XOVES 25 de MARZO do 2021

Comezamos este programa de hoxe coa mesma rutina de sempre: A nosa sintonía, salutacións e colocamos unha peciña de música para recibir ao primeiro convidado: don JOSÉ ANTONIO DÍAZ, Presidente da Cooperativa "A Carqueixa". Reúnen nada menos que 200 cooperativistas para criar vacas e terneiros de grande calidade: O sabor dos Ancares. Así definen ese carne de vacuno que podedes contemplar na súa páxina: osabordosancares.com. Agradecémoslle a súa aportación e informacións relacionadas cos seus productos e desexámoslle moitos éxitos.

A segunda comunicación-entrevista é con dona EMILIA MARTÍNEZ FUENTES, unha poeta galega nada no concello de Monfero, ó ladiño das fragas do Eume, que vive actualmente en Terra Chá, no concello de Vilalba. Ten publicado un libriño de poesía titulado: "Lendas e Versos", cuxa segunda edición xa está esgotada. Agasállanos coa lectura dun dos seus poemas, que formará parte do seu segundo libro, previsto editar a finais deste ano 2021. Agradecémoslle a súa colaboración de hoxe.

Continuamos, a segunda hora conectando co noso correspondente en Monforte de Lemos, Xosé Manuel F.Montes, encargado da sección QUEN CHE PREGUNTOU? Fainos unha relación das noticias frescas de Galicia coa súa sub-seccion que titula: Ghústanme e Desghústanme. Finalizando cunha escolla de fraseoloxía moi interesante. Precisamente aproveitando unha palabra, pequena suxerencia entablada na conversa distendida que mantivemos, confecciona a súa viñeta semanal relacionada con esa definición.

A ultima conversa é con Ubaldo Pérez do Restaurante "Los Ancares", na rúa Robrenyo 74.76, esquina Numancia, de Barcelona. Infórmanos que segue a traballar, con moita menos afluencia de clientes, pero servindo os seus platos de gastronomía galega, sin esquecer as peculiaridades dos xantares cataláns, como poden ser os calçots, que ultimamente están moi solicitados. Coméntanos que é unha magoa non poder ofrecer aqueles xantares mensuais que tiña por costume, acompañados de "festa e baile", pero que non son posibles pola actual situación de restriccións e aforo limitado. Desexamos que todo pase pronto para poder disfrutar da compañía, relación social e gratificantes xantares mensuais.

Finalizamos o programa desexándolles que pasen unha "FELICES FESTAS de SEMANA SANTA" e que volvan a sintonizarnos despois deste descanso Pascual. Aquí deixamos o programa enteiro.

XOVES 18 de MARZO do 2021

 Unha nova emisión deste "Galegos no BAIX" tentando levar adiante este programa de dúas horas de Radio en galego. Despois da sintonía de comezo e as salutacións oportunas poñemonos en contacto con Ánxela Rodríguez Rodríguez, máis coñecida co pseudónimo de Ánxela Gracián, escritora, traductora, crítica literaria e poeta galega. Agradecémoslle a súa participación no noso humilde programa. Mantemos unha conversa-entrevista moi resumida e curtiña (o tempo na radio fáisenos cativo para o moito que desexamos saber). Agasállanos coa lectura dun dos seus poemas e prometémonos voltar a conectar con ela en próximas datas, para máis sabermos e para continuar aprezando a súa creatividade.

A segunda comunicación é Serxio Pazos (Luis Sergio Pazos Huete), Actor, Cómico, presentador e reporteiro galego. Un grande da escena tanto galega como española e portuguesa. Fálanos dos seus últimos traballos: O inspector Viñas, nunha serie de moito éxito. As intervencións semanais no Luar da TVG... etcétera. Foi unha conversa moi agradable e engaiolante. Voltaremos a falar con el.

Conectamos co noso correspondente en Monforte de Lemos, Xosé Manuel F. Montes, encargado da sección "Quen che Preguntou?" que sempre encabeza cos seus "Ghústanme e Desghústanme", relacionados coas noticias de certo relevo en Galicia. Despois as súas caralladas que nesta ocasión están relacionadas coa fraseoloxía e envíanos a súa viñeta alusiva a un momento da nosa emisión. ¡Grazas!

