAUTISTA, con quen tentaremos ofrecerlles dúas horiñas de radio en galego. A primeira comunicación é con PACO LEDO, poeta labrego de Chantada, con quen mantemos unha conversa moi amena e agasállanos coa declamación de dúas das súas creacións poéticas. Agradecémoslle a súa aportación na emisión de hoxe e desexámoslle moitos éxitos,

A segunda intervención é a de XOSÉ LOIS das "Galletas Mariñeiras", da empresa Da Veiga, que nos fala deste producto natural que fabrican en Chantada. Explícanos cal é a composición e proxecto deste Empresa que comezou con pouquiños empregados e que hoxendía ten nada menos que cincoenta empregados. Tamén nos adianta a próxima presentación dun novo producto con chocolate. A súa máxima pretensión é manter a ocupación na zona para non desertizar a poboación rural e tamén ofrecer un producto de calidade sen ningún tipo de aditivos. 

O noso amigo e colaborador XOSÉ LAMELA BAUTISTA, fainos unha pequena presentación do xornal "O Picaraño" que se acabou de publicar en Entrimo o día 29 de decembro pasado, e danos unhas pinceladas sobre o que representaou esta publicación no seu tempo e do actual formato e edición. A continuación falamos co noso correspondente XOSÉ MANUEL F. MONTES, encargado da sección QUEN CHE PREGUNTOU?. Comeza a súa intervención cos seus Me Ghustan e Non Me Ghustan, coma semper e finaliza coa reseña dunha curiosidade. Tamén nos envía a súa viñeta alusiva a algún dos contidos do programa de hoxe, e que nosoutros compartimos con todos vosoutros aquí.

A ultima conexión é coa nosa correspondente na zona dos Ancares: FERNANDA FOLLANA NEIRA, que ten preparada unha participación pormenorizada sobre varios temas escollidos para ilustrar aos nosos oíntes e seguidores.

Que teñan unha feliz semana e volvan a conectanos o vindeiro xoves á mesma hora.

XOVES 20 de DECEMBRO do 2018

Ultimo programa do ano 2018, que comezamos saudando a tódolos oíntes e seguidores. Propoñémoslles escoitar unha peciña musical do ultimo CD de Xabier Vizcaíno, e deseguida conectamos con dona ROSALÍA MORLÁN, unha grande poeta galega e amiga, que nos pon ao corrente das súas ultimas creacións literarias, moi relacionadas coa escrita para nenos. Muy posiblmente presentará este novo libro: "O DRAGÓN ANTÓN E O SAPO ROSENDO". Agradecémoslle a súa amable atención e desexámoslle todo o mellor para o vindeiro ano 2019.

A segunda intervención é con XABIER VIZCAÍNO, que nos conta parte das súas ultimas actuacións e conceertos, en compañía de LUCÍA e outros músicos que o acompañan. Comezaron na vila de Celanova o venres pasado e continuarán en padron. Serán catro Concertos por toda Galicia. Felicitámolo por ser elixido como "Embaixador de Galiciame para o 2019" e desexámoslle moitos éxitos e moitas Felicidades nestas festas Nadalencas, e que as disfrute xunto con tódolos seus.

Continuamos coa participación do noso correspondente en Monforte de Lemos, Xosé Manuel F. Montes, encargado da sección QUEN CHE PREGUNTOU? e que desenvolve con minuciosidade cos seus Me Ghustan e Non Me Ghusta,. tan axeitados, relacionados coa actualidade galega do momento. Tamén nos envia unha relación de varias "Curiosidades" que destaca. Deséxanos Felices Festas e nós correspondémoslle devolvéndolle os desexos, con moito agarimo.

E finalizamos coa intervención da nosa correspondente nos Ancares, FERNANDA FOLLANA NEIRA, que fai un pequeno repaso das actividades populares, relacionadas coas navidades. Algunhas delas rescatadas do esquecemento, pero moi celebradas naquela contorna, como "O Apalpador"... Despedímola desexándolle Boas Festas.

E o mesmo lles desexamos a tódolos nosos oíntes e seguidores:

¡QUE TEÑADES UNHAS FESTAS DO NADAL MOI FEITICEIRAS E QUE O ANINOVO 2019, VEÑA CHEO DE BONDADES!!! 

Até o ano que ven, que agardamos volvan a sintonizarnos. ¡Apertas!