XOVES 16 de MAIO do 2019

Visita nos estudos de Xosé Lamela

Outro programa con todos vosoutr@s. Encetamos, despois da ben-vida a tódoos oíntes e seguidores. Recibimos con agarimo ao noso amigo e colaborador JOSE LAMELA BAUTISTA, que hoxe nos acompaña e conectamos con Galicia. Do outro lado do fío telefíco temos a don PEDRO PÉREZ, do Grupo Duplex, a quen felicitamos e enviámoslle os nosos parabens por ter axudado á restauración do reloxio da torre en Trives. Xa se poden oír as badaladas horarias, grazas a intervención deste "mecenas" desinteresado, Pedro Pérez. Tamén aproveitamos para que nos fale da traxectoria do Grupo de Empresas que dirixe e do reloxio de marca propia que xa está no mercado... 

A segunda intervención é a do Abogado,  Poeta e Escritor chantadino Anxo Boan Rodríguez, que nos fala da súa faceta creativa relacionada coa poesía e a escrita en prosa, neste caso os libros de contos. Agradecémoslle a súa aportación de hoxe.

Despois falamos coa grande artista "LUCÍA PÉREZ", que nos atende moi amablemente e fálanos dos éxitos que está a acadar na xira de presentación dese CD "15 Soles" e do traballiño que se pode disfrutar no youtube: "Tudo se paga", unha peza musical con Ze AMARO que pronto compartirá con el na Radio Televisón Portuguesa.¡¡¡ Móitos éxitos, amiga Lucía!!!

Agora falamos coa nosa Pastora-Poeta Nieves Fernández Vidueira, a quen lle enviamos as nosas felicitacións e parabens por ese fermoso libro que acaba de publicar e que nos temos a honra de disfrutar del: "Retrincos do meu ser".

E para finalizar conectamos coa nosa corresponente nos Ancares, Fernanda Follana Neira, que nos ten prepradas varias noticias interesantes.

E despedímonos ate o vindeiro xoves. A vindeira semana máis e, si se pode, mellor. ¡Sigan sintonizándonos!

XOVES 09 de MAIO do 2019

Outro programiña máis. Comezamos dándolles a ben-vida e conectamos con Galicia, onde está o noso amigo Músico, Cantante, Compositor e Investigador galego XABIER DÍAZ. Unha entrevista-conversa moi amena na que nos informa das súas ultimas actuacións e das próximas a realizar, moi concretamente na Estrada o próximo día 17, e despois en Vilagarcía.... etcétera. Desexámoslle moitos éxitos nesa xira que leva adiante coas Adufeiras de Salitre.

A seguinte intervención é con Miguel González, de Territorio Verde, que nos informa da "1ª Feira en Defensa do Gandeiro da Montaña", que se realizará o vindeiro día 11 de maio na localidade de San Román de Cervantes. Fálanos do programa previsto e dos moitos actos, agasallos e premios (máis de 20) para os gandeiros participantes e o seu gando (vacas galegas e asturianas, touros, novillas e xatos). Desexámoslles moitos éxitos.

Comentamos algo sobre a celebración da Letras Galegas 2019, que este ano adícanse a Antón Fraguas. Falamos dalgunhas publicacións e actos previstos para o vindeiro día 17 de Maio, en Galicia.


Na segunda hora conectamos co noso correspondente en Monforte de Lemos, Xosé M. FONTES que se encarga da sección QUEN CHE PREGUNTOU? Con ela fainos partícipes das súas elecccións relacionadas coas noticias, en forma de "Me Ghustan e Non Me Ghustan". Envíanos a súa aprotación gráfica, alusiva a algunha das cousas que tratamos no programa e compartimos a súa proposta musical para que todos disfrutemos dela.