E finalizamos o programa de hoxe despois de falar con Xoan Curiel, que nos informa da súa última creación musical "Treides comigo". Por causas, xa coñecidas de todos, non podemos asistir aos concertos de presentación, como se viña realizando, pero con todo indícanos que precisamente esta fin de semana terá actuación prevista. Felicitámolo. Sabede que na súa páxina podedes contactar con el pra pedirlle algún dos seus traballos e en particular este último que nos indica.

Despedímonos ate a vindeira semana. 

¡Que teñan unha feliz semana!

Deixamos o programa completo aquí.

 

XOVES 11 de MARZO do 2021

Outra semaniña máis con todos vosoutros para pasar dúas horas falando en galego e tratando de ofrecerlles novidades interesantes, entrevistas e algo de música. A primeira intervención é con Manuel Fernández Gómez, o Foteiro da Fonsagrada. Comentamos con el varias cousas relacionadas co entorno desa localidade, falamos do rural e das posibilidades... Agradecémoslle a súa participación.

A segunda entrevista é co grande Xurxo Souto, cantante, escritor, acordionista, actor, director e locutor. Recibímolo e felicitámolo pola reedición da súa novela "Retorno dos homes mariños". El fálanos de moitas cousas máis, entre as que se atopa o Gaiteiro de Poso (carteiro, pescador, cazador...), da publicación do "Pangalaica" que presentará o vindeiro sábado 20, no Museo de Manuel María, da Corna, do Mar, da saída e da posta do Sol... Unha conversa moi agradable e chea de ensino. ¡Grazas Xurxo!

Continuamos a segunda hora conectando co noso correspondente, Xosé Manuel F. Montes, encargado da sección Quen che preguntou? que aporta a súa crónica semanal coas seccións "Desghústanme" e Non me Ghustan correspondentes ás noticias que el escolle para comentar con nosoutros. Despois as súas interpretacións retranqueiras (caralladas) para finalizar enviándonos a súa "viñeta" creativa, relacionada con algún asunto tratado na emisión de hoxe, e que nós compartimos con todos vosoutros. ¡Grazas!

Finalizamos entrevistando a Lucía Seoane López, unha artesana que decidiu instalarse no Caurel, concretamente na localidade de Santa Eufemia. Podemos disfrutar contemplando as súas creacións artísticas na súa páxina :https://artesaniadocaurel.es/. Admiramos esa dedicación e posta en valor polo traballo independente no rural, "traballando con garabullos" como ela mesma nos dixo, pero que son verdadeiras obras de arte, que teñen unha grande acollida e demanda. Ogallá acade os éxitos que todos lle desexamos e prometémonos volver a comunicarnos con ela posto que ten previsto algunha novidade interesante.

Despedímonos ate o vindeiro xoves á mesma hora. ¡Que pasen unha feliz semana! Aquí vos deixamos o programa completo.

XOVES 04 de MARZO do 2021

Unha entrega máis do programa "Galegos no BAIX". Dúas horas de emisión en galego, para entrevistas, música galega e informacións diversas. Despois das salutacións e sintonía de benvida, recibimos ao primeiro convidado: Salvador Ribadomar, un mariñeiro poeta que nos fala da súa creación literaria e ademais de comentar parte da súa traxectoria tamén nos agasalla coa lectura dun seu poema. ¡Moitas grazas Salvador!

Continuamos a emisión e conectamos novamente con Galicia, para falar con Davide Manzaneda. Actualmente é Bombeiro Forestal, aínda que pertence a unha Sociedade Cooperativa moi interesante. "AMARELANTE". Dedícase á recolección e explotación das castañas daquela zona, Manzaneda. Agradecémoslle a súa aportación ao noso programa de hoxe e desexámoslle moitos éxitos.

A seguinte intervención é a do noso correspondente Xosé Manuel F. Montes, encargado da sección QUEN CHE PREGUNTOU? Comeza cos seus Desghústanme e Ghústanme. Segue coas "caralladas-humor" con retranca e fálanos dunha noticia que podía se mentira... Despois envíanos a súa creción semanal en forma de viñeta, que compartimos con todos vosoutros.

A úlitma conexión é con Carlos García, responsable e Director do Xornal "Periódico O SIL" de O Barco de Valdeorras. Agradecémoslle a súa aportación. Fálanos dese xoranl, e do especial suplemento que publicaron con motivo do Entroido en Galicia. Acostúmano a facer cada ano, e representa unha posta en valor das máscaras e da tradición ancestral desa zona de Galicia. ¡Moitas grazas Carlos!

Despedímonos ate a vindeira semana á mesma hora. Aquí deixamos o programa enteiro.

XOVES 25 de FEBREIRO do 2021

Comezamos un programa máis escoitando a nosa sintonía de inicio, dándolles a ben.vida e conectando con Galicia para falar con dona DIGNA Gómez, da Panadería DISU de Navia de Suarna. Agradecémoslle a súa amable atención. Fálanos dos productos que serven no seu establecemento, dos doces familiares e caseiros, das empanadas, do pan con mezcla de trigo do país, do pan de centeo... ... Indícanos que tamén se poden mercar por internet e recibilos directamente na casa. Teñen varios establecementos en Hospitalet que reciben os seus produtos, dúas veces por semana. Avánzanos que están traballando para darlle un impulso e posiblemente pronto poderemos contemplar algunhas melloras e novidades na Panadería DISU.

A segunda conversa-entrevista é con ANXO QUINTANA, Xerente da Empresa "O Pepiño de Allariz", Casa de comidas, Restaurante e Tenda online, con Produtos Galegos de Calidade. Mantemos unha conversa moi distendida, recibindo información dos produtos que se poden adquirir, da situación pandémica que estamos a vivir e de cómo se vai "aguantando" este grande acontecemento que nos está atacando a todos e moi en especial ao sector da Hostelería e Restauración. Agradecémoslle a súa amable atención e desexámoslle que sigan acadando moitos éxitos.

Despois, disculpando a non participación do noso correspondente Xosé Manuel, por mor dun asunto persoal que tivo que atender, atrevémonos a ler a poesía de Rosalía de Castro, na que fala do "Caldo de Groria", para commemorar o día de Rosalía, que se celebrou concretamente onte, día 24 de febreiro, data en que se celebra o 184 aniversario do nacemento da nosa poetisa.

Escoitamos outro bocadiño de música e voltamos a informar dalgunhas cousas máis, das que chegaron á nosa Redacción, relacionadas, claro está, coa nosa Cultura Galega.

Chamamos a Ricardo Souto Morano, poeta galego residente en Cambre. Dámoslle os nosos parabens pola edición do seu libro de poemas: "Reloucos dun lecer". E despois da petición de Armando, Ricardo agasállanos coa lectura de dous poemas da súa autoría. Fermosa declamación que lle agradecemos.

E despedímonos dos nosos oíntes e seguidores ate o vindeiro xoves, deixando pendurado o programa enteiro, a continuación.

XOVES 18 de FEBREIRO do 2021

Un novo programa de "Galegos no BAIX" con entrevistas, música e novidades dende Galicia. Dúas horiñasa de radio en galego, para tentar entretelos. Comezamos conectando con Jasmin e Sarai, dúas das responsables e propietarias da "A Churrería Ribeira". Xunto con Eva González, mudaron a súa profisión para converterse en churreiras e ofreceren os seus productos innovadores e con grande éxito. Dende o mes de decembro do 2020, están a cumplir os antollos dos veciños e moitas persoas que se achegan a mercar os seus productos. Agradecémoslle a súa amable atención e desexámoslles moitos éxitos nesa nova andaina que están levando adiante.

A segunda conexión é con Mary Carmen Sánchez, da Empresa Embutidos Suarna, con quen xa tivemos algunha conversa en programas anteriores, pero que nesta ocasión queriamos felicitala polo seu "20 Aniversario" da súa creación e posta en marcha, así como darlle os nosos parabens porque están a producir a Androlla dos Ancares máis artesana das que se poden mercar. Tamén sirven moitos máis productos elaborados coa carne do porco, todos elaborados artesanalmente. ¡Moitas grazas por atendernos, Mari Carmen. Sempre é unha honra poder escoitarte no noso humilde programa.

A segunda hora comeza co a sección QUEN CHE PREGUNTOU? do noso correspondente na capital da Ribeira Sacra, Xosé Manuel F. Montes, que nos fai un repaso das novidades escollidas por el cos seus Ghústanme e Desghústanme. E despois envíanos a súa creación artística en forma de viñeta, que aproveitamos para compartir con todos vosoutros nesta páxina.