Antes de rematar, e despois do intento fallido de comunicarnos co profesor, escritor e poeta Toño Núñez, que ten previsto presentar a súa ultima obra: "A gotiña viaxeira" en Vilalba, e dahí a nosa intención de falar con el. Será noutra ocasión. Tamén aproveitamos para informar dalgunhas novas que hai previstas con motivo das "Letras Galegas 2019" en Cataluña: "37 Festa Galega" organizada pola Irmandade Galega O Noso LAR de Terrasa, para os días 11 e 12 de maio. Tamén a A.C.G.Agarimos ten previsto realizar a Letras Galegas no Concello de Badalona, coa presentación do libro de don Manuel Mandianes "En Blanco". O día 18 teremos a mesma presentación na A.C.G.Rosalía de Castro de Cornellà. E o día 19 teremos un Concerto de Luar na Lubre no Teatro Plaza de Castelldefels.

XOVES 2 de MAIO do 2019

Outro xoves máis con todos vosoutros. Comezamos escoitando a nova sintonía do noso programa e dándolles a ben-vinda. Despois dunha peciña musical poñémonos en contacto con Rubén, da A.G.C.Agarimos de Baladona, que nos pon ao corrente  das diversas actuacións que tiveron e das que van a realizar, xunto coa "Festa Galega " prevista para a fin de semana do 17, 18 e 19 de maio, que pretenden inaugurar coa izada de bandeira no Concello de Badalona, xunto coa presentación do libro "En Blanco" de don Manuel Mandianes...

A segunda intervención é a do noso correspondente XOSÉ Manuel F.Montes, coa súa sección QUEN CHE PREGUNTOU?, dende Monforte, que nos ofrece a súa visión das noticias cos ME Ghustan e NON ME Ghustan, moi axeitados e moi ben escollidos para darnos a coñecer algunhas das novidades en Galicia. Tamén nos recomenda algunha celebración festeira que se pode disfrutar nesta próxima fin de semana.

Despois falamos coa nosa amiga e cantautora CARMEN PENIM, de "2Na Fronteira" que nos adianta algunhas das próximas actuacións e adiántanos paarte dun traballo que está a gravar e confeccionar xunto con grandes músicos e seguro que moi feiticeiro: Algo que ten moito que ver con : Cantos de terra e sal. Prométenos que seremos os primeiros en coñecelo e a primicia servirá para compartir con tódolos nosos oíntes e seguidores as súas creacións. Agradecémoslle a súa amable atención.

A ultima intervención é con Carmen de Xanela da Lúa, a Vivenda Rural que rexenta en Lira e que ademais de ser una aloxamento espectacular, temos que salientar a súa amabilisima atención e grande cociñeira que aínda que non dispón de restaurante no seu establecemento, sabemos da súa oferta para aqueles que demandan -por encargo- a degustación dalgún xantar con productos autóctonos, moi en particular do mar de Carnota e arredores. Moitas grazas e moitos éxitos, Carmen.

A vindeira semana máis.  Non deixedes de sintonizarnos. Agardámosvos.

XOVES 25 de ABRIL do 2019

Comezamos outro programa máis, despois das vacacións de Semana Santa, neste día de celebración da "Revolución dos Cravos", e ofrecémoslle escoitar o himno "Grándola Vila Morena", que tanto identifica aquela data do 25 de Abril do 1974. Despois poñémonos en contacto con Manuel Vazquez Osorio, Presidente do Centro Galego NÓS de Sabadell, para que nos fale e informe máis polo miúdo, da celebración da "IV Festa do LACÓN" nesa localidade do Vallés. Tamén nos fala das diferentes actividades que realizan, tanto das que teñen a ver coa propia Entidade Galega, como aquelas nas que participan como integrantes da sociedade galega e daquelas que forman parte da propia cidade de Sabadell na que teñen un prestixio moi arraigado. Agradecémoslle a súa aportación e desexámoslles que acaden moitos éxitos.

Despois de escoitar outro bocadiño de música, voltamos a Galicia, concretamente a Vilalba, onde se atopa a poeta e escritora Emilia Martínez Fuentes, coa que mantemos unha pequena entrevista-conversa falando da súa traxectoria creativa e da próxima presentación do seu poemario que leva por título: "Lendas e Versos". Fará unha primeira presentación na localidade de Vilalba, onde está a residir, pero seguro que terá previsto achegarse a outras localidades galegas para amosalo.