E finalizamos o programa de hoxe entrevistando e falando co grande humorista galego PEPE CAPELÁN, que ten un programa diário na TVG titulado "Malicia Noticias". Agradecémoslle a atención que nos dispensa e facémoslle algunhas preguntas que consideramos de interese para os nosos oíntes e seguidores.

Despedímonos ate o vindeiro xoves, á mesma hora e colgamos a continuación o programa enteiro.

XOVES 11 de FEBREIRO do 2021

Outro programiña máis de dúas horas en galego, para ofrecerlles novas, entrevistas, música e algunha cousiña máis. Comezamos conectando con Mª Sonia Melón Parente, unha poeta galega que está en Ponteareas. Falamos da súa creatividade, da súa traxectoria, do seu blog:osmeusescritos e dos proxectos que pretende levar adiante. Agasallános coa lectura dun dos seus poemas, que lle agradecemos moito e, despedímola desexando que continúe coa súa escrita e prometémonos voltar a conectar con ela cando teña máis novidades.

A segunda comunicación é con Adrián Morales, propietario do establecemento "La Panera" en La Coruña. Unha tenda ao estilo tradicional que se encarga de suministrar unha morea de productos de grande calidade, considerados "grumet" polos seus clientes. Charlamos con el e explícanos cómo é o seu traballo e as ofertas que ten para os posibles clientes. Tamén nos da a coñecer a súa páxina web de lapaneracoruna.es, para os que desexen poñerse en contacto con el e facerlle algún pedido. Agradecémoslle a súa amable atención.

Continuamos, nesta segunda hora, conectando co noso correspondente na capital da Ribeira Sacra, Monforte de Lemos, Xosé Manuel F. Montes, que nos ten preparada a súa crónica semanal "Quen che Preguntou?" cos seus "Ghústanme e Disghústanme" para poñernos ao corrente dalgunhas das noticias escollidas por el. Segue a súa intervención coas caralladas e as frases populares e con retranca. Despois envíanos a súa creación en forma de viñeta alusiva a algún momento da emisión, que nós acompañamos nesta nosa páxina, para disfrute de tódolos nosos oíntes e seguidores. Moitas grazas, Xosé Manuel.

E a ultima intervención é a de Manoele de Felisa, cantautor galego que ven de publicar o seu traballo que leva por título "Cancioneiro do Camiño". Un libro CD que contén 18 temas escollidos da investigación e música popular, que xa presentou fai uns días na Televisión Galega, pero que tamén nos fai partícipes a nosoutros para que poidamos disfrutar del. Desexámoslle moitos éxitos.

E despedímonos ate a vindeira semana. A continuación "colgamos" o programa enteiro.

XOVES 04 de FEBREIRO do 2021

Voltamos a emitir este programiña de Radio en Galego, desexando aprender de todos vosoutros e ofrecerlles dúas horiñas entretidas. A primeira comunicación é con ISI Rodríguez, un humorista galego que nos deleita coa súa participación. Agradecémoslle a colaboración e coméntanos algunhas cousas nas que está traballando e participando, máis concretamente na TVGalega. Desexámoslle moitos éxitos.

A segunda chamada é para saudar e recibir nos "Estudios Virtuais" a Lidia Veiga, que nos recibe moi amablemente e cóntanos alguhas cousas da súa formación e da súa traxectoria artística. Felicitámola polos éxitos acadados polo dagora e desexámoslle que siga colleitando moitos máis.

Continuamos na segunda hora co noso correspondente na capital da Ribeira Sacra, Monforte de Lemos, Xosé Manuel F.Montes, que na súa sección QUEN CHE PREGUNTOU, sempre ten novidades e informacións interesantes. Recibímolas a modo de Me ghustan e Desghústanme, que é como titula esta súa sub-sección. Finaliza comentado outra subsección, a das "caralladas" e prometéndonos a súa "viñeta" para ilustrar algún dos momentos relevantes, que el escolle, da emisión de hoxe.

 

E finalizamos o apartado de entrevistas-conversas con Mª Sagrario Fernández Méndez. Traballadora Social, que nos presenta ese Documental sobre a Vivenda e que se pode admirar e contemplar tanto no Youtube como naquelas páxinas que busquedes por Internet.