Comezamos a segunda hora falando co don MANOEL CARRETE, Asesor de Emigración da Deputación de Ourense. Comeza a súa intervención informándonos de que posiblemente se poña en marcha, axiña, o Museo Arqueolóxico da Roibeira Sacra, que xa casi está rematado, la localidade de Castro Caldelas. Tamén nos fala do "Museo da Emigración" que terá a súa ubicación no Pazo de Vilamarín. Estanse a realizar traballos de acondicionamento dos edificios e completar o moito papeleo e traballo administrativo que requiren estas dúas grandes obras que poñen en valor o traballo que os "emigrantes galegos no exterior" veñen realizando dende hai moitos anos.

Tamén nos poñemos en contacto con Fernanda Follana Neira, a nosa correspondente na zona dos Ancares, que fai unha pequena crónica de informacións e sucesos que serven para que se coñeza moito mellor a evolución da nosa poboación galega e  das moitas pezas museística que compre amosar e cuidar nestes dous grandes Museos que pronto veran a luz. ¡Moitos parabens!

E denantes de finalizar, ainda temos espazo suficiente para informar dunhas pequenas noticias moi interesantes, relaciondas co mundo do Termalismo e dos baños recomendados polos médicos especialistas, que forman parte dunha fórmula máis dinámica de aproveitar. Dalgunha que outra celebracion e premios acadados por varios artistas...

Finalizamos o programa despois de informarvos, dando a coñecer algunha que outra noticia galega de interese, e dende agora mesmo, desexamos que pasen unha feliz semana e volvan a sintonizarnos o vindeiro xoves á mesma hora.

XOVES 11 de ABRIL do 2019

Programa anterior á Semana Santa, que comezamos conectando con Galicia para falar concretamente con don QUIQUE PEÓN, o grande Mestre, Investigador, Profesor e Director de Xacarandaina, a quen felicitamos e dámoslle os nosos parabens pola recente presentación no Teatro Colón de A Coruña, nunha Gala fermosísima, do Disco recopilatorio dos "40 Anos de Música Tradicional Xacarandaina". Unha ledicia poder disfrutar da súa conversa tan interesante e chea de ensino sobre as nosas tradicións e a nosa cultura. ¡Moitas grazas Quique!

A segunda intervención é a do Ilmo.Sr.Alcalde de Sober, don Luís Fernández Guitián, que nos fala da "XXXIX Feira-Festa do viño de Amandi". Énchenos de informacións sobre as múltiples actividades que teñen previsto realizar para esta fin de semana con motivo desta grande Festa declarada de Interés Turístico de Galicia. Unha honra poder comentar todas estas novidades que nos pormenoriza o Sr.Alcalde. 

Continuamos, na segunda hora, coa relación dos seus "Non Me Ghustan" e "Me Ghustan" do noso correspondente en Monforte de Lemos. Xosé Manuel F.Montes, que sempre ten unha escolla moi especial das noticias "ao seu xeito" e que fan da súa participación unha conversa moi interesante. Envíanos a súa aportación creativa en forma de viñeta, que nesta hecha fai referencia a unha das pequenas intervencións fraseolóxicas coas que nos agasalla, pero que hoxe adícalla a un servidor. Eu, dende estas liñas, agradézollo moi sinceiramente e felicítoo pola feliz idea. ¡Moitísimas Grazas!

A última participación é a de dona Balbina Alvarez, propietaria dun seu nogocio persoal "Oficina Técnica Agrícola Alvarez". Recibímola dándolle os nosos parabens, por ter sido elixida "Confrade Maior" da Confraría do Viño de Quiroga. É a primeira muller que pertence a esta honrosa Confraría. Tamén aproveitamos para desexarlle moitos éxitos nesa súa tarefa tan fermosa como é a de  aconsellar aos colleiteiros e agricultores.

Desexámosvos que pasedes unhas moi Felices Pascuas. ¡Que disfruten desta Semana Santa!

XOVES 4 de ABRIL do 2019

Outro xoves máis con todos vosoutros. Comezamos dándolles a ben-vinda e despois de escoitar unha peciña musical poñémonos en contacto con NIEVES FERNÁNDEZ VIDUEIRA e ELENA FERRO. Permítome ler unha poesía da mencionada poeta pastora Nieves, adicada a uns zocos que lle agasallou o boteiro Roi. Presentamos a estas dúas artistas-artesáns e creativas que sempre nos agasallan con fermosas propostas: Novo calzado tradicional de formas modernas e actuais, unha, Elena. E a outra, Nieves,  grandes creacións poéticas acompañadas dunha fotografía e fermosas construccións escultóricas feitas "coa súa navalla" cando vai ao monte coas ovellas. Gabámonos de telas como partícipes da nosa emisión e agradecémoslle a colaboración de hoxe. ¡Parabens!

A segunda comunicación é coa nosa correspondente nos Ancares, FERNANDA FOLLANA NEIRA, que ten preparadas unha cuantas novidades interesantísimas para percorrer por aquelas fermosas terras luguesas. 

Continuamos na segunda hora coa sección Quen che preguntou? do noso correspondente en Monforte de Lemos, XOSE MANUEL F. MONTES, que cos seus "Me ghustan" ofrécenos unha cumprida mostra das súas escollas informativas. Tamén nos ofrece varias recomendacións de asistencia a algúns eventos importantes esta fin de semana próxima. A súa viñeta alusiva a algunha das intervencións no noso programa está relacionada coa decisión do Sr.Alcalde de Sober para irmanar unha localidade de Asturias co nome de Amandi co mesmo Amandi de Sober. Moi acertada.

A seguir conectamos con JORGE CASAL, un cantautor galego e especialista en problemmas de conducta dos animais. Grande colaborador da Gala anual de GALICIAME. Está a traballar nun novo CD que presentará próximamente. Desexámoslle moitos éxitos.

Concetamos novamente con Galicia para falar con OLAIA MANEIRO, compoñente do Grupo TANXUGUEIRAS, para darlle os nosos parabens por ter recibido o Premio ao mellor disco de música Galega. Falamos con ela que nos comenta o moito  que están a traballar non só por Galicia senón tamén internacionalmente. Veñen de actuar na India, estiveron en Portugal, acaban de actuar en Lalín, próximamente en Edinburgo... ... E están a traballar no seguinte CD... ¡Parabens!

Comentamos a presentación do traballo "40 Anos de Xacarandaina" que terá lugar no Teatro Colón de A Coruña, o próximo día 6, coa participación de máis de 50 artistas no escenario. En vindeiras datas comprometémonos tentar flar con eles para que nos falen do seu traballo.

O vindeiro xoves voltaremos. Agardámosvos a todos e moitas grazas por escoitarnos e seguirnos.

XOVES 28 de MARZO do 2019

Outro xoves con todos vosoutros para tentar de levar adiante este programa de dúas horas en galego, con música, noticias e entrevistas que esperamos sexan do voso interese. Comezamos facendo unha estrena musical: "Launakoa", cedida polo grande Profesor e gaiteiro Daniel Bellón. Esta será, a patir de hoxe a nova sintonía do programa. Conectamos con Armando Fernández, que non se atopa nos estudios en directo, pero que informa dos enderezos e teléfonos para poder conectar con nosoutros e aproveita para facernos unha pequena crónica informativa dalgúns asuntos de interese.

A continuación trasladámonos a Padrón, Terras de Iria para falar con don JOSÉ FREIRE, coordinador e principal organizador da "VI Mostra-Exposición da Camelia e dos Bonsais de Padrón", que se celebrará a vindeira fin de semana. As súas informacións fannos interesármonos un chisco máis por esa planta emblemática nas nosas Rías Baixas e moi concretamente en pazos famosos así como na propia casa de Rosalía. Tamén nos da unha pincelada informativa relacionada coa "V Festa Gastronómica do sabor a Lamprea de Padrón" que dende o día 22 deste mes veñen realizando varios establecementos restauradores da zona. Remata o evento o día 31. Tamén nos informa das diversas actividades previstas polos organizadores da Mostra das Camelias e Bonsais, no Convento do Carmo. Agradecémoslle a súa amable atención e colaboración no noso programa.

Despois conectamos con Roberto Regal, Adegueiro e Enólogo prestixioso na Ribeira Sacra. Felicitámolo por ter acadado varios premios e moi concretamente o ultimo na Feira do Viño de Chantada. Fálanos do seu proxecto "Enonatura" Enonaturae doutros traballos que está a realizar naquela contorna. Tamén nos avanza a próxima posta en marcha dunha proposta divulgativa e informativa para que a Ribeira Sacra sexa declarada Patrimonio da Humanidade e finaliza comunicándonos que próximamente teremos ocasión de disfrutar dunha cata-presentación dos seus viños en Barcelona. Volvemos a felicitalo e desexámoslle moitos éxitos.

A seguinte comunicación é coa nosa correspondente nos Ancares, Fernanda Follana Neira, que nos fala de varias en curiosas cousas da zona, e moi concretamente céntrase nas tres Tores Medievais que se atopan por ali: A Torre de Doncos, A Torre de Torés e o Castelo de Doiras, coas súas respectivas lendas que engaiolan aos máis incrédulos coa súa imaxinación. 

A vindeira semana voltaremos con máis música, noticias e entrevistas. Non falten e pasen unha feliz semana.

XOVES 21 de Marzo do 2019

Outro programa de dúas horas en galego. Comezamos dándolles a ben-vinda e conectando con Galicia pra falarmos co Ilmo.Sr.Alcalde de FRIOL, don Xosé Anxo Santos , que nos pon ao corrente da celebración da "XXVII Feira do Queixo de Friol e do Pan de OUSÁ". Un acontecemento moi importante que se realizará esta fin de semana perante os días 23 e 24 de marzo, amenizado con música tradicional e verbena popular a cargo da orquestra Olympus. Agradecémoslle a súa amable atención e desexámoslles moitos éxitos.

A continuación falamos con dona LOLI CERNADAS, do Concello de SOUTOMAIOR, que tamén teñen previsto a celebración dun dos acontecementos máis importantes da provincia de Pontevedra nestas datas, o "XIX Certame da Camelia". Nesta fin de semana, os especialistas e cultivadores presentarán as súas flores da Camelia para acadar algún dos moitos Premios que se entregarán nesta edición. Tamén nos imforma da próxima "XXXIII Festa das OSTRAS de Arcade", que cada ano se realiza a primeira fin de semana do mes de Abril. Outro grande acontecemento gastronómico declarado "Festa de Interese Turístico", un dos máis importantes deste molusco en Galicia.

Continuamos na segunda hora co noso correspondente en Monforte de Lemos, Xosé Manuel F. Montes, que sempre ten preparada a súa sección QUEN CHE PREGUNTOU?, cos Me ghusta e Non Me ghustan, nos que escolle as noticias que nos da a coñecer. Tamén nos deleita coa súa escolla do Refraneiro Popular e outras frases recollidas da cultura popular. Precisamente relacionadas con esta aportación envíanos a viñeta que compartimos con todos vosoutros.

Esta última intervención-entrevista é con dona ANA BUJÁN EIRIZ, Guía Oficial de Turismo Titulada. Dende a Ribeira Sacra, como Xerente do Hotel-Rural CASAL das BOUZAS - Os Peares -  infórmanos da súa disponibilidade para poder visitar esta zona galega de grande valor e riqueza, tanto gastronómica como de patrimonio histórico importantísimo. Agradecémoslle a súa amable atención e o convite para visitar a Ribeira Sacra.

E así transcurríu o programa de hoxe. A semana próxima voltaremos tentando facerlles pasar dúas horiñas tan amenas como as de hoxe. ¡Disfruten!

XOVES 14 de MARZO do 2019

Comezamos outro programa máis en galego, dándolles a ben-vinda e despois de escoitar unha peciña musical poñémonos en contacto con dona ISABEL CALVETE CARRERA, que nos fala da recente presentación da curtametraxe: Quijano o burro da escola. Unha obra que dirixiu o grande moi premiado director de cine Oliver Laxe. Fálanos das diferentes actividades que desenvolven cos alumnos do CEIP de Cervantes, que foron precisamente os mesmos que participaron nesta curtametraxe. Agradecémoslle a súa participación de hoxe.

Tamén continuamos a nosa emisión voltando novamente a aquelas terras para manter unha pequena conversa-entrevista con dona VANESA FERNÁNDEZ FERNÁNDEZ, autora do libro: "Aldeas e Vales da Serra de Ancares. O territorio desde dentro".  Fálanos desta publicación que presentou no salón de plenos do Concello de A Fonsagrada, e que ademais da asistencia de moito público, contou coa presenza de varios representantes políticos, posto que o encargado da súa publicación foi a Deputación de Lugo. Explicounos, polo miúdo, cómo redactou ese libro basado na súa Tese Doctoral. Próximamente tentaremos comunicarnos con ela para que nos dea máis detalles xa que aínda non se pode adquirir, pero nun plazo de dez días posiblemente poidamos indicar onde se pode atopar. 

Continuamos nesta segunda hora conectando co noso correspondente Xosé Manuel F. Montes, encargado da súa sección QUEN CHE PREGUNTOU? e que serve para amosarnos a súa visión das noticias cos Me Ghustan e Non Me Ghustan que el mesmo escolle detidamente. Tamén procura enviarnos a súa viñeta alusiva a algún contido do programa, e que nosoutros compartimos sempre.

A ultima intervención é a de dona FERNANDA FOLLANA NEIRA, correspondente nos Ancares que nos fai un percorrido moi axeitado para a realización de prácticas deportivas en bicicleta ou camiñando, por algún daqueles vales que denantes nos comentou Vanesa con bastante detalle. 

Agradecéndolle a colaboración de hoxe, despedímonos da nosa correspondente e tamén de tódolos nosos oíntes e seguidores, desexando que volvan a conectarse con nosoutros o próximo xoves á mesma hora. Seguro que teremos máis noticias, máis música e máis entrevistas para compartir.

XOVES 7 de MARZO do 2019

Outro programiña de dúas horas en galego, para disfrutar coa música galega, entrevistas e informacións diversas. Comezamos dándolles a ben-vinda e ofrecéndolles escoitar unha peciña musical interpretada pola cantautora M.J.Pérez. Precisamente conectamos con ela para que nos informe da súa traxectoria musical e creativa. Fálanos do seu traballo, dos seus CD (Ollos que non ven... síntoma de cegueira, Guerrilleira e Casandra), dos seus concertos... etcétera. Agradecémoslle a súa amable atención.

Falamos agora con Dani Domínguez, integrante do Fulión Tradicional do Entrudio de Manzaneda, concretamente do Fulión da Mourela pra acá. Unha festa declarada de interese turístico que ademais é unha das máis antigas de Galicia. Agradecémoslle a súa participación no noso programa de hoxe.

A sección do noso correspondente - Xosé Manuel F. Montes -  na capital da Ribeira Sacra, Monforte de Lemos, que ademais de comentar unha serie de cousas relacionadas co recentemente pasado Entroido en diversas localidades, tamén nos da cumprida información das diversas noticias escollidas nos seus "Me Ghustan e Non me Ghustan", finalizando coas propostas para esta fin de semana, a "XXXVII Feira do Viño en Chantada" e a "44 Festa do Queixo en Arzúa". Tamén nos enviará a súa creación en forma de viñeta, alusiva a algún tema do programa.

Como non podemos conectar con Oscar do Grupo "Os Xilgaros de Lugo", por mor da súa localización, que non nos é posible, comentamos algunha cousa relacionada con esta Asociación Cultural que se dedica a interpretar a nosa musica Tradicional Galega, ademais de impartir clases de pandeireta, gaitas e percusión... Noutra ocasión falaremos en directo con eles. Tamén nos referimos á "Cacholada" que se celebrará este domingo 10 de marzo no "Restaurante Los Ancares" de a rúa Robrenyo 74.78 de BCN, e á que poden apuntarse poñendose en contacto co Ubaldo Perez.

Agradecéndolles a súa escoita e seguimento despedímonos ate o vindeiro xoves á mesma hora. Que pasen unha feliz semana e volvan a sintonizarnos.

XOVES 28 de Febreiro do 2019

Comezamos o programa dándolles a ben-vinda a tódolos nosos oíntes e seguidores. Escoitamos unha peciña musical e conectamos con Galicia, concretamente coa Secretaria da Asociación de Filloas da Pedra de A Baña, dona Mónica, que nos fala da recente celebración da "XVI Festa da Filloa" os pasados días 23 e 24 de febreiro. Un acontecemento cheo de engado e moita Festa, que acompañaron cunha morea de asistentes, participacións de Grupos de baile e música tradicional xunto coa Grande Orquestra Charleston Big Band. Convídanos a que visitemos A Baña, para disfrutar da súa gastronomía, Patrimonio cultural e natureza fermosa. Agradecémosllelo.

A seguir, conectamos co Ilmo.Sr.Alcalde de Navia de Suarna, don José Fernández Fernández,  que nos fala da "XXIX Feira da Androlla" prevista para esta próxima fin de semana os días 2 e 3 de Marzo. Infórmanos das diversas actividades previstas. Tamén falamos con dona Paloma, unha das grandes elaboradoras artesanais dos productos que se servirán nesta Feira Naviega. Agradecémoslle a súa amable atención.

Continuamos o programa dándolle a ben-vinda a dona CARMEN QUINTEIRO, mestra e escritora de relatos curtos e poesía. Unha amena conversa cunha creadora Pontevedresa que nos amosa a súa faceta escritora coa que se sinte completamente realizada. Pronto sairá ao prelo un novo libro seu. Prometémonos voltar a comunicarnos con ela para comentar a súa publicación.

Despois falamos coa nosa correspondente nos Ancares, dona Fernanda Follana Neira, concretamente en Becerreá, onde se atopa, para que nos informe de varias noticias interesantes sobre aquela zona e tamén nos anima a visitar a páxina de David Ouro, un Ilustrador galego de grande prestixio.

A vindeira semana máis. Non deixen de sintonizarnos e que ¡Pasen unha feliz semana!

21 de FEBREIRO do 2019

Comezamos este programiña de radio ofrecéndolles escoitar a entrevista que nos concedeu o cantautor XABIER VIZCAÍNO, acompañado de Sofía. Estiveron nos estudios de Radio Sant Boi e falamos distendidamente sobre a súa traxectoria e a xira que lle fixo recalar en Hospitalet o sábado pasado, e hoxe mesmo atópase en Zaragoza, para continuar cos seus concertos e presentacións do ultimo CD : DIÁSPORA. Agradecémoslle a súa amable atención.

Despois continuamos o programa conectando con Galicia para falar con RUBÉN da "Casa Castelao" na Fonsagrada, que nos pon ao corrente da celebración da "XXII Feira do Butelo de Fonsagrada", prevista para esta próxima fin de semana, e na que teñen previsto asistir nada menos que 63 expositores de butelos e productos artesanais da zona. Agradecémoslle a súa participación no programa de hoxe.

Falamos agora co "Chef-Cociñeiro" Alfonso do Restaurante "Manuel Manuel" da capital amurallada de Galicia - Lugo - con quen comentamos varias das opcións gastronómicas que se poden degustar nesta época, nese Restaurante de grande prestixio. Desexámoslle que conitnúen con moitos éxitos.

Conversamos con Filo López, de Territorio Verde, que nos fala desa Asociación sen ánimo de lucro,  moi concienciada na posta en valor do Rural Galego. Tamén nos informa da celebración dunha actuación moi importante, prevista para o día 2 de marzo vindeiro en Creixido (Cervantes - Lugo). 

A sección QUEN CHE PREGUNTOU? a cargo do noso correspondente en Monforte de Lemos, XOSE MANUEL F. MONTES, comeza facendo un pequeno repaso aos moitos Entroidos aos que se pode asistir nestes días por aquelas contornas Ourensanas e Lucenses. Despois fai un repaso moi ilustrativo cos seus ME GHUSTAN  e NON Me Ghustan, moi interesantes. Tamén recollemos a súa aportación creativa alusiva precisamente a un dos temas tratados na conversa de hoxe.

E despedímonos escoitando unha peza musical proposta polo noso colaborador, alusiva a un dos productos galegos de calidade. ¡Que pasen unha feliz semana e desexamos que volvan a sintonizarnos.

XOVES 14 de FEBREIRO do 2019

Presidente de Asobecat, Juan Pedro Sánchez

Comezamos este programa dándolles a benvida e saudando a presencia do Presidente de ASOBECAT, don Juan Pedro Sánchez e, despois de escoitar unha peciña musical, falamos do "XVI Festival do Botillo en Cataluña", que organiza a Asociación de Bercianos no Hotel Front Air Congress de Sant Boi de Llobregat este vindeiro sábado 16. Coméntanos tódolos detalles desta celebración que xa conta con máis de 300 inscritos e que xa teñen o tiquet de asistencia.

Despois conectamos co Ilmo.Sr.Alcalde de Villafranca del Bierzo, que é o Concello homenaxeado neste "XVI Festival", don José Antonio Pereira Vega. Mantemos unha pequena conversa-entrevista na que nos fai un sucinto percorrido por esa localidade berciana, chea de encanto, que foi declarada como o pobo máis "Bello de Castilla y León" e que dende 1965 ostenta a declaración de Conxunto Histórico-Artístico. Parada imprescindible no Camiño de Santiago, chamada a "Pequena Compostela"... Felicitámolo e desexámoslle unha boa viaxe para asistir a esta celebración na que seguro saudará a moitísimos conveciños asistentes.

Continuamos na segunda hora conectando con Galicia para falar con MANOEL CARRETE, que nos pon ao corrente dos traballos que está a realizar para poñer en marcha o "Museo da Emigración" que estará ubicado no Pazo de Vilamarín (Ourense). Está a traballar na moitísima documentación que vai recollendo e inventariandoo todo. Tamén nos describe o labor que está a realizar en Castro Caldelas, a restauración dun Mosteiro, a inauguración dun Museo Antropolóxico e outras moitas cousas. Felicitámolo por ese labor tan importante e desexámoslle moitos éxitos.

Poñémonos en contacto con RICARD ROS, que nos informa do RUBRIFOLKUM, que se celebrará en Sant Boi por 9º ano consecutivo e que terá como estrela principal nos Concertos a Mercedes Peón, o Grupo Fanfarra e o Grupo Galego Caldo ademais do Grupo RIU no que participa el mesmo. Podedes recoller máis información de toda a programación prevista para os día 7, 8 e 9 de marzo, na súa páxina de facebook: Rubrifolkum.

Antes de finalizar comentamos algo máis sobre o Festival e atrevémonos a "ler" o poema "Miña casiña, meu lar". O día 24 de febreiro será o Día de Rosalía  e polo tanto convidamos a tódolos nosos oíntes e seguidores que celebren ese día de Rosalía tomando o "Caldo de Gloria" que describe moi ben a autora dese famoso poema, e que dende a Fundación Rosalía de Castro (en Padrón) veñen celebrando e propoñendo celebralo a tódolos galegos e non galegos, para commemorar ese día.

Pasen unha feliz semana!!! Nos voltaremos o vindeiro xoves á mesma hora, con máis novidades e máis Radio en Galego.