Aquí podedes escoitar o programa enteiro. Ate a vindeira semana.

XOVES 28 de XANEIRO do 2021

Comezamos outro programa máis coa nosa sintonía de sempre, dándolles a ben-vida e, despois de ofrecerlles un bocadiño de música, poñémonos en contacnto co noso primeiro convidado, don José Luís Quintana "Pilís", un dos propietarios da empresa "Castañas Petelo", en Allariz. Agradecémoslle a súa amable atención e conversamos con el para que nos informe de cómo levan adiante ese proxecto tan interesante, dos seus productos e das novidades que van introducindo nesa súa andaina.

A continuación falamos con David Vilares, un artista moi novo de Cadoalla, en Becerreá-Lugo, que nos fala da súa traxectoria artística e formación contínua que está a facer. Cóntanos as súas inquedanzas e algunha que outra anécdota interesante. Agasállanos interpretando unha peza tradicional galega, acompañado da súa pandeireta. Agradecémoslle ese detallazo, e agardamos que nunha vindeira ocasión poidamos disfrutar da súa interpretación con máis tempo.

 

Despois conectamos novamente con Galicia, para recibir ao noso correspondente na capital da Ribeira Sacra, Monforte de Lemos: Xosé Manuel F. Montes, encargado da sección Quen che Preguntou? Fainos a súa crónica semanal de noticias mediante o seu apartado dos "Me ghustan e Desghústanme" ademais da subsección "caralladas", sempre cunha nota de humor e retranca galega. Tamén nos envía a súa "viñeta" alusiva a algún momento da emsión de hoxe, que aproveitamos para compartir con todos vosoutros.

A ultima intervención é con Teresa Ríos, unha poeta residente en Ponteareas, nada en Dumbría, que nos fala da súa creatividade e da próxima presentación dun poemario persoal titulado "Non estamos preparados para medrar". Agasállanos coa lectura-declamación de varios poemiñas da súa autoría. Prometémonos volver a falar con ela en vindeiras datas.

E despedímonos ate o vindeiro xoves á mesma hora. 

¡Que teñan unha feliz semana! 

Aquí vos deixamos o programa completo:

XOVES 21 de XANEIRO do 2021

Comezamos o programa dándolles a ben-vida e ofrecéndolles un bocadiño de música para saudar, despois, a dona Rosa María Chantada Abollo, da Asociación "MULLERESEPALABRAS", que nos recibe moi amablemente e mantemos unha pequena conversa-entrevista moi ilustrativa. Infómanos da súa creación, das súas actividades e dos moitos actos que estan a realizar, a pesar da actual situación tan difícil que estamos a padecer, por mor da ausencia de actos presenciais. Teñen editado un "almaque" ou calendario do dous mil vinteun, que ten a particularidade de visibilizar e poñer en valor, cada mes, a unha autora con un texto destacado de cada unha delas. ¡Parabens polo traballo! e ¡Moitos éxitos nos futuros proxectos! ¡Moitas grazas por compartir connosco as vosas inquedanzas!

A segunda intervención é a dun artesán e mestre Luthier de Gaitas e instrumentos de vento tradicionais galegos: Carlos Corral, fillo do grande Mestre Gaiteiro e artesán Antón Corral. Ten o seu taller en Ponteareas, pero tamén da clases na ETRAD de Vigo. Falamos do seu traballo delicado actual (pola situación pandémica que estamos padecendo), da súa traxectoria e doutras cousas. Ten unha páxina mediante a que se poden mercar os seus instrumentos musicais galegos de vento: Para nós foi un placer e unha honra que participara con nosoutros neste programa de hoxe.

Continuamos a segunda hora cun grande emprendedor: XABIER d plataforma "Retorno al Pueblo". Xa falaramos con el en anteriores programas, con motivo das ofertas de outono, dos productos de magosto. Hoxe facémonos eco doutra proposta e oferta especial para este inverno: "Festa do Botelo", que contén unha chea de ingredientes específicos para celebrar e disfrutar deste manxar galego tradicional. Todos os nosos oíntes e seguidores que desexen adquir algún dos seus productos terán un bono especial de desconto, pero terán que mencionar o noso programa, claro.

Despedimos a Xabier con música e con música tamén, recibimos a TONI SIMOES, "Chef" do "Restaurante La Taverna de Clínic". Falamos das circunstacias especiais que estamos a pasar, e moi en particular eles. De tódolos xeitos os seus clientes e amigos poden solicitar os seus Menús e pratos caractarísticos mediante teléfono ou visitando a súa páxina web: https://www.latavernadelclinic.com/el-restaurante. Poden ir a recollelos ao propio Restaurante, pero dispoñen dun transporte gratuito mediante o cual achéganche á casa calquera dos pratos encargados. Agradecémoslle a súa atención e desexamos que sigan tendo moito éxito.

Despois de escoitar outra peciña musical informamos dalgunhas noticias chegadas á nosa Redacción e despedímosnos ate o vindeiro xoves, á mesma hora. Temos que disculpar a ausencia do noso compañeiro Armando Fernández, por mor dunha pequena obriga persoal así como tamén a falta do noso correspondente na Ribeira Sacra, Xosé Manuel, xa que tivo un compromiso que atender e non podía facernos a súa crónica semanal. Seguro que a próxima semana estaremos todos, estade atentos.

 

¡Que teñades unha feliz semana!

O programa enteiro:    

XOVES 14 de XANEIRO do 2021

Comezamos o primeiro programa do ano 2021 dándolles a ben-vinda e despois dunha pequena introdución musicla poñémonos en contacto con Maribel López Pérez, que rexenta a explotación apicultora co nome de "MEL A CASOA"-Palloza de Piornedo, dos Ancares Lugueses. Unha conversa-entrevista moi ilustradora relacionada cos traballos que levan adiante para a recolección e venta do MEL de Montaña Natural, que ademais veñen de recibir o Premio "Mel 5 Estrella 2020" de Galicia. Tamén nos indica cómo podemos adquirir os seus productos (na súa páxina web) e ademais facilítanos o establecimento de Hospitalet de Llobregat - Pepa Fanega -, onde podemos achegarnos a mercar eses productos. 

A segunda comunicación é con CARLOTA PÉREZ FERNÁNDEZ, responsable do proxecto "sacraexperience.com" en Pincelo. Fálanos da proposta para disfrutar do entorno, dos talleres, do aluguer da casa, e moitas máis cousas das que se poden disfrutar naquela contorna. Ela mesma fai e realiza eventos á carta, para tódolos que desexen achegarse e axuda a que se fagan realidade as inquedanzas dos clientes que se achegan por alí. Agradecémoslle a súa amable atención e que se cumplan os proxectos.

Continuamos a segunda hora contectando con Galicia novamente, para falarmos con CARMEN PENIM, que nos fla do seus ultimo traballo musical: "CANTOS DE TERRA E SAL". Un CD que ten unha presentación exquisita. 10 temas que son escollas especiais de cantigueiros antigos e pezas musicais que teñen unha interpretación tamén moi coidada. Fálanos das colaboracións doutros artistas e músicos que participaron nese fermoso traballo. Agradecémoslle a súa participación e desexámoslle moitos éxitos.

A última conexión é coa "Casa do Romualdo", tamén na Ribeira Sacra, concretamente en Vilela - Taboada. Unha conversa moi entretida e chea de engado, que nos acompaña por aquel recinto emblemático que xa levan ofrecendo os seus servicio nada menos que 20 anos. Dámoslle os nosos parabens por seren elexidos como representantes das Casas de Turismo Rural da Ribeira Sacra. En próximas conexións prometémonos dedicarlle un bocadiño máis de tempo para que nos informe das propostas que podemos disfrutar e prométenos interpretar algunha peza coa súa zanfona. ¡Moitas Grazas pola vosa participación de hoxe! ¡Que continuedes tendo moito éxito!

E despdímonos ate o vindeiro XOVES á mesma hora. ¡Que teñan unha feliz semana!

XOVES 17 de DECEMBRO do 2020

Este último programa de "Galegos no BAIX" comezámolo chamando a un grande da nosa cociña galega: "JAVIER OLLEROS" do Restaurante "Culler de Pau", no Grove, que ven de recibir a segunda Estrella Michelín. Felicitámolo e charlamos-entrevistamos a este grande "Chef" que nos encandila coa súa conversa. Mágoa non ter máis tempo para seguir escoitando as súas propostas gastronómicas. Felicitámolo e desexámoslle que siga colleitando éxitos. Foi un pracer e un privilexio telo no noso programa de hoxe.

Continuamos o programa conectando con MARTA CASTRO, da Adega familiar "Lagar de Pintos". Esta é a filla de don José Basilio Castro Pintos, que foi o que nos facilitou o seu contacto. Fainos un pequeno percorrido pola traxectoria desta adega centenaria. Catro xeracións de adegueiros, nada no ano 1887 e que hoxe en día segue a ofrecer uns viños Albariños de grande calidade. Infórmanos con claridade deses caldos, dos blancos reserva, da súa maridaxe... ¡Moitas grazas, MARTA! por deixernos conversar contigo. Foi un pracer e unha honra para nosoutros terte no noso humilde programa.

Agora dámoslle paso ao noso correspondente na capital da Ribeira Sacra, Monforte de Lemos, Xosé Manuel F. Montes, encargado da sección QUEN CHE PREGUNTOU? na que recolle os seus "Ghústanme e Desghústanme" tan axeitados cos que nos fai saber das noticias de Galicia dunha forma moi singular. Finaliza cunha descrición retranqueira de cómo se poden valorar os accidentes segundo o nivel. Tamén nos enviará a súa aportación viñetista relacionada con algunha intervención do programa de hoxe.

Entrevistamos agora ao grande RUBÉN RIÓS. Felicitámolo polo excelente traballo de dirección e producción Película - Documental "Camiñantes do noso", unha miniserie que está acadando moitísimos éxitos e que se pode escoitar e disfrutar no youtube ademais. Este venres ás 21 horas poderase ver un dos capítulos tamén. Agradecémoslle a súa amable atención e desexámoslle que siga colleitando moitos éxitos e facéndonos disfrutar coas súas propostas que nos enchen de satisfacción e fannos sentirnos máis orgullosos "do noso", tal e como el mesmo nos amosa con esas publicacións. ¡Moitísimas grazas, Rubén Riós!

E así rematamos este último programa do 2020, desexándolles unhas 

¡Moi Felices Festas de Nadal e que teñan un ventureiro Aninovo 2021!

XOVES 10 de DECEMBRO do 2020

Novamente outro xoves máis con todos vosoutros para tentar de que teñan dúas horas de Radio en galego, entretidas e amenas. Comezamos conectando con Galicia para falarmos con Ledicia Costas, grande escritora galega que ben de recibir o Premio das Letras da Cultura Galega 2020. Felicitámola e conversamos con ela da súa traxectoria e dos seus traballos. Agradecémoslle a súa amable atención e desexamos que sigan colleitando moitos éxitos.

Continuamos o programa e conectamos outra vez con Galicia para falarmos con Carlos Blanco Vila, ese grande actor, humorista, monologuista galego, que nos recibe moi amablemente e tentamos facerlle algunha pregunta para coñecelo un chisco máis e aprendendo moitas cousas que nos transmite coa súa afable conversa. Está acompañado de Uxía, outra grande cantautora galega, que aproveitamos tamén para recibila e agradecerlle que nos dediquen uns minutiños para poñernos ao corrente de cómo afronta as próximas datas e acontecementos. Recibimos con agarimo as súas aportacións de hoxe e despedímolos a ámbolos dous ate unha vindeira data. ¡Que teñan moitos e grandes éxitos!

Comezamos a segunda hora conectando co noso correspondente en Monforte de Lemos, Xosé Manuel F. Montes, que ten preparada a súa crónica semanal aproveitando as escollas dos seus "Me Ghustan" e "Desghústanme" cheos de intencionalidade retranqueira. Temán nos envía a súa aportación creativa, en forma de viñeta, que colocamos neste noso blog, para todos vostedes.

Finalizamos conversando con Lydia Botana, esa grande cantautora que nos comenta cómo está afrontando esta situación pandémica e cómo vai actuando nalgúns espazos con moitísima precaución e en moi poucos lugares, se o comparamos coas grandes e diversas actuacións noutros momentos.

Despedímonos ate o vindeiro xoves á mesma hora. 

¡Cóidense moito